| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. कामसुत्तवण्णना
8. Kāmasuttavaṇṇanā
७८. ‘‘अत्तकामो’’ति पाळियं वुत्तत्ता आह ‘‘ठपेत्वा सब्बबोधिसत्ते’’ति। ते हि सब्बसो परत्थाय एव पटिपज्जमाना महाकारुणिका परत्थकामा, अत्थकामा नाम न होन्ति, या च तेसं अत्तत्थावहा पटिपत्ति, सापि यावदेव परत्था एवाति। वुत्तं पोराणट्ठकथायं। यस्मा बोधिसत्ता परहितपटिपत्तिया पारमियो पूरेन्ता तथारूपं कारणं पत्वा अत्तानं परेसं परिच्चजन्ति पञ्ञापारमिया परिपूरणतो, तस्मा इधापि ‘‘सब्बबोधिसत्ते ठपेत्वायेवाति वुत्त’’न्ति आह। कल्याणन्ति भद्दकं। वाचाय अधिप्पेतत्ता आह ‘‘सण्हं मुदुक’’न्ति। पापिकन्ति लामकं निहीनं। तं पन फरुसं वाचन्ति सरूपतो दस्सेति।
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
कामसुत्तवण्णना निट्ठिता।
Kāmasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. कामसुत्तं • 8. Kāmasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. कामसुत्तवण्णना • 8. Kāmasuttavaṇṇanā
