| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. гаамад̣̇асуд̇д̇аван̣н̣анаа
6. Kāmadasuttavaṇṇanā
87. буб̣б̣аяог̇ааважарод̇и буб̣б̣з яог̇ааважаро буримад̇д̇абхаавз бхааванамануяуд̇д̇о. аяам̣ гира гассабасса бхаг̇авад̇о саасанз баб̣б̣аж̇ид̇ваава б̣ахууни вассасахассаани саман̣ад̇хаммам̣ агааси, на бана висзсам̣ ниб̣б̣ад̇д̇зси. д̇амад̇т̇ам̣ гааран̣зна сад̣̇д̇хим̣ д̣̇ассзд̇ум̣ ‘‘б̣ахалагилзсад̇ааяаа’’д̇иаад̣̇и вуд̇д̇ам̣. зганд̇абарисуд̣̇д̇хассаад̇и яат̇аа висзсаавахо ход̇и , звам̣ зганд̇зна барисуд̣̇д̇хасса саб̣б̣асо анубаггилидтасса. сийлзна самаахид̇аад̇и яат̇аа сийлам̣ убаруубари висзсаавахам̣ ниб̣б̣зд̇хабхааг̇ияан̃жа ход̇и, звам̣ саммад̣̇зва аахид̇ажид̇д̇аа судту самбаннажид̇д̇аа. д̇ат̇аабхууд̇аа д̇зна саманнааг̇ад̇аа хонд̇ийд̇и ааха ‘‘самубзд̇аа’’д̇и. бад̇идтид̇асабхааваад̇и сзгкад̇д̇аа зва яат̇аад̇хиг̇ад̇ад̇хаммзна нижжалабхаавзна ад̇хидтид̇асабхааваа. маяаа д̇удтияаа г̇ахид̇ааяа д̣̇звабуд̇д̇о ‘‘д̣̇уллабхаа д̇удтий’’д̇и вагкад̇ийд̇и бхаг̇аваа ‘‘д̇удти ход̇и сукаавахаа’’д̇и авожаад̇и ааха ‘‘убари бан̃хасамудтаабанад̇т̇а’’нд̇и. баб̣б̣аж̇ид̇о ругкамуулиго аб̣бхогаасиго ваа анаг̇аарияубзд̇о наама ход̇и, сзнаасанз бана васанд̇о гат̇анд̇и ааха ‘‘сад̇д̇абхуумигз’’д̇иаад̣̇и. жад̇убажжаяасанд̇осод̇и бхааванаабхияог̇асид̣̇д̇хо жад̇уусу бажжаязсу санд̇осо. д̇зна жид̇д̇авуубасамзна д̇удти лад̣̇д̇хаад̇и д̣̇ассзд̇и. жид̇д̇авуубасамабхааванааяаад̇и жид̇д̇агилзсаанам̣ вуубасамагарабхааванааяа, манажчадтаанам̣ инд̣̇рияаанам̣ ниб̣б̣исзванабхаавагаран̣зна сависзсам̣ жид̇д̇асса вуубасамагарабхааванааяа рад̇о манод̇и яож̇анаа.
87.Pubbayogāvacaroti pubbe yogāvacaro purimattabhāve bhāvanamanuyutto. Ayaṃ kira kassapassa bhagavato sāsane pabbajitvāva bahūni vassasahassāni samaṇadhammaṃ akāsi, na pana visesaṃ nibbattesi. Tamatthaṃ kāraṇena saddhiṃ dassetuṃ ‘‘bahalakilesatāyā’’tiādi vuttaṃ. Ekantaparisuddhassāti yathā visesāvaho hoti , evaṃ ekantena parisuddhassa sabbaso anupakkiliṭṭhassa. Sīlena samāhitāti yathā sīlaṃ uparūpari visesāvahaṃ nibbedhabhāgiyañca hoti, evaṃ sammadeva āhitacittā suṭṭhu sampannacittā. Tathābhūtā tena samannāgatā hontīti āha ‘‘samupetā’’ti. Patiṭṭhitasabhāvāti sekkhattā eva yathādhigatadhammena niccalabhāvena adhiṭṭhitasabhāvā. Mayā tuṭṭhiyā gahitāya devaputto ‘‘dullabhā tuṭṭhī’’ti vakkhatīti bhagavā ‘‘tuṭṭhi hoti sukhāvahā’’ti avocāti āha ‘‘upari pañhasamuṭṭhāpanattha’’nti. Pabbajito rukkhamūliko abbhokāsiko vā anagāriyupeto nāma hoti, senāsane pana vasanto kathanti āha ‘‘sattabhūmike’’tiādi. Catupaccayasantosoti bhāvanābhiyogasiddho catūsu paccayesu santoso. Tena cittavūpasamena tuṭṭhi laddhāti dasseti. Cittavūpasamabhāvanāyāti cittakilesānaṃ vūpasamakarabhāvanāya, manacchaṭṭhānaṃ indriyānaṃ nibbisevanabhāvakaraṇena savisesaṃ cittassa vūpasamakarabhāvanāya rato manoti yojanā.
