Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā

    гаамааважарагусалабад̣̇абхааж̇анийяам̣

    Kāmāvacarakusalapadabhājanīyaṃ

    1. ид̣̇аани яат̇аанигкид̇д̇ааяа маад̇игааяа сан̇г̇ахид̇з д̇хаммз бабхзд̣̇ад̇о д̣̇ассзд̇ум̣ гад̇амз д̇хаммаа гусалаад̇и ид̣̇ам̣ бад̣̇абхааж̇анийяам̣ аарад̣̇д̇хам̣. д̇ад̇т̇а яад̣̇зд̇ам̣ яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇ийд̇и батамам̣ гаамааважарагусалам̣ д̣̇ассид̇ам̣, д̇асса д̇аава нид̣̇д̣̇зсз д̇хаммававад̇т̇аанавааро сан̇г̇ахавааро сун̃н̃ад̇аваарод̇и д̇аяо махааваараа хонд̇и. д̇зсу д̇хаммававад̇т̇аанавааро уд̣̇д̣̇зсанид̣̇д̣̇зсавасзна д̣̇вид̇хаа тид̇о. д̇зсу уд̣̇д̣̇зсаваарасса бужчаа, самаяанид̣̇д̣̇зсо, д̇хаммуд̣̇д̣̇зсо, аббанаад̇и жад̇д̇ааро барижчзд̣̇аа. д̇зсу ‘гад̇амз д̇хаммаа гусалаа’д̇и аяам̣ бужчаа наама. ‘яасмим̣ самаяз гаамааважарам̣…бз… д̇асмим̣ самаяз’д̇и аяам̣ самаяанид̣̇д̣̇зсо наама. ‘пассо ход̇и…бз… авигкзбо ход̇ий’д̇и аяам̣ д̇хаммуд̣̇д̣̇зсо наама. ‘яз ваа бана д̇асмим̣ самаяз ан̃н̃зби ад̇т̇и бадижжасамуббаннаа аруубино д̇хаммаа имз д̇хаммаа гусалаа’д̇и аяам̣ аббанаа наама.

    1. Idāni yathānikkhittāya mātikāya saṅgahite dhamme pabhedato dassetuṃ katame dhammā kusalāti idaṃ padabhājanīyaṃ āraddhaṃ. Tattha yadetaṃ yasmiṃ samaye kāmāvacaraṃ kusalaṃ cittaṃ uppannaṃ hotīti paṭhamaṃ kāmāvacarakusalaṃ dassitaṃ, tassa tāva niddese dhammavavatthānavāro saṅgahavāro suññatavāroti tayo mahāvārā honti. Tesu dhammavavatthānavāro uddesaniddesavasena dvidhā ṭhito. Tesu uddesavārassa pucchā, samayaniddeso, dhammuddeso, appanāti cattāro paricchedā. Tesu ‘katame dhammā kusalā’ti ayaṃ pucchā nāma. ‘Yasmiṃ samaye kāmāvacaraṃ…pe… tasmiṃ samaye’ti ayaṃ samayaniddeso nāma. ‘Phasso hoti…pe… avikkhepo hotī’ti ayaṃ dhammuddeso nāma. ‘Ye vā pana tasmiṃ samaye aññepi atthi paṭiccasamuppannā arūpino dhammā ime dhammā kusalā’ti ayaṃ appanā nāma.

    звам̣ жад̇уухи барижчзд̣̇зхи тид̇асса уд̣̇д̣̇зсаваарасса явааяам̣ батамо бужчаабарижчзд̣̇о, д̇ад̇т̇а ‘гад̇амз д̇хаммаа гусалаа’д̇и аяам̣ гат̇зд̇угамяад̇аабужчаа. бан̃жавид̇хаахи бужчаа – ад̣̇идтаж̇од̇анаабужчаа, д̣̇идтасам̣санд̣̇анаабужчаа, вимад̇ижчзд̣̇анаабужчаа, анумад̇ибужчаа, гат̇зд̇угамяад̇аабужчаад̇и. д̇аасам̣ ид̣̇ам̣ наанад̇д̇ам̣ –

    Evaṃ catūhi paricchedehi ṭhitassa uddesavārassa yvāyaṃ paṭhamo pucchāparicchedo, tattha ‘katame dhammā kusalā’ti ayaṃ kathetukamyatāpucchā. Pañcavidhāhi pucchā – adiṭṭhajotanāpucchā, diṭṭhasaṃsandanāpucchā, vimaticchedanāpucchā, anumatipucchā, kathetukamyatāpucchāti. Tāsaṃ idaṃ nānattaṃ –

    гад̇амаа ад̣̇идтаж̇од̇анаабужчаа? багад̇ияаа лагкан̣ам̣ ан̃н̃аад̇ам̣ ход̇и, ад̣̇идтам̣ ад̇улид̇ам̣ ад̇ийрид̇ам̣ авибхууд̇ам̣ авибхаавид̇ам̣. д̇асса н̃аан̣ааяа д̣̇ассанааяа д̇уланааяа д̇ийран̣ааяа вибхууд̇ад̇т̇ааяа вибхааванад̇т̇ааяа бан̃хам̣ бужчад̇и. аяам̣ ад̣̇идтаж̇од̇анаабужчаа (махаани. 150; жуул̣ани. бун̣н̣агамаан̣авабужчаанид̣̇д̣̇зса 12).

    Katamā adiṭṭhajotanāpucchā? Pakatiyā lakkhaṇaṃ aññātaṃ hoti, adiṭṭhaṃ atulitaṃ atīritaṃ avibhūtaṃ avibhāvitaṃ. Tassa ñāṇāya dassanāya tulanāya tīraṇāya vibhūtatthāya vibhāvanatthāya pañhaṃ pucchati. Ayaṃ adiṭṭhajotanāpucchā (mahāni. 150; cūḷani. puṇṇakamāṇavapucchāniddesa 12).

    гад̇амаа д̣̇идтасам̣санд̣̇анаабужчаа? багад̇ияаа лагкан̣ам̣ н̃аад̇ам̣ ход̇и, д̣̇идтам̣ д̇улид̇ам̣ д̇ийрид̇ам̣ вибхууд̇ам̣ вибхаавид̇ам̣, со ан̃н̃зхи бан̣д̣ид̇зхи сад̣̇д̇хим̣ сам̣санд̣̇анад̇т̇ааяа бан̃хам̣ бужчад̇и. аяам̣ д̣̇идтасам̣санд̣̇анаабужчаа (махаани. 150; жуул̣ани. бун̣н̣агамаан̣авабужчаанид̣̇д̣̇зса 12).

    Katamā diṭṭhasaṃsandanāpucchā? Pakatiyā lakkhaṇaṃ ñātaṃ hoti, diṭṭhaṃ tulitaṃ tīritaṃ vibhūtaṃ vibhāvitaṃ, so aññehi paṇḍitehi saddhiṃ saṃsandanatthāya pañhaṃ pucchati. Ayaṃ diṭṭhasaṃsandanāpucchā (mahāni. 150; cūḷani. puṇṇakamāṇavapucchāniddesa 12).

    гад̇амаа вимад̇ижчзд̣̇анаабужчаа? багад̇ияаа сам̣саяабагканд̣̇о ход̇и, вимад̇ибагканд̣̇о д̣̇взл̣хагаж̇аад̇о – ‘звам̣ ну ко, нану ко, гим̣ ну ко, гат̇ам̣ ну ко’д̇и. со вимад̇ижчзд̣̇анад̇т̇ааяа бан̃хам̣ бужчад̇и. аяам̣ вимад̇ижчзд̣̇анаабужчаа (махаани. 150; жуул̣ани. бун̣н̣агамаан̣авабужчаанид̣̇д̣̇зса 12).

    Katamā vimaticchedanāpucchā? Pakatiyā saṃsayapakkhando hoti, vimatipakkhando dveḷhakajāto – ‘evaṃ nu kho, nanu kho, kiṃ nu kho, kathaṃ nu kho’ti. So vimaticchedanatthāya pañhaṃ pucchati. Ayaṃ vimaticchedanāpucchā (mahāni. 150; cūḷani. puṇṇakamāṇavapucchāniddesa 12).

    гад̇амаа анумад̇ибужчаа? бхаг̇аваа бхигкуунам̣ анумад̇ияаа бан̃хам̣ бужчад̇и – ‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’д̇и? ‘анижжам̣, бханд̇з’. ‘яам̣ банаанижжам̣ д̣̇угкам̣ ваа д̇ам̣ сукам̣ ваа’д̇и? ‘д̣̇угкам̣, бханд̇з’ . ‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ зд̇ам̣ мама, зсохамасми, зсо мз ад̇д̇аа’д̇и? ‘нохзд̇ам̣, бханд̇з’д̇и (сам̣. ни. 3.79; махаава. 21). аяам̣ анумад̇ибужчаа.

    Katamā anumatipucchā? Bhagavā bhikkhūnaṃ anumatiyā pañhaṃ pucchati – ‘taṃ kiṃ maññatha, bhikkhave, rūpaṃ niccaṃ vā aniccaṃ vā’ti? ‘Aniccaṃ, bhante’. ‘Yaṃ panāniccaṃ dukkhaṃ vā taṃ sukhaṃ vā’ti? ‘Dukkhaṃ, bhante’ . ‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ etaṃ mama, esohamasmi, eso me attā’ti? ‘Nohetaṃ, bhante’ti (saṃ. ni. 3.79; mahāva. 21). Ayaṃ anumatipucchā.

    гад̇амаа гат̇зд̇угамяад̇аабужчаа? бхаг̇аваа бхигкуунам̣ гат̇зд̇угамяад̇ааяа бан̃хам̣ бужчад̇и. ‘‘жад̇д̇ааромз, бхигкавз, сад̇ибадтаанаа. гад̇амз жад̇д̇ааро’’д̇и (д̣̇ий. ни. 2.373)? аяам̣ гат̇зд̇угамяад̇аабужчаад̇и.

    Katamā kathetukamyatāpucchā? Bhagavā bhikkhūnaṃ kathetukamyatāya pañhaṃ pucchati. ‘‘Cattārome, bhikkhave, satipaṭṭhānā. Katame cattāro’’ti (dī. ni. 2.373)? Ayaṃ kathetukamyatāpucchāti.

    д̇ад̇т̇а б̣уд̣̇д̇хаанам̣ буримаа д̇иссо бужчаа над̇т̇и. гасмаа? б̣уд̣̇д̇хаанан̃хи д̇ийсу ад̣̇д̇хаасу гин̃жи сан̇кад̇ам̣, ад̣̇д̇хаавимуд̇д̇ам̣ ваа асан̇кад̇ам̣, ад̣̇идтам̣ анан̃н̃аад̇ам̣ аж̇од̇ид̇ам̣ ад̇улид̇ам̣ ад̇ийрид̇ам̣ авибхууд̇ам̣ авибхаавид̇ам̣ наама над̇т̇и. д̇зна д̇зсам̣ ад̣̇идтаж̇од̇анаабужчаа над̇т̇и. яам̣ бана бхаг̇авад̇аа ад̇д̇ано н̃аан̣зна бадивид̣̇д̇хам̣, д̇асса ан̃н̃зна саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа сад̣̇д̇хим̣ сам̣санд̣̇анагижжам̣ над̇т̇и. д̇знасса д̣̇идтасам̣санд̣̇анаабужчаа над̇т̇и. яасмаа банзса агат̇ам̣гат̇ий д̇ин̣н̣авижигижчо саб̣б̣ад̇хаммзсу вихад̇асам̣саяо, д̇знасса вимад̇ижчзд̣̇анаабужчаа над̇т̇и. ид̇араа д̣̇вз бана бужчаа бхаг̇авад̇о ад̇т̇и. д̇аасу аяам̣ гат̇зд̇угамяад̇аабужчаад̇и взд̣̇ид̇аб̣б̣аа.

    Tattha buddhānaṃ purimā tisso pucchā natthi. Kasmā? Buddhānañhi tīsu addhāsu kiñci saṅkhataṃ, addhāvimuttaṃ vā asaṅkhataṃ, adiṭṭhaṃ anaññātaṃ ajotitaṃ atulitaṃ atīritaṃ avibhūtaṃ avibhāvitaṃ nāma natthi. Tena tesaṃ adiṭṭhajotanāpucchā natthi. Yaṃ pana bhagavatā attano ñāṇena paṭividdhaṃ, tassa aññena samaṇena vā brāhmaṇena vā devena vā mārena vā brahmunā vā saddhiṃ saṃsandanakiccaṃ natthi. Tenassa diṭṭhasaṃsandanāpucchā natthi. Yasmā panesa akathaṃkathī tiṇṇavicikiccho sabbadhammesu vihatasaṃsayo, tenassa vimaticchedanāpucchā natthi. Itarā dve pana pucchā bhagavato atthi. Tāsu ayaṃ kathetukamyatāpucchāti veditabbā.

    д̇ад̇т̇а ‘гад̇амз’д̇ибад̣̇зна нид̣̇д̣̇исид̇аб̣б̣ад̇хаммз бужчад̇и. ‘д̇хаммаа гусалаа’д̇и хи важанамад̇д̇зна ‘гим̣ гад̇аа гим̣ ваа гаронд̇ий’д̇и на саггаа н̃аад̇ум̣. ‘гад̇амз’д̇и вуд̇д̇з бана д̇зсам̣ будтабхааво бан̃н̃ааяад̇и. д̇зна вуд̇д̇ам̣ ‘гад̇амзд̇ибад̣̇зна нид̣̇д̣̇исид̇аб̣б̣ад̇хаммз бужчад̇ий’д̇и. ‘д̇хаммаа гусалаа’д̇ибад̣̇ад̣̇ваязна бужчааяа будтад̇хаммз д̣̇ассзд̇и. д̇зсам̣ ад̇т̇о хздтаа багаасид̇ова.

    Tattha ‘katame’tipadena niddisitabbadhamme pucchati. ‘Dhammā kusalā’ti hi vacanamattena ‘kiṃ katā kiṃ vā karontī’ti na sakkā ñātuṃ. ‘Katame’ti vutte pana tesaṃ puṭṭhabhāvo paññāyati. Tena vuttaṃ ‘katametipadena niddisitabbadhamme pucchatī’ti. ‘Dhammā kusalā’tipadadvayena pucchāya puṭṭhadhamme dasseti. Tesaṃ attho heṭṭhā pakāsitova.

    гасмаа банзд̇т̇а маад̇игааяам̣ вияа ‘гусалаа д̇хаммаа’д̇и авад̇ваа ‘д̇хаммаа гусалаа’д̇и бад̣̇аануггамо гад̇од̇и? бабхзд̣̇ад̇о д̇хаммаанам̣ д̣̇зсанам̣ д̣̇ийбзд̇ваа бабхзд̣̇аванд̇ад̣̇ассанад̇т̇ам̣. имасмин̃хи абхид̇хаммз д̇хаммаава д̣̇зсзд̇аб̣б̣аа. д̇з жа гусалаад̣̇ийхи бабхзд̣̇зхи анзгаббабхзд̣̇аа. д̇асмаа д̇хаммааязва ид̇ха д̣̇зсзд̇аб̣б̣аа . нааяам̣ вохаарад̣̇зсанаа. д̇з жа анзгаббабхзд̣̇ад̇о д̣̇зсзд̇аб̣б̣аа, на д̇хаммамад̇д̇ад̇о. бабхзд̣̇ад̇о хи д̣̇зсанаа гханавиниб̣бхог̇абадисамбхид̣̇аан̃аан̣аавахаа ход̇ийд̇и ‘гусалаа д̇хаммаа’д̇и звам̣ бабхзд̣̇ад̇о д̇хаммаанам̣ д̣̇зсанам̣ д̣̇ийбзд̇ваа, ид̣̇аани яз д̇зна бабхзд̣̇зна д̣̇зсзд̇аб̣б̣аа д̇хаммаа д̇з д̣̇ассзд̇ум̣, аяам̣ ‘гад̇амз д̇хаммаа гусалаа’д̇и бад̣̇аануггамо гад̇од̇и взд̣̇ид̇аб̣б̣о. бабхзд̣̇аванд̇зсу хи д̣̇ассид̇зсу бабхзд̣̇о д̣̇ассияамаано яуж̇ж̇ад̇и сувин̃н̃зяяо жа ход̇ийд̇и.

    Kasmā panettha mātikāyaṃ viya ‘kusalā dhammā’ti avatvā ‘dhammā kusalā’ti padānukkamo katoti? Pabhedato dhammānaṃ desanaṃ dīpetvā pabhedavantadassanatthaṃ. Imasmiñhi abhidhamme dhammāva desetabbā. Te ca kusalādīhi pabhedehi anekappabhedā. Tasmā dhammāyeva idha desetabbā . Nāyaṃ vohāradesanā. Te ca anekappabhedato desetabbā, na dhammamattato. Pabhedato hi desanā ghanavinibbhogapaṭisambhidāñāṇāvahā hotīti ‘kusalā dhammā’ti evaṃ pabhedato dhammānaṃ desanaṃ dīpetvā, idāni ye tena pabhedena desetabbā dhammā te dassetuṃ, ayaṃ ‘katame dhammā kusalā’ti padānukkamo katoti veditabbo. Pabhedavantesu hi dassitesu pabhedo dassiyamāno yujjati suviññeyyo ca hotīti.

    ид̣̇аани яасмим̣ самаяз гаамааважарам̣ гусалам̣ жид̇д̇анд̇и. зд̇т̇а –

    Idāni yasmiṃ samaye kāmāvacaraṃ kusalaṃ cittanti. Ettha –

    самаяз нид̣̇д̣̇иси жид̇д̇ам̣, жид̇д̇зна самаяам̣ муни;

    Samaye niddisi cittaṃ, cittena samayaṃ muni;

    нияамзд̇ваана д̣̇ийбзд̇ум̣, д̇хаммз д̇ад̇т̇а бабхзд̣̇ад̇о.

    Niyametvāna dīpetuṃ, dhamme tattha pabhedato.

    ‘яасмим̣ самаяз гаамааважарам̣ гусалам̣ жид̇д̇а’нд̇и хи нид̣̇д̣̇исанд̇о бхаг̇аваа самаяз жид̇д̇ам̣ нид̣̇д̣̇иси. гим̣гааран̣аа? д̇зна самаяанияамид̇зна жид̇д̇зна барияосаанз ‘д̇асмим̣ самаяз’д̇и звам̣ самаяам̣ нияамзд̇ваана, ат̇а виж̇ж̇амаанзби самаяанаанад̇д̇з яасмим̣ самаяз жид̇д̇ам̣ д̇асмим̣язва самаяз пассо ход̇и, взд̣̇анаа ход̇ийд̇и звам̣ д̇асмим̣ жид̇д̇анияамид̇з самаяз зд̇з санд̇ад̇исамуухагижжаарамман̣агханавасзна д̣̇урануб̣од̇хаббабхзд̣̇з пассавзд̣̇анаад̣̇аяо д̇хаммз б̣од̇хзд̇унд̇и ад̇т̇о.

    ‘Yasmiṃ samaye kāmāvacaraṃ kusalaṃ citta’nti hi niddisanto bhagavā samaye cittaṃ niddisi. Kiṃkāraṇā? Tena samayaniyamitena cittena pariyosāne ‘tasmiṃ samaye’ti evaṃ samayaṃ niyametvāna, atha vijjamānepi samayanānatte yasmiṃ samaye cittaṃ tasmiṃyeva samaye phasso hoti, vedanā hotīti evaṃ tasmiṃ cittaniyamite samaye ete santatisamūhakiccārammaṇaghanavasena duranubodhappabhede phassavedanādayo dhamme bodhetunti attho.

    ид̣̇аани ‘яасмим̣ самаяз’д̇иаад̣̇ийсу аяаманубуб̣б̣абад̣̇аван̣н̣анаа. яасминд̇и анияамад̇о бхумманид̣̇д̣̇зсо. самаязд̇и анияаманид̣̇д̣̇идтабарид̣̇ийбанам̣. зд̇д̇аавад̇аа анияамад̇о самаяо нид̣̇д̣̇идто ход̇и. д̇ад̇т̇а самаяасад̣̇д̣̇о –

    Idāni ‘yasmiṃ samaye’tiādīsu ayamanupubbapadavaṇṇanā. Yasminti aniyamato bhummaniddeso. Samayeti aniyamaniddiṭṭhaparidīpanaṃ. Ettāvatā aniyamato samayo niddiṭṭho hoti. Tattha samayasaddo –

    самавааяз кан̣з гаалз, самуухз хзд̇у д̣̇идтису;

    Samavāye khaṇe kāle, samūhe hetu diṭṭhisu;

    бадилаабхз бахаанз жа, бадивзд̇хз жа д̣̇иссад̇и.

    Paṭilābhe pahāne ca, paṭivedhe ca dissati.

    д̇ат̇аа хисса ‘‘аббзва наама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и (д̣̇ий. ни. 1.447) звамаад̣̇ийсу самавааяо ад̇т̇о. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇иаад̣̇ийсу (а. ни. 8.29) кан̣о. ‘‘ун̣хасамаяо барил̣аахасамаяо’’д̇иаад̣̇ийсу (баажи. 358) гаало. ‘‘махаасамаяо баванасми’’нд̇иаад̣̇ийсу самуухо. ‘‘самаяоби ко д̇з, бхад̣̇д̣̇аали, аббадивид̣̇д̇хо ахоси – бхаг̇аваа ко саавад̇т̇ияам̣ вихарад̇и, бхаг̇авааби мам̣ ж̇ааниссад̇и ‘бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и. аяамби ко д̇з, бхад̣̇д̣̇аали, самаяо аббадивид̣̇д̇хо ахосий’’д̇иаад̣̇ийсу (ма. ни. 2.135) хзд̇у. ‘‘д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇ий’’д̇иаад̣̇ийсу (ма. ни. 2.260) д̣̇идти.

    Tathā hissa ‘‘appeva nāma svepi upasaṅkameyyāma kālañca samayañca upādāyā’’ti (dī. ni. 1.447) evamādīsu samavāyo attho. ‘‘Ekova kho, bhikkhave, khaṇo ca samayo ca brahmacariyavāsāyā’’tiādīsu (a. ni. 8.29) khaṇo. ‘‘Uṇhasamayo pariḷāhasamayo’’tiādīsu (pāci. 358) kālo. ‘‘Mahāsamayo pavanasmi’’ntiādīsu samūho. ‘‘Samayopi kho te, bhaddāli, appaṭividdho ahosi – bhagavā kho sāvatthiyaṃ viharati, bhagavāpi maṃ jānissati ‘bhaddāli nāma bhikkhu satthusāsane sikkhāya aparipūrakārī’ti. Ayampi kho te, bhaddāli, samayo appaṭividdho ahosī’’tiādīsu (ma. ni. 2.135) hetu. ‘‘Tena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī’’tiādīsu (ma. ni. 2.260) diṭṭhi.

    ‘‘д̣̇идтз д̇хаммз жа яо ад̇т̇о, яо жад̇т̇о самбарааяиго;

    ‘‘Diṭṭhe dhamme ca yo attho, yo cattho samparāyiko;

    ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. (сам̣. ни. 1.129) –

    Atthābhisamayā dhīro, paṇḍitoti pavuccatī’’ti. (saṃ. ni. 1.129) –

    аад̣̇ийсу бадилаабхо. ‘‘саммаа маанаабхисамаяаа анд̇амагааси д̣̇угкассаа’’д̇иаад̣̇ийсу (ма. ни. 1.28) бахаанам̣. ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто абхисамаяадто’’д̇иаад̣̇ийсу (бади. ма. 2.8) бадивзд̇хо. зваманзгзсу самаязсу –

    Ādīsu paṭilābho. ‘‘Sammā mānābhisamayā antamakāsi dukkhassā’’tiādīsu (ma. ni. 1.28) pahānaṃ. ‘‘Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho abhisamayaṭṭho’’tiādīsu (paṭi. ma. 2.8) paṭivedho. Evamanekesu samayesu –

    самавааяо кан̣о гаало, самуухо хзд̇уязва жа;

    Samavāyo khaṇo kālo, samūho hetuyeva ca;

    зд̇з бан̃жаби вин̃н̃зяяаа, самаяаа ид̇ха вин̃н̃унаа.

    Ete pañcapi viññeyyā, samayā idha viññunā.

    ‘яасмим̣ самаяз гаамааважарам̣ гусала’нд̇и имасмин̃хи гусалаад̇хигаарз д̇зсу навасу самаязсу зд̇з самавааяаад̣̇аяо бан̃жа самаяаа бан̣д̣ид̇зна взд̣̇ид̇аб̣б̣аа.

    ‘Yasmiṃ samaye kāmāvacaraṃ kusala’nti imasmiñhi kusalādhikāre tesu navasu samayesu ete samavāyādayo pañca samayā paṇḍitena veditabbā.

    д̇зсу бажжаяасаамаг̇г̇ий, самавааяо кан̣о бана;

    Tesu paccayasāmaggī, samavāyo khaṇo pana;

    згова навамо н̃зяяо, жаггаани жад̇уроби ваа.

    Ekova navamo ñeyyo, cakkāni caturopi vā.

    яаа хи зсаа саад̇хааран̣апаланибпаад̣̇агад̇д̇зна сан̣тид̇аа бажжаяаанам̣ саамаг̇г̇ий, саа ид̇ха самавааяод̇и н̃аад̇аб̣б̣аа. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇и (а. ни. 8.29) звам̣ вуд̇д̇о бана навамова кан̣о зго кан̣од̇и взд̣̇ид̇аб̣б̣о. яаани ваа банзд̇аани ‘‘жад̇д̇ааримаани, бхигкавз, жаггаани язхи саманнааг̇ад̇аанам̣ д̣̇звамануссаанам̣ жад̇ужаггам̣ вад̇д̇ад̇ий’’д̇и – зд̇т̇а ‘бад̇ируубад̣̇зсаваасо, саббурисуубаниссаяо, ад̇д̇асаммаабан̣ид̇хи, буб̣б̣з жа гад̇абун̃н̃ад̇аа’д̇и (а. ни. 4.31) жад̇д̇аари жаггаани вуд̇д̇аани, зд̇аани ваа згаж̇жхам̣ гад̇ваа огаасадтзна кан̣од̇и взд̣̇ид̇аб̣б̣аани. д̇аани хи гусалуббад̇д̇ияаа огаасабхууд̇аани.

    Yā hi esā sādhāraṇaphalanipphādakattena saṇṭhitā paccayānaṃ sāmaggī, sā idha samavāyoti ñātabbā. ‘‘Ekova kho, bhikkhave, khaṇo ca samayo ca brahmacariyavāsāyā’’ti (a. ni. 8.29) evaṃ vutto pana navamova khaṇo eko khaṇoti veditabbo. Yāni vā panetāni ‘‘cattārimāni, bhikkhave, cakkāni yehi samannāgatānaṃ devamanussānaṃ catucakkaṃ vattatī’’ti – ettha ‘patirūpadesavāso, sappurisūpanissayo, attasammāpaṇidhi, pubbe ca katapuññatā’ti (a. ni. 4.31) cattāri cakkāni vuttāni, etāni vā ekajjhaṃ katvā okāsaṭṭhena khaṇoti veditabbāni. Tāni hi kusaluppattiyā okāsabhūtāni.

    звам̣ самавааяан̃жа кан̣ан̃жа н̃ад̇ваа ид̇арзсу –

    Evaṃ samavāyañca khaṇañca ñatvā itaresu –

    д̇ам̣ д̇ам̣ убаад̣̇ааяа бан̃н̃ад̇д̇о, гаало вохаарамад̇д̇аго;

    Taṃ taṃ upādāya paññatto, kālo vohāramattako;

    бун̃ж̇о пассаад̣̇ид̇хаммаанам̣, самууход̇и вибхаавид̇о.

    Puñjo phassādidhammānaṃ, samūhoti vibhāvito.

    ‘жид̇д̇агаало руубагаало’д̇иаад̣̇инаа хи наязна д̇хаммз ваа, ‘ад̇ийд̇о анааг̇ад̇о’д̇иаад̣̇инаа наязна д̇хаммавуд̇д̇им̣ ваа, ‘б̣ийж̇агаало ан̇гурагаало’д̇и аад̣̇инаа наязна д̇хаммабадибаадим̣ ваа, ‘уббаад̣̇агаало ж̇араагаало’д̇иаад̣̇инаа наязна д̇хаммалагкан̣ам̣ ваа, ‘взд̣̇ияанагаало сан̃ж̇аананагаало’д̇иаад̣̇инаа наязна д̇хаммагижжам̣ ваа, ‘нхаанагаало баанагаало’д̇иаад̣̇инаа наязна сад̇д̇агижжам̣ ваа, ‘г̇аманагаало таанагаало’д̇иаад̣̇инаа наязна ирияаабат̇ам̣ ваа, ‘буб̣б̣ан̣хо сааяанхо д̣̇иваа рад̇д̇ий’д̇иаад̣̇инаа наязна жанд̣̇имасуурияаад̣̇ибаривад̇д̇анам̣ ваа, ‘ад̣дхамаасо маасо’д̇иаад̣̇инаа наязна ахорад̇д̇аад̣̇исан̇каад̇ам̣ гааласан̃жаяам̣ ваад̇и – звам̣ д̇ам̣ д̇ам̣ убаад̣̇ааяа бан̃н̃ад̇д̇о гаало наама. со банзса сабхаавад̇о авиж̇ж̇амаанад̇д̇аа бан̃н̃ад̇д̇имад̇д̇аго зваад̇и взд̣̇ид̇аб̣б̣о. яо банзса пассавзд̣̇анаад̣̇ийнам̣ д̇хаммаанам̣ бун̃ж̇о, со ид̇ха самууход̇и вибхаавид̇о. звам̣ гааласамуухзби н̃ад̇ваа ид̇аро бана –

    ‘Cittakālo rūpakālo’tiādinā hi nayena dhamme vā, ‘atīto anāgato’tiādinā nayena dhammavuttiṃ vā, ‘bījakālo aṅkurakālo’ti ādinā nayena dhammapaṭipāṭiṃ vā, ‘uppādakālo jarākālo’tiādinā nayena dhammalakkhaṇaṃ vā, ‘vediyanakālo sañjānanakālo’tiādinā nayena dhammakiccaṃ vā, ‘nhānakālo pānakālo’tiādinā nayena sattakiccaṃ vā, ‘gamanakālo ṭhānakālo’tiādinā nayena iriyāpathaṃ vā, ‘pubbaṇho sāyanho divā rattī’tiādinā nayena candimasūriyādiparivattanaṃ vā, ‘aḍḍhamāso māso’tiādinā nayena ahorattādisaṅkhātaṃ kālasañcayaṃ vāti – evaṃ taṃ taṃ upādāya paññatto kālo nāma. So panesa sabhāvato avijjamānattā paññattimattako evāti veditabbo. Yo panesa phassavedanādīnaṃ dhammānaṃ puñjo, so idha samūhoti vibhāvito. Evaṃ kālasamūhepi ñatvā itaro pana –

    хзд̇ууд̇и бажжаяовзд̇т̇а, д̇асса д̣̇вааравасзна ваа;

    Hetūti paccayovettha, tassa dvāravasena vā;

    анзгабхааво вин̃н̃зяяо, бажжаяаанам̣ васзна ваа.

    Anekabhāvo viññeyyo, paccayānaṃ vasena vā.

    зд̇т̇а хи бажжаяова хзд̇у наама, д̇асса д̣̇ваараанам̣ ваа бажжаяаанам̣ ваа васзна анзгабхааво взд̣̇ид̇аб̣б̣о. гат̇ам̣? жагкуд̣̇ваараад̣̇ийсу хи уббаж̇ж̇амаанаанам̣ жагкувин̃н̃аан̣аад̣̇ийнам̣ жагкуруубааалогаманасигаараад̣̇аяо бажжаяаа, махаабагаран̣з жа ‘‘хзд̇убажжаяо аарамман̣абажжаяо’’д̇иаад̣̇инаа наязна жад̇увийсад̇и бажжаяаа вуд̇д̇аа. д̇зсу табзд̇ваа вибаагабажжаяан̃жа бажчааж̇аад̇абажжаяан̃жа, сзсаа гусалад̇хаммаанам̣ бажжаяаа хонд̇иязва. д̇з саб̣б̣зби ид̇ха хзд̇ууд̇и ад̇хиббзд̇аа. звамасса иминаа д̣̇вааравасзна ваа бажжаяавасзна ваа анзгабхааво взд̣̇ид̇аб̣б̣о . звамзд̇з самавааяаад̣̇аяо бан̃жа ад̇т̇аа ид̇ха самаяасад̣̇д̣̇зна бариг̇г̇ахид̇аад̇и взд̣̇ид̇аб̣б̣аа.

    Ettha hi paccayova hetu nāma, tassa dvārānaṃ vā paccayānaṃ vā vasena anekabhāvo veditabbo. Kathaṃ? Cakkhudvārādīsu hi uppajjamānānaṃ cakkhuviññāṇādīnaṃ cakkhurūpaālokamanasikārādayo paccayā, mahāpakaraṇe ca ‘‘hetupaccayo ārammaṇapaccayo’’tiādinā nayena catuvīsati paccayā vuttā. Tesu ṭhapetvā vipākapaccayañca pacchājātapaccayañca, sesā kusaladhammānaṃ paccayā hontiyeva. Te sabbepi idha hetūti adhippetā. Evamassa iminā dvāravasena vā paccayavasena vā anekabhāvo veditabbo . Evamete samavāyādayo pañca atthā idha samayasaddena pariggahitāti veditabbā.

    ‘гасмаа бана зд̇зсу яам̣гин̃жи згам̣ абариг̇г̇ахзд̇ваа саб̣б̣зсам̣ бариг̇г̇ахо гад̇о’д̇и? ‘д̇зна д̇зна д̇асса д̇асса ад̇т̇ависзсасса д̣̇ийбанад̇о. зд̇зсу хи самавааяасан̇каад̇о самаяо анзгахзд̇уд̇о вуд̇д̇им̣ д̣̇ийбзд̇и. д̇зна згагааран̣аваад̣̇о бадисзд̇хид̇о ход̇и. самавааяо жа наама саад̇хааран̣апаланибпаад̣̇анз ан̃н̃аман̃н̃аабзгко ход̇и. д̇асмаа ‘зго гад̇д̇аа наама над̇т̇ий’д̇и имамби ад̇т̇ам̣ д̣̇ийбзд̇и. сабхаавзна хи гааран̣з сад̇и гааран̣анд̇араабзгкаа аяуд̇д̇аад̇и. звам̣ згасса гассажи гааран̣асса абхаавад̣̇ийбанзна ‘‘саяам̣гад̇ам̣ сукад̣̇угка’’нд̇иаад̣̇и бадисзд̇хид̇ам̣ ход̇и.

    ‘Kasmā pana etesu yaṃkiñci ekaṃ apariggahetvā sabbesaṃ pariggaho kato’ti? ‘Tena tena tassa tassa atthavisesassa dīpanato. Etesu hi samavāyasaṅkhāto samayo anekahetuto vuttiṃ dīpeti. Tena ekakāraṇavādo paṭisedhito hoti. Samavāyo ca nāma sādhāraṇaphalanipphādane aññamaññāpekkho hoti. Tasmā ‘eko kattā nāma natthī’ti imampi atthaṃ dīpeti. Sabhāvena hi kāraṇe sati kāraṇantarāpekkhā ayuttāti. Evaṃ ekassa kassaci kāraṇassa abhāvadīpanena ‘‘sayaṃkataṃ sukhadukkha’’ntiādi paṭisedhitaṃ hoti.

    д̇ад̇т̇а сияаа – ‘яам̣ вуд̇д̇ам̣ анзгахзд̇уд̇о вуд̇д̇им̣ д̣̇ийбзд̇ий’д̇и, д̇ам̣ на яуд̇д̇ам̣. ‘гим̣гааран̣аа’ ?‘асаамаг̇г̇ияам̣ ахзд̇уунам̣ саамаг̇г̇ияамби ахзд̇убхааваабад̇д̇ид̇о’. ‘на хи згасмим̣ анд̇хз д̣̇адтум̣ асаггонд̇з анд̇хасад̇ам̣ бассад̇ий’д̇и. ‘но на яуд̇д̇ам̣; саад̇хааран̣апаланибпаад̣̇агад̇д̇зна хи тид̇абхааво саамаг̇г̇ий; на анзгзсам̣ самод̇хаанамад̇д̇ам̣. на жа анд̇хаанам̣ д̣̇ассанам̣ наама саад̇хааран̣апалам̣’. ‘гасмаа’?‘анд̇хасад̇з сад̇иби д̇асса абхаавад̇о. жагкаад̣̇ийнам̣ бана д̇ам̣ саад̇хааран̣апалам̣, д̇зсам̣ бхаавз бхаавад̇о. асаамаг̇г̇ияам̣ ахзд̇уунамби жа саамаг̇г̇ияам̣ хзд̇убхааво сид̣̇д̇хо. свааяам̣ асаамаг̇г̇ияам̣ палаабхаавзна, саамаг̇г̇ияан̃жасса бхаавзна, взд̣̇ид̇аб̣б̣о. жагкаад̣̇ийнан̃хи взгаллз жагкувин̃н̃аан̣аад̣̇ийнам̣ абхааво, авзгаллз жа бхааво, бажжагкасид̣̇д̇хо логассаа’д̇и. аяам̣ д̇аава самавааяасан̇каад̇зна самаязна ад̇т̇о д̣̇ийбид̇о.

    Tattha siyā – ‘yaṃ vuttaṃ anekahetuto vuttiṃ dīpetī’ti, taṃ na yuttaṃ. ‘Kiṃkāraṇā’ ?‘Asāmaggiyaṃ ahetūnaṃ sāmaggiyampi ahetubhāvāpattito’. ‘Na hi ekasmiṃ andhe daṭṭhuṃ asakkonte andhasataṃ passatī’ti. ‘No na yuttaṃ; sādhāraṇaphalanipphādakattena hi ṭhitabhāvo sāmaggī; na anekesaṃ samodhānamattaṃ. Na ca andhānaṃ dassanaṃ nāma sādhāraṇaphalaṃ’. ‘Kasmā’?‘Andhasate satipi tassa abhāvato. Cakkhādīnaṃ pana taṃ sādhāraṇaphalaṃ, tesaṃ bhāve bhāvato. Asāmaggiyaṃ ahetūnampi ca sāmaggiyaṃ hetubhāvo siddho. Svāyaṃ asāmaggiyaṃ phalābhāvena, sāmaggiyañcassa bhāvena, veditabbo. Cakkhādīnañhi vekalle cakkhuviññāṇādīnaṃ abhāvo, avekalle ca bhāvo, paccakkhasiddho lokassā’ti. Ayaṃ tāva samavāyasaṅkhātena samayena attho dīpito.

    яо банзса адтахи агкан̣зхи бариваж̇ж̇ид̇о навамо кан̣о, бад̇ируубад̣̇зсаваасаад̣̇иго жа жад̇ужаггасан̇каад̇о огаасадтзна кан̣о вуд̇д̇о, со мануссад̇д̇аб̣уд̣̇д̇хуббаад̣̇асад̣̇д̇хаммадтид̇иаад̣̇игам̣ кан̣асаамаг̇г̇им̣ винаа над̇т̇и. мануссад̇д̇аад̣̇ийнан̃жа гаан̣агажчабобамаад̣̇ийхи (ма. ни. 3.252) д̣̇уллабхабхааво. ид̇и кан̣асса д̣̇уллабхад̇д̇аа судтуд̇арам̣ кан̣ааяад̇д̇ам̣ логуд̇д̇арад̇хаммаанам̣ убагаарабхууд̇ам̣ гусалам̣ д̣̇уллабхамзва . звамзд̇зсу кан̣асан̇каад̇о самаяо гусалуббад̇д̇ияаа д̣̇уллабхабхаавам̣ д̣̇ийбзд̇и. звам̣ д̣̇ийбзнд̇зна анзна ад̇хиг̇ад̇акан̣аанам̣ кан̣ааяад̇д̇ассзва д̇асса гусаласса ананудтаанзна могхакан̣ам̣ гурумаанаанам̣ бамаад̣̇авихааро бадисзд̇хид̇о ход̇и. аяам̣ кан̣асан̇каад̇зна самаязна ад̇т̇о д̣̇ийбид̇о.

    Yo panesa aṭṭhahi akkhaṇehi parivajjito navamo khaṇo, patirūpadesavāsādiko ca catucakkasaṅkhāto okāsaṭṭhena khaṇo vutto, so manussattabuddhuppādasaddhammaṭṭhitiādikaṃ khaṇasāmaggiṃ vinā natthi. Manussattādīnañca kāṇakacchapopamādīhi (ma. ni. 3.252) dullabhabhāvo. Iti khaṇassa dullabhattā suṭṭhutaraṃ khaṇāyattaṃ lokuttaradhammānaṃ upakārabhūtaṃ kusalaṃ dullabhameva . Evametesu khaṇasaṅkhāto samayo kusaluppattiyā dullabhabhāvaṃ dīpeti. Evaṃ dīpentena anena adhigatakhaṇānaṃ khaṇāyattasseva tassa kusalassa ananuṭṭhānena moghakhaṇaṃ kurumānānaṃ pamādavihāro paṭisedhito hoti. Ayaṃ khaṇasaṅkhātena samayena attho dīpito.

    яо банзд̇асса гусалажид̇д̇асса бавад̇д̇игаало наама ход̇и, со ад̇ибарид̇д̇о. саа жасса ад̇ибарид̇д̇ад̇аа ‘‘яат̇аа жа, бхигкавз, д̇асса бурисасса ж̇аво, яат̇аа жа жанд̣̇имасуурияаанам̣ ж̇аво, яат̇аа жа яаа д̣̇звад̇аа жанд̣̇имасуурияаанам̣ бурад̇о д̇хааванд̇и д̇аасам̣ д̣̇звад̇аанам̣ ж̇аво, д̇ад̇о сийгхад̇арам̣ ааяусан̇каараа кийяанд̇ий’’д̇и (сам̣. ни. 2.228) – имасса суд̇д̇асса адтагат̇аавасзна взд̣̇ид̇аб̣б̣аа. д̇ад̇ра хи со руубаж̇ийвид̇инд̣̇рияасса д̇аава барид̇д̇аго гаало вуд̇д̇о. яаава бадуббаннам̣ руубам̣ д̇идтад̇и д̇аава сол̣аса жид̇д̇аани уббаж̇ж̇ид̇ваа бхиж̇ж̇анд̇и. ид̇и д̇зсам̣ гаалабарид̇д̇ад̇ааяа убамааби над̇т̇и. д̇знзвааха – ‘‘яааван̃жид̣̇ам̣, бхигкавз, убамааби на сугараа яаава лахубаривад̇д̇ам̣ жид̇д̇а’’нд̇и (а. ни. 1.48). звамзд̇зсу гааласан̇каад̇о самаяо гусалажид̇д̇аббавад̇д̇игааласса ад̇ибарид̇д̇ад̇ам̣ д̣̇ийбзд̇и. звам̣ д̣̇ийбзнд̇зна жаанзна ад̇ибарид̇д̇агаалад̇ааяа, виж̇ж̇улад̇обхаасзна муд̇д̇аавун̣анам̣ вияа, д̣̇уббадивиж̇жхамид̣̇ам̣ жид̇д̇ам̣, д̇асмаа зд̇асса бадивзд̇хз махаауссаахо жа аад̣̇аро жа гад̇д̇аб̣б̣од̇и оваад̣̇о д̣̇инно ход̇и. аяам̣ гааласан̇каад̇зна самаязна ад̇т̇о д̣̇ийбид̇о.

    Yo panetassa kusalacittassa pavattikālo nāma hoti, so atiparitto. Sā cassa atiparittatā ‘‘yathā ca, bhikkhave, tassa purisassa javo, yathā ca candimasūriyānaṃ javo, yathā ca yā devatā candimasūriyānaṃ purato dhāvanti tāsaṃ devatānaṃ javo, tato sīghataraṃ āyusaṅkhārā khīyantī’’ti (saṃ. ni. 2.228) – imassa suttassa aṭṭhakathāvasena veditabbā. Tatra hi so rūpajīvitindriyassa tāva parittako kālo vutto. Yāva paṭuppannaṃ rūpaṃ tiṭṭhati tāva soḷasa cittāni uppajjitvā bhijjanti. Iti tesaṃ kālaparittatāya upamāpi natthi. Tenevāha – ‘‘yāvañcidaṃ, bhikkhave, upamāpi na sukarā yāva lahuparivattaṃ citta’’nti (a. ni. 1.48). Evametesu kālasaṅkhāto samayo kusalacittappavattikālassa atiparittataṃ dīpeti. Evaṃ dīpentena cānena atiparittakālatāya, vijjulatobhāsena muttāvuṇanaṃ viya, duppaṭivijjhamidaṃ cittaṃ, tasmā etassa paṭivedhe mahāussāho ca ādaro ca kattabboti ovādo dinno hoti. Ayaṃ kālasaṅkhātena samayena attho dīpito.

    самуухасан̇каад̇о бана самаяо анзгзсам̣ сахуббад̇д̇им̣ д̣̇ийбзд̇и. пассаад̣̇ийнан̃хи д̇хаммаанам̣ бун̃ж̇о самууход̇и вуд̇д̇о. д̇асмин̃жа уббаж̇ж̇амаанам̣ жид̇д̇ам̣ саха д̇зхи д̇хаммзхи уббаж̇ж̇ад̇ийд̇и анзгзсам̣ сахуббад̇д̇и д̣̇ийбид̇аа. звам̣ д̣̇ийбзнд̇зна жаанзна згассзва д̇хаммасса уббад̇д̇и бадисзд̇хид̇аа ход̇и. аяам̣ самуухасан̇каад̇зна самаязна ад̇т̇о д̣̇ийбид̇о.

    Samūhasaṅkhāto pana samayo anekesaṃ sahuppattiṃ dīpeti. Phassādīnañhi dhammānaṃ puñjo samūhoti vutto. Tasmiñca uppajjamānaṃ cittaṃ saha tehi dhammehi uppajjatīti anekesaṃ sahuppatti dīpitā. Evaṃ dīpentena cānena ekasseva dhammassa uppatti paṭisedhitā hoti. Ayaṃ samūhasaṅkhātena samayena attho dīpito.

    хзд̇усан̇каад̇о бана самаяо барааяад̇д̇авуд̇д̇ид̇ам̣ д̣̇ийбзд̇и. ‘яасмим̣ самаяз’д̇и хи бад̣̇асса яасмаа ‘яасмим̣ хзд̇умхи сад̇и’ уббаннам̣ ход̇ийд̇и аяамад̇т̇о, д̇асмаа ‘хзд̇умхи сад̇и’ бавад̇д̇ид̇о барааяад̇д̇авуд̇д̇ид̇аа д̣̇ийбид̇аа. звам̣ д̣̇ийбзнд̇зна жаанзна д̇хаммаанам̣ савасавад̇д̇ид̇аабхимаано бадисзд̇хид̇о ход̇и. аяам̣ хзд̇усан̇каад̇зна самаязна ад̇т̇о д̣̇ийбид̇о.

    Hetusaṅkhāto pana samayo parāyattavuttitaṃ dīpeti. ‘Yasmiṃ samaye’ti hi padassa yasmā ‘yasmiṃ hetumhi sati’ uppannaṃ hotīti ayamattho, tasmā ‘hetumhi sati’ pavattito parāyattavuttitā dīpitā. Evaṃ dīpentena cānena dhammānaṃ savasavattitābhimāno paṭisedhito hoti. Ayaṃ hetusaṅkhātena samayena attho dīpito.

    д̇ад̇т̇а ‘яасмим̣ самаяз’д̇и гааласан̇каад̇асса самаяасса васзна ‘яасмим̣ гаалз’д̇и ад̇т̇о; самуухасан̇каад̇асса ‘яасмим̣ самуухз’д̇и. кан̣асамавааяахзд̇усан̇каад̇аанам̣ ‘яасмим̣ кан̣з сад̇и, яааяа саамаг̇г̇ияаа сад̇и, яамхи хзд̇умхи сад̇и’ гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣язва сад̇и ‘пассаад̣̇аяобий’д̇и аяамад̇т̇о взд̣̇ид̇аб̣б̣о. ад̇хигаран̣ан̃хи гааласан̇каад̇о самуухасан̇каад̇о жа самаяо. д̇ад̇т̇а вуд̇д̇ад̇хаммаананд̇и ад̇хигаран̣авасзнзд̇т̇а бхуммам̣. кан̣асамавааяахзд̇усан̇каад̇асса жа самаяасса бхаавзна д̇зсам̣ бхааво лагкийяад̇ийд̇и бхаавзнабхаавалагкан̣авасзнзд̇т̇а бхуммам̣.

    Tattha ‘yasmiṃ samaye’ti kālasaṅkhātassa samayassa vasena ‘yasmiṃ kāle’ti attho; samūhasaṅkhātassa ‘yasmiṃ samūhe’ti. Khaṇasamavāyahetusaṅkhātānaṃ ‘yasmiṃ khaṇe sati, yāya sāmaggiyā sati, yamhi hetumhi sati’ kāmāvacaraṃ kusalaṃ cittaṃ uppannaṃ hoti, tasmiṃyeva sati ‘phassādayopī’ti ayamattho veditabbo. Adhikaraṇañhi kālasaṅkhāto samūhasaṅkhāto ca samayo. Tattha vuttadhammānanti adhikaraṇavasenettha bhummaṃ. Khaṇasamavāyahetusaṅkhātassa ca samayassa bhāvena tesaṃ bhāvo lakkhīyatīti bhāvenabhāvalakkhaṇavasenettha bhummaṃ.

    гаамааважаранд̇и ‘‘гад̇амз д̇хаммаа гаамааважараа? хздтад̇о авийжинираяам̣ убарид̇о бараниммид̇авасавад̇д̇им̣ барияанд̇ам̣ гад̇ваа’’д̇иаад̣̇инаа (д̇ха. са. 1287) наязна вуд̇д̇зсу гаамааважарад̇хаммзсу барияаабаннам̣. д̇ад̇рааяам̣ важанад̇т̇о – уд̣̇д̣̇аанад̇о д̣̇вз гаамаа, вад̇т̇угаамо жа гилзсагаамо жа. д̇ад̇т̇а гилзсагаамо ад̇т̇ад̇о чанд̣̇арааг̇ова вад̇т̇угаамо д̇збхуумагаваддам̣. гилзсагаамо жзд̇т̇а гаамзд̇ийд̇и гаамо; ид̇аро бана гаамияад̇ийд̇и гаамо. яасмим̣ бана бад̣̇зсз д̣̇увид̇хобзсо гаамо бавад̇д̇ивасзна аважарад̇и, со жад̇уннам̣ абааяаанам̣, мануссаанам̣, чаннан̃жа д̣̇звалогаанам̣ васзна згаад̣̇асавид̇хо бад̣̇зсо. гаамо зд̇т̇а аважарад̇ийд̇и гаамааважаро, сасад̇т̇ааважаро вияа. яат̇аа хи яасмим̣ бад̣̇зсз сасад̇т̇аа бурисаа аважаранд̇и, со виж̇ж̇амаанзсуби ан̃н̃зсу д̣̇вибад̣̇ажад̇уббад̣̇зсу аважаранд̇зсу, д̇зсам̣ абхилагкид̇ад̇д̇аа ‘сасад̇т̇ааважаро’д̇взва вужжад̇и, звам̣ виж̇ж̇амаанзсуби ан̃н̃зсу руубааважараад̣̇ийсу д̇ад̇т̇а аважаранд̇зсу, д̇зсам̣ абхилагкид̇ад̇д̇аа аяам̣ бад̣̇зсо ‘гаамааважаро’д̇взва вужжад̇и. свааяам̣ яат̇аа руубабхаво руубам̣, звам̣ уд̇д̇арабад̣̇алобам̣ гад̇ваа ‘гаамо’д̇взва вужжад̇и. звамид̣̇ам̣ жид̇д̇ам̣ имасмим̣ згаад̣̇асабад̣̇зсасан̇каад̇з гаамз аважарад̇ийд̇и гаамааважарам̣.

    Kāmāvacaranti ‘‘katame dhammā kāmāvacarā? Heṭṭhato avīcinirayaṃ uparito paranimmitavasavattiṃ pariyantaṃ katvā’’tiādinā (dha. sa. 1287) nayena vuttesu kāmāvacaradhammesu pariyāpannaṃ. Tatrāyaṃ vacanattho – uddānato dve kāmā, vatthukāmo ca kilesakāmo ca. Tattha kilesakāmo atthato chandarāgova vatthukāmo tebhūmakavaṭṭaṃ. Kilesakāmo cettha kāmetīti kāmo; itaro pana kāmiyatīti kāmo. Yasmiṃ pana padese duvidhopeso kāmo pavattivasena avacarati, so catunnaṃ apāyānaṃ, manussānaṃ, channañca devalokānaṃ vasena ekādasavidho padeso. Kāmo ettha avacaratīti kāmāvacaro, sasatthāvacaro viya. Yathā hi yasmiṃ padese sasatthā purisā avacaranti, so vijjamānesupi aññesu dvipadacatuppadesu avacarantesu, tesaṃ abhilakkhitattā ‘sasatthāvacaro’tveva vuccati, evaṃ vijjamānesupi aññesu rūpāvacarādīsu tattha avacarantesu, tesaṃ abhilakkhitattā ayaṃ padeso ‘kāmāvacaro’tveva vuccati. Svāyaṃ yathā rūpabhavo rūpaṃ, evaṃ uttarapadalopaṃ katvā ‘kāmo’tveva vuccati. Evamidaṃ cittaṃ imasmiṃ ekādasapadesasaṅkhāte kāme avacaratīti kāmāvacaraṃ.

    гин̃жааби хи зд̇ам̣ руубааруубабхавзсуби аважарад̇и, яат̇аа бана сан̇г̇аамз аважаран̣ад̇о сан̇г̇аамааважарод̇и лад̣̇д̇ханаамаго нааг̇о наг̇арз жаранд̇оби ‘сан̇г̇аамааважаро’д̇взва вужжад̇и, т̇алаж̇алажараа жа баан̣аа ат̇алз аж̇алз жа тид̇ааби ‘т̇алажараа ж̇алажараа’д̇взва вужжанд̇и, звамид̣̇ам̣ ан̃н̃ад̇т̇а аважаранд̇амби гаамааважарамзваад̇и взд̣̇ид̇аб̣б̣ам̣. аарамман̣агаран̣авасзна ваа зд̇т̇а гаамо аважарад̇ийд̇иби гаамааважарам̣. гааман̃жзса руубааруубааважарзсуби аважарад̇и, яат̇аа бана вад̣̇ад̇ийд̇и ‘важчо’, махияам̣ сзд̇ийд̇и ‘махим̣со’д̇и вуд̇д̇з, на сад̇д̇аа яад̇д̇агаа вад̣̇анд̇и, махияам̣ ваа сзнд̇и саб̣б̣зсам̣ д̇ам̣ наамам̣ ход̇и, звам̣самбад̣̇амид̣̇ам̣ взд̣̇ид̇аб̣б̣ам̣. абижа гаамабхавасан̇каад̇з гаамз бадисанд̇хим̣ аважаарзд̇ийд̇иби гаамааважарам̣.

    Kiñcāpi hi etaṃ rūpārūpabhavesupi avacarati, yathā pana saṅgāme avacaraṇato saṅgāmāvacaroti laddhanāmako nāgo nagare carantopi ‘saṅgāmāvacaro’tveva vuccati, thalajalacarā ca pāṇā athale ajale ca ṭhitāpi ‘thalacarā jalacarā’tveva vuccanti, evamidaṃ aññattha avacarantampi kāmāvacaramevāti veditabbaṃ. Ārammaṇakaraṇavasena vā ettha kāmo avacaratītipi kāmāvacaraṃ. Kāmañcesa rūpārūpāvacaresupi avacarati, yathā pana vadatīti ‘vaccho’, mahiyaṃ setīti ‘mahiṃso’ti vutte, na sattā yattakā vadanti, mahiyaṃ vā senti sabbesaṃ taṃ nāmaṃ hoti, evaṃsampadamidaṃ veditabbaṃ. Apica kāmabhavasaṅkhāte kāme paṭisandhiṃ avacāretītipi kāmāvacaraṃ.

    гусаланд̇и гужчид̇аанам̣ саланаад̣̇ийхи ад̇т̇зхи гусалам̣. абижа аарог̇яадтзна анаваж̇ж̇адтзна госалласамбхууд̇адтзна жа гусалам̣. яат̇зва хи ‘гажжи ну бход̇о гусала’нд̇и (ж̇аа. 1.15.146; 2.20.129) руубагааяз анаад̇урад̇ааяа аг̇злан̃н̃зна ниб̣яаад̇хид̇ааяа аарог̇яадтзна гусалам̣ вуд̇д̇ам̣, звам̣ аруубад̇хаммзби гилзсаад̇урад̇ааяа гилзсаг̇злан̃н̃асса жа гилзсаб̣яаад̇хино абхаавзна аарог̇яадтзна гусалам̣ взд̣̇ид̇аб̣б̣ам̣. гилзсаваж̇ж̇асса бана гилзсад̣̇осасса гилзсад̣̇арат̇асса жа абхааваа анаваж̇ж̇адтзна гусалам̣. госаллам̣ вужжад̇и бан̃н̃аа; госаллад̇о самбхууд̇ад̇д̇аа госалласамбхууд̇адтзна гусалам̣.

    Kusalanti kucchitānaṃ salanādīhi atthehi kusalaṃ. Apica ārogyaṭṭhena anavajjaṭṭhena kosallasambhūtaṭṭhena ca kusalaṃ. Yatheva hi ‘kacci nu bhoto kusala’nti (jā. 1.15.146; 2.20.129) rūpakāye anāturatāya agelaññena nibyādhitāya ārogyaṭṭhena kusalaṃ vuttaṃ, evaṃ arūpadhammepi kilesāturatāya kilesagelaññassa ca kilesabyādhino abhāvena ārogyaṭṭhena kusalaṃ veditabbaṃ. Kilesavajjassa pana kilesadosassa kilesadarathassa ca abhāvā anavajjaṭṭhena kusalaṃ. Kosallaṃ vuccati paññā; kosallato sambhūtattā kosallasambhūtaṭṭhena kusalaṃ.

    ‘н̃аан̣асамбаяуд̇д̇ам̣’ д̇аава звам̣ ход̇у; н̃аан̣авиббаяуд̇д̇ам̣ гат̇анд̇и. д̇амби рул̣хийсад̣̇д̣̇зна гусаламзва. яат̇аа хи д̇аалабан̣н̣зхи агад̇ваа гилан̃ж̇аад̣̇ийхи гад̇амби д̇ам̣саригкад̇д̇аа рул̣хийсад̣̇д̣̇зна д̇аалаван̣данд̇взва вужжад̇и, звам̣ ‘н̃аан̣авиббаяуд̇д̇а’мби гусаланд̇взва взд̣̇ид̇аб̣б̣ам̣. ниббарияааязна бана ‘н̃аан̣асамбаяуд̇д̇ам̣’ аарог̇яадтзна анаваж̇ж̇адтзна госалласамбхууд̇адтзнаад̇и д̇ивид̇хзнаби гусаланд̇и наамам̣ лабхад̇и, н̃аан̣авиббаяуд̇д̇ам̣ д̣̇увид̇хзнзва. ид̇и яан̃жа ж̇аад̇агабарияааязна яан̃жа б̣аахид̇игасуд̇д̇абарияааязна яан̃жа абхид̇хаммабарияааязна гусалам̣ гат̇ид̇ам̣ саб̣б̣ам̣ д̇ам̣ д̇ийхиби ад̇т̇зхи имасмим̣ жид̇д̇з лаб̣бхад̇и.

    ‘Ñāṇasampayuttaṃ’ tāva evaṃ hotu; ñāṇavippayuttaṃ kathanti. Tampi ruḷhīsaddena kusalameva. Yathā hi tālapaṇṇehi akatvā kilañjādīhi katampi taṃsarikkhattā ruḷhīsaddena tālavaṇṭantveva vuccati, evaṃ ‘ñāṇavippayutta’mpi kusalantveva veditabbaṃ. Nippariyāyena pana ‘ñāṇasampayuttaṃ’ ārogyaṭṭhena anavajjaṭṭhena kosallasambhūtaṭṭhenāti tividhenapi kusalanti nāmaṃ labhati, ñāṇavippayuttaṃ duvidheneva. Iti yañca jātakapariyāyena yañca bāhitikasuttapariyāyena yañca abhidhammapariyāyena kusalaṃ kathitaṃ sabbaṃ taṃ tīhipi atthehi imasmiṃ citte labbhati.

    д̇ад̣̇зд̇ам̣ лагкан̣аад̣̇ивасзна анаваж̇ж̇асукавибаагалагкан̣ам̣, агусалавид̣̇д̇хам̣санарасам̣, вод̣̇аанабажжубадтаанам̣, яонисоманасигаарабад̣̇адтаанам̣. аваж̇ж̇абадибагкад̇д̇аа ваа анаваж̇ж̇алагкан̣амзва гусалам̣, вод̣̇аанабхааварасам̣, идтавибаагабажжубадтаанам̣, яат̇аавуд̇д̇абад̣̇адтаанамзва. лагкан̣аад̣̇ийсу хи д̇зсам̣ д̇зсам̣ д̇хаммаанам̣ сабхааво ваа сааман̃н̃ам̣ ваа лагкан̣ам̣ наама. гижжам̣ ваа самбад̇д̇и ваа расо наама. убадтаанаагааро ваа палам̣ ваа бажжубадтаанам̣ наама. аасаннагааран̣ам̣ бад̣̇адтаанам̣ наама. ид̇и яад̇т̇а яад̇т̇а лагкан̣аад̣̇ийни вагкаама д̇ад̇т̇а д̇ад̇т̇а иминаава наязна д̇зсам̣ наанад̇д̇ам̣ взд̣̇ид̇аб̣б̣ам̣.

    Tadetaṃ lakkhaṇādivasena anavajjasukhavipākalakkhaṇaṃ, akusalaviddhaṃsanarasaṃ, vodānapaccupaṭṭhānaṃ, yonisomanasikārapadaṭṭhānaṃ. Avajjapaṭipakkhattā vā anavajjalakkhaṇameva kusalaṃ, vodānabhāvarasaṃ, iṭṭhavipākapaccupaṭṭhānaṃ, yathāvuttapadaṭṭhānameva. Lakkhaṇādīsu hi tesaṃ tesaṃ dhammānaṃ sabhāvo vā sāmaññaṃ vā lakkhaṇaṃ nāma. Kiccaṃ vā sampatti vā raso nāma. Upaṭṭhānākāro vā phalaṃ vā paccupaṭṭhānaṃ nāma. Āsannakāraṇaṃ padaṭṭhānaṃ nāma. Iti yattha yattha lakkhaṇādīni vakkhāma tattha tattha imināva nayena tesaṃ nānattaṃ veditabbaṃ.

    жид̇д̇анд̇и аарамман̣ам̣ жинд̇зд̇ийд̇и жид̇д̇ам̣; виж̇аанаад̇ийд̇и ад̇т̇о. яасмаа ваа ‘жид̇д̇а’нд̇и саб̣б̣ажид̇д̇асаад̇хааран̣о зса сад̣̇д̣̇о, д̇асмаа яад̣̇зд̇т̇а логияагусалаагусалагирияажид̇д̇ам̣, д̇ам̣ ж̇аванавийт̇ивасзна ад̇д̇ано санд̇аанам̣ жинод̇ийд̇и жид̇д̇ам̣. вибаагам̣ гаммагилзсзхи жид̇анд̇и жид̇д̇ам̣. абижа саб̣б̣амби яат̇аануруубад̇о жид̇д̇ад̇ааяа жид̇д̇ам̣. жид̇д̇агаран̣ад̇ааяа жид̇д̇анд̇и звамбзд̇т̇а ад̇т̇о взд̣̇ид̇аб̣б̣о. д̇ад̇т̇а яасмаа ан̃н̃ад̣̇зва сарааг̇ам̣ жид̇д̇ам̣, ан̃н̃ам̣ сад̣̇осам̣ , ан̃н̃ам̣ самохам̣; ан̃н̃ам̣ гаамааважарам̣, ан̃н̃ам̣ руубааважараад̣̇ибхзд̣̇ам̣; ан̃н̃ам̣ руубаарамман̣ам̣, ан̃н̃ам̣ сад̣̇д̣̇аад̣̇иаарамман̣ам̣; руубаарамман̣зсу жааби ан̃н̃ам̣ нийлаарамман̣ам̣, ан̃н̃ам̣ бийд̇аад̣̇иаарамман̣ам̣; сад̣̇д̣̇аад̣̇иаарамман̣зсуби зсзва наяо; саб̣б̣зсуби жзд̇зсу ан̃н̃ам̣ хийнам̣ ан̃н̃ам̣ маж̇жхимам̣ ан̃н̃ам̣ бан̣ийд̇ам̣; хийнаад̣̇ийсуби ан̃н̃ам̣ чанд̣̇аад̇хибад̇зяяам̣, ан̃н̃ам̣ вийрияаад̇хибад̇зяяам̣ ан̃н̃ам̣ жид̇д̇аад̇хибад̇зяяам̣, ан̃н̃ам̣ виймам̣саад̇хибад̇зяяам̣, д̇асмаа асса имзсам̣ самбаяуд̇д̇абхуумиаарамман̣ахийнамаж̇жхимабан̣ийд̇аад̇хибад̇ийнам̣ васзна жид̇д̇ад̇аа взд̣̇ид̇аб̣б̣аа. гааман̃жзд̇т̇а згамзва звам̣ жид̇д̇ам̣ на ход̇и, жид̇д̇аанам̣ бана анд̇ог̇ад̇хад̇д̇аа зд̇зсу яам̣гин̃жи згамби жид̇д̇ад̇ааяа жид̇д̇анд̇и вад̇д̇ум̣ ваддад̇и. звам̣ д̇аава жид̇д̇ад̇ааяа жид̇д̇ам̣.

    Cittanti ārammaṇaṃ cintetīti cittaṃ; vijānātīti attho. Yasmā vā ‘citta’nti sabbacittasādhāraṇo esa saddo, tasmā yadettha lokiyakusalākusalakiriyacittaṃ, taṃ javanavīthivasena attano santānaṃ cinotīti cittaṃ. Vipākaṃ kammakilesehi citanti cittaṃ. Apica sabbampi yathānurūpato cittatāya cittaṃ. Cittakaraṇatāya cittanti evampettha attho veditabbo. Tattha yasmā aññadeva sarāgaṃ cittaṃ, aññaṃ sadosaṃ , aññaṃ samohaṃ; aññaṃ kāmāvacaraṃ, aññaṃ rūpāvacarādibhedaṃ; aññaṃ rūpārammaṇaṃ, aññaṃ saddādiārammaṇaṃ; rūpārammaṇesu cāpi aññaṃ nīlārammaṇaṃ, aññaṃ pītādiārammaṇaṃ; saddādiārammaṇesupi eseva nayo; sabbesupi cetesu aññaṃ hīnaṃ aññaṃ majjhimaṃ aññaṃ paṇītaṃ; hīnādīsupi aññaṃ chandādhipateyyaṃ, aññaṃ vīriyādhipateyyaṃ aññaṃ cittādhipateyyaṃ, aññaṃ vīmaṃsādhipateyyaṃ, tasmā assa imesaṃ sampayuttabhūmiārammaṇahīnamajjhimapaṇītādhipatīnaṃ vasena cittatā veditabbā. Kāmañcettha ekameva evaṃ cittaṃ na hoti, cittānaṃ pana antogadhattā etesu yaṃkiñci ekampi cittatāya cittanti vattuṃ vaṭṭati. Evaṃ tāva cittatāya cittaṃ.

    гат̇ам̣ жид̇д̇агаран̣ад̇ааяаад̇и? логасмин̃хи жид̇д̇агаммад̇о уд̇д̇ари ан̃н̃ам̣ жид̇д̇ам̣ наама над̇т̇и. д̇асмимби жаран̣ам̣ наама жид̇д̇ам̣ ад̇ижид̇д̇амзва ход̇и. д̇ам̣ гаронд̇аанам̣ жид̇д̇агаараанам̣ ‘звам̣вид̇хаани зд̇т̇а руубаани гаад̇аб̣б̣ааний’д̇и жид̇д̇асан̃н̃аа уббаж̇ж̇ад̇и. д̇ааяа жид̇д̇асан̃н̃ааяа лзкааг̇аханаран̃ж̇анауж̇ж̇од̇анавад̇д̇анаад̣̇инибпаад̣̇игаа жид̇д̇агирияаа уббаж̇ж̇анд̇и, д̇ад̇о жаран̣асан̇каад̇з жид̇д̇з ан̃н̃ад̇арам̣ вижид̇д̇аруубам̣ нибпаж̇ж̇ад̇и. д̇ад̇о ‘имасса руубасса убари ид̣̇ам̣ ход̇у, хздтаа ид̣̇ам̣, убхаяабассз ид̣̇а’нд̇и жинд̇зд̇ваа яат̇аажинд̇ид̇зна гамзна сзсажид̇д̇аруубанибпаад̣̇анам̣ ход̇и, звам̣ яам̣гин̃жи логз вижид̇д̇ам̣ сиббаж̇аад̇ам̣ саб̣б̣ам̣ д̇ам̣ жид̇д̇знзва гарияад̇и, звам̣ имааяа гаран̣авижид̇д̇ад̇ааяа д̇асса д̇асса жид̇д̇асса нибпаад̣̇агам̣ жид̇д̇амби д̇ат̇зва жид̇д̇ам̣ ход̇и. яат̇аажинд̇ид̇асса ваа анавасзсасса анибпаж̇ж̇анад̇о д̇ад̇оби жид̇д̇амзва жид̇д̇ад̇арам̣. д̇знааха бхаг̇аваа –

    Kathaṃ cittakaraṇatāyāti? Lokasmiñhi cittakammato uttari aññaṃ cittaṃ nāma natthi. Tasmimpi caraṇaṃ nāma cittaṃ aticittameva hoti. Taṃ karontānaṃ cittakārānaṃ ‘evaṃvidhāni ettha rūpāni kātabbānī’ti cittasaññā uppajjati. Tāya cittasaññāya lekhāgahanarañjanaujjotanavattanādinipphādikā cittakiriyā uppajjanti, tato caraṇasaṅkhāte citte aññataraṃ vicittarūpaṃ nipphajjati. Tato ‘imassa rūpassa upari idaṃ hotu, heṭṭhā idaṃ, ubhayapasse ida’nti cintetvā yathācintitena kamena sesacittarūpanipphādanaṃ hoti, evaṃ yaṃkiñci loke vicittaṃ sippajātaṃ sabbaṃ taṃ citteneva kariyati, evaṃ imāya karaṇavicittatāya tassa tassa cittassa nipphādakaṃ cittampi tatheva cittaṃ hoti. Yathācintitassa vā anavasesassa anipphajjanato tatopi cittameva cittataraṃ. Tenāha bhagavā –

    ‘‘д̣̇идтам̣ во, бхигкавз, жаран̣ам̣ наама жид̇д̇анд̇и? ‘звам̣, бханд̇з’. д̇амби ко, бхигкавз, жаран̣ам̣ наама жид̇д̇ам̣ жид̇д̇знзва жинд̇ид̇ам̣. д̇знаби ко, бхигкавз, жаран̣зна жид̇д̇зна жид̇д̇ам̣язва жид̇д̇ад̇ара’’нд̇и (сам̣. ни. 3.100).

    ‘‘Diṭṭhaṃ vo, bhikkhave, caraṇaṃ nāma cittanti? ‘Evaṃ, bhante’. Tampi kho, bhikkhave, caraṇaṃ nāma cittaṃ citteneva cintitaṃ. Tenapi kho, bhikkhave, caraṇena cittena cittaṃyeva cittatara’’nti (saṃ. ni. 3.100).

    д̇ат̇аа яад̣̇зд̇ам̣ д̣̇звамануссанираяад̇иражчаанабхзд̣̇аасу г̇ад̇ийсу гаммалин̇г̇асан̃н̃аавохаараад̣̇ибхзд̣̇ам̣ аж̇жхад̇д̇игам̣ жид̇д̇ам̣ д̇амби жид̇д̇агад̇амзва. гааяагаммаад̣̇ибхзд̣̇ан̃хи д̣̇аанасийлавихим̣саасаатзяяаад̣̇инаяаббавад̇д̇ам̣ гусалаагусалагаммам̣ жид̇д̇анибпаад̣̇ид̇ам̣ гамманаанад̇д̇ам̣. гамманаанад̇д̇знзва жа д̇аасу д̇аасу г̇ад̇ийсу хад̇т̇абаад̣̇аган̣н̣ауд̣̇араг̇ийваамукаад̣̇исан̣таанабхиннам̣ лин̇г̇анаанад̇д̇ам̣. лин̇г̇анаанад̇д̇ад̇о яат̇ааг̇ахид̇асан̣таанавасзна ‘аяам̣ ид̇т̇ий аяам̣ бурисо’д̇и уббаж̇ж̇амаанааяа сан̃н̃ааяа сан̃н̃аанаанад̇д̇ам̣. сан̃н̃аанаанад̇д̇ад̇о сан̃н̃аануруубзна ‘ид̇т̇ий’д̇и ваа ‘бурисо’д̇и ваа вохаранд̇аанам̣ вохааранаанад̇д̇ам̣. вохааранаанад̇д̇авасзна бана яасмаа ‘ид̇т̇ий бхависсаами бурисо бхависсаами, кад̇д̇ияо бхависсаами б̣раахман̣о бхависсаамий’д̇и звам̣ д̇асса д̇асса ад̇д̇абхаавасса ж̇анагам̣ гаммам̣ гарийяад̇и, д̇асмаа вохааранаанад̇д̇ад̇о гамманаанад̇д̇ам̣. д̇ам̣ банзд̇ам̣ гамманаанад̇д̇ам̣ яат̇аабад̇т̇ид̇ам̣ бхавам̣ ниб̣б̣ад̇д̇знд̇ам̣ яасмаа г̇ад̇ивасзна ниб̣б̣ад̇д̇зд̇и д̇асмаа гамманаанад̇д̇ад̇о г̇ад̇инаанад̇д̇ам̣. гамманаанад̇д̇знзва жа д̇зсам̣ д̇зсам̣ сад̇д̇аанам̣ д̇ассаа д̇ассаа г̇ад̇ияаа абаад̣̇агад̣̇вибаад̣̇агаад̣̇ид̇аа, д̇ассаа д̇ассаа убабад̇д̇ияаа ужжанийжаад̣̇ид̇аа, д̇асмим̣ д̇асмим̣ ад̇д̇абхаавз суван̣н̣ад̣̇уб̣б̣ан̣н̣аад̣̇ид̇аа, логад̇хаммзсу лаабхаалаабхаад̣̇ид̇аа жа бан̃н̃ааяад̇и. д̇асмаа саб̣б̣амзд̇ам̣ д̣̇звамануссанираяад̇иражчаанабхзд̣̇аасу г̇ад̇ийсу гаммалин̇г̇асан̃н̃аавохаараад̣̇ибхзд̣̇ам̣ аж̇жхад̇д̇игам̣ жид̇д̇ам̣ жид̇д̇знзва гад̇анд̇и взд̣̇ид̇аб̣б̣ам̣. свааяамад̇т̇о имасса сан̇г̇ийд̇ианаарул̣хасса суд̇д̇асса васзна взд̣̇ид̇аб̣б̣о. вуд̇д̇ан̃хзд̇ам̣ –

    Tathā yadetaṃ devamanussanirayatiracchānabhedāsu gatīsu kammaliṅgasaññāvohārādibhedaṃ ajjhattikaṃ cittaṃ tampi cittakatameva. Kāyakammādibhedañhi dānasīlavihiṃsāsāṭheyyādinayappavattaṃ kusalākusalakammaṃ cittanipphāditaṃ kammanānattaṃ. Kammanānatteneva ca tāsu tāsu gatīsu hatthapādakaṇṇaudaragīvāmukhādisaṇṭhānabhinnaṃ liṅganānattaṃ. Liṅganānattato yathāgahitasaṇṭhānavasena ‘ayaṃ itthī ayaṃ puriso’ti uppajjamānāya saññāya saññānānattaṃ. Saññānānattato saññānurūpena ‘itthī’ti vā ‘puriso’ti vā voharantānaṃ vohāranānattaṃ. Vohāranānattavasena pana yasmā ‘itthī bhavissāmi puriso bhavissāmi, khattiyo bhavissāmi brāhmaṇo bhavissāmī’ti evaṃ tassa tassa attabhāvassa janakaṃ kammaṃ karīyati, tasmā vohāranānattato kammanānattaṃ. Taṃ panetaṃ kammanānattaṃ yathāpatthitaṃ bhavaṃ nibbattentaṃ yasmā gativasena nibbatteti tasmā kammanānattato gatinānattaṃ. Kammanānatteneva ca tesaṃ tesaṃ sattānaṃ tassā tassā gatiyā apādakadvipādakāditā, tassā tassā upapattiyā uccanīcāditā, tasmiṃ tasmiṃ attabhāve suvaṇṇadubbaṇṇāditā, lokadhammesu lābhālābhāditā ca paññāyati. Tasmā sabbametaṃ devamanussanirayatiracchānabhedāsu gatīsu kammaliṅgasaññāvohārādibhedaṃ ajjhattikaṃ cittaṃ citteneva katanti veditabbaṃ. Svāyamattho imassa saṅgītianāruḷhassa suttassa vasena veditabbo. Vuttañhetaṃ –

    ‘‘гамманаанад̇д̇абут̇уд̇д̇аббабхзд̣̇ававад̇т̇аанавасзна лин̇г̇анаанад̇д̇абут̇уд̇д̇аббабхзд̣̇ававад̇т̇аанам̣ бхавад̇и, лин̇г̇анаанад̇д̇абут̇уд̇д̇аббабхзд̣̇ававад̇т̇аанавасзна сан̃н̃аанаанад̇д̇абут̇уд̇д̇аббабхзд̣̇ававад̇т̇аанам̣ бхавад̇и, сан̃н̃аанаанад̇д̇абут̇уд̇д̇аббабхзд̣̇ававад̇т̇аанавасзна вохааранаанад̇д̇абут̇уд̇д̇аббабхзд̣̇ававад̇т̇аанам̣ бхавад̇и, вохааранаанад̇д̇абут̇уд̇д̇аббабхзд̣̇ававад̇т̇аанавасзна гамманаанад̇д̇абут̇уд̇д̇аббабхзд̣̇ававад̇т̇аанам̣ бхавад̇и. гамманаанаагаран̣ам̣ бадижжа сад̇д̇аанам̣ г̇ад̇ияаа наанаагаран̣ам̣ бан̃н̃ааяад̇и – абад̣̇аа д̣̇вибад̣̇аа жад̇уббад̣̇аа б̣ахуббад̣̇аа, руубино аруубино, сан̃н̃ино асан̃н̃ино нзвасан̃н̃ийнаасан̃н̃ино. гамманаанаагаран̣ам̣ бадижжа сад̇д̇аанам̣ убабад̇д̇ияаа наанаагаран̣ам̣ бан̃н̃ааяад̇и – ужжанийжад̇аа хийнабан̣ийд̇ад̇аа суг̇ад̇ад̣̇уг̇г̇ад̇ад̇аа. гамманаанаагаран̣ам̣ бадижжа сад̇д̇аанам̣ ад̇д̇абхаавз наанаагаран̣ам̣ бан̃н̃ааяад̇и – суван̣н̣ад̣̇уб̣б̣ан̣н̣ад̇аа суж̇аад̇ад̣̇уж̇ж̇аад̇ад̇аа сусан̣тид̇ад̣̇уссан̣тид̇ад̇аа. гамманаанаагаран̣ам̣ бадижжа сад̇д̇аанам̣ логад̇хаммз наанаагаран̣ам̣ бан̃н̃ааяад̇и – лаабхаалаабхз яасааяасз нинд̣̇аабасам̣сааяам̣ сукад̣̇угкз’’д̇и.

