Library / Tipiṭaka / திபிடக • Tipiṭaka / த⁴ம்மஸங்க³ணீபாளி • Dhammasaṅgaṇīpāḷi

1. சித்துப்பாத³கண்ட³ங்

1. Cittuppādakaṇḍaṃ

காமாவசரகுஸலங்

Kāmāvacarakusalaṃ

பத³பா⁴ஜனீ

Padabhājanī

1. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி ஸோமனஸ்ஸஸஹக³தங் ஞாணஸம்பயுத்தங் ரூபாரம்மணங் வா ஸத்³தா³ரம்மணங் வா க³ந்தா⁴ரம்மணங் வா ரஸாரம்மணங் வா பொ²ட்ட²ப்³பா³ரம்மணங் வா த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தங் ஹோதி, விதக்கோ ஹோதி, விசாரோ ஹோதி, பீதி ஹோதி, ஸுக²ங் ஹோதி, சித்தஸ்ஸேகக்³க³தா ஹோதி, ஸத்³தி⁴ந்த்³ரியங் ஹோதி, வீரியிந்த்³ரியங் ¹ ஹோதி, ஸதிந்த்³ரியங் ஹோதி, ஸமாதி⁴ந்த்³ரியங் ஹோதி, பஞ்ஞிந்த்³ரியங் ஹோதி, மனிந்த்³ரியங் ஹோதி, ஸோமனஸ்ஸிந்த்³ரியங் ஹோதி, ஜீவிதிந்த்³ரியங் ஹோதி, ஸம்மாதி³ட்டி² ஹோதி, ஸம்மாஸங்கப்போ ஹோதி, ஸம்மாவாயாமோ ஹோதி, ஸம்மாஸதி ஹோதி, ஸம்மாஸமாதி⁴ ஹோதி, ஸத்³தா⁴ப³லங் ஹோதி, வீரியப³லங் ² ஹோதி, ஸதிப³லங் ஹோதி, ஸமாதி⁴ப³லங் ஹோதி, பஞ்ஞாப³லங் ஹோதி, ஹிரிப³லங் ஹோதி, ஒத்தப்பப³லங் ஹோதி, அலோபோ⁴ ஹோதி, அதோ³ஸோ ஹோதி, அமோஹோ ஹோதி, அனபி⁴ஜ்ஜா² ஹோதி, அப்³யாபாதோ³ ஹோதி, ஸம்மாதி³ட்டி² ஹோதி, ஹிரீ ஹோதி, ஒத்தப்பங் ஹோதி, காயபஸ்ஸத்³தி⁴ ³ ஹோதி, சித்தபஸ்ஸத்³தி⁴ ⁴ ஹோதி, காயலஹுதா ஹோதி, சித்தலஹுதா ஹோதி, காயமுது³தா ஹோதி, சித்தமுது³தா ஹோதி, காயகம்மஞ்ஞதா ஹோதி, சித்தகம்மஞ்ஞதா ஹோதி, காயபாகு³ஞ்ஞதா ஹோதி, சித்தபாகு³ஞ்ஞதா ஹோதி, காயுஜுகதா ⁵ ஹோதி, சித்துஜுகதா ⁶ ஹோதி, ஸதி ஹோதி, ஸம்பஜஞ்ஞங் ஹோதி, ஸமதோ² ஹோதி, விபஸ்ஸனா ஹோதி, பக்³கா³ஹோ ஹோதி, அவிக்கே²போ ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா.

1. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, pīti hoti, sukhaṃ hoti, cittassekaggatā hoti, saddhindriyaṃ hoti, vīriyindriyaṃ ⁷ hoti, satindriyaṃ hoti, samādhindriyaṃ hoti, paññindriyaṃ hoti, manindriyaṃ hoti, somanassindriyaṃ hoti, jīvitindriyaṃ hoti, sammādiṭṭhi hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti, saddhābalaṃ hoti, vīriyabalaṃ ⁸ hoti, satibalaṃ hoti, samādhibalaṃ hoti, paññābalaṃ hoti, hiribalaṃ hoti, ottappabalaṃ hoti, alobho hoti, adoso hoti, amoho hoti, anabhijjhā hoti, abyāpādo hoti, sammādiṭṭhi hoti, hirī hoti, ottappaṃ hoti, kāyapassaddhi ⁹ hoti, cittapassaddhi ¹⁰ hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā ¹¹ hoti, cittujukatā ¹² hoti, sati hoti, sampajaññaṃ hoti, samatho hoti, vipassanā hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

2. கதமோ தஸ்மிங் ஸமயே ப²ஸ்ஸோ ஹோதி? யோ தஸ்மிங் ஸமயே ப²ஸ்ஸோ பு²ஸனா ஸங்பு²ஸனா ஸங்பு²ஸிதத்தங் – அயங் தஸ்மிங் ஸமயே ப²ஸ்ஸோ ஹோதி.

2. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti.

3. கதமா தஸ்மிங் ஸமயே வேத³னா ஹோதி? யங் தஸ்மிங் ஸமயே தஜ்ஜாமனோவிஞ்ஞாணதா⁴துஸம்ப²ஸ்ஸஜங் சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – அயங் தஸ்மிங் ஸமயே வேத³னா ஹோதி.

3. Katamā tasmiṃ samaye vedanā hoti? Yaṃ tasmiṃ samaye tajjāmanoviññāṇadhātusamphassajaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye vedanā hoti.

4. கதமா தஸ்மிங் ஸமயே ஸஞ்ஞா ஹோதி? யா தஸ்மிங் ஸமயே தஜ்ஜாமனோவிஞ்ஞாணதா⁴துஸம்ப²ஸ்ஸஜா ஸஞ்ஞா ஸஞ்ஜானநா ஸஞ்ஜானிதத்தங் – அயங் தஸ்மிங் ஸமயே ஸஞ்ஞா ஹோதி.

4. Katamā tasmiṃ samaye saññā hoti? Yā tasmiṃ samaye tajjāmanoviññāṇadhātusamphassajā saññā sañjānanā sañjānitattaṃ – ayaṃ tasmiṃ samaye saññā hoti.

5. கதமா தஸ்மிங் ஸமயே சேதனா ஹோதி? யா தஸ்மிங் ஸமயே தஜ்ஜாமனோவிஞ்ஞாணதா⁴துஸம்ப²ஸ்ஸஜா சேதனா ஸஞ்சேதனா சேதயிதத்தங் ¹³ – அயங் தஸ்மிங் ஸமயே சேதனா ஹோதி.

5. Katamā tasmiṃ samaye cetanā hoti? Yā tasmiṃ samaye tajjāmanoviññāṇadhātusamphassajā cetanā sañcetanā cetayitattaṃ ¹⁴ – ayaṃ tasmiṃ samaye cetanā hoti.

6. கதமங் தஸ்மிங் ஸமயே சித்தங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே சித்தங் ஹோதி.

6. Katamaṃ tasmiṃ samaye cittaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye cittaṃ hoti.

7. கதமோ தஸ்மிங் ஸமயே விதக்கோ ஹோதி? யோ தஸ்மிங் ஸமயே தக்கோ விதக்கோ ஸங்கப்போ அப்பனா ப்³யப்பனா சேதஸோ அபி⁴னிரோபனா ஸம்மாஸங்கப்போ – அயங் தஸ்மிங் ஸமயே விதக்கோ ஹோதி.

7. Katamo tasmiṃ samaye vitakko hoti? Yo tasmiṃ samaye takko vitakko saṅkappo appanā byappanā cetaso abhiniropanā sammāsaṅkappo – ayaṃ tasmiṃ samaye vitakko hoti.

8. கதமோ தஸ்மிங் ஸமயே விசாரோ ஹோதி? யோ தஸ்மிங் ஸமயே சாரோ விசாரோ அனுவிசாரோ உபவிசாரோ சித்தஸ்ஸ அனுஸந்தா⁴னதா அனுபெக்க²னதா – அயங் தஸ்மிங் ஸமயே விசாரோ ஹோதி.

8. Katamo tasmiṃ samaye vicāro hoti? Yo tasmiṃ samaye cāro vicāro anuvicāro upavicāro cittassa anusandhānatā anupekkhanatā – ayaṃ tasmiṃ samaye vicāro hoti.

9. கதமா தஸ்மிங் ஸமயே பீதி ஹோதி? யா தஸ்மிங் ஸமயே பீதி பாமோஜ்ஜங் ஆமோத³னா பமோத³னா ஹாஸோ பஹாஸோ வித்தி ஓத³க்³யங் அத்தமனதா சித்தஸ்ஸ – அயங் தஸ்மிங் ஸமயே பீதி ஹோதி.

9. Katamā tasmiṃ samaye pīti hoti? Yā tasmiṃ samaye pīti pāmojjaṃ āmodanā pamodanā hāso pahāso vitti odagyaṃ attamanatā cittassa – ayaṃ tasmiṃ samaye pīti hoti.

10. கதமங் தஸ்மிங் ஸமயே ஸுக²ங் ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – இத³ங் தஸ்மிங் ஸமயே ஸுக²ங் ஹோதி.

10. Katamaṃ tasmiṃ samaye sukhaṃ hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye sukhaṃ hoti.

11. கதமா தஸ்மிங் ஸமயே சித்தஸ்ஸேகக்³க³தா ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – அயங் தஸ்மிங் ஸமயே சித்தஸ்ஸேகக்³க³தா ஹோதி.

11. Katamā tasmiṃ samaye cittassekaggatā hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ tasmiṃ samaye cittassekaggatā hoti.

12. கதமங் தஸ்மிங் ஸமயே ஸத்³தி⁴ந்த்³ரியங் ஹோதி? யா தஸ்மிங் ஸமயே ஸத்³தா⁴ ஸத்³த³ஹனா ஓகப்பனா அபி⁴ப்பஸாதோ³ ஸத்³தா⁴ ஸத்³தி⁴ந்த்³ரியங் ஸத்³தா⁴ப³லங் – இத³ங் தஸ்மிங் ஸமயே ஸத்³தி⁴ந்த்³ரியங் ஹோதி.

12. Katamaṃ tasmiṃ samaye saddhindriyaṃ hoti? Yā tasmiṃ samaye saddhā saddahanā okappanā abhippasādo saddhā saddhindriyaṃ saddhābalaṃ – idaṃ tasmiṃ samaye saddhindriyaṃ hoti.

13. கதமங் தஸ்மிங் ஸமயே வீரியிந்த்³ரியங் ஹோதி? யோ தஸ்மிங் ஸமயே சேதஸிகோ வீரியாரம்போ⁴ ¹⁵ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ ¹⁶ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – இத³ங் தஸ்மிங் ஸமயே வீரியிந்த்³ரியங் ஹோதி.

13. Katamaṃ tasmiṃ samaye vīriyindriyaṃ hoti? Yo tasmiṃ samaye cetasiko vīriyārambho ¹⁷ nikkamo parakkamo uyyāmo vāyāmo ussāho ussoḷhī ¹⁸ thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – idaṃ tasmiṃ samaye vīriyindriyaṃ hoti.

14. கதமங் தஸ்மிங் ஸமயே ஸதிந்த்³ரியங் ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – இத³ங் தஸ்மிங் ஸமயே ஸதிந்த்³ரியங் ஹோதி.

14. Katamaṃ tasmiṃ samaye satindriyaṃ hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – idaṃ tasmiṃ samaye satindriyaṃ hoti.

15. கதமங் தஸ்மிங் ஸமயே ஸமாதி⁴ந்த்³ரியங் ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – இத³ங் தஸ்மிங் ஸமயே ஸமாதி⁴ந்த்³ரியங் ஹோதி.

15. Katamaṃ tasmiṃ samaye samādhindriyaṃ hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – idaṃ tasmiṃ samaye samādhindriyaṃ hoti.

16. கதமங் தஸ்மிங் ஸமயே பஞ்ஞிந்த்³ரியங் ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – இத³ங் தஸ்மிங் ஸமயே பஞ்ஞிந்த்³ரியங் ஹோதி.

16. Katamaṃ tasmiṃ samaye paññindriyaṃ hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – idaṃ tasmiṃ samaye paññindriyaṃ hoti.

17. கதமங் தஸ்மிங் ஸமயே மனிந்த்³ரியங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே மனிந்த்³ரியங் ஹோதி.

17. Katamaṃ tasmiṃ samaye manindriyaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye manindriyaṃ hoti.

18. கதமங் தஸ்மிங் ஸமயே ஸோமனஸ்ஸிந்த்³ரியங் ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – இத³ங் தஸ்மிங் ஸமயே ஸோமனஸ்ஸிந்த்³ரியங் ஹோதி.

18. Katamaṃ tasmiṃ samaye somanassindriyaṃ hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye somanassindriyaṃ hoti.

19. கதமங் தஸ்மிங் ஸமயே ஜீவிதிந்த்³ரியங் ஹோதி? யோ தேஸங் அரூபீனங் த⁴ம்மானங் ஆயு டி²தி யபனா யாபனா இரியனா ¹⁹ வத்தனா பாலனா ஜீவிதங் ஜீவிதிந்த்³ரியங் – இத³ங் தஸ்மிங் ஸமயே ஜீவிதிந்த்³ரியங் ஹோதி.

19. Katamaṃ tasmiṃ samaye jīvitindriyaṃ hoti? Yo tesaṃ arūpīnaṃ dhammānaṃ āyu ṭhiti yapanā yāpanā iriyanā ²⁰ vattanā pālanā jīvitaṃ jīvitindriyaṃ – idaṃ tasmiṃ samaye jīvitindriyaṃ hoti.

20. கதமா தஸ்மிங் ஸமயே ஸம்மாதி³ட்டி² ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – அயங் தஸ்மிங் ஸமயே ஸம்மாதி³ட்டி² ஹோதி.

20. Katamā tasmiṃ samaye sammādiṭṭhi hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – ayaṃ tasmiṃ samaye sammādiṭṭhi hoti.

21. கதமோ தஸ்மிங் ஸமயே ஸம்மாஸங்கப்போ ஹோதி? யோ தஸ்மிங் ஸமயே தக்கோ விதக்கோ ஸங்கப்போ அப்பனா ப்³யப்பனா சேதஸோ அபி⁴னிரோபனா ஸம்மாஸங்கப்போ – அயங் தஸ்மிங் ஸமயே ஸம்மாஸங்கப்போ ஹோதி.

