| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৭. কামসুত্তৰণ্ণনা
7. Kāmasuttavaṇṇanā
৭. সত্তমে কামেসু লল়িতাতি ৰত্থুকামকিলেসকামেসু লল়িতা অভিরতা। অসিতব্যাভঙ্গিন্তি তিণলাযনঅসিতঞ্চেৰ তিণৰহনকাজঞ্চ। কুলপুত্তোতি আচারকুলপুত্তো। ওহাযাতি পহায। অলং ৰচনাযাতি যুত্তং ৰচনায। লব্ভাতি সুলভা সক্কা লভিতুং। হীনা কামাতি পঞ্চন্নং নীচকুলানং কামা। মজ্ঝিমা কামাতি মজ্ঝিমসত্তানং কামা। পণীতা কামাতি রাজরাজমহামত্তানং কামা। কামাত্ৰেৰ সঙ্খং গচ্ছন্তীতি কামনৰসেন কামেতব্বৰসেন চ কামাইচ্চেৰ সঙ্খং গচ্ছন্তি। ৰুদ্ধো হোতীতি মহল্লকো হোতি। অলংপঞ্ঞোতি যুত্তপঞ্ঞো। অত্তগুত্তোতি অত্তনাৰ গুত্তো রক্খিতো, অত্তানং ৰা গোপেতুং রক্খিতুং সমত্থো। নালং পমাদাযাতি ন যুত্তো পমজ্জিতুং। সদ্ধায অকতং হোতীতি যং সদ্ধায কুসলেসু ধম্মেসু কাতুং যুত্তং, তং ন কতং হোতি। সেসপদেসুপি এসেৰ নযো। অনপেক্খো দানাহং, ভিক্খৰে, তস্মিং ভিক্খুস্মিং হোমীতি এৰং সদ্ধাদীহি কাতব্বং কত্ৰাৰ সোতাপত্তিফলে পতিট্ঠিতে তস্মিং পুগ্গলে অনপেক্খো হোমীতি দস্সেতি। ইমস্মিং সুত্তে সোতাপত্তিমগ্গো কথিতো।
7. Sattame kāmesu laḷitāti vatthukāmakilesakāmesu laḷitā abhiratā. Asitabyābhaṅginti tiṇalāyanaasitañceva tiṇavahanakājañca. Kulaputtoti ācārakulaputto. Ohāyāti pahāya. Alaṃvacanāyāti yuttaṃ vacanāya. Labbhāti sulabhā sakkā labhituṃ. Hīnā kāmāti pañcannaṃ nīcakulānaṃ kāmā. Majjhimā kāmāti majjhimasattānaṃ kāmā. Paṇītā kāmāti rājarājamahāmattānaṃ kāmā. Kāmātveva saṅkhaṃ gacchantīti kāmanavasena kāmetabbavasena ca kāmāicceva saṅkhaṃ gacchanti. Vuddho hotīti mahallako hoti. Alaṃpaññoti yuttapañño. Attaguttoti attanāva gutto rakkhito, attānaṃ vā gopetuṃ rakkhituṃ samattho. Nālaṃ pamādāyāti na yutto pamajjituṃ. Saddhāya akataṃ hotīti yaṃ saddhāya kusalesu dhammesu kātuṃ yuttaṃ, taṃ na kataṃ hoti. Sesapadesupi eseva nayo. Anapekkho dānāhaṃ, bhikkhave, tasmiṃ bhikkhusmiṃ homīti evaṃ saddhādīhi kātabbaṃ katvāva sotāpattiphale patiṭṭhite tasmiṃ puggale anapekkho homīti dasseti. Imasmiṃ sutte sotāpattimaggo kathito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৭. কামসুত্তং • 7. Kāmasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬. মহাসুপিনসুত্তৰণ্ণনা • 6. Mahāsupinasuttavaṇṇanā