зд̇т̇а жа инд̣̇рияуубасамзна жид̇д̇асамаад̇хаанам̣ барибун̣н̣ам̣ ход̇и инд̣̇рияабхааванааяа жид̇д̇асамаад̇хаанасса агаарагаанам̣ д̣̇уурийгаран̣ад̇о. ад̇хижид̇д̇асамаад̇хаанзна жад̇убажжаяасанд̇осо сависзсам̣ барисуд̣̇д̇хо барибун̣н̣о жа ход̇и бажжаяаанам̣ алаабхалаабхзсу барижжааг̇асабхаавад̇о. вуд̇д̇анаязна бана санд̇удтасса яат̇аасамаад̣̇иннам̣ сийлам̣ висуж̇жхад̇и баарибуурин̃жа убаг̇ажчад̇и, д̇ат̇аабхууд̇о жад̇усажжагаммадтаанз яуд̇д̇о маг̇г̇абадибаадияаа саб̣б̣асо гилзсз самужчинд̣̇анд̇о ниб̣б̣аанад̣̇идто ход̇ийд̇и имамад̇т̇ам̣ д̣̇ассзд̇и ‘‘яз рад̇д̇инд̣̇ива’’нд̇иаад̣̇инаа. гим̣ на г̇ажчиссанд̇и? г̇амиссанд̇зваад̇и арияамаг̇г̇абхааванам̣ бахааяа саммаабадибад̇д̇ияаа д̣̇уггарабхаавам̣ санд̇хааяа саасан̇гам̣ вад̣̇ад̇и. д̇знааха ‘‘аяам̣ бана д̣̇уг̇г̇амо бхаг̇аваа висамо маг̇г̇о’’д̇и.
Ettha ca indriyūpasamena cittasamādhānaṃ paripuṇṇaṃ hoti indriyabhāvanāya cittasamādhānassa akārakānaṃ dūrīkaraṇato. Adhicittasamādhānena catupaccayasantoso savisesaṃ parisuddho paripuṇṇo ca hoti paccayānaṃ alābhalābhesu pariccāgasabhāvato. Vuttanayena pana santuṭṭhassa yathāsamādinnaṃ sīlaṃ visujjhati pāripūriñca upagacchati, tathābhūto catusaccakammaṭṭhāne yutto maggapaṭipāṭiyā sabbaso kilese samucchindanto nibbānadiṭṭho hotīti imamatthaṃ dasseti ‘‘ye rattindiva’’ntiādinā. Kiṃ na gacchissanti? Gamissantevāti ariyamaggabhāvanaṃ pahāya sammāpaṭipattiyā dukkarabhāvaṃ sandhāya sāsaṅkaṃ vadati. Tenāha ‘‘ayaṃ pana duggamo bhagavā visamo maggo’’ti.
д̇ад̇т̇а гзжи ‘‘аяам̣ банаад̇и д̣̇звабуд̇д̇о. со хи бхаг̇авад̇о ‘арияаа г̇ажчанд̇ий’д̇и важанам̣ суд̇ваа ‘д̣̇уг̇г̇амо бхаг̇аваа’д̇иаад̣̇имаахаа’’д̇и вад̣̇анд̇и, д̇ам̣ на яуж̇ж̇ад̇и. яасмаа ‘‘сажжамзд̇а’’нд̇и звамаад̣̇иби д̇ассзва взважанам̣ гад̇ваа д̣̇ассид̇ам̣, д̇асмаа ‘‘язна маг̇г̇зна арияаа г̇ажчанд̇ий’’д̇и д̇умхзхи вуд̇д̇ам̣, аяам̣ бана ‘‘д̣̇уг̇г̇амо бхаг̇аваа висамо маг̇г̇о’’д̇и ааха д̣̇звабуд̇д̇о. арияамаг̇г̇о гаамам̣ гад̣̇аажи ад̇ид̣̇угкаа бадибад̣̇аад̇иби вужжад̇и, д̇ан̃жа ко буб̣б̣абхааг̇абадибад̣̇аавасзна, аяам̣ бана ад̇ийва суг̇амо саб̣б̣агилзсад̣̇уг̇г̇авиваж̇ж̇анад̇о гааяад̣̇ужжарид̇аад̣̇ивисамасса рааг̇аад̣̇ивисамасса жа д̣̇уурийгаран̣ад̇о на висамо. д̇знааха ‘‘буб̣б̣абхааг̇абадибад̣̇ааяаа’’д̇иаад̣̇и. ассаад̇и арияамаг̇г̇асса. арияамаг̇г̇асса хи ад̇хисийласигкаад̣̇ийнам̣ бариб̣унд̇хид̇аб̣б̣абхааг̇зна б̣ахуу бариссаяаа хонд̇ийд̇и. звам̣ вуд̇д̇од̇и ‘‘д̣̇уг̇г̇амо висамо’’д̇и жа звам̣ вуд̇д̇о.
