| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
гамб̣алаануж̇аананаад̣̇игат̇аа
Kambalānujānanādikathā
338. гаасирааж̇аад̇и гаасийнам̣ рааж̇аа; басзнад̣̇исса згабид̇игабхаад̇аа зса. ад̣дхагаасияанд̇и зд̇т̇а гаасийд̇и сахассам̣ вужжад̇и д̇ам̣ аг̇гханаго гаасияо . аяам̣ бана бан̃жасад̇аани аг̇гхад̇и, д̇асмаа ‘‘ад̣дхагаасияо’’д̇и вуд̇д̇о. д̇знзвааха – ‘‘убад̣дхагаасийнам̣ камамаана’’нд̇и.
338.Kāsirājāti kāsīnaṃ rājā; pasenadissa ekapitikabhātā esa. Aḍḍhakāsiyanti ettha kāsīti sahassaṃ vuccati taṃ agghanako kāsiyo . Ayaṃ pana pañcasatāni agghati, tasmā ‘‘aḍḍhakāsiyo’’ti vutto. Tenevāha – ‘‘upaḍḍhakāsīnaṃ khamamāna’’nti.
339. ужжааважаанийд̇и сунд̣̇араани жа асунд̣̇араани жа. бхан̇г̇ам̣ наама комаад̣̇ийхи бан̃жахи суд̇д̇зхи миссзд̇ваа гад̇ам̣; ваагамаяамзваад̇иби вад̣̇анд̇и.
339.Uccāvacānīti sundarāni ca asundarāni ca. Bhaṅgaṃ nāma khomādīhi pañcahi suttehi missetvā kataṃ; vākamayamevātipi vadanti.
340. згам̣язва бхаг̇авад̇аа жийварам̣ анун̃н̃аад̇ам̣ на д̣̇взд̇и д̇з гира ид̇арийд̇арзна жийварзнаад̇и зд̇асса ‘‘г̇ахабад̇игзна ваа бам̣сугуулзна ваа’’д̇и звам̣ ад̇т̇ам̣ саллагким̣су. нааг̇амзсунд̇и яаава д̇з сусаанад̇о ааг̇ажчанд̇и, д̇аава д̇з на ажчим̣су; баггамим̣суязва. наагаамаа бхааг̇ам̣ д̣̇аад̇унд̇и на анижчааяа д̣̇аад̇ум̣; яад̣̇и бана ижчанд̇и, д̣̇аад̇аб̣б̣о. ааг̇амзсунд̇и убажаарз ажчим̣су. д̇знааха бхаг̇аваа ааха – ‘‘ануж̇аанаами бхигкавз ааг̇амзнд̇аанам̣ агаамаа бхааг̇ам̣ д̣̇аад̇у’’нд̇и. яад̣̇и бана мануссаа ‘‘ид̇хааг̇ад̇аа зва г̇ан̣ханд̇уу’’д̇и д̣̇знд̇и, сан̃н̃аан̣ам̣ ваа гад̇ваа г̇ажчанд̇и ‘‘самбад̇д̇аа г̇ан̣ханд̇уу’’д̇и самбад̇д̇аанам̣ саб̣б̣зсамби баабун̣анд̇и. сажз чад̣д̣зд̇ваа г̇ад̇аа, язна г̇ахид̇ам̣, со зва саамий. сад̣̇исаа сусаанам̣ оггамим̣сууд̇и саб̣б̣з самам̣ оггамим̣су; згад̣̇исааяа ваа оггамим̣сууд̇иби ад̇т̇о. д̇з гад̇игам̣ гад̇ваад̇и лад̣̇д̇хам̣ бам̣сугуулам̣ саб̣б̣з бхааж̇зд̇ваа г̇ан̣хиссаамаад̇и б̣ахимзва гад̇игам̣ гад̇ваа.
340.Ekaṃyeva bhagavatā cīvaraṃ anuññātaṃ na dveti te kira itarītarena cīvarenāti etassa ‘‘gahapatikena vā paṃsukūlena vā’’ti evaṃ atthaṃ sallakkhiṃsu. Nāgamesunti yāva te susānato āgacchanti, tāva te na acchiṃsu; pakkamiṃsuyeva. Nākāmā bhāgaṃ dātunti na anicchāya dātuṃ; yadi pana icchanti, dātabbo. Āgamesunti upacāre acchiṃsu. Tenāha bhagavā āha – ‘‘anujānāmi bhikkhave āgamentānaṃ akāmā bhāgaṃ dātu’’nti. Yadi pana manussā ‘‘idhāgatā eva gaṇhantū’’ti denti, saññāṇaṃ vā katvā gacchanti ‘‘sampattā gaṇhantū’’ti sampattānaṃ sabbesampi pāpuṇanti. Sace chaḍḍetvā gatā, yena gahitaṃ, so eva sāmī. Sadisā susānaṃ okkamiṃsūti sabbe samaṃ okkamiṃsu; ekadisāya vā okkamiṃsūtipi attho. Te katikaṃ katvāti laddhaṃ paṃsukūlaṃ sabbe bhājetvā gaṇhissāmāti bahimeva katikaṃ katvā.
