| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. гаамад̣̇асуд̇д̇аван̣н̣анаа
6. Kāmadasuttavaṇṇanā
87. чадтз д̣̇уггаранд̇и аяам̣ гира д̣̇звабуд̇д̇о буб̣б̣аяог̇ааважаро б̣ахалагилзсад̇ааяа саббаяог̇зна гилзсз вигкамбхзнд̇о саман̣ад̇хаммам̣ гад̇ваа буб̣б̣уубаниссаяаманд̣̇ад̇ааяа арияабхуумим̣ аббад̇ваава гаалам̣ гад̇ваа д̣̇звалогз ниб̣б̣ад̇д̇о. со ‘‘д̇ат̇ааг̇ад̇асса санд̇игам̣ г̇анд̇ваа д̣̇уггарабхаавам̣ аарожзссаамий’’д̇и ааг̇анд̇ваа звамааха. д̇ад̇т̇а д̣̇уггаранд̇и д̣̇асаби вассаани…бз… садтиби яад̣̇зд̇ам̣ зганд̇абарисуд̣̇д̇хасса саман̣ад̇хаммасса гаран̣ам̣ наама, д̇ам̣ д̣̇уггарам̣. сзкаад̇и сад̇д̇а сзкаа. сийласамаахид̇аад̇и сийлзна самаахид̇аа самубзд̇аа. тид̇ад̇д̇аад̇и бад̇идтид̇асабхааваа. звам̣ бужчид̇абан̃хам̣ виссаж̇ж̇зд̇ваа ид̣̇аани убарибан̃хасамудтаабанад̇т̇ам̣ анаг̇аарияубзд̇ассаад̇иаад̣̇имааха. д̇ад̇т̇а анаг̇аарияубзд̇ассаад̇и анаг̇аарияам̣ ниг̇г̇зхабхаавам̣ убзд̇асса. сад̇д̇абхуумигзби хи баасаад̣̇з васанд̇о бхигку вуд̣дхад̇арзна ааг̇анд̇ваа ‘‘маяхам̣ ид̣̇ам̣ баабун̣аад̇ий’’д̇и вуд̇д̇з бад̇д̇ажийварам̣ аад̣̇ааяа нигкамад̇зва. д̇асмаа ‘‘анаг̇аарияубзд̇о’’д̇и вужжад̇и. д̇удтийд̇и жад̇убажжаяасанд̇осо. бхааванааяаад̇и жид̇д̇авуубасамабхааванааяа.
87. Chaṭṭhe dukkaranti ayaṃ kira devaputto pubbayogāvacaro bahalakilesatāya sappayogena kilese vikkhambhento samaṇadhammaṃ katvā pubbūpanissayamandatāya ariyabhūmiṃ appatvāva kālaṃ katvā devaloke nibbatto. So ‘‘tathāgatassa santikaṃ gantvā dukkarabhāvaṃ ārocessāmī’’ti āgantvā evamāha. Tattha dukkaranti dasapi vassāni…pe… saṭṭhipi yadetaṃ ekantaparisuddhassa samaṇadhammassa karaṇaṃ nāma, taṃ dukkaraṃ. Sekhāti satta sekhā. Sīlasamāhitāti sīlena samāhitā samupetā. Ṭhitattāti patiṭṭhitasabhāvā. Evaṃ pucchitapañhaṃ vissajjetvā idāni uparipañhasamuṭṭhāpanatthaṃ anagāriyupetassātiādimāha. Tattha anagāriyupetassāti anagāriyaṃ niggehabhāvaṃ upetassa. Sattabhūmikepi hi pāsāde vasanto bhikkhu vuḍḍhatarena āgantvā ‘‘mayhaṃ idaṃ pāpuṇātī’’ti vutte pattacīvaraṃ ādāya nikkhamateva. Tasmā ‘‘anagāriyupeto’’ti vuccati. Tuṭṭhīti catupaccayasantoso. Bhāvanāyāti cittavūpasamabhāvanāya.
д̇з чзд̇ваа мажжуно ж̇ааланд̇и яз рад̇д̇инд̣̇ивам̣ инд̣̇рияуубасамз рад̇аа, д̇з д̣̇уссамаад̣̇ахам̣ жид̇д̇ам̣ самаад̣̇аханд̇и. яз жа самаахид̇ажид̇д̇аа, д̇з жад̇убажжаяасанд̇осам̣ буурзнд̇аа на гиламанд̇и. яз санд̇удтаа, д̇з сийлам̣ буурзнд̇аа на гиламанд̇и . яз сийлз бад̇идтид̇аа сад̇д̇а сзкаа, д̇з арияаа мажжуно ж̇ааласан̇каад̇ам̣ гилзсаж̇аалам̣ чинд̣̇ид̇ваа г̇ажчанд̇и. д̣̇уг̇г̇амод̇и ‘‘сажжамзд̇ам̣, бханд̇з, яз инд̣̇рияуубасамз рад̇аа, д̇з д̣̇уссамаад̣̇ахам̣ самаад̣̇аханд̇и…бз… яз сийлз бад̇идтид̇аа, д̇з мажжуно ж̇аалам̣ чинд̣̇ид̇ваа г̇ажчанд̇и’’. гим̣ на г̇ажчиссанд̇и? аяам̣ бана д̣̇уг̇г̇амо бхаг̇аваа висамо маг̇г̇од̇и ааха. д̇ад̇т̇а гин̃жааби арияамаг̇г̇о нзва д̣̇уг̇г̇амо на висамо, буб̣б̣абхааг̇абадибад̣̇ааяа банасса б̣ахуу бариссаяаа хонд̇и. д̇асмаа звам̣ вуд̇д̇о. авам̣сираад̇и н̃аан̣асирзна ад̇хосираа худ̇ваа бабад̇анд̇и. арияамаг̇г̇ам̣ аарохид̇ум̣ асамад̇т̇ад̇ааязва жа д̇з анарияамаг̇г̇з бабад̇анд̇ийд̇и жа вужжанд̇и. арияаанам̣ само маг̇г̇од̇и свзва маг̇г̇о арияаанам̣ само ход̇и. висамз самаад̇и висамзби сад̇д̇агааяз самааязва. чадтам̣.
Te chetvā maccuno jālanti ye rattindivaṃ indriyūpasame ratā, te dussamādahaṃ cittaṃ samādahanti. Ye ca samāhitacittā, te catupaccayasantosaṃ pūrentā na kilamanti. Ye santuṭṭhā, te sīlaṃ pūrentā na kilamanti . Ye sīle patiṭṭhitā satta sekhā, te ariyā maccuno jālasaṅkhātaṃ kilesajālaṃ chinditvā gacchanti. Duggamoti ‘‘saccametaṃ, bhante, ye indriyūpasame ratā, te dussamādahaṃ samādahanti…pe… ye sīle patiṭṭhitā, te maccuno jālaṃ chinditvā gacchanti’’. Kiṃ na gacchissanti? Ayaṃ pana duggamo bhagavā visamo maggoti āha. Tattha kiñcāpi ariyamaggo neva duggamo na visamo, pubbabhāgapaṭipadāya panassa bahū parissayā honti. Tasmā evaṃ vutto. Avaṃsirāti ñāṇasirena adhosirā hutvā papatanti. Ariyamaggaṃ ārohituṃ asamatthatāyeva ca te anariyamagge papatantīti ca vuccanti. Ariyānaṃ samo maggoti sveva maggo ariyānaṃ samo hoti. Visame samāti visamepi sattakāye samāyeva. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. гаамад̣̇асуд̇д̇ам̣ • 6. Kāmadasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. гаамад̣̇асуд̇д̇аван̣н̣анаа • 6. Kāmadasuttavaṇṇanā
