| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. கம்போ³ஜஸுத்தவண்ணனா
10. Kambojasuttavaṇṇanā
80. த³ஸமே நேவ ஸபா⁴யங் நிஸீத³தீதி வினிச்ச²யகரணத்த²ங் வினிச்ச²யஸபா⁴யங் நேவ நிஸீத³தி . ந கம்மந்தங் பயோஜேதீதி கஸிவணிஜ்ஜாதி³மஹாகம்மந்தங் நப்பயோஜேதி. ந கம்போ³ஜங் க³ச்ச²தீதி போ⁴கே³ ஸம்ப⁴ரணத்தா²ய கம்போ³ஜரட்ட²ங் ந க³ச்ச²தி. தே³ஸனாமத்தமேவ சேதங், யங் கிஞ்சி திரோரட்ட²ங் ந க³ச்ச²தீதி அத்தோ². கோத⁴னோதிஆதீ³ஸு கோத⁴னதாய கோத⁴பரியுட்டி²தோ அத்தா²னத்த²ங் ந ஜானாதி, இஸ்ஸுகிதாய பரஸம்பத்திங் ந ஸஹதி, மச்ச²ரிதாய த⁴னங் த³த்வா கிச்சங் காதுங் ந ஸக்கோதி, நிப்பஞ்ஞதாய கிச்சங் ஸங்விதா⁴துங் ந ஸக்கோதி. தஸ்மா ஏதானி ஸபா⁴னிஸீத³னாதீ³னி ந கரோதீதி.
80. Dasame neva sabhāyaṃ nisīdatīti vinicchayakaraṇatthaṃ vinicchayasabhāyaṃ neva nisīdati . Na kammantaṃ payojetīti kasivaṇijjādimahākammantaṃ nappayojeti. Na kambojaṃ gacchatīti bhoge sambharaṇatthāya kambojaraṭṭhaṃ na gacchati. Desanāmattameva cetaṃ, yaṃ kiñci tiroraṭṭhaṃ na gacchatīti attho. Kodhanotiādīsu kodhanatāya kodhapariyuṭṭhito atthānatthaṃ na jānāti, issukitāya parasampattiṃ na sahati, maccharitāya dhanaṃ datvā kiccaṃ kātuṃ na sakkoti, nippaññatāya kiccaṃ saṃvidhātuṃ na sakkoti. Tasmā etāni sabhānisīdanādīni na karotīti.
அபண்ணகவக்³கோ³ ததியோ.
Apaṇṇakavaggo tatiyo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. கம்போ³ஜஸுத்தங் • 10. Kambojasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9-10. வணிஜ்ஜஸுத்தாதி³வண்ணனா • 9-10. Vaṇijjasuttādivaṇṇanā