21. Katamo tasmiṃ samaye sammāsaṅkappo hoti? Yo tasmiṃ samaye takko vitakko saṅkappo appanā byappanā cetaso abhiniropanā sammāsaṅkappo – ayaṃ tasmiṃ samaye sammāsaṅkappo hoti.

22. கதமோ தஸ்மிங் ஸமயே ஸம்மாவாயாமோ ஹோதி? யோ தஸ்மிங் ஸமயே சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – அயங் தஸ்மிங் ஸமயே ஸம்மாவாயாமோ ஹோதி.

22. Katamo tasmiṃ samaye sammāvāyāmo hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – ayaṃ tasmiṃ samaye sammāvāyāmo hoti.

23. கதமா தஸ்மிங் ஸமயே ஸம்மாஸதி ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – அயங் தஸ்மிங் ஸமயே ஸம்மாஸதி ஹோதி.

23. Katamā tasmiṃ samaye sammāsati hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – ayaṃ tasmiṃ samaye sammāsati hoti.

24. கதமோ தஸ்மிங் ஸமயே ஸம்மாஸமாதி⁴ ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – அயங் தஸ்மிங் ஸமயே ஸம்மாஸமாதி⁴ ஹோதி.

24. Katamo tasmiṃ samaye sammāsamādhi hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ tasmiṃ samaye sammāsamādhi hoti.

25. கதமங் தஸ்மிங் ஸமயே ஸத்³தா⁴ப³லங் ஹோதி? யா தஸ்மிங் ஸமயே ஸத்³தா⁴ ஸத்³த³ஹனா ஓகப்பனா அபி⁴ப்பஸாதோ³ ஸத்³தா⁴ ஸத்³தி⁴ந்த்³ரியங் ஸத்³தா⁴ப³லங் – இத³ங் தஸ்மிங் ஸமயே ஸத்³தா⁴ப³லங் ஹோதி.

25. Katamaṃ tasmiṃ samaye saddhābalaṃ hoti? Yā tasmiṃ samaye saddhā saddahanā okappanā abhippasādo saddhā saddhindriyaṃ saddhābalaṃ – idaṃ tasmiṃ samaye saddhābalaṃ hoti.

26. கதமங் தஸ்மிங் ஸமயே வீரியப³லங் ஹோதி? யோ தஸ்மிங் ஸமயே சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – இத³ங் தஸ்மிங் ஸமயே வீரியப³லங் ஹோதி.

26. Katamaṃ tasmiṃ samaye vīriyabalaṃ hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – idaṃ tasmiṃ samaye vīriyabalaṃ hoti.

27. கதமங் தஸ்மிங் ஸமயே ஸதிப³லங் ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – இத³ங் தஸ்மிங் ஸமயே ஸதிப³லங் ஹோதி.

27. Katamaṃ tasmiṃ samaye satibalaṃ hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – idaṃ tasmiṃ samaye satibalaṃ hoti.

28. கதமங் தஸ்மிங் ஸமயே ஸமாதி⁴ப³லங் ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – இத³ங் தஸ்மிங் ஸமயே ஸமாதி⁴ப³லங் ஹோதி.

28. Katamaṃ tasmiṃ samaye samādhibalaṃ hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – idaṃ tasmiṃ samaye samādhibalaṃ hoti.

29. கதமங் தஸ்மிங் ஸமயே பஞ்ஞாப³லங் ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – இத³ங் தஸ்மிங் ஸமயே பஞ்ஞாப³லங் ஹோதி.

29. Katamaṃ tasmiṃ samaye paññābalaṃ hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – idaṃ tasmiṃ samaye paññābalaṃ hoti.

30. கதமங் தஸ்மிங் ஸமயே ஹிரிப³லங் ஹோதி? யங் தஸ்மிங் ஸமயே ஹிரீயதி ஹிரியிதப்³பே³ன ஹிரீயதி பாபகானங் அகுஸலானங் த⁴ம்மானங் ஸமாபத்தியா – இத³ங் தஸ்மிங் ஸமயே ஹிரிப³லங் ஹோதி.

30. Katamaṃ tasmiṃ samaye hiribalaṃ hoti? Yaṃ tasmiṃ samaye hirīyati hiriyitabbena hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye hiribalaṃ hoti.

31. கதமங் தஸ்மிங் ஸமயே ஒத்தப்பப³லங் ஹோதி? யங் தஸ்மிங் ஸமயே ஒத்தப்பதி ஒத்தப்பிதப்³பே³ன ஒத்தப்பதி பாபகானங் அகுஸலானங் த⁴ம்மானங் ஸமாபத்தியா – இத³ங் தஸ்மிங் ஸமயே ஒத்தப்பப³லங் ஹோதி.

31. Katamaṃ tasmiṃ samaye ottappabalaṃ hoti? Yaṃ tasmiṃ samaye ottappati ottappitabbena ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ottappabalaṃ hoti.

32. கதமோ தஸ்மிங் ஸமயே அலோபோ⁴ ஹோதி? யோ தஸ்மிங் ஸமயே அலோபோ⁴ அலுப்³ப⁴னா அலுப்³பி⁴தத்தங் அஸாராகோ³ அஸாரஜ்ஜனா அஸாரஜ்ஜிதத்தங் அனபி⁴ஜ்ஜா² அலோபோ⁴ குஸலமூலங் – அயங் தஸ்மிங் ஸமயே அலோபோ⁴ ஹோதி.

32. Katamo tasmiṃ samaye alobho hoti? Yo tasmiṃ samaye alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ tasmiṃ samaye alobho hoti.

33. கதமோ தஸ்மிங் ஸமயே அதோ³ஸோ ஹோதி? யோ தஸ்மிங் ஸமயே அதோ³ஸோ அது³ஸ்ஸனா அது³ஸ்ஸிதத்தங் ²¹ அப்³யாபாதோ³ அப்³யாபஜ்ஜோ அதோ³ஸோ குஸலமூலங் – அயங் தஸ்மிங் ஸமயே அதோ³ஸோ ஹோதி?

33. Katamo tasmiṃ samaye adoso hoti? Yo tasmiṃ samaye adoso adussanā adussitattaṃ ²² abyāpādo abyāpajjo adoso kusalamūlaṃ – ayaṃ tasmiṃ samaye adoso hoti?

34. கதமோ தஸ்மிங் ஸமயே அமோஹோ ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² அமோஹோ குஸலமூலங் – அயங் தஸ்மிங் ஸமயே அமோஹோ ஹோதி.

34. Katamo tasmiṃ samaye amoho hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi amoho kusalamūlaṃ – ayaṃ tasmiṃ samaye amoho hoti.

35. கதமா தஸ்மிங் ஸமயே அனபி⁴ஜ்ஜா² ஹோதி? யோ தஸ்மிங் ஸமயே அலோபோ⁴ அலுப்³ப⁴னா அலுப்³பி⁴தத்தங் அஸாராகோ³ அஸாரஜ்ஜனா அஸாரஜ்ஜிதத்தங் அனபி⁴ஜ்ஜா² அலோபோ⁴ குஸலமூலங் – அயங் தஸ்மிங் ஸமயே அனபி⁴ஜ்ஜா² ஹோதி.

35. Katamā tasmiṃ samaye anabhijjhā hoti? Yo tasmiṃ samaye alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ tasmiṃ samaye anabhijjhā hoti.

36. கதமோ தஸ்மிங் ஸமயே அப்³யாபாதோ³ ஹோதி? யோ தஸ்மிங் ஸமயே அதோ³ஸோ அது³ஸ்ஸனா அது³ஸ்ஸிதத்தங் அப்³யாபாதோ³ அப்³யாபஜ்ஜோ அதோ³ஸோ குஸலமூலங் – அயங் தஸ்மிங் ஸமயே அப்³யாபாதோ³ ஹோதி.

36. Katamo tasmiṃ samaye abyāpādo hoti? Yo tasmiṃ samaye adoso adussanā adussitattaṃ abyāpādo abyāpajjo adoso kusalamūlaṃ – ayaṃ tasmiṃ samaye abyāpādo hoti.

37. கதமா தஸ்மிங் ஸமயே ஸம்மாதி³ட்டி² ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – அயங் தஸ்மிங் ஸமயே ஸம்மாதி³ட்டி² ஹோதி.

37. Katamā tasmiṃ samaye sammādiṭṭhi hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – ayaṃ tasmiṃ samaye sammādiṭṭhi hoti.

38. கதமா தஸ்மிங் ஸமயே ஹிரீ ஹோதி? யங் தஸ்மிங் ஸமயே ஹிரீயதி ஹிரியிதப்³பே³ன ஹிரீயதி பாபகானங் அகுஸலானங் த⁴ம்மானங் ஸமாபத்தியா – அயங் தஸ்மிங் ஸமயே ஹிரீ ஹோதி.

38. Katamā tasmiṃ samaye hirī hoti? Yaṃ tasmiṃ samaye hirīyati hiriyitabbena hirīyati pāpakānaṃ akusalānaṃ dhammānaṃ samāpattiyā – ayaṃ tasmiṃ samaye hirī hoti.

39. கதமங் தஸ்மிங் ஸமயே ஒத்தப்பங் ஹோதி? யங் தஸ்மிங் ஸமயே ஒத்தப்பதி ஒத்தப்பிதப்³பே³ன ஒத்தப்பதி பாபகானங் அகுஸலானங் த⁴ம்மானங் ஸமாபத்தியா – இத³ங் தஸ்மிங் ஸமயே ஒத்தப்பங் ஹோதி.

39. Katamaṃ tasmiṃ samaye ottappaṃ hoti? Yaṃ tasmiṃ samaye ottappati ottappitabbena ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ottappaṃ hoti.

40. கதமா தஸ்மிங் ஸமயே காயபஸ்ஸத்³தி⁴ ஹோதி? யா தஸ்மிங் ஸமயே வேத³னாக்க²ந்த⁴ஸ்ஸ ஸஞ்ஞாக்க²ந்த⁴ஸ்ஸ ஸங்கா²ரக்க²ந்த⁴ஸ்ஸ பஸ்ஸத்³தி⁴ படிபஸ்ஸத்³தி⁴ ²³ பஸ்ஸம்ப⁴னா படிபஸ்ஸம்ப⁴னா ²⁴ படிபஸ்ஸம்பி⁴தத்தங் ²⁵ – அயங் தஸ்மிங் ஸமயே காயபஸ்ஸத்³தி⁴ ஹோதி.

40. Katamā tasmiṃ samaye kāyapassaddhi hoti? Yā tasmiṃ samaye vedanākkhandhassa saññākkhandhassa saṅkhārakkhandhassa passaddhi paṭipassaddhi ²⁶ passambhanā paṭipassambhanā ²⁷ paṭipassambhitattaṃ ²⁸ – ayaṃ tasmiṃ samaye kāyapassaddhi hoti.

41. கதமா தஸ்மிங் ஸமயே சித்தபஸ்ஸத்³தி⁴ ஹோதி? யா தஸ்மிங் ஸமயே விஞ்ஞாணக்க²ந்த⁴ஸ்ஸ பஸ்ஸத்³தி⁴ படிபஸ்ஸத்³தி⁴ பஸ்ஸம்ப⁴னா படிபஸ்ஸம்ப⁴னா படிபஸ்ஸம்பி⁴தத்தங் – அயங் தஸ்மிங் ஸமயே சித்தபஸ்ஸத்³தி⁴ ஹோதி.

41. Katamā tasmiṃ samaye cittapassaddhi hoti? Yā tasmiṃ samaye viññāṇakkhandhassa passaddhi paṭipassaddhi passambhanā paṭipassambhanā paṭipassambhitattaṃ – ayaṃ tasmiṃ samaye cittapassaddhi hoti.

42. கதமா தஸ்மிங் ஸமயே காயலஹுதா ஹோதி? யா தஸ்மிங் ஸமயே வேத³னாக்க²ந்த⁴ஸ்ஸ ஸஞ்ஞாக்க²ந்த⁴ஸ்ஸ ஸங்கா²ரக்க²ந்த⁴ஸ்ஸ லஹுதா லஹுபரிணாமதா அத³ந்த⁴னதா அவித்த²னதா – அயங் தஸ்மிங் ஸமயே காயலஹுதா ஹோதி.

42. Katamā tasmiṃ samaye kāyalahutā hoti? Yā tasmiṃ samaye vedanākkhandhassa saññākkhandhassa saṅkhārakkhandhassa lahutā lahupariṇāmatā adandhanatā avitthanatā – ayaṃ tasmiṃ samaye kāyalahutā hoti.

43. கதமா தஸ்மிங் ஸமயே சித்தலஹுதா ஹோதி? யா தஸ்மிங் ஸமயே விஞ்ஞாணக்க²ந்த⁴ஸ்ஸ லஹுதா லஹுபரிணாமதா அத³ந்த⁴னதா அவித்த²னதா – அயங் தஸ்மிங் ஸமயே சித்தலஹுதா ஹோதி.

43. Katamā tasmiṃ samaye cittalahutā hoti? Yā tasmiṃ samaye viññāṇakkhandhassa lahutā lahupariṇāmatā adandhanatā avitthanatā – ayaṃ tasmiṃ samaye cittalahutā hoti.

44. கதமா தஸ்மிங் ஸமயே காயமுது³தா ஹோதி? யா தஸ்மிங் ஸமயே வேத³னாக்க²ந்த⁴ஸ்ஸ ஸஞ்ஞாக்க²ந்த⁴ஸ்ஸ ஸங்கா²ரக்க²ந்த⁴ஸ்ஸ முது³தா மத்³த³வதா அகக்க²ளதா அகதி²னதா – அயங் தஸ்மிங் ஸமயே காயமுது³தா ஹோதி.

44. Katamā tasmiṃ samaye kāyamudutā hoti? Yā tasmiṃ samaye vedanākkhandhassa saññākkhandhassa saṅkhārakkhandhassa mudutā maddavatā akakkhaḷatā akathinatā – ayaṃ tasmiṃ samaye kāyamudutā hoti.

45. கதமா தஸ்மிங் ஸமயே சித்தமுது³தா ஹோதி? யா தஸ்மிங் ஸமயே விஞ்ஞாணக்க²ந்த⁴ஸ்ஸ முது³தா மத்³த³வதா அகக்க²ளதா அகதி²னதா – அயங் தஸ்மிங் ஸமயே சித்தமுது³தா ஹோதி.

