| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
211. கம்ப³லானுஜானநாதி³கதா²
211. Kambalānujānanādikathā
338. காஸீனந்தி காஸீனங் ஜனபதா³னங், காஸிரட்டே² நிவாஸீனங் ஜனானங் வா. பஸேனதி³ஸ்ஸாதி பச்சுட்ட²ங், படிபக்க²ங் வா ஸேனங் ஜினாதீதி பஸேனதி³ ஜகாரஸ்ஸ த³காரங் கத்வா. ஏஸாதி ஏஸோ காஸிராஜா. ‘‘ஸஹஸ்ஸ’’ந்தி இமினா காஸிஸத்³த³ஸ்ஸ ஸங்கேதஸங்க்²யங் த³ஸ்ஸேதி. தங்அக்³க⁴னகோதி தேன காஸினா அக்³க⁴னகோ. கஸ்மா அட்³ட⁴காஸீதி (தே²ரீகா³॰ அட்ட²॰ 25) வுத்தோதி ஆஹ ‘‘அயங் பனா’’திஆதி³. அயந்தி கம்ப³லோ. பனாதி காரணத்த²ஜோதகோ. யஸ்மாதி ஹி அத்தோ².
338.Kāsīnanti kāsīnaṃ janapadānaṃ, kāsiraṭṭhe nivāsīnaṃ janānaṃ vā. Pasenadissāti paccuṭṭhaṃ, paṭipakkhaṃ vā senaṃ jinātīti pasenadi jakārassa dakāraṃ katvā. Esāti eso kāsirājā. ‘‘Sahassa’’nti iminā kāsisaddassa saṅketasaṅkhyaṃ dasseti. Taṃagghanakoti tena kāsinā agghanako. Kasmā aḍḍhakāsīti (therīgā. aṭṭha. 25) vuttoti āha ‘‘ayaṃ panā’’tiādi. Ayanti kambalo. Panāti kāraṇatthajotako. Yasmāti hi attho.
339. ப⁴ஞ்ஜிதப்³ப³ங் கோ²மாதீ³னி பஞ்ச ஸுத்தானி மிஸ்ஸித்வா அவமத்³தி³தப்³ப³ந்தி ப⁴ங்க³ந்தி த³ஸ்ஸெந்தோ ஆஹ ‘‘ப⁴ங்க³ங் நாமா’’திஆதி³. வாகமயமேவாதி ப⁴ங்க³னாமகேன வாகேன நிப்³ப³த்தமேவ.
339. Bhañjitabbaṃ khomādīni pañca suttāni missitvā avamadditabbanti bhaṅganti dassento āha ‘‘bhaṅgaṃ nāmā’’tiādi. Vākamayamevāti bhaṅganāmakena vākena nibbattameva.
340. தேதி பி⁴க்கூ², ஸல்லக்கி²ங்ஸு கிராதி ஸம்ப³ந்தோ⁴. ஏதஸ்ஸாதி பத³ஸ்ஸ, அத்த²ந்தி ஸம்ப³ந்தோ⁴. ந அச்சி²ங்ஸூதி ந ஆஸிங்ஸு, ந வஸிங்ஸூதி அத்தோ². நாகாமாதி எத்த² கமுதா⁴து இச்ச²த்தோ² யகாரலோபோதி ஆஹ ‘‘ந அனிச்சா²யா’’தி. தா³தப்³போ³தி பா⁴கோ³ தா³தப்³போ³. உபசாரேதி ஸுஸானஸ்ஸ ஸமீபே. ‘‘அகாமா பா⁴க³ங் தா³து’’ந்தி வசனஸ்ஸ அனேகந்தபா⁴வங் த³ஸ்ஸேதுங் வுத்தங் ‘‘யதி³ பனா’’திஆதி³. இதா⁴தி இமங் ஸுஸானங். ‘‘ஸம்பத்தா க³ண்ஹந்தூ’’தி தெ³ந்தீதி யோஜனா. யேனாதி பி⁴க்கு²னா. ஸதி³ஸா ஓக்கமிங்ஸூதி எத்த² ஸதி³ஸஸத்³தோ³ ஸமபரியாயோதி ஆஹ ‘‘ஸமங் ஓக்கமிங்ஸூ’’தி. ஸமந்தி பா⁴வனபுங்ஸகோ. ஸமானதி³ஸாயாதி வா த³ஸ்ஸெந்தோ ஆஹ ‘‘ஏகதி³ஸாய வா’’தி. எத்த² பன யகாரலோபோ த³ட்ட²ப்³போ³. ப³ஹிமேவாதி ஸுஸானதோ ப³ஹி ஏவ. கதிகந்தி கதேன பவத்தங் ஸங்க³ரங்.
340.Teti bhikkhū, sallakkhiṃsu kirāti sambandho. Etassāti padassa, atthanti sambandho. Na acchiṃsūti na āsiṃsu, na vasiṃsūti attho. Nākāmāti ettha kamudhātu icchattho yakāralopoti āha ‘‘na anicchāyā’’ti. Dātabboti bhāgo dātabbo. Upacāreti susānassa samīpe. ‘‘Akāmā bhāgaṃ dātu’’nti vacanassa anekantabhāvaṃ dassetuṃ vuttaṃ ‘‘yadi panā’’tiādi. Idhāti imaṃ susānaṃ. ‘‘Sampattā gaṇhantū’’ti dentīti yojanā. Yenāti bhikkhunā. Sadisā okkamiṃsūti ettha sadisasaddo samapariyāyoti āha ‘‘samaṃ okkamiṃsū’’ti. Samanti bhāvanapuṃsako. Samānadisāyāti vā dassento āha ‘‘ekadisāya vā’’ti. Ettha pana yakāralopo daṭṭhabbo. Bahimevāti susānato bahi eva. Katikanti katena pavattaṃ saṅgaraṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 211. கம்ப³லானுஜானநாதி³கதா² • 211. Kambalānujānanādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கம்ப³லானுஜானநாதி³கதா² • Kambalānujānanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கம்ப³லானுஜானநாதி³கதா²வண்ணனா • Kambalānujānanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ப⁴ண்டா³கா³ரஸம்முதிஆதி³கதா²வண்ணனா • Bhaṇḍāgārasammutiādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஜீவகவத்து²கதா²தி³வண்ணனா • Jīvakavatthukathādivaṇṇanā
