Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    6. гаамабхуусуд̇д̇ам̣

    6. Kāmabhūsuttaṃ

    233. згам̣ самаяам̣ ааяасмаа жа аананд̣̇о ааяасмаа жа гаамабхуу госамб̣ияам̣ вихаранд̇и гхосид̇аараамз. ат̇а ко ааяасмаа гаамабхуу сааяанхасамаяам̣ бадисаллаанаа вудтид̇о язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа гаамабхуу ааяасманд̇ам̣ аананд̣̇ам̣ зд̇ад̣̇авожа –

    233. Ekaṃ samayaṃ āyasmā ca ānando āyasmā ca kāmabhū kosambiyaṃ viharanti ghositārāme. Atha kho āyasmā kāmabhū sāyanhasamayaṃ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā kāmabhū āyasmantaṃ ānandaṃ etadavoca –

    ‘‘гим̣ ну ко, аавусо аананд̣̇а, жагку руубаанам̣ сам̣яож̇анам̣, руубаа жагкусса сам̣яож̇анам̣…бз… ж̇ивхаа расаанам̣ сам̣яож̇анам̣, расаа ж̇ивхааяа сам̣яож̇анам̣…бз… мано д̇хаммаанам̣ сам̣яож̇анам̣, д̇хаммаа манасса сам̣яож̇ана’’нд̇и?

    ‘‘Kiṃ nu kho, āvuso ānanda, cakkhu rūpānaṃ saṃyojanaṃ, rūpā cakkhussa saṃyojanaṃ…pe… jivhā rasānaṃ saṃyojanaṃ, rasā jivhāya saṃyojanaṃ…pe… mano dhammānaṃ saṃyojanaṃ, dhammā manassa saṃyojana’’nti?

    ‘‘на ко, аавусо гаамабхуу 1, жагку руубаанам̣ сам̣яож̇анам̣, на руубаа жагкусса сам̣яож̇анам̣. яан̃жа д̇ад̇т̇а д̇ад̣̇убхаяам̣ бадижжа уббаж̇ж̇ад̇и чанд̣̇арааг̇о, д̇ам̣ д̇ад̇т̇а сам̣яож̇анам̣…бз… на ж̇ивхаа расаанам̣ сам̣яож̇анам̣, на расаа ж̇ивхааяа сам̣яож̇анам̣…бз… на мано д̇хаммаанам̣ сам̣яож̇анам̣, на д̇хаммаа манасса сам̣яож̇анам̣. яан̃жа д̇ад̇т̇а д̇ад̣̇убхаяам̣ бадижжа уббаж̇ж̇ад̇и чанд̣̇арааг̇о д̇ам̣ д̇ад̇т̇а сам̣яож̇анам̣.

    ‘‘Na kho, āvuso kāmabhū 2, cakkhu rūpānaṃ saṃyojanaṃ, na rūpā cakkhussa saṃyojanaṃ. Yañca tattha tadubhayaṃ paṭicca uppajjati chandarāgo, taṃ tattha saṃyojanaṃ…pe… na jivhā rasānaṃ saṃyojanaṃ, na rasā jivhāya saṃyojanaṃ…pe… na mano dhammānaṃ saṃyojanaṃ, na dhammā manassa saṃyojanaṃ. Yañca tattha tadubhayaṃ paṭicca uppajjati chandarāgo taṃ tattha saṃyojanaṃ.

    ‘‘сзяяат̇ааби , аавусо, гаал̣о жа б̣алийб̣ад̣̇д̣̇о од̣̇аад̇о жа б̣алийб̣ад̣̇д̣̇о згзна д̣̇аамзна ваа яод̇д̇зна ваа сам̣яуд̇д̇аа ассу. яо ну ко звам̣ вад̣̇зяяа – ‘гаал̣о б̣алийб̣ад̣̇д̣̇о од̣̇аад̇асса б̣алийб̣ад̣̇д̣̇асса сам̣яож̇анам̣, од̣̇аад̇о б̣алийб̣ад̣̇д̣̇о гаал̣асса б̣алийб̣ад̣̇д̣̇асса сам̣яож̇ана’нд̇и, саммаа ну ко со вад̣̇амаано вад̣̇зяяаа’’д̇и? ‘‘но хзд̇ам̣, аавусо’’. ‘‘на ко, аавусо, гаал̣о б̣алийб̣ад̣̇д̣̇о од̣̇аад̇асса б̣алийб̣ад̣̇д̣̇асса сам̣яож̇анам̣, наби од̣̇аад̇о б̣алийб̣ад̣̇д̣̇о гаал̣асса б̣алийб̣ад̣̇д̣̇асса сам̣яож̇анам̣. язна жа ко д̇з згзна д̣̇аамзна ваа яод̇д̇зна ваа сам̣яуд̇д̇аа, д̇ам̣ д̇ад̇т̇а сам̣яож̇анам̣. звамзва ко , аавусо, на жагку руубаанам̣ сам̣яож̇анам̣, на руубаа жагкусса сам̣яож̇анам̣…бз… на ж̇ивхаа…бз… на мано…бз… яан̃жа д̇ад̇т̇а д̇ад̣̇убхаяам̣ бадижжа уббаж̇ж̇ад̇и чанд̣̇арааг̇о, д̇ам̣ д̇ад̇т̇а сам̣яож̇ана’’нд̇и. чадтам̣.

    ‘‘Seyyathāpi , āvuso, kāḷo ca balībaddo odāto ca balībaddo ekena dāmena vā yottena vā saṃyuttā assu. Yo nu kho evaṃ vadeyya – ‘kāḷo balībaddo odātassa balībaddassa saṃyojanaṃ, odāto balībaddo kāḷassa balībaddassa saṃyojana’nti, sammā nu kho so vadamāno vadeyyā’’ti? ‘‘No hetaṃ, āvuso’’. ‘‘Na kho, āvuso, kāḷo balībaddo odātassa balībaddassa saṃyojanaṃ, napi odāto balībaddo kāḷassa balībaddassa saṃyojanaṃ. Yena ca kho te ekena dāmena vā yottena vā saṃyuttā, taṃ tattha saṃyojanaṃ. Evameva kho , āvuso, na cakkhu rūpānaṃ saṃyojanaṃ, na rūpā cakkhussa saṃyojanaṃ…pe… na jivhā…pe… na mano…pe… yañca tattha tadubhayaṃ paṭicca uppajjati chandarāgo, taṃ tattha saṃyojana’’nti. Chaṭṭhaṃ.




    Next: 7. уд̣̇ааяийсуд̇д̇ам̣ • 7. Udāyīsuttaṃ




    Footnotes:
    1. гаамабху (сий.) мог̇г̇аллаанз 65-г̇з ваад̇и суд̇д̇ам̣ бассид̇аб̣б̣ам̣
    2. kāmabhu (sī.) moggallāne 65-ge vāti suttaṃ passitabbaṃ



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-6. кийраругкобамасуд̇д̇аад̣̇иван̣н̣анаа • 4-6. Khīrarukkhopamasuttādivaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-6. кийраругкобамасуд̇д̇аад̣̇иван̣н̣анаа • 4-6. Khīrarukkhopamasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact