| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. காமபூ⁴ஸுத்தங்
6. Kāmabhūsuttaṃ
233. ஏகங் ஸமயங் ஆயஸ்மா ச ஆனந்தோ³ ஆயஸ்மா ச காமபூ⁴ கோஸம்பி³யங் விஹரந்தி கோ⁴ஸிதாராமே. அத² கோ² ஆயஸ்மா காமபூ⁴ ஸாயன்ஹஸமயங் படிஸல்லானா வுட்டி²தோ யேனாயஸ்மா ஆனந்தோ³ தேனுபஸங்கமி; உபஸங்கமித்வா ஆயஸ்மதா ஆனந்தே³ன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா காமபூ⁴ ஆயஸ்மந்தங் ஆனந்த³ங் ஏதத³வோச –
233. Ekaṃ samayaṃ āyasmā ca ānando āyasmā ca kāmabhū kosambiyaṃ viharanti ghositārāme. Atha kho āyasmā kāmabhū sāyanhasamayaṃ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā kāmabhū āyasmantaṃ ānandaṃ etadavoca –
‘‘கிங் நு கோ², ஆவுஸோ ஆனந்த³, சக்கு² ரூபானங் ஸங்யோஜனங், ரூபா சக்கு²ஸ்ஸ ஸங்யோஜனங்…பே॰… ஜிவ்ஹா ரஸானங் ஸங்யோஜனங், ரஸா ஜிவ்ஹாய ஸங்யோஜனங்…பே॰… மனோ த⁴ம்மானங் ஸங்யோஜனங், த⁴ம்மா மனஸ்ஸ ஸங்யோஜன’’ந்தி?
‘‘Kiṃ nu kho, āvuso ānanda, cakkhu rūpānaṃ saṃyojanaṃ, rūpā cakkhussa saṃyojanaṃ…pe… jivhā rasānaṃ saṃyojanaṃ, rasā jivhāya saṃyojanaṃ…pe… mano dhammānaṃ saṃyojanaṃ, dhammā manassa saṃyojana’’nti?
‘‘ந கோ², ஆவுஸோ காமபூ⁴ 1, சக்கு² ரூபானங் ஸங்யோஜனங், ந ரூபா சக்கு²ஸ்ஸ ஸங்யோஜனங். யஞ்ச தத்த² தது³ப⁴யங் படிச்ச உப்பஜ்ஜதி ச²ந்த³ராகோ³, தங் தத்த² ஸங்யோஜனங்…பே॰… ந ஜிவ்ஹா ரஸானங் ஸங்யோஜனங், ந ரஸா ஜிவ்ஹாய ஸங்யோஜனங்…பே॰… ந மனோ த⁴ம்மானங் ஸங்யோஜனங், ந த⁴ம்மா மனஸ்ஸ ஸங்யோஜனங். யஞ்ச தத்த² தது³ப⁴யங் படிச்ச உப்பஜ்ஜதி ச²ந்த³ராகோ³ தங் தத்த² ஸங்யோஜனங்.
‘‘Na kho, āvuso kāmabhū 2, cakkhu rūpānaṃ saṃyojanaṃ, na rūpā cakkhussa saṃyojanaṃ. Yañca tattha tadubhayaṃ paṭicca uppajjati chandarāgo, taṃ tattha saṃyojanaṃ…pe… na jivhā rasānaṃ saṃyojanaṃ, na rasā jivhāya saṃyojanaṃ…pe… na mano dhammānaṃ saṃyojanaṃ, na dhammā manassa saṃyojanaṃ. Yañca tattha tadubhayaṃ paṭicca uppajjati chandarāgo taṃ tattha saṃyojanaṃ.
‘‘ஸெய்யதா²பி , ஆவுஸோ, காளோ ச ப³லீப³த்³தோ³ ஓதா³தோ ச ப³லீப³த்³தோ³ ஏகேன தா³மேன வா யொத்தேன வா ஸங்யுத்தா அஸ்ஸு. யோ நு கோ² ஏவங் வதெ³ய்ய – ‘காளோ ப³லீப³த்³தோ³ ஓதா³தஸ்ஸ ப³லீப³த்³த³ஸ்ஸ ஸங்யோஜனங், ஓதா³தோ ப³லீப³த்³தோ³ காளஸ்ஸ ப³லீப³த்³த³ஸ்ஸ ஸங்யோஜன’ந்தி, ஸம்மா நு கோ² ஸோ வத³மானோ வதெ³ய்யா’’தி? ‘‘நோ ஹேதங், ஆவுஸோ’’. ‘‘ந கோ², ஆவுஸோ, காளோ ப³லீப³த்³தோ³ ஓதா³தஸ்ஸ ப³லீப³த்³த³ஸ்ஸ ஸங்யோஜனங், நபி ஓதா³தோ ப³லீப³த்³தோ³ காளஸ்ஸ ப³லீப³த்³த³ஸ்ஸ ஸங்யோஜனங். யேன ச கோ² தே ஏகேன தா³மேன வா யொத்தேன வா ஸங்யுத்தா, தங் தத்த² ஸங்யோஜனங். ஏவமேவ கோ² , ஆவுஸோ, ந சக்கு² ரூபானங் ஸங்யோஜனங், ந ரூபா சக்கு²ஸ்ஸ ஸங்யோஜனங்…பே॰… ந ஜிவ்ஹா…பே॰… ந மனோ…பே॰… யஞ்ச தத்த² தது³ப⁴யங் படிச்ச உப்பஜ்ஜதி ச²ந்த³ராகோ³, தங் தத்த² ஸங்யோஜன’’ந்தி. ச²ட்ட²ங்.
‘‘Seyyathāpi , āvuso, kāḷo ca balībaddo odāto ca balībaddo ekena dāmena vā yottena vā saṃyuttā assu. Yo nu kho evaṃ vadeyya – ‘kāḷo balībaddo odātassa balībaddassa saṃyojanaṃ, odāto balībaddo kāḷassa balībaddassa saṃyojana’nti, sammā nu kho so vadamāno vadeyyā’’ti? ‘‘No hetaṃ, āvuso’’. ‘‘Na kho, āvuso, kāḷo balībaddo odātassa balībaddassa saṃyojanaṃ, napi odāto balībaddo kāḷassa balībaddassa saṃyojanaṃ. Yena ca kho te ekena dāmena vā yottena vā saṃyuttā, taṃ tattha saṃyojanaṃ. Evameva kho , āvuso, na cakkhu rūpānaṃ saṃyojanaṃ, na rūpā cakkhussa saṃyojanaṃ…pe… na jivhā…pe… na mano…pe… yañca tattha tadubhayaṃ paṭicca uppajjati chandarāgo, taṃ tattha saṃyojana’’nti. Chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-6. கீ²ரருக்கோ²பமஸுத்தாதி³வண்ணனா • 4-6. Khīrarukkhopamasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-6. கீ²ரருக்கோ²பமஸுத்தாதி³வண்ணனா • 4-6. Khīrarukkhopamasuttādivaṇṇanā
