| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. කම්‌බොජසුත්‌තං
10. Kambojasuttaṃ
80. එකං සමයං භගවා කොසම්‌බියං විහරති ඝොසිතාරාමෙ. අථ ඛො ආයස්‌මා ආනන්‌දො යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං නිසීදි. එකමන්‌තං නිසින්‌නො ඛො ආයස්‌මා ආනන්‌දො භගවන්‌තං එතදවොච –
80. Ekaṃ samayaṃ bhagavā kosambiyaṃ viharati ghositārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘කො නු ඛො, භන්‌තෙ, හෙතු කො පච්‌චයො, යෙන මාතුගාමො නෙව සභායං නිසීදති, න කම්‌මන්‌තං පයොජෙති, න කම්‌බොජං ගච්‌ඡතී’’ති? ‘‘කොධනො, ආනන්‌ද, මාතුගාමො; ඉස්‌සුකී, ආනන්‌ද, මාතුගාමො; මච්‌ඡරී , ආනන්‌ද, මාතුගාමො; දුප්‌පඤ්‌ඤො, ආනන්‌ද, මාතුගාමො – අයං ඛො , ආනන්‌ද, හෙතු අයං පච්‌චයො, යෙන මාතුගාමො නෙව සභායං නිසීදති, න කම්‌මන්‌තං පයොජෙති, න කම්‌බොජං ගච්‌ඡතී’’ති. දසමං.
‘‘Ko nu kho, bhante, hetu ko paccayo, yena mātugāmo neva sabhāyaṃ nisīdati, na kammantaṃ payojeti, na kambojaṃ gacchatī’’ti? ‘‘Kodhano, ānanda, mātugāmo; issukī, ānanda, mātugāmo; maccharī , ānanda, mātugāmo; duppañño, ānanda, mātugāmo – ayaṃ kho , ānanda, hetu ayaṃ paccayo, yena mātugāmo neva sabhāyaṃ nisīdati, na kammantaṃ payojeti, na kambojaṃ gacchatī’’ti. Dasamaṃ.
අපණ්‌ණකවග්‌ගො තතියො.
Apaṇṇakavaggo tatiyo.
තස්‌සුද්‌දානං –
Tassuddānaṃ –
පධානං දිට්‌ඨිසප්‌පුරිස, වධුකා ද්‌වෙ ච හොන්‌ති අග්‌ගානි;
Padhānaṃ diṭṭhisappurisa, vadhukā dve ca honti aggāni;
කුසිනාරඅචින්‌තෙය්‍යා, දක්‌ඛිණා ච වණිජ්‌ජා කම්‌බොජන්‌ති.
Kusināraacinteyyā, dakkhiṇā ca vaṇijjā kambojanti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. කම්‌බොජසුත්‌තවණ්‌ණනා • 10. Kambojasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9-10. වණිජ්‌ජසුත්‌තාදිවණ්‌ණනා • 9-10. Vaṇijjasuttādivaṇṇanā