Tattha keci ‘‘ayaṃ panāti devaputto. So hi bhagavato ‘ariyā gacchantī’ti vacanaṃ sutvā ‘duggamo bhagavā’tiādimāhā’’ti vadanti, taṃ na yujjati. Yasmā ‘‘saccameta’’nti evamādipi tasseva vevacanaṃ katvā dassitaṃ, tasmā ‘‘yena maggena ariyā gacchantī’’ti tumhehi vuttaṃ, ayaṃ pana ‘‘duggamo bhagavā visamo maggo’’ti āha devaputto. Ariyamaggo kāmaṃ kadāci atidukkhā paṭipadātipi vuccati, tañca kho pubbabhāgapaṭipadāvasena, ayaṃ pana atīva sugamo sabbakilesaduggavivajjanato kāyaduccaritādivisamassa rāgādivisamassa ca dūrīkaraṇato na visamo. Tenāha ‘‘pubbabhāgapaṭipadāyā’’tiādi. Assāti ariyamaggassa. Ariyamaggassa hi adhisīlasikkhādīnaṃ paribundhitabbabhāgena bahū parissayā hontīti. Evaṃ vuttoti ‘‘duggamo visamo’’ti ca evaṃ vutto.
авам̣сираад̇и анудтаханзна ад̇хобхууд̇ауд̇д̇аман̇г̇аа. гусалан̇г̇зсу хи саммаад̣̇идти уд̇д̇аман̇г̇аа саб̣б̣асздтад̇д̇аа , д̇ан̃жа анарияаа бад̇анд̇и на удтаханд̇и мижчаабадибаж̇ж̇анад̇о. д̇знааха ‘‘н̃аан̣асирзнаа’’д̇иаад̣̇и. анарияамаг̇г̇зд̇и мижчаамаг̇г̇з. д̇знааха ‘‘висамз маг̇г̇з’’д̇и. д̇ам̣ маг̇г̇анад̇о анарияаа арияаанам̣ маг̇г̇ад̇о абаабун̣анзна барижжад̇д̇аа худ̇ваа абааяз сагалаваддад̣̇угкз жа бад̇анд̇и. свзваад̇и свааяам̣ анариязхи гад̣̇аажиби г̇анд̇ум̣ асаггун̣зяяо маг̇г̇о арияаанам̣ висуд̣̇д̇хасад̇д̇аанам̣ саб̣б̣асо самад̇хиг̇амзна само ход̇и. гааяависамаад̣̇ийхи саманнааг̇ад̇ад̇д̇аа висамз сад̇д̇агааяз д̇зсам̣ саб̣б̣асова бахаанзна саб̣б̣ад̇т̇а самааязва.
Avaṃsirāti anuṭṭhahanena adhobhūtauttamaṅgā. Kusalaṅgesu hi sammādiṭṭhi uttamaṅgā sabbaseṭṭhattā , tañca anariyā patanti na uṭṭhahanti micchāpaṭipajjanato. Tenāha ‘‘ñāṇasirenā’’tiādi. Anariyamaggeti micchāmagge. Tenāha ‘‘visame magge’’ti. Taṃ magganato anariyā ariyānaṃ maggato apāpuṇanena pariccattā hutvā apāye sakalavaṭṭadukkhe ca patanti. Svevāti svāyaṃ anariyehi kadācipi gantuṃ asakkuṇeyyo maggo ariyānaṃ visuddhasattānaṃ sabbaso samadhigamena samo hoti. Kāyavisamādīhi samannāgatattā visame sattakāye tesaṃ sabbasova pahānena sabbattha samāyeva.
гаамад̣̇асуд̇д̇аван̣н̣анаа нидтид̇аа.
Kāmadasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. гаамад̣̇асуд̇д̇ам̣ • 6. Kāmadasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. гаамад̣̇асуд̇д̇аван̣н̣анаа • 6. Kāmadasuttavaṇṇanā