45. Katamā tasmiṃ samaye cittamudutā hoti? Yā tasmiṃ samaye viññāṇakkhandhassa mudutā maddavatā akakkhaḷatā akathinatā – ayaṃ tasmiṃ samaye cittamudutā hoti.

46. கதமா தஸ்மிங் ஸமயே காயகம்மஞ்ஞதா ஹோதி? யா தஸ்மிங் ஸமயே வேத³னாக்க²ந்த⁴ஸ்ஸ ஸஞ்ஞாக்க²ந்த⁴ஸ்ஸ ஸங்கா²ரக்க²ந்த⁴ஸ்ஸ கம்மஞ்ஞதா கம்மஞ்ஞத்தங் கம்மஞ்ஞபா⁴வோ – அயங் தஸ்மிங் ஸமயே காயகம்மஞ்ஞதா ஹோதி.

46. Katamā tasmiṃ samaye kāyakammaññatā hoti? Yā tasmiṃ samaye vedanākkhandhassa saññākkhandhassa saṅkhārakkhandhassa kammaññatā kammaññattaṃ kammaññabhāvo – ayaṃ tasmiṃ samaye kāyakammaññatā hoti.

47. கதமா தஸ்மிங் ஸமயே சித்தகம்மஞ்ஞதா ஹோதி? யா தஸ்மிங் ஸமயே விஞ்ஞாணக்க²ந்த⁴ஸ்ஸ கம்மஞ்ஞதா கம்மஞ்ஞத்தங் கம்மஞ்ஞபா⁴வோ – அயங் தஸ்மிங் ஸமயே சித்தகம்மஞ்ஞதா ஹோதி.

47. Katamā tasmiṃ samaye cittakammaññatā hoti? Yā tasmiṃ samaye viññāṇakkhandhassa kammaññatā kammaññattaṃ kammaññabhāvo – ayaṃ tasmiṃ samaye cittakammaññatā hoti.

48. கதமா தஸ்மிங் ஸமயே காயபாகு³ஞ்ஞதா ஹோதி? யா தஸ்மிங் ஸமயே வேத³னாக்க²ந்த⁴ஸ்ஸ ஸஞ்ஞாக்க²ந்த⁴ஸ்ஸ ஸங்கா²ரக்க²ந்த⁴ஸ்ஸ பகு³ணதா பகு³ணத்தங் பகு³ணபா⁴வோ – அயங் தஸ்மிங் ஸமயே காயபாகு³ஞ்ஞதா ஹோதி.

48. Katamā tasmiṃ samaye kāyapāguññatā hoti? Yā tasmiṃ samaye vedanākkhandhassa saññākkhandhassa saṅkhārakkhandhassa paguṇatā paguṇattaṃ paguṇabhāvo – ayaṃ tasmiṃ samaye kāyapāguññatā hoti.

49. கதமா தஸ்மிங் ஸமயே சித்தபாகு³ஞ்ஞதா ஹோதி? யா தஸ்மிங் ஸமயே விஞ்ஞாணக்க²ந்த⁴ஸ்ஸ பகு³ணதா பகு³ணத்தங் பகு³ணபா⁴வோ – அயங் தஸ்மிங் ஸமயே சித்தபாகு³ஞ்ஞதா ஹோதி.

49. Katamā tasmiṃ samaye cittapāguññatā hoti? Yā tasmiṃ samaye viññāṇakkhandhassa paguṇatā paguṇattaṃ paguṇabhāvo – ayaṃ tasmiṃ samaye cittapāguññatā hoti.

50. கதமா தஸ்மிங் ஸமயே காயுஜுகதா ஹோதி? யா தஸ்மிங் ஸமயே வேத³னாக்க²ந்த⁴ஸ்ஸ ஸஞ்ஞாக்க²ந்த⁴ஸ்ஸ ஸங்கா²ரக்க²ந்த⁴ஸ்ஸ உஜுதா உஜுகதா அஜிம்ஹதா அவங்கதா அகுடிலதா – அயங் தஸ்மிங் ஸமயே காயுஜுகதா ஹோதி.

50. Katamā tasmiṃ samaye kāyujukatā hoti? Yā tasmiṃ samaye vedanākkhandhassa saññākkhandhassa saṅkhārakkhandhassa ujutā ujukatā ajimhatā avaṅkatā akuṭilatā – ayaṃ tasmiṃ samaye kāyujukatā hoti.

51. கதமா தஸ்மிங் ஸமயே சித்துஜுகதா ஹோதி? யா தஸ்மிங் ஸமயே விஞ்ஞாணக்க²ந்த⁴ஸ்ஸ உஜுதா உஜுகதா அஜிம்ஹதா அவங்கதா அகுடிலதா – அயங் தஸ்மிங் ஸமயே சித்துஜுகதா ஹோதி.

51. Katamā tasmiṃ samaye cittujukatā hoti? Yā tasmiṃ samaye viññāṇakkhandhassa ujutā ujukatā ajimhatā avaṅkatā akuṭilatā – ayaṃ tasmiṃ samaye cittujukatā hoti.

52. கதமா தஸ்மிங் ஸமயே ஸதி ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – அயங் தஸ்மிங் ஸமயே ஸதி ஹோதி.

52. Katamā tasmiṃ samaye sati hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – ayaṃ tasmiṃ samaye sati hoti.

53. கதமங் தஸ்மிங் ஸமயே ஸம்பஜஞ்ஞங் ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – இத³ங் தஸ்மிங் ஸமயே ஸம்பஜஞ்ஞங் ஹோதி.

53. Katamaṃ tasmiṃ samaye sampajaññaṃ hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – idaṃ tasmiṃ samaye sampajaññaṃ hoti.

54. கதமோ தஸ்மிங் ஸமயே ஸமதோ² ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – அயங் தஸ்மிங் ஸமயே ஸமதோ² ஹோதி.

54. Katamo tasmiṃ samaye samatho hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ tasmiṃ samaye samatho hoti.

55. கதமா தஸ்மிங் ஸமயே விபஸ்ஸனா ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – அயங் தஸ்மிங் ஸமயே விபஸ்ஸனா ஹோதி.

55. Katamā tasmiṃ samaye vipassanā hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – ayaṃ tasmiṃ samaye vipassanā hoti.

56. கதமோ தஸ்மிங் ஸமயே பக்³கா³ஹோ ஹோதி? யோ தஸ்மிங் ஸமயே சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – அயங் தஸ்மிங் ஸமயே பக்³கா³ஹோ ஹோதி.

56. Katamo tasmiṃ samaye paggāho hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – ayaṃ tasmiṃ samaye paggāho hoti.

57. கதமோ தஸ்மிங் ஸமயே அவிக்கே²போ ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – அயங் தஸ்மிங் ஸமயே அவிக்கே²போ ஹோதி.

57. Katamo tasmiṃ samaye avikkhepo hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ tasmiṃ samaye avikkhepo hoti.

யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா.

Ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

பத³பா⁴ஜனீயங்.

Padabhājanīyaṃ.

பட²மபா⁴ணவாரோ.

Paṭhamabhāṇavāro.

கொட்டா²ஸவாரோ

Koṭṭhāsavāro

58. தஸ்மிங் கோ² பன ஸமயே சத்தாரோ க²ந்தா⁴ ஹொந்தி, த்³வாயதனானி ஹொந்தி, த்³வே தா⁴துயோ ஹொந்தி, தயோ ஆஹாரா ஹொந்தி, அட்டி²ந்த்³ரியானி ஹொந்தி, பஞ்சங்கி³கங் ஜா²னங் ஹோதி, பஞ்சங்கி³கோ மக்³கோ³ ஹோதி, ஸத்த ப³லானி ஹொந்தி, தயோ ஹேதூ ஹொந்தி, ஏகோ ப²ஸ்ஸோ ஹோதி, ஏகா வேத³னா ஹோதி, ஏகா ஸஞ்ஞா ஹோதி, ஏகா சேதனா ஹோதி, ஏகங் சித்தங் ஹோதி, ஏகோ வேத³னாக்க²ந்தோ⁴ ஹோதி, ஏகோ ஸஞ்ஞாக்க²ந்தோ⁴ ஹோதி, ஏகோ ஸங்கா²ரக்க²ந்தோ⁴ ஹோதி, ஏகோ விஞ்ஞாணக்க²ந்தோ⁴ ஹோதி, ஏகங் மனாயதனங் ஹோதி, ஏகங் மனிந்த்³ரியங் ஹோதி, ஏகா மனோவிஞ்ஞாணதா⁴து ஹோதி, ஏகங் த⁴ம்மாயதனங் ஹோதி, ஏகா த⁴ம்மதா⁴து ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா.

58. Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, aṭṭhindriyāni honti, pañcaṅgikaṃ jhānaṃ hoti, pañcaṅgiko maggo hoti, satta balāni honti, tayo hetū honti, eko phasso hoti, ekā vedanā hoti, ekā saññā hoti, ekā cetanā hoti, ekaṃ cittaṃ hoti, eko vedanākkhandho hoti, eko saññākkhandho hoti, eko saṅkhārakkhandho hoti, eko viññāṇakkhandho hoti, ekaṃ manāyatanaṃ hoti, ekaṃ manindriyaṃ hoti, ekā manoviññāṇadhātu hoti, ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

59. கதமே தஸ்மிங் ஸமயே சத்தாரோ க²ந்தா⁴ ஹொந்தி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴.

59. Katame tasmiṃ samaye cattāro khandhā honti? Vedanākkhandho, saññākkhandho, saṅkhārakkhandho, viññāṇakkhandho.

60. கதமோ தஸ்மிங் ஸமயே வேத³னாக்க²ந்தோ⁴ ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – அயங் தஸ்மிங் ஸமயே வேத³னாக்க²ந்தோ⁴ ஹோதி.

60. Katamo tasmiṃ samaye vedanākkhandho hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye vedanākkhandho hoti.

61. கதமோ தஸ்மிங் ஸமயே ஸஞ்ஞாக்க²ந்தோ⁴ ஹோதி? யா தஸ்மிங் ஸமயே ஸஞ்ஞா ஸஞ்ஜானநா ஸஞ்ஜானிதத்தங் – அயங் தஸ்மிங் ஸமயே ஸஞ்ஞாக்க²ந்தோ⁴ ஹோதி.

61. Katamo tasmiṃ samaye saññākkhandho hoti? Yā tasmiṃ samaye saññā sañjānanā sañjānitattaṃ – ayaṃ tasmiṃ samaye saññākkhandho hoti.

62. கதமோ தஸ்மிங் ஸமயே ஸங்கா²ரக்க²ந்தோ⁴ ஹோதி? ப²ஸ்ஸோ சேதனா விதக்கோ விசாரோ பீதி சித்தஸ்ஸேகக்³க³தா ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் பஞ்ஞிந்த்³ரியங் ஜீவிதிந்த்³ரியங் ஸம்மாதி³ட்டி² ஸம்மாஸங்கப்போ ஸம்மாவாயாமோ ஸம்மாஸதி ஸம்மாஸமாதி⁴ ஸத்³தா⁴ப³லங் வீரியப³லங் ஸதிப³லங் ஸமாதி⁴ப³லங் பஞ்ஞாப³லங் ஹிரிப³லங் ஒத்தப்பப³லங் அலோபோ⁴ அதோ³ஸோ அமோஹோ அனபி⁴ஜ்ஜா² அப்³யாபாதோ³ ஸம்மாதி³ட்டி² ஹிரீ ஒத்தப்பங் காயபஸ்ஸத்³தி⁴ சித்தபஸ்ஸத்³தி⁴ காயலஹுதா சித்தலஹுதா காயமுது³தா சித்தமுது³தா காயகம்மஞ்ஞதா சித்தகம்மஞ்ஞதா காயபாகு³ஞ்ஞதா சித்தபாகு³ஞ்ஞதா காயுஜுகதா சித்துஜுகதா ஸதி ஸம்பஜஞ்ஞங் ஸமதோ² விபஸ்ஸனா பக்³கா³ஹோ அவிக்கே²போ; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா ட²பெத்வா ²⁹ வேத³னாக்க²ந்த⁴ங் ட²பெத்வா ஸஞ்ஞாக்க²ந்த⁴ங் ட²பெத்வா விஞ்ஞாணக்க²ந்த⁴ங் – அயங் தஸ்மிங் ஸமயே ஸங்கா²ரக்க²ந்தோ⁴ ஹோதி.

62. Katamo tasmiṃ samaye saṅkhārakkhandho hoti? Phasso cetanā vitakko vicāro pīti cittassekaggatā saddhindriyaṃ vīriyindriyaṃ satindriyaṃ samādhindriyaṃ paññindriyaṃ jīvitindriyaṃ sammādiṭṭhi sammāsaṅkappo sammāvāyāmo sammāsati sammāsamādhi saddhābalaṃ vīriyabalaṃ satibalaṃ samādhibalaṃ paññābalaṃ hiribalaṃ ottappabalaṃ alobho adoso amoho anabhijjhā abyāpādo sammādiṭṭhi hirī ottappaṃ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati sampajaññaṃ samatho vipassanā paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā ³⁰ vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti.

63. கதமோ தஸ்மிங் ஸமயே விஞ்ஞாணக்க²ந்தோ⁴ ஹோதி ? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – அயங் தஸ்மிங் ஸமயே விஞ்ஞாணக்க²ந்தோ⁴ ஹோதி.

63. Katamo tasmiṃ samaye viññāṇakkhandho hoti ? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – ayaṃ tasmiṃ samaye viññāṇakkhandho hoti.

இமே தஸ்மிங் ஸமயே சத்தாரோ க²ந்தா⁴ ஹொந்தி.

Ime tasmiṃ samaye cattāro khandhā honti.

64. கதமானி தஸ்மிங் ஸமயே த்³வாயதனானி ஹொந்தி? மனாயதனங் த⁴ம்மாயதனங்.

64. Katamāni tasmiṃ samaye dvāyatanāni honti? Manāyatanaṃ dhammāyatanaṃ.

65. கதமங் தஸ்மிங் ஸமயே மனாயதனங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே மனாயதனங் ஹோதி.

