| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. гаамаг̇ун̣асуд̇д̇ам̣
4. Kāmaguṇasuttaṃ
117. ‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘язмз бан̃жа гаамаг̇ун̣аа жзд̇асо сампудтабуб̣б̣аа ад̇ийд̇аа нируд̣̇д̇хаа вибарин̣ад̇аа, д̇ад̇ра мз жид̇д̇ам̣ б̣ахулам̣ г̇ажчамаанам̣ г̇ажчзяяа бажжуббаннзсу ваа аббам̣ ваа анааг̇ад̇зсу’. д̇асса маяхам̣, бхигкавз, зд̇ад̣̇ахоси – ‘язмз бан̃жа гаамаг̇ун̣аа жзд̇асо сампудтабуб̣б̣аа ад̇ийд̇аа нируд̣̇д̇хаа вибарин̣ад̇аа, д̇ад̇ра мз ад̇д̇аруубзна аббамаад̣̇о сад̇и жзд̇асо аарагко гаран̣ийяо’. д̇асмаад̇иха, бхигкавз, д̇умхаагамби яз д̇з бан̃жа гаамаг̇ун̣аа жзд̇асо сампудтабуб̣б̣аа ад̇ийд̇аа нируд̣̇д̇хаа вибарин̣ад̇аа, д̇ад̇ра во жид̇д̇ам̣ б̣ахулам̣ г̇ажчамаанам̣ г̇ажчзяяа бажжуббаннзсу ваа аббам̣ ваа анааг̇ад̇зсу. д̇асмаад̇иха, бхигкавз, д̇умхаагамби яз д̇з бан̃жа гаамаг̇ун̣аа жзд̇асо сампудтабуб̣б̣аа ад̇ийд̇аа нируд̣̇д̇хаа вибарин̣ад̇аа, д̇ад̇ра во ад̇д̇аруубзхи аббамаад̣̇о сад̇и жзд̇асо аарагко гаран̣ийяо. д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а ж̇ивхаа жа нируж̇жхад̇и, расасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’’д̇и. ид̣̇ам̣ вад̇ваа бхаг̇аваа удтааяаасанаа вихаарам̣ баависи.
117. ‘‘Pubbeva me, bhikkhave, sambodhā anabhisambuddhassa bodhisattasseva sato etadahosi – ‘yeme pañca kāmaguṇā cetaso samphuṭṭhapubbā atītā niruddhā vipariṇatā, tatra me cittaṃ bahulaṃ gacchamānaṃ gaccheyya paccuppannesu vā appaṃ vā anāgatesu’. Tassa mayhaṃ, bhikkhave, etadahosi – ‘yeme pañca kāmaguṇā cetaso samphuṭṭhapubbā atītā niruddhā vipariṇatā, tatra me attarūpena appamādo sati cetaso ārakkho karaṇīyo’. Tasmātiha, bhikkhave, tumhākampi ye te pañca kāmaguṇā cetaso samphuṭṭhapubbā atītā niruddhā vipariṇatā, tatra vo cittaṃ bahulaṃ gacchamānaṃ gaccheyya paccuppannesu vā appaṃ vā anāgatesu. Tasmātiha, bhikkhave, tumhākampi ye te pañca kāmaguṇā cetaso samphuṭṭhapubbā atītā niruddhā vipariṇatā, tatra vo attarūpehi appamādo sati cetaso ārakkho karaṇīyo. Tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha jivhā ca nirujjhati, rasasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’’ti. Idaṃ vatvā bhagavā uṭṭhāyāsanā vihāraṃ pāvisi.
ат̇а ко д̇зсам̣ бхигкуунам̣ ажирабагганд̇асса бхаг̇авад̇о зд̇ад̣̇ахоси – ‘‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а ж̇ивхаа жа нируж̇жхад̇и, расасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’’д̇и?
Atha kho tesaṃ bhikkhūnaṃ acirapakkantassa bhagavato etadahosi – ‘‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha jivhā ca nirujjhati, rasasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’’ti?
ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко ааяасмаа аананд̣̇о сад̇т̇у жзва сам̣ван̣н̣ид̇о, самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа аананд̣̇о д̇знубасан̇гамзяяаама; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчзяяаамаа’’д̇и.
Atha kho tesaṃ bhikkhūnaṃ etadahosi – ‘‘ayaṃ kho āyasmā ānando satthu ceva saṃvaṇṇito, sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā ānando tenupasaṅkameyyāma; upasaṅkamitvā āyasmantaṃ ānandaṃ etamatthaṃ paṭipuccheyyāmā’’ti.
ат̇а ко д̇з бхигкуу язнааяасмаа аананд̣̇о д̇знубасан̇гамим̣су; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇им̣су . саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ аананд̣̇ам̣ зд̇ад̣̇авожум̣ –
Atha kho te bhikkhū yenāyasmā ānando tenupasaṅkamiṃsu; upasaṅkamitvā āyasmatā ānandena saddhiṃ sammodiṃsu . Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ ānandaṃ etadavocuṃ –
‘‘ид̣̇ам̣ ко но, аавусо аананд̣̇а, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а ж̇ивхаа жа нируж̇жхад̇и , расасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. д̇зсам̣ но, аавусо, амхаагам̣ ажирабагганд̇асса бхаг̇авад̇о зд̇ад̣̇ахоси – ‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а ж̇ивхаа жа нируж̇жхад̇и, расасан̃н̃аа жа нируж̇жхад̇и сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаад̇и? д̇зсам̣ но, аавусо, амхаагам̣ зд̇ад̣̇ахоси – ‘аяам̣ ко ааяасмаа аананд̣̇о сад̇т̇у жзва сам̣ван̣н̣ид̇о, самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа аананд̣̇о д̇знубасан̇гамзяяаама; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчзяяаамаа’д̇и. вибхаж̇ад̇ааяасмаа аананд̣̇о’’д̇и.
‘‘Idaṃ kho no, āvuso ānanda, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha jivhā ca nirujjhati , rasasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. Tesaṃ no, āvuso, amhākaṃ acirapakkantassa bhagavato etadahosi – ‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha jivhā ca nirujjhati, rasasaññā ca nirujjhati se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyāti? Tesaṃ no, āvuso, amhākaṃ etadahosi – ‘ayaṃ kho āyasmā ānando satthu ceva saṃvaṇṇito, sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā ānando tenupasaṅkameyyāma; upasaṅkamitvā āyasmantaṃ ānandaṃ etamatthaṃ paṭipuccheyyāmā’ti. Vibhajatāyasmā ānando’’ti.
‘‘сзяяат̇ааби, аавусо, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса…бз… вибхаж̇ад̇ааяасмаа аананд̣̇о аг̇арум̣ гарид̇ваад̇и.
‘‘Seyyathāpi, āvuso, puriso sāratthiko sāragavesī sārapariyesanaṃ caramāno mahato rukkhassa…pe… vibhajatāyasmā ānando agaruṃ karitvāti.
‘‘д̇знахаавусо , сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о аананд̣̇асса бажжассосум̣. ааяасмаа аананд̣̇о зд̇ад̣̇авожа –
‘‘Tenahāvuso , suṇātha, sādhukaṃ manasi karotha; bhāsissāmī’’ti. ‘‘Evamāvuso’’ti kho te bhikkhū āyasmato ānandassa paccassosuṃ. Āyasmā ānando etadavoca –
‘‘яам̣ ко во, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. имасса кваахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ ааж̇аанаами. сал̣ааяад̇ананирод̇хам̣ но зд̇ам̣, аавусо, бхаг̇авад̇аа санд̇хааяа бхаасид̇ам̣ – ‘д̇асмаад̇иха, бхигкавз, сз ааяад̇анз взд̣̇ид̇аб̣б̣з, яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. аяам̣ ко, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. имасса кваахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами. ааган̇камаанаа жа бана д̇умхз ааяасманд̇о бхаг̇аванд̇ам̣язва убасан̇гамат̇а; убасан̇гамид̇ваа зд̇амад̇т̇ам̣ бужчзяяаат̇а. яат̇аа во бхаг̇аваа б̣яаагарод̇и д̇ат̇аа нам̣ д̇хаарзяяаат̇аа’’д̇и.
‘‘Yaṃ kho vo, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. Imassa khvāhaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ ājānāmi. Saḷāyatananirodhaṃ no etaṃ, āvuso, bhagavatā sandhāya bhāsitaṃ – ‘tasmātiha, bhikkhave, se āyatane veditabbe, yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. Ayaṃ kho, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. Imassa khvāhaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi. Ākaṅkhamānā ca pana tumhe āyasmanto bhagavantaṃyeva upasaṅkamatha; upasaṅkamitvā etamatthaṃ puccheyyātha. Yathā vo bhagavā byākaroti tathā naṃ dhāreyyāthā’’ti.
‘‘звамаавусо’’д̇и ко д̇з бхигкуу ааяасмад̇о аананд̣̇асса бадиссуд̇ваа удтааяаасанаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
‘‘Evamāvuso’’ti kho te bhikkhū āyasmato ānandassa paṭissutvā uṭṭhāyāsanā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘яам̣ ко но, бханд̇з, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а ж̇ивхаа жа нируж̇жхад̇и, расасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и, д̇зсам̣ но, бханд̇з, амхаагам̣ ажирабагганд̇асса бхаг̇авад̇о зд̇ад̣̇ахоси – ‘ид̣̇ам̣ ко но, аавусо , бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – д̇асмаад̇иха, бхигкавз, сз ааяад̇анз взд̣̇ид̇аб̣б̣з яад̇т̇а жагку жа нируж̇жхад̇и, руубасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з…бз… яад̇т̇а мано жа нируж̇жхад̇и, д̇хаммасан̃н̃аа жа нируж̇жхад̇и, сз ааяад̇анз взд̣̇ид̇аб̣б̣з’д̇и. ‘го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’д̇и? д̇зсам̣ но, бханд̇з, амхаагам̣ зд̇ад̣̇ахоси – ‘аяам̣ ко ааяасмаа аананд̣̇о сад̇т̇у жзва сам̣ван̣н̣ид̇о, самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа аананд̣̇о д̇знубасан̇гамзяяаама; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчзяяаамаа’д̇и. ат̇а ко маяам̣, бханд̇з, язнааяасмаа аананд̣̇о д̇знубасан̇гамимха; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчимха. д̇зсам̣ но, бханд̇з, ааяасмад̇аа аананд̣̇зна имзхи аагаарзхи, имзхи бад̣̇зхи, имзхи б̣яан̃ж̇анзхи ад̇т̇о вибхад̇д̇о’’д̇и.
‘‘Yaṃ kho no, bhante, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha jivhā ca nirujjhati, rasasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti, tesaṃ no, bhante, amhākaṃ acirapakkantassa bhagavato etadahosi – ‘idaṃ kho no, āvuso , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe…pe… yattha mano ca nirujjhati, dhammasaññā ca nirujjhati, se āyatane veditabbe’ti. ‘Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’ti? Tesaṃ no, bhante, amhākaṃ etadahosi – ‘ayaṃ kho āyasmā ānando satthu ceva saṃvaṇṇito, sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā ānando tenupasaṅkameyyāma; upasaṅkamitvā āyasmantaṃ ānandaṃ etamatthaṃ paṭipuccheyyāmā’ti. Atha kho mayaṃ, bhante, yenāyasmā ānando tenupasaṅkamimha; upasaṅkamitvā āyasmantaṃ ānandaṃ etamatthaṃ paṭipucchimha. Tesaṃ no, bhante, āyasmatā ānandena imehi ākārehi, imehi padehi, imehi byañjanehi attho vibhatto’’ti.
‘‘бан̣д̣ид̇о, бхигкавз, аананд̣̇о; махаабан̃н̃о, бхигкавз, аананд̣̇о! мам̣ жзби д̇умхз, бхигкавз, зд̇амад̇т̇ам̣ бадибужчзяяаат̇а, ахамби д̇ам̣ звамзвам̣ б̣яаагарзяяам̣ яат̇аа д̇ам̣ аананд̣̇зна б̣яаагад̇ам̣. зсо жзвзд̇асса ад̇т̇о. зван̃жа нам̣ д̇хаарзяяаат̇аа’’д̇и. жад̇уд̇т̇ам̣.
‘‘Paṇḍito, bhikkhave, ānando; mahāpañño, bhikkhave, ānando! Maṃ cepi tumhe, bhikkhave, etamatthaṃ paṭipuccheyyātha, ahampi taṃ evamevaṃ byākareyyaṃ yathā taṃ ānandena byākataṃ. Eso cevetassa attho. Evañca naṃ dhāreyyāthā’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. гаамаг̇ун̣асуд̇д̇аван̣н̣анаа • 4. Kāmaguṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. гаамаг̇ун̣асуд̇д̇аван̣н̣анаа • 4. Kāmaguṇasuttavaṇṇanā
