| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๖. กามทสุตฺตํ
6. Kāmadasuttaṃ
๘๗. สาวตฺถินิทานํ ฯ เอกมนฺตํ ฐิโต โข กามโท เทวปุโตฺต ภควนฺตํ เอตทโวจ – ‘‘ทุกฺกรํ ภควา, สุทุกฺกรํ ภควา’’ติฯ
87. Sāvatthinidānaṃ . Ekamantaṃ ṭhito kho kāmado devaputto bhagavantaṃ etadavoca – ‘‘dukkaraṃ bhagavā, sudukkaraṃ bhagavā’’ti.
‘‘ทุกฺกรํ วาปิ กโรนฺติ (กามทาติ ภควา),
‘‘Dukkaraṃ vāpi karonti (kāmadāti bhagavā),
เสขา สีลสมาหิตา;
Sekhā sīlasamāhitā;
ฐิตตฺตา อนคาริยุเปตสฺส,
Ṭhitattā anagāriyupetassa,
ตุฎฺฐิ โหติ สุขาวหา’’ติฯ
Tuṭṭhi hoti sukhāvahā’’ti.
‘‘ทุลฺลภา ภควา ยทิทํ ตุฎฺฐี’’ติฯ
‘‘Dullabhā bhagavā yadidaṃ tuṭṭhī’’ti.
‘‘ทุลฺลภํ วาปิ ลภนฺตฺนฺตฺติ (กามทาติ ภควา),
‘‘Dullabhaṃ vāpi labhantntti (kāmadāti bhagavā),
จิตฺตวูปสเม รตา;
Cittavūpasame ratā;
เยสํ ทิวา จ รโตฺต จ,
Yesaṃ divā ca ratto ca,
ภาวนาย รโต มโน’’ติฯ
Bhāvanāya rato mano’’ti.
‘‘ทุสฺสมาทหํ ภควา ยทิทํ จิตฺต’’นฺติฯ
‘‘Dussamādahaṃ bhagavā yadidaṃ citta’’nti.
‘‘ทุสฺสมาทหํ วาปิ สมาทหนฺตฺนฺตฺติ (กามทาติ ภควา),
‘‘Dussamādahaṃ vāpi samādahantntti (kāmadāti bhagavā),
อินฺทฺริยูปสเม รตา;
Indriyūpasame ratā;
เต เฉตฺวา มจฺจุโน ชาลํ,
Te chetvā maccuno jālaṃ,
อริยา คจฺฉนฺติ กามทา’’ติฯ
Ariyā gacchanti kāmadā’’ti.
‘‘ทุคฺคโม ภควา วิสโม มโคฺค’’ติฯ
‘‘Duggamo bhagavā visamo maggo’’ti.
‘‘ทุคฺคเม วิสเม วาปิ, อริยา คจฺฉนฺติ กามท;
‘‘Duggame visame vāpi, ariyā gacchanti kāmada;
อนริยา วิสเม มเคฺค, ปปตนฺติ อวํสิรา;
Anariyā visame magge, papatanti avaṃsirā;
อริยานํ สโม มโคฺค, อริยา หิ วิสเม สมา’’ติฯ
Ariyānaṃ samo maggo, ariyā hi visame samā’’ti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. กามทสุตฺตวณฺณนา • 6. Kāmadasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. กามทสุตฺตวณฺณนา • 6. Kāmadasuttavaṇṇanā