65. Katamaṃ tasmiṃ samaye manāyatanaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye manāyatanaṃ hoti.

66. கதமங் தஸ்மிங் ஸமயே த⁴ம்மாயதனங் ஹோதி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ங் தஸ்மிங் ஸமயே த⁴ம்மாயதனங் ஹோதி.

66. Katamaṃ tasmiṃ samaye dhammāyatanaṃ hoti? Vedanākkhandho, saññākkhandho, saṅkhārakkhandho – idaṃ tasmiṃ samaye dhammāyatanaṃ hoti.

இமானி தஸ்மிங் ஸமயே த்³வாயதனானி ஹொந்தி.

Imāni tasmiṃ samaye dvāyatanāni honti.

67. கதமா தஸ்மிங் ஸமயே த்³வே தா⁴துயோ ஹொந்தி? மனோவிஞ்ஞாணதா⁴து, த⁴ம்மதா⁴து.

67. Katamā tasmiṃ samaye dve dhātuyo honti? Manoviññāṇadhātu, dhammadhātu.

68. கதமா தஸ்மிங் ஸமயே மனோவிஞ்ஞாணதா⁴து ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – அயங் தஸ்மிங் ஸமயே மனோவிஞ்ஞாணதா⁴து ஹோதி.

68. Katamā tasmiṃ samaye manoviññāṇadhātu hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – ayaṃ tasmiṃ samaye manoviññāṇadhātu hoti.

69. கதமா தஸ்மிங் ஸமயே த⁴ம்மதா⁴து ஹோதி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – அயங் தஸ்மிங் ஸமயே த⁴ம்மதா⁴து ஹோதி.

69. Katamā tasmiṃ samaye dhammadhātu hoti? Vedanākkhandho, saññākkhandho, saṅkhārakkhandho – ayaṃ tasmiṃ samaye dhammadhātu hoti.

இமா தஸ்மிங் ஸமயே த்³வே தா⁴துயோ ஹொந்தி.

Imā tasmiṃ samaye dve dhātuyo honti.

70. கதமே தஸ்மிங் ஸமயே தயோ ஆஹாரா ஹொந்தி? ப²ஸ்ஸாஹாரோ, மனோஸஞ்சேதனாஹாரோ , விஞ்ஞாணாஹாரோ.

70. Katame tasmiṃ samaye tayo āhārā honti? Phassāhāro, manosañcetanāhāro , viññāṇāhāro.

71. கதமோ தஸ்மிங் ஸமயே ப²ஸ்ஸாஹாரோ ஹோதி? யோ தஸ்மிங் ஸமயே ப²ஸ்ஸோ பு²ஸனா ஸங்பு²ஸனா ஸங்பு²ஸிதத்தங் – அயங் தஸ்மிங் ஸமயே ப²ஸ்ஸாஹாரோ ஹோதி.

71. Katamo tasmiṃ samaye phassāhāro hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phassāhāro hoti.

72. கதமோ தஸ்மிங் ஸமயே மனோஸஞ்சேதனாஹாரோ ஹோதி? யா தஸ்மிங் ஸமயே சேதனா ஸஞ்சேதனா சேதயிதத்தங் – அயங் தஸ்மிங் ஸமயே மனோஸஞ்சேதனாஹாரோ ஹோதி.

72. Katamo tasmiṃ samaye manosañcetanāhāro hoti? Yā tasmiṃ samaye cetanā sañcetanā cetayitattaṃ – ayaṃ tasmiṃ samaye manosañcetanāhāro hoti.

73. கதமோ தஸ்மிங் ஸமயே விஞ்ஞாணாஹாரோ ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – அயங் தஸ்மிங் ஸமயே விஞ்ஞாணாஹாரோ ஹோதி.

73. Katamo tasmiṃ samaye viññāṇāhāro hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – ayaṃ tasmiṃ samaye viññāṇāhāro hoti.

இமே தஸ்மிங் ஸமயே தயோ ஆஹாரா ஹொந்தி.

Ime tasmiṃ samaye tayo āhārā honti.

74. கதமானி தஸ்மிங் ஸமயே அட்டி²ந்த்³ரியானி ஹொந்தி? ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங், மனிந்த்³ரியங், ஸோமனஸ்ஸிந்த்³ரியங், ஜீவிதிந்த்³ரியங்.

74. Katamāni tasmiṃ samaye aṭṭhindriyāni honti? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, manindriyaṃ, somanassindriyaṃ, jīvitindriyaṃ.

75. கதமங் தஸ்மிங் ஸமயே ஸத்³தி⁴ந்த்³ரியங் ஹோதி? யா தஸ்மிங் ஸமயே ஸத்³தா⁴ ஸத்³த³ஹனா ஓகப்பனா அபி⁴ப்பஸாதோ³ ஸத்³தா⁴ ஸத்³தி⁴ந்த்³ரியங் ஸத்³தா⁴ப³லங் – இத³ங் தஸ்மிங் ஸமயே ஸத்³தி⁴ந்த்³ரியங் ஹோதி.

75. Katamaṃ tasmiṃ samaye saddhindriyaṃ hoti? Yā tasmiṃ samaye saddhā saddahanā okappanā abhippasādo saddhā saddhindriyaṃ saddhābalaṃ – idaṃ tasmiṃ samaye saddhindriyaṃ hoti.

76. கதமங் தஸ்மிங் ஸமயே வீரியிந்த்³ரியங் ஹோதி? யோ தஸ்மிங் ஸமயே சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – இத³ங் தஸ்மிங் ஸமயே வீரியிந்த்³ரியங் ஹோதி.

76. Katamaṃ tasmiṃ samaye vīriyindriyaṃ hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – idaṃ tasmiṃ samaye vīriyindriyaṃ hoti.

77. கதமங் தஸ்மிங் ஸமயே ஸதிந்த்³ரியங் ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – இத³ங் தஸ்மிங் ஸமயே ஸதிந்த்³ரியங் ஹோதி.

77. Katamaṃ tasmiṃ samaye satindriyaṃ hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – idaṃ tasmiṃ samaye satindriyaṃ hoti.

78. கதமங் தஸ்மிங் ஸமயே ஸமாதி⁴ந்த்³ரியங் ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – இத³ங் தஸ்மிங் ஸமயே ஸமாதி⁴ந்த்³ரியங் ஹோதி.

78. Katamaṃ tasmiṃ samaye samādhindriyaṃ hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – idaṃ tasmiṃ samaye samādhindriyaṃ hoti.

79. கதமங் தஸ்மிங் ஸமயே பஞ்ஞிந்த்³ரியங் ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – இத³ங் தஸ்மிங் ஸமயே பஞ்ஞிந்த்³ரியங் ஹோதி.

79. Katamaṃ tasmiṃ samaye paññindriyaṃ hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – idaṃ tasmiṃ samaye paññindriyaṃ hoti.

80. கதமங் தஸ்மிங் ஸமயே மனிந்த்³ரியங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே மனிந்த்³ரியங் ஹோதி.

80. Katamaṃ tasmiṃ samaye manindriyaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye manindriyaṃ hoti.

81. கதமங் தஸ்மிங் ஸமயே ஸோமனஸ்ஸிந்த்³ரியங் ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – இத³ங் தஸ்மிங் ஸமயே ஸோமனஸ்ஸிந்த்³ரியங் ஹோதி.

81. Katamaṃ tasmiṃ samaye somanassindriyaṃ hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye somanassindriyaṃ hoti.

82. கதமங் தஸ்மிங் ஸமயே ஜீவிதிந்த்³ரியங் ஹோதி? யோ தேஸங் அரூபீனங் த⁴ம்மானங் ஆயு டி²தி யபனா யாபனா இரியனா வத்தனா பாலனா ஜீவிதங் ஜீவிதிந்த்³ரியங் – இத³ங் தஸ்மிங் ஸமயே ஜீவிதிந்த்³ரியங் ஹோதி .

82. Katamaṃ tasmiṃ samaye jīvitindriyaṃ hoti? Yo tesaṃ arūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ tasmiṃ samaye jīvitindriyaṃ hoti .

இமானி தஸ்மிங் ஸமயே அட்டி²ந்த்³ரியானி ஹொந்தி.

Imāni tasmiṃ samaye aṭṭhindriyāni honti.

83. கதமங் தஸ்மிங் ஸமயே பஞ்சங்கி³கங் ஜா²னங் ஹோதி? விதக்கோ, விசாரோ, பீதி, ஸுக²ங், சித்தஸ்ஸேகக்³க³தா.

83. Katamaṃ tasmiṃ samaye pañcaṅgikaṃ jhānaṃ hoti? Vitakko, vicāro, pīti, sukhaṃ, cittassekaggatā.

84. கதமோ தஸ்மிங் ஸமயே விதக்கோ ஹோதி? யோ தஸ்மிங் ஸமயே தக்கோ விதக்கோ ஸங்கப்போ அப்பனா ப்³யப்பனா சேதஸோ அபி⁴னிரோபனா ஸம்மாஸங்கப்போ – அயங் தஸ்மிங் ஸமயே விதக்கோ ஹோதி.

84. Katamo tasmiṃ samaye vitakko hoti? Yo tasmiṃ samaye takko vitakko saṅkappo appanā byappanā cetaso abhiniropanā sammāsaṅkappo – ayaṃ tasmiṃ samaye vitakko hoti.

85. கதமோ தஸ்மிங் ஸமயே விசாரோ ஹோதி? யோ தஸ்மிங் ஸமயே சாரோ விசாரோ அனுவிசாரோ உபவிசாரோ சித்தஸ்ஸ அனுஸந்தா⁴னதா அனுபெக்க²னதா – அயங் தஸ்மிங் ஸமயே விசாரோ ஹோதி.

85. Katamo tasmiṃ samaye vicāro hoti? Yo tasmiṃ samaye cāro vicāro anuvicāro upavicāro cittassa anusandhānatā anupekkhanatā – ayaṃ tasmiṃ samaye vicāro hoti.

86. கதமா தஸ்மிங் ஸமயே பீதி ஹோதி? யா தஸ்மிங் ஸமயே பீதி பாமோஜ்ஜங் ஆமோத³னா பமோத³னா ஹாஸோ பஹாஸோ வித்தி ஓத³க்³யங் அத்தமனதா சித்தஸ்ஸ – அயங் தஸ்மிங் ஸமயே பீதி ஹோதி.

86. Katamā tasmiṃ samaye pīti hoti? Yā tasmiṃ samaye pīti pāmojjaṃ āmodanā pamodanā hāso pahāso vitti odagyaṃ attamanatā cittassa – ayaṃ tasmiṃ samaye pīti hoti.

87. கதமங் தஸ்மிங் ஸமயே ஸுக²ங் ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – இத³ங் தஸ்மிங் ஸமயே ஸுக²ங் ஹோதி.

87. Katamaṃ tasmiṃ samaye sukhaṃ hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye sukhaṃ hoti.

88. கதமா தஸ்மிங் ஸமயே சித்தஸ்ஸேகக்³க³தா ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – அயங் தஸ்மிங் ஸமயே சித்தஸ்ஸேகக்³க³தா ஹோதி.

88. Katamā tasmiṃ samaye cittassekaggatā hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ tasmiṃ samaye cittassekaggatā hoti.

இத³ங் தஸ்மிங் ஸமயே பஞ்சங்கி³கங் ஜா²னங் ஹோதி.

Idaṃ tasmiṃ samaye pañcaṅgikaṃ jhānaṃ hoti.

89. கதமோ தஸ்மிங் ஸமயே பஞ்சங்கி³கோ மக்³கோ³ ஹோதி? ஸம்மாதி³ட்டி², ஸம்மாஸங்கப்போ, ஸம்மாவாயாமோ, ஸம்மாஸதி, ஸம்மாஸமாதி⁴.

89. Katamo tasmiṃ samaye pañcaṅgiko maggo hoti? Sammādiṭṭhi, sammāsaṅkappo, sammāvāyāmo, sammāsati, sammāsamādhi.

90. கதமா தஸ்மிங் ஸமயே ஸம்மாதி³ட்டி² ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – அயங் தஸ்மிங் ஸமயே ஸம்மாதி³ட்டி² ஹோதி.

90. Katamā tasmiṃ samaye sammādiṭṭhi hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – ayaṃ tasmiṃ samaye sammādiṭṭhi hoti.

91. கதமோ தஸ்மிங் ஸமயே ஸம்மாஸங்கப்போ ஹோதி? யோ தஸ்மிங் ஸமயே தக்கோ விதக்கோ ஸங்கப்போ அப்பனா ப்³யப்பனா சேதஸோ அபி⁴னிரோபனா ஸம்மாஸங்கப்போ – அயங் தஸ்மிங் ஸமயே ஸம்மாஸங்கப்போ ஹோதி.

91. Katamo tasmiṃ samaye sammāsaṅkappo hoti? Yo tasmiṃ samaye takko vitakko saṅkappo appanā byappanā cetaso abhiniropanā sammāsaṅkappo – ayaṃ tasmiṃ samaye sammāsaṅkappo hoti.

92. கதமோ தஸ்மிங் ஸமயே ஸம்மாவாயாமோ ஹோதி? யோ தஸ்மிங் ஸமயே சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – அயங் தஸ்மிங் ஸமயே ஸம்மாவாயாமோ ஹோதி.

92. Katamo tasmiṃ samaye sammāvāyāmo hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – ayaṃ tasmiṃ samaye sammāvāyāmo hoti.

93. கதமா தஸ்மிங் ஸமயே ஸம்மாஸதி ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – அயங் தஸ்மிங் ஸமயே ஸம்மாஸதி ஹோதி.

93. Katamā tasmiṃ samaye sammāsati hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – ayaṃ tasmiṃ samaye sammāsati hoti.

94. கதமோ தஸ்மிங் ஸமயே ஸம்மாஸமாதி⁴ ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – அயங் தஸ்மிங் ஸமயே ஸம்மாஸமாதி⁴ ஹோதி.

94. Katamo tasmiṃ samaye sammāsamādhi hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ tasmiṃ samaye sammāsamādhi hoti.

அயங் தஸ்மிங் ஸமயே பஞ்சங்கி³கோ மக்³கோ³ ஹோதி.

Ayaṃ tasmiṃ samaye pañcaṅgiko maggo hoti.

