| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৭. কামসুত্তৰণ্ণনা
7. Kāmasuttavaṇṇanā
৭. সত্তমে অসন্তি লূনন্তি তেনাতি অসিতং, দাত্তং। ৰিৰিধা আভঞ্জন্তি ভারং ওলম্বেন্তি তেনাতি ব্যাভঙ্গী, ৰিধং। কুলপুত্তোতি এত্থ দুৰিধো কুলপুত্তো জাতিকুলপুত্তো, আচারকুলপুত্তো চ। তত্থ ‘‘তেন খো পন সমযেন রট্ঠপালো নাম কুলপুত্তো তস্মিংযেৰ থুল্লকোট্ঠিকে অগ্গকুলিকস্স পুত্তো’’তি (ম॰ নি॰ ২.২৯৪) এৰং আগতো উচ্চকুলপ্পসুতো জাতিকুলপুত্তো নাম। ‘‘যে তে কুলপুত্তা সদ্ধা অগারস্মা অনগারিযং পব্বজিতা’’তি (ম॰ নি॰ ১.৩৪) এৰং আগতা পন যত্থ কত্থচি কুলে পসুতাপি আচারসম্পন্না আচারকুলপুত্তো নাম। ইধ পন আচারকুলপুত্তো অধিপ্পেতো। তেনাহ ‘‘কুলপুত্তোতি আচারকুলপুত্তো’’তি। যুত্তন্তি অনুচ্ছৰিকং, এৰং ৰত্তব্বতং অরহতীতি অত্থো। সেসমেত্থ উত্তানমেৰ।
7. Sattame asanti lūnanti tenāti asitaṃ, dāttaṃ. Vividhā ābhañjanti bhāraṃ olambenti tenāti byābhaṅgī, vidhaṃ. Kulaputtoti ettha duvidho kulaputto jātikulaputto, ācārakulaputto ca. Tattha ‘‘tena kho pana samayena raṭṭhapālo nāma kulaputto tasmiṃyeva thullakoṭṭhike aggakulikassa putto’’ti (ma. ni. 2.294) evaṃ āgato uccakulappasuto jātikulaputto nāma. ‘‘Ye te kulaputtā saddhā agārasmā anagāriyaṃ pabbajitā’’ti (ma. ni. 1.34) evaṃ āgatā pana yattha katthaci kule pasutāpi ācārasampannā ācārakulaputto nāma. Idha pana ācārakulaputto adhippeto. Tenāha ‘‘kulaputtoti ācārakulaputto’’ti. Yuttanti anucchavikaṃ, evaṃ vattabbataṃ arahatīti attho. Sesamettha uttānameva.
কামসুত্তৰণ্ণনা নিট্ঠিতা।
Kāmasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৭. কামসুত্তং • 7. Kāmasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. কামসুত্তৰণ্ণনা • 7. Kāmasuttavaṇṇanā
