| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৮. অট্ঠমৰগ্গো
8. Aṭṭhamavaggo
(৮৩) ১১. কম্মহেতুকথা
(83) 11. Kammahetukathā
৫৪৬. কম্মহেতু অরহা অরহত্তা পরিহাযতীতি? আমন্তা। কম্মহেতু সোতাপন্নো সোতাপত্তিফলা পরিহাযতীতি? ন হেৰং ৰত্তব্বে…পে॰… কম্মহেতু অরহা অরহত্তা পরিহাযতীতি? আমন্তা। কম্মহেতু সকদাগামী…পে॰… অনাগামী অনাগামিফলা পরিহাযতীতি? ন হেৰং ৰত্তব্বে…পে॰…।
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
কম্মহেতু সোতাপন্নো সোতাপত্তিফলা ন পরিহাযতীতি? আমন্তা। কম্মহেতু অরহা অরহত্তা ন পরিহাযতীতি? ন হেৰং ৰত্তব্বে …পে॰… কম্মহেতু সকদাগামী…পে॰… অনাগামী অনাগামিফলা ন পরিহাযতীতি? আমন্তা। কম্মহেতু অরহা অরহত্তা ন পরিহাযতীতি? ন হেৰং ৰত্তব্বে…পে॰…।
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
কম্মহেতু অরহা অরহত্তা পরিহাযতীতি? আমন্তা। পাণাতিপাতকম্মস্স হেতূতি? ন হেৰং ৰত্তব্বে…পে॰… অদিন্নাদানকম্মস্স হেতু…পে॰… কামেসুমিচ্ছাচারকম্মস্স হেতু… মুসাৰাদকম্মস্স হেতু… পিসুণৰাচাকম্মস্স হেতু… ফরুসৰাচাকম্মস্স হেতু… সম্ফপ্পলাপকম্মস্স হেতু… মাতুঘাতকম্মস্স 1 হেতু… পিতুঘাতকম্মস্স হেতু… অরহন্তঘাতকম্মস্স হেতু… রুহিরুপ্পাদকম্মস্স হেতু…পে॰… সঙ্ঘভেদকম্মস্স হেতূতি? ন হেৰং ৰত্তব্বে…পে॰…।
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
কতমস্স কম্মস্স হেতূতি? হন্দ হি অরহন্তানং অব্ভাচিক্খতীতি। অরহন্তানং অব্ভাচিক্খনকম্মস্স হেতু অরহা অরহত্তা পরিহাযতীতি? আমন্তা। যে কেচি অরহন্তানং অব্ভাচিক্খন্তি, সব্বে তে অরহত্তং সচ্ছিকরোন্তীতি? ন হেৰং ৰত্তব্বে…পে॰…।
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
কম্মহেতুকথা নিট্ঠিতা।
Kammahetukathā niṭṭhitā.
অট্ঠমৰগ্গো।
Aṭṭhamavaggo.
তস্সুদ্দানং –
Tassuddānaṃ –
ছ গতিযো, অন্তরাভৰো, পঞ্চেৰ কামগুণা কামধাতু, পঞ্চেৰ আযতনা কামা, রূপিনো ধম্মা রূপধাতু, অরূপিনো ধম্মা অরূপধাতু, সল়াযতনিকো অত্তভাৰো রূপধাতুযা, অত্থি রূপং অরূপেসু, রূপং কম্মং, রূপং জীৰিতং, কম্মহেতুকা পরিহাযতীতি।
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১১. কম্মহেতুকথাৰণ্ণনা • 11. Kammahetukathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১১. কম্মহেতুকথাৰণ্ণনা • 11. Kammahetukathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১১. কম্মহেতুকথাৰণ্ণনা • 11. Kammahetukathāvaṇṇanā
