| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
(೧೦) ೫. ಉಪಾಲಿವಗ್ಗೋ
(10) 5. Upālivaggo
೧-೨. ಕಾಮಭೋಗೀಸುತ್ತಾದಿವಣ್ಣನಾ
1-2. Kāmabhogīsuttādivaṇṇanā
೯೧-೯೨. ಪಞ್ಚಮಸ್ಸ ಪಠಮೇ ಸಾಹಸೇನಾತಿ ಸಾಹಸಿಯಕಮ್ಮೇನ। ದುತಿಯೇ ಭಯಾನೀತಿ ಚಿತ್ತುತ್ರಾಸಭಯಾನಿ। ವೇರಾನೀತಿ ಅಕುಸಲವೇರಪುಗ್ಗಲವೇರಾನಿ। ಅರಿಯೋ ಚಸ್ಸ ಞಾಯೋತಿ ಸಹ ವಿಪಸ್ಸನಾಯ ಮಗ್ಗೋ। ಇತಿ ಇಮಸ್ಮಿಂ ಸತಿ ಇದಂ ಹೋತೀತಿ ಏವಂ ಇಮಸ್ಮಿಂ ಅವಿಜ್ಜಾದಿಕೇ ಕಾರಣೇ ಸತಿ ಇದಂ ಸಙ್ಖಾರಾದಿಕಂ ಫಲಂ ಹೋತಿ। ಇಮಸ್ಸುಪ್ಪಾದಾ ಇದಂ ಉಪ್ಪಜ್ಜತೀತಿ ಯೋ ಯಸ್ಸ ಸಹಜಾತಪಚ್ಚಯೋ ಹೋತಿ, ತಸ್ಸ ಉಪ್ಪಾದಾ ಇತರಂ ಉಪ್ಪಜ್ಜತಿ ನಾಮ। ಇಮಸ್ಮಿಂ ಅಸತೀತಿ ಅವಿಜ್ಜಾದಿಕೇ ಕಾರಣೇ ಅಸತಿ ಸಙ್ಖಾರಾದಿಕಂ ಫಲಂ ನ ಹೋತಿ। ಇಮಸ್ಸ ನಿರೋಧಾತಿ ಕಾರಣಸ್ಸ ಅಪ್ಪವತ್ತಿಯಾ ಫಲಸ್ಸ ಅಪ್ಪವತ್ತಿ ಹೋತಿ।
91-92. Pañcamassa paṭhame sāhasenāti sāhasiyakammena. Dutiye bhayānīti cittutrāsabhayāni. Verānīti akusalaverapuggalaverāni. Ariyo cassa ñāyoti saha vipassanāya maggo. Iti imasmiṃ sati idaṃ hotīti evaṃ imasmiṃ avijjādike kāraṇe sati idaṃ saṅkhārādikaṃ phalaṃ hoti. Imassuppādā idaṃ uppajjatīti yo yassa sahajātapaccayo hoti, tassa uppādā itaraṃ uppajjati nāma. Imasmiṃ asatīti avijjādike kāraṇe asati saṅkhārādikaṃ phalaṃ na hoti. Imassanirodhāti kāraṇassa appavattiyā phalassa appavatti hoti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೧. ಕಾಮಭೋಗೀಸುತ್ತಂ • 1. Kāmabhogīsuttaṃ
೨. ಭಯಸುತ್ತಂ • 2. Bhayasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೪. ಕಾಮಭೋಗೀಸುತ್ತಾದಿವಣ್ಣನಾ • 1-4. Kāmabhogīsuttādivaṇṇanā
