| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. гаамаг̇ун̣асуд̇д̇аван̣н̣анаа
4. Kāmaguṇasuttavaṇṇanā
117. жад̇уд̇т̇з яз мзд̇и яз мама. жзд̇асо сампудтабуб̣б̣аад̇и жид̇д̇зна анубхууд̇абуб̣б̣аа. д̇ад̇ра мз жид̇д̇ам̣ б̣ахулам̣ г̇ажчамаанам̣ г̇ажчзяяаад̇и д̇зсу баасаад̣̇ад̇д̇аяад̇ивид̇ханаадагаад̣̇ибхзд̣̇асамбад̇д̇ивасзна анубхууд̇абуб̣б̣зсу бан̃жасу гаамаг̇ун̣зсу б̣ахуусу ваарзсу уббаж̇ж̇амаанам̣ уббаж̇ж̇зяяаад̇и д̣̇ийбзд̇и. бажжуббаннзсу ваад̇и ид̇ха бад̇хаанажарияагаалз чаб̣б̣ассаани субубпид̇аванасан̣д̣аж̇аад̇аанам̣ д̣̇иж̇аг̇ан̣аад̣̇ийнам̣ васзна д̣̇идтасуд̇аад̣̇ибхзд̣̇ам̣ манорамаарамман̣ам̣ гаамаг̇ун̣ам̣ гад̇ваа д̣̇ассзнд̇о ‘‘зваруубзсу бажжуббаннзсу ваа б̣ахулам̣ уббаж̇ж̇зяяаа’’д̇и д̣̇ассзд̇и. аббам̣ ваа анааг̇ад̇зсууд̇и анааг̇ад̇з ‘‘мзд̇д̇зяяо наама б̣уд̣̇д̇хо бхависсад̇и, сан̇ко наама рааж̇аа, гзд̇умад̇ий наама рааж̇ад̇хааний’’д̇иаад̣̇ивасзна (д̣̇ий. ни. 3.106) барид̇д̇агамзва анааг̇ад̇зсу гаамаг̇ун̣зсу уббаж̇ж̇зяяаад̇и д̣̇ассзд̇и. д̇ад̇ра мз ад̇д̇аруубзнаад̇и д̇ад̇ра маяаа ад̇д̇ано хид̇агаамаж̇аад̇игзна. аббамаад̣̇од̇и саад̇ажжагирияаа бан̃жасу гаамаг̇ун̣зсу жид̇д̇асса авоссаг̇г̇о. сад̇ийд̇и аарамман̣абариг̇г̇ахид̇асад̇и. аарагкод̇и аяам̣ аббамаад̣̇о жа сад̇и жа жзд̇асо аарагко гаран̣ийяо, звам̣ мз ахосийд̇и д̣̇ассзд̇и, аарагкад̇т̇ааяа имз д̣̇вз д̇хаммаа гаад̇аб̣б̣аад̇и вуд̇д̇ам̣ ход̇и.
117. Catutthe ye meti ye mama. Cetaso samphuṭṭhapubbāti cittena anubhūtapubbā. Tatra me cittaṃ bahulaṃ gacchamānaṃ gaccheyyāti tesu pāsādattayatividhanāṭakādibhedasampattivasena anubhūtapubbesu pañcasu kāmaguṇesu bahūsu vāresu uppajjamānaṃ uppajjeyyāti dīpeti. Paccuppannesu vāti idha padhānacariyakāle chabbassāni supupphitavanasaṇḍajātānaṃ dijagaṇādīnaṃ vasena diṭṭhasutādibhedaṃ manoramārammaṇaṃ kāmaguṇaṃ katvā dassento ‘‘evarūpesu paccuppannesu vā bahulaṃ uppajjeyyā’’ti dasseti. Appaṃ vā anāgatesūti anāgate ‘‘metteyyo nāma buddho bhavissati, saṅkho nāma rājā, ketumatī nāma rājadhānī’’tiādivasena (dī. ni. 3.106) parittakameva anāgatesu kāmaguṇesu uppajjeyyāti dasseti. Tatra me attarūpenāti tatra mayā attano hitakāmajātikena. Appamādoti sātaccakiriyā pañcasu kāmaguṇesu cittassa avossaggo. Satīti ārammaṇapariggahitasati. Ārakkhoti ayaṃ appamādo ca sati ca cetaso ārakkho karaṇīyo, evaṃ me ahosīti dasseti, ārakkhatthāya ime dve dhammā kātabbāti vuttaṃ hoti.
д̇асмаад̇иха, бхигкавз, сз ааяад̇анз взд̣̇ид̇аб̣б̣зд̇и яасмаа жзд̇асо аарагкад̇т̇ааяа аббамаад̣̇о жа сад̇и жа гаад̇аб̣б̣аа, яасмаа д̇асмим̣ ааяад̇анз вид̣̇ид̇з аббамаад̣̇зна ваа сад̇ияаа ваа гаад̇аб̣б̣ам̣ над̇т̇и, д̇асмаа сз ааяад̇анз взд̣̇ид̇аб̣б̣з, д̇ам̣ гааран̣ам̣ ж̇аанид̇аб̣б̣анд̇и ад̇т̇о. сал̣ааяад̇ананирод̇ханд̇и сал̣ааяад̇ананирод̇хо вужжад̇и ниб̣б̣аанам̣, д̇ам̣ санд̇хааяа бхаасид̇анд̇и ад̇т̇о. ниб̣б̣аанасмин̃хи жагкуаад̣̇ийни жзва нируж̇жханд̇и руубасан̃н̃аад̣̇аяо жа нируж̇жханд̇ийд̇и. сзсам̣ вуд̇д̇анаяамзва.
Tasmātiha, bhikkhave, se āyatane veditabbeti yasmā cetaso ārakkhatthāya appamādo ca sati ca kātabbā, yasmā tasmiṃ āyatane vidite appamādena vā satiyā vā kātabbaṃ natthi, tasmā se āyatane veditabbe, taṃ kāraṇaṃ jānitabbanti attho. Saḷāyatananirodhanti saḷāyatananirodho vuccati nibbānaṃ, taṃ sandhāya bhāsitanti attho. Nibbānasmiñhi cakkhuādīni ceva nirujjhanti rūpasaññādayo ca nirujjhantīti. Sesaṃ vuttanayameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. гаамаг̇ун̣асуд̇д̇ам̣ • 4. Kāmaguṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. гаамаг̇ун̣асуд̇д̇аван̣н̣анаа • 4. Kāmaguṇasuttavaṇṇanā
