| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. ཀམྦོཛསུཏྟཝཎྞནཱ
10. Kambojasuttavaṇṇanā
༨༠. དསམེ ནེཝ སབྷཱཡཾ ནིསཱིདཏཱིཏི ཝིནིཙྪཡཀརཎཏྠཾ ཝིནིཙྪཡསབྷཱཡཾ ནེཝ ནིསཱིདཏི ། ན ཀམྨནྟཾ པཡོཛེཏཱིཏི ཀསིཝཎིཛྫཱདིམཧཱཀམྨནྟཾ ནཔྤཡོཛེཏི། ན ཀམྦོཛཾ གཙྪཏཱིཏི བྷོགེ སམྦྷརཎཏྠཱཡ ཀམྦོཛརཊྛཾ ན གཙྪཏི། དེསནཱམཏྟམེཝ ཙེཏཾ, ཡཾ ཀིཉྩི ཏིརོརཊྛཾ ན གཙྪཏཱིཏི ཨཏྠོ། ཀོདྷནོཏིཨཱདཱིསུ ཀོདྷནཏཱཡ ཀོདྷཔརིཡུཊྛིཏོ ཨཏྠཱནཏྠཾ ན ཛཱནཱཏི, ཨིསྶུཀིཏཱཡ པརསམྤཏྟིཾ ན སཧཏི, མཙྪརིཏཱཡ དྷནཾ དཏྭཱ ཀིཙྩཾ ཀཱཏུཾ ན སཀྐོཏི, ནིཔྤཉྙཏཱཡ ཀིཙྩཾ སཾཝིདྷཱཏུཾ ན སཀྐོཏི། ཏསྨཱ ཨེཏཱནི སབྷཱནིསཱིདནཱདཱིནི ན ཀརོཏཱིཏི།
80. Dasame neva sabhāyaṃ nisīdatīti vinicchayakaraṇatthaṃ vinicchayasabhāyaṃ neva nisīdati . Na kammantaṃ payojetīti kasivaṇijjādimahākammantaṃ nappayojeti. Na kambojaṃ gacchatīti bhoge sambharaṇatthāya kambojaraṭṭhaṃ na gacchati. Desanāmattameva cetaṃ, yaṃ kiñci tiroraṭṭhaṃ na gacchatīti attho. Kodhanotiādīsu kodhanatāya kodhapariyuṭṭhito atthānatthaṃ na jānāti, issukitāya parasampattiṃ na sahati, maccharitāya dhanaṃ datvā kiccaṃ kātuṃ na sakkoti, nippaññatāya kiccaṃ saṃvidhātuṃ na sakkoti. Tasmā etāni sabhānisīdanādīni na karotīti.
ཨཔཎྞཀཝགྒོ ཏཏིཡོ།
Apaṇṇakavaggo tatiyo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཀམྦོཛསུཏྟཾ • 10. Kambojasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩-༡༠. ཝཎིཛྫསུཏྟཱདིཝཎྞནཱ • 9-10. Vaṇijjasuttādivaṇṇanā
