| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. гаамасуд̇д̇аван̣н̣анаа
7. Kāmasuttavaṇṇanā
7. сад̇д̇амз гаамзсу лал̣ид̇аад̇и вад̇т̇угаамагилзсагаамзсу лал̣ид̇аа абхирад̇аа. асид̇аб̣яаабхан̇г̇инд̇и д̇ин̣алааяанаасид̇ан̃жзва д̇ин̣аваханагааж̇ан̃жа. гулабуд̇д̇од̇и аажаарагулабуд̇д̇о. охааяаад̇и бахааяа. алам̣ важанааяаад̇и яуд̇д̇ам̣ важанааяа. лаб̣бхаад̇и сулабхаа саггаа лабхид̇ум̣. хийнаа гаамаад̇и бан̃жаннам̣ нийжагулаанам̣ гаамаа. маж̇жхимаа гаамаад̇и маж̇жхимасад̇д̇аанам̣ гаамаа. бан̣ийд̇аа гаамаад̇и рааж̇арааж̇амахаамад̇д̇аанам̣ гаамаа. гаамаад̇взва сан̇кам̣ г̇ажчанд̇ийд̇и гааманавасзна гаамзд̇аб̣б̣авасзна жа гаамааижжзва сан̇кам̣ г̇ажчанд̇и. вуд̣̇д̇хо ход̇ийд̇и махаллаго ход̇и. алам̣бан̃н̃од̇и яуд̇д̇абан̃н̃о. ад̇д̇аг̇уд̇д̇од̇и ад̇д̇анаава г̇уд̇д̇о рагкид̇о, ад̇д̇аанам̣ ваа г̇обзд̇ум̣ рагкид̇ум̣ самад̇т̇о. наалам̣ бамаад̣̇ааяаад̇и на яуд̇д̇о бамаж̇ж̇ид̇ум̣. сад̣̇д̇хааяа агад̇ам̣ ход̇ийд̇и яам̣ сад̣̇д̇хааяа гусалзсу д̇хаммзсу гаад̇ум̣ яуд̇д̇ам̣, д̇ам̣ на гад̇ам̣ ход̇и. сзсабад̣̇зсуби зсзва наяо. анабзгко д̣̇аанаахам̣, бхигкавз, д̇асмим̣ бхигкусмим̣ хомийд̇и звам̣ сад̣̇д̇хаад̣̇ийхи гаад̇аб̣б̣ам̣ гад̇ваава сод̇аабад̇д̇ипалз бад̇идтид̇з д̇асмим̣ буг̇г̇алз анабзгко хомийд̇и д̣̇ассзд̇и. имасмим̣ суд̇д̇з сод̇аабад̇д̇имаг̇г̇о гат̇ид̇о.
7. Sattame kāmesu laḷitāti vatthukāmakilesakāmesu laḷitā abhiratā. Asitabyābhaṅginti tiṇalāyanaasitañceva tiṇavahanakājañca. Kulaputtoti ācārakulaputto. Ohāyāti pahāya. Alaṃvacanāyāti yuttaṃ vacanāya. Labbhāti sulabhā sakkā labhituṃ. Hīnā kāmāti pañcannaṃ nīcakulānaṃ kāmā. Majjhimā kāmāti majjhimasattānaṃ kāmā. Paṇītā kāmāti rājarājamahāmattānaṃ kāmā. Kāmātveva saṅkhaṃ gacchantīti kāmanavasena kāmetabbavasena ca kāmāicceva saṅkhaṃ gacchanti. Vuddho hotīti mahallako hoti. Alaṃpaññoti yuttapañño. Attaguttoti attanāva gutto rakkhito, attānaṃ vā gopetuṃ rakkhituṃ samattho. Nālaṃ pamādāyāti na yutto pamajjituṃ. Saddhāya akataṃ hotīti yaṃ saddhāya kusalesu dhammesu kātuṃ yuttaṃ, taṃ na kataṃ hoti. Sesapadesupi eseva nayo. Anapekkho dānāhaṃ, bhikkhave, tasmiṃ bhikkhusmiṃ homīti evaṃ saddhādīhi kātabbaṃ katvāva sotāpattiphale patiṭṭhite tasmiṃ puggale anapekkho homīti dasseti. Imasmiṃ sutte sotāpattimaggo kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. гаамасуд̇д̇ам̣ • 7. Kāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. махаасубинасуд̇д̇аван̣н̣анаа • 6. Mahāsupinasuttavaṇṇanā
