| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੭. ਕਾਮਯੋਗਸੁਤ੍ਤਂ
7. Kāmayogasuttaṃ
੯੬. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
96. Vuttañhetaṃ bhagavatā, vuttamarahatāti me sutaṃ –
‘‘ਕਾਮਯੋਗਯੁਤ੍ਤੋ, ਭਿਕ੍ਖવੇ, ਭવਯੋਗਯੁਤ੍ਤੋ ਆਗਾਮੀ ਹੋਤਿ ਆਗਨ੍ਤਾ 1 ਇਤ੍ਥਤ੍ਤਂ। ਕਾਮਯੋਗવਿਸਂਯੁਤ੍ਤੋ, ਭਿਕ੍ਖવੇ, ਭવਯੋਗਯੁਤ੍ਤੋ ਅਨਾਗਾਮੀ ਹੋਤਿ ਅਨਾਗਨ੍ਤਾ ਇਤ੍ਥਤ੍ਤਂ। ਕਾਮਯੋਗવਿਸਂਯੁਤ੍ਤੋ, ਭਿਕ੍ਖવੇ, ਭવਯੋਗવਿਸਂਯੁਤ੍ਤੋ ਅਰਹਾ ਹੋਤਿ, ਖੀਣਾਸવੋ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Kāmayogayutto, bhikkhave, bhavayogayutto āgāmī hoti āgantā 2 itthattaṃ. Kāmayogavisaṃyutto, bhikkhave, bhavayogayutto anāgāmī hoti anāgantā itthattaṃ. Kāmayogavisaṃyutto, bhikkhave, bhavayogavisaṃyutto arahā hoti, khīṇāsavo’’ti. Etamatthaṃ bhagavā avoca. Tatthetaṃ iti vuccati –
‘‘ਕਾਮਯੋਗੇਨ ਸਂਯੁਤ੍ਤਾ, ਭવਯੋਗੇਨ ਚੂਭਯਂ।
‘‘Kāmayogena saṃyuttā, bhavayogena cūbhayaṃ;
ਸਤ੍ਤਾ ਗਚ੍ਛਨ੍ਤਿ ਸਂਸਾਰਂ, ਜਾਤਿਮਰਣਗਾਮਿਨੋ॥
Sattā gacchanti saṃsāraṃ, jātimaraṇagāmino.
‘‘ਯੇ ਚ ਕਾਮੇ ਪਹਨ੍ਤ੍વਾਨ, ਅਪ੍ਪਤ੍ਤਾ ਆਸવਕ੍ਖਯਂ।
‘‘Ye ca kāme pahantvāna, appattā āsavakkhayaṃ;
ਭવਯੋਗੇਨ ਸਂਯੁਤ੍ਤਾ, ਅਨਾਗਾਮੀਤਿ વੁਚ੍ਚਰੇ॥
Bhavayogena saṃyuttā, anāgāmīti vuccare.
‘‘ਯੇ ਚ ਖੋ ਛਿਨ੍ਨਸਂਸਯਾ, ਖੀਣਮਾਨਪੁਨਬ੍ਭવਾ।
‘‘Ye ca kho chinnasaṃsayā, khīṇamānapunabbhavā;
ਤੇ વੇ ਪਾਰਙ੍ਗਤਾ ਲੋਕੇ, ਯੇ ਪਤ੍ਤਾ ਆਸવਕ੍ਖਯ’’ਨ੍ਤਿ॥
Te ve pāraṅgatā loke, ye pattā āsavakkhaya’’nti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਸਤ੍ਤਮਂ।
Ayampi attho vutto bhagavatā, iti me sutanti. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੭. ਕਾਮਯੋਗਸੁਤ੍ਤવਣ੍ਣਨਾ • 7. Kāmayogasuttavaṇṇanā
