| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. กามสุตฺตวณฺณนา
8. Kāmasuttavaṇṇanā
๗๘. ‘‘อตฺตกาโม’’ติ ปาฬิยํ วุตฺตตฺตา อาห ‘‘ฐเปตฺวา สพฺพโพธิสเตฺต’’ติฯ เต หิ สพฺพโส ปรตฺถาย เอว ปฎิปชฺชมานา มหาการุณิกา ปรตฺถกามา, อตฺถกามา นาม น โหนฺติ, ยา จ เตสํ อตฺตตฺถาวหา ปฎิปตฺติ, สาปิ ยาวเทว ปรตฺถา เอวาติฯ วุตฺตํ โปราณฎฺฐกถายํฯ ยสฺมา โพธิสตฺตา ปรหิตปฎิปตฺติยา ปารมิโย ปูเรนฺตา ตถารูปํ การณํ ปตฺวา อตฺตานํ ปเรสํ ปริจฺจชนฺติ ปญฺญาปารมิยา ปริปูรณโต, ตสฺมา อิธาปิ ‘‘สพฺพโพธิสเตฺต ฐเปตฺวาเยวาติ วุตฺต’’นฺติ อาหฯ กลฺยาณนฺติ ภทฺทกํฯ วาจาย อธิเปฺปตตฺตา อาห ‘‘สณฺหํ มุทุก’’นฺติฯ ปาปิกนฺติ ลามกํ นิหีนํฯ ตํ ปน ผรุสํ วาจนฺติ สรูปโต ทเสฺสติฯ
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
กามสุตฺตวณฺณนา นิฎฺฐิตาฯ
Kāmasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. กามสุตฺตํ • 8. Kāmasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. กามสุตฺตวณฺณนา • 8. Kāmasuttavaṇṇanā