95. கதமானி தஸ்மிங் ஸமயே ஸத்த ப³லானி ஹொந்தி? ஸத்³தா⁴ப³லங், வீரியப³லங், ஸதிப³லங், ஸமாதி⁴ப³லங், பஞ்ஞாப³லங், ஹிரிப³லங், ஒத்தப்பப³லங்.

95. Katamāni tasmiṃ samaye satta balāni honti? Saddhābalaṃ, vīriyabalaṃ, satibalaṃ, samādhibalaṃ, paññābalaṃ, hiribalaṃ, ottappabalaṃ.

96. கதமங் தஸ்மிங் ஸமயே ஸத்³தா⁴ப³லங் ஹோதி? யா தஸ்மிங் ஸமயே ஸத்³தா⁴ ஸத்³த³ஹனா ஓகப்பனா அபி⁴ப்பஸாதோ³ ஸத்³தா⁴ ஸத்³தி⁴ந்த்³ரியங் ஸத்³தா⁴ப³லங் – இத³ங் தஸ்மிங் ஸமயே ஸத்³தா⁴ப³லங் ஹோதி.

96. Katamaṃ tasmiṃ samaye saddhābalaṃ hoti? Yā tasmiṃ samaye saddhā saddahanā okappanā abhippasādo saddhā saddhindriyaṃ saddhābalaṃ – idaṃ tasmiṃ samaye saddhābalaṃ hoti.

97. கதமங் தஸ்மிங் ஸமயே வீரியப³லங் ஹோதி? யோ தஸ்மிங் ஸமயே சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ தா²மோ தி⁴தி அஸிதி²லபரக்கமதா அனிக்கி²த்தச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ – இத³ங் தஸ்மிங் ஸமயே வீரியப³லங் ஹோதி.

97. Katamaṃ tasmiṃ samaye vīriyabalaṃ hoti? Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo – idaṃ tasmiṃ samaye vīriyabalaṃ hoti.

98. கதமங் தஸ்மிங் ஸமயே ஸதிப³லங் ஹோதி? யா தஸ்மிங் ஸமயே ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதி ஸதிந்த்³ரியங் ஸதிப³லங் ஸம்மாஸதி – இத³ங் தஸ்மிங் ஸமயே ஸதிப³லங் ஹோதி.

98. Katamaṃ tasmiṃ samaye satibalaṃ hoti? Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – idaṃ tasmiṃ samaye satibalaṃ hoti.

99. கதமங் தஸ்மிங் ஸமயே ஸமாதி⁴ப³லங் ஹோதி? யா தஸ்மிங் ஸமயே சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴ – இத³ங் தஸ்மிங் ஸமயே ஸமாதி⁴ப³லங் ஹோதி.

99. Katamaṃ tasmiṃ samaye samādhibalaṃ hoti? Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – idaṃ tasmiṃ samaye samādhibalaṃ hoti.

100. கதமங் தஸ்மிங் ஸமயே பஞ்ஞாப³லங் ஹோதி? யா தஸ்மிங் ஸமயே பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – இத³ங் தஸ்மிங் ஸமயே பஞ்ஞாப³லங் ஹோதி.

100. Katamaṃ tasmiṃ samaye paññābalaṃ hoti? Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – idaṃ tasmiṃ samaye paññābalaṃ hoti.

101. கதமங் தஸ்மிங் ஸமயே ஹிரிப³லங் ஹோதி? யங் தஸ்மிங் ஸமயே ஹிரீயதி ஹிரியிதப்³பே³ன ஹிரீயதி பாபகானங் அகுஸலானங் த⁴ம்மானங் ஸமாபத்தியா – இத³ங் தஸ்மிங் ஸமயே ஹிரிப³லங் ஹோதி.

101. Katamaṃ tasmiṃ samaye hiribalaṃ hoti? Yaṃ tasmiṃ samaye hirīyati hiriyitabbena hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye hiribalaṃ hoti.

102. கதமங் தஸ்மிங் ஸமயே ஒத்தப்பப³லங் ஹோதி? யங் தஸ்மிங் ஸமயே ஒத்தப்பதி ஒத்தப்பிதப்³பே³ன ஒத்தப்பதி பாபகானங் அகுஸலானங் த⁴ம்மானங் ஸமாபத்தியா – இத³ங் தஸ்மிங் ஸமயே ஒத்தப்பப³லங் ஹோதி.

102. Katamaṃ tasmiṃ samaye ottappabalaṃ hoti? Yaṃ tasmiṃ samaye ottappati ottappitabbena ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ottappabalaṃ hoti.

இமானி தஸ்மிங் ஸமயே ஸத்த ப³லானி ஹொந்தி.

Imāni tasmiṃ samaye satta balāni honti.

103. கதமே தஸ்மிங் ஸமயே தயோ ஹேதூ ஹொந்தி? அலோபோ⁴, அதோ³ஸோ, அமோஹோ.

103. Katame tasmiṃ samaye tayo hetū honti? Alobho, adoso, amoho.

104. கதமோ தஸ்மிங் ஸமயே அலோபோ⁴ ஹோதி? யோ தஸ்மிங் ஸமயே அலோபோ⁴ அலுப்³ப⁴னா அலுப்³பி⁴தத்தங் அஸாராகோ³ அஸாரஜ்ஜனா அஸாரஜ்ஜிதத்தங் அனபி⁴ஜ்ஜா² அலோபோ⁴ குஸலமூலங் – அயங் தஸ்மிங் ஸமயே அலோபோ⁴ ஹோதி.

104. Katamo tasmiṃ samaye alobho hoti? Yo tasmiṃ samaye alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ tasmiṃ samaye alobho hoti.

105. கதமோ தஸ்மிங் ஸமயே அதோ³ஸோ ஹோதி? யோ தஸ்மிங் ஸமயே அதோ³ஸோ அது³ஸ்ஸனா அது³ஸ்ஸிதத்தங் அப்³யாபாதோ³ அப்³யாபஜ்ஜோ அதோ³ஸோ குஸலமூலங் – அயங் தஸ்மிங் ஸமயே அதோ³ஸோ ஹோதி.

105. Katamo tasmiṃ samaye adoso hoti? Yo tasmiṃ samaye adoso adussanā adussitattaṃ abyāpādo abyāpajjo adoso kusalamūlaṃ – ayaṃ tasmiṃ samaye adoso hoti.

106. கதமோ தஸ்மிங் ஸமயே அமோஹோ ஹோதி? யா தஸ்மிங் ஸமயே பஞ்ஞா பஜானநா…பே॰… அமோஹோ த⁴ம்மவிசயோ ஸம்மாதி³ட்டி² – அயங் தஸ்மிங் ஸமயே அமோஹோ ஹோதி.

106. Katamo tasmiṃ samaye amoho hoti? Yā tasmiṃ samaye paññā pajānanā…pe… amoho dhammavicayo sammādiṭṭhi – ayaṃ tasmiṃ samaye amoho hoti.

இமே தஸ்மிங் ஸமயே தயோ ஹேதூ ஹொந்தி.

Ime tasmiṃ samaye tayo hetū honti.

107. கதமோ தஸ்மிங் ஸமயே ஏகோ ப²ஸ்ஸோ ஹோதி? யோ தஸ்மிங் ஸமயே ப²ஸ்ஸோ பு²ஸனா ஸங்பு²ஸனா ஸங்பு²ஸிதத்தங் – அயங் தஸ்மிங் ஸமயே ஏகோ ப²ஸ்ஸோ ஹோதி.

107. Katamo tasmiṃ samaye eko phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye eko phasso hoti.

108. கதமா தஸ்மிங் ஸமயே ஏகா வேத³னா ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – அயங் தஸ்மிங் ஸமயே ஏகா வேத³னா ஹோதி.

108. Katamā tasmiṃ samaye ekā vedanā hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye ekā vedanā hoti.

109. கதமா தஸ்மிங் ஸமயே ஏகா ஸஞ்ஞா ஹோதி? யா தஸ்மிங் ஸமயே ஸஞ்ஞா ஸஞ்ஜானநா ஸஞ்ஜானிதத்தங் – அயங் தஸ்மிங் ஸமயே ஏகா ஸஞ்ஞா ஹோதி.

109. Katamā tasmiṃ samaye ekā saññā hoti? Yā tasmiṃ samaye saññā sañjānanā sañjānitattaṃ – ayaṃ tasmiṃ samaye ekā saññā hoti.

110. கதமா தஸ்மிங் ஸமயே ஏகா சேதனா ஹோதி? யா தஸ்மிங் ஸமயே சேதனா ஸஞ்சேதனா சேதயிதத்தங் – அயங் தஸ்மிங் ஸமயே ஏகா சேதனா ஹோதி.

110. Katamā tasmiṃ samaye ekā cetanā hoti? Yā tasmiṃ samaye cetanā sañcetanā cetayitattaṃ – ayaṃ tasmiṃ samaye ekā cetanā hoti.

111. கதமங் தஸ்மிங் ஸமயே ஏகங் சித்தங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே ஏகங் சித்தங் ஹோதி.

111. Katamaṃ tasmiṃ samaye ekaṃ cittaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye ekaṃ cittaṃ hoti.

112. கதமோ தஸ்மிங் ஸமயே ஏகோ வேத³னாக்க²ந்தோ⁴ ஹோதி? யங் தஸ்மிங் ஸமயே சேதஸிகங் ஸாதங் சேதஸிகங் ஸுக²ங் சேதோஸம்ப²ஸ்ஸஜங் ஸாதங் ஸுக²ங் வேத³யிதங் சேதோஸம்ப²ஸ்ஸஜா ஸாதா ஸுகா² வேத³னா – அயங் தஸ்மிங் ஸமயே ஏகோ வேத³னாக்க²ந்தோ⁴ ஹோதி.

112. Katamo tasmiṃ samaye eko vedanākkhandho hoti? Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye eko vedanākkhandho hoti.

113. கதமோ தஸ்மிங் ஸமயே ஏகோ ஸஞ்ஞாக்க²ந்தோ⁴ ஹோதி? யா தஸ்மிங் ஸமயே ஸஞ்ஞா ஸஞ்ஜானநா ஸஞ்ஜானிதத்தங் – அயங் தஸ்மிங் ஸமயே ஏகோ ஸஞ்ஞாக்க²ந்தோ⁴ ஹோதி.

113. Katamo tasmiṃ samaye eko saññākkhandho hoti? Yā tasmiṃ samaye saññā sañjānanā sañjānitattaṃ – ayaṃ tasmiṃ samaye eko saññākkhandho hoti.

114. கதமோ தஸ்மிங் ஸமயே ஏகோ ஸங்கா²ரக்க²ந்தோ⁴ ஹோதி? ப²ஸ்ஸோ சேதனா விதக்கோ விசாரோ பீதி சித்தஸ்ஸேகக்³க³தா ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் பஞ்ஞிந்த்³ரியங் ஜீவிதிந்த்³ரியங் ஸம்மாதி³ட்டி² ஸம்மாஸங்கப்போ ஸம்மாவாயாமோ ஸம்மாஸதி ஸம்மாஸமாதி⁴ ஸத்³தா⁴ப³லங் வீரியப³லங் ஸதிப³லங் ஸமாதி⁴ப³லங் பஞ்ஞாப³லங் ஹிரிப³லங் ஒத்தப்பப³லங் அலோபோ⁴ அதோ³ஸோ அமோஹோ அனபி⁴ஜ்ஜா² அப்³யாபாதோ³ ஸம்மாதி³ட்டி² ஹிரீ ஒத்தப்பங் காயபஸ்ஸத்³தி⁴ சித்தபஸ்ஸத்³தி⁴ காயலஹுதா சித்தலஹுதா காயமுது³தா சித்தமுது³தா காயகம்மஞ்ஞதா சித்தகம்மஞ்ஞதா காயபாகு³ஞ்ஞதா சித்தபாகு³ஞ்ஞதா காயுஜுகதா சித்துஜுகதா ஸதி ஸம்பஜஞ்ஞங் ஸமதோ² விபஸ்ஸனா பக்³கா³ஹோ அவிக்கே²போ; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா ட²பெத்வா வேத³னாக்க²ந்த⁴ங் ட²பெத்வா ஸஞ்ஞாக்க²ந்த⁴ங் ட²பெத்வா விஞ்ஞாணக்க²ந்த⁴ங் – அயங் தஸ்மிங் ஸமயே ஏகோ ஸங்கா²ரக்க²ந்தோ⁴ ஹோதி.

114. Katamo tasmiṃ samaye eko saṅkhārakkhandho hoti? Phasso cetanā vitakko vicāro pīti cittassekaggatā saddhindriyaṃ vīriyindriyaṃ satindriyaṃ samādhindriyaṃ paññindriyaṃ jīvitindriyaṃ sammādiṭṭhi sammāsaṅkappo sammāvāyāmo sammāsati sammāsamādhi saddhābalaṃ vīriyabalaṃ satibalaṃ samādhibalaṃ paññābalaṃ hiribalaṃ ottappabalaṃ alobho adoso amoho anabhijjhā abyāpādo sammādiṭṭhi hirī ottappaṃ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati sampajaññaṃ samatho vipassanā paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye eko saṅkhārakkhandho hoti.

115. கதமோ தஸ்மிங் ஸமயே ஏகோ விஞ்ஞாணக்க²ந்தோ⁴ ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – அயங் தஸ்மிங் ஸமயே ஏகோ விஞ்ஞாணக்க²ந்தோ⁴ ஹோதி.

115. Katamo tasmiṃ samaye eko viññāṇakkhandho hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – ayaṃ tasmiṃ samaye eko viññāṇakkhandho hoti.

116. கதமங் தஸ்மிங் ஸமயே ஏகங் மனாயதனங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே ஏகங் மனாயதனங் ஹோதி.

116. Katamaṃ tasmiṃ samaye ekaṃ manāyatanaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye ekaṃ manāyatanaṃ hoti.

117. கதமங் தஸ்மிங் ஸமயே ஏகங் மனிந்த்³ரியங் ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – இத³ங் தஸ்மிங் ஸமயே ஏகங் மனிந்த்³ரியங் ஹோதி.

117. Katamaṃ tasmiṃ samaye ekaṃ manindriyaṃ hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye ekaṃ manindriyaṃ hoti.

