| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. কামদসুত্তং
6. Kāmadasuttaṃ
৮৭. সাৰত্থিনিদানং । একমন্তং ঠিতো খো কামদো দেৰপুত্তো ভগৰন্তং এতদৰোচ – ‘‘দুক্করং ভগৰা, সুদুক্করং ভগৰা’’তি।
87. Sāvatthinidānaṃ . Ekamantaṃ ṭhito kho kāmado devaputto bhagavantaṃ etadavoca – ‘‘dukkaraṃ bhagavā, sudukkaraṃ bhagavā’’ti.
‘‘দুক্করং ৰাপি করোন্তি (কামদাতি ভগৰা),
‘‘Dukkaraṃ vāpi karonti (kāmadāti bhagavā),
সেখা সীলসমাহিতা।
Sekhā sīlasamāhitā;
ঠিতত্তা অনগারিযুপেতস্স,
Ṭhitattā anagāriyupetassa,
তুট্ঠি হোতি সুখাৰহা’’তি॥
Tuṭṭhi hoti sukhāvahā’’ti.
‘‘দুল্লভা ভগৰা যদিদং তুট্ঠী’’তি।
‘‘Dullabhā bhagavā yadidaṃ tuṭṭhī’’ti.
‘‘দুল্লভং ৰাপি লভন্ত্ন্ত্তি (কামদাতি ভগৰা),
‘‘Dullabhaṃ vāpi labhantntti (kāmadāti bhagavā),
চিত্তৰূপসমে রতা।
Cittavūpasame ratā;
যেসং দিৰা চ রত্তো চ,
Yesaṃ divā ca ratto ca,
ভাৰনায রতো মনো’’তি॥
Bhāvanāya rato mano’’ti.
‘‘দুস্সমাদহং ভগৰা যদিদং চিত্ত’’ন্তি।
‘‘Dussamādahaṃ bhagavā yadidaṃ citta’’nti.
‘‘দুস্সমাদহং ৰাপি সমাদহন্ত্ন্ত্তি (কামদাতি ভগৰা),
‘‘Dussamādahaṃ vāpi samādahantntti (kāmadāti bhagavā),
ইন্দ্রিযূপসমে রতা।
Indriyūpasame ratā;
তে ছেত্ৰা মচ্চুনো জালং,
Te chetvā maccuno jālaṃ,
অরিযা গচ্ছন্তি কামদা’’তি॥
Ariyā gacchanti kāmadā’’ti.
‘‘দুগ্গমো ভগৰা ৰিসমো মগ্গো’’তি।
‘‘Duggamo bhagavā visamo maggo’’ti.
‘‘দুগ্গমে ৰিসমে ৰাপি, অরিযা গচ্ছন্তি কামদ।
‘‘Duggame visame vāpi, ariyā gacchanti kāmada;
অনরিযা ৰিসমে মগ্গে, পপতন্তি অৰংসিরা।
Anariyā visame magge, papatanti avaṃsirā;
অরিযানং সমো মগ্গো, অরিযা হি ৰিসমে সমা’’তি॥
Ariyānaṃ samo maggo, ariyā hi visame samā’’ti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. কামদসুত্তৰণ্ণনা • 6. Kāmadasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. কামদসুত্তৰণ্ণনা • 6. Kāmadasuttavaṇṇanā