342. жийварабадиг̇г̇аахаганд̇и яо г̇ахабад̇игзхи сан̇гхасса д̣̇ийяамаанам̣ жийварам̣ г̇ан̣хаад̇и. яо на чанд̣̇ааг̇ад̇им̣ г̇ажчзяяаад̇иаад̣̇ийсу жийварабадиг̇г̇аахагзсу бажчаа ааг̇ад̇аанамби ад̇д̇ано н̃аад̇агаад̣̇ийнам̣ батамад̇арам̣ бадиг̇г̇ан̣ханд̇о ваа згажжасмим̣ бзмам̣ д̣̇ассзд̇ваа г̇ан̣ханд̇о ваа лобхабагад̇игад̇ааяа ад̇д̇ано барин̣аамзнд̇о ваа чанд̣̇ааг̇ад̇им̣ г̇ажчад̇и наама. батамад̇арам̣ ааг̇ад̇ассааби год̇хавасзна бажчаа г̇ан̣ханд̇о ваа д̣̇уг̇г̇ад̇амануссзсу аваман̃н̃ам̣ гад̇ваа г̇ан̣ханд̇о ваа ‘‘гим̣ во гхарз табаногаасо над̇т̇и, д̇умхаагам̣ санд̇агам̣ г̇ахзд̇ваа г̇ажчат̇аа’’д̇и звам̣ сан̇гхасса лаабханд̇арааяам̣ гаронд̇о ваа д̣̇осааг̇ад̇им̣ г̇ажчад̇и наама. яо бана мудтассад̇и асамбаж̇аано, аяам̣ мохааг̇ад̇им̣ г̇ажчад̇и наама. бажчаа ааг̇ад̇аанамби иссараанамби бхаязна батамад̇арам̣ бадиг̇г̇ан̣ханд̇о ваа ‘‘жийварабадиг̇г̇аахагадтаанам̣ наамзд̇ам̣ бхаарияа’’нд̇и санд̇асанд̇о ваа бхаяааг̇ад̇им̣ г̇ажчад̇и наама. ‘‘маяаа ид̣̇ан̃жид̣̇ан̃жа г̇ахид̇ам̣, ид̣̇ан̃жим̣д̣̇ан̃жа на г̇ахид̇а’’нд̇и звам̣ ж̇аананд̇о г̇ахид̇ааг̇ахид̇ам̣ ж̇аанаад̇и наама. д̇асмаа яо на чанд̣̇ааг̇ад̇иаад̣̇ивасзна г̇ажчад̇и, н̃аад̇агаан̃н̃аад̇агаад̣дхад̣̇уг̇г̇ад̇зсу висзсам̣ агад̇ваа ааг̇ад̇абаабаадияаа г̇ан̣хаад̇и, сийлаажаарабадибад̇д̇ияуд̇д̇о ход̇и, сад̇имаа мзд̇хаавий б̣ахуссуд̇о, саггод̇и д̣̇ааяагаанам̣ виссадтаваажааяа бариман̣д̣алзхи бад̣̇аб̣яан̃ж̇анзхи анумод̣̇анам̣ гаронд̇о басаад̣̇ам̣ ж̇анзд̇ум̣, зваруубо самманнид̇аб̣б̣о.
342. Cīvarapaṭiggāhakanti yo gahapatikehi saṅghassa dīyamānaṃ cīvaraṃ gaṇhāti. Yo na chandāgatiṃ gaccheyyātiādīsu cīvarapaṭiggāhakesu pacchā āgatānampi attano ñātakādīnaṃ paṭhamataraṃ paṭiggaṇhanto vā ekaccasmiṃ pemaṃ dassetvā gaṇhanto vā lobhapakatikatāya attano pariṇāmento vā chandāgatiṃ gacchati nāma. Paṭhamataraṃ āgatassāpi kodhavasena pacchā gaṇhanto vā duggatamanussesu avamaññaṃ katvā gaṇhanto vā ‘‘kiṃ vo ghare ṭhapanokāso natthi, tumhākaṃ santakaṃ gahetvā gacchathā’’ti evaṃ saṅghassa lābhantarāyaṃ karonto vā dosāgatiṃ gacchati nāma. Yo pana muṭṭhassati asampajāno, ayaṃ mohāgatiṃ gacchati nāma. Pacchā āgatānampi issarānampi bhayena paṭhamataraṃ paṭiggaṇhanto vā ‘‘cīvarapaṭiggāhakaṭṭhānaṃ nāmetaṃ bhāriya’’nti santasanto vā bhayāgatiṃ gacchati nāma. ‘‘Mayā idañcidañca gahitaṃ, idañciṃdañca na gahita’’nti evaṃ jānanto gahitāgahitaṃ jānāti nāma. Tasmā yo na chandāgatiādivasena gacchati, ñātakaaññātakaaḍḍhaduggatesu visesaṃ akatvā āgatapaapāṭiyā gaṇhāti, sīlācārapaṭipattiyutto hoti, satimā medhāvī bahussuto, sakkoti dāyakānaṃ vissaṭṭhavācāya parimaṇḍalehi padabyañjanehi anumodanaṃ karonto pasādaṃ janetuṃ, evarūpo sammannitabbo.
зван̃жа бана бхигкавз самманнид̇аб̣б̣од̇и зд̇т̇а бана зд̇ааяа яат̇аавуд̇д̇ааяа гаммаваажааяаби абалоганзнааби анд̇овихаарз саб̣б̣асан̇гхамаж̇жхзби кан̣д̣асиймааяаби самманнид̇ум̣ ваддад̇иязва. звам̣ саммад̇зна жа вихаарабажжанд̇з ваа бад̇хаанагхарз ваа на ажчид̇аб̣б̣ам̣. яад̇т̇а бана ааг̇ад̇ааг̇ад̇аа мануссаа сукам̣ бассанд̇и, д̇аад̣̇исз д̇хуравихаарадтаанз б̣ийж̇аним̣ бассз табзд̇ваа сунивад̇т̇зна субааруд̇зна нисийд̣̇ид̇аб̣б̣анд̇и.
Evañca pana bhikkhave sammannitabboti ettha pana etāya yathāvuttāya kammavācāyapi apalokanenāpi antovihāre sabbasaṅghamajjhepi khaṇḍasīmāyapi sammannituṃ vaṭṭatiyeva. Evaṃ sammatena ca vihārapaccante vā padhānaghare vā na acchitabbaṃ. Yattha pana āgatāgatā manussā sukhaṃ passanti, tādise dhuravihāraṭṭhāne bījaniṃ passe ṭhapetvā sunivatthena supārutena nisīditabbanti.
д̇ад̇т̇зва уж̇жхид̇ваад̇и ‘‘бадиг̇г̇ахан̣амзва амхаагам̣ бхааро’’д̇и вад̇ваа г̇ахид̇адтаанзязва чад̣д̣зд̇ваа г̇ажчанд̇и. жийваранид̣̇ахаганд̇и жийварабадисаамагам̣. яо на чанд̣̇ааг̇ад̇им̣ г̇ажчзяяаад̇иаад̣̇ийсу жзд̇т̇а ид̇о баран̃жа саб̣б̣ад̇т̇а вуд̇д̇анаязнзва винижчаяо взд̣̇ид̇аб̣б̣о. саммуд̇ивинижчаяоби гат̇ид̇аанусаарзнзва ж̇аанид̇аб̣б̣о.
Tattheva ujjhitvāti ‘‘paṭiggahaṇameva amhākaṃ bhāro’’ti vatvā gahitaṭṭhāneyeva chaḍḍetvā gacchanti. Cīvaranidahakanti cīvarapaṭisāmakaṃ. Yo na chandāgatiṃ gaccheyyātiādīsu cettha ito parañca sabbattha vuttanayeneva vinicchayo veditabbo. Sammutivinicchayopi kathitānusāreneva jānitabbo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
211. гамб̣алаануж̇аананаад̣̇игат̇аа • 211. Kambalānujānanādikathā
213. жийварабадиг̇г̇аахагасаммуд̇игат̇аа • 213. Cīvarapaṭiggāhakasammutikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
гамб̣алаануж̇аананаад̣̇игат̇ааван̣н̣анаа • Kambalānujānanādikathāvaṇṇanā
жийварабадиг̇г̇аахагасаммуд̇иаад̣̇игат̇ааван̣н̣анаа • Cīvarapaṭiggāhakasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхан̣д̣ааг̇аарасаммуд̇иаад̣̇игат̇ааван̣н̣анаа • Bhaṇḍāgārasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
211. гамб̣алаануж̇аананаад̣̇игат̇аа • 211. Kambalānujānanādikathā
213. жийварабадиг̇г̇аахагасаммуд̇игат̇аа • 213. Cīvarapaṭiggāhakasammutikathā