118. கதமா தஸ்மிங் ஸமயே ஏகா மனோவிஞ்ஞாணதா⁴து ஹோதி? யங் தஸ்மிங் ஸமயே சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜாமனோவிஞ்ஞாணதா⁴து – அயங் தஸ்மிங் ஸமயே ஏகா மனோவிஞ்ஞாணதா⁴து ஹோதி.

118. Katamā tasmiṃ samaye ekā manoviññāṇadhātu hoti? Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – ayaṃ tasmiṃ samaye ekā manoviññāṇadhātu hoti.

119. கதமங் தஸ்மிங் ஸமயே ஏகங் த⁴ம்மாயதனங் ஹோதி? வேத³னாக்க²ந்தோ⁴, ஸஞ்ஞாக்க²ந்தோ⁴ , ஸங்கா²ரக்க²ந்தோ⁴ – இத³ங் தஸ்மிங் ஸமயே ஏகங் த⁴ம்மாயதனங் ஹோதி.

119. Katamaṃ tasmiṃ samaye ekaṃ dhammāyatanaṃ hoti? Vedanākkhandho, saññākkhandho , saṅkhārakkhandho – idaṃ tasmiṃ samaye ekaṃ dhammāyatanaṃ hoti.

120. கதமா தஸ்மிங் ஸமயே ஏகா த⁴ம்மதா⁴து ஹோதி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – அயங் தஸ்மிங் ஸமயே ஏகா த⁴ம்மதா⁴து ஹோதி.

120. Katamā tasmiṃ samaye ekā dhammadhātu hoti? Vedanākkhandho, saññākkhandho, saṅkhārakkhandho – ayaṃ tasmiṃ samaye ekā dhammadhātu hoti.

Ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

கொட்டா²ஸவாரோ.

Koṭṭhāsavāro.

ஸுஞ்ஞதவாரோ

Suññatavāro

121. தஸ்மிங் கோ² பன ஸமயே த⁴ம்மா ஹொந்தி, க²ந்தா⁴ ஹொந்தி, ஆயதனானி ஹொந்தி, தா⁴துயோ ஹொந்தி, ஆஹாரா ஹொந்தி, இந்த்³ரியானி ஹொந்தி, ஜா²னங் ஹோதி, மக்³கோ³ ஹோதி, ப³லானி ஹொந்தி, ஹேதூ ஹொந்தி, ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தங் ஹோதி, வேத³னாக்க²ந்தோ⁴ ஹோதி, ஸஞ்ஞாக்க²ந்தோ⁴ ஹோதி, ஸங்கா²ரக்க²ந்தோ⁴ ஹோதி, விஞ்ஞாணக்க²ந்தோ⁴ ஹோதி, மனாயதனங் ஹோதி, மனிந்த்³ரியங் ஹோதி, மனோவிஞ்ஞாணதா⁴து ஹோதி, த⁴ம்மாயதனங் ஹோதி, த⁴ம்மதா⁴து ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா.

121. Tasmiṃ kho pana samaye dhammā honti, khandhā honti, āyatanāni honti, dhātuyo honti, āhārā honti, indriyāni honti, jhānaṃ hoti, maggo hoti, balāni honti, hetū honti, phasso hoti, vedanā hoti, saññā hoti, cetanā hoti, cittaṃ hoti, vedanākkhandho hoti, saññākkhandho hoti, saṅkhārakkhandho hoti, viññāṇakkhandho hoti, manāyatanaṃ hoti, manindriyaṃ hoti, manoviññāṇadhātu hoti, dhammāyatanaṃ hoti, dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

122. கதமே தஸ்மிங் ஸமயே த⁴ம்மா ஹொந்தி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே தஸ்மிங் ஸமயே த⁴ம்மா ஹொந்தி.

122. Katame tasmiṃ samaye dhammā honti? Vedanākkhandho, saññākkhandho, saṅkhārakkhandho, viññāṇakkhandho – ime tasmiṃ samaye dhammā honti.

123. கதமே தஸ்மிங் ஸமயே க²ந்தா⁴ ஹொந்தி? வேத³னாக்க²ந்தோ⁴, ஸஞ்ஞாக்க²ந்தோ⁴ , ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே தஸ்மிங் ஸமயே க²ந்தா⁴ ஹொந்தி.

123. Katame tasmiṃ samaye khandhā honti? Vedanākkhandho, saññākkhandho , saṅkhārakkhandho, viññāṇakkhandho – ime tasmiṃ samaye khandhā honti.

124. கதமானி தஸ்மிங் ஸமயே ஆயதனானி ஹொந்தி? மனாயதனங், த⁴ம்மாயதனங் – இமானி தஸ்மிங் ஸமயே ஆயதனானி ஹொந்தி.

124. Katamāni tasmiṃ samaye āyatanāni honti? Manāyatanaṃ, dhammāyatanaṃ – imāni tasmiṃ samaye āyatanāni honti.

125. கதமா தஸ்மிங் ஸமயே தா⁴துயோ ஹொந்தி? மனோவிஞ்ஞாணதா⁴து, த⁴ம்மதா⁴து – இமா தஸ்மிங் ஸமயே தா⁴துயோ ஹொந்தி.

125. Katamā tasmiṃ samaye dhātuyo honti? Manoviññāṇadhātu, dhammadhātu – imā tasmiṃ samaye dhātuyo honti.

126. கதமே தஸ்மிங் ஸமயே ஆஹாரா ஹொந்தி? ப²ஸ்ஸாஹாரோ, மனோஸஞ்சேதனாஹாரோ, விஞ்ஞாணாஹாரோ – இமே தஸ்மிங் ஸமயே ஆஹாரா ஹொந்தி.

126. Katame tasmiṃ samaye āhārā honti? Phassāhāro, manosañcetanāhāro, viññāṇāhāro – ime tasmiṃ samaye āhārā honti.

127. கதமானி தஸ்மிங் ஸமயே இந்த்³ரியானி ஹொந்தி? ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங், மனிந்த்³ரியங், ஸோமனஸ்ஸிந்த்³ரியங், ஜீவிதிந்த்³ரியங் – இமானி தஸ்மிங் ஸமயே இந்த்³ரியானி ஹொந்தி.

127. Katamāni tasmiṃ samaye indriyāni honti? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ, manindriyaṃ, somanassindriyaṃ, jīvitindriyaṃ – imāni tasmiṃ samaye indriyāni honti.

128. கதமங் தஸ்மிங் ஸமயே ஜா²னங் ஹோதி? விதக்கோ, விசாரோ, பீதி, ஸுக²ங், சித்தஸ்ஸேகக்³க³தா – இத³ங் தஸ்மிங் ஸமயே ஜா²னங் ஹோதி.

128. Katamaṃ tasmiṃ samaye jhānaṃ hoti? Vitakko, vicāro, pīti, sukhaṃ, cittassekaggatā – idaṃ tasmiṃ samaye jhānaṃ hoti.

129. கதமோ தஸ்மிங் ஸமயே மக்³கோ³ ஹோதி? ஸம்மாதி³ட்டி², ஸம்மாஸங்கப்போ, ஸம்மாவாயாமோ, ஸம்மாஸதி, ஸம்மாஸமாதி⁴ – அயங் தஸ்மிங் ஸமயே மக்³கோ³ ஹோதி.

129. Katamo tasmiṃ samaye maggo hoti? Sammādiṭṭhi, sammāsaṅkappo, sammāvāyāmo, sammāsati, sammāsamādhi – ayaṃ tasmiṃ samaye maggo hoti.

130. கதமானி தஸ்மிங் ஸமயே ப³லானி ஹொந்தி? ஸத்³தா⁴ப³லங், வீரியப³லங், ஸதிப³லங், ஸமாதி⁴ப³லங், பஞ்ஞாப³லங், ஹிரிப³லங், ஒத்தப்பப³லங் – இமானி தஸ்மிங் ஸமயே ப³லானி ஹொந்தி.

130. Katamāni tasmiṃ samaye balāni honti? Saddhābalaṃ, vīriyabalaṃ, satibalaṃ, samādhibalaṃ, paññābalaṃ, hiribalaṃ, ottappabalaṃ – imāni tasmiṃ samaye balāni honti.

131. கதமே தஸ்மிங் ஸமயே ஹேதூ ஹொந்தி? அலோபோ⁴, அதோ³ஸோ, அமோஹோ – இமே தஸ்மிங் ஸமயே ஹேதூ ஹொந்தி.

131. Katame tasmiṃ samaye hetū honti? Alobho, adoso, amoho – ime tasmiṃ samaye hetū honti.

132. கதமோ தஸ்மிங் ஸமயே ப²ஸ்ஸோ ஹோதி…பே॰… அயங் தஸ்மிங் ஸமயே ப²ஸ்ஸோ ஹோதி.

132. Katamo tasmiṃ samaye phasso hoti…pe… ayaṃ tasmiṃ samaye phasso hoti.

133. கதமா தஸ்மிங் ஸமயே வேத³னா ஹோதி…பே॰… அயங் தஸ்மிங் ஸமயே வேத³னா ஹோதி.

133. Katamā tasmiṃ samaye vedanā hoti…pe… ayaṃ tasmiṃ samaye vedanā hoti.

134. கதமா தஸ்மிங் ஸமயே ஸஞ்ஞா ஹோதி…பே॰… அயங் தஸ்மிங் ஸமயே ஸஞ்ஞா ஹோதி.

134. Katamā tasmiṃ samaye saññā hoti…pe… ayaṃ tasmiṃ samaye saññā hoti.

135. கதமா தஸ்மிங் ஸமயே சேதனா ஹோதி…பே॰… அயங் தஸ்மிங் ஸமயே சேதனா ஹோதி?

135. Katamā tasmiṃ samaye cetanā hoti…pe… ayaṃ tasmiṃ samaye cetanā hoti?

136. கதமங் தஸ்மிங் ஸமயே சித்தங் ஹோதி…பே॰… இத³ங் தஸ்மிங் ஸமயே சித்தங் ஹோதி.

136. Katamaṃ tasmiṃ samaye cittaṃ hoti…pe… idaṃ tasmiṃ samaye cittaṃ hoti.

137. கதமோ தஸ்மிங் ஸமயே வேத³னாக்க²ந்தோ⁴ ஹோதி…பே॰… அயங் தஸ்மிங் ஸமயே வேத³னாக்க²ந்தோ⁴ ஹோதி.

137. Katamo tasmiṃ samaye vedanākkhandho hoti…pe… ayaṃ tasmiṃ samaye vedanākkhandho hoti.

138. கதமோ தஸ்மிங் ஸமயே ஸஞ்ஞாக்க²ந்தோ⁴ ஹோதி…பே॰… அயங் தஸ்மிங் ஸமயே ஸஞ்ஞாக்க²ந்தோ⁴ ஹோதி.

138. Katamo tasmiṃ samaye saññākkhandho hoti…pe… ayaṃ tasmiṃ samaye saññākkhandho hoti.

139. கதமோ தஸ்மிங் ஸமயே ஸங்கா²ரக்க²ந்தோ⁴ ஹோதி…பே॰… அயங் தஸ்மிங் ஸமயே ஸங்கா²ரக்க²ந்தோ⁴ ஹோதி.

139. Katamo tasmiṃ samaye saṅkhārakkhandho hoti…pe… ayaṃ tasmiṃ samaye saṅkhārakkhandho hoti.

140. கதமோ தஸ்மிங் ஸமயே விஞ்ஞாணக்க²ந்தோ⁴ ஹோதி…பே॰… அயங் தஸ்மிங் ஸமயே விஞ்ஞாணக்க²ந்தோ⁴ ஹோதி.

140. Katamo tasmiṃ samaye viññāṇakkhandho hoti…pe… ayaṃ tasmiṃ samaye viññāṇakkhandho hoti.

141. கதமங் தஸ்மிங் ஸமயே மனாயதனங் ஹோதி…பே॰… இத³ங் தஸ்மிங் ஸமயே மனாயதனங் ஹோதி.

141. Katamaṃ tasmiṃ samaye manāyatanaṃ hoti…pe… idaṃ tasmiṃ samaye manāyatanaṃ hoti.

142. கதமங் தஸ்மிங் ஸமயே மனிந்த்³ரியங் ஹோதி…பே॰… இத³ங் தஸ்மிங் ஸமயே மனிந்த்³ரியங் ஹோதி.

142. Katamaṃ tasmiṃ samaye manindriyaṃ hoti…pe… idaṃ tasmiṃ samaye manindriyaṃ hoti.

143. கதமா தஸ்மிங் ஸமயே மனோவிஞ்ஞாணதா⁴து ஹோதி…பே॰… அயங் தஸ்மிங் ஸமயே மனோவிஞ்ஞாணதா⁴து ஹோதி.

143. Katamā tasmiṃ samaye manoviññāṇadhātu hoti…pe… ayaṃ tasmiṃ samaye manoviññāṇadhātu hoti.

144. கதமங் தஸ்மிங் ஸமயே த⁴ம்மாயதனங் ஹோதி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இத³ங் தஸ்மிங் ஸமயே த⁴ம்மாயதனங் ஹோதி.

144. Katamaṃ tasmiṃ samaye dhammāyatanaṃ hoti? Vedanākkhandho, saññākkhandho, saṅkhārakkhandho – idaṃ tasmiṃ samaye dhammāyatanaṃ hoti.

145. கதமா தஸ்மிங் ஸமயே த⁴ம்மதா⁴து ஹோதி? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – அயங் தஸ்மிங் ஸமயே த⁴ம்மதா⁴து ஹோதி.

145. Katamā tasmiṃ samaye dhammadhātu hoti? Vedanākkhandho, saññākkhandho, saṅkhārakkhandho – ayaṃ tasmiṃ samaye dhammadhātu hoti.

Ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

ஸுஞ்ஞதவாரோ.

Suññatavāro.

பட²மங் சித்தங்.

Paṭhamaṃ cittaṃ.

146. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி ஸோமனஸ்ஸஸஹக³தங் ஞாணஸம்பயுத்தங் ஸஸங்கா²ரேன ரூபாரம்மணங் வா…பே॰… த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி…பே॰… அவிக்கே²போ ஹோதி…பே॰… இமே த⁴ம்மா குஸலா.

146. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā kusalā.

து³தியங் சித்தங்.

Dutiyaṃ cittaṃ.

147. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி ஸோமனஸ்ஸஸஹக³தங் ஞாணவிப்பயுத்தங் ரூபாரம்மணங் வா ஸத்³தா³ரம்மணங் வா க³ந்தா⁴ரம்மணங் வா ரஸாரம்மணங் வா பொ²ட்ட²ப்³பா³ரம்மணங் வா த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தங் ஹோதி, விதக்கோ ஹோதி, விசாரோ ஹோதி, பீதி ஹோதி, ஸுக²ங் ஹோதி, சித்தஸ்ஸேகக்³க³தா ஹோதி, ஸத்³தி⁴ந்த்³ரியங் ஹோதி, வீரியிந்த்³ரியங் ஹோதி, ஸதிந்த்³ரியங் ஹோதி, ஸமாதி⁴ந்த்³ரியங் ஹோதி , மனிந்த்³ரியங் ஹோதி, ஸோமனஸ்ஸிந்த்³ரியங் ஹோதி, ஜீவிதிந்த்³ரியங் ஹோதி, ஸம்மாஸங்கப்போ ஹோதி, ஸம்மாவாயாமோ ஹோதி, ஸம்மாஸதி ஹோதி, ஸம்மாஸமாதி⁴ ஹோதி, ஸத்³தா⁴ப³லங் ஹோதி, வீரியப³லங் ஹோதி, ஸதிப³லங் ஹோதி, ஸமாதி⁴ப³லங் ஹோதி, ஹிரிப³லங் ஹோதி, ஒத்தப்பப³லங் ஹோதி, அலோபோ⁴ ஹோதி, அதோ³ஸோ ஹோதி, அனபி⁴ஜ்ஜா² ஹோதி, அப்³யாபாதோ³ ஹோதி, ஹிரீ ஹோதி, ஒத்தப்பங் ஹோதி, காயபஸ்ஸத்³தி⁴ ஹோதி, சித்தபஸ்ஸத்³தி⁴ ஹோதி, காயலஹுதா ஹோதி, சித்தலஹுதா ஹோதி, காயமுது³தா ஹோதி, சித்தமுது³தா ஹோதி, காயகம்மஞ்ஞதா ஹோதி, சித்தகம்மஞ்ஞதா ஹோதி, காயபாகு³ஞ்ஞதா ஹோதி, சித்தபாகு³ஞ்ஞதா ஹோதி, காயுஜுகதா ஹோதி, சித்துஜுகதா ஹோதி, ஸதி ஹோதி, ஸமதோ² ஹோதி, பக்³கா³ஹோ ஹோதி, அவிக்கே²போ ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா…பே॰….

147. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇavippayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, pīti hoti, sukhaṃ hoti, cittassekaggatā hoti, saddhindriyaṃ hoti, vīriyindriyaṃ hoti, satindriyaṃ hoti, samādhindriyaṃ hoti , manindriyaṃ hoti, somanassindriyaṃ hoti, jīvitindriyaṃ hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti, saddhābalaṃ hoti, vīriyabalaṃ hoti, satibalaṃ hoti, samādhibalaṃ hoti, hiribalaṃ hoti, ottappabalaṃ hoti, alobho hoti, adoso hoti, anabhijjhā hoti, abyāpādo hoti, hirī hoti, ottappaṃ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā…pe….

தஸ்மிங் கோ² பன ஸமயே சத்தாரோ க²ந்தா⁴ ஹொந்தி, த்³வாயதனானி ஹொந்தி, த்³வே தா⁴துயோ ஹொந்தி, தயோ ஆஹாரா ஹொந்தி, ஸத்திந்த்³ரியானி ஹொந்தி , பஞ்சங்கி³கங் ஜா²னங் ஹோதி, சதுரங்கி³கோ மக்³கோ³ ஹோதி, ச² ப³லானி ஹொந்தி, த்³வே ஹேதூ ஹொந்தி, ஏகோ ப²ஸ்ஸோ ஹோதி…பே॰… ஏகங் த⁴ம்மாயதனங் ஹோதி, ஏகா த⁴ம்மதா⁴து ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா…பே॰….

Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, sattindriyāni honti , pañcaṅgikaṃ jhānaṃ hoti, caturaṅgiko maggo hoti, cha balāni honti, dve hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā…pe….

148. கதமோ தஸ்மிங் ஸமயே ஸங்கா²ரக்க²ந்தோ⁴ ஹோதி? ப²ஸ்ஸோ சேதனா விதக்கோ விசாரோ பீதி சித்தஸ்ஸேகக்³க³தா ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் ஜீவிதிந்த்³ரியங் ஸம்மாஸங்கப்போ ஸம்மாவாயாமோ ஸம்மாஸதி ஸம்மாஸமாதி⁴ ஸத்³தா⁴ப³லங் வீரியப³லங் ஸதிப³லங் ஸமாதி⁴ப³லங் ஹிரிப³லங் ஒத்தப்பப³லங் அலோபோ⁴ அதோ³ஸோ அனபி⁴ஜ்ஜா² அப்³யாபாதோ³ ஹிரீ ஒத்தப்பங் காயபஸ்ஸத்³தி⁴ சித்தபஸ்ஸத்³தி⁴ காயலஹுதா சித்தலஹுதா காயமுது³தா சித்தமுது³தா காயகம்மஞ்ஞதா சித்தகம்மஞ்ஞதா காயபாகு³ஞ்ஞதா சித்தபாகு³ஞ்ஞதா காயுஜுகதா சித்துஜுகதா ஸதி ஸமதோ² பக்³கா³ஹோ அவிக்கே²போ; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா ட²பெத்வா வேத³னாக்க²ந்த⁴ங் ட²பெத்வா ஸஞ்ஞாக்க²ந்த⁴ங் ட²பெத்வா விஞ்ஞாணக்க²ந்த⁴ங் – அயங் தஸ்மிங் ஸமயே ஸங்கா²ரக்க²ந்தோ⁴ ஹோதி…பே॰… இமே த⁴ம்மா குஸலா.

148. Katamo tasmiṃ samaye saṅkhārakkhandho hoti? Phasso cetanā vitakko vicāro pīti cittassekaggatā saddhindriyaṃ vīriyindriyaṃ satindriyaṃ samādhindriyaṃ jīvitindriyaṃ sammāsaṅkappo sammāvāyāmo sammāsati sammāsamādhi saddhābalaṃ vīriyabalaṃ satibalaṃ samādhibalaṃ hiribalaṃ ottappabalaṃ alobho adoso anabhijjhā abyāpādo hirī ottappaṃ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati samatho paggāho avikkhepo; ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā kusalā.

ததியங் சித்தங்.

Tatiyaṃ cittaṃ.

149. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி ஸோமனஸ்ஸஸஹக³தங் ஞாணவிப்பயுத்தங் ஸஸங்கா²ரேன ரூபாரம்மணங் வா…பே॰… த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி…பே॰… அவிக்கே²போ ஹோதி…பே॰… இமே த⁴ம்மா குஸலா.

149. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇavippayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā kusalā.

சதுத்த²ங் சித்தங்.

Catutthaṃ cittaṃ.

150. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி உபெக்கா²ஸஹக³தங் ஞாணஸம்பயுத்தங் ரூபாரம்மணங் வா ஸத்³தா³ரம்மணங் வா க³ந்தா⁴ரம்மணங் வா ரஸாரம்மணங் வா பொ²ட்ட²ப்³பா³ரம்மணங் வா த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தங் ஹோதி, விதக்கோ ஹோதி, விசாரோ ஹோதி, உபெக்கா² ஹோதி, சித்தஸ்ஸேகக்³க³தா ஹோதி, ஸத்³தி⁴ந்த்³ரியங் ஹோதி, வீரியிந்த்³ரியங் ஹோதி, ஸதிந்த்³ரியங் ஹோதி, ஸமாதி⁴ந்த்³ரியங் ஹோதி, பஞ்ஞிந்த்³ரியங் ஹோதி, மனிந்த்³ரியங் ஹோதி, உபெக்கி²ந்த்³ரியங் ஹோதி, ஜீவிதிந்த்³ரியங் ஹோதி, ஸம்மாதி³ட்டி² ஹோதி, ஸம்மாஸங்கப்போ ஹோதி, ஸம்மாவாயாமோ ஹோதி, ஸம்மாஸதி ஹோதி, ஸம்மாஸமாதி⁴ ஹோதி, ஸத்³தா⁴ப³லங் ஹோதி, வீரியப³லங் ஹோதி, ஸதிப³லங் ஹோதி, ஸமாதி⁴ப³லங் ஹோதி, பஞ்ஞாப³லங் ஹோதி, ஹிரிப³லங் ஹோதி, ஒத்தப்பப³லங் ஹோதி, அலோபோ⁴ ஹோதி, அதோ³ஸோ ஹோதி, அமோஹோ ஹோதி, அனபி⁴ஜ்ஜா² ஹோதி, அப்³யாபாதோ³ ஹோதி, ஸம்மாதி³ட்டி² ஹோதி, ஹிரீ ஹோதி, ஒத்தப்பங் ஹோதி, காயபஸ்ஸத்³தி⁴ ஹோதி, சித்தபஸ்ஸத்³தி⁴ ஹோதி, காயலஹுதா ஹோதி, சித்தலஹுதா ஹோதி, காயமுது³தா ஹோதி, சித்தமுது³தா ஹோதி, காயகம்மஞ்ஞதா ஹோதி, சித்தகம்மஞ்ஞதா ஹோதி காயபாகு³ஞ்ஞதா ஹோதி, சித்தபாகு³ஞ்ஞதா ஹோதி, காயுஜுகதா ஹோதி, சித்துஜுகதா ஹோதி, ஸதி ஹோதி, ஸம்பஜஞ்ஞங் ஹோதி, ஸமதோ² ஹோதி, விபஸ்ஸனா ஹோதி, பக்³கா³ஹோ ஹோதி, அவிக்கே²போ ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா.

150. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagataṃ ñāṇasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, upekkhā hoti, cittassekaggatā hoti, saddhindriyaṃ hoti, vīriyindriyaṃ hoti, satindriyaṃ hoti, samādhindriyaṃ hoti, paññindriyaṃ hoti, manindriyaṃ hoti, upekkhindriyaṃ hoti, jīvitindriyaṃ hoti, sammādiṭṭhi hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti, saddhābalaṃ hoti, vīriyabalaṃ hoti, satibalaṃ hoti, samādhibalaṃ hoti, paññābalaṃ hoti, hiribalaṃ hoti, ottappabalaṃ hoti, alobho hoti, adoso hoti, amoho hoti, anabhijjhā hoti, abyāpādo hoti, sammādiṭṭhi hoti, hirī hoti, ottappaṃ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṃ hoti, samatho hoti, vipassanā hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā.

151. கதமோ தஸ்மிங் ஸமயே ப²ஸ்ஸோ ஹோதி? யோ தஸ்மிங் ஸமயே ப²ஸ்ஸோ பு²ஸனா ஸங்பு²ஸனா ஸங்பு²ஸிதத்தங் – அயங் தஸ்மிங் ஸமயே ப²ஸ்ஸோ ஹோதி.

151. Katamo tasmiṃ samaye phasso hoti? Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti.

152. கதமா தஸ்மிங் ஸமயே வேத³னா ஹோதி? யங் தஸ்மிங் ஸமயே தஜ்ஜாமனோவிஞ்ஞாணதா⁴துஸம்ப²ஸ்ஸஜங் சேதஸிகங் நேவ ஸாதங் நாஸாதங் சேதோஸம்ப²ஸ்ஸஜங் அது³க்க²மஸுக²ங் வேத³யிதங் சேதோஸம்ப²ஸ்ஸஜா அது³க்க²மஸுகா² வேத³னா – அயங் தஸ்மிங் ஸமயே வேத³னா ஹோதி…பே॰….

152. Katamā tasmiṃ samaye vedanā hoti? Yaṃ tasmiṃ samaye tajjāmanoviññāṇadhātusamphassajaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ tasmiṃ samaye vedanā hoti…pe….

153. கதமா தஸ்மிங் ஸமயே உபெக்கா² ஹோதி? யங் தஸ்மிங் ஸமயே சேதஸிகங் நேவ ஸாதங் நாஸாதங் சேதோஸம்ப²ஸ்ஸஜங் அது³க்க²மஸுக²ங் வேத³யிதங் சேதோஸம்ப²ஸ்ஸஜா அது³க்க²மஸுகா² வேத³னா – அயங் தஸ்மிங் ஸமயே உபெக்கா² ஹோதி…பே॰….

153. Katamā tasmiṃ samaye upekkhā hoti? Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ tasmiṃ samaye upekkhā hoti…pe….

154. கதமங் தஸ்மிங் ஸமயே உபெக்கி²ந்த்³ரியங் ஹோதி? யங் தஸ்மிங் ஸமயே சேதஸிகங் நேவ ஸாதங் நாஸாதங் சேதோஸம்ப²ஸ்ஸஜங் அது³க்க²மஸுக²ங் வேத³யிதங் சேதோஸம்ப²ஸ்ஸஜா அது³க்க²மஸுகா² வேத³னா – இத³ங் தஸ்மிங் ஸமயே உபெக்கி²ந்த்³ரியங் ஹோதி…பே॰… யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா…பே॰….

154. Katamaṃ tasmiṃ samaye upekkhindriyaṃ hoti? Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – idaṃ tasmiṃ samaye upekkhindriyaṃ hoti…pe… ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā…pe….

தஸ்மிங் கோ² பன ஸமயே சத்தாரோ க²ந்தா⁴ ஹொந்தி, த்³வாயதனானி ஹொந்தி , த்³வே தா⁴துயோ ஹொந்தி, தயோ ஆஹாரா ஹொந்தி, அட்டி²ந்த்³ரியானி ஹொந்தி, சதுரங்கி³கங் ஜா²னங் ஹோதி, பஞ்சங்கி³கோ மக்³கோ³ ஹோதி, ஸத்த ப³லானி ஹொந்தி, தயோ ஹேதூ ஹொந்தி, ஏகோ ப²ஸ்ஸோ ஹோதி…பே॰… ஏகங் த⁴ம்மாயதனங் ஹோதி, ஏகா த⁴ம்மதா⁴து ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா…பே॰….

Tasmiṃ kho pana samaye cattāro khandhā honti, dvāyatanāni honti , dve dhātuyo honti, tayo āhārā honti, aṭṭhindriyāni honti, caturaṅgikaṃ jhānaṃ hoti, pañcaṅgiko maggo hoti, satta balāni honti, tayo hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā…pe….

155. கதமோ தஸ்மிங் ஸமயே ஸங்கா²ரக்க²ந்தோ⁴ ஹோதி? ப²ஸ்ஸோ சேதனா விதக்கோ விசாரோ சித்தஸ்ஸேகக்³க³தா ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் பஞ்ஞிந்த்³ரியங் ஜீவிதிந்த்³ரியங் ஸம்மாதி³ட்டி² ஸம்மாஸங்கப்போ ஸம்மாவாயாமோ ஸம்மாஸதி ஸம்மாஸமாதி⁴ ஸத்³தா⁴ப³லங் வீரியப³லங் ஸதிப³லங் ஸமாதி⁴ப³லங் பஞ்ஞாப³லங் ஹிரிப³லங் ஒத்தப்பப³லங் அலோபோ⁴ அதோ³ஸோ அமோஹோ அனபி⁴ஜ்ஜா² அப்³யாபாதோ³ ஸம்மாதி³ட்டி² ஹிரீ ஒத்தப்பங் காயபஸ்ஸத்³தி⁴ சித்தபஸ்ஸத்³தி⁴ காயலஹுதா சித்தலஹுதா காயமுது³தா சித்தமுது³தா காயகம்மஞ்ஞதா சித்தகம்மஞ்ஞதா காயபாகு³ஞ்ஞதா சித்தபாகு³ஞ்ஞதா காயுஜுகதா சித்துஜுகதா ஸதி ஸம்பஜஞ்ஞங் ஸமதோ² விபஸ்ஸனா பக்³கா³ஹோ அவிக்கே²போ.

155. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā saddhindriyaṃ vīriyindriyaṃ satindriyaṃ samādhindriyaṃ paññindriyaṃ jīvitindriyaṃ sammādiṭṭhi sammāsaṅkappo sammāvāyāmo sammāsati sammāsamādhi saddhābalaṃ vīriyabalaṃ satibalaṃ samādhibalaṃ paññābalaṃ hiribalaṃ ottappabalaṃ alobho adoso amoho anabhijjhā abyāpādo sammādiṭṭhi hirī ottappaṃ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati sampajaññaṃ samatho vipassanā paggāho avikkhepo.

யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா ட²பெத்வா வேத³னாக்க²ந்த⁴ங் ட²பெத்வா ஸஞ்ஞாக்க²ந்த⁴ங் ட²பெத்வா விஞ்ஞாணக்க²ந்த⁴ங் – அயங் தஸ்மிங் ஸமயே ஸங்கா²ரக்க²ந்தோ⁴ ஹோதி…பே॰… இமே த⁴ம்மா குஸலா.

Ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti…pe… ime dhammā kusalā.

பஞ்சமங் சித்தங்.

Pañcamaṃ cittaṃ.

156. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி உபெக்கா²ஸஹக³தங் ஞாணஸம்பயுத்தங் ஸஸங்கா²ரேன ரூபாரம்மணங் வா…பே॰… த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி…பே॰… அவிக்கே²போ ஹோதி…பே॰… இமே த⁴ம்மா குஸலா.

156. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagataṃ ñāṇasampayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā kusalā.

ச²ட்ட²ங் சித்தங்.

Chaṭṭhaṃ cittaṃ.

157. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி உபெக்கா²ஸஹக³தங் ஞாணவிப்பயுத்தங் ரூபாரம்மணங் வா ஸத்³தா³ரம்மணங் வா க³ந்தா⁴ரம்மணங் வா ரஸாரம்மணங் வா பொ²ட்ட²ப்³பா³ரம்மணங் வா த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி, வேத³னா ஹோதி, ஸஞ்ஞா ஹோதி, சேதனா ஹோதி, சித்தங் ஹோதி, விதக்கோ ஹோதி, விசாரோ ஹோதி, உபெக்கா² ஹோதி, சித்தஸ்ஸேகக்³க³தா ஹோதி, ஸத்³தி⁴ந்த்³ரியங் ஹோதி, வீரியிந்த்³ரியங் ஹோதி, ஸதிந்த்³ரியங் ஹோதி, ஸமாதி⁴ந்த்³ரியங் ஹோதி, மனிந்த்³ரியங் ஹோதி, உபெக்கி²ந்த்³ரியங் ஹோதி, ஜீவிதிந்த்³ரியங் ஹோதி, ஸம்மாஸங்கப்போ ஹோதி, ஸம்மாவாயாமோ ஹோதி, ஸம்மாஸதி ஹோதி, ஸம்மாஸமாதி⁴ ஹோதி, ஸத்³தா⁴ப³லங் ஹோதி, வீரியப³லங் ஹோதி, ஸதிப³லங் ஹோதி, ஸமாதி⁴ப³லங் ஹோதி, ஹிரிப³லங் ஹோதி, ஒத்தப்பப³லங் ஹோதி, அலோபோ⁴ ஹோதி, அதோ³ஸோ ஹோதி, அனபி⁴ஜ்ஜா² ஹோதி, அப்³யாபாதோ³ ஹோதி, ஹிரீ ஹோதி, ஒத்தப்பங் ஹோதி, காயபஸ்ஸத்³தி⁴ ஹோதி, சித்தபஸ்ஸத்³தி⁴ ஹோதி, காயலஹுதா ஹோதி, சித்தலஹுதா ஹோதி, காயமுது³தா ஹோதி, சித்தமுது³தா ஹோதி, காயகம்மஞ்ஞதா ஹோதி, சித்தகம்மஞ்ஞதா ஹோதி, காயபாகு³ஞ்ஞதா ஹோதி , சித்தபாகு³ஞ்ஞதா ஹோதி, காயுஜுகதா ஹோதி, சித்துஜுகதா ஹோதி, ஸதி ஹோதி, ஸமதோ² ஹோதி, பக்³கா³ஹோ ஹோதி, அவிக்கே²போ ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா…பே॰….

157. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagataṃ ñāṇavippayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha, tasmiṃ samaye phasso hoti, vedanā hoti, saññā hoti, cetanā hoti, cittaṃ hoti, vitakko hoti, vicāro hoti, upekkhā hoti, cittassekaggatā hoti, saddhindriyaṃ hoti, vīriyindriyaṃ hoti, satindriyaṃ hoti, samādhindriyaṃ hoti, manindriyaṃ hoti, upekkhindriyaṃ hoti, jīvitindriyaṃ hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti, saddhābalaṃ hoti, vīriyabalaṃ hoti, satibalaṃ hoti, samādhibalaṃ hoti, hiribalaṃ hoti, ottappabalaṃ hoti, alobho hoti, adoso hoti, anabhijjhā hoti, abyāpādo hoti, hirī hoti, ottappaṃ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti , cittapāguññatā hoti, kāyujukatā hoti, cittujukatā hoti, sati hoti, samatho hoti, paggāho hoti, avikkhepo hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā…pe….

தஸ்மிங் கோ² பன ஸமயே சத்தாரோ க²ந்தா⁴ ஹொந்தி, த்³வாயதனானி ஹொந்தி, த்³வே தா⁴துயோ ஹொந்தி, தயோ ஆஹாரா ஹொந்தி , ஸத்திந்த்³ரியானி ஹொந்தி, சதுரங்கி³கங் ஜா²னங் ஹோதி, சதுரங்கி³கோ மக்³கோ³ ஹோதி , ச² ப³லானி ஹொந்தி, த்³வே ஹேதூ ஹொந்தி, ஏகோ ப²ஸ்ஸோ ஹோதி…பே॰… ஏகங் த⁴ம்மாயதனங் ஹோதி, ஏகா த⁴ம்மதா⁴து ஹோதி; யே வா பன தஸ்மிங் ஸமயே அஞ்ஞேபி அத்தி² படிச்சஸமுப்பன்னா அரூபினோ த⁴ம்மா – இமே த⁴ம்மா குஸலா…பே॰….

Tasmiṃ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti , sattindriyāni honti, caturaṅgikaṃ jhānaṃ hoti, caturaṅgiko maggo hoti , cha balāni honti, dve hetū honti, eko phasso hoti…pe… ekaṃ dhammāyatanaṃ hoti, ekā dhammadhātu hoti; ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā…pe….

158. கதமோ தஸ்மிங் ஸமயே ஸங்கா²ரக்க²ந்தோ⁴ ஹோதி? ப²ஸ்ஸோ சேதனா விதக்கோ விசாரோ சித்தஸ்ஸேகக்³க³தா ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் ஜீவிதிந்த்³ரியங் ஸம்மாஸங்கப்போ ஸம்மாவாயாமோ ஸம்மாஸதி ஸம்மாஸமாதி⁴ ஸத்³தா⁴ப³லங் வீரியப³லங் ஸதிப³லங் ஸமாதி⁴ப³லங் ஹிரிப³லங் ஒத்தப்பப³லங் அலோபோ⁴ அதோ³ஸோ அனபி⁴ஜ்ஜா² அப்³யாபாதோ³ ஹிரீ ஒத்தப்பங் காயபஸ்ஸத்³தி⁴ சித்தபஸ்ஸத்³தி⁴ காயலஹுதா சித்தலஹுதா காயமுது³தா சித்தமுது³தா காயகம்மஞ்ஞதா சித்தகம்மஞ்ஞதா காயபாகு³ஞ்ஞதா சித்தபாகு³ஞ்ஞதா காயுஜுகதா சித்துஜுகதா ஸதி ஸமதோ² பக்³கா³ஹோ அவிக்கே²போ.

158. Katamo tasmiṃ samaye saṅkhārakkhandho hoti? Phasso cetanā vitakko vicāro cittassekaggatā saddhindriyaṃ vīriyindriyaṃ satindriyaṃ samādhindriyaṃ jīvitindriyaṃ sammāsaṅkappo sammāvāyāmo sammāsati sammāsamādhi saddhābalaṃ vīriyabalaṃ satibalaṃ samādhibalaṃ hiribalaṃ ottappabalaṃ alobho adoso anabhijjhā abyāpādo hirī ottappaṃ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati samatho paggāho avikkhepo.

ஸத்தமங் சித்தங்.

Sattamaṃ cittaṃ.

159. கதமே த⁴ம்மா குஸலா? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி உபெக்கா²ஸஹக³தங் ஞாணவிப்பயுத்தங் ஸஸங்கா²ரேன ரூபாரம்மணங் வா…பே॰… த⁴ம்மாரம்மணங் வா யங் யங் வா பனாரப்³ப⁴, தஸ்மிங் ஸமயே ப²ஸ்ஸோ ஹோதி…பே॰… அவிக்கே²போ ஹோதி…பே॰… இமே த⁴ம்மா குஸலா.

159. Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagataṃ ñāṇavippayuttaṃ sasaṅkhārena rūpārammaṇaṃ vā…pe… dhammārammaṇaṃ vā yaṃ yaṃ vā panārabbha, tasmiṃ samaye phasso hoti…pe… avikkhepo hoti…pe… ime dhammā kusalā.

அட்ட²மங் சித்தங்.

Aṭṭhamaṃ cittaṃ.

அட்ட² காமாவசரமஹாகுஸலசித்தானி.

Aṭṭha kāmāvacaramahākusalacittāni.

து³தியபா⁴ணவாரோ.

Dutiyabhāṇavāro.

Next: ரூபாவசரகுஸலங் • Rūpāvacarakusalaṃ

Footnotes:

1. விரியிந்த்³ரியங் (ஸீ॰ ஸ்யா॰)

2. விரியப³லங் (ஸீ॰ ஸ்யா॰)

3. காயப்பஸ்ஸத்³தி⁴ (ஸ்யா॰)

4. சித்தப்பஸ்ஸத்³தி⁴ (ஸ்யா॰)

5. காயுஜ்ஜுகதா (ஸீ॰ க॰)

6. சித்துஜ்ஜுகதா (ஸீ॰ க॰)

7. viriyindriyaṃ (sī. syā.)

8. viriyabalaṃ (sī. syā.)

9. kāyappassaddhi (syā.)

10. cittappassaddhi (syā.)

11. kāyujjukatā (sī. ka.)

12. cittujjukatā (sī. ka.)

13. ஸஞ்சேதயிதத்தங் (ஸ்யா॰)

14. sañcetayitattaṃ (syā.)

15. விரியாரம்போ⁴ (ஸீ॰ ஸ்யா॰)

16. உஸ்ஸொள்ஹி (ஸீ॰)

17. viriyārambho (sī. syā.)

18. ussoḷhi (sī.)

19. இரீயனா (ஸீ॰)

20. irīyanā (sī.)

21. அதூ³ஸனா அதூ³ஸிதத்தங் (ஸ்யா॰)

22. adūsanā adūsitattaṃ (syā.)

23. படிப்பஸ்ஸத்³தி⁴ (ஸீ॰ ஸ்யா॰)

24. படிப்பஸ்ஸம்ப⁴னா (ஸீ॰ ஸ்யா॰)

25. படிப்பஸ்ஸம்பி⁴தத்தங் (ஸீ॰ ஸ்யா॰)

26. paṭippassaddhi (sī. syā.)

27. paṭippassambhanā (sī. syā.)

28. paṭippassambhitattaṃ (sī. syā.)

29. த²பெத்வா (க॰)

30. thapetvā (ka.)

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā
காமாவசரகுஸலபத³பா⁴ஜனீயவண்ணனா • Kāmāvacarakusalapadabhājanīyavaṇṇanā
நித்³தே³ஸவாரகதா²வண்ணனா • Niddesavārakathāvaṇṇanā
கொட்டா²ஸவாரவண்ணனா • Koṭṭhāsavāravaṇṇanā
ஸுஞ்ஞதவாரவண்ணனா • Suññatavāravaṇṇanā
து³தியசித்தாதி³வண்ணனா • Dutiyacittādivaṇṇanā

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā
காமாவசரகுஸலபத³பா⁴ஜனீயவண்ணனா • Kāmāvacarakusalapadabhājanīyavaṇṇanā
நித்³தே³ஸவாரகதா²வண்ணனா • Niddesavārakathāvaṇṇanā
கொட்டா²ஸவாரகதா²வண்ணனா • Koṭṭhāsavārakathāvaṇṇanā
ஸுஞ்ஞதவாராதி³வண்ணனா • Suññatavārādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact