| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਕਾਮਸੁਤ੍ਤવਣ੍ਣਨਾ
8. Kāmasuttavaṇṇanā
੭੮. ‘‘ਅਤ੍ਤਕਾਮੋ’’ਤਿ ਪਾਲ਼ਿਯਂ વੁਤ੍ਤਤ੍ਤਾ ਆਹ ‘‘ਠਪੇਤ੍વਾ ਸਬ੍ਬਬੋਧਿਸਤ੍ਤੇ’’ਤਿ। ਤੇ ਹਿ ਸਬ੍ਬਸੋ ਪਰਤ੍ਥਾਯ ਏવ ਪਟਿਪਜ੍ਜਮਾਨਾ ਮਹਾਕਾਰੁਣਿਕਾ ਪਰਤ੍ਥਕਾਮਾ, ਅਤ੍ਥਕਾਮਾ ਨਾਮ ਨ ਹੋਨ੍ਤਿ, ਯਾ ਚ ਤੇਸਂ ਅਤ੍ਤਤ੍ਥਾવਹਾ ਪਟਿਪਤ੍ਤਿ, ਸਾਪਿ ਯਾવਦੇવ ਪਰਤ੍ਥਾ ਏવਾਤਿ। વੁਤ੍ਤਂ ਪੋਰਾਣਟ੍ਠਕਥਾਯਂ। ਯਸ੍ਮਾ ਬੋਧਿਸਤ੍ਤਾ ਪਰਹਿਤਪਟਿਪਤ੍ਤਿਯਾ ਪਾਰਮਿਯੋ ਪੂਰੇਨ੍ਤਾ ਤਥਾਰੂਪਂ ਕਾਰਣਂ ਪਤ੍વਾ ਅਤ੍ਤਾਨਂ ਪਰੇਸਂ ਪਰਿਚ੍ਚਜਨ੍ਤਿ ਪਞ੍ਞਾਪਾਰਮਿਯਾ ਪਰਿਪੂਰਣਤੋ, ਤਸ੍ਮਾ ਇਧਾਪਿ ‘‘ਸਬ੍ਬਬੋਧਿਸਤ੍ਤੇ ਠਪੇਤ੍વਾਯੇવਾਤਿ વੁਤ੍ਤ’’ਨ੍ਤਿ ਆਹ। ਕਲ੍ਯਾਣਨ੍ਤਿ ਭਦ੍ਦਕਂ। વਾਚਾਯ ਅਧਿਪ੍ਪੇਤਤ੍ਤਾ ਆਹ ‘‘ਸਣ੍ਹਂ ਮੁਦੁਕ’’ਨ੍ਤਿ। ਪਾਪਿਕਨ੍ਤਿ ਲਾਮਕਂ ਨਿਹੀਨਂ। ਤਂ ਪਨ ਫਰੁਸਂ વਾਚਨ੍ਤਿ ਸਰੂਪਤੋ ਦਸ੍ਸੇਤਿ।
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
ਕਾਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kāmasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕਾਮਸੁਤ੍ਤਂ • 8. Kāmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਕਾਮਸੁਤ੍ਤવਣ੍ਣਨਾ • 8. Kāmasuttavaṇṇanā
