| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਕਾਮਸੁਤ੍ਤવਣ੍ਣਨਾ
7. Kāmasuttavaṇṇanā
੭. ਸਤ੍ਤਮੇ ਕਾਮੇਸੁ ਲਲ਼ਿਤਾਤਿ વਤ੍ਥੁਕਾਮਕਿਲੇਸਕਾਮੇਸੁ ਲਲ਼ਿਤਾ ਅਭਿਰਤਾ। ਅਸਿਤਬ੍ਯਾਭਙ੍ਗਿਨ੍ਤਿ ਤਿਣਲਾਯਨਅਸਿਤਞ੍ਚੇવ ਤਿਣવਹਨਕਾਜਞ੍ਚ। ਕੁਲਪੁਤ੍ਤੋਤਿ ਆਚਾਰਕੁਲਪੁਤ੍ਤੋ। ਓਹਾਯਾਤਿ ਪਹਾਯ। ਅਲਂ વਚਨਾਯਾਤਿ ਯੁਤ੍ਤਂ વਚਨਾਯ। ਲਬ੍ਭਾਤਿ ਸੁਲਭਾ ਸਕ੍ਕਾ ਲਭਿਤੁਂ। ਹੀਨਾ ਕਾਮਾਤਿ ਪਞ੍ਚਨ੍ਨਂ ਨੀਚਕੁਲਾਨਂ ਕਾਮਾ। ਮਜ੍ਝਿਮਾ ਕਾਮਾਤਿ ਮਜ੍ਝਿਮਸਤ੍ਤਾਨਂ ਕਾਮਾ। ਪਣੀਤਾ ਕਾਮਾਤਿ ਰਾਜਰਾਜਮਹਾਮਤ੍ਤਾਨਂ ਕਾਮਾ। ਕਾਮਾਤ੍વੇવ ਸਙ੍ਖਂ ਗਚ੍ਛਨ੍ਤੀਤਿ ਕਾਮਨવਸੇਨ ਕਾਮੇਤਬ੍ਬવਸੇਨ ਚ ਕਾਮਾਇਚ੍ਚੇવ ਸਙ੍ਖਂ ਗਚ੍ਛਨ੍ਤਿ। વੁਦ੍ਧੋ ਹੋਤੀਤਿ ਮਹਲ੍ਲਕੋ ਹੋਤਿ। ਅਲਂਪਞ੍ਞੋਤਿ ਯੁਤ੍ਤਪਞ੍ਞੋ। ਅਤ੍ਤਗੁਤ੍ਤੋਤਿ ਅਤ੍ਤਨਾવ ਗੁਤ੍ਤੋ ਰਕ੍ਖਿਤੋ, ਅਤ੍ਤਾਨਂ વਾ ਗੋਪੇਤੁਂ ਰਕ੍ਖਿਤੁਂ ਸਮਤ੍ਥੋ। ਨਾਲਂ ਪਮਾਦਾਯਾਤਿ ਨ ਯੁਤ੍ਤੋ ਪਮਜ੍ਜਿਤੁਂ। ਸਦ੍ਧਾਯ ਅਕਤਂ ਹੋਤੀਤਿ ਯਂ ਸਦ੍ਧਾਯ ਕੁਸਲੇਸੁ ਧਮ੍ਮੇਸੁ ਕਾਤੁਂ ਯੁਤ੍ਤਂ, ਤਂ ਨ ਕਤਂ ਹੋਤਿ। ਸੇਸਪਦੇਸੁਪਿ ਏਸੇવ ਨਯੋ। ਅਨਪੇਕ੍ਖੋ ਦਾਨਾਹਂ, ਭਿਕ੍ਖવੇ, ਤਸ੍ਮਿਂ ਭਿਕ੍ਖੁਸ੍ਮਿਂ ਹੋਮੀਤਿ ਏવਂ ਸਦ੍ਧਾਦੀਹਿ ਕਾਤਬ੍ਬਂ ਕਤ੍વਾવ ਸੋਤਾਪਤ੍ਤਿਫਲੇ ਪਤਿਟ੍ਠਿਤੇ ਤਸ੍ਮਿਂ ਪੁਗ੍ਗਲੇ ਅਨਪੇਕ੍ਖੋ ਹੋਮੀਤਿ ਦਸ੍ਸੇਤਿ। ਇਮਸ੍ਮਿਂ ਸੁਤ੍ਤੇ ਸੋਤਾਪਤ੍ਤਿਮਗ੍ਗੋ ਕਥਿਤੋ।
7. Sattame kāmesu laḷitāti vatthukāmakilesakāmesu laḷitā abhiratā. Asitabyābhaṅginti tiṇalāyanaasitañceva tiṇavahanakājañca. Kulaputtoti ācārakulaputto. Ohāyāti pahāya. Alaṃvacanāyāti yuttaṃ vacanāya. Labbhāti sulabhā sakkā labhituṃ. Hīnā kāmāti pañcannaṃ nīcakulānaṃ kāmā. Majjhimā kāmāti majjhimasattānaṃ kāmā. Paṇītā kāmāti rājarājamahāmattānaṃ kāmā. Kāmātveva saṅkhaṃ gacchantīti kāmanavasena kāmetabbavasena ca kāmāicceva saṅkhaṃ gacchanti. Vuddho hotīti mahallako hoti. Alaṃpaññoti yuttapañño. Attaguttoti attanāva gutto rakkhito, attānaṃ vā gopetuṃ rakkhituṃ samattho. Nālaṃ pamādāyāti na yutto pamajjituṃ. Saddhāya akataṃ hotīti yaṃ saddhāya kusalesu dhammesu kātuṃ yuttaṃ, taṃ na kataṃ hoti. Sesapadesupi eseva nayo. Anapekkho dānāhaṃ, bhikkhave, tasmiṃ bhikkhusmiṃ homīti evaṃ saddhādīhi kātabbaṃ katvāva sotāpattiphale patiṭṭhite tasmiṃ puggale anapekkho homīti dasseti. Imasmiṃ sutte sotāpattimaggo kathito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਕਾਮਸੁਤ੍ਤਂ • 7. Kāmasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਮਹਾਸੁਪਿਨਸੁਤ੍ਤવਣ੍ਣਨਾ • 6. Mahāsupinasuttavaṇṇanā
