| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೨೧೧. ಕಮ್ಬಲಾನುಜಾನನಾದಿಕಥಾ
211. Kambalānujānanādikathā
೩೩೮. ಕಾಸೀನನ್ತಿ ಕಾಸೀನಂ ಜನಪದಾನಂ, ಕಾಸಿರಟ್ಠೇ ನಿವಾಸೀನಂ ಜನಾನಂ ವಾ। ಪಸೇನದಿಸ್ಸಾತಿ ಪಚ್ಚುಟ್ಠಂ, ಪಟಿಪಕ್ಖಂ ವಾ ಸೇನಂ ಜಿನಾತೀತಿ ಪಸೇನದಿ ಜಕಾರಸ್ಸ ದಕಾರಂ ಕತ್ವಾ। ಏಸಾತಿ ಏಸೋ ಕಾಸಿರಾಜಾ। ‘‘ಸಹಸ್ಸ’’ನ್ತಿ ಇಮಿನಾ ಕಾಸಿಸದ್ದಸ್ಸ ಸಙ್ಕೇತಸಙ್ಖ್ಯಂ ದಸ್ಸೇತಿ। ತಂಅಗ್ಘನಕೋತಿ ತೇನ ಕಾಸಿನಾ ಅಗ್ಘನಕೋ। ಕಸ್ಮಾ ಅಡ್ಢಕಾಸೀತಿ (ಥೇರೀಗಾ॰ ಅಟ್ಠ॰ ೨೫) ವುತ್ತೋತಿ ಆಹ ‘‘ಅಯಂ ಪನಾ’’ತಿಆದಿ। ಅಯನ್ತಿ ಕಮ್ಬಲೋ। ಪನಾತಿ ಕಾರಣತ್ಥಜೋತಕೋ। ಯಸ್ಮಾತಿ ಹಿ ಅತ್ಥೋ।
338.Kāsīnanti kāsīnaṃ janapadānaṃ, kāsiraṭṭhe nivāsīnaṃ janānaṃ vā. Pasenadissāti paccuṭṭhaṃ, paṭipakkhaṃ vā senaṃ jinātīti pasenadi jakārassa dakāraṃ katvā. Esāti eso kāsirājā. ‘‘Sahassa’’nti iminā kāsisaddassa saṅketasaṅkhyaṃ dasseti. Taṃagghanakoti tena kāsinā agghanako. Kasmā aḍḍhakāsīti (therīgā. aṭṭha. 25) vuttoti āha ‘‘ayaṃ panā’’tiādi. Ayanti kambalo. Panāti kāraṇatthajotako. Yasmāti hi attho.
೩೩೯. ಭಞ್ಜಿತಬ್ಬಂ ಖೋಮಾದೀನಿ ಪಞ್ಚ ಸುತ್ತಾನಿ ಮಿಸ್ಸಿತ್ವಾ ಅವಮದ್ದಿತಬ್ಬನ್ತಿ ಭಙ್ಗನ್ತಿ ದಸ್ಸೇನ್ತೋ ಆಹ ‘‘ಭಙ್ಗಂ ನಾಮಾ’’ತಿಆದಿ। ವಾಕಮಯಮೇವಾತಿ ಭಙ್ಗನಾಮಕೇನ ವಾಕೇನ ನಿಬ್ಬತ್ತಮೇವ।
339. Bhañjitabbaṃ khomādīni pañca suttāni missitvā avamadditabbanti bhaṅganti dassento āha ‘‘bhaṅgaṃ nāmā’’tiādi. Vākamayamevāti bhaṅganāmakena vākena nibbattameva.
೩೪೦. ತೇತಿ ಭಿಕ್ಖೂ, ಸಲ್ಲಕ್ಖಿಂಸು ಕಿರಾತಿ ಸಮ್ಬನ್ಧೋ। ಏತಸ್ಸಾತಿ ಪದಸ್ಸ, ಅತ್ಥನ್ತಿ ಸಮ್ಬನ್ಧೋ। ನ ಅಚ್ಛಿಂಸೂತಿ ನ ಆಸಿಂಸು, ನ ವಸಿಂಸೂತಿ ಅತ್ಥೋ। ನಾಕಾಮಾತಿ ಏತ್ಥ ಕಮುಧಾತು ಇಚ್ಛತ್ಥೋ ಯಕಾರಲೋಪೋತಿ ಆಹ ‘‘ನ ಅನಿಚ್ಛಾಯಾ’’ತಿ। ದಾತಬ್ಬೋತಿ ಭಾಗೋ ದಾತಬ್ಬೋ। ಉಪಚಾರೇತಿ ಸುಸಾನಸ್ಸ ಸಮೀಪೇ। ‘‘ಅಕಾಮಾ ಭಾಗಂ ದಾತು’’ನ್ತಿ ವಚನಸ್ಸ ಅನೇಕನ್ತಭಾವಂ ದಸ್ಸೇತುಂ ವುತ್ತಂ ‘‘ಯದಿ ಪನಾ’’ತಿಆದಿ। ಇಧಾತಿ ಇಮಂ ಸುಸಾನಂ। ‘‘ಸಮ್ಪತ್ತಾ ಗಣ್ಹನ್ತೂ’’ತಿ ದೇನ್ತೀತಿ ಯೋಜನಾ। ಯೇನಾತಿ ಭಿಕ್ಖುನಾ। ಸದಿಸಾ ಓಕ್ಕಮಿಂಸೂತಿ ಏತ್ಥ ಸದಿಸಸದ್ದೋ ಸಮಪರಿಯಾಯೋತಿ ಆಹ ‘‘ಸಮಂ ಓಕ್ಕಮಿಂಸೂ’’ತಿ। ಸಮನ್ತಿ ಭಾವನಪುಂಸಕೋ। ಸಮಾನದಿಸಾಯಾತಿ ವಾ ದಸ್ಸೇನ್ತೋ ಆಹ ‘‘ಏಕದಿಸಾಯ ವಾ’’ತಿ। ಏತ್ಥ ಪನ ಯಕಾರಲೋಪೋ ದಟ್ಠಬ್ಬೋ। ಬಹಿಮೇವಾತಿ ಸುಸಾನತೋ ಬಹಿ ಏವ। ಕತಿಕನ್ತಿ ಕತೇನ ಪವತ್ತಂ ಸಙ್ಗರಂ।
340.Teti bhikkhū, sallakkhiṃsu kirāti sambandho. Etassāti padassa, atthanti sambandho. Na acchiṃsūti na āsiṃsu, na vasiṃsūti attho. Nākāmāti ettha kamudhātu icchattho yakāralopoti āha ‘‘na anicchāyā’’ti. Dātabboti bhāgo dātabbo. Upacāreti susānassa samīpe. ‘‘Akāmā bhāgaṃ dātu’’nti vacanassa anekantabhāvaṃ dassetuṃ vuttaṃ ‘‘yadi panā’’tiādi. Idhāti imaṃ susānaṃ. ‘‘Sampattā gaṇhantū’’ti dentīti yojanā. Yenāti bhikkhunā. Sadisā okkamiṃsūti ettha sadisasaddo samapariyāyoti āha ‘‘samaṃ okkamiṃsū’’ti. Samanti bhāvanapuṃsako. Samānadisāyāti vā dassento āha ‘‘ekadisāya vā’’ti. Ettha pana yakāralopo daṭṭhabbo. Bahimevāti susānato bahi eva. Katikanti katena pavattaṃ saṅgaraṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೨೧೧. ಕಮ್ಬಲಾನುಜಾನನಾದಿಕಥಾ • 211. Kambalānujānanādikathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಕಮ್ಬಲಾನುಜಾನನಾದಿಕಥಾ • Kambalānujānanādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಕಮ್ಬಲಾನುಜಾನನಾದಿಕಥಾವಣ್ಣನಾ • Kambalānujānanādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಭಣ್ಡಾಗಾರಸಮ್ಮುತಿಆದಿಕಥಾವಣ್ಣನಾ • Bhaṇḍāgārasammutiādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಜೀವಕವತ್ಥುಕಥಾದಿವಣ್ಣನಾ • Jīvakavatthukathādivaṇṇanā