    ‘‘Kammanānattaputhuttappabhedavavatthānavasena liṅganānattaputhuttappabhedavavatthānaṃ bhavati, liṅganānattaputhuttappabhedavavatthānavasena saññānānattaputhuttappabhedavavatthānaṃ bhavati, saññānānattaputhuttappabhedavavatthānavasena vohāranānattaputhuttappabhedavavatthānaṃ bhavati, vohāranānattaputhuttappabhedavavatthānavasena kammanānattaputhuttappabhedavavatthānaṃ bhavati. Kammanānākaraṇaṃ paṭicca sattānaṃ gatiyā nānākaraṇaṃ paññāyati – apadā dvipadā catuppadā bahuppadā, rūpino arūpino, saññino asaññino nevasaññīnāsaññino. Kammanānākaraṇaṃ paṭicca sattānaṃ upapattiyā nānākaraṇaṃ paññāyati – uccanīcatā hīnapaṇītatā sugataduggatatā. Kammanānākaraṇaṃ paṭicca sattānaṃ attabhāve nānākaraṇaṃ paññāyati – suvaṇṇadubbaṇṇatā sujātadujjātatā susaṇṭhitadussaṇṭhitatā. Kammanānākaraṇaṃ paṭicca sattānaṃ lokadhamme nānākaraṇaṃ paññāyati – lābhālābhe yasāyase nindāpasaṃsāyaṃ sukhadukkhe’’ti.

    абарамби вуд̇д̇ам̣ –

    Aparampi vuttaṃ –

    гаммад̇о лин̇г̇ад̇о жзва, лин̇г̇асан̃н̃аа бавад̇д̇арз;

    Kammato liṅgato ceva, liṅgasaññā pavattare;

    сан̃н̃аад̇о бхзд̣̇ам̣ г̇ажчанд̇и, ид̇т̇ааяам̣ бурисод̇и ваа.

    Saññāto bhedaṃ gacchanti, itthāyaṃ purisoti vā.

    ‘‘гаммунаа вад̇д̇ад̇з лого, гаммунаа вад̇д̇ад̇з баж̇аа;

    ‘‘Kammunā vattate loko, kammunā vattate pajā;

    гамманиб̣анд̇ханаа сад̇д̇аа, рат̇ассаан̣ийва яааяад̇о’’. (ма. ни. 2.460; су. ни. 659);

    Kammanibandhanā sattā, rathassāṇīva yāyato’’. (ma. ni. 2.460; su. ni. 659);

    гаммзна гид̇д̇им̣ лабхад̇з басам̣сам̣,

    Kammena kittiṃ labhate pasaṃsaṃ,

    гаммзна ж̇аанин̃жа вад̇хан̃жа б̣анд̇хам̣;

    Kammena jāniñca vadhañca bandhaṃ;

    д̇ам̣ гамманаанаагаран̣ам̣ вид̣̇ид̇ваа,

    Taṃ kammanānākaraṇaṃ viditvā,

    гасмаа вад̣̇з над̇т̇и гамманд̇и логз. (гат̇аа. 785);

    Kasmā vade natthi kammanti loke. (kathā. 785);

    ‘‘гаммассагаа маан̣ава сад̇д̇аа гаммад̣̇ааяаад̣̇аа гаммаяоний гаммаб̣анд̇хуу гаммабадисаран̣аа; гаммам̣ сад̇д̇з вибхаж̇ад̇и яад̣̇ид̣̇ам̣ хийнаббан̣ийд̇ад̇ааяаа’’д̇и (ма. ни. 3.289).

    ‘‘Kammassakā māṇava sattā kammadāyādā kammayonī kammabandhū kammapaṭisaraṇā; kammaṃ satte vibhajati yadidaṃ hīnappaṇītatāyā’’ti (ma. ni. 3.289).

    звам̣ имааяа гаран̣ажид̇д̇ад̇ааяаби жид̇д̇асса жид̇д̇ад̇аа взд̣̇ид̇аб̣б̣аа. саб̣б̣ааниби хи зд̇аани вижид̇раани жид̇д̇знзва гад̇аани. алад̣̇д̇хогаасасса бана жид̇д̇асса яам̣ ваа бана авасзсабажжаяавигалам̣ д̇асса згажжажид̇д̇агаран̣аабхаавад̇о яад̣̇зд̇ам̣ жид̇д̇зна гад̇ам̣ аж̇жхад̇д̇игам̣ жид̇д̇ам̣ вуд̇д̇ам̣, д̇ад̇оби жид̇д̇амзва жид̇д̇ад̇арам̣. д̇знааха бхаг̇аваа –

    Evaṃ imāya karaṇacittatāyapi cittassa cittatā veditabbā. Sabbānipi hi etāni vicitrāni citteneva katāni. Aladdhokāsassa pana cittassa yaṃ vā pana avasesapaccayavikalaṃ tassa ekaccacittakaraṇābhāvato yadetaṃ cittena kataṃ ajjhattikaṃ cittaṃ vuttaṃ, tatopi cittameva cittataraṃ. Tenāha bhagavā –

    ‘‘наахам̣, бхигкавз, ан̃н̃ам̣ зганигааяамби саманубассаами звам̣ жид̇д̇ам̣ яат̇аяид̣̇ам̣, бхигкавз, д̇иражчаанаг̇ад̇аа баан̣аа… д̇зхиби ко, бхигкавз, д̇иражчаанаг̇ад̇зхи баан̣зхи жид̇д̇ам̣язва жид̇д̇ад̇ара’’нд̇и (сам̣. ни. 3.100).

    ‘‘Nāhaṃ, bhikkhave, aññaṃ ekanikāyampi samanupassāmi evaṃ cittaṃ yathayidaṃ, bhikkhave, tiracchānagatā pāṇā… tehipi kho, bhikkhave, tiracchānagatehi pāṇehi cittaṃyeva cittatara’’nti (saṃ. ni. 3.100).

    уббаннам̣ ход̇ийд̇и зд̇т̇а вад̇д̇амаанабхууд̇аабаг̇ад̇огаасагад̇абхуумилад̣̇д̇хавасзна уббаннам̣ наама анзгаббабхзд̣̇ам̣. д̇ад̇т̇а саб̣б̣амби уббаад̣̇аж̇араабхан̇г̇асаман̇г̇ийсан̇каад̇ам̣ вад̇д̇амаануббаннам̣ наама. аарамман̣арасам̣ анубхавид̇ваа нируд̣̇д̇хам̣, анубхууд̇аабаг̇ад̇асан̇каад̇ам̣ гусалаагусалам̣ , уббаад̣̇аад̣̇ид̇д̇аяам̣ ануббад̇ваа нируд̣̇д̇хам̣, бхууд̇аабаг̇ад̇асан̇каад̇ам̣, сзсасан̇кад̇ан̃жа бхууд̇аабаг̇ад̇уббаннам̣ наама. ‘‘яаанисса д̇аани буб̣б̣з гад̇аани гаммааний’’д̇и (ма. ни. 3.248) звамаад̣̇инаа наязна вуд̇д̇ам̣ гаммам̣ ад̇ийд̇амби самаанам̣, ан̃н̃ам̣ вибаагам̣ бадиб̣аахид̇ваа ад̇д̇ано вибаагассогаасам̣ гад̇ваа тид̇ад̇д̇аа, д̇ат̇аа гад̇огаасан̃жа вибаагам̣ ануббаннамби самаанам̣ звам̣ гад̇з огаасз зганд̇зна уббаж̇ж̇анад̇о огаасагад̇уббаннам̣ наама. д̇аасу д̇аасу бхуумийсу асамуухад̇ам̣ агусалам̣ бхуумилад̣̇д̇хуббаннам̣ наама. зд̇т̇а жа бхуумияаа бхуумилад̣̇д̇хасса жа наанад̇д̇ам̣ взд̣̇ид̇аб̣б̣ам̣. бхуумийд̇и вибассанааяа аарамман̣абхууд̇аа д̇збхуумагаа бан̃жагканд̇хаа. бхуумилад̣̇д̇хам̣ наама д̇зсу канд̇хзсу уббад̇д̇аарахам̣ гилзсаж̇аад̇ам̣. д̇зна хзсаа бхууми лад̣̇д̇хаа наама ход̇и, д̇асмаа бхуумилад̣̇д̇ханд̇и вужжад̇и. звамзд̇зсу жад̇уусу уббаннзсу ид̇ха ‘вад̇д̇амаануббаннам̣’ ад̇хиббзд̇ам̣.

    Uppannaṃ hotīti ettha vattamānabhūtāpagatokāsakatabhūmiladdhavasena uppannaṃ nāma anekappabhedaṃ. Tattha sabbampi uppādajarābhaṅgasamaṅgīsaṅkhātaṃ vattamānuppannaṃ nāma. Ārammaṇarasaṃ anubhavitvā niruddhaṃ, anubhūtāpagatasaṅkhātaṃ kusalākusalaṃ , uppādādittayaṃ anuppatvā niruddhaṃ, bhūtāpagatasaṅkhātaṃ, sesasaṅkhatañca bhūtāpagatuppannaṃ nāma. ‘‘Yānissa tāni pubbe katāni kammānī’’ti (ma. ni. 3.248) evamādinā nayena vuttaṃ kammaṃ atītampi samānaṃ, aññaṃ vipākaṃ paṭibāhitvā attano vipākassokāsaṃ katvā ṭhitattā, tathā katokāsañca vipākaṃ anuppannampi samānaṃ evaṃ kate okāse ekantena uppajjanato okāsakatuppannaṃ nāma. Tāsu tāsu bhūmīsu asamūhataṃ akusalaṃ bhūmiladdhuppannaṃ nāma. Ettha ca bhūmiyā bhūmiladdhassa ca nānattaṃ veditabbaṃ. Bhūmīti vipassanāya ārammaṇabhūtā tebhūmakā pañcakkhandhā. Bhūmiladdhaṃ nāma tesu khandhesu uppattārahaṃ kilesajātaṃ. Tena hesā bhūmi laddhā nāma hoti, tasmā bhūmiladdhanti vuccati. Evametesu catūsu uppannesu idha ‘vattamānuppannaṃ’ adhippetaṃ.

    д̇ад̇рааяам̣ важанад̇т̇о – буб̣б̣анд̇ад̇о уд̣̇д̇хам̣ уббаад̣̇аад̣̇иабхимукам̣ баннанд̇и уббаннам̣. ‘уббанна’-сад̣̇д̣̇о банзса ад̇ийд̇з бадилад̣̇д̇хз самудтид̇з авигкамбхид̇з асамужчиннз кан̣ад̇д̇аяаг̇ад̇зд̇и анзгзсу ад̇т̇зсу д̣̇иссад̇и. аяан̃хи ‘‘д̇зна ко бана, бхигкавз, самаязна гагусанд̇хо бхаг̇аваа арахам̣ саммаасамб̣уд̣̇д̇хо логз уббанно’’д̇и (сам̣. ни. 2.143) зд̇т̇а ад̇ийд̇з ааг̇ад̇о. ‘‘ааяасмад̇о аананд̣̇асса ад̇ирзгажийварам̣ уббаннам̣ ход̇ий’’д̇и (баараа. 461) зд̇т̇а бадилад̣̇д̇хз. ‘‘сзяяат̇ааби, бхигкавз, уббаннам̣ махаамзгхам̣ д̇амзнам̣ махааваад̇о анд̇арааязва анд̇арад̇хаабзд̇ий’’д̇и (сам̣. ни. 5.157) зд̇т̇а самудтид̇з. ‘‘уббаннам̣ г̇амияажид̇д̇ам̣ д̣̇уббадивинод̣̇анийяам̣ (а. ни. 5.160; бари. 325); уббаннуббаннз баабагз агусалз д̇хаммз таанасо анд̇арад̇хаабзд̇ий’’д̇и (баараа. 165) зд̇т̇а авигкамбхид̇з. ‘‘арияам̣ адтан̇г̇игам̣ маг̇г̇ам̣ бхаавзнд̇о б̣ахулийгаронд̇о уббаннуббаннз баабагз агусалз д̇хаммз таанасо анд̇арааязва анд̇арад̇хаабзд̇ий’’д̇и (сам̣. ни. 5.156-157) зд̇т̇а асамужчиннз. ‘‘уббаж̇ж̇амаанам̣ уббаннанд̇и? ааманд̇аа’’д̇и (яама. 2.жид̇д̇аяамага.81) зд̇т̇а кан̣ад̇д̇аяаг̇ад̇з. свааяамид̇хааби кан̣ад̇д̇аяаг̇ад̇зва д̣̇адтаб̣б̣о. д̇асмаа ‘уббаннам̣ ход̇ий’д̇и зд̇т̇а кан̣ад̇д̇аяаг̇ад̇ам̣ ход̇и, вад̇д̇амаанам̣ ход̇и, бажжуббаннам̣ ход̇ийд̇и. аяам̣ сан̇кзбад̇т̇о.

    Tatrāyaṃ vacanattho – pubbantato uddhaṃ uppādādiabhimukhaṃ pannanti uppannaṃ. ‘Uppanna’-saddo panesa atīte paṭiladdhe samuṭṭhite avikkhambhite asamucchinne khaṇattayagateti anekesu atthesu dissati. Ayañhi ‘‘tena kho pana, bhikkhave, samayena kakusandho bhagavā arahaṃ sammāsambuddho loke uppanno’’ti (saṃ. ni. 2.143) ettha atīte āgato. ‘‘Āyasmato ānandassa atirekacīvaraṃ uppannaṃ hotī’’ti (pārā. 461) ettha paṭiladdhe. ‘‘Seyyathāpi, bhikkhave, uppannaṃ mahāmeghaṃ tamenaṃ mahāvāto antarāyeva antaradhāpetī’’ti (saṃ. ni. 5.157) ettha samuṭṭhite. ‘‘Uppannaṃ gamiyacittaṃ duppaṭivinodanīyaṃ (a. ni. 5.160; pari. 325); uppannuppanne pāpake akusale dhamme ṭhānaso antaradhāpetī’’ti (pārā. 165) ettha avikkhambhite. ‘‘Ariyaṃ aṭṭhaṅgikaṃ maggaṃ bhāvento bahulīkaronto uppannuppanne pāpake akusale dhamme ṭhānaso antarāyeva antaradhāpetī’’ti (saṃ. ni. 5.156-157) ettha asamucchinne. ‘‘Uppajjamānaṃ uppannanti? Āmantā’’ti (yama. 2.cittayamaka.81) ettha khaṇattayagate. Svāyamidhāpi khaṇattayagateva daṭṭhabbo. Tasmā ‘uppannaṃ hotī’ti ettha khaṇattayagataṃ hoti, vattamānaṃ hoti, paccuppannaṃ hotīti. Ayaṃ saṅkhepattho.

    жид̇д̇ам̣ уббаннам̣ ход̇ийд̇и жзд̇ам̣ д̣̇зсанаасийсамзва. на бана жид̇д̇ам̣ згагамзва уббаж̇ж̇ад̇и. д̇асмаа яат̇аа рааж̇аа ааг̇ад̇од̇и вуд̇д̇з на барисам̣ бахааяа згагова ааг̇ад̇о, рааж̇абарисааяа бана сад̣̇д̇хим̣язва ааг̇ад̇од̇и бан̃н̃ааяад̇и , звамид̣̇амби баробан̣н̣аасагусалад̇хаммзхи сад̣̇д̇хим̣язва уббаннанд̇и взд̣̇ид̇аб̣б̣ам̣. буб̣б̣ан̇г̇амадтзна бана ‘‘жид̇д̇ам̣ уббаннам̣ ход̇и’’жжзва вуд̇д̇ам̣.

    Cittaṃ uppannaṃ hotīti cetaṃ desanāsīsameva. Na pana cittaṃ ekakameva uppajjati. Tasmā yathā rājā āgatoti vutte na parisaṃ pahāya ekakova āgato, rājaparisāya pana saddhiṃyeva āgatoti paññāyati , evamidampi paropaṇṇāsakusaladhammehi saddhiṃyeva uppannanti veditabbaṃ. Pubbaṅgamaṭṭhena pana ‘‘cittaṃ uppannaṃ hoti’’cceva vuttaṃ.

    логияад̇хамман̃хи бад̇ваа жид̇д̇ам̣ ж̇здтагам̣ жид̇д̇ам̣ д̇хурам̣ жид̇д̇ам̣ буб̣б̣ан̇г̇амам̣ ход̇и. логуд̇д̇арад̇хаммам̣ бад̇ваа бан̃н̃аа ж̇здтигаа бан̃н̃аа д̇хураа бан̃н̃аа буб̣б̣ан̇г̇амаа. д̇знзва бхаг̇аваа винаяабарияааяам̣ бад̇ваа бан̃хам̣ бужчанд̇о ‘гим̣пассоси, гим̣взд̣̇аноси, гим̣сан̃н̃оси, гим̣жзд̇аносий’д̇и абужчид̇ваа ‘‘гим̣жид̇д̇о д̇вам̣ бхигкуу’’д̇и жид̇д̇амзва д̇хурам̣ гад̇ваа бужчад̇и. ‘‘ат̇зяяажид̇д̇о ахам̣ бхаг̇аваа’’д̇и жа вуд̇д̇з ‘анаабад̇д̇и ат̇зяяапассассаа’д̇иаад̣̇ийни авад̇ваа ‘‘анаабад̇д̇и бхигку ат̇зяяажид̇д̇ассаа’’д̇и вад̣̇ад̇и.

    Lokiyadhammañhi patvā cittaṃ jeṭṭhakaṃ cittaṃ dhuraṃ cittaṃ pubbaṅgamaṃ hoti. Lokuttaradhammaṃ patvā paññā jeṭṭhikā paññā dhurā paññā pubbaṅgamā. Teneva bhagavā vinayapariyāyaṃ patvā pañhaṃ pucchanto ‘kiṃphassosi, kiṃvedanosi, kiṃsaññosi, kiṃcetanosī’ti apucchitvā ‘‘kiṃcitto tvaṃ bhikkhū’’ti cittameva dhuraṃ katvā pucchati. ‘‘Atheyyacitto ahaṃ bhagavā’’ti ca vutte ‘anāpatti atheyyaphassassā’tiādīni avatvā ‘‘anāpatti bhikkhu atheyyacittassā’’ti vadati.

    на гзвалан̃жа винаяабарияааяам̣, ан̃н̃амби логияад̣̇зсанам̣ д̣̇зсзнд̇о жид̇д̇амзва д̇хурам̣ гад̇ваа д̣̇зсзд̇и. яат̇ааха – ‘‘яз гзжи, бхигкавз, д̇хаммаа агусалаа агусалабхааг̇ияаа агусалабагкигаа саб̣б̣зд̇з манобуб̣б̣ан̇г̇амаа. мано д̇зсам̣ д̇хаммаанам̣ батамам̣ уббаж̇ж̇ад̇и’’ (а. ни. 1.56).

    Na kevalañca vinayapariyāyaṃ, aññampi lokiyadesanaṃ desento cittameva dhuraṃ katvā deseti. Yathāha – ‘‘ye keci, bhikkhave, dhammā akusalā akusalabhāgiyā akusalapakkhikā sabbete manopubbaṅgamā. Mano tesaṃ dhammānaṃ paṭhamaṃ uppajjati’’ (a. ni. 1.56).

    ‘‘манобуб̣б̣ан̇г̇амаа д̇хаммаа, маносздтаа маномаяаа;

    ‘‘Manopubbaṅgamā dhammā, manoseṭṭhā manomayā;

    манасаа жз бад̣̇удтзна, бхаасад̇и ваа гарод̇и ваа;

    Manasā ce paduṭṭhena, bhāsati vā karoti vā;

    д̇ад̇о нам̣ д̣̇угкаманвзд̇и, жаггам̣ва вахад̇о бад̣̇ам̣.

    Tato naṃ dukkhamanveti, cakkaṃva vahato padaṃ.

    ‘‘манобуб̣б̣ан̇г̇амаа д̇хаммаа, маносздтаа маномаяаа;

    ‘‘Manopubbaṅgamā dhammā, manoseṭṭhā manomayā;

    манасаа жз басаннзна, бхаасад̇и ваа гарод̇и ваа;

    Manasā ce pasannena, bhāsati vā karoti vā;

    д̇ад̇о нам̣ сукаманвзд̇и, чааяаава анабааяиний’’. (д̇ха. ба. 1,2);

    Tato naṃ sukhamanveti, chāyāva anapāyinī’’. (dha. pa. 1,2);

    ‘‘жид̇д̇зна нийяад̇и лого, жид̇д̇зна баригассад̇и;

    ‘‘Cittena nīyati loko, cittena parikassati;

    жид̇д̇асса згад̇хаммасса, саб̣б̣зва васаманваг̇уу’’. (сам̣. ни. 1.62);

    Cittassa ekadhammassa, sabbeva vasamanvagū’’. (saṃ. ni. 1.62);

    ‘‘жид̇д̇асам̣гилзсаа, бхигкавз, сад̇д̇аа сам̣гилиссанд̇и жид̇д̇авод̣̇аанаа висуж̇жханд̇и’’ (сам̣. ни. 3.100);

    ‘‘Cittasaṃkilesā, bhikkhave, sattā saṃkilissanti cittavodānā visujjhanti’’ (saṃ. ni. 3.100);

    ‘‘бабхассарамид̣̇ам̣, бхигкавз, жид̇д̇ам̣, д̇ан̃жа ко ааг̇анд̇угзхи убаггилзсзхи убаггилидтам̣’’ (а. ни. 1.49);

    ‘‘Pabhassaramidaṃ, bhikkhave, cittaṃ, tañca kho āgantukehi upakkilesehi upakkiliṭṭhaṃ’’ (a. ni. 1.49);

    ‘‘жид̇д̇з , г̇ахабад̇и, арагкид̇з гааяагаммамби арагкид̇ам̣ ход̇и, важийгаммамби арагкид̇ам̣ ход̇и, маногаммамби арагкид̇ам̣ ход̇и; жид̇д̇з, г̇ахабад̇и, рагкид̇з…бз… жид̇д̇з, г̇ахабад̇и, б̣яаабаннз…бз… жид̇д̇з, г̇ахабад̇и, аб̣яаабаннз…бз… жид̇д̇з, г̇ахабад̇и, авассуд̇з…бз… жид̇д̇з, г̇ахабад̇и, анавассуд̇з гааяагаммамби анавассуд̇ам̣ ход̇и, важийгаммамби анавассуд̇ам̣ ход̇и, маногаммамби анавассуд̇ам̣ ход̇ий’’д̇и (а. ни. 3.110).

    ‘‘Citte , gahapati, arakkhite kāyakammampi arakkhitaṃ hoti, vacīkammampi arakkhitaṃ hoti, manokammampi arakkhitaṃ hoti; citte, gahapati, rakkhite…pe… citte, gahapati, byāpanne…pe… citte, gahapati, abyāpanne…pe… citte, gahapati, avassute…pe… citte, gahapati, anavassute kāyakammampi anavassutaṃ hoti, vacīkammampi anavassutaṃ hoti, manokammampi anavassutaṃ hotī’’ti (a. ni. 3.110).

    звам̣ логияад̇хаммам̣ бад̇ваа жид̇д̇ам̣ ж̇здтагам̣ ход̇и, жид̇д̇ам̣ д̇хурам̣ ход̇и, жид̇д̇ам̣ буб̣б̣ан̇г̇амам̣ ход̇ийд̇и взд̣̇ид̇аб̣б̣ам̣. имзсу бана суд̇д̇зсу згам̣ ваа д̣̇вз ваа аг̇г̇ахзд̇ваа суд̇д̇аанурагкан̣ад̇т̇ааяа саб̣б̣ааниби г̇ахид̇аанийд̇и взд̣̇ид̇аб̣б̣аани.

    Evaṃ lokiyadhammaṃ patvā cittaṃ jeṭṭhakaṃ hoti, cittaṃ dhuraṃ hoti, cittaṃ pubbaṅgamaṃ hotīti veditabbaṃ. Imesu pana suttesu ekaṃ vā dve vā aggahetvā suttānurakkhaṇatthāya sabbānipi gahitānīti veditabbāni.

    логуд̇д̇арад̇хаммам̣ бужчанд̇о бана ‘гад̇арапассам̣ ад̇хиг̇ад̇оси, гад̇аравзд̣̇анам̣ гад̇арасан̃н̃ам̣ гад̇аражзд̇анам̣ гад̇аражид̇д̇а’нд̇и абужчид̇ваа, ‘гад̇арабан̃н̃ам̣ д̇вам̣ бхигку ад̇хиг̇ад̇о’си, ‘гим̣ батамам̣ маг̇г̇абан̃н̃ам̣, уд̣̇ааху д̣̇уд̇ияам̣…бз… д̇ад̇ияам̣…бз… жад̇уд̇т̇ам̣ маг̇г̇абан̃н̃ам̣ ад̇хиг̇ад̇о’д̇и бан̃н̃ам̣ ж̇здтигам̣ бан̃н̃ам̣ д̇хурам̣ гад̇ваа бужчад̇и. бан̃н̃уд̇д̇араа саб̣б̣з гусалаа д̇хаммаа на барихааяанд̇и. бан̃н̃аа бана гимад̇т̇ияаа (ма. ни. 1.451)? ‘‘бан̃н̃авад̇о, бхигкавз, арияасаавагасса д̇ад̣̇анваяаа сад̣̇д̇хаа сан̣таад̇и, д̇ад̣̇анваяам̣ вийрияам̣ сан̣таад̇и, д̇ад̣̇анваяаа сад̇и сан̣таад̇и, д̇ад̣̇анваяо самаад̇хи сан̣таад̇ий’’д̇и (сам̣. ни. 5.515) звамаад̣̇ийни банзд̇т̇а суд̇д̇аани д̣̇адтаб̣б̣аани. ид̇и логуд̇д̇арад̇хаммам̣ бад̇ваа бан̃н̃аа ж̇здтигаа ход̇и бан̃н̃аа д̇хураа бан̃н̃аа буб̣б̣ан̇г̇амаад̇и взд̣̇ид̇аб̣б̣аа. аяам̣ бана логияад̣̇зсанаа. д̇асмаа жид̇д̇ам̣ д̇хурам̣ гад̇ваа д̣̇зсзнд̇о ‘‘жид̇д̇ам̣ уббаннам̣ ход̇ий’’д̇и ааха.

    Lokuttaradhammaṃ pucchanto pana ‘kataraphassaṃ adhigatosi, kataravedanaṃ katarasaññaṃ kataracetanaṃ kataracitta’nti apucchitvā, ‘katarapaññaṃ tvaṃ bhikkhu adhigato’si, ‘kiṃ paṭhamaṃ maggapaññaṃ, udāhu dutiyaṃ…pe… tatiyaṃ…pe… catutthaṃ maggapaññaṃ adhigato’ti paññaṃ jeṭṭhikaṃ paññaṃ dhuraṃ katvā pucchati. Paññuttarā sabbe kusalā dhammā na parihāyanti. Paññā pana kimatthiyā (ma. ni. 1.451)? ‘‘Paññavato, bhikkhave, ariyasāvakassa tadanvayā saddhā saṇṭhāti, tadanvayaṃ vīriyaṃ saṇṭhāti, tadanvayā sati saṇṭhāti, tadanvayo samādhi saṇṭhātī’’ti (saṃ. ni. 5.515) evamādīni panettha suttāni daṭṭhabbāni. Iti lokuttaradhammaṃ patvā paññā jeṭṭhikā hoti paññā dhurā paññā pubbaṅgamāti veditabbā. Ayaṃ pana lokiyadesanā. Tasmā cittaṃ dhuraṃ katvā desento ‘‘cittaṃ uppannaṃ hotī’’ti āha.

    соманассасахаг̇ад̇анд̇и саад̇амад̇хуравзд̣̇аяид̇асан̇каад̇зна соманассзна саха згуббаад̣̇аад̣̇ибхаавам̣ г̇ад̇ам̣. аяам̣ бана ‘сахаг̇ад̇а’-сад̣̇д̣̇о д̇аб̣бхаавз вогин̣н̣з ниссаяз аарамман̣з сам̣садтзд̇и имзсу ад̇т̇зсу д̣̇иссад̇и. д̇ад̇т̇а ‘‘яааяам̣ д̇ан̣хаа боноб̣бхавигаа нанд̣̇ирааг̇асахаг̇ад̇аа’’д̇и (вибха. 203) д̇аб̣бхаавз взд̣̇ид̇аб̣б̣о; нанд̣̇ирааг̇абхууд̇аад̇и ад̇т̇о. ‘‘яаа, бхигкавз, виймам̣саа госаж̇ж̇асахаг̇ад̇аа госаж̇ж̇асамбаяуд̇д̇аа’’д̇и (сам̣. ни. 5.832) вогин̣н̣з взд̣̇ид̇аб̣б̣о; анд̇аранд̇араа уббаж̇ж̇амаанзна госаж̇ж̇зна вогин̣н̣аад̇и аяамзд̇т̇а ад̇т̇о. ‘‘адтигасан̃н̃аасахаг̇ад̇ам̣ сад̇исамб̣ож̇жхан̇г̇ам̣ бхаавзд̇ий’’д̇и (сам̣. ни. 5.238) ниссаяз взд̣̇ид̇аб̣б̣о; адтигасан̃н̃ам̣ ниссааяа адтигасан̃н̃ам̣ бхаавзд̇ваа бадилад̣̇д̇ханд̇и ад̇т̇о. ‘‘лаабхий ход̇и руубасахаг̇ад̇аанам̣ ваа самаабад̇д̇ийнам̣ аруубасахаг̇ад̇аанам̣ ваа’’д̇и (бу. ба. 3-5) аарамман̣з; взд̣̇ид̇аб̣б̣о руубааруубаарамман̣аананд̇и ад̇т̇о. ‘‘ид̣̇ам̣ сукам̣ имааяа бийд̇ияаа сахаг̇ад̇ам̣ ход̇и сахаж̇аад̇ам̣ сам̣садтам̣ самбаяуд̇д̇а’’нд̇и (вибха. 578) сам̣садтз. имасмимби бад̣̇з аяамзвад̇т̇о ад̇хиббзд̇о. соманассасам̣садтан̃хи ид̇ха соманассасахаг̇ад̇анд̇и вуд̇д̇ам̣.

    Somanassasahagatanti sātamadhuravedayitasaṅkhātena somanassena saha ekuppādādibhāvaṃ gataṃ. Ayaṃ pana ‘sahagata’-saddo tabbhāve vokiṇṇe nissaye ārammaṇe saṃsaṭṭheti imesu atthesu dissati. Tattha ‘‘yāyaṃ taṇhā ponobbhavikā nandirāgasahagatā’’ti (vibha. 203) tabbhāve veditabbo; nandirāgabhūtāti attho. ‘‘Yā, bhikkhave, vīmaṃsā kosajjasahagatā kosajjasampayuttā’’ti (saṃ. ni. 5.832) vokiṇṇe veditabbo; antarantarā uppajjamānena kosajjena vokiṇṇāti ayamettha attho. ‘‘Aṭṭhikasaññāsahagataṃ satisambojjhaṅgaṃ bhāvetī’’ti (saṃ. ni. 5.238) nissaye veditabbo; aṭṭhikasaññaṃ nissāya aṭṭhikasaññaṃ bhāvetvā paṭiladdhanti attho. ‘‘Lābhī hoti rūpasahagatānaṃ vā samāpattīnaṃ arūpasahagatānaṃ vā’’ti (pu. pa. 3-5) ārammaṇe; veditabbo rūpārūpārammaṇānanti attho. ‘‘Idaṃ sukhaṃ imāya pītiyā sahagataṃ hoti sahajātaṃ saṃsaṭṭhaṃ sampayutta’’nti (vibha. 578) saṃsaṭṭhe. Imasmimpi pade ayamevattho adhippeto. Somanassasaṃsaṭṭhañhi idha somanassasahagatanti vuttaṃ.

    ‘сам̣садта’-сад̣̇д̣̇оби жзса сад̣̇исз авассуд̇з мид̇д̇асант̇авз сахаж̇аад̇зд̇и б̣ахуусу ад̇т̇зсу д̣̇иссад̇и. аяан̃хи ‘‘гисз т̇уулз виваж̇ж̇зд̇ваа сам̣садтаа яож̇ид̇аа хаяаа’’д̇и (ж̇аа. 2.22.70) зд̇т̇а сад̣̇исз ааг̇ад̇о. ‘‘сам̣садтаава д̇умхз аяяз вихарат̇аа’’д̇и (баажи. 727) авассуд̇з. ‘‘г̇ихи сам̣садто вихарад̇ий’’д̇и (сам̣. ни. 3.3) мид̇д̇асант̇авз. ‘‘ид̣̇ам̣ сукам̣ имааяа бийд̇ияаа сахаг̇ад̇ам̣ ход̇и сахаж̇аад̇ам̣ сам̣садтам̣ самбаяуд̇д̇а’’нд̇и сахаж̇аад̇з. ид̇хааби сахаж̇аад̇з ад̇хиббзд̇о. д̇ад̇т̇а ‘сахаг̇ад̇ам̣’ асахаж̇аад̇ам̣ асам̣садтам̣ асамбаяуд̇д̇ам̣ наама над̇т̇и. сахаж̇аад̇ам̣ бана сам̣садтам̣ самбаяуд̇д̇ам̣ ход̇иби, на ход̇иби . руубааруубад̇хаммзсу хи згад̇о ж̇аад̇зсу руубам̣ аруубзна сахаж̇аад̇ам̣ ход̇и, на сам̣садтам̣, на самбаяуд̇д̇ам̣; д̇ат̇аа аруубам̣ руубзна; руубан̃жа руубзна; аруубам̣ бана аруубзна сад̣̇д̇хим̣ нияамад̇ова сахаг̇ад̇ам̣ сахаж̇аад̇ам̣ сам̣садтам̣ самбаяуд̇д̇амзва ход̇ийд̇и. д̇ам̣ санд̇хааяа вуд̇д̇ам̣ ‘соманассасахаг̇ад̇а’нд̇и.

    ‘Saṃsaṭṭha’-saddopi cesa sadise avassute mittasanthave sahajāteti bahūsu atthesu dissati. Ayañhi ‘‘kise thūle vivajjetvā saṃsaṭṭhā yojitā hayā’’ti (jā. 2.22.70) ettha sadise āgato. ‘‘Saṃsaṭṭhāva tumhe ayye viharathā’’ti (pāci. 727) avassute. ‘‘Gihi saṃsaṭṭho viharatī’’ti (saṃ. ni. 3.3) mittasanthave. ‘‘Idaṃ sukhaṃ imāya pītiyā sahagataṃ hoti sahajātaṃ saṃsaṭṭhaṃ sampayutta’’nti sahajāte. Idhāpi sahajāte adhippeto. Tattha ‘sahagataṃ’ asahajātaṃ asaṃsaṭṭhaṃ asampayuttaṃ nāma natthi. Sahajātaṃ pana saṃsaṭṭhaṃ sampayuttaṃ hotipi, na hotipi . Rūpārūpadhammesu hi ekato jātesu rūpaṃ arūpena sahajātaṃ hoti, na saṃsaṭṭhaṃ, na sampayuttaṃ; tathā arūpaṃ rūpena; rūpañca rūpena; arūpaṃ pana arūpena saddhiṃ niyamatova sahagataṃ sahajātaṃ saṃsaṭṭhaṃ sampayuttameva hotīti. Taṃ sandhāya vuttaṃ ‘somanassasahagata’nti.

    н̃аан̣асамбаяуд̇д̇анд̇и н̃аан̣зна самбаяуд̇д̇ам̣, самам̣ згуббаад̣̇аад̣̇иббагаарзхи яуд̇д̇анд̇и ад̇т̇о. яам̣ банзд̇т̇а вад̇д̇аб̣б̣ам̣ сияаа д̇ам̣ маад̇игааван̣н̣анааяа взд̣̇анаад̇д̇игз вуд̇д̇анаяамзва. д̇асмаа згуббаад̣̇аа зганирод̇хаа згавад̇т̇угаа згаарамман̣аад̇и иминаа лагкан̣знзд̇ам̣ самбаяуд̇д̇анд̇и взд̣̇ид̇аб̣б̣ам̣. уггадтанид̣̇д̣̇зсо жзса. аруубз бана винааби згавад̇т̇угабхаавам̣ самбаяог̇о лаб̣бхад̇и.

    Ñāṇasampayuttanti ñāṇena sampayuttaṃ, samaṃ ekuppādādippakārehi yuttanti attho. Yaṃ panettha vattabbaṃ siyā taṃ mātikāvaṇṇanāya vedanāttike vuttanayameva. Tasmā ekuppādā ekanirodhā ekavatthukā ekārammaṇāti iminā lakkhaṇenetaṃ sampayuttanti veditabbaṃ. Ukkaṭṭhaniddeso cesa. Arūpe pana vināpi ekavatthukabhāvaṃ sampayogo labbhati.

    зд̇д̇аавад̇аа гим̣ гат̇ид̇ам̣? гаамааважарагусалзсу соманассасахаг̇ад̇ам̣ д̇ихзд̇угам̣ н̃аан̣асамбаяуд̇д̇ам̣ асан̇кааригам̣ махаажид̇д̇ам̣ гат̇ид̇ам̣. ‘‘гад̇амз д̇хаммаа гусалаа’’д̇и хи анияамид̇абужчааяа жад̇убхуумагагусалам̣ г̇ахид̇ам̣. ‘гаамааважарам̣ гусалам̣ жид̇д̇ам̣ уббаннам̣ ход̇ий’д̇и важанзна бана д̇збхуумагам̣ гусалам̣ барижжаж̇ид̇ваа, адтавид̇хам̣ гаамааважарагусаламзва г̇ахид̇ам̣. ‘соманассасахаг̇ад̇а’нд̇и важанзна д̇ад̇о жад̇уб̣б̣ид̇хам̣ убзгкаасахаг̇ад̇ам̣ барижжаж̇ид̇ваа жад̇уб̣б̣ид̇хам̣ соманассасахаг̇ад̇амзва г̇ахид̇ам̣. ‘н̃аан̣асамбаяуд̇д̇а’нд̇и важанзна д̇ад̇о д̣̇увид̇хам̣ н̃аан̣авиббаяуд̇д̇ам̣ барижжаж̇ид̇ваа д̣̇вз н̃аан̣асамбаяуд̇д̇аанзва г̇ахид̇аани. асан̇кааригабхааво бана анаабхадтад̇ааязва на г̇ахид̇о. гин̃жааби на г̇ахид̇о, барад̇о бана ‘сасан̇каарзнаа’д̇и важанад̇о ид̇ха ‘асан̇каарзнаа’д̇и авуд̇д̇зби асан̇кааригабхааво взд̣̇ид̇аб̣б̣о. саммаасамб̣уд̣̇д̇хо хи аад̣̇ид̇ова ид̣̇ам̣ махаажид̇д̇ам̣ бхааж̇зд̇ваа д̣̇ассзд̇ум̣ нияамзд̇ваава имам̣ д̣̇зсанам̣ аарабхийд̇и звамзд̇т̇а саннидтаанам̣ гад̇анд̇и взд̣̇ид̇аб̣б̣ам̣.

    Ettāvatā kiṃ kathitaṃ? Kāmāvacarakusalesu somanassasahagataṃ tihetukaṃ ñāṇasampayuttaṃ asaṅkhārikaṃ mahācittaṃ kathitaṃ. ‘‘Katame dhammā kusalā’’ti hi aniyamitapucchāya catubhūmakakusalaṃ gahitaṃ. ‘Kāmāvacaraṃ kusalaṃ cittaṃ uppannaṃ hotī’ti vacanena pana tebhūmakaṃ kusalaṃ pariccajitvā, aṭṭhavidhaṃ kāmāvacarakusalameva gahitaṃ. ‘Somanassasahagata’nti vacanena tato catubbidhaṃ upekkhāsahagataṃ pariccajitvā catubbidhaṃ somanassasahagatameva gahitaṃ. ‘Ñāṇasampayutta’nti vacanena tato duvidhaṃ ñāṇavippayuttaṃ pariccajitvā dve ñāṇasampayuttāneva gahitāni. Asaṅkhārikabhāvo pana anābhaṭṭhatāyeva na gahito. Kiñcāpi na gahito, parato pana ‘sasaṅkhārenā’ti vacanato idha ‘asaṅkhārenā’ti avuttepi asaṅkhārikabhāvo veditabbo. Sammāsambuddho hi āditova idaṃ mahācittaṃ bhājetvā dassetuṃ niyametvāva imaṃ desanaṃ ārabhīti evamettha sanniṭṭhānaṃ katanti veditabbaṃ.

    ид̣̇аани д̇амзва жид̇д̇ам̣ аарамман̣ад̇о д̣̇ассзд̇ум̣ руубаарамман̣ам̣ ваад̇иаад̣̇имааха. бхаг̇аваа хи аруубад̇хаммам̣ д̣̇ассзнд̇о вад̇т̇унаа ваа д̣̇ассзд̇и, аарамман̣зна ваа, вад̇т̇аарамман̣зхи ваа, сарасабхаавзна ваа. ‘‘жагкусампассо…бз… маносампассо; жагкусампассаж̇аа взд̣̇анаа…бз… маносампассаж̇аа взд̣̇анаа; жагкувин̃н̃аан̣ам̣…бз… мановин̃н̃аан̣а’’нд̇иаад̣̇ийсу хи вад̇т̇унаа аруубад̇хаммаа д̣̇ассид̇аа. ‘‘руубасан̃н̃аа…бз… д̇хаммасан̃н̃аа, руубасан̃жзд̇анаа…бз… д̇хаммасан̃жзд̇анаа’’д̇иаад̣̇ийсу аарамман̣зна. ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо’’д̇иаад̣̇ийсу (сам̣. ни. 4.60) вад̇т̇аарамман̣зхи. ‘‘авиж̇ж̇аабажжаяаа , бхигкавз, сан̇каараа, сан̇каарабажжаяаа вин̃н̃аан̣а’’нд̇иаад̣̇ийсу (сам̣. ни. 2.1) сарасабхаавзна аруубад̇хаммаа д̣̇ассид̇аа. имасмим̣ бана таанз аарамман̣зна д̣̇ассзнд̇о ‘руубаарамман̣ам̣’ ваад̇иаад̣̇имааха.

    Idāni tameva cittaṃ ārammaṇato dassetuṃ rūpārammaṇaṃ vātiādimāha. Bhagavā hi arūpadhammaṃ dassento vatthunā vā dasseti, ārammaṇena vā, vatthārammaṇehi vā, sarasabhāvena vā. ‘‘Cakkhusamphasso…pe… manosamphasso; cakkhusamphassajā vedanā…pe… manosamphassajā vedanā; cakkhuviññāṇaṃ…pe… manoviññāṇa’’ntiādīsu hi vatthunā arūpadhammā dassitā. ‘‘Rūpasaññā…pe… dhammasaññā, rūpasañcetanā…pe… dhammasañcetanā’’tiādīsu ārammaṇena. ‘‘Cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso…pe… manañca paṭicca dhamme ca uppajjati manoviññāṇaṃ, tiṇṇaṃ saṅgati phasso’’tiādīsu (saṃ. ni. 4.60) vatthārammaṇehi. ‘‘Avijjāpaccayā , bhikkhave, saṅkhārā, saṅkhārapaccayā viññāṇa’’ntiādīsu (saṃ. ni. 2.1) sarasabhāvena arūpadhammā dassitā. Imasmiṃ pana ṭhāne ārammaṇena dassento ‘rūpārammaṇaṃ’ vātiādimāha.

    д̇ад̇т̇а жад̇усамудтаанам̣ ад̇ийд̇аанааг̇ад̇абажжуббаннам̣ руубамзва руубаарамман̣ам̣. д̣̇висамудтаано ад̇ийд̇аанааг̇ад̇абажжуббанно сад̣̇д̣̇ова сад̣̇д̣̇аарамман̣ам̣. жад̇усамудтаано ад̇ийд̇аанааг̇ад̇абажжуббанно г̇анд̇хова г̇анд̇хаарамман̣ам̣. жад̇усамудтаано ад̇ийд̇аанааг̇ад̇абажжуббанно расова расаарамман̣ам̣. жад̇усамудтаанам̣ ад̇ийд̇аанааг̇ад̇абажжуббаннам̣ подтаб̣б̣амзва подтаб̣б̣аарамман̣ам̣. згасамудтаанаа д̣̇висамудтаанаа д̇исамудтаанаа жад̇усамудтаанаа нагуд̇ожисамудтаанаа ад̇ийд̇аанааг̇ад̇абажжуббаннаа жид̇д̇ажзд̇асигаа, д̇ат̇аа навад̇д̇аб̣б̣аа жа, вуд̇д̇аавасзсаа жид̇д̇аг̇ожарасан̇каад̇аа д̇хаммааязва д̇хаммаарамман̣ам̣. яз бана анаабаат̇аг̇ад̇аа руубаад̣̇аяоби д̇хаммаарамман̣амижжзва вад̣̇анд̇и д̇з иминаа суд̇д̇зна бадигкибид̇аб̣б̣аа. вуд̇д̇ан̃хзд̇ам̣ –

    Tattha catusamuṭṭhānaṃ atītānāgatapaccuppannaṃ rūpameva rūpārammaṇaṃ. Dvisamuṭṭhāno atītānāgatapaccuppanno saddova saddārammaṇaṃ. Catusamuṭṭhāno atītānāgatapaccuppanno gandhova gandhārammaṇaṃ. Catusamuṭṭhāno atītānāgatapaccuppanno rasova rasārammaṇaṃ. Catusamuṭṭhānaṃ atītānāgatapaccuppannaṃ phoṭṭhabbameva phoṭṭhabbārammaṇaṃ. Ekasamuṭṭhānā dvisamuṭṭhānā tisamuṭṭhānā catusamuṭṭhānā nakutocisamuṭṭhānā atītānāgatapaccuppannā cittacetasikā, tathā navattabbā ca, vuttāvasesā cittagocarasaṅkhātā dhammāyeva dhammārammaṇaṃ. Ye pana anāpāthagatā rūpādayopi dhammārammaṇamicceva vadanti te iminā suttena paṭikkhipitabbā. Vuttañhetaṃ –

    ‘‘имзсам̣ ко, аавусо, бан̃жаннам̣ инд̣̇рияаанам̣ наанаависаяаанам̣ наанааг̇ожараанам̣ на ан̃н̃аман̃н̃асса г̇ожарависаяам̣ бажжанубхонд̇аанам̣ мано бадисаран̣ам̣ мано нзсам̣ г̇ожарависаяам̣ бажжанубход̇ий’’д̇и (ма. ни. 1.455).

    ‘‘Imesaṃ kho, āvuso, pañcannaṃ indriyānaṃ nānāvisayānaṃ nānāgocarānaṃ na aññamaññassa gocaravisayaṃ paccanubhontānaṃ mano paṭisaraṇaṃ mano nesaṃ gocaravisayaṃ paccanubhotī’’ti (ma. ni. 1.455).

    зд̇зсан̃хи руубаарамман̣аад̣̇ийни г̇ожарависаяо наама. д̇аани манзна бажжанубхавияамаанааниби руубаарамман̣аад̣̇ийниязваад̇и аяамад̇т̇о сид̣̇д̇хо ход̇и. д̣̇иб̣б̣ажагкун̃аан̣аад̣̇ийнан̃жа руубаад̣̇иаарамман̣ад̇д̇ааби аяамад̇т̇о сид̣̇д̇хоязва ход̇и. анаабаат̇аг̇ад̇аанзва хи руубаарамман̣аад̣̇ийни д̣̇иб̣б̣ажагкуаад̣̇ийнам̣ аарамман̣аани, на жа д̇аани д̇хаммаарамман̣аани бхаванд̇ийд̇и вуд̇д̇анаязнзва аарамман̣ававад̇т̇аанам̣ взд̣̇ид̇аб̣б̣ам̣.

    Etesañhi rūpārammaṇādīni gocaravisayo nāma. Tāni manena paccanubhaviyamānānipi rūpārammaṇādīniyevāti ayamattho siddho hoti. Dibbacakkhuñāṇādīnañca rūpādiārammaṇattāpi ayamattho siddhoyeva hoti. Anāpāthagatāneva hi rūpārammaṇādīni dibbacakkhuādīnaṃ ārammaṇāni, na ca tāni dhammārammaṇāni bhavantīti vuttanayeneva ārammaṇavavatthānaṃ veditabbaṃ.

    д̇ад̇т̇а згзгам̣ аарамман̣ам̣ д̣̇вийсу д̣̇вийсу д̣̇ваарзсу аабаат̇амааг̇ажчад̇и. руубаарамман̣ан̃хи жагкубасаад̣̇ам̣ гхаддзд̇ваа д̇ан̇кан̣ан̃н̃зва манод̣̇ваарз аабаат̇амааг̇ажчад̇и; бхаван̇г̇ажаланасса бажжаяо ход̇ийд̇и ад̇т̇о. сад̣̇д̣̇аг̇анд̇харасаподтаб̣б̣аарамман̣зсуби зсзва наяо. яат̇аа хи сагун̣о аагаасзнааг̇анд̇ваа ругкаг̇г̇з нилийяамаанова ругкасаакан̃жа гхаддзд̇и, чааяаа жасса бат̇авияам̣ бадихан̃н̃ад̇и саакаагхадданачааяаапаран̣аани абуб̣б̣ам̣ ажаримам̣ згагкан̣зязва бхаванд̇и, звам̣ бажжуббаннаруубаад̣̇ийнам̣ жагкубасаад̣̇аад̣̇игхадданан̃жа бхаван̇г̇ажаланасамад̇т̇ад̇ааяа манод̣̇ваарз аабаат̇аг̇аманан̃жа абуб̣б̣ам̣ ажаримам̣ згагкан̣зязва ход̇и. д̇ад̇о бхаван̇г̇ам̣ вижчинд̣̇ид̇ваа жагкуд̣̇ваараад̣̇ийсу уббаннаанам̣ ааваж̇ж̇анаад̣̇ийнам̣ водтаб̣б̣анабарияосаанаанам̣ ананд̇араа д̇зсам̣ аарамман̣аанам̣ ан̃н̃ад̇арасмим̣ ид̣̇ам̣ махаажид̇д̇ам̣ уббаж̇ж̇ад̇и.

    Tattha ekekaṃ ārammaṇaṃ dvīsu dvīsu dvāresu āpāthamāgacchati. Rūpārammaṇañhi cakkhupasādaṃ ghaṭṭetvā taṅkhaṇaññeva manodvāre āpāthamāgacchati; bhavaṅgacalanassa paccayo hotīti attho. Saddagandharasaphoṭṭhabbārammaṇesupi eseva nayo. Yathā hi sakuṇo ākāsenāgantvā rukkhagge nilīyamānova rukkhasākhañca ghaṭṭeti, chāyā cassa pathaviyaṃ paṭihaññati sākhāghaṭṭanachāyāpharaṇāni apubbaṃ acarimaṃ ekakkhaṇeyeva bhavanti, evaṃ paccuppannarūpādīnaṃ cakkhupasādādighaṭṭanañca bhavaṅgacalanasamatthatāya manodvāre āpāthagamanañca apubbaṃ acarimaṃ ekakkhaṇeyeva hoti. Tato bhavaṅgaṃ vicchinditvā cakkhudvārādīsu uppannānaṃ āvajjanādīnaṃ voṭṭhabbanapariyosānānaṃ anantarā tesaṃ ārammaṇānaṃ aññatarasmiṃ idaṃ mahācittaṃ uppajjati.

    суд̣̇д̇хаманод̣̇ваарз бана басаад̣̇агхадданагижжам̣ над̇т̇и. багад̇ияаа д̣̇идтасуд̇агхааяид̇асааяид̇апудтавасзнзва зд̇аани аарамман̣аани аабаат̇амааг̇ажчанд̇и. гат̇ам̣? ид̇хзгажжо гад̇асуд̇хаагаммам̣ харид̇ааламаносилаад̣̇иван̣н̣авижид̇д̇ам̣ баг̇г̇ахид̇анаанаббагаарад̇хаж̇абадаагам̣ маалаад̣̇аамавинад̣̇д̇хам̣ д̣̇ийбамаалаабаригкид̇д̇ам̣ ад̇иманорамааяа сирияаа вирожамаанам̣ алан̇гад̇абадияад̇д̇ам̣ махаажзд̇ияам̣ бад̣̇агкин̣ам̣ гад̇ваа сол̣асасу баад̣̇абидтигаасу бан̃жабад̇идтид̇зна ванд̣̇ид̇ваа ан̃ж̇алим̣ баг̇г̇аяха уллогзнд̇о б̣уд̣̇д̇хаарамман̣ам̣ бийд̇им̣ г̇ахзд̇ваа д̇идтад̇и. д̇асса звам̣ жзд̇ияам̣ бассид̇ваа б̣уд̣̇д̇хаарамман̣ам̣ бийд̇им̣ ниб̣б̣ад̇д̇зд̇ваа абарабхааг̇з яад̇т̇а гад̇т̇ажи г̇ад̇асса рад̇д̇идтаанад̣̇иваадтаанзсу нисиннасса ааваж̇ж̇амаанасса алан̇гад̇абадияад̇д̇ам̣ махаажзд̇ияам̣ жагкуд̣̇ваарз аабаат̇амааг̇ад̇асад̣̇исамзва ход̇и, бад̣̇агкин̣ам̣ гад̇ваа жзд̇ияаванд̣̇анагаало вияа ход̇и. звам̣ д̇аава д̣̇идтавасзна руубаарамман̣ам̣ аабаат̇амааг̇ажчад̇и.

    Suddhamanodvāre pana pasādaghaṭṭanakiccaṃ natthi. Pakatiyā diṭṭhasutaghāyitasāyitaphuṭṭhavaseneva etāni ārammaṇāni āpāthamāgacchanti. Kathaṃ? Idhekacco katasudhākammaṃ haritālamanosilādivaṇṇavicittaṃ paggahitanānappakāradhajapaṭākaṃ mālādāmavinaddhaṃ dīpamālāparikkhittaṃ atimanoramāya siriyā virocamānaṃ alaṅkatapaṭiyattaṃ mahācetiyaṃ padakkhiṇaṃ katvā soḷasasu pādapiṭṭhikāsu pañcapatiṭṭhitena vanditvā añjaliṃ paggayha ullokento buddhārammaṇaṃ pītiṃ gahetvā tiṭṭhati. Tassa evaṃ cetiyaṃ passitvā buddhārammaṇaṃ pītiṃ nibbattetvā aparabhāge yattha katthaci gatassa rattiṭṭhānadivāṭṭhānesu nisinnassa āvajjamānassa alaṅkatapaṭiyattaṃ mahācetiyaṃ cakkhudvāre āpāthamāgatasadisameva hoti, padakkhiṇaṃ katvā cetiyavandanakālo viya hoti. Evaṃ tāva diṭṭhavasena rūpārammaṇaṃ āpāthamāgacchati.

    мад̇хурзна бана сарзна д̇хаммагат̇игасса ваа д̇хаммам̣ гат̇знд̇асса, сарабхаан̣агасса ваа сарзна бхан̣анд̇асса сад̣̇д̣̇ам̣ суд̇ваа абарабхааг̇з яад̇т̇а гад̇т̇ажи нисийд̣̇ид̇ваа ааваж̇ж̇амаанасса д̇хаммагат̇аа ваа сарабхан̃н̃ам̣ ваа сод̇ад̣̇ваарз аабаат̇амааг̇ад̇ам̣ вияа ход̇и, саад̇хугаарам̣ д̣̇ад̇ваа сун̣анагаало вияа ход̇и. звам̣ суд̇авасзна сад̣̇д̣̇аарамман̣ам̣ аабаат̇амааг̇ажчад̇и.

    Madhurena pana sarena dhammakathikassa vā dhammaṃ kathentassa, sarabhāṇakassa vā sarena bhaṇantassa saddaṃ sutvā aparabhāge yattha katthaci nisīditvā āvajjamānassa dhammakathā vā sarabhaññaṃ vā sotadvāre āpāthamāgataṃ viya hoti, sādhukāraṃ datvā suṇanakālo viya hoti. Evaṃ sutavasena saddārammaṇaṃ āpāthamāgacchati.

    суг̇анд̇хам̣ бана г̇анд̇хам̣ ваа маалам̣ ваа лабхид̇ваа аасанз ваа жзд̇ияз ваа г̇анд̇хаарамман̣зна жид̇д̇зна бууж̇ам̣ гад̇ваа абарабхааг̇з яад̇т̇а гад̇т̇ажи нисийд̣̇ид̇ваа ааваж̇ж̇амаанасса д̇ам̣ г̇анд̇хаарамман̣ам̣ гхаанад̣̇ваарз аабаат̇амааг̇ад̇ам̣ вияа ход̇и, бууж̇аагаран̣агаало вияа ход̇и. звам̣ гхааяид̇авасзна г̇анд̇хаарамман̣ам̣ аабаат̇амааг̇ажчад̇и.

    Sugandhaṃ pana gandhaṃ vā mālaṃ vā labhitvā āsane vā cetiye vā gandhārammaṇena cittena pūjaṃ katvā aparabhāge yattha katthaci nisīditvā āvajjamānassa taṃ gandhārammaṇaṃ ghānadvāre āpāthamāgataṃ viya hoti, pūjākaraṇakālo viya hoti. Evaṃ ghāyitavasena gandhārammaṇaṃ āpāthamāgacchati.

    бан̣ийд̇ам̣ бана каад̣̇анийяам̣ ваа бхож̇анийяам̣ ваа саб̣рахмажаарийхи сад̣̇д̇хим̣ сам̣вибхаж̇ид̇ваа барибхун̃ж̇ид̇ваа абарабхааг̇з яад̇т̇а гад̇т̇ажи гуд̣̇руусагаад̣̇ибхож̇анам̣ лабхид̇ваа ‘асугагаалз бан̣ийд̇ам̣ бхож̇анам̣ саб̣рахмажаарийхи сад̣̇д̇хим̣ сам̣вибхаж̇ид̇ваа барибхуд̇д̇а’нд̇и ааваж̇ж̇амаанасса д̇ам̣ расаарамман̣ам̣ ж̇ивхаад̣̇ваарз аабаат̇амааг̇ад̇ам̣ вияа ход̇и, барибхун̃ж̇анагаало вияа ход̇и. звам̣ сааяид̇авасзна расаарамман̣ам̣ аабаат̇амааг̇ажчад̇и.

    Paṇītaṃ pana khādanīyaṃ vā bhojanīyaṃ vā sabrahmacārīhi saddhiṃ saṃvibhajitvā paribhuñjitvā aparabhāge yattha katthaci kudrūsakādibhojanaṃ labhitvā ‘asukakāle paṇītaṃ bhojanaṃ sabrahmacārīhi saddhiṃ saṃvibhajitvā paribhutta’nti āvajjamānassa taṃ rasārammaṇaṃ jivhādvāre āpāthamāgataṃ viya hoti, paribhuñjanakālo viya hoti. Evaṃ sāyitavasena rasārammaṇaṃ āpāthamāgacchati.

    муд̣̇угам̣ бана сукасампассам̣ ман̃жам̣ ваа бийтам̣ ваа ад̇т̇аран̣абаабуран̣ам̣ ваа барибхун̃ж̇ид̇ваа абарабхааг̇з яад̇т̇а гад̇т̇ажи д̣̇угкасзяяам̣ габбзд̇ваа ‘асугагаалз мз муд̣̇угам̣ ман̃жабийтам̣ ад̇т̇аран̣абаавуран̣ам̣ барибхуд̇д̇а’нд̇и ааваж̇ж̇амаанасса д̇ам̣ подтаб̣б̣аарамман̣ам̣ гааяад̣̇ваарз аабаат̇амааг̇ад̇ам̣ вияа ход̇и. сукасампассам̣ взд̣̇аяид̇агаало вияа ход̇и. звам̣ пудтавасзна подтаб̣б̣аарамман̣ам̣ аабаат̇амааг̇ажчад̇и. звам̣ суд̣̇д̇хаманод̣̇ваарз басаад̣̇агхадданагижжам̣ над̇т̇и. багад̇ияаа д̣̇идтасуд̇агхааяид̇асааяид̇апудтавасзнзва зд̇аани аарамман̣аани аабаат̇амааг̇ажчанд̇ийд̇и взд̣̇ид̇аб̣б̣аани.

    Mudukaṃ pana sukhasamphassaṃ mañcaṃ vā pīṭhaṃ vā attharaṇapāpuraṇaṃ vā paribhuñjitvā aparabhāge yattha katthaci dukkhaseyyaṃ kappetvā ‘asukakāle me mudukaṃ mañcapīṭhaṃ attharaṇapāvuraṇaṃ paribhutta’nti āvajjamānassa taṃ phoṭṭhabbārammaṇaṃ kāyadvāre āpāthamāgataṃ viya hoti. Sukhasamphassaṃ vedayitakālo viya hoti. Evaṃ phuṭṭhavasena phoṭṭhabbārammaṇaṃ āpāthamāgacchati. Evaṃ suddhamanodvāre pasādaghaṭṭanakiccaṃ natthi. Pakatiyā diṭṭhasutaghāyitasāyitaphuṭṭhavaseneva etāni ārammaṇāni āpāthamāgacchantīti veditabbāni.

    ид̣̇аани багад̇ияаа д̣̇идтаад̣̇ийнам̣ васзна аабаат̇аг̇аманз аяамабароби адтагат̇аамуд̇д̇аго наяо ход̇и. д̣̇идтам̣ суд̇ам̣ убхаяасамб̣анд̇ханд̇и имз д̇аава д̣̇идтаад̣̇аяо взд̣̇ид̇аб̣б̣аа. д̇ад̇т̇а ‘д̣̇идтам̣’ наама бан̃жад̣̇вааравасзна г̇ахид̇абуб̣б̣ам̣. ‘суд̇а’нд̇и бажжагкад̇о ад̣̇исваа ануссававасзна г̇ахид̇аа руубаад̣̇аяова. д̇зхи д̣̇вийхиби самб̣анд̇хам̣ ‘убхаяасамб̣анд̇хам̣’ наама. ид̇и имзсамби д̣̇идтаад̣̇ийнам̣ васзна зд̇аани манод̣̇ваарз аабаат̇амааг̇ажчанд̇ийд̇и взд̣̇ид̇аб̣б̣аани. д̇ад̇т̇а д̣̇идтавасзна д̇аава аабаат̇аг̇аманам̣ хздтаа бан̃жахи наязхи вуд̇д̇амзва.

    Idāni pakatiyā diṭṭhādīnaṃ vasena āpāthagamane ayamaparopi aṭṭhakathāmuttako nayo hoti. Diṭṭhaṃ sutaṃ ubhayasambandhanti ime tāva diṭṭhādayo veditabbā. Tattha ‘diṭṭhaṃ’ nāma pañcadvāravasena gahitapubbaṃ. ‘Suta’nti paccakkhato adisvā anussavavasena gahitā rūpādayova. Tehi dvīhipi sambandhaṃ ‘ubhayasambandhaṃ’ nāma. Iti imesampi diṭṭhādīnaṃ vasena etāni manodvāre āpāthamāgacchantīti veditabbāni. Tattha diṭṭhavasena tāva āpāthagamanaṃ heṭṭhā pañcahi nayehi vuttameva.

    згажжо бана сун̣аад̇и – ‘бхаг̇авад̇о бун̃н̃аад̇исаяаниб̣б̣ад̇д̇ам̣ зваруубам̣ наама руубам̣, ад̇имад̇хуро сад̣̇д̣̇о, гисмин̃жи бад̣̇зсз гзсан̃жи бубпаанам̣ ад̇иманун̃н̃о г̇анд̇хо, гзсан̃жи палаанам̣ ад̇имад̇хуро расо, гзсан̃жи баавуран̣аад̣̇ийнам̣ ад̇исуко сампассо’д̇и. д̇асса, жагкубасаад̣̇аад̣̇игхадданам̣ винаа, суд̇амад̇д̇аанзва д̇аани манод̣̇ваарз аабаат̇амааг̇ажчанд̇и. ат̇асса д̇ам̣ жид̇д̇ам̣ д̇асмим̣ руубз ваа сад̣̇д̣̇з ваа басаад̣̇авасзна г̇анд̇хаад̣̇ийсу арияаанам̣ д̣̇аад̇угаамад̇аавасзна ан̃н̃зхи д̣̇иннзсу анумод̣̇анаавасзна ваа бавад̇д̇ад̇и. звам̣ суд̇авасзна зд̇аани манод̣̇ваарз аабаат̇амааг̇ажчанд̇и.

    Ekacco pana suṇāti – ‘bhagavato puññātisayanibbattaṃ evarūpaṃ nāma rūpaṃ, atimadhuro saddo, kismiñci padese kesañci pupphānaṃ atimanuñño gandho, kesañci phalānaṃ atimadhuro raso, kesañci pāvuraṇādīnaṃ atisukho samphasso’ti. Tassa, cakkhupasādādighaṭṭanaṃ vinā, sutamattāneva tāni manodvāre āpāthamāgacchanti. Athassa taṃ cittaṃ tasmiṃ rūpe vā sadde vā pasādavasena gandhādīsu ariyānaṃ dātukāmatāvasena aññehi dinnesu anumodanāvasena vā pavattati. Evaṃ sutavasena etāni manodvāre āpāthamāgacchanti.

    абарзна бана яат̇аавуд̇д̇аани руубаад̣̇ийни д̣̇идтаани ваа суд̇аани ваа хонд̇и. д̇асса ‘ийд̣̇исам̣ руубам̣ ааяад̇им̣ уббаж̇ж̇анагаб̣уд̣̇д̇хассааби бхависсад̇ий’д̇иаад̣̇инаа наязна жагкубасаад̣̇аад̣̇игхадданам̣ винаа д̣̇идтасуд̇асамб̣анд̇хзнзва д̇аани манод̣̇ваарз аабаат̇амааг̇ажчанд̇и. ат̇асса хздтаа вуд̇д̇анаязнзва д̇зсу ан̃н̃ад̇араарамман̣ам̣ ид̣̇ам̣ махаажид̇д̇ам̣ бавад̇д̇ад̇и. звам̣ убхаяасамб̣анд̇хавасзна зд̇аани манод̣̇ваарз аабаат̇амааг̇ажчанд̇и.

    Aparena pana yathāvuttāni rūpādīni diṭṭhāni vā sutāni vā honti. Tassa ‘īdisaṃ rūpaṃ āyatiṃ uppajjanakabuddhassāpi bhavissatī’tiādinā nayena cakkhupasādādighaṭṭanaṃ vinā diṭṭhasutasambandheneva tāni manodvāre āpāthamāgacchanti. Athassa heṭṭhā vuttanayeneva tesu aññatarārammaṇaṃ idaṃ mahācittaṃ pavattati. Evaṃ ubhayasambandhavasena etāni manodvāre āpāthamāgacchanti.

    ид̣̇амби жа мукамад̇д̇амзва. сад̣̇д̇хааружиаагаарабаривид̇аггад̣̇идтиниж̇жхаанагканд̇иаад̣̇ийнам̣ бана васзна вид̇т̇аарад̇о зд̇зсам̣ манод̣̇ваарз аабаат̇аг̇аманам̣ взд̣̇ид̇аб̣б̣амзва. яасмаа бана звам̣ аабаат̇ам̣ ааг̇ажчанд̇аани бхууд̇ааниби хонд̇и абхууд̇ааниби, д̇асмаа аяам̣ наяо адтагат̇ааяам̣ на г̇ахид̇о. звам̣ згзгаарамман̣ам̣ ж̇аванам̣ д̣̇вийсу д̣̇вийсу д̣̇ваарзсу уббаж̇ж̇ад̇ийд̇и взд̣̇ид̇аб̣б̣ам̣. руубаарамман̣ан̃хи ж̇аванам̣ жагкуд̣̇ваарзби уббаж̇ж̇ад̇и манод̣̇ваарзби. сад̣̇д̣̇аад̣̇иаарамман̣зсуби зсзва наяо.

    Idampi ca mukhamattameva. Saddhāruciākāraparivitakkadiṭṭhinijjhānakkhantiādīnaṃ pana vasena vitthārato etesaṃ manodvāre āpāthagamanaṃ veditabbameva. Yasmā pana evaṃ āpāthaṃ āgacchantāni bhūtānipi honti abhūtānipi, tasmā ayaṃ nayo aṭṭhakathāyaṃ na gahito. Evaṃ ekekārammaṇaṃ javanaṃ dvīsu dvīsu dvāresu uppajjatīti veditabbaṃ. Rūpārammaṇañhi javanaṃ cakkhudvārepi uppajjati manodvārepi. Saddādiārammaṇesupi eseva nayo.

    д̇ад̇т̇а манод̣̇ваарз уббаж̇ж̇амаанам̣ руубаарамман̣ам̣ ж̇аванам̣ д̣̇аанамаяам̣ сийламаяам̣ бхааванаамаяанд̇и д̇ивид̇хам̣ ход̇и . д̇зсу згзгам̣ гааяагаммам̣ важийгаммам̣ маногамманд̇и д̇ивид̇хамзва ход̇и. сад̣̇д̣̇аг̇анд̇харасаподтаб̣б̣ад̇хаммаарамман̣зсуби зсзва наяо.

    Tattha manodvāre uppajjamānaṃ rūpārammaṇaṃ javanaṃ dānamayaṃ sīlamayaṃ bhāvanāmayanti tividhaṃ hoti . Tesu ekekaṃ kāyakammaṃ vacīkammaṃ manokammanti tividhameva hoti. Saddagandharasaphoṭṭhabbadhammārammaṇesupi eseva nayo.

    д̇ад̇т̇а руубам̣ д̇аава аарамман̣ам̣ гад̇ваа уббаж̇ж̇амаанам̣ зд̇ам̣ махаагусалажид̇д̇ам̣ нийлабийд̇алохид̇од̣̇аад̇аван̣н̣зсу бубпавад̇т̇ад̇хаад̇уусу ан̃н̃ад̇арам̣ субханимид̇д̇асан̇каад̇ам̣ идтам̣ ганд̇ам̣ манаабам̣ раж̇анийяам̣ ван̣н̣ам̣ аарамман̣ам̣ гад̇ваа уббаж̇ж̇ад̇и. нану жзд̇ам̣ идтаарамман̣ам̣ лобхасса вад̇т̇у? гат̇ам̣ зд̇ам̣ жид̇д̇ам̣ гусалам̣ наама ж̇аад̇анд̇и? нияамид̇авасзна барин̣аамид̇авасзна самуд̣̇аажааравасзна аабхуж̇ид̇авасзнаад̇и. яасса хи ‘гусаламзва маяаа гад̇д̇аб̣б̣а’нд̇и гусалагаран̣з жид̇д̇ам̣ нияамид̇ам̣ ход̇и, агусалаббавад̇д̇ид̇о нивад̇д̇зд̇ваа гусалагаран̣зязва барин̣аамид̇ам̣, абхин̣хагаран̣зна гусаласамуд̣̇аажаарзнзва самуд̣̇аажарид̇ам̣, бад̇ируубад̣̇зсаваасасаббурисуубаниссаяасад̣̇д̇хаммасаванабуб̣б̣згад̇абун̃н̃ад̇аад̣̇ийхи жа убаниссаязхи яонисо жа аабхог̇о бавад̇д̇ад̇и, д̇асса иминаа нияамид̇авасзна барин̣аамид̇авасзна самуд̣̇аажааравасзна аабхуж̇ид̇авасзна жа гусалам̣ наама ж̇аад̇ам̣ ход̇и.

    Tattha rūpaṃ tāva ārammaṇaṃ katvā uppajjamānaṃ etaṃ mahākusalacittaṃ nīlapītalohitodātavaṇṇesu pupphavatthadhātūsu aññataraṃ subhanimittasaṅkhātaṃ iṭṭhaṃ kantaṃ manāpaṃ rajanīyaṃ vaṇṇaṃ ārammaṇaṃ katvā uppajjati. Nanu cetaṃ iṭṭhārammaṇaṃ lobhassa vatthu? Kathaṃ etaṃ cittaṃ kusalaṃ nāma jātanti? Niyamitavasena pariṇāmitavasena samudācāravasena ābhujitavasenāti. Yassa hi ‘kusalameva mayā kattabba’nti kusalakaraṇe cittaṃ niyamitaṃ hoti, akusalappavattito nivattetvā kusalakaraṇeyeva pariṇāmitaṃ, abhiṇhakaraṇena kusalasamudācāreneva samudācaritaṃ, patirūpadesavāsasappurisūpanissayasaddhammasavanapubbekatapuññatādīhi ca upanissayehi yoniso ca ābhogo pavattati, tassa iminā niyamitavasena pariṇāmitavasena samudācāravasena ābhujitavasena ca kusalaṃ nāma jātaṃ hoti.

    аарамман̣авасзна банзд̇т̇а соманассасахаг̇ад̇абхааво взд̣̇ид̇аб̣б̣о. идтаарамман̣асмин̃хи уббаннад̇д̇аа зд̇ам̣ соманассасахаг̇ад̇ам̣ ж̇аад̇ам̣. сад̣̇д̇хааб̣ахулад̇аад̣̇ийнибзд̇т̇а гааран̣ааниязва. ассад̣̇д̇хаанан̃хи мижчаад̣̇идтийнан̃жа зганд̇аидтаарамман̣абхууд̇ам̣ д̇ат̇ааг̇ад̇аруубамби д̣̇исваа соманассам̣ нуббаж̇ж̇ад̇и. яз жа гусалаббавад̇д̇ияам̣ аанисам̣сам̣ на бассанд̇и д̇зсам̣ барзхи уссаахид̇аанам̣ гусалам̣ гаронд̇аанамби соманассам̣ нуббаж̇ж̇ад̇и. д̇асмаа сад̣̇д̇хааб̣ахулад̇аа висуд̣̇д̇хад̣̇идтид̇аа аанисам̣сад̣̇ассаавид̇аад̇и. звамбзд̇т̇а соманассасахаг̇ад̇абхааво взд̣̇ид̇аб̣б̣о. абижа згаад̣̇асад̇хаммаа бийд̇исамб̣ож̇жхан̇г̇асса уббаад̣̇ааяа сам̣вад̇д̇анд̇и – б̣уд̣̇д̇хаануссад̇и д̇хаммаануссад̇и сан̇гхаануссад̇и сийлаануссад̇и жааг̇аануссад̇и д̣̇звад̇аануссад̇и убасамаануссад̇и луукабуг̇г̇алабариваж̇ж̇анад̇аа синид̣̇д̇хабуг̇г̇аласзванад̇аа басаад̣̇анийяасуд̇д̇анд̇абажжавзгкан̣ад̇аа д̇ад̣̇ад̇химуд̇д̇ад̇аад̇и . имзхиби гааран̣зхзд̇т̇а соманассасахаг̇ад̇абхааво взд̣̇ид̇аб̣б̣о. имзсам̣ бана вид̇т̇ааро б̣ож̇жхан̇г̇авибхан̇г̇з (вибха. адта. 367 б̣ож̇жхан̇г̇абаб̣б̣аван̣н̣анаа, 468-469) аави бхависсад̇и.

    Ārammaṇavasena panettha somanassasahagatabhāvo veditabbo. Iṭṭhārammaṇasmiñhi uppannattā etaṃ somanassasahagataṃ jātaṃ. Saddhābahulatādīnipettha kāraṇāniyeva. Assaddhānañhi micchādiṭṭhīnañca ekantaiṭṭhārammaṇabhūtaṃ tathāgatarūpampi disvā somanassaṃ nuppajjati. Ye ca kusalappavattiyaṃ ānisaṃsaṃ na passanti tesaṃ parehi ussāhitānaṃ kusalaṃ karontānampi somanassaṃ nuppajjati. Tasmā saddhābahulatā visuddhadiṭṭhitā ānisaṃsadassāvitāti. Evampettha somanassasahagatabhāvo veditabbo. Apica ekādasadhammā pītisambojjhaṅgassa uppādāya saṃvattanti – buddhānussati dhammānussati saṅghānussati sīlānussati cāgānussati devatānussati upasamānussati lūkhapuggalaparivajjanatā siniddhapuggalasevanatā pasādanīyasuttantapaccavekkhaṇatā tadadhimuttatāti . Imehipi kāraṇehettha somanassasahagatabhāvo veditabbo. Imesaṃ pana vitthāro bojjhaṅgavibhaṅge (vibha. aṭṭha. 367 bojjhaṅgapabbavaṇṇanā, 468-469) āvi bhavissati.

    гаммад̇о, убабад̇д̇ид̇о, инд̣̇рияабарибаагад̇о, гилзсад̣̇уурийбхаавад̇од̇и имзхи банзд̇т̇а гааран̣зхи н̃аан̣асамбаяуд̇д̇ад̇аа взд̣̇ид̇аб̣б̣аа. яо хи барзсам̣ д̇хаммам̣ д̣̇зсзд̇и анаваж̇ж̇аани сиббааяад̇анагаммааяад̇анавиж̇ж̇аадтаанаани сигкаабзд̇и д̇хаммагат̇игам̣ саггаарам̣ гад̇ваа д̇хаммам̣ гат̇аабзд̇и, ‘ааяад̇им̣ бан̃н̃аваа бхависсаамий’д̇и бад̇т̇анам̣ бадтабзд̇ваа наанаббагаарам̣ д̣̇аанам̣ д̣̇зд̇и, д̇асса зваруубам̣ гаммам̣ убаниссааяа гусалам̣ уббаж̇ж̇амаанам̣ н̃аан̣асамбаяуд̇д̇ам̣ уббаж̇ж̇ад̇и. аб̣яаабаж̇ж̇з логз уббаннасса вааби ‘‘д̇асса д̇ад̇т̇а сукино д̇хаммабад̣̇аа билаванд̇и… д̣̇анд̇хо, бхигкавз, сад̇уббаад̣̇о, ат̇а со сад̇д̇о киббам̣язва висзсаг̇аамий ход̇ий’’д̇и (а. ни. 4.191) иминаа наязна убабад̇д̇им̣ ниссааяаби уббаж̇ж̇амаанам̣ гусалам̣ н̃аан̣асамбаяуд̇д̇ам̣ уббаж̇ж̇ад̇и. д̇ат̇аа инд̣̇рияабарибаагам̣ убаг̇ад̇аанам̣ бан̃н̃аад̣̇асагаббад̇д̇аанам̣ инд̣̇рияабарибаагам̣ ниссааяаби гусалам̣ уббаж̇ж̇амаанам̣ н̃аан̣асамбаяуд̇д̇ам̣ уббаж̇ж̇ад̇и. язхи бана гилзсаа вигкамбхид̇аа д̇зсам̣ гилзсад̣̇уурийбхаавам̣ ниссааяаби уббаж̇ж̇амаанам̣ гусалам̣ н̃аан̣асамбаяуд̇д̇ам̣ уббаж̇ж̇ад̇и. вуд̇д̇амби жзд̇ам̣ –

    Kammato, upapattito, indriyaparipākato, kilesadūrībhāvatoti imehi panettha kāraṇehi ñāṇasampayuttatā veditabbā. Yo hi paresaṃ dhammaṃ deseti anavajjāni sippāyatanakammāyatanavijjāṭṭhānāni sikkhāpeti dhammakathikaṃ sakkāraṃ katvā dhammaṃ kathāpeti, ‘āyatiṃ paññavā bhavissāmī’ti patthanaṃ paṭṭhapetvā nānappakāraṃ dānaṃ deti, tassa evarūpaṃ kammaṃ upanissāya kusalaṃ uppajjamānaṃ ñāṇasampayuttaṃ uppajjati. Abyāpajje loke uppannassa vāpi ‘‘tassa tattha sukhino dhammapadā pilavanti… dandho, bhikkhave, satuppādo, atha so satto khippaṃyeva visesagāmī hotī’’ti (a. ni. 4.191) iminā nayena upapattiṃ nissāyapi uppajjamānaṃ kusalaṃ ñāṇasampayuttaṃ uppajjati. Tathā indriyaparipākaṃ upagatānaṃ paññādasakappattānaṃ indriyaparipākaṃ nissāyapi kusalaṃ uppajjamānaṃ ñāṇasampayuttaṃ uppajjati. Yehi pana kilesā vikkhambhitā tesaṃ kilesadūrībhāvaṃ nissāyapi uppajjamānaṃ kusalaṃ ñāṇasampayuttaṃ uppajjati. Vuttampi cetaṃ –

    ‘‘яог̇аа вз ж̇ааяад̇ий бхуури, аяог̇аа бхуурисан̇каяо’’д̇и (д̇ха. ба. 282).

    ‘‘Yogā ve jāyatī bhūri, ayogā bhūrisaṅkhayo’’ti (dha. pa. 282).

    звам̣ гаммад̇о убабад̇д̇ид̇о инд̣̇рияабарибаагад̇о гилзсад̣̇уурийбхаавад̇од̇и имзхи гааран̣зхи н̃аан̣асамбаяуд̇д̇ад̇аа взд̣̇ид̇аб̣б̣аа.

    Evaṃ kammato upapattito indriyaparipākato kilesadūrībhāvatoti imehi kāraṇehi ñāṇasampayuttatā veditabbā.

    абижа сад̇д̇а д̇хаммаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇анд̇и – барибужчагад̇аа, вад̇т̇увисад̣̇агирияаа, инд̣̇рияасамад̇д̇абадибаад̣̇анаа, д̣̇уббан̃н̃абуг̇г̇алабариваж̇ж̇анаа, бан̃н̃аванд̇абуг̇г̇аласзванаа, г̇амбхийран̃аан̣ажарияабажжавзгкан̣аа, д̇ад̣̇ад̇химуд̇д̇ад̇аад̇и. имзхиби гааран̣зхи н̃аан̣асамбаяуд̇д̇ад̇аа взд̣̇ид̇аб̣б̣аа. имзсам̣ бана вид̇т̇ааро б̣ож̇жхан̇г̇авибхан̇г̇з (вибха. адта. 367 б̣ож̇жхан̇г̇абаб̣б̣аван̣н̣анаа) аави бхависсад̇и.

    Apica satta dhammā dhammavicayasambojjhaṅgassa uppādāya saṃvattanti – paripucchakatā, vatthuvisadakiriyā, indriyasamattapaṭipādanā, duppaññapuggalaparivajjanā, paññavantapuggalasevanā, gambhīrañāṇacariyapaccavekkhaṇā, tadadhimuttatāti. Imehipi kāraṇehi ñāṇasampayuttatā veditabbā. Imesaṃ pana vitthāro bojjhaṅgavibhaṅge (vibha. aṭṭha. 367 bojjhaṅgapabbavaṇṇanā) āvi bhavissati.

    звам̣ н̃аан̣асамбаяуд̇д̇ам̣ худ̇ваа уббаннан̃жзд̇ам̣ асан̇каарзна аббаяог̇зна анубааяажинд̇анааяа уббаннад̇д̇аа асан̇каарам̣ наама ж̇аад̇ам̣. д̇аяид̣̇ам̣ раж̇анийяаван̣н̣аарамман̣ам̣ худ̇ваа уббаж̇ж̇амаанамзва д̇ивид̇хзна нияамзна уббаж̇ж̇ад̇и – д̣̇аанамаяам̣ ваа ход̇и, сийламаяам̣ ваа, бхааванаамаяам̣ ваа.

    Evaṃ ñāṇasampayuttaṃ hutvā uppannañcetaṃ asaṅkhārena appayogena anupāyacintanāya uppannattā asaṅkhāraṃ nāma jātaṃ. Tayidaṃ rajanīyavaṇṇārammaṇaṃ hutvā uppajjamānameva tividhena niyamena uppajjati – dānamayaṃ vā hoti, sīlamayaṃ vā, bhāvanāmayaṃ vā.

    гат̇ам̣? яад̣̇аа хи нийлабийд̇алохид̇од̣̇аад̇зсу бубпаад̣̇ийсу ан̃н̃ад̇арам̣ лабхид̇ваа ван̣н̣авасзна аабхуж̇ид̇ваа ‘ван̣н̣ад̣̇аанам̣ маяха’нд̇и б̣уд̣̇д̇харад̇анаад̣̇ийни бууж̇зд̇и, д̇ад̣̇аа д̣̇аанамаяам̣ ход̇и. д̇ад̇рид̣̇ам̣ вад̇т̇у – бхан̣д̣ааг̇ааригасан̇гхамид̇д̇о гира згам̣ суван̣н̣акажид̇ам̣ вад̇т̇ам̣ лабхид̇ваа ид̣̇амби вад̇т̇ам̣ суван̣н̣аван̣н̣ам̣, саммаасамб̣уд̣̇д̇хоби суван̣н̣аван̣н̣о, суван̣н̣аван̣н̣ам̣ вад̇т̇ам̣ суван̣н̣аван̣н̣ассзва анужчавигам̣, амхааган̃жа ван̣н̣ад̣̇аанам̣ бхависсад̇ийд̇и махаажзд̇ияз ааробзси. зваруубз гаалз д̣̇аанамаяам̣ ход̇ийд̇и взд̣̇ид̇аб̣б̣ам̣. яад̣̇аа бана д̇ат̇ааруубамзва д̣̇зяяад̇хаммам̣ лабхид̇ваа ‘маяхам̣ гулавам̣со, гулад̇анд̇и гулаббавзн̣ий зсаа, гулавад̇д̇ам̣ зд̇а’нд̇и б̣уд̣̇д̇харад̇анаад̣̇ийни бууж̇зд̇и д̇ад̣̇аа сийламаяам̣ ход̇и. яад̣̇аа бана д̇аад̣̇исзнзва вад̇т̇унаа рад̇анад̇д̇аяасса бууж̇ам̣ гад̇ваа ‘аяам̣ ван̣н̣о каяам̣ г̇ажчиссад̇и, ваяам̣ г̇ажчиссад̇ий’д̇и каяаваяам̣ бадтабзд̇и, д̇ад̣̇аа бхааванаамаяам̣ ход̇и.

    Kathaṃ? Yadā hi nīlapītalohitodātesu pupphādīsu aññataraṃ labhitvā vaṇṇavasena ābhujitvā ‘vaṇṇadānaṃ mayha’nti buddharatanādīni pūjeti, tadā dānamayaṃ hoti. Tatridaṃ vatthu – bhaṇḍāgārikasaṅghamitto kira ekaṃ suvaṇṇakhacitaṃ vatthaṃ labhitvā idampi vatthaṃ suvaṇṇavaṇṇaṃ, sammāsambuddhopi suvaṇṇavaṇṇo, suvaṇṇavaṇṇaṃ vatthaṃ suvaṇṇavaṇṇasseva anucchavikaṃ, amhākañca vaṇṇadānaṃ bhavissatīti mahācetiye āropesi. Evarūpe kāle dānamayaṃ hotīti veditabbaṃ. Yadā pana tathārūpameva deyyadhammaṃ labhitvā ‘mayhaṃ kulavaṃso, kulatanti kulappaveṇī esā, kulavattaṃ eta’nti buddharatanādīni pūjeti tadā sīlamayaṃ hoti. Yadā pana tādiseneva vatthunā ratanattayassa pūjaṃ katvā ‘ayaṃ vaṇṇo khayaṃ gacchissati, vayaṃ gacchissatī’ti khayavayaṃ paṭṭhapeti, tadā bhāvanāmayaṃ hoti.

    д̣̇аанамаяам̣ бана худ̇ваа вад̇д̇амаанамби яад̣̇аа д̇ийн̣и рад̇анаани сахад̇т̇зна бууж̇знд̇асса бавад̇д̇ад̇д̇и, д̇ад̣̇аа гааяагаммам̣ ход̇и. яад̣̇аа д̇ийн̣и рад̇анаани бууж̇знд̇о буд̇д̇ад̣̇аарад̣̇аасагаммагараборисаад̣̇аяоби аан̣аабзд̇ваа бууж̇аабзд̇и д̇ад̣̇аа важийгаммам̣ ход̇и. яад̣̇аа д̇ад̣̇зва вуд̇д̇аббагаарам̣ виж̇ж̇амаанагавад̇т̇ум̣ аараб̣бха ван̣н̣ад̣̇аанам̣ д̣̇ассаамийд̇и жинд̇зд̇и д̇ад̣̇аа маногаммам̣ ход̇и. винаяабарияааяам̣ бад̇ваа хи ‘д̣̇ассаами гариссаамий’д̇и ваажаа бхиннаа ход̇ийд̇и (баараа. 659) иминаа лагкан̣зна д̣̇аанам̣ наама ход̇и. абхид̇хаммабарияааяам̣ бад̇ваа бана виж̇ж̇амаанагавад̇т̇ум̣ аараб̣бха ‘д̣̇ассаамий’д̇и манасаа жинд̇ид̇агаалад̇о бадтааяа гусалам̣ ход̇и. абарабхааг̇з гааязна ваа ваажааяа ваа гад̇д̇аб̣б̣ам̣ гариссад̇ийд̇и вуд̇д̇ам̣. звам̣ д̣̇аанамаяам̣ гааяаважийманогаммавасзнзва д̇ивид̇хам̣ ход̇и.

    Dānamayaṃ pana hutvā vattamānampi yadā tīṇi ratanāni sahatthena pūjentassa pavattatti, tadā kāyakammaṃ hoti. Yadā tīṇi ratanāni pūjento puttadāradāsakammakaraporisādayopi āṇāpetvā pūjāpeti tadā vacīkammaṃ hoti. Yadā tadeva vuttappakāraṃ vijjamānakavatthuṃ ārabbha vaṇṇadānaṃ dassāmīti cinteti tadā manokammaṃ hoti. Vinayapariyāyaṃ patvā hi ‘dassāmi karissāmī’ti vācā bhinnā hotīti (pārā. 659) iminā lakkhaṇena dānaṃ nāma hoti. Abhidhammapariyāyaṃ patvā pana vijjamānakavatthuṃ ārabbha ‘dassāmī’ti manasā cintitakālato paṭṭhāya kusalaṃ hoti. Aparabhāge kāyena vā vācāya vā kattabbaṃ karissatīti vuttaṃ. Evaṃ dānamayaṃ kāyavacīmanokammavaseneva tividhaṃ hoti.

    яад̣̇аа бана д̇ам̣ вуд̇д̇аббагаарам̣ вад̇т̇ум̣ лабхид̇ваа гулавам̣саад̣̇ивасзна сахад̇т̇аа рад̇анад̇д̇аяам̣ бууж̇зд̇и д̇ад̣̇аа сийламаяам̣ гааяагаммам̣ ход̇и. яад̣̇аа гулавам̣саад̣̇ивасзнзва буд̇д̇ад̣̇аараад̣̇аяо аан̣аабзд̇ваа бууж̇аабзд̇и д̇ад̣̇аа важийгаммам̣ ход̇и. яад̣̇аа ‘маяхам̣ гулавам̣со, гулад̇анд̇и гулаббавзн̣ий зсаа, гулавад̇д̇амзд̇а’нд̇и виж̇ж̇амаанагавад̇т̇ум̣ аараб̣бха ‘ван̣н̣ад̣̇аанам̣ д̣̇ассаамий’д̇и жинд̇зд̇и д̇ад̣̇аа маногаммам̣ ход̇и. звам̣ сийламаяам̣ гааяаважийманогаммавасзна д̇ивид̇хам̣ ход̇и.

    Yadā pana taṃ vuttappakāraṃ vatthuṃ labhitvā kulavaṃsādivasena sahatthā ratanattayaṃ pūjeti tadā sīlamayaṃ kāyakammaṃ hoti. Yadā kulavaṃsādivaseneva puttadārādayo āṇāpetvā pūjāpeti tadā vacīkammaṃ hoti. Yadā ‘mayhaṃ kulavaṃso, kulatanti kulappaveṇī esā, kulavattameta’nti vijjamānakavatthuṃ ārabbha ‘vaṇṇadānaṃ dassāmī’ti cinteti tadā manokammaṃ hoti. Evaṃ sīlamayaṃ kāyavacīmanokammavasena tividhaṃ hoti.

    яад̣̇аа бана д̇ам̣ вуд̇д̇аббагаарам̣ вад̇т̇ум̣ лабхид̇ваа д̇ийн̣и рад̇анаани бууж̇зд̇ваа жан̇гаманд̇о каяаваяам̣ бадтабзд̇и д̇ад̣̇аа бхааванаамаяам̣ гааяагаммам̣ ход̇и. ваажааяа саммасанам̣ бадтабзнд̇асса важийгаммам̣ ход̇и, гааяан̇г̇аваажан̇г̇аани ажобзд̇ваа манасаава саммасанам̣ бадтабзнд̇асса маногаммам̣ ход̇и. звам̣ бхааванаамаяам̣ гааяаважийманогаммавасзна д̇ивид̇хам̣ ход̇и. звамзд̇ам̣ руубаарамман̣ам̣ гусалам̣ д̇ивид̇хабун̃н̃агирияавад̇т̇увасзна навахи гаммад̣̇ваарзхи бхааж̇зд̇ваа д̣̇ассзси д̇хаммарааж̇аа. сад̣̇д̣̇аарамман̣аад̣̇ийсуби зсзва наяо.

    Yadā pana taṃ vuttappakāraṃ vatthuṃ labhitvā tīṇi ratanāni pūjetvā caṅkamanto khayavayaṃ paṭṭhapeti tadā bhāvanāmayaṃ kāyakammaṃ hoti. Vācāya sammasanaṃ paṭṭhapentassa vacīkammaṃ hoti, kāyaṅgavācaṅgāni acopetvā manasāva sammasanaṃ paṭṭhapentassa manokammaṃ hoti. Evaṃ bhāvanāmayaṃ kāyavacīmanokammavasena tividhaṃ hoti. Evametaṃ rūpārammaṇaṃ kusalaṃ tividhapuññakiriyavatthuvasena navahi kammadvārehi bhājetvā dassesi dhammarājā. Saddārammaṇādīsupi eseva nayo.

    бхзрисад̣̇д̣̇аад̣̇ийсу хи раж̇анийяасад̣̇д̣̇ам̣ аарамман̣ам̣ гад̇ваа хздтаа вуд̇д̇анаязнзва д̇ийхи нияамзхзд̇ам̣ гусалам̣ уббаж̇ж̇ад̇и. д̇ад̇т̇а сад̣̇д̣̇ам̣ ганд̣̇амуулам̣ вияа уббаадзд̇ваа нийлуббалахад̇т̇агам̣ вияа жа хад̇т̇з табзд̇ваа д̣̇аад̇ум̣ наама на саггаа, савад̇т̇угам̣ бана гад̇ваа д̣̇знд̇о сад̣̇д̣̇ад̣̇аанам̣ д̣̇зд̇и наама. д̇асмаа яад̣̇аа ‘сад̣̇д̣̇ад̣̇аанам̣ д̣̇ассаамий’д̇и бхзримуд̣̇ин̇г̇аад̣̇ийсу ан̃н̃ад̇арад̇ууриязна д̇ин̣н̣ам̣ рад̇анаанам̣ убахаарам̣ гарод̇и, ‘сад̣̇д̣̇ад̣̇аанам̣ мз’д̇и бхзриаад̣̇ийни табаабзд̇и, д̇хаммагат̇игабхигкуунам̣ сарабхзсаж̇ж̇ад̇злапаан̣ид̇аад̣̇ийни д̣̇зд̇и, д̇хаммасаванам̣ гхосзд̇и, сарабхан̃н̃ам̣ бхан̣ад̇и, д̇хаммагат̇ам̣ гат̇зд̇и, убанисиннагагат̇ам̣ анумод̣̇анагат̇ам̣ гарод̇и, д̇ад̣̇аа д̣̇аанамаяам̣язва ход̇и. яад̣̇аа зд̇ад̣̇зва вид̇хаанам̣ гулавам̣саад̣̇ивасзна вад̇д̇авасзна гарод̇и д̇ад̣̇аа сийламаяам̣ ход̇и. яад̣̇аа саб̣б̣амбзд̇ам̣ гад̇ваа аяам̣ зд̇д̇аго сад̣̇д̣̇о б̣рахмалогаббамаан̣оби худ̇ваа ‘каяам̣ г̇амиссад̇и, ваяам̣ г̇амиссад̇ий’д̇и саммасанам̣ бадтабзд̇и д̇ад̣̇аа бхааванаамаяам̣ ход̇и.

    Bherisaddādīsu hi rajanīyasaddaṃ ārammaṇaṃ katvā heṭṭhā vuttanayeneva tīhi niyamehetaṃ kusalaṃ uppajjati. Tattha saddaṃ kandamūlaṃ viya uppāṭetvā nīluppalahatthakaṃ viya ca hatthe ṭhapetvā dātuṃ nāma na sakkā, savatthukaṃ pana katvā dento saddadānaṃ deti nāma. Tasmā yadā ‘saddadānaṃ dassāmī’ti bherimudiṅgādīsu aññataratūriyena tiṇṇaṃ ratanānaṃ upahāraṃ karoti, ‘saddadānaṃ me’ti bheriādīni ṭhapāpeti, dhammakathikabhikkhūnaṃ sarabhesajjatelaphāṇitādīni deti, dhammasavanaṃ ghoseti, sarabhaññaṃ bhaṇati, dhammakathaṃ katheti, upanisinnakakathaṃ anumodanakathaṃ karoti, tadā dānamayaṃyeva hoti. Yadā etadeva vidhānaṃ kulavaṃsādivasena vattavasena karoti tadā sīlamayaṃ hoti. Yadā sabbampetaṃ katvā ayaṃ ettako saddo brahmalokappamāṇopi hutvā ‘khayaṃ gamissati, vayaṃ gamissatī’ti sammasanaṃ paṭṭhapeti tadā bhāvanāmayaṃ hoti.

    д̇ад̇т̇а д̣̇аанамаяам̣ д̇аава яад̣̇аа бхзриаад̣̇ийни г̇ахзд̇ваа сахад̇т̇аа убахаарам̣ гарод̇и, нижжубахаарад̇т̇ааяа табзнд̇оби сахад̇т̇аа табзд̇и, ‘сад̣̇д̣̇ад̣̇аанам̣ мз’д̇и д̇хаммасаванам̣ гхосзд̇ум̣ г̇ажчад̇и, д̇хаммагат̇ам̣ сарабхан̃н̃ам̣ гаад̇ум̣ ваа г̇ажчад̇и, д̇ад̣̇аа гааяагаммам̣ ход̇и. яад̣̇аа ‘г̇ажчат̇а, д̇аад̇аа, амхаагам̣ сад̣̇д̣̇ад̣̇аанам̣ д̇ин̣н̣ам̣ рад̇анаанам̣ убахаарам̣ гарот̇аа’д̇и аан̣аабзд̇и, ‘сад̣̇д̣̇ад̣̇аанам̣ мз’д̇и жзд̇ияан̇г̇ан̣зсу ‘имам̣ бхзрим̣, имам̣ муд̣̇ин̇г̇ам̣ табзт̇аа’д̇и аан̣аабзд̇и, саяамзва д̇хаммасаванам̣ гхосзд̇и, д̇хаммагат̇ам̣ гат̇зд̇и, сарабхан̃н̃ам̣ бхан̣ад̇и, д̇ад̣̇аа важийгаммам̣ ход̇и. яад̣̇аа гааяан̇г̇аваажан̇г̇аани ажобзд̇ваа ‘сад̣̇д̣̇ад̣̇аанам̣ д̣̇ассаамий’д̇и виж̇ж̇амаанагавад̇т̇ум̣ манасаа барижжаж̇ад̇и, д̇ад̣̇аа маногаммам̣ ход̇и.

    Tattha dānamayaṃ tāva yadā bheriādīni gahetvā sahatthā upahāraṃ karoti, niccupahāratthāya ṭhapentopi sahatthā ṭhapeti, ‘saddadānaṃ me’ti dhammasavanaṃ ghosetuṃ gacchati, dhammakathaṃ sarabhaññaṃ kātuṃ vā gacchati, tadā kāyakammaṃ hoti. Yadā ‘gacchatha, tātā, amhākaṃ saddadānaṃ tiṇṇaṃ ratanānaṃ upahāraṃ karothā’ti āṇāpeti, ‘saddadānaṃ me’ti cetiyaṅgaṇesu ‘imaṃ bheriṃ, imaṃ mudiṅgaṃ ṭhapethā’ti āṇāpeti, sayameva dhammasavanaṃ ghoseti, dhammakathaṃ katheti, sarabhaññaṃ bhaṇati, tadā vacīkammaṃ hoti. Yadā kāyaṅgavācaṅgāni acopetvā ‘saddadānaṃ dassāmī’ti vijjamānakavatthuṃ manasā pariccajati, tadā manokammaṃ hoti.

    сийламаяамби ‘сад̣̇д̣̇ад̣̇аанам̣ наама маяхам̣ гулавам̣со гулад̇анд̇и гулаббавзн̣ий’д̇и бхзриаад̣̇ийхи сахад̇т̇аа убахаарам̣ гаронд̇асса, бхзриаад̣̇ийни сахад̇т̇аа жзд̇ияан̇г̇ан̣аад̣̇ийсу табзнд̇асса, д̇хаммагат̇игаанам̣ сарабхзсаж̇ж̇ам̣ сахад̇т̇аа д̣̇ад̣̇анд̇асса, вад̇д̇асийсзна д̇хаммасаванагхосанад̇хаммагат̇аагат̇анасарабхан̃н̃абхан̣анад̇т̇ааяа жа г̇ажчанд̇асса гааяагаммам̣ ход̇и. ‘сад̣̇д̣̇ад̣̇аанам̣ наама амхаагам̣ гулавам̣со гулад̇анд̇и гулаббавзн̣ий, г̇ажчат̇а , д̇аад̇аа, б̣уд̣̇д̇харад̇анаад̣̇ийнам̣ убахаарам̣ гарот̇аа’д̇и аан̣аабзнд̇асса гулавам̣савасзнзва ад̇д̇анаа д̇хаммагат̇ам̣ ваа сарабхан̃н̃ам̣ ваа гаронд̇асса жа важийгаммам̣ ход̇и. ‘сад̣̇д̣̇ад̣̇аанам̣ наама маяхам̣ гулавам̣со сад̣̇д̣̇ад̣̇аанам̣ д̣̇ассаамий’д̇и гааяан̇г̇аваажан̇г̇аани ажобзд̇ваа манасаава виж̇ж̇амаанагавад̇т̇ум̣ барижжаж̇анд̇асса маногаммам̣ ход̇и.

    Sīlamayampi ‘saddadānaṃ nāma mayhaṃ kulavaṃso kulatanti kulappaveṇī’ti bheriādīhi sahatthā upahāraṃ karontassa, bheriādīni sahatthā cetiyaṅgaṇādīsu ṭhapentassa, dhammakathikānaṃ sarabhesajjaṃ sahatthā dadantassa, vattasīsena dhammasavanaghosanadhammakathākathanasarabhaññabhaṇanatthāya ca gacchantassa kāyakammaṃ hoti. ‘Saddadānaṃ nāma amhākaṃ kulavaṃso kulatanti kulappaveṇī, gacchatha , tātā, buddharatanādīnaṃ upahāraṃ karothā’ti āṇāpentassa kulavaṃsavaseneva attanā dhammakathaṃ vā sarabhaññaṃ vā karontassa ca vacīkammaṃ hoti. ‘Saddadānaṃ nāma mayhaṃ kulavaṃso saddadānaṃ dassāmī’ti kāyaṅgavācaṅgāni acopetvā manasāva vijjamānakavatthuṃ pariccajantassa manokammaṃ hoti.

    бхааванаамаяамби яад̣̇аа жан̇гаманд̇о сад̣̇д̣̇з каяаваяам̣ бадтабзд̇и д̇ад̣̇аа гааяагаммам̣ ход̇и. гааяан̇г̇ам̣ бана ажобзд̇ваа ваажааяа саммасанд̇асса важийгаммам̣ ход̇и. гааяан̇г̇аваажан̇г̇ам̣ ажобзд̇ваа манасаава сад̣̇д̣̇ааяад̇анам̣ саммасанд̇асса маногаммам̣ ход̇и. звам̣ сад̣̇д̣̇аарамман̣амби гусалам̣ д̇ивид̇хабун̃н̃агирияавад̇т̇увасзна навахи гаммад̣̇ваарзхи бхааж̇зд̇ваа д̣̇ассзси д̇хаммарааж̇аа.

    Bhāvanāmayampi yadā caṅkamanto sadde khayavayaṃ paṭṭhapeti tadā kāyakammaṃ hoti. Kāyaṅgaṃ pana acopetvā vācāya sammasantassa vacīkammaṃ hoti. Kāyaṅgavācaṅgaṃ acopetvā manasāva saddāyatanaṃ sammasantassa manokammaṃ hoti. Evaṃ saddārammaṇampi kusalaṃ tividhapuññakiriyavatthuvasena navahi kammadvārehi bhājetvā dassesi dhammarājā.

    муулаг̇анд̇хаад̣̇ийсуби раж̇анийяаг̇анд̇хам̣ аарамман̣ам̣ гад̇ваа хздтаа вуд̇д̇анаязнзва д̇ийхи нияамзхзд̇ам̣ гусалам̣ уббаж̇ж̇ад̇и. д̇ад̇т̇а яад̣̇аа муулаг̇анд̇хаад̣̇ийсу яам̣гин̃жи г̇анд̇хам̣ лабхид̇ваа г̇анд̇хавасзна аабхуж̇ид̇ваа ‘г̇анд̇хад̣̇аанам̣ маяха’нд̇и б̣уд̣̇д̇харад̇анаад̣̇ийни бууж̇зд̇и, д̇ад̣̇аа д̣̇аанамаяам̣ ход̇ийд̇и саб̣б̣ам̣ ван̣н̣ад̣̇аанз вуд̇д̇анаязнзва вид̇т̇аарад̇о взд̣̇ид̇аб̣б̣ам̣. звам̣ г̇анд̇хаарамман̣амби гусалам̣ д̇ивид̇хабун̃н̃агирияавад̇т̇увасзна навахи гаммад̣̇ваарзхи бхааж̇зд̇ваа д̣̇ассзси д̇хаммарааж̇аа.

    Mūlagandhādīsupi rajanīyagandhaṃ ārammaṇaṃ katvā heṭṭhā vuttanayeneva tīhi niyamehetaṃ kusalaṃ uppajjati. Tattha yadā mūlagandhādīsu yaṃkiñci gandhaṃ labhitvā gandhavasena ābhujitvā ‘gandhadānaṃ mayha’nti buddharatanādīni pūjeti, tadā dānamayaṃ hotīti sabbaṃ vaṇṇadāne vuttanayeneva vitthārato veditabbaṃ. Evaṃ gandhārammaṇampi kusalaṃ tividhapuññakiriyavatthuvasena navahi kammadvārehi bhājetvā dassesi dhammarājā.

    мууларасаад̣̇ийсу бана раж̇анийяарасам̣ аарамман̣ам̣ гад̇ваа хздтаа вуд̇д̇анаязнзва д̇ийхи нияамзхзд̇ам̣ гусалам̣ уббаж̇ж̇ад̇и. д̇ад̇т̇а яад̣̇аа мууларасаад̣̇ийсу яам̣гин̃жи раж̇анийяам̣ расавад̇т̇ум̣ лабхид̇ваа расавасзна аабхуж̇ид̇ваа ‘расад̣̇аанам̣ маяха’нд̇и д̣̇зд̇и барижжаж̇ад̇и, д̇ад̣̇аа д̣̇аанамаяам̣ ход̇ийд̇и саб̣б̣ам̣ ван̣н̣ад̣̇аанз вуд̇д̇анаязнзва вид̇т̇аарад̇о взд̣̇ид̇аб̣б̣ам̣. сийламаяз банзд̇т̇а ‘сан̇гхасса ад̣̇ад̇ваа барибхун̃ж̇анам̣ наама амхаагам̣ на аажин̣н̣а’нд̇и д̣̇ваад̣̇асаннам̣ бхигкусахассаанам̣ д̣̇аабзд̇ваа саад̣̇урасам̣ барибхуд̇д̇асса д̣̇удтаг̇ааман̣иабхаяаран̃н̃о вад̇т̇ум̣ аад̣̇им̣ гад̇ваа махааадтагат̇ааяам̣ вад̇т̇ууни ааг̇ад̇аани. аяамзва висзсо. звам̣ расаарамман̣амби гусалам̣ д̇ивид̇хабун̃н̃агирияавад̇т̇увасзна навахи гаммад̣̇ваарзхи бхааж̇зд̇ваа д̣̇ассзси д̇хаммарааж̇аа.

    Mūlarasādīsu pana rajanīyarasaṃ ārammaṇaṃ katvā heṭṭhā vuttanayeneva tīhi niyamehetaṃ kusalaṃ uppajjati. Tattha yadā mūlarasādīsu yaṃkiñci rajanīyaṃ rasavatthuṃ labhitvā rasavasena ābhujitvā ‘rasadānaṃ mayha’nti deti pariccajati, tadā dānamayaṃ hotīti sabbaṃ vaṇṇadāne vuttanayeneva vitthārato veditabbaṃ. Sīlamaye panettha ‘saṅghassa adatvā paribhuñjanaṃ nāma amhākaṃ na āciṇṇa’nti dvādasannaṃ bhikkhusahassānaṃ dāpetvā sādurasaṃ paribhuttassa duṭṭhagāmaṇiabhayarañño vatthuṃ ādiṃ katvā mahāaṭṭhakathāyaṃ vatthūni āgatāni. Ayameva viseso. Evaṃ rasārammaṇampi kusalaṃ tividhapuññakiriyavatthuvasena navahi kammadvārehi bhājetvā dassesi dhammarājā.

    подтаб̣б̣аарамман̣зби бат̇авийд̇хаад̇у д̇зж̇од̇хаад̇у вааяод̇хаад̇ууд̇и д̇ийн̣и махаабхууд̇аани подтаб̣б̣аарамман̣ам̣ наама. имасмим̣ таанз зд̇зсам̣ васзна яож̇анам̣ агад̇ваа ман̃жабийтаад̣̇ивасзна гаад̇аб̣б̣аа. яад̣̇аа хи ман̃жабийтаад̣̇ийсу яам̣гин̃жи раж̇анийяам̣ подтаб̣б̣авад̇т̇ум̣ лабхид̇ваа подтаб̣б̣авасзна аабхуж̇ид̇ваа ‘подтаб̣б̣ад̣̇аанам̣ маяха’нд̇и д̣̇зд̇и барижжаж̇ад̇и, д̇ад̣̇аа д̣̇аанамаяам̣ ход̇ийд̇и саб̣б̣ам̣ ван̣н̣ад̣̇аанз вуд̇д̇анаязнзва вид̇т̇аарад̇о взд̣̇ид̇аб̣б̣ам̣. звам̣ подтаб̣б̣аарамман̣амби гусалам̣ д̇ивид̇хабун̃н̃агирияавад̇т̇увасзна навахи гаммад̣̇ваарзхи бхааж̇зд̇ваа д̣̇ассзси д̇хаммарааж̇аа.

    Phoṭṭhabbārammaṇepi pathavīdhātu tejodhātu vāyodhātūti tīṇi mahābhūtāni phoṭṭhabbārammaṇaṃ nāma. Imasmiṃ ṭhāne etesaṃ vasena yojanaṃ akatvā mañcapīṭhādivasena kātabbā. Yadā hi mañcapīṭhādīsu yaṃkiñci rajanīyaṃ phoṭṭhabbavatthuṃ labhitvā phoṭṭhabbavasena ābhujitvā ‘phoṭṭhabbadānaṃ mayha’nti deti pariccajati, tadā dānamayaṃ hotīti sabbaṃ vaṇṇadāne vuttanayeneva vitthārato veditabbaṃ. Evaṃ phoṭṭhabbārammaṇampi kusalaṃ tividhapuññakiriyavatthuvasena navahi kammadvārehi bhājetvā dassesi dhammarājā.

    д̇хаммаарамман̣з ча аж̇жхад̇д̇игаани ааяад̇анаани, д̇ийн̣и лагкан̣аани, д̇аяо аруубино канд̇хаа, баннараса сукумаруубаани, ниб̣б̣аанабан̃н̃ад̇д̇ийд̇и имз д̇хаммааяад̇анз барияаабаннаа жа, абарияаабаннаа жа, д̇хаммаа д̇хаммаарамман̣ам̣ наама. имасмим̣ бана таанз зд̇зсам̣ васзна яож̇анам̣ агад̇ваа ож̇ад̣̇аанабаанад̣̇аанаж̇ийвид̇ад̣̇аанавасзна гаад̇аб̣б̣аа. ож̇аад̣̇ийсу хи раж̇анийяам̣ д̇хаммаарамман̣ам̣ аарамман̣ам̣ гад̇ваа хздтаа вуд̇д̇анаязнзва д̇ийхи нияамзхзд̇ам̣ гусалам̣ уббаж̇ж̇ад̇и.

    Dhammārammaṇe cha ajjhattikāni āyatanāni, tīṇi lakkhaṇāni, tayo arūpino khandhā, pannarasa sukhumarūpāni, nibbānapaññattīti ime dhammāyatane pariyāpannā ca, apariyāpannā ca, dhammā dhammārammaṇaṃ nāma. Imasmiṃ pana ṭhāne etesaṃ vasena yojanaṃ akatvā ojadānapānadānajīvitadānavasena kātabbā. Ojādīsu hi rajanīyaṃ dhammārammaṇaṃ ārammaṇaṃ katvā heṭṭhā vuttanayeneva tīhi niyamehetaṃ kusalaṃ uppajjati.

    д̇ад̇т̇а яад̣̇аа ‘ож̇ад̣̇аанам̣ маяха’нд̇и саббинаванийд̇аад̣̇ийни д̣̇зд̇и, баанад̣̇аананд̇и адта баанаани д̣̇зд̇и, ж̇ийвид̇ад̣̇аананд̇и салаагабхад̇д̇асан̇гхабхад̇д̇аад̣̇ийни д̣̇зд̇и, апаасугаанам̣ бхигкуунам̣ бхзсаж̇ж̇ам̣ д̣̇зд̇и, взж̇ж̇ам̣ бажжубадтаабзд̇и, ж̇аалам̣ паалаабзд̇и, гумийнам̣ вид̣̇д̇хам̣саабзд̇и, сагун̣абан̃ж̇арам̣ вид̣̇д̇хам̣саабзд̇и, б̣анд̇ханамогкам̣ гаараабзд̇и, маагхаад̇абхзрим̣ жараабзд̇и, ан̃н̃ааниби ж̇ийвид̇абарид̇д̇аан̣ад̇т̇ам̣ зваруубаани гаммаани гарод̇и д̇ад̣̇аа д̣̇аанамаяам̣ ход̇и. яад̣̇аа бана ‘ож̇ад̣̇аанабаанад̣̇аанаж̇ийвид̇ад̣̇аанаани маяхам̣ гулавам̣со гулад̇анд̇и гулаббавзн̣ий’д̇и вад̇д̇асийсзна ож̇ад̣̇аанаад̣̇ийни бавад̇д̇зд̇и д̇ад̣̇аа сийламаяам̣ ход̇и. яад̣̇аа д̇хаммаарамман̣асмим̣ каяаваяам̣ бадтабзд̇и д̇ад̣̇аа бхааванаамаяам̣ ход̇и.

    Tattha yadā ‘ojadānaṃ mayha’nti sappinavanītādīni deti, pānadānanti aṭṭha pānāni deti, jīvitadānanti salākabhattasaṅghabhattādīni deti, aphāsukānaṃ bhikkhūnaṃ bhesajjaṃ deti, vejjaṃ paccupaṭṭhāpeti, jālaṃ phālāpeti, kumīnaṃ viddhaṃsāpeti, sakuṇapañjaraṃ viddhaṃsāpeti, bandhanamokkhaṃ kārāpeti, māghātabheriṃ carāpeti, aññānipi jīvitaparittāṇatthaṃ evarūpāni kammāni karoti tadā dānamayaṃ hoti. Yadā pana ‘ojadānapānadānajīvitadānāni mayhaṃ kulavaṃso kulatanti kulappaveṇī’ti vattasīsena ojadānādīni pavatteti tadā sīlamayaṃ hoti. Yadā dhammārammaṇasmiṃ khayavayaṃ paṭṭhapeti tadā bhāvanāmayaṃ hoti.

    д̣̇аанамаяам̣ бана худ̇ваа бавад̇д̇амаанамби яад̣̇аа ож̇ад̣̇аанабаанад̣̇аанаж̇ийвид̇ад̣̇аанаани сахад̇т̇аа д̣̇зд̇и, д̇ад̣̇аа гааяагаммам̣ ход̇и. яад̣̇аа буд̇д̇ад̣̇аараад̣̇аяо аан̣аабзд̇ваа д̣̇аабзд̇и, д̇ад̣̇аа важийгаммам̣ ход̇и. яад̣̇аа гааяан̇г̇аваажан̇г̇аани ажобзд̇ваа ож̇ад̣̇аанабаанад̣̇аанаж̇ийвид̇ад̣̇аанавасзна виж̇ж̇амаанагавад̇т̇ум̣ ‘д̣̇ассаамий’д̇и манасаа жинд̇зд̇и, д̇ад̣̇аа маногаммам̣ ход̇и.

    Dānamayaṃ pana hutvā pavattamānampi yadā ojadānapānadānajīvitadānāni sahatthā deti, tadā kāyakammaṃ hoti. Yadā puttadārādayo āṇāpetvā dāpeti, tadā vacīkammaṃ hoti. Yadā kāyaṅgavācaṅgāni acopetvā ojadānapānadānajīvitadānavasena vijjamānakavatthuṃ ‘dassāmī’ti manasā cinteti, tadā manokammaṃ hoti.

    яад̣̇аа бана вуд̇д̇аббагаарам̣ виж̇ж̇амаанагавад̇т̇ум̣ гулавам̣саад̣̇ивасзна сахад̇т̇аа д̣̇зд̇и, д̇ад̣̇аа сийламаяам̣ гааяагаммам̣ ход̇и. яад̣̇аа гулавам̣саад̣̇ивасзнзва буд̇д̇ад̣̇аараад̣̇аяо аан̣аабзд̇ваа д̣̇аабзд̇и, д̇ад̣̇аа важийгаммам̣ ход̇и. яад̣̇аа гулавам̣саад̣̇ивасзнзва вуд̇д̇аббагаарам̣ виж̇ж̇амаанагавад̇т̇ум̣ ‘д̣̇ассаамий’д̇и манасаава жинд̇зд̇и, д̇ад̣̇аа маногаммам̣ ход̇и.

    Yadā pana vuttappakāraṃ vijjamānakavatthuṃ kulavaṃsādivasena sahatthā deti, tadā sīlamayaṃ kāyakammaṃ hoti. Yadā kulavaṃsādivaseneva puttadārādayo āṇāpetvā dāpeti, tadā vacīkammaṃ hoti. Yadā kulavaṃsādivaseneva vuttappakāraṃ vijjamānakavatthuṃ ‘dassāmī’ti manasāva cinteti, tadā manokammaṃ hoti.

    жан̇гамид̇ваа д̇хаммаарамман̣з каяаваяам̣ бадтабзнд̇асса бана бхааванаамаяам̣ гааяагаммам̣ ход̇и. гааяан̇г̇ам̣ ажобзд̇ваа ваажааяа каяаваяам̣ бадтабзнд̇асса важийгаммам̣ ход̇и. гааяан̇г̇аваажан̇г̇аани ажобзд̇ваа манасаава д̇хаммаарамман̣з каяаваяам̣ бадтабзнд̇асса маногаммам̣ ход̇и. звам̣ бхааванаамаяам̣ гааяаважийманогаммавасзна д̇ивид̇хам̣ ход̇и. звамзд̇ам̣ д̇хаммаарамман̣амби гусалам̣ д̇ивид̇хабун̃н̃агирияавад̇т̇увасзна навахи гаммад̣̇ваарзхи бхааж̇зд̇ваа д̣̇ассзси д̇хаммарааж̇аа.

    Caṅkamitvā dhammārammaṇe khayavayaṃ paṭṭhapentassa pana bhāvanāmayaṃ kāyakammaṃ hoti. Kāyaṅgaṃ acopetvā vācāya khayavayaṃ paṭṭhapentassa vacīkammaṃ hoti. Kāyaṅgavācaṅgāni acopetvā manasāva dhammārammaṇe khayavayaṃ paṭṭhapentassa manokammaṃ hoti. Evaṃ bhāvanāmayaṃ kāyavacīmanokammavasena tividhaṃ hoti. Evametaṃ dhammārammaṇampi kusalaṃ tividhapuññakiriyavatthuvasena navahi kammadvārehi bhājetvā dassesi dhammarājā.

    звамид̣̇ам̣ жид̇д̇ам̣ наанаавад̇т̇уусу наанаарамман̣авасзна д̣̇ийбид̇ам̣. ид̣̇ам̣ бана згавад̇т̇усмимби наанаарамман̣авасзна лаб̣бхад̇иязва. гат̇ам̣? жад̇уусу хи бажжаязсу жийварз ча аарамман̣аани лаб̣бханд̇и – наварад̇д̇асса хи жийварасса ван̣н̣о манаабо ход̇и д̣̇ассанийяо, ид̣̇ам̣ ван̣н̣аарамман̣ам̣. барибхог̇агаалз бадабадасад̣̇д̣̇ам̣ гарод̇и, ид̣̇ам̣ сад̣̇д̣̇аарамман̣ам̣. яо д̇ад̇т̇а гаал̣агажчагаад̣̇иг̇анд̇хо, ид̣̇ам̣ г̇анд̇хаарамман̣ам̣. расаарамман̣ам̣ бана барибхог̇арасавасзна гат̇ид̇ам̣. яаа д̇ад̇т̇а сукасампассад̇аа, ид̣̇ам̣ подтаб̣б̣аарамман̣ам̣. жийварам̣ бадижжа уббаннаа сукаа взд̣̇анаа, д̇хаммаарамман̣ам̣. бин̣д̣абаад̇з расаарамман̣ам̣ ниббарияааязнзва лаб̣бхад̇и. звам̣ жад̇уусу бажжаязсу наанаарамман̣авасзна яож̇анам̣ гад̇ваа д̣̇аанамаяаад̣̇ибхзд̣̇о взд̣̇ид̇аб̣б̣о.

    Evamidaṃ cittaṃ nānāvatthūsu nānārammaṇavasena dīpitaṃ. Idaṃ pana ekavatthusmimpi nānārammaṇavasena labbhatiyeva. Kathaṃ? Catūsu hi paccayesu cīvare cha ārammaṇāni labbhanti – navarattassa hi cīvarassa vaṇṇo manāpo hoti dassanīyo, idaṃ vaṇṇārammaṇaṃ. Paribhogakāle paṭapaṭasaddaṃ karoti, idaṃ saddārammaṇaṃ. Yo tattha kāḷakacchakādigandho, idaṃ gandhārammaṇaṃ. Rasārammaṇaṃ pana paribhogarasavasena kathitaṃ. Yā tattha sukhasamphassatā, idaṃ phoṭṭhabbārammaṇaṃ. Cīvaraṃ paṭicca uppannā sukhā vedanā, dhammārammaṇaṃ. Piṇḍapāte rasārammaṇaṃ nippariyāyeneva labbhati. Evaṃ catūsu paccayesu nānārammaṇavasena yojanaṃ katvā dānamayādibhedo veditabbo.

    имасса бана жид̇д̇асса аарамман̣амзва ниб̣ад̣̇д̇хам̣, винаа аарамман̣зна ануббаж̇ж̇анад̇о. д̣̇ваарам̣ бана аниб̣ад̣̇д̇хам̣. гасмаа? гаммасса аниб̣ад̣̇д̇хад̇д̇аа. гаммасмин̃хи аниб̣ад̣̇д̇хз д̣̇ваарамби аниб̣ад̣̇д̇хамзва ход̇и.

    Imassa pana cittassa ārammaṇameva nibaddhaṃ, vinā ārammaṇena anuppajjanato. Dvāraṃ pana anibaddhaṃ. Kasmā? Kammassa anibaddhattā. Kammasmiñhi anibaddhe dvārampi anibaddhameva hoti.




    Next: гаамааважарагусалам̣ д̣̇ваарагат̇аа • Kāmāvacarakusalaṃ dvārakathā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / гаамааважарагусалабад̣̇абхааж̇анийяаван̣н̣анаа • Kāmāvacarakusalapadabhājanīyavaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / гаамааважарагусалабад̣̇абхааж̇анийяаван̣н̣анаа • Kāmāvacarakusalapadabhājanīyavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact