| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
211. гамб̣алаануж̇аананаад̣̇игат̇аа
211. Kambalānujānanādikathā
338. д̇зна ко бана самаязна гаасирааж̇аа ж̇ийвагасса гомаарабхажжасса ад̣дхагаасигам̣ гамб̣алам̣ баахзси убад̣дхагаасинам̣ камамаанам̣. ат̇а ко ж̇ийваго гомаарабхажжо д̇ам̣ ад̣дхагаасигам̣ гамб̣алам̣ аад̣̇ааяа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘аяам̣ мз, бханд̇з, ад̣дхагаасиго гамб̣ало гаасиран̃н̃аа бахид̇о убад̣дхагаасинам̣ камамаано. бадиг̇г̇ан̣хаад̇у мз, бханд̇з, бхаг̇аваа гамб̣алам̣, яам̣ мамасса д̣̇ийгхарад̇д̇ам̣ хид̇ааяа сукааяаа’’д̇и. бадиг̇г̇ахзси бхаг̇аваа гамб̣алам̣. ат̇а ко бхаг̇аваа ж̇ийвагам̣ гомаарабхажжам̣ д̇хаммияаа гат̇ааяа санд̣̇ассзси…бз… бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, гамб̣ала’’нд̇и.
338. Tena kho pana samayena kāsirājā jīvakassa komārabhaccassa aḍḍhakāsikaṃ kambalaṃ pāhesi upaḍḍhakāsinaṃ khamamānaṃ. Atha kho jīvako komārabhacco taṃ aḍḍhakāsikaṃ kambalaṃ ādāya yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jīvako komārabhacco bhagavantaṃ etadavoca – ‘‘ayaṃ me, bhante, aḍḍhakāsiko kambalo kāsiraññā pahito upaḍḍhakāsinaṃ khamamāno. Paṭiggaṇhātu me, bhante, bhagavā kambalaṃ, yaṃ mamassa dīgharattaṃ hitāya sukhāyā’’ti. Paṭiggahesi bhagavā kambalaṃ. Atha kho bhagavā jīvakaṃ komārabhaccaṃ dhammiyā kathāya sandassesi…pe… padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, kambala’’nti.
339. д̇зна ко бана самаязна сан̇гхасса ужжааважаани жийвараани уббаннаани хонд̇и. ат̇а ко бхигкуунам̣ зд̇ад̣̇ахоси – ‘‘гим̣ ну ко бхаг̇авад̇аа жийварам̣ анун̃н̃аад̇ам̣ , гим̣ ананун̃н̃аад̇а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ча жийвараани – комам̣ габбаасигам̣ госзяяам̣ гамб̣алам̣ саан̣ам̣ бхан̇г̇анд̇и.
339. Tena kho pana samayena saṅghassa uccāvacāni cīvarāni uppannāni honti. Atha kho bhikkhūnaṃ etadahosi – ‘‘kiṃ nu kho bhagavatā cīvaraṃ anuññātaṃ , kiṃ ananuññāta’’nti? Bhagavato etamatthaṃ ārocesuṃ. Anujānāmi, bhikkhave, cha cīvarāni – khomaṃ kappāsikaṃ koseyyaṃ kambalaṃ sāṇaṃ bhaṅganti.
340. д̇зна ко бана самаязна яз д̇з бхигкуу г̇ахабад̇ижийварам̣ саад̣̇ияанд̇и д̇з гуггужжааяанд̇аа бам̣сугуулам̣ на саад̣̇ияанд̇и – згам̣язва бхаг̇авад̇аа жийварам̣ анун̃н̃аад̇ам̣, на д̣̇взд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, г̇ахабад̇ижийварам̣ саад̣̇ияанд̇зна бам̣сугууламби саад̣̇ияид̇ум̣; д̇ад̣̇убхаязнабаахам̣, бхигкавз, санд̇удтим̣ ван̣н̣змийд̇и.
340. Tena kho pana samayena ye te bhikkhū gahapaticīvaraṃ sādiyanti te kukkuccāyantā paṃsukūlaṃ na sādiyanti – ekaṃyeva bhagavatā cīvaraṃ anuññātaṃ, na dveti. Bhagavato etamatthaṃ ārocesuṃ. Anujānāmi, bhikkhave, gahapaticīvaraṃ sādiyantena paṃsukūlampi sādiyituṃ; tadubhayenapāhaṃ, bhikkhave, santuṭṭhiṃ vaṇṇemīti.
гамб̣алаануж̇аананаад̣̇игат̇аа нидтид̇аа.
Kambalānujānanādikathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гамб̣алаануж̇аананаад̣̇игат̇аа • Kambalānujānanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гамб̣алаануж̇аананаад̣̇игат̇ааван̣н̣анаа • Kambalānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхан̣д̣ааг̇аарасаммуд̇иаад̣̇игат̇ааван̣н̣анаа • Bhaṇḍāgārasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 211. гамб̣алаануж̇аананаад̣̇игат̇аа • 211. Kambalānujānanādikathā
