Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    7. гаамасуд̇д̇ам̣

    7. Kāmasuttaṃ

    7. ‘‘язбхуяязна, бхигкавз, сад̇д̇аа гаамзсу лал̣ид̇аа 1. асид̇аб̣яаабхан̇г̇им̣ 2, бхигкавз, гулабуд̇д̇о охааяа аг̇аарасмаа анаг̇аарияам̣ баб̣б̣аж̇ид̇о ход̇и, ‘сад̣̇д̇хаабаб̣б̣аж̇ид̇о гулабуд̇д̇о’д̇и алам̣ важанааяа. д̇ам̣ гисса хзд̇у? лаб̣бхаа 3, бхигкавз, яоб̣б̣анзна гаамаа д̇з жа ко яаад̣̇исаа ваа д̇аад̣̇исаа ваа. яз жа, бхигкавз, хийнаа гаамаа яз жа маж̇жхимаа гаамаа яз жа бан̣ийд̇аа гаамаа , саб̣б̣з гаамаа ‘гаамаа’д̇взва сан̇кам̣ г̇ажчанд̇и. сзяяат̇ааби , бхигкавз, д̣̇ахаро гумааро манд̣̇о уд̇д̇аанасзяяаго д̇хаад̇ияаа бамаад̣̇аманвааяа гадтам̣ ваа гаталам̣ 4 ваа мукз аахарзяяа. д̇амзнам̣ д̇хаад̇и сийгхам̣ сийгхам̣ 5 манаси гарзяяа; сийгхам̣ сийгхам̣ манаси гарид̇ваа сийгхам̣ сийгхам̣ аахарзяяа. но жз саггун̣зяяа сийгхам̣ сийгхам̣ аахарид̇ум̣, ваамзна хад̇т̇зна сийсам̣ бариг̇г̇ахзд̇ваа д̣̇агкин̣зна хад̇т̇зна ван̇ган̇г̇улим̣ гарид̇ваа салохид̇амби аахарзяяа. д̇ам̣ гисса хзд̇у? ‘ад̇т̇зсаа, бхигкавз, гумаарасса вихзсаа; нзсаа над̇т̇ий’д̇и вад̣̇аами. гаран̣ийяан̃жа ко зд̇ам̣ 6, бхигкавз, д̇хаад̇ияаа ад̇т̇агаамааяа хид̇зсинияаа анугамбигааяа, анугамбам̣ убаад̣̇ааяа. яад̇о жа ко, бхигкавз, со гумааро вуд̣̇д̇хо ход̇и алам̣бан̃н̃о, анабзгкаа д̣̇аани 7, бхигкавз, д̇хаад̇и д̇асмим̣ гумаарз ход̇и – ‘ад̇д̇аг̇уд̇д̇о д̣̇аани гумааро наалам̣ бамаад̣̇ааяаа’д̇и.

    7. ‘‘Yebhuyyena, bhikkhave, sattā kāmesu laḷitā 8. Asitabyābhaṅgiṃ 9, bhikkhave, kulaputto ohāya agārasmā anagāriyaṃ pabbajito hoti, ‘saddhāpabbajito kulaputto’ti alaṃ vacanāya. Taṃ kissa hetu? Labbhā 10, bhikkhave, yobbanena kāmā te ca kho yādisā vā tādisā vā. Ye ca, bhikkhave, hīnā kāmā ye ca majjhimā kāmā ye ca paṇītā kāmā , sabbe kāmā ‘kāmā’tveva saṅkhaṃ gacchanti. Seyyathāpi , bhikkhave, daharo kumāro mando uttānaseyyako dhātiyā pamādamanvāya kaṭṭhaṃ vā kaṭhalaṃ 11 vā mukhe āhareyya. Tamenaṃ dhāti sīghaṃ sīghaṃ 12 manasi kareyya; sīghaṃ sīghaṃ manasi karitvā sīghaṃ sīghaṃ āhareyya. No ce sakkuṇeyya sīghaṃ sīghaṃ āharituṃ, vāmena hatthena sīsaṃ pariggahetvā dakkhiṇena hatthena vaṅkaṅguliṃ karitvā salohitampi āhareyya. Taṃ kissa hetu? ‘Atthesā, bhikkhave, kumārassa vihesā; nesā natthī’ti vadāmi. Karaṇīyañca kho etaṃ 13, bhikkhave, dhātiyā atthakāmāya hitesiniyā anukampikāya, anukampaṃ upādāya. Yato ca kho, bhikkhave, so kumāro vuddho hoti alaṃpañño, anapekkhā dāni 14, bhikkhave, dhāti tasmiṃ kumāre hoti – ‘attagutto dāni kumāro nālaṃ pamādāyā’ti.

    ‘‘звамзвам̣ ко, бхигкавз, яаавагийван̃жа бхигкуно сад̣̇д̇хааяа агад̇ам̣ ход̇и гусалзсу д̇хаммзсу, хирияаа агад̇ам̣ ход̇и гусалзсу д̇хаммзсу, од̇д̇аббзна агад̇ам̣ ход̇и гусалзсу д̇хаммзсу, вийриязна агад̇ам̣ ход̇и гусалзсу д̇хаммзсу, бан̃н̃ааяа агад̇ам̣ ход̇и гусалзсу д̇хаммзсу, анурагкид̇аб̣б̣о д̇аава мз со, бхигкавз, бхигку ход̇и. яад̇о жа ко, бхигкавз, бхигкуно сад̣̇д̇хааяа гад̇ам̣ ход̇и гусалзсу д̇хаммзсу, хирияаа гад̇ам̣ ход̇и гусалзсу д̇хаммзсу, од̇д̇аббзна гад̇ам̣ ход̇и гусалзсу д̇хаммзсу, вийриязна гад̇ам̣ ход̇и гусалзсу д̇хаммзсу, бан̃н̃ааяа гад̇ам̣ ход̇и гусалзсу д̇хаммзсу, анабзгко д̣̇аанаахам̣, бхигкавз 15, д̇асмим̣ бхигкусмим̣ хоми – ‘ад̇д̇аг̇уд̇д̇о д̣̇аани бхигку наалам̣ бамаад̣̇ааяаа’’’д̇и. сад̇д̇амам̣.

    ‘‘Evamevaṃ kho, bhikkhave, yāvakīvañca bhikkhuno saddhāya akataṃ hoti kusalesu dhammesu, hiriyā akataṃ hoti kusalesu dhammesu, ottappena akataṃ hoti kusalesu dhammesu, vīriyena akataṃ hoti kusalesu dhammesu, paññāya akataṃ hoti kusalesu dhammesu, anurakkhitabbo tāva me so, bhikkhave, bhikkhu hoti. Yato ca kho, bhikkhave, bhikkhuno saddhāya kataṃ hoti kusalesu dhammesu, hiriyā kataṃ hoti kusalesu dhammesu, ottappena kataṃ hoti kusalesu dhammesu, vīriyena kataṃ hoti kusalesu dhammesu, paññāya kataṃ hoti kusalesu dhammesu, anapekkho dānāhaṃ, bhikkhave 16, tasmiṃ bhikkhusmiṃ homi – ‘attagutto dāni bhikkhu nālaṃ pamādāyā’’’ti. Sattamaṃ.




    Next: 8. жаванасуд̇д̇ам̣ • 8. Cavanasuttaṃ




    Footnotes:
    1. балаал̣ид̇аа (сий.)
    2. асид̇аб̣яаабхан̇г̇и жзби (?)
    3. лаб̣бхаа хи (сяаа.)
    4. гат̇алам̣ (га.)
    5. сийгхасийгхам̣ (сий.)
    6. звам̣ (га.)
    7. анабзгкаа бана (сий. сяаа. гам̣.)
    8. palāḷitā (sī.)
    9. asitabyābhaṅgi cepi (?)
    10. labbhā hi (syā.)
    11. kathalaṃ (ka.)
    12. sīghasīghaṃ (sī.)
    13. evaṃ (ka.)
    14. anapekkhā pana (sī. syā. kaṃ.)
    15. банаахам̣ (сий. сяаа. гам̣.)
    16. panāhaṃ (sī. syā. kaṃ.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. гаамасуд̇д̇аван̣н̣анаа • 7. Kāmasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. махаасубинасуд̇д̇аван̣н̣анаа • 6. Mahāsupinasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact