| Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
махаанид̣̇д̣̇зсабаал̣и
Mahāniddesapāḷi
1. адтагаваг̇г̇о
1. Aṭṭhakavaggo
1. гаамасуд̇д̇анид̣̇д̣̇зсо
1. Kāmasuttaniddeso
1.
1.
гаамам̣ гаамаяамаанасса, д̇асса жз д̇ам̣ самиж̇жхад̇и;
Kāmaṃkāmayamānassa, tassa ce taṃ samijjhati;
ад̣̇д̇хаа бийд̇имано ход̇и, лад̣̇д̇хаа мажжо яад̣̇ижчад̇и.
Addhā pītimano hoti, laddhā macco yadicchati.
гаамам̣ гаамаяамаанассаад̇и гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа. гад̇амз вад̇т̇угаамаа? манаабигаа руубаа манаабигаа сад̣̇д̣̇аа манаабигаа г̇анд̇хаа манаабигаа расаа манаабигаа подтаб̣б̣аа; ад̇т̇аран̣аа баавуран̣аа 1 д̣̇аасид̣̇аасаа аж̇зл̣агаа гуггудасуугараа хад̇т̇иг̇аваассавал̣аваа кзд̇д̇ам̣ вад̇т̇у хиран̃н̃ам̣ суван̣н̣ам̣ г̇ааманиг̇амарааж̇ад̇хаанияо радтан̃жа ж̇анабад̣̇о жа госо жа годтааг̇ааран̃жа, яам̣ гин̃жи раж̇анийяам̣ вад̇т̇у – вад̇т̇угаамаа.
Kāmaṃ kāmayamānassāti kāmāti uddānato dve kāmā – vatthukāmā ca kilesakāmā ca. Katame vatthukāmā? Manāpikā rūpā manāpikā saddā manāpikā gandhā manāpikā rasā manāpikā phoṭṭhabbā; attharaṇā pāvuraṇā 2 dāsidāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhañca janapado ca koso ca koṭṭhāgārañca, yaṃ kiñci rajanīyaṃ vatthu – vatthukāmā.
аби жа ад̇ийд̇аа гаамаа анааг̇ад̇аа гаамаа бажжуббаннаа гаамаа; аж̇жхад̇д̇аа гаамаа б̣ахид̣̇д̇хаа гаамаа аж̇жхад̇д̇аб̣ахид̣̇д̇хаа гаамаа; хийнаа гаамаа маж̇жхимаа гаамаа бан̣ийд̇аа гаамаа; аабааяигаа гаамаа маанусигаа гаамаа д̣̇иб̣б̣аа гаамаа бажжубадтид̇аа гаамаа; ниммид̇аа гаамаа аниммид̇аа гаамаа бараниммид̇аа гаамаа; бариг̇г̇ахид̇аа гаамаа, абариг̇г̇ахид̇аа гаамаа, мамааяид̇аа гаамаа, амамааяид̇аа гаамаа; саб̣б̣зби гаамааважараа д̇хаммаа, саб̣б̣зби руубааважараа д̇хаммаа, саб̣б̣зби аруубааважараа д̇хаммаа, д̇ан̣хаавад̇т̇угаа д̇ан̣хаарамман̣аа гааманийяадтзна раж̇анийяадтзна мад̣̇анийяадтзна гаамаа – имз вужжанд̇и вад̇т̇угаамаа.
Api ca atītā kāmā anāgatā kāmā paccuppannā kāmā; ajjhattā kāmā bahiddhā kāmā ajjhattabahiddhā kāmā; hīnā kāmā majjhimā kāmā paṇītā kāmā; āpāyikā kāmā mānusikā kāmā dibbā kāmā paccupaṭṭhitā kāmā; nimmitā kāmā animmitā kāmā paranimmitā kāmā; pariggahitā kāmā, apariggahitā kāmā, mamāyitā kāmā, amamāyitā kāmā; sabbepi kāmāvacarā dhammā, sabbepi rūpāvacarā dhammā, sabbepi arūpāvacarā dhammā, taṇhāvatthukā taṇhārammaṇā kāmanīyaṭṭhena rajanīyaṭṭhena madanīyaṭṭhena kāmā – ime vuccanti vatthukāmā.
гад̇амз гилзсагаамаа? чанд̣̇о гаамо рааг̇о гаамо чанд̣̇арааг̇о гаамо; сан̇габбо гаамо рааг̇о гаамо сан̇габбарааг̇о гаамо; яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа гаамаснзхо гаамабарил̣аахо гаамамужчаа гаамаж̇жхосаанам̣ гаамогхо гаамаяог̇о гаамубаад̣̇аанам̣ гаамажчанд̣̇анийваран̣ам̣.
Katame kilesakāmā? Chando kāmo rāgo kāmo chandarāgo kāmo; saṅkappo kāmo rāgo kāmo saṅkapparāgo kāmo; yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmacchandanīvaraṇaṃ.
‘‘ад̣̇д̣̇асам̣ гаама д̇з муулам̣, сан̇габбаа гаама ж̇ааяаси;
‘‘Addasaṃ kāma te mūlaṃ, saṅkappā kāma jāyasi;
на д̇ам̣ сан̇габбаяиссаами, звам̣ гаама на хохисий’’д̇и 3. –
Na taṃ saṅkappayissāmi, evaṃ kāma na hohisī’’ti 4. –
имз вужжанд̇и гилзсагаамаа. гаамаяамаанассаад̇и гаамаяамаанасса ижчамаанасса саад̣̇ияамаанасса бад̇т̇аяамаанасса бихаяамаанасса абхиж̇аббамаанассаад̇и – гаамам̣ гаамаяамаанасса.
Ime vuccanti kilesakāmā. Kāmayamānassāti kāmayamānassa icchamānassa sādiyamānassa patthayamānassa pihayamānassa abhijappamānassāti – kāmaṃ kāmayamānassa.
д̇асса жз д̇ам̣ самиж̇жхад̇ийд̇и. д̇асса жзд̇и д̇асса кад̇д̇ияасса ваа б̣раахман̣асса ваа взссасса ваа суд̣̇д̣̇асса ваа г̇ахадтасса ваа баб̣б̣аж̇ид̇асса ваа д̣̇звасса ваа мануссасса ваа. д̇анд̇и вад̇т̇угаамаа вужжанд̇и – манаабигаа руубаа манаабигаа сад̣̇д̣̇аа манаабигаа г̇анд̇хаа манаабигаа расаа манаабигаа подтаб̣б̣аа. самиж̇жхад̇ийд̇и иж̇жхад̇и самиж̇жхад̇и лабхад̇и бадилабхад̇и ад̇хиг̇ажчад̇и винд̣̇ад̇ийд̇и – д̇асса жз д̇ам̣ самиж̇жхад̇и.
Tassa ce taṃ samijjhatīti. Tassa ceti tassa khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā. Tanti vatthukāmā vuccanti – manāpikā rūpā manāpikā saddā manāpikā gandhā manāpikā rasā manāpikā phoṭṭhabbā. Samijjhatīti ijjhati samijjhati labhati paṭilabhati adhigacchati vindatīti – tassa ce taṃ samijjhati.
ад̣̇д̇хаа бийд̇имано ход̇ийд̇и. ад̣̇д̇хаад̇и згам̣саважанам̣ ниссам̣саяаважанам̣ нигган̇кааважанам̣ ад̣̇взж̇жхаважанам̣ ад̣̇взл̣хагаважанам̣ нияог̇аважанам̣ абан̣н̣агаважанам̣ авад̇т̇аабанаважанамзд̇ам̣ – ад̣̇д̇хаад̇и. бийд̇ийд̇и яаа бан̃жагаамаг̇ун̣абадисан̃н̃уд̇д̇аа бийд̇и баамуж̇ж̇ам̣ аамод̣̇анаа бамод̣̇анаа хаасо бахаасо вид̇д̇и д̇удти од̣̇аг̇яам̣ ад̇д̇аманад̇аа абхипаран̣ад̇аа жид̇д̇асса. манод̇и яам̣ жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇аа мановин̃н̃аан̣ад̇хаад̇у, аяам̣ вужжад̇и мано. аяам̣ мано имааяа бийд̇ияаа сахаг̇ад̇о ход̇и сахаж̇аад̇о сам̣садто самбаяуд̇д̇о згуббаад̣̇о зганирод̇хо згавад̇т̇уго згаарамман̣о. бийд̇имано ход̇ийд̇и бийд̇имано ход̇и д̇удтамано хадтамано бахадтамано ад̇д̇амано уд̣̇аг̇г̇амано муд̣̇ид̇амано бамод̣̇ид̇амано ход̇ийд̇и – ад̣̇д̇хаа бийд̇имано ход̇и.
Addhāpītimano hotīti. Addhāti ekaṃsavacanaṃ nissaṃsayavacanaṃ nikkaṅkhāvacanaṃ advejjhavacanaṃ adveḷhakavacanaṃ niyogavacanaṃ apaṇṇakavacanaṃ avatthāpanavacanametaṃ – addhāti. Pītīti yā pañcakāmaguṇapaṭisaññuttā pīti pāmujjaṃ āmodanā pamodanā hāso pahāso vitti tuṭṭhi odagyaṃ attamanatā abhipharaṇatā cittassa. Manoti yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu, ayaṃ vuccati mano. Ayaṃ mano imāya pītiyā sahagato hoti sahajāto saṃsaṭṭho sampayutto ekuppādo ekanirodho ekavatthuko ekārammaṇo. Pītimano hotīti pītimano hoti tuṭṭhamano haṭṭhamano pahaṭṭhamano attamano udaggamano muditamano pamoditamano hotīti – addhā pītimano hoti.
лад̣̇д̇хаа мажжо яад̣̇ижчад̇ийд̇и. лад̣̇д̇хаад̇и лабхид̇ваа бадилабхид̇ваа ад̇хиг̇анд̇ваа винд̣̇ид̇ваа. мажжод̇и сад̇д̇о наро маанаво босо буг̇г̇ало ж̇ийво ж̇ааг̇у 5 ж̇анд̇у инд̣̇аг̇у 6 мануж̇о. яад̣̇ижчад̇ийд̇и яам̣ ижчад̇и яам̣ саад̣̇ияад̇и яам̣ бад̇т̇зд̇и яам̣ бихзд̇и яам̣ абхиж̇аббад̇и, руубам̣ ваа сад̣̇д̣̇ам̣ ваа г̇анд̇хам̣ ваа расам̣ ваа подтаб̣б̣ам̣ ваад̇и, лад̣̇д̇хаа мажжо яад̣̇ижчад̇и.
Laddhā macco yadicchatīti. Laddhāti labhitvā paṭilabhitvā adhigantvā vinditvā. Maccoti satto naro mānavo poso puggalo jīvo jāgu 7 jantu indagu 8 manujo. Yadicchatīti yaṃ icchati yaṃ sādiyati yaṃ pattheti yaṃ piheti yaṃ abhijappati, rūpaṃ vā saddaṃ vā gandhaṃ vā rasaṃ vā phoṭṭhabbaṃ vāti, laddhā macco yadicchati.
д̇знааха бхаг̇аваа –
Tenāha bhagavā –
‘‘гаамам̣ гаамаяамаанасса, д̇асса жз д̇ам̣ самиж̇жхад̇и;
‘‘Kāmaṃ kāmayamānassa, tassa ce taṃ samijjhati;
ад̣̇д̇хаа бийд̇имано ход̇и, лад̣̇д̇хаа мажжо яад̣̇ижчад̇ий’’д̇и.
Addhā pītimano hoti, laddhā macco yadicchatī’’ti.
2.
2.
д̇асса жз гаамаяаанасса, чанд̣̇аж̇аад̇асса ж̇анд̇уно;
Tassace kāmayānassa, chandajātassa jantuno;
д̇з гаамаа барихааяанд̇и, саллавид̣̇д̇хова руббад̇и.
Te kāmā parihāyanti, sallaviddhova ruppati.
д̇асса жз гаамаяаанассаад̇и. д̇асса жзд̇и д̇асса кад̇д̇ияасса ваа б̣раахман̣асса ваа взссасса ваа суд̣̇д̣̇асса ваа г̇ахадтасса ваа баб̣б̣аж̇ид̇асса ваа д̣̇звасса ваа мануссасса ваа. гаамаяаанассаад̇и гаамз ижчамаанасса саад̣̇ияамаанасса бад̇т̇аяамаанасса бихаяамаанасса абхиж̇аббамаанасса. ат̇а ваа гаамад̇ан̣хааяа яааяад̇и нияяад̇и вуяхад̇и сам̣харийяад̇и. яат̇аа хад̇т̇ияаанзна ваа ассаяаанзна ваа г̇ояаанзна ваа аж̇аяаанзна ваа мзн̣д̣аяаанзна ваа одтаяаанзна ваа караяаанзна ваа яааяад̇и нияяад̇и вуяхад̇и сам̣харийяад̇и; звамзвам̣ гаамад̇ан̣хааяа яааяад̇и нияяад̇и вуяхад̇и сам̣харийяад̇ийд̇и – д̇асса жз гаамаяаанасса.
Tassace kāmayānassāti. Tassa ceti tassa khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā. Kāmayānassāti kāme icchamānassa sādiyamānassa patthayamānassa pihayamānassa abhijappamānassa. Atha vā kāmataṇhāya yāyati niyyati vuyhati saṃharīyati. Yathā hatthiyānena vā assayānena vā goyānena vā ajayānena vā meṇḍayānena vā oṭṭhayānena vā kharayānena vā yāyati niyyati vuyhati saṃharīyati; evamevaṃ kāmataṇhāya yāyati niyyati vuyhati saṃharīyatīti – tassa ce kāmayānassa.
чанд̣̇аж̇аад̇асса ж̇анд̇унод̇и. чанд̣̇од̇и яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа гаамаснзхо гаамабарил̣аахо гаамамужчаа гаамаж̇жхосаанам̣ гаамогхо гаамаяог̇о гаамубаад̣̇аанам̣ гаамажчанд̣̇анийваран̣ам̣, д̇асса со гаамажчанд̣̇о ж̇аад̇о ход̇и сан̃ж̇аад̇о ниб̣б̣ад̇д̇о абхиниб̣б̣ад̇д̇о баад̇убхууд̇о. ж̇анд̇унод̇и сад̇д̇асса нарасса маанавасса босасса буг̇г̇аласса ж̇ийвасса ж̇ааг̇усса ж̇анд̇усса инд̣̇аг̇усса мануж̇ассаад̇и – чанд̣̇аж̇аад̇асса ж̇анд̇уно.
Chandajātassa jantunoti. Chandoti yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmacchandanīvaraṇaṃ, tassa so kāmacchando jāto hoti sañjāto nibbatto abhinibbatto pātubhūto. Jantunoti sattassa narassa mānavassa posassa puggalassa jīvassa jāgussa jantussa indagussa manujassāti – chandajātassa jantuno.
д̇з гаамаа барихааяанд̇ийд̇и – д̇з ваа гаамаа барихааяанд̇и, со ваа гаамзхи барихааяад̇и. гат̇ам̣ д̇з гаамаа барихааяанд̇и? д̇асса д̇идтанд̇ассзва д̇з бхог̇з рааж̇аано ваа харанд̇и, жораа ваа харанд̇и, аг̇г̇и ваа д̣̇ахад̇и, уд̣̇агам̣ ваа вахад̇и, аббияаа ваа д̣̇ааяаад̣̇аа харанд̇и, нихид̇ам̣ ваа наад̇хиг̇ажчад̇и, д̣̇уббаяуд̇д̇аа ваа гамманд̇аа бхиж̇ж̇анд̇и, гулз ваа гулан̇г̇ааро уббаж̇ж̇ад̇и, яо д̇з бхог̇з вигирад̇и вид̇хамад̇и 9 вид̣̇д̇хам̣сзд̇и анижжад̇ааязва адтамий. звам̣ д̇з гаамаа хааяанд̇и барихааяанд̇и барид̇хам̣сзнд̇и барибад̇анд̇и анд̇арад̇хааяанд̇и виббалуж̇ж̇анд̇и. гат̇ам̣ со гаамзхи барихааяад̇и? д̇идтанд̇зва д̇з бхог̇з со жавад̇и марад̇и виббалуж̇ж̇ад̇и. звам̣ со гаамзхи хааяад̇и барихааяад̇и барид̇хам̣сзд̇и барибад̇ад̇и анд̇арад̇хааяад̇и виббалуж̇ж̇ад̇и.
Tekāmā parihāyantīti – te vā kāmā parihāyanti, so vā kāmehi parihāyati. Kathaṃ te kāmā parihāyanti? Tassa tiṭṭhantasseva te bhoge rājāno vā haranti, corā vā haranti, aggi vā dahati, udakaṃ vā vahati, appiyā vā dāyādā haranti, nihitaṃ vā nādhigacchati, duppayuttā vā kammantā bhijjanti, kule vā kulaṅgāro uppajjati, yo te bhoge vikirati vidhamati 10 viddhaṃseti aniccatāyeva aṭṭhamī. Evaṃ te kāmā hāyanti parihāyanti paridhaṃsenti paripatanti antaradhāyanti vippalujjanti. Kathaṃ so kāmehi parihāyati? Tiṭṭhanteva te bhoge so cavati marati vippalujjati. Evaṃ so kāmehi hāyati parihāyati paridhaṃseti paripatati antaradhāyati vippalujjati.
жораа харанд̇и рааж̇аано, аг̇г̇и д̣̇ахад̇и нассад̇и;
Corā haranti rājāno, aggi dahati nassati;
зд̇ад̣̇ан̃н̃ааяа мзд̇хаавий, бхун̃ж̇зт̇а жа д̣̇ад̣̇зт̇а жа.
Etadaññāya medhāvī, bhuñjetha ca dadetha ca.
д̣̇ад̇ваа жа бхуд̇ваа жа яат̇аанубхаавам̣, анинд̣̇ид̇о саг̇г̇амубзд̇и таананд̇и, д̇з гаамаа барихааяанд̇и.
Datvā ca bhutvā ca yathānubhāvaṃ, anindito saggamupeti ṭhānanti, te kāmā parihāyanti.
саллавид̣̇д̇хова руббад̇ийд̇и. яат̇аа аяомаязна ваа саллзна вид̣̇д̇хо, адтимаязна ваа саллзна д̣̇анд̇амаязна ваа саллзна висаан̣амаязна ваа саллзна гадтамаязна ваа саллзна вид̣̇д̇хо руббад̇и губбад̇и гхаддийяад̇и бийл̣ийяад̇и, б̣яаад̇хид̇о д̣̇оманассид̇о ход̇и, звамзва вад̇т̇угаамаанам̣ вибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа. со гаамасаллзна жа согасаллзна жа вид̣̇д̇хо, руббад̇и губбад̇и гхаддийяад̇и бийл̣ийяад̇и б̣яаад̇хид̇о д̣̇оманассид̇о ход̇ийд̇и – саллавид̣̇д̇хова руббад̇и.
Sallaviddhova ruppatīti. Yathā ayomayena vā sallena viddho, aṭṭhimayena vā sallena dantamayena vā sallena visāṇamayena vā sallena kaṭṭhamayena vā sallena viddho ruppati kuppati ghaṭṭīyati pīḷīyati, byādhito domanassito hoti, evameva vatthukāmānaṃ vipariṇāmaññathābhāvā uppajjanti sokaparidevadukkhadomanassupāyāsā. So kāmasallena ca sokasallena ca viddho, ruppati kuppati ghaṭṭīyati pīḷīyati byādhito domanassito hotīti – sallaviddhova ruppati.
д̇знааха бхаг̇аваа –
Tenāha bhagavā –
‘‘д̇асса жз гаамаяаанасса, чанд̣̇аж̇аад̇асса ж̇анд̇уно;
‘‘Tassa ce kāmayānassa, chandajātassa jantuno;
д̇з гаамаа барихааяанд̇и, саллавид̣̇д̇хова руббад̇ий’’д̇и.
Te kāmā parihāyanti, sallaviddhova ruppatī’’ti.
3.
3.
яо гаамз бариваж̇ж̇зд̇и, саббассзва бад̣̇аа сиро;
Yokāme parivajjeti, sappasseva padā siro;
сомам̣ висад̇д̇игам̣ логз, сад̇о самад̇ивад̇д̇ад̇и.
Somaṃ visattikaṃ loke, sato samativattati.
яо гаамз бариваж̇ж̇зд̇ийд̇и. яод̇и яо яаад̣̇исо яат̇ааяуд̇д̇о яат̇аавихид̇о яат̇аабагааро яам̣таанаббад̇д̇о яам̣д̇хаммасаманнааг̇ад̇о кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о ваа д̣̇зво ваа мануссо ваа. гаамз бариваж̇ж̇зд̇ийд̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. гаамз бариваж̇ж̇зд̇ийд̇и д̣̇вийхи гааран̣зхи гаамз бариваж̇ж̇зд̇и – вигкамбханад̇о ваа самужчзд̣̇ад̇о ваа. гат̇ам̣ вигкамбханад̇о гаамз бариваж̇ж̇зд̇и? ‘‘адтиган̇галуубамаа гаамаа аббассаад̣̇адтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘мам̣сабзсуубамаа гаамаа б̣ахусаад̇хааран̣адтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘д̇ин̣уггуубамаа гаамаа ануд̣̇аханадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘ан̇г̇аарагаасуубамаа гаамаа махаабарил̣аахадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘субинагуубамаа гаамаа ид̇д̇арабажжубадтаанадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘яаажид̇агуубамаа гаамаа д̇аавагаалигадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘ругкапалуубамаа гаамаа самбхан̃ж̇анабарибхан̃ж̇анадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘асисуунуубамаа гаамаа ад̇хигудданадтзнаа’’д̇и 13 бассанд̇о вигкамбханад̇о гаамз бариваж̇ж̇зд̇и, ‘‘сад̇д̇исуулуубамаа гаамаа винивиж̇жханадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘саббасируубамаа гаамаа саббадибхаяадтзнаа’’д̇и бассанд̇о вигкамбханад̇о гаамз бариваж̇ж̇зд̇и, ‘‘аг̇г̇игканд̇хуубамаа гаамаа махаабхид̇аабанадтзнаа’’д̇и бассанд̇о вигкамбханад̇о гаамз бариваж̇ж̇зд̇и.
Yokāme parivajjetīti. Yoti yo yādiso yathāyutto yathāvihito yathāpakāro yaṃṭhānappatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Kāme parivajjetīti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Kāme parivajjetīti dvīhi kāraṇehi kāme parivajjeti – vikkhambhanato vā samucchedato vā. Kathaṃ vikkhambhanato kāme parivajjeti? ‘‘Aṭṭhikaṅkalūpamā kāmā appassādaṭṭhenā’’ti passanto vikkhambhanato kāme parivajjeti, ‘‘maṃsapesūpamā kāmā bahusādhāraṇaṭṭhenā’’ti passanto vikkhambhanato kāme parivajjeti, ‘‘tiṇukkūpamā kāmā anudahanaṭṭhenā’’ti passanto vikkhambhanato kāme parivajjeti, ‘‘aṅgārakāsūpamā kāmā mahāpariḷāhaṭṭhenā’’ti passanto vikkhambhanato kāme parivajjeti, ‘‘supinakūpamā kāmā ittarapaccupaṭṭhānaṭṭhenā’’ti passanto vikkhambhanato kāme parivajjeti, ‘‘yācitakūpamā kāmā tāvakālikaṭṭhenā’’ti passanto vikkhambhanato kāme parivajjeti, ‘‘rukkhaphalūpamā kāmā sambhañjanaparibhañjanaṭṭhenā’’ti passanto vikkhambhanato kāme parivajjeti, ‘‘asisūnūpamā kāmā adhikuṭṭanaṭṭhenā’’ti 14 passanto vikkhambhanato kāme parivajjeti, ‘‘sattisūlūpamā kāmā vinivijjhanaṭṭhenā’’ti passanto vikkhambhanato kāme parivajjeti, ‘‘sappasirūpamā kāmā sappaṭibhayaṭṭhenā’’ti passanto vikkhambhanato kāme parivajjeti, ‘‘aggikkhandhūpamā kāmā mahābhitāpanaṭṭhenā’’ti passanto vikkhambhanato kāme parivajjeti.
б̣уд̣̇д̇хаануссад̇им̣ бхаавзнд̇оби вигкамбханад̇о гаамз бариваж̇ж̇зд̇и, д̇хаммаануссад̇им̣ бхаавзнд̇оби…бз… сан̇гхаануссад̇им̣ бхаавзнд̇оби… сийлаануссад̇им̣ бхаавзнд̇оби… жааг̇аануссад̇им̣ бхаавзнд̇оби… д̣̇звад̇аануссад̇им̣ бхаавзнд̇оби… аанаабаанассад̇им̣ 15 бхаавзнд̇оби… маран̣ассад̇им̣ бхаавзнд̇оби… гааяаг̇ад̇аасад̇им̣ бхаавзнд̇оби… убасамаануссад̇им̣ бхаавзнд̇оби вигкамбханад̇о гаамз бариваж̇ж̇зд̇и.
Buddhānussatiṃ bhāventopi vikkhambhanato kāme parivajjeti, dhammānussatiṃ bhāventopi…pe… saṅghānussatiṃ bhāventopi… sīlānussatiṃ bhāventopi… cāgānussatiṃ bhāventopi… devatānussatiṃ bhāventopi… ānāpānassatiṃ 16 bhāventopi… maraṇassatiṃ bhāventopi… kāyagatāsatiṃ bhāventopi… upasamānussatiṃ bhāventopi vikkhambhanato kāme parivajjeti.
батамам̣ жхаанам̣ бхаавзнд̇оби вигкамбханад̇о гаамз бариваж̇ж̇зд̇и, д̣̇уд̇ияам̣ жхаанам̣ бхаавзнд̇оби…бз… д̇ад̇ияам̣ жхаанам̣ бхаавзнд̇оби… жад̇уд̇т̇ам̣ жхаанам̣ бхаавзнд̇оби… аагаасаанан̃жааяад̇анасамаабад̇д̇им̣ бхаавзнд̇оби… вин̃н̃аан̣ан̃жааяад̇анасамаабад̇д̇им̣ бхаавзнд̇оби… аагин̃жан̃н̃ааяад̇анасамаабад̇д̇им̣ бхаавзнд̇оби … нзвасан̃н̃аанаасан̃н̃ааяад̇анасамаабад̇д̇им̣ бхаавзнд̇оби вигкамбханад̇о гаамз бариваж̇ж̇зд̇и. звам̣ вигкамбханад̇о гаамз бариваж̇ж̇зд̇и.
Paṭhamaṃ jhānaṃ bhāventopi vikkhambhanato kāme parivajjeti, dutiyaṃ jhānaṃ bhāventopi…pe… tatiyaṃ jhānaṃ bhāventopi… catutthaṃ jhānaṃ bhāventopi… ākāsānañcāyatanasamāpattiṃ bhāventopi… viññāṇañcāyatanasamāpattiṃ bhāventopi… ākiñcaññāyatanasamāpattiṃ bhāventopi … nevasaññānāsaññāyatanasamāpattiṃ bhāventopi vikkhambhanato kāme parivajjeti. Evaṃ vikkhambhanato kāme parivajjeti.
гат̇ам̣ самужчзд̣̇ад̇о гаамз бариваж̇ж̇зд̇и? сод̇аабад̇д̇имаг̇г̇ам̣ бхаавзнд̇оби абааяаг̇аманийяз гаамз самужчзд̣̇ад̇о бариваж̇ж̇зд̇и, сагад̣̇ааг̇аамимаг̇г̇ам̣ бхаавзнд̇оби ол̣ааригз гаамз самужчзд̣̇ад̇о бариваж̇ж̇зд̇и, анааг̇аамимаг̇г̇ам̣ бхаавзнд̇оби анусахаг̇ад̇з гаамз самужчзд̣̇ад̇о бариваж̇ж̇зд̇и, арахад̇д̇амаг̇г̇ам̣ бхаавзнд̇оби саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ самужчзд̣̇ад̇о гаамз бариваж̇ж̇зд̇и. звам̣ самужчзд̣̇ад̇о гаамз бариваж̇ж̇зд̇ийд̇и – яо гаамз бариваж̇ж̇зд̇и.
Kathaṃ samucchedato kāme parivajjeti? Sotāpattimaggaṃ bhāventopi apāyagamanīye kāme samucchedato parivajjeti, sakadāgāmimaggaṃ bhāventopi oḷārike kāme samucchedato parivajjeti, anāgāmimaggaṃ bhāventopi anusahagate kāme samucchedato parivajjeti, arahattamaggaṃ bhāventopi sabbena sabbaṃ sabbathā sabbaṃ asesaṃ nissesaṃ samucchedato kāme parivajjeti. Evaṃ samucchedato kāme parivajjetīti – yo kāme parivajjeti.
саббассзва бад̣̇аа сирод̇и. саббо вужжад̇и ахи. гзнадтзна саббо? сам̣саббанд̇о г̇ажчад̇ийд̇и саббо; бхуж̇анд̇о г̇ажчад̇ийд̇и бхуж̇аг̇о; урзна г̇ажчад̇ийд̇и ураг̇о; баннасиро г̇ажчад̇ийд̇и баннаг̇о; сирзна субад̇ийд̇и 17 сарийсабо 18; б̣илз саяад̇ийд̇и б̣илаасаяо; г̇ухааяам̣ саяад̇ийд̇и г̇ухаасаяо; д̣̇аатаа д̇асса аавуд̇ход̇и д̣̇аатаавуд̇хо; висам̣ д̇асса гхоранд̇и гхорависо; ж̇ивхаа д̇асса д̣̇увид̇хаад̇и д̣̇виж̇ивхо; д̣̇вийхи ж̇ивхаахи расам̣ сааяад̇ийд̇и д̣̇вирасан̃н̃уу. яат̇аа бурисо ж̇ийвид̇угаамо амарид̇угаамо сукагаамо д̣̇угкабадиггууло баад̣̇зна саббасирам̣ важ̇ж̇зяяа виваж̇ж̇зяяа бариваж̇ж̇зяяа абхиниваж̇ж̇зяяа; звамзва сукагаамо д̣̇угкабадиггууло гаамз важ̇ж̇зяяа виваж̇ж̇зяяа бариваж̇ж̇зяяа абхиниваж̇ж̇зяяаад̇и – саббассзва бад̣̇аа сиро.
Sappasseva padā siroti. Sappo vuccati ahi. Kenaṭṭhena sappo? Saṃsappanto gacchatīti sappo; bhujanto gacchatīti bhujago; urena gacchatīti urago; pannasiro gacchatīti pannago; sirena supatīti 19 sarīsapo 20; bile sayatīti bilāsayo; guhāyaṃ sayatīti guhāsayo; dāṭhā tassa āvudhoti dāṭhāvudho; visaṃ tassa ghoranti ghoraviso; jivhā tassa duvidhāti dvijivho; dvīhi jivhāhi rasaṃ sāyatīti dvirasaññū. Yathā puriso jīvitukāmo amaritukāmo sukhakāmo dukkhapaṭikkūlo pādena sappasiraṃ vajjeyya vivajjeyya parivajjeyya abhinivajjeyya; evameva sukhakāmo dukkhapaṭikkūlo kāme vajjeyya vivajjeyya parivajjeyya abhinivajjeyyāti – sappasseva padā siro.
сомам̣ висад̇д̇игам̣ логз, сад̇о самад̇ивад̇д̇ад̇ийд̇и. сод̇и яо гаамз бариваж̇ж̇зд̇и. висад̇д̇игаа вужжад̇и д̇ан̣хаа. яо рааг̇о саарааг̇о анунаяо анурод̇хо нанд̣̇ий нанд̣̇ирааг̇о, жид̇д̇асса саарааг̇о ижчаа мужчаа аж̇жхосаанам̣ г̇зд̇хо балиг̇зд̇хо 21 сан̇г̇о бан̇го, зж̇аа мааяаа ж̇анигаа сан̃ж̇ананий сиб̣б̣иний ж̇аалиний сарид̇аа висад̇д̇игаа, суд̇д̇ам̣ висад̇аа ааяуухиний 22 д̣̇уд̇ияаа бан̣ид̇хи бхаванзд̇д̇и, ванам̣ ванат̇о санд̇хаво снзхо абзгкаа бадиб̣анд̇ху, аасаа аасийсанаа аасийсид̇ад̇д̇ам̣, руубаасаа сад̣̇д̣̇аасаа г̇анд̇хаасаа расаасаа подтаб̣б̣аасаа, лаабхаасаа ж̇анаасаа буд̇д̇аасаа ж̇ийвид̇аасаа, ж̇аббаа баж̇аббаа абхиж̇аббаа ж̇аббанаа ж̇аббид̇ад̇д̇ам̣ лолуббам̣ лолуббааяанаа лолуббааяид̇ад̇д̇ам̣ бужчан̃ж̇игад̇аа саад̇хугамяад̇аа, ад̇хаммарааг̇о висамалобхо ниганд̇и нигааманаа бад̇т̇анаа биханаа самбад̇т̇анаа, гаамад̇ан̣хаа бхавад̇ан̣хаа вибхавад̇ан̣хаа, руубад̇ан̣хаа аруубад̇ан̣хаа нирод̇хад̇ан̣хаа, руубад̇ан̣хаа сад̣̇д̣̇ад̇ан̣хаа г̇анд̇хад̇ан̣хаа расад̇ан̣хаа подтаб̣б̣ад̇ан̣хаа д̇хаммад̇ан̣хаа , огхо яог̇о г̇ант̇о убаад̣̇аанам̣ ааваран̣ам̣ нийваран̣ам̣ чад̣̇анам̣ б̣анд̇ханам̣, убаггилзсо анусаяо барияудтаанам̣ лад̇аа взвижчам̣, д̣̇угкамуулам̣ д̣̇угканид̣̇аанам̣ д̣̇угкаббабхаво маарабаасо маараб̣ал̣исам̣ маарависаяо, д̇ан̣хаанад̣̇ий д̇ан̣хааж̇аалам̣ д̇ан̣хааг̇ад̣̇д̣̇улам̣ д̇ан̣хаасамуд̣̇д̣̇о абхиж̇жхаа лобхо агусаламуулам̣.
Somaṃ visattikaṃ loke, sato samativattatīti. Soti yo kāme parivajjeti. Visattikā vuccati taṇhā. Yo rāgo sārāgo anunayo anurodho nandī nandirāgo, cittassa sārāgo icchā mucchā ajjhosānaṃ gedho paligedho 23 saṅgo paṅko, ejā māyā janikā sañjananī sibbinī jālinī saritā visattikā, suttaṃ visatā āyūhinī 24 dutiyā paṇidhi bhavanetti, vanaṃ vanatho sandhavo sneho apekkhā paṭibandhu, āsā āsīsanā āsīsitattaṃ, rūpāsā saddāsā gandhāsā rasāsā phoṭṭhabbāsā, lābhāsā janāsā puttāsā jīvitāsā, jappā pajappā abhijappā jappanā jappitattaṃ loluppaṃ loluppāyanā loluppāyitattaṃ pucchañjikatā sādhukamyatā, adhammarāgo visamalobho nikanti nikāmanā patthanā pihanā sampatthanā, kāmataṇhā bhavataṇhā vibhavataṇhā, rūpataṇhā arūpataṇhā nirodhataṇhā, rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā , ogho yogo gantho upādānaṃ āvaraṇaṃ nīvaraṇaṃ chadanaṃ bandhanaṃ, upakkileso anusayo pariyuṭṭhānaṃ latā vevicchaṃ, dukkhamūlaṃ dukkhanidānaṃ dukkhappabhavo mārapāso mārabaḷisaṃ māravisayo, taṇhānadī taṇhājālaṃ taṇhāgaddulaṃ taṇhāsamuddo abhijjhā lobho akusalamūlaṃ.
висад̇д̇игаад̇и. гзнадтзна висад̇д̇игаа? висад̇аад̇и висад̇д̇игаа; висаалаад̇и висад̇д̇игаа; висадаад̇и висад̇д̇игаа; висаггад̇ийд̇и висад̇д̇игаа; висам̣харад̇ийд̇и висад̇д̇игаа; висам̣ваад̣̇игаад̇и висад̇д̇игаа; висамуулаад̇и висад̇д̇игаа; висапалаад̇и висад̇д̇игаа; висабарибхог̇од̇и висад̇д̇игаа; висаалаа ваа бана саа д̇ан̣хаа руубз сад̣̇д̣̇з г̇анд̇хз расз подтаб̣б̣з, гулз г̇ан̣з ааваасз лаабхз яасз, басам̣сааяа сукз жийварз бин̣д̣абаад̇з сзнаасанз г̇илаанабажжаяабхзсаж̇ж̇абаригкаарз, гаамад̇хаад̇уяаа руубад̇хаад̇уяаа аруубад̇хаад̇уяаа, гаамабхавз руубабхавз аруубабхавз, сан̃н̃аабхавз асан̃н̃аабхавз нзвасан̃н̃аанаасан̃н̃аабхавз, згавогаарабхавз жад̇увогаарабхавз бан̃жавогаарабхавз, ад̇ийд̇з анааг̇ад̇з бажжуббаннз, д̣̇идтасуд̇амуд̇авин̃н̃аад̇аб̣б̣зсу д̇хаммзсу висадаа вид̇т̇ад̇аад̇и висад̇д̇игаа.
Visattikāti. Kenaṭṭhena visattikā? Visatāti visattikā; visālāti visattikā; visaṭāti visattikā; visakkatīti visattikā; visaṃharatīti visattikā; visaṃvādikāti visattikā; visamūlāti visattikā; visaphalāti visattikā; visaparibhogoti visattikā; visālā vā pana sā taṇhā rūpe sadde gandhe rase phoṭṭhabbe, kule gaṇe āvāse lābhe yase, pasaṃsāya sukhe cīvare piṇḍapāte senāsane gilānapaccayabhesajjaparikkhāre, kāmadhātuyā rūpadhātuyā arūpadhātuyā, kāmabhave rūpabhave arūpabhave, saññābhave asaññābhave nevasaññānāsaññābhave, ekavokārabhave catuvokārabhave pañcavokārabhave, atīte anāgate paccuppanne, diṭṭhasutamutaviññātabbesu dhammesu visaṭā vitthatāti visattikā.
логзд̇и абааяалогз мануссалогз д̣̇звалогз, канд̇халогз д̇хаад̇улогз ааяад̇аналогз. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о, взд̣̇анаасу…бз… жид̇д̇з… д̇хаммзсу д̇хаммаанубассанаасад̇ибадтаанам̣ бхаавзнд̇о сад̇о.
Loketi apāyaloke manussaloke devaloke, khandhaloke dhātuloke āyatanaloke. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu…pe… citte… dhammesu dhammānupassanāsatipaṭṭhānaṃ bhāvento sato.
абарзхиби жад̇уухи гааран̣зхи сад̇о – асад̇ибариваж̇ж̇анааяа сад̇о, сад̇игаран̣ийяаанам̣ д̇хаммаанам̣ гад̇ад̇д̇аа сад̇о, сад̇ибариб̣анд̇хаанам̣ д̇хаммаанам̣ хад̇ад̇д̇аа сад̇о, сад̇инимид̇д̇аанам̣ д̇хаммаанам̣ асаммудтад̇д̇аа сад̇о.
Aparehipi catūhi kāraṇehi sato – asatiparivajjanāya sato, satikaraṇīyānaṃ dhammānaṃ katattā sato, satiparibandhānaṃ dhammānaṃ hatattā sato, satinimittānaṃ dhammānaṃ asammuṭṭhattā sato.
абарзхиби жад̇уухи гааран̣зхи сад̇о – сад̇ияаа саманнааг̇ад̇ад̇д̇аа сад̇о, сад̇ияаа васид̇ад̇д̇аа сад̇о, сад̇ияаа бааг̇ун̃н̃ад̇ааяа сад̇о, сад̇ияаа абажжорохан̣ад̇ааяа 25 сад̇о.
Aparehipi catūhi kāraṇehi sato – satiyā samannāgatattā sato, satiyā vasitattā sato, satiyā pāguññatāya sato, satiyā apaccorohaṇatāya 26 sato.
абарзхиби жад̇уухи гааран̣зхи сад̇о – сад̇д̇ад̇д̇аа сад̇о, санд̇ад̇д̇аа сад̇о, самид̇ад̇д̇аа сад̇о, санд̇ад̇хаммасаманнааг̇ад̇ад̇д̇аа сад̇о. б̣уд̣̇д̇хаануссад̇ияаа сад̇о, д̇хаммаануссад̇ияаа сад̇о, сан̇гхаануссад̇ияаа сад̇о, сийлаануссад̇ияаа сад̇о, жааг̇аануссад̇ияаа сад̇о, д̣̇звад̇аануссад̇ияаа сад̇о, аанаабаанассад̇ияаа сад̇о, маран̣ассад̇ияаа сад̇о, гааяаг̇ад̇аасад̇ияаа сад̇о, убасамаануссад̇ияаа сад̇о. яаа сад̇и ануссад̇и бадиссад̇и сад̇и саран̣ад̇аа д̇хааран̣ад̇аа абилаабанад̇аа асаммуссанад̇аа сад̇и сад̇инд̣̇рияам̣ сад̇иб̣алам̣ саммаасад̇и сад̇исамб̣ож̇жхан̇г̇о згааяанамаг̇г̇о, аяам̣ вужжад̇и сад̇и. имааяа сад̇ияаа убзд̇о ход̇и самубзд̇о убаг̇ад̇о самубаг̇ад̇о убабанно самубабанно саманнааг̇ад̇о, со вужжад̇и сад̇о.
Aparehipi catūhi kāraṇehi sato – sattattā sato, santattā sato, samitattā sato, santadhammasamannāgatattā sato. Buddhānussatiyā sato, dhammānussatiyā sato, saṅghānussatiyā sato, sīlānussatiyā sato, cāgānussatiyā sato, devatānussatiyā sato, ānāpānassatiyā sato, maraṇassatiyā sato, kāyagatāsatiyā sato, upasamānussatiyā sato. Yā sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati satisambojjhaṅgo ekāyanamaggo, ayaṃ vuccati sati. Imāya satiyā upeto hoti samupeto upagato samupagato upapanno samupapanno samannāgato, so vuccati sato.
сомам̣ висад̇д̇игам̣ логз, сад̇о самад̇ивад̇д̇ад̇ийд̇и. логз ваа саа висад̇д̇игаа, логз ваа д̇ам̣ висад̇д̇игам̣ сад̇о д̇арад̇и уд̇д̇арад̇и бад̇арад̇и самад̇иггамад̇и вийд̇ивад̇д̇ад̇ийд̇и – сомам̣ висад̇д̇игам̣ логз, сад̇о самад̇ивад̇д̇ад̇и.
Somaṃ visattikaṃ loke, sato samativattatīti. Loke vā sā visattikā, loke vā taṃ visattikaṃ sato tarati uttarati patarati samatikkamati vītivattatīti – somaṃ visattikaṃ loke, sato samativattati.
д̇знааха бхаг̇аваа –
Tenāha bhagavā –
‘‘яо гаамз бариваж̇ж̇зд̇и, саббассзва бад̣̇аа сиро;
‘‘Yo kāme parivajjeti, sappasseva padā siro;
сомам̣ висад̇д̇игам̣ логз, сад̇о самад̇ивад̇д̇ад̇ий’’д̇и.
Somaṃ visattikaṃ loke, sato samativattatī’’ti.
4.
4.
кзд̇д̇ам̣ вад̇т̇ум̣ хиран̃н̃ам̣ ваа, г̇аваассам̣ д̣̇аасаборисам̣;
Khettaṃ vatthuṃ hiraññaṃ vā, gavāssaṃ dāsaporisaṃ;
т̇ияо б̣анд̇хуу бут̇у гаамз, яо наро ануг̇иж̇жхад̇и.
Thiyo bandhū puthu kāme, yo naro anugijjhati.
кзд̇д̇ам̣ вад̇т̇ум̣ хиран̃н̃ам̣ ваад̇и. кзд̇д̇анд̇и саалигкзд̇д̇ам̣ вийхигкзд̇д̇ам̣ муг̇г̇агкзд̇д̇ам̣ маасагкзд̇д̇ам̣ яавагкзд̇д̇ам̣ г̇од̇хумагкзд̇д̇ам̣ д̇илагкзд̇д̇ам̣. вад̇т̇унд̇и гхаравад̇т̇ум̣ годтагавад̇т̇ум̣ бурзвад̇т̇ум̣ бажчаавад̇т̇ум̣ аараамавад̇т̇ум̣ вихааравад̇т̇ум̣. хиран̃н̃анд̇и хиран̃н̃ам̣ вужжад̇и гахаабан̣од̇и – кзд̇д̇ам̣ вад̇т̇ум̣ хиран̃н̃ам̣ ваа.
Khettaṃvatthuṃ hiraññaṃ vāti. Khettanti sālikkhettaṃ vīhikkhettaṃ muggakkhettaṃ māsakkhettaṃ yavakkhettaṃ godhumakkhettaṃ tilakkhettaṃ. Vatthunti gharavatthuṃ koṭṭhakavatthuṃ purevatthuṃ pacchāvatthuṃ ārāmavatthuṃ vihāravatthuṃ. Hiraññanti hiraññaṃ vuccati kahāpaṇoti – khettaṃ vatthuṃ hiraññaṃ vā.
г̇аваассам̣ д̣̇аасаборисанд̇и. г̇аванд̇и г̇аваа 27 вужжанд̇и. ассаад̇и басугаад̣̇аяо вужжанд̇и. д̣̇аасаад̇и жад̇д̇ааро д̣̇аасаа – анд̇ож̇аад̇аго д̣̇аасо, д̇ханаггийд̇аго д̣̇аасо, саамам̣ ваа д̣̇аасаб̣яам̣ убзд̇и, агаамаго ваа д̣̇аасависаяам̣ убзд̇и.
Gavāssaṃ dāsaporisanti. Gavanti gavā 28 vuccanti. Assāti pasukādayo vuccanti. Dāsāti cattāro dāsā – antojātako dāso, dhanakkītako dāso, sāmaṃ vā dāsabyaṃ upeti, akāmako vā dāsavisayaṃ upeti.
‘‘аамааяа д̣̇аасааби бхаванд̇и хзгз, д̇ханзна гийд̇ааби бхаванд̇и д̣̇аасаа;
‘‘Āmāya dāsāpi bhavanti heke, dhanena kītāpi bhavanti dāsā;
сааман̃жа згз убаяанд̇и д̣̇аасяам̣, бхаяаабанун̣н̣ааби бхаванд̇и д̣̇аасаа’’д̇и.
Sāmañca eke upayanti dāsyaṃ, bhayāpanuṇṇāpi bhavanti dāsā’’ti.
бурисаад̇и д̇аяо бурисаа – бхад̇агаа, гаммагараа, убаж̇ийвинод̇и – г̇аваассам̣ д̣̇аасаборисам̣.
Purisāti tayo purisā – bhatakā, kammakarā, upajīvinoti – gavāssaṃ dāsaporisaṃ.
т̇ияо б̣анд̇хуу бут̇у гаамзд̇и. т̇ияод̇и ид̇т̇ибариг̇г̇ахо вужжад̇и. б̣анд̇хууд̇и жад̇д̇ааро б̣анд̇хуу – н̃аад̇иб̣анд̇хавааби б̣анд̇ху, г̇од̇д̇аб̣анд̇хавааби б̣анд̇ху, манд̇аб̣анд̇хавааби б̣анд̇ху, сиббаб̣анд̇хавааби б̣анд̇ху. бут̇у гаамзд̇и б̣ахуу гаамз. зд̇з бут̇у гаамаа манаабигаа руубаа…бз… манаабигаа подтаб̣б̣аад̇и – т̇ияо б̣анд̇хуу бут̇у гаамз.
Thiyo bandhū puthu kāmeti. Thiyoti itthipariggaho vuccati. Bandhūti cattāro bandhū – ñātibandhavāpi bandhu, gottabandhavāpi bandhu, mantabandhavāpi bandhu, sippabandhavāpi bandhu. Puthu kāmeti bahū kāme. Ete puthu kāmā manāpikā rūpā…pe… manāpikā phoṭṭhabbāti – thiyo bandhū puthu kāme.
яо наро ануг̇иж̇жхад̇ийд̇и. яод̇и яо яаад̣̇исо яат̇ааяуд̇д̇о яат̇аавихид̇о яат̇аабагааро яам̣таанаббад̇д̇о яам̣д̇хаммасаманнааг̇ад̇о кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о бваа д̣̇зво ваа мануссо ваа. народ̇и сад̇д̇о наро маанаво босо буг̇г̇ало ж̇ийво ж̇ааг̇у ж̇анд̇у инд̣̇аг̇у мануж̇о. ануг̇иж̇жхад̇ийд̇и гилзсагаамзна вад̇т̇угаамзсу г̇иж̇жхад̇и ануг̇иж̇жхад̇и балиг̇иж̇жхад̇и балиб̣аж̇жхад̇ийд̇и – яо наро ануг̇иж̇жхад̇и.
Yo naro anugijjhatīti. Yoti yo yādiso yathāyutto yathāvihito yathāpakāro yaṃṭhānappatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito pvā devo vā manusso vā. Naroti satto naro mānavo poso puggalo jīvo jāgu jantu indagu manujo. Anugijjhatīti kilesakāmena vatthukāmesu gijjhati anugijjhati paligijjhati palibajjhatīti – yo naro anugijjhati.
д̇знааха бхаг̇аваа –
Tenāha bhagavā –
‘‘кзд̇д̇ам̣ вад̇т̇ум̣ хиран̃н̃ам̣ ваа, г̇аваассам̣ д̣̇аасаборисам̣;
‘‘Khettaṃ vatthuṃ hiraññaṃ vā, gavāssaṃ dāsaporisaṃ;
т̇ияо б̣анд̇хуу бут̇у гаамз, яо наро ануг̇иж̇жхад̇ий’’д̇и.
Thiyo bandhū puthu kāme, yo naro anugijjhatī’’ti.
5.
5.
аб̣алаа нам̣ б̣алийяанд̇и, мад̣̇д̣̇анд̇з нам̣ бариссаяаа;
Abalā naṃ balīyanti, maddante naṃ parissayā;
д̇ад̇о нам̣ д̣̇угкаманвзд̇и, наавам̣ бхиннамивод̣̇агам̣.
Tato naṃ dukkhamanveti, nāvaṃ bhinnamivodakaṃ.
аб̣алаа нам̣ б̣алийяанд̇ийд̇и. аб̣алаад̇и аб̣алаа гилзсаа д̣̇уб̣б̣алаа аббаб̣алаа аббат̇аамагаа хийнаа нихийнаа ( ) 29 омагаа лаамагаа чад̇уггаа барид̇д̇аа. д̇з гилзсаа д̇ам̣ буг̇г̇алам̣ саханд̇и барисаханд̇и абхибхаванд̇и аж̇жход̇т̇аранд̇и барияаад̣̇ияанд̇и мад̣̇д̣̇анд̇ийд̇и, звамби аб̣алаа нам̣ б̣алийяанд̇и. ат̇а ваа, аб̣алам̣ буг̇г̇алам̣ д̣̇уб̣б̣алам̣ аббаб̣алам̣ аббат̇аамагам̣ хийнам̣ нихийнам̣ омагам̣ лаамагам̣ чад̇уггам̣ барид̇д̇ам̣, яасса над̇т̇и сад̣̇д̇хааб̣алам̣ вийрияаб̣алам̣ сад̇иб̣алам̣ самаад̇хиб̣алам̣ бан̃н̃ааб̣алам̣ хириб̣алам̣ од̇д̇аббаб̣алам̣ . д̇з гилзсаа д̇ам̣ буг̇г̇алам̣ саханд̇и барисаханд̇и абхибхаванд̇и аж̇жход̇т̇аранд̇и барияаад̣̇ияанд̇и мад̣̇д̣̇анд̇ийд̇и – звамби аб̣алаа нам̣ б̣алийяанд̇ийд̇и.
Abalā naṃ balīyantīti. Abalāti abalā kilesā dubbalā appabalā appathāmakā hīnā nihīnā ( ) 30 omakā lāmakā chatukkā parittā. Te kilesā taṃ puggalaṃ sahanti parisahanti abhibhavanti ajjhottharanti pariyādiyanti maddantīti, evampi abalā naṃ balīyanti. Atha vā, abalaṃ puggalaṃ dubbalaṃ appabalaṃ appathāmakaṃ hīnaṃ nihīnaṃ omakaṃ lāmakaṃ chatukkaṃ parittaṃ, yassa natthi saddhābalaṃ vīriyabalaṃ satibalaṃ samādhibalaṃ paññābalaṃ hiribalaṃ ottappabalaṃ . Te kilesā taṃ puggalaṃ sahanti parisahanti abhibhavanti ajjhottharanti pariyādiyanti maddantīti – evampi abalā naṃ balīyantīti.
мад̣̇д̣̇анд̇з нам̣ бариссаяаад̇и. д̣̇вз бариссаяаа – баагадабариссаяаа жа бадижчаннабариссаяаа жа. гад̇амз баагадабариссаяаа? сийхаа б̣яаг̇гхаа д̣̇ийбий ажчаа д̇аражчаа гогаа махим̣саа 31 хад̇т̇ий ахивижчигаа сад̇абад̣̇ий, жораа ваа ассу маанаваа ваа гад̇агаммаа ваа агад̇агаммаа ваа, жагкурог̇о сод̇арог̇о гхаанарог̇о ж̇ивхаарог̇о гааяарог̇о сийсарог̇о ган̣н̣арог̇о мукарог̇о д̣̇анд̇арог̇о, гаасо саасо бинаасо д̣аахо ж̇аро, гужчирог̇о мужчаа багканд̣̇игаа суулаа висуужигаа, гудтам̣ г̇ан̣д̣о гилаасо сосо абамааро, д̣̇ад̣̇д̣̇у ган̣д̣у гажчу ракасаа 32 вид̇ажчигаа лохид̇абид̇д̇ам̣, мад̇хумзхо ам̣саа бил̣агаа бхаг̇анд̣̇алаа, бид̇д̇асамудтаанаа ааб̣аад̇хаа сзмхасамудтаанаа ааб̣аад̇хаа ваад̇асамудтаанаа ааб̣аад̇хаа саннибаад̇игаа ааб̣аад̇хаа уд̇убарин̣аамаж̇аа ааб̣аад̇хаа висамабарихаараж̇аа ааб̣аад̇хаа, обаггамигаа ааб̣аад̇хаа гаммавибаагаж̇аа ааб̣аад̇хаа, сийд̇ам̣ ун̣хам̣ ж̇игхажчаа бибаасаа ужжааро бассааво д̣ам̣самагасаваад̇аад̇абасарийсабасампассаа ид̇и ваа – имз вужжанд̇и баагадабариссаяаа.
Maddante naṃ parissayāti. Dve parissayā – pākaṭaparissayā ca paṭicchannaparissayā ca. Katame pākaṭaparissayā? Sīhā byagghā dīpī acchā taracchā kokā mahiṃsā 33 hatthī ahivicchikā satapadī, corā vā assu mānavā vā katakammā vā akatakammā vā, cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo, kāso sāso pināso ḍāho jaro, kucchirogo mucchā pakkhandikā sūlā visūcikā, kuṭṭhaṃ gaṇḍo kilāso soso apamāro, daddu kaṇḍu kacchu rakhasā 34 vitacchikā lohitapittaṃ, madhumeho aṃsā piḷakā bhagandalā, pittasamuṭṭhānā ābādhā semhasamuṭṭhānā ābādhā vātasamuṭṭhānā ābādhā sannipātikā ābādhā utupariṇāmajā ābādhā visamaparihārajā ābādhā, opakkamikā ābādhā kammavipākajā ābādhā, sītaṃ uṇhaṃ jighacchā pipāsā uccāro passāvo ḍaṃsamakasavātātapasarīsapasamphassā iti vā – ime vuccanti pākaṭaparissayā.
гад̇амз бадижчаннабариссаяаа? гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣ , гаамажчанд̣̇анийваран̣ам̣ б̣яаабаад̣̇анийваран̣ам̣ т̇инамид̣̇д̇ханийваран̣ам̣ уд̣̇д̇хажжагуггужжанийваран̣ам̣ вижигижчаанийваран̣ам̣, рааг̇о д̣̇осо мохо год̇хо убанаахо магко бал̣аасо иссаа мажчарияам̣, мааяаа саатзяяам̣ т̇амбхо саарамбхо маано ад̇имаано мад̣̇о бамаад̣̇о, саб̣б̣з гилзсаа саб̣б̣з д̣̇ужжарид̇аа саб̣б̣з д̣̇арат̇аа саб̣б̣з барил̣аахаа саб̣б̣з санд̇аабаа саб̣б̣аагусалаабхисан̇каараа – имз вужжанд̇и бадижчаннабариссаяаа.
Katame paṭicchannaparissayā? Kāyaduccaritaṃ vacīduccaritaṃ manoduccaritaṃ , kāmacchandanīvaraṇaṃ byāpādanīvaraṇaṃ thinamiddhanīvaraṇaṃ uddhaccakukkuccanīvaraṇaṃ vicikicchānīvaraṇaṃ, rāgo doso moho kodho upanāho makkho paḷāso issā macchariyaṃ, māyā sāṭheyyaṃ thambho sārambho māno atimāno mado pamādo, sabbe kilesā sabbe duccaritā sabbe darathā sabbe pariḷāhā sabbe santāpā sabbākusalābhisaṅkhārā – ime vuccanti paṭicchannaparissayā.
бариссаяаад̇и гзнадтзна бариссаяаа? барисаханд̇ийд̇и бариссаяаа, барихаанааяа сам̣вад̇д̇анд̇ийд̇и бариссаяаа, д̇ад̇раасаяаад̇и бариссаяаа. гат̇ам̣ барисаханд̇ийд̇и бариссаяаа? д̇з бариссаяаа д̇ам̣ буг̇г̇алам̣ саханд̇и барисаханд̇и абхибхаванд̇и аж̇жход̇т̇аранд̇и барияаад̣̇ияанд̇и мад̣̇д̣̇анд̇и. звам̣ барисаханд̇ийд̇и бариссаяаа. гат̇ам̣ барихаанааяа сам̣вад̇д̇анд̇ийд̇и бариссаяаа? д̇з бариссаяаа гусалаанам̣ д̇хаммаанам̣ анд̇арааяааяа барихаанааяа сам̣вад̇д̇анд̇и. гад̇амзсам̣ гусалаанам̣ д̇хаммаанам̣? саммаабадибад̣̇ааяа ануломабадибад̣̇ааяа абажжанийгабадибад̣̇ааяа авируд̣̇д̇хабадибад̣̇ааяа анвад̇т̇абадибад̣̇ааяа д̇хаммаануд̇хаммабадибад̣̇ааяа, сийлзсу барибууригаарид̇ааяа инд̣̇риязсу г̇уд̇д̇ад̣̇ваарад̇ааяа бхож̇анз мад̇д̇ан̃н̃уд̇ааяа, ж̇ааг̇арияаануяог̇асса сад̇исамбаж̇ан̃н̃асса, жад̇уннам̣ сад̇ибадтаанаанам̣ бхааванаануяог̇асса жад̇уннам̣ саммаббад̇хаанаанам̣ бхааванаануяог̇асса жад̇уннам̣ ид̣̇д̇хибаад̣̇аанам̣ бхааванаануяог̇асса, бан̃жаннам̣ инд̣̇рияаанам̣ бхааванаануяог̇асса бан̃жаннам̣ б̣алаанам̣ бхааванаануяог̇асса, сад̇д̇аннам̣ б̣ож̇жхан̇г̇аанам̣ бхааванаануяог̇асса арияасса адтан̇г̇игасса маг̇г̇асса бхааванаануяог̇асса – имзсам̣ гусалаанам̣ д̇хаммаанам̣ анд̇арааяааяа барихаанааяа сам̣вад̇д̇анд̇и. звам̣ барихаанааяа сам̣вад̇д̇анд̇ийд̇и – бариссаяаа.
Parissayāti kenaṭṭhena parissayā? Parisahantīti parissayā, parihānāya saṃvattantīti parissayā, tatrāsayāti parissayā. Kathaṃ parisahantīti parissayā? Te parissayā taṃ puggalaṃ sahanti parisahanti abhibhavanti ajjhottharanti pariyādiyanti maddanti. Evaṃ parisahantīti parissayā. Kathaṃ parihānāya saṃvattantīti parissayā? Te parissayā kusalānaṃ dhammānaṃ antarāyāya parihānāya saṃvattanti. Katamesaṃ kusalānaṃ dhammānaṃ? Sammāpaṭipadāya anulomapaṭipadāya apaccanīkapaṭipadāya aviruddhapaṭipadāya anvatthapaṭipadāya dhammānudhammapaṭipadāya, sīlesu paripūrikāritāya indriyesu guttadvāratāya bhojane mattaññutāya, jāgariyānuyogassa satisampajaññassa, catunnaṃ satipaṭṭhānānaṃ bhāvanānuyogassa catunnaṃ sammappadhānānaṃ bhāvanānuyogassa catunnaṃ iddhipādānaṃ bhāvanānuyogassa, pañcannaṃ indriyānaṃ bhāvanānuyogassa pañcannaṃ balānaṃ bhāvanānuyogassa, sattannaṃ bojjhaṅgānaṃ bhāvanānuyogassa ariyassa aṭṭhaṅgikassa maggassa bhāvanānuyogassa – imesaṃ kusalānaṃ dhammānaṃ antarāyāya parihānāya saṃvattanti. Evaṃ parihānāya saṃvattantīti – parissayā.
гат̇ам̣ д̇ад̇раасаяаад̇и бариссаяаа? д̇ад̇т̇зд̇з баабагаа агусалаа д̇хаммаа уббаж̇ж̇анд̇и ад̇д̇абхаавасанниссаяаа. яат̇аа б̣илз б̣илаасаяаа баан̣аа саяанд̇и, д̣̇агз д̣̇агаасаяаа баан̣аа саяанд̇и, ванз ванаасаяаа баан̣аа саяанд̇и, ругкз ругкаасаяаа баан̣аа саяанд̇и, звамзва д̇ад̇т̇зд̇з баабагаа агусалаа д̇хаммаа уббаж̇ж̇анд̇и ад̇д̇абхаавасанниссаяаа. звамби д̇ад̇раасаяаад̇и – бариссаяаа.
Kathaṃ tatrāsayāti parissayā? Tatthete pāpakā akusalā dhammā uppajjanti attabhāvasannissayā. Yathā bile bilāsayā pāṇā sayanti, dake dakāsayā pāṇā sayanti, vane vanāsayā pāṇā sayanti, rukkhe rukkhāsayā pāṇā sayanti, evameva tatthete pāpakā akusalā dhammā uppajjanti attabhāvasannissayā. Evampi tatrāsayāti – parissayā.
вуд̇д̇ан̃хзд̇ам̣ бхаг̇авад̇аа –
Vuttañhetaṃ bhagavatā –
‘‘саанд̇зваасиго, бхигкавз, бхигку саажарияаго д̣̇угкам̣ на паасу вихарад̇и. гат̇ан̃жа, бхигкавз, бхигку саанд̇зваасиго саажарияаго д̣̇угкам̣ на паасу вихарад̇и? ид̇ха, бхигкавз, бхигкуно жагкунаа руубам̣ д̣̇исваа уббаж̇ж̇анд̇и яз баабагаа агусалаа д̇хаммаа сарасан̇габбаа сан̃н̃ож̇анияаа, д̇яасса анд̇о васанд̇и анваасаванд̇и баабагаа агусалаа д̇хаммаад̇и – д̇асмаа саанд̇зваасигод̇и вужжад̇и. д̇з нам̣ самуд̣̇аажаранд̇и. самуд̣̇аажаранд̇и нам̣ баабагаа агусалаа д̇хаммаад̇и – д̇асмаа саажарияагод̇и вужжад̇и.
‘‘Sāntevāsiko, bhikkhave, bhikkhu sācariyako dukkhaṃ na phāsu viharati. Kathañca, bhikkhave, bhikkhu sāntevāsiko sācariyako dukkhaṃ na phāsu viharati? Idha, bhikkhave, bhikkhuno cakkhunā rūpaṃ disvā uppajjanti ye pāpakā akusalā dhammā sarasaṅkappā saññojaniyā, tyassa anto vasanti anvāsavanti pāpakā akusalā dhammāti – tasmā sāntevāsikoti vuccati. Te naṃ samudācaranti. Samudācaranti naṃ pāpakā akusalā dhammāti – tasmā sācariyakoti vuccati.
‘‘буна жабарам̣ , бхигкавз, бхигкуно сод̇зна сад̣̇д̣̇ам̣ суд̇ваа, гхаанзна г̇анд̇хам̣ гхааяид̇ваа, ж̇ивхааяа расам̣ сааяид̇ваа, гааязна подтаб̣б̣ам̣ пусид̇ваа, манасаа д̇хаммам̣ вин̃н̃ааяа уббаж̇ж̇анд̇и яз баабагаа агусалаа д̇хаммаа сарасан̇габбаа сан̃н̃ож̇анияаа, д̇яасса анд̇о васанд̇и анваасаванд̇и баабагаа агусалаа д̇хаммаад̇и – д̇асмаа саанд̇зваасигод̇и вужжад̇и. д̇з нам̣ самуд̣̇аажаранд̇и. самуд̣̇аажаранд̇и нам̣ баабагаа агусалаа д̇хаммаад̇и – д̇асмаа саажарияагод̇и вужжад̇и. звам̣ ко, бхигкавз, бхигку саанд̇зваасиго саажарияаго д̣̇угкам̣ на паасу вихарад̇ий’’д̇и. звамби д̇ад̇раасаяаад̇и – бариссаяаа.
‘‘Puna caparaṃ , bhikkhave, bhikkhuno sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya uppajjanti ye pāpakā akusalā dhammā sarasaṅkappā saññojaniyā, tyassa anto vasanti anvāsavanti pāpakā akusalā dhammāti – tasmā sāntevāsikoti vuccati. Te naṃ samudācaranti. Samudācaranti naṃ pāpakā akusalā dhammāti – tasmā sācariyakoti vuccati. Evaṃ kho, bhikkhave, bhikkhu sāntevāsiko sācariyako dukkhaṃ na phāsu viharatī’’ti. Evampi tatrāsayāti – parissayā.
вуд̇д̇ан̃хзд̇ам̣ бхаг̇авад̇аа –
Vuttañhetaṃ bhagavatā –
‘‘д̇аяомз, бхигкавз, анд̇араамалаа – анд̇арааамид̇д̇аа анд̇араасабад̇д̇аа анд̇араавад̇хагаа анд̇араабажжад̇т̇игаа. гад̇амз д̇аяо? лобхо, бхигкавз, анд̇араамалам̣ 35 анд̇арааамид̇д̇о анд̇араасабад̇д̇о анд̇араавад̇хаго анд̇араабажжад̇т̇иго. д̣̇осо…бз… мохо, бхигкавз, анд̇араамалам̣ анд̇арааамид̇д̇о анд̇араасабад̇д̇о анд̇араавад̇хаго анд̇араабажжад̇т̇иго. имз ко, бхигкавз, д̇аяо анд̇араамалаа – анд̇арааамид̇д̇аа анд̇араасабад̇д̇аа анд̇араавад̇хагаа анд̇араабажжад̇т̇игаа.
‘‘Tayome, bhikkhave, antarāmalā – antarāamittā antarāsapattā antarāvadhakā antarāpaccatthikā. Katame tayo? Lobho, bhikkhave, antarāmalaṃ 36 antarāamitto antarāsapatto antarāvadhako antarāpaccatthiko. Doso…pe… moho, bhikkhave, antarāmalaṃ antarāamitto antarāsapatto antarāvadhako antarāpaccatthiko. Ime kho, bhikkhave, tayo antarāmalā – antarāamittā antarāsapattā antarāvadhakā antarāpaccatthikā.
‘‘анад̇т̇аж̇анано лобхо, лобхо жид̇д̇аббагобано;
‘‘Anatthajanano lobho, lobho cittappakopano;
бхаяаманд̇арад̇о ж̇аад̇ам̣, д̇ам̣ ж̇ано нааваб̣уж̇жхад̇и.
Bhayamantarato jātaṃ, taṃ jano nāvabujjhati.
‘‘луд̣̇д̇хо ад̇т̇ам̣ на ж̇аанаад̇и, луд̣̇д̇хо д̇хаммам̣ на бассад̇и;
‘‘Luddho atthaṃ na jānāti, luddho dhammaṃ na passati;
анд̇ханд̇амам̣ 37 д̇ад̣̇аа ход̇и, яам̣ лобхо сахад̇з нарам̣.
Andhantamaṃ 38 tadā hoti, yaṃ lobho sahate naraṃ.
‘‘анад̇т̇аж̇анано д̣̇осо, д̣̇осо жид̇д̇аббагобано;
‘‘Anatthajanano doso, doso cittappakopano;
бхаяаманд̇арад̇о ж̇аад̇ам̣, д̇ам̣ ж̇ано нааваб̣уж̇жхад̇и.
Bhayamantarato jātaṃ, taṃ jano nāvabujjhati.
‘‘гуд̣̇д̇хо ад̇т̇ам̣ на ж̇аанаад̇и, гуд̣̇д̇хо д̇хаммам̣ на бассад̇и;
‘‘Kuddho atthaṃ na jānāti, kuddho dhammaṃ na passati;
анд̇ханд̇амам̣ д̇ад̣̇аа ход̇и, яам̣ д̣̇осо сахад̇з нарам̣.
Andhantamaṃ tadā hoti, yaṃ doso sahate naraṃ.
‘‘анад̇т̇аж̇анано мохо, мохо жид̇д̇аббагобано;
‘‘Anatthajanano moho, moho cittappakopano;
бхаяаманд̇арад̇о ж̇аад̇ам̣, д̇ам̣ ж̇ано нааваб̣уж̇жхад̇и.
Bhayamantarato jātaṃ, taṃ jano nāvabujjhati.
‘‘муул̣хо ад̇т̇ам̣ на ж̇аанаад̇и, муул̣хо д̇хаммам̣ на бассад̇и;
‘‘Mūḷho atthaṃ na jānāti, mūḷho dhammaṃ na passati;
анд̇ханд̇амам̣ д̇ад̣̇аа ход̇и, яам̣ мохо сахад̇з нара’’нд̇и.
Andhantamaṃ tadā hoti, yaṃ moho sahate nara’’nti.
звамби д̇ад̇раасаяаад̇и – бариссаяаа.
Evampi tatrāsayāti – parissayā.
вуд̇д̇амби хзд̇ам̣ бхаг̇авад̇аа – ‘‘д̇аяо ко, махаарааж̇а, бурисасса д̇хаммаа аж̇жхад̇д̇ам̣ уббаж̇ж̇амаанаа уббаж̇ж̇анд̇и, ахид̇ааяа д̣̇угкааяа апаасувихаарааяа. гад̇амз д̇аяо? лобхо ко, махаарааж̇а, бурисасса д̇хаммо аж̇жхад̇д̇ам̣ уббаж̇ж̇амаано уббаж̇ж̇ад̇и, ахид̇ааяа д̣̇угкааяа апаасувихаарааяа. д̣̇осо ко, махаарааж̇а…бз… мохо ко, махаарааж̇а, бурисасса д̇хаммо аж̇жхад̇д̇ам̣ уббаж̇ж̇амаано уббаж̇ж̇ад̇и, ахид̇ааяа д̣̇угкааяа апаасувихаарааяа. имз ко, махаарааж̇а, д̇аяо бурисасса д̇хаммаа аж̇жхад̇д̇ам̣ уббаж̇ж̇амаанаа уббаж̇ж̇анд̇и, ахид̇ааяа д̣̇угкааяа апаасувихаарааяа.
Vuttampi hetaṃ bhagavatā – ‘‘tayo kho, mahārāja, purisassa dhammā ajjhattaṃ uppajjamānā uppajjanti, ahitāya dukkhāya aphāsuvihārāya. Katame tayo? Lobho kho, mahārāja, purisassa dhammo ajjhattaṃ uppajjamāno uppajjati, ahitāya dukkhāya aphāsuvihārāya. Doso kho, mahārāja…pe… moho kho, mahārāja, purisassa dhammo ajjhattaṃ uppajjamāno uppajjati, ahitāya dukkhāya aphāsuvihārāya. Ime kho, mahārāja, tayo purisassa dhammā ajjhattaṃ uppajjamānā uppajjanti, ahitāya dukkhāya aphāsuvihārāya.
‘‘лобхо д̣̇осо жа мохо жа, бурисам̣ баабажзд̇асам̣;
‘‘Lobho doso ca moho ca, purisaṃ pāpacetasaṃ;
хим̣санд̇и ад̇д̇асамбхууд̇аа, д̇ажасаарам̣ва сампала’’нд̇и.
Hiṃsanti attasambhūtā, tacasāraṃva samphala’’nti.
звамби д̇ад̇раасаяаад̇и – бариссаяаа.
Evampi tatrāsayāti – parissayā.
вуд̇д̇амби жзд̇ам̣ бхаг̇авад̇аа –
Vuttampi cetaṃ bhagavatā –
‘‘рааг̇о жа д̣̇осо жа ид̇онид̣̇аанаа, арад̇и рад̇и ломахам̣со ид̇ож̇аа;
‘‘Rāgo ca doso ca itonidānā, arati rati lomahaṃso itojā;
ид̇о самудтааяа мановид̇аггаа, гумаарагаа д̇хан̇гамивоссаж̇анд̇ий’’д̇и 39.
Ito samuṭṭhāya manovitakkā, kumārakā dhaṅkamivossajantī’’ti 40.
звамби д̇ад̇раасаяаад̇и – бариссаяаа. мад̣̇д̣̇анд̇з нам̣ бариссаяаад̇и. д̇з бариссаяаа д̇ам̣ буг̇г̇алам̣ саханд̇и барисаханд̇и абхибхаванд̇и аж̇жход̇т̇аранд̇и барияаад̣̇ияанд̇и мад̣̇д̣̇анд̇ийд̇и – мад̣̇д̣̇анд̇з нам̣ бариссаяаа.
Evampi tatrāsayāti – parissayā. Maddante naṃ parissayāti. Te parissayā taṃ puggalaṃ sahanti parisahanti abhibhavanti ajjhottharanti pariyādiyanti maddantīti – maddante naṃ parissayā.
д̇ад̇о нам̣ д̣̇угкаманвзд̇ийд̇и. д̇ад̇од̇и д̇ад̇о д̇ад̇о бариссаяад̇о д̇ам̣ буг̇г̇алам̣ д̣̇угкам̣ анвзд̇и ануг̇ажчад̇и анвааяигам̣ ход̇и, ж̇аад̇ид̣̇угкам̣ анвзд̇и ануг̇ажчад̇и анвааяигам̣ ход̇и, ж̇араад̣̇угкам̣ анвзд̇и ануг̇ажчад̇и анвааяигам̣ ход̇и, б̣яаад̇хид̣̇угкам̣ анвзд̇и ануг̇ажчад̇и анвааяигам̣ ход̇и, маран̣ад̣̇угкам̣ анвзд̇и ануг̇ажчад̇и анвааяигам̣ ход̇и, согабарид̣̇звад̣̇угкад̣̇оманассубааяаасад̣̇угкам̣ анвзд̇и ануг̇ажчад̇и анвааяигам̣ ход̇и, нзраяигам̣ д̣̇угкам̣, д̇иражчаанаяонигам̣ д̣̇угкам̣, бзд̇д̇ивисаяигам̣ д̣̇угкам̣ анвзд̇и ануг̇ажчад̇и анвааяигам̣ ход̇и, маанусигам̣ д̣̇угкам̣… г̇аб̣бхогганд̇имуулагам̣ д̣̇угкам̣… г̇аб̣бхз тид̇имуулагам̣ д̣̇угкам̣… г̇аб̣бхаа вудтаанамуулагам̣ д̣̇угкам̣… ж̇аад̇ассуубаниб̣анд̇хагам̣ д̣̇угкам̣… ж̇аад̇асса бараад̇хзяяагам̣ д̣̇угкам̣… ад̇д̇уубаггамам̣ д̣̇угкам̣… баруубаггамам̣ д̣̇угкам̣ анвзд̇и ануг̇ажчад̇и анвааяигам̣ ход̇и, д̣̇угкад̣̇угкам̣ анвзд̇и ануг̇ажчад̇и анвааяигам̣ ход̇и, сан̇каарад̣̇угкам̣… вибарин̣аамад̣̇угкам̣ … жагкурог̇о сод̇арог̇о гхаанарог̇о ж̇ивхаарог̇о гааяарог̇о сийсарог̇о ган̣н̣арог̇о мукарог̇о д̣̇анд̇арог̇о, гаасо саасо бинаасо д̣аахо ж̇аро, гужчирог̇о мужчаа багканд̣̇игаа суулаа висуужигаа, гудтам̣ г̇ан̣д̣о гилаасо сосо абамааро, д̣̇ад̣̇д̣̇у ган̣д̣у гажчу ракасаа вид̇ажчигаа лохид̇абид̇д̇ам̣, мад̇хумзхо ам̣саа бил̣агаа бхаг̇анд̣̇алаа бид̇д̇асамудтаанаа ааб̣аад̇хаа сзмхасамудтаанаа ааб̣аад̇хаа ваад̇асамудтаанаа ааб̣аад̇хаа саннибаад̇игаа ааб̣аад̇хаа уд̇убарин̣аамаж̇аа ааб̣аад̇хаа висамабарихаараж̇аа ааб̣аад̇хаа, обаггамигаа ааб̣аад̇хаа гаммавибаагаж̇аа ааб̣аад̇хаа, сийд̇ам̣ ун̣хам̣ ж̇игхажчаа бибаасаа ужжааро бассааво д̣ам̣самагасаваад̇аад̇абасарийсабасампассад̣̇угкам̣… маад̇умаран̣ам̣ д̣̇угкам̣… бид̇умаран̣ам̣ д̣̇угкам̣… бхаад̇умаран̣ам̣ д̣̇угкам̣… бхаг̇инимаран̣ам̣ д̣̇угкам̣… буд̇д̇амаран̣ам̣ д̣̇угкам̣… д̇хийд̇умаран̣ам̣ д̣̇угкам̣ … н̃аад̇иб̣яасанам̣ д̣̇угкам̣… бхог̇аб̣яасанам̣ д̣̇угкам̣… рог̇аб̣яасанам̣ д̣̇угкам̣… сийлаб̣яасанам̣ д̣̇угкам̣… д̣̇идтиб̣яасанам̣ д̣̇угкам̣ анвзд̇и ануг̇ажчад̇и анвааяигам̣ ход̇ийд̇и – д̇ад̇о нам̣ д̣̇угкаманвзд̇и.
Tatonaṃ dukkhamanvetīti. Tatoti tato tato parissayato taṃ puggalaṃ dukkhaṃ anveti anugacchati anvāyikaṃ hoti, jātidukkhaṃ anveti anugacchati anvāyikaṃ hoti, jarādukkhaṃ anveti anugacchati anvāyikaṃ hoti, byādhidukkhaṃ anveti anugacchati anvāyikaṃ hoti, maraṇadukkhaṃ anveti anugacchati anvāyikaṃ hoti, sokaparidevadukkhadomanassupāyāsadukkhaṃ anveti anugacchati anvāyikaṃ hoti, nerayikaṃ dukkhaṃ, tiracchānayonikaṃ dukkhaṃ, pettivisayikaṃ dukkhaṃ anveti anugacchati anvāyikaṃ hoti, mānusikaṃ dukkhaṃ… gabbhokkantimūlakaṃ dukkhaṃ… gabbhe ṭhitimūlakaṃ dukkhaṃ… gabbhā vuṭṭhānamūlakaṃ dukkhaṃ… jātassūpanibandhakaṃ dukkhaṃ… jātassa parādheyyakaṃ dukkhaṃ… attūpakkamaṃ dukkhaṃ… parūpakkamaṃ dukkhaṃ anveti anugacchati anvāyikaṃ hoti, dukkhadukkhaṃ anveti anugacchati anvāyikaṃ hoti, saṅkhāradukkhaṃ… vipariṇāmadukkhaṃ … cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo, kāso sāso pināso ḍāho jaro, kucchirogo mucchā pakkhandikā sūlā visūcikā, kuṭṭhaṃ gaṇḍo kilāso soso apamāro, daddu kaṇḍu kacchu rakhasā vitacchikā lohitapittaṃ, madhumeho aṃsā piḷakā bhagandalā pittasamuṭṭhānā ābādhā semhasamuṭṭhānā ābādhā vātasamuṭṭhānā ābādhā sannipātikā ābādhā utupariṇāmajā ābādhā visamaparihārajā ābādhā, opakkamikā ābādhā kammavipākajā ābādhā, sītaṃ uṇhaṃ jighacchā pipāsā uccāro passāvo ḍaṃsamakasavātātapasarīsapasamphassadukkhaṃ… mātumaraṇaṃ dukkhaṃ… pitumaraṇaṃ dukkhaṃ… bhātumaraṇaṃ dukkhaṃ… bhaginimaraṇaṃ dukkhaṃ… puttamaraṇaṃ dukkhaṃ… dhītumaraṇaṃ dukkhaṃ … ñātibyasanaṃ dukkhaṃ… bhogabyasanaṃ dukkhaṃ… rogabyasanaṃ dukkhaṃ… sīlabyasanaṃ dukkhaṃ… diṭṭhibyasanaṃ dukkhaṃ anveti anugacchati anvāyikaṃ hotīti – tato naṃ dukkhamanveti.
наавам̣ бхиннамивод̣̇аганд̇и. яат̇аа бхиннам̣ наавам̣ д̣̇агамзсим̣ 41 д̇ад̇о д̇ад̇о уд̣̇агам̣ анвзд̇и ануг̇ажчад̇и анвааяигам̣ ход̇и, бурад̇оби уд̣̇агам̣ анвзд̇и ануг̇ажчад̇и анвааяигам̣ ход̇и, бажчад̇оби… хздтад̇оби… бассад̇оби уд̣̇агам̣ анвзд̇и ануг̇ажчад̇и анвааяигам̣ ход̇и; звамзва д̇ад̇о д̇ад̇о бариссаяад̇о д̇ам̣ буг̇г̇алам̣ д̣̇угкам̣ анвзд̇и ануг̇ажчад̇и анвааяигам̣ ход̇и, ж̇аад̇ид̣̇угкам̣ анвзд̇и ануг̇ажчад̇и анвааяигам̣ ход̇и…бз… д̣̇идтиб̣яасанам̣ д̣̇угкам̣ анвзд̇и ануг̇ажчад̇и анвааяигам̣ ход̇ийд̇и – наавам̣ бхиннамивод̣̇агам̣.
Nāvaṃ bhinnamivodakanti. Yathā bhinnaṃ nāvaṃ dakamesiṃ 42 tato tato udakaṃ anveti anugacchati anvāyikaṃ hoti, puratopi udakaṃ anveti anugacchati anvāyikaṃ hoti, pacchatopi… heṭṭhatopi… passatopi udakaṃ anveti anugacchati anvāyikaṃ hoti; evameva tato tato parissayato taṃ puggalaṃ dukkhaṃ anveti anugacchati anvāyikaṃ hoti, jātidukkhaṃ anveti anugacchati anvāyikaṃ hoti…pe… diṭṭhibyasanaṃ dukkhaṃ anveti anugacchati anvāyikaṃ hotīti – nāvaṃ bhinnamivodakaṃ.
д̇знааха бхаг̇аваа –
Tenāha bhagavā –
‘‘аб̣алаа нам̣ б̣алийяанд̇и, мад̣̇д̣̇анд̇з нам̣ бариссаяаа;
‘‘Abalā naṃ balīyanti, maddante naṃ parissayā;
д̇ад̇о нам̣ д̣̇угкаманвзд̇и, наавам̣ бхиннамивод̣̇ага’’нд̇и.
Tato naṃ dukkhamanveti, nāvaṃ bhinnamivodaka’’nti.
6.
6.
д̇асмаа ж̇анд̇у сад̣̇аа сад̇о, гаамаани бариваж̇ж̇аяз;
Tasmājantu sadā sato, kāmāni parivajjaye;
д̇з бахааяа д̇арз огхам̣, наавам̣ сид̇ваава баараг̇уу.
Te pahāya tare oghaṃ, nāvaṃ sitvāva pāragū.
д̇асмаа ж̇анд̇у сад̣̇аа сад̇од̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа зд̇ам̣ аад̣̇ийнавам̣ самбассамаано гаамзсууд̇и – д̇асмаа. ж̇анд̇ууд̇и сад̇д̇о наро маанаво босо буг̇г̇ало ж̇ийво ж̇ааг̇у ж̇анд̇у инд̣̇аг̇у мануж̇о. сад̣̇аад̇и сад̣̇аа саб̣б̣ад̣̇аа саб̣б̣агаалам̣ нижжагаалам̣ д̇хувагаалам̣ сад̇ад̇ам̣ самид̇ам̣ аб̣б̣огин̣н̣ам̣ бон̇каанубон̇кам̣ уд̣̇агуумигаж̇аад̇ам̣ авийжи санд̇ад̇и сахид̇ам̣ пассид̇ам̣ 43, бурзбхад̇д̇ам̣ бажчаабхад̇д̇ам̣ буримаяаамам̣ маж̇жхимаяаамам̣ бажчимаяаамам̣, гаал̣з ж̇ун̣хз вассз хзманд̇з г̇имхз, буримз ваяоканд̇хз маж̇жхимз ваяоканд̇хз бажчимз ваяоканд̇хз. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о, взд̣̇анаасу… жид̇д̇з… д̇хаммзсу д̇хаммаанубассанаасад̇ибадтаанам̣ бхаавзнд̇о сад̇о. абарзхи жад̇уухи гааран̣зхи сад̇о…бз… со вужжад̇и сад̇од̇и – д̇асмаа ж̇анд̇у сад̣̇аа сад̇о.
Tasmā jantu sadā satoti. Tasmāti tasmā taṃkāraṇā taṃhetu tappaccayā taṃnidānā etaṃ ādīnavaṃ sampassamāno kāmesūti – tasmā. Jantūti satto naro mānavo poso puggalo jīvo jāgu jantu indagu manujo. Sadāti sadā sabbadā sabbakālaṃ niccakālaṃ dhuvakālaṃ satataṃ samitaṃ abbokiṇṇaṃ poṅkhānupoṅkhaṃ udakūmikajātaṃ avīci santati sahitaṃ phassitaṃ 44, purebhattaṃ pacchābhattaṃ purimayāmaṃ majjhimayāmaṃ pacchimayāmaṃ, kāḷe juṇhe vasse hemante gimhe, purime vayokhandhe majjhime vayokhandhe pacchime vayokhandhe. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu… citte… dhammesu dhammānupassanāsatipaṭṭhānaṃ bhāvento sato. Aparehi catūhi kāraṇehi sato…pe… so vuccati satoti – tasmā jantu sadā sato.
гаамаани бариваж̇ж̇аязд̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. гаамаани бариваж̇ж̇аязд̇и д̣̇вийхи гааран̣зхи гаамз бариваж̇ж̇зяяа – вигкамбханад̇о ваа самужчзд̣̇ад̇о ваа. гат̇ам̣ вигкамбханад̇о гаамз бариваж̇ж̇зяяа? ‘‘адтиган̇галуубамаа гаамаа аббассаад̣̇адтзнаа’’д̇и бассанд̇о вигкамбханад̇о гаамз бариваж̇ж̇зяяа, ‘‘мам̣сабзсуубамаа гаамаа б̣ахусаад̇хааран̣адтзнаа’’д̇и бассанд̇о вигкамбханад̇о гаамз бариваж̇ж̇зяяа, ‘‘д̇ин̣уггуубамаа гаамаа ануд̣̇аханадтзнаа’’д̇и бассанд̇о вигкамбханад̇о гаамз бариваж̇ж̇зяяа…бз… нзвасан̃н̃аанаасан̃н̃ааяад̇анасамаабад̇д̇им̣ бхаавзнд̇о вигкамбханад̇о гаамз бариваж̇ж̇зяяа. звам̣ вигкамбханад̇о гаамз бариваж̇ж̇зяяа…бз… звам̣ самужчзд̣̇ад̇о гаамз бариваж̇ж̇зяяаад̇и – гаамаани бариваж̇ж̇аяз.
Kāmāni parivajjayeti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Kāmāni parivajjayeti dvīhi kāraṇehi kāme parivajjeyya – vikkhambhanato vā samucchedato vā. Kathaṃ vikkhambhanato kāme parivajjeyya? ‘‘Aṭṭhikaṅkalūpamā kāmā appassādaṭṭhenā’’ti passanto vikkhambhanato kāme parivajjeyya, ‘‘maṃsapesūpamā kāmā bahusādhāraṇaṭṭhenā’’ti passanto vikkhambhanato kāme parivajjeyya, ‘‘tiṇukkūpamā kāmā anudahanaṭṭhenā’’ti passanto vikkhambhanato kāme parivajjeyya…pe… nevasaññānāsaññāyatanasamāpattiṃ bhāvento vikkhambhanato kāme parivajjeyya. Evaṃ vikkhambhanato kāme parivajjeyya…pe… evaṃ samucchedato kāme parivajjeyyāti – kāmāni parivajjaye.
д̇з бахааяа д̇арз огханд̇и. д̇зд̇и вад̇т̇угаамз бариж̇аанид̇ваа гилзсагаамз бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амид̇ваа; гаамажчанд̣̇анийваран̣ам̣ бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амид̇ваа; б̣яаабаад̣̇анийваран̣ам̣…бз… т̇инамид̣̇д̇ханийваран̣ам̣… уд̣̇д̇хажжагуггужжанийваран̣ам̣… вижигижчаанийваран̣ам̣ бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амид̇ваа гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арзяяа уд̇д̇арзяяа бад̇арзяяа самад̇иггамзяяа вийд̇ивад̇д̇зяяаад̇и – д̇з бахааяа д̇арз огхам̣.
Te pahāya tare oghanti. Teti vatthukāme parijānitvā kilesakāme pahāya pajahitvā vinodetvā byantiṃ karitvā anabhāvaṃ gamitvā; kāmacchandanīvaraṇaṃ pahāya pajahitvā vinodetvā byantiṃ karitvā anabhāvaṃ gamitvā; byāpādanīvaraṇaṃ…pe… thinamiddhanīvaraṇaṃ… uddhaccakukkuccanīvaraṇaṃ… vicikicchānīvaraṇaṃ pahāya pajahitvā vinodetvā byantiṃ karitvā anabhāvaṃ gamitvā kāmoghaṃ bhavoghaṃ diṭṭhoghaṃ avijjoghaṃ tareyya uttareyya patareyya samatikkameyya vītivatteyyāti – te pahāya tare oghaṃ.
наавам̣ сид̇ваава баараг̇ууд̇и. яат̇аа г̇аругам̣ наавам̣ бхааригам̣ уд̣̇агам̣ сид̇ваа 45 осин̃жид̇ваа чад̣д̣зд̇ваа лахугааяа наавааяа киббам̣ лахум̣ аббагасирзнзва баарам̣ г̇ажчзяяа; звамзва вад̇т̇угаамз бариж̇аанид̇ваа гилзсагаамз бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амид̇ваа; гаамажчанд̣̇анийваран̣ам̣… б̣яаабаад̣̇анийваран̣ам̣… т̇инамид̣̇д̇ханийваран̣ам̣… уд̣̇д̇хажжагуггужжанийваран̣ам̣… вижигижчаанийваран̣ам̣ бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амид̇ваа киббам̣ лахум̣ аббагасирзнзва баарам̣ г̇ажчзяяа. баарам̣ вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣ . баарам̣ г̇ажчзяяаад̇и – баарам̣ ад̇хиг̇ажчзяяа, баарам̣ пусзяяа, баарам̣ сажчигарзяяа. баараг̇ууд̇и яоби баарам̣ г̇анд̇угаамо соби баараг̇уу; яоби баарам̣ г̇ажчад̇и соби баараг̇уу; яоби баарам̣ г̇ад̇о, соби баараг̇уу.
Nāvaṃsitvāva pāragūti. Yathā garukaṃ nāvaṃ bhārikaṃ udakaṃ sitvā 46 osiñcitvā chaḍḍetvā lahukāya nāvāya khippaṃ lahuṃ appakasireneva pāraṃ gaccheyya; evameva vatthukāme parijānitvā kilesakāme pahāya pajahitvā vinodetvā byantiṃ karitvā anabhāvaṃ gamitvā; kāmacchandanīvaraṇaṃ… byāpādanīvaraṇaṃ… thinamiddhanīvaraṇaṃ… uddhaccakukkuccanīvaraṇaṃ… vicikicchānīvaraṇaṃ pahāya pajahitvā vinodetvā byantiṃ karitvā anabhāvaṃ gamitvā khippaṃ lahuṃ appakasireneva pāraṃ gaccheyya. Pāraṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ . Pāraṃ gaccheyyāti – pāraṃ adhigaccheyya, pāraṃ phuseyya, pāraṃ sacchikareyya. Pāragūti yopi pāraṃ gantukāmo sopi pāragū; yopi pāraṃ gacchati sopi pāragū; yopi pāraṃ gato, sopi pāragū.
вуд̇д̇амби хзд̇ам̣ бхаг̇авад̇аа –
Vuttampi hetaṃ bhagavatā –
д̇ин̣н̣о бааран̇г̇ад̇о т̇алз д̇идтад̇и б̣раахман̣од̇и. б̣раахман̣од̇и ко, бхигкавз, арахад̇о зд̇ам̣ ад̇хиважанам̣. со абхин̃н̃аабаараг̇уу барин̃н̃аабаараг̇уу бахаанабаараг̇уу бхааванаабаараг̇уу сажчигирияаабаараг̇уу самаабад̇д̇ибаараг̇уу. абхин̃н̃аабаараг̇уу саб̣б̣ад̇хаммаанам̣, барин̃н̃аабаараг̇уу саб̣б̣ад̣̇угкаанам̣, бахаанабаараг̇уу саб̣б̣агилзсаанам̣, бхааванаабаараг̇уу жад̇уннам̣ арияамаг̇г̇аанам̣, сажчигирияаабаараг̇уу нирод̇хасса, самаабад̇д̇ибаараг̇уу саб̣б̣асамаабад̇д̇ийнам̣. со васиббад̇д̇о баарамиббад̇д̇о арияасмим̣ сийласмим̣, васиббад̇д̇о баарамиббад̇д̇о арияасмим̣ самаад̇хисмим̣, васиббад̇д̇о баарамиббад̇д̇о арияааяа бан̃н̃ааяа, васиббад̇д̇о баарамиббад̇д̇о арияааяа вимуд̇д̇ияаа. со баарам̣ г̇ад̇о баараббад̇д̇о анд̇аг̇ад̇о анд̇аббад̇д̇о годиг̇ад̇о годиббад̇д̇о барияанд̇аг̇ад̇о барияанд̇аббад̇д̇о восаанаг̇ад̇о восаанаббад̇д̇о д̇аан̣аг̇ад̇о д̇аан̣аббад̇д̇о лзн̣аг̇ад̇о лзн̣аббад̇д̇о саран̣аг̇ад̇о саран̣аббад̇д̇о абхаяаг̇ад̇о абхаяаббад̇д̇о ажжуд̇аг̇ад̇о ажжуд̇аббад̇д̇о амад̇аг̇ад̇о амад̇аббад̇д̇о ниб̣б̣аанаг̇ад̇о ниб̣б̣аанаббад̇д̇о. со вудтаваасо жин̣н̣ажаран̣о г̇ад̇ад̣̇д̇хо г̇ад̇ад̣̇исо г̇ад̇агодиго баалид̇аб̣рахмажарияо уд̇д̇амад̣̇идтиббад̇д̇о бхаавид̇амаг̇г̇о бахийнагилзсо бадивид̣̇д̇хаагуббо сажчигад̇анирод̇хо, д̣̇угкам̣ д̇асса барин̃н̃аад̇ам̣, самуд̣̇аяо бахийно, маг̇г̇о бхаавид̇о, нирод̇хо сажчигад̇о, абхин̃н̃зяяам̣ абхин̃н̃аад̇ам̣, барин̃н̃зяяам̣ барин̃н̃аад̇ам̣, бахаад̇аб̣б̣ам̣ бахийнам̣, бхаавзд̇аб̣б̣ам̣ бхаавид̇ам̣, сажчигаад̇аб̣б̣ам̣ сажчигад̇ам̣.
Tiṇṇo pāraṅgato thale tiṭṭhati brāhmaṇoti. Brāhmaṇoti kho, bhikkhave, arahato etaṃ adhivacanaṃ. So abhiññāpāragū pariññāpāragū pahānapāragū bhāvanāpāragū sacchikiriyāpāragū samāpattipāragū. Abhiññāpāragū sabbadhammānaṃ, pariññāpāragū sabbadukkhānaṃ, pahānapāragū sabbakilesānaṃ, bhāvanāpāragū catunnaṃ ariyamaggānaṃ, sacchikiriyāpāragū nirodhassa, samāpattipāragū sabbasamāpattīnaṃ. So vasippatto pāramippatto ariyasmiṃ sīlasmiṃ, vasippatto pāramippatto ariyasmiṃ samādhismiṃ, vasippatto pāramippatto ariyāya paññāya, vasippatto pāramippatto ariyāya vimuttiyā. So pāraṃ gato pārappatto antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto. So vuṭṭhavāso ciṇṇacaraṇo gataddho gatadiso gatakoṭiko pālitabrahmacariyo uttamadiṭṭhippatto bhāvitamaggo pahīnakileso paṭividdhākuppo sacchikatanirodho, dukkhaṃ tassa pariññātaṃ, samudayo pahīno, maggo bhāvito, nirodho sacchikato, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ.
со угкид̇д̇абалигхо сам̣гин̣н̣абаригко аб̣б̣ул̣хзсиго нираг̇г̇ал̣о арияо баннад̣̇д̇хаж̇о баннабхааро висан̃н̃уд̇д̇о бан̃жан̇г̇авиббахийно чал̣ан̇г̇асаманнааг̇ад̇о згаарагко жад̇ураабассзно банун̣н̣абажжзгасажжо самаваяасадтзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃о гзвалий вусид̇аваа уд̇д̇амабурисо барамабурисо барамабад̇д̇иббад̇д̇о. со нзваажинад̇и 47 наабажинад̇и , абажинид̇ваа тид̇о. нзва баж̇ахад̇и на убаад̣̇ияад̇и, баж̇ахид̇ваа тид̇о. нзва сам̣сиб̣б̣ад̇и 48 на уссинзд̇и, висинид̇ваа тид̇о. нзва вид̇хуубзд̇и на санд̇хуубзд̇и, вид̇хуубзд̇ваа тид̇о. асзгкзна сийлагканд̇хзна саманнааг̇ад̇ад̇д̇аа тид̇о. асзгкзна самаад̇хигканд̇хзна… асзгкзна бан̃н̃аагканд̇хзна… асзгкзна вимуд̇д̇игканд̇хзна… асзгкзна вимуд̇д̇ин̃аан̣ад̣̇ассанагканд̇хзна саманнааг̇ад̇ад̇д̇аа тид̇о. сажжам̣ самбадибаад̣̇ияид̇ваа тид̇о. зж̇ам̣ самад̇иггамид̇ваа тид̇о. гилзсаг̇г̇им̣ барияаад̣̇ияид̇ваа тид̇о, абариг̇аманад̇ааяа тид̇о, гадам̣ самаад̣̇ааяа тид̇о, муд̇д̇ибадисзванад̇ааяа тид̇о, мзд̇д̇ааяа баарисуд̣̇д̇хияаа тид̇о, гарун̣ааяа… муд̣̇ид̇ааяа… убзгкааяа баарисуд̣̇д̇хияаа тид̇о, ажжанд̇абаарисуд̣̇д̇хияаа тид̇о, агаммаяад̇ааяа 49 баарисуд̣̇д̇хияаа тид̇о, вимуд̇д̇ад̇д̇аа тид̇о, санд̇уссид̇ад̇д̇аа тид̇о, канд̇хабарияанд̇з тид̇о, д̇хаад̇убарияанд̇з тид̇о, ааяад̇анабарияанд̇з тид̇о, г̇ад̇ибарияанд̇з тид̇о, убабад̇д̇ибарияанд̇з тид̇о, бадисанд̇хибарияанд̇з тид̇о, (бхавабарияанд̇з тид̇о, сам̣саарабарияанд̇з тид̇о ваддабарияанд̇з тид̇о, анд̇имз бхавз тид̇о,) 50 анд̇имз самуссаяз тид̇о, анд̇имад̣̇зхад̇харо арахаа.
So ukkhittapaligho saṃkiṇṇaparikkho abbuḷhesiko niraggaḷo ariyo pannaddhajo pannabhāro visaññutto pañcaṅgavippahīno chaḷaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño kevalī vusitavā uttamapuriso paramapuriso paramapattippatto. So nevācinati 51 nāpacinati , apacinitvā ṭhito. Neva pajahati na upādiyati, pajahitvā ṭhito. Neva saṃsibbati 52 na ussineti, visinitvā ṭhito. Neva vidhūpeti na sandhūpeti, vidhūpetvā ṭhito. Asekkhena sīlakkhandhena samannāgatattā ṭhito. Asekkhena samādhikkhandhena… asekkhena paññākkhandhena… asekkhena vimuttikkhandhena… asekkhena vimuttiñāṇadassanakkhandhena samannāgatattā ṭhito. Saccaṃ sampaṭipādiyitvā ṭhito. Ejaṃ samatikkamitvā ṭhito. Kilesaggiṃ pariyādiyitvā ṭhito, aparigamanatāya ṭhito, kaṭaṃ samādāya ṭhito, muttipaṭisevanatāya ṭhito, mettāya pārisuddhiyā ṭhito, karuṇāya… muditāya… upekkhāya pārisuddhiyā ṭhito, accantapārisuddhiyā ṭhito, akammayatāya 53 pārisuddhiyā ṭhito, vimuttattā ṭhito, santussitattā ṭhito, khandhapariyante ṭhito, dhātupariyante ṭhito, āyatanapariyante ṭhito, gatipariyante ṭhito, upapattipariyante ṭhito, paṭisandhipariyante ṭhito, (bhavapariyante ṭhito, saṃsārapariyante ṭhito vaṭṭapariyante ṭhito, antime bhave ṭhito,) 54 antime samussaye ṭhito, antimadehadharo arahā.
‘‘д̇ассааяам̣ бажчимаго бхаво, жаримояам̣ самуссаяо;
‘‘Tassāyaṃ pacchimako bhavo, carimoyaṃ samussayo;
ж̇аад̇имаран̣асам̣сааро, над̇т̇и д̇асса бунаб̣бхаво’’д̇и.
Jātimaraṇasaṃsāro, natthi tassa punabbhavo’’ti.
наавам̣ сид̇ваава баараг̇ууд̇и. д̇знааха бхаг̇аваа –
Nāvaṃ sitvāva pāragūti. Tenāha bhagavā –
‘‘д̇асмаа ж̇анд̇у сад̣̇аа сад̇о, гаамаани бариваж̇ж̇аяз;
‘‘Tasmā jantu sadā sato, kāmāni parivajjaye;
д̇з бахааяа д̇арз огхам̣, наавам̣ сид̇ваава баараг̇уу’’д̇и.
Te pahāya tare oghaṃ, nāvaṃ sitvāva pāragū’’ti.
гаамасуд̇д̇анид̣̇д̣̇зсо батамо.
Kāmasuttaniddeso paṭhamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 1. гаамасуд̇д̇анид̣̇д̣̇зсаван̣н̣анаа • 1. Kāmasuttaniddesavaṇṇanā
