| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. காமஸுத்தவண்ணனா
7. Kāmasuttavaṇṇanā
7. ஸத்தமே காமேஸு லளிதாதி வத்து²காமகிலேஸகாமேஸு லளிதா அபி⁴ரதா. அஸிதப்³யாப⁴ங்கி³ந்தி திணலாயனஅஸிதஞ்சேவ திணவஹனகாஜஞ்ச. குலபுத்தோதி ஆசாரகுலபுத்தோ. ஓஹாயாதி பஹாய. அலங் வசனாயாதி யுத்தங் வசனாய. லப்³பா⁴தி ஸுலபா⁴ ஸக்கா லபி⁴துங். ஹீனா காமாதி பஞ்சன்னங் நீசகுலானங் காமா. மஜ்ஜி²மா காமாதி மஜ்ஜி²மஸத்தானங் காமா. பணீதா காமாதி ராஜராஜமஹாமத்தானங் காமா. காமாத்வேவ ஸங்க²ங் க³ச்ச²ந்தீதி காமனவஸேன காமேதப்³ப³வஸேன ச காமாஇச்சேவ ஸங்க²ங் க³ச்ச²ந்தி. வுத்³தோ⁴ ஹோதீதி மஹல்லகோ ஹோதி. அலங்பஞ்ஞோதி யுத்தபஞ்ஞோ. அத்தகு³த்தோதி அத்தனாவ கு³த்தோ ரக்கி²தோ, அத்தானங் வா கோ³பேதுங் ரக்கி²துங் ஸமத்தோ². நாலங் பமாதா³யாதி ந யுத்தோ பமஜ்ஜிதுங். ஸத்³தா⁴ய அகதங் ஹோதீதி யங் ஸத்³தா⁴ய குஸலேஸு த⁴ம்மேஸு காதுங் யுத்தங், தங் ந கதங் ஹோதி. ஸேஸபதே³ஸுபி ஏஸேவ நயோ. அனபெக்கோ² தா³னாஹங், பி⁴க்க²வே, தஸ்மிங் பி⁴க்கு²ஸ்மிங் ஹோமீதி ஏவங் ஸத்³தா⁴தீ³ஹி காதப்³ப³ங் கத்வாவ ஸோதாபத்திப²லே பதிட்டி²தே தஸ்மிங் புக்³க³லே அனபெக்கோ² ஹோமீதி த³ஸ்ஸேதி. இமஸ்மிங் ஸுத்தே ஸோதாபத்திமக்³கோ³ கதி²தோ.
7. Sattame kāmesu laḷitāti vatthukāmakilesakāmesu laḷitā abhiratā. Asitabyābhaṅginti tiṇalāyanaasitañceva tiṇavahanakājañca. Kulaputtoti ācārakulaputto. Ohāyāti pahāya. Alaṃvacanāyāti yuttaṃ vacanāya. Labbhāti sulabhā sakkā labhituṃ. Hīnā kāmāti pañcannaṃ nīcakulānaṃ kāmā. Majjhimā kāmāti majjhimasattānaṃ kāmā. Paṇītā kāmāti rājarājamahāmattānaṃ kāmā. Kāmātveva saṅkhaṃ gacchantīti kāmanavasena kāmetabbavasena ca kāmāicceva saṅkhaṃ gacchanti. Vuddho hotīti mahallako hoti. Alaṃpaññoti yuttapañño. Attaguttoti attanāva gutto rakkhito, attānaṃ vā gopetuṃ rakkhituṃ samattho. Nālaṃ pamādāyāti na yutto pamajjituṃ. Saddhāya akataṃ hotīti yaṃ saddhāya kusalesu dhammesu kātuṃ yuttaṃ, taṃ na kataṃ hoti. Sesapadesupi eseva nayo. Anapekkho dānāhaṃ, bhikkhave, tasmiṃ bhikkhusmiṃ homīti evaṃ saddhādīhi kātabbaṃ katvāva sotāpattiphale patiṭṭhite tasmiṃ puggale anapekkho homīti dasseti. Imasmiṃ sutte sotāpattimaggo kathito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. காமஸுத்தங் • 7. Kāmasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாஸுபினஸுத்தவண்ணனா • 6. Mahāsupinasuttavaṇṇanā
