| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๘. อฎฺฐมวโคฺค
8. Aṭṭhamavaggo
(๘๓) ๑๑. กมฺมเหตุกถา
(83) 11. Kammahetukathā
๕๔๖. กมฺมเหตุ อรหา อรหตฺตา ปริหายตีติ? อามนฺตาฯ กมฺมเหตุ โสตาปโนฺน โสตาปตฺติผลา ปริหายตีติ? น เหวํ วตฺตเพฺพ…เป.… กมฺมเหตุ อรหา อรหตฺตา ปริหายตีติ? อามนฺตาฯ กมฺมเหตุ สกทาคามี…เป.… อนาคามี อนาคามิผลา ปริหายตีติ? น เหวํ วตฺตเพฺพ…เป.…ฯ
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
กมฺมเหตุ โสตาปโนฺน โสตาปตฺติผลา น ปริหายตีติ? อามนฺตาฯ กมฺมเหตุ อรหา อรหตฺตา น ปริหายตีติ? น เหวํ วตฺตเพฺพ …เป.… กมฺมเหตุ สกทาคามี…เป.… อนาคามี อนาคามิผลา น ปริหายตีติ? อามนฺตาฯ กมฺมเหตุ อรหา อรหตฺตา น ปริหายตีติ? น เหวํ วตฺตเพฺพ…เป.…ฯ
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
กมฺมเหตุ อรหา อรหตฺตา ปริหายตีติ? อามนฺตาฯ ปาณาติปาตกมฺมสฺส เหตูติ? น เหวํ วตฺตเพฺพ…เป.… อทินฺนาทานกมฺมสฺส เหตุ…เป.… กาเมสุมิจฺฉาจารกมฺมสฺส เหตุ… มุสาวาทกมฺมสฺส เหตุ… ปิสุณวาจากมฺมสฺส เหตุ… ผรุสวาจากมฺมสฺส เหตุ… สมฺผปฺปลาปกมฺมสฺส เหตุ… มาตุฆาตกมฺมสฺส 1 เหตุ… ปิตุฆาตกมฺมสฺส เหตุ… อรหนฺตฆาตกมฺมสฺส เหตุ… รุหิรุปฺปาทกมฺมสฺส เหตุ…เป.… สงฺฆเภทกมฺมสฺส เหตูติ? น เหวํ วตฺตเพฺพ…เป.…ฯ
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
กตมสฺส กมฺมสฺส เหตูติ? หนฺท หิ อรหนฺตานํ อพฺภาจิกฺขตีติฯ อรหนฺตานํ อพฺภาจิกฺขนกมฺมสฺส เหตุ อรหา อรหตฺตา ปริหายตีติ? อามนฺตาฯ เย เกจิ อรหนฺตานํ อพฺภาจิกฺขนฺติ, สเพฺพ เต อรหตฺตํ สจฺฉิกโรนฺตีติ? น เหวํ วตฺตเพฺพ…เป.…ฯ
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
กมฺมเหตุกถา นิฎฺฐิตาฯ
Kammahetukathā niṭṭhitā.
อฎฺฐมวโคฺคฯ
Aṭṭhamavaggo.
ตสฺสุทฺทานํ –
Tassuddānaṃ –
ฉ คติโย, อนฺตราภโว, ปเญฺจว กามคุณา กามธาตุ, ปเญฺจว อายตนา กามา, รูปิโน ธมฺมา รูปธาตุ, อรูปิโน ธมฺมา อรูปธาตุ, สฬายตนิโก อตฺตภาโว รูปธาตุยา, อตฺถิ รูปํ อรูเปสุ, รูปํ กมฺมํ, รูปํ ชีวิตํ, กมฺมเหตุกา ปริหายตีติฯ
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๑. กมฺมเหตุกถาวณฺณนา • 11. Kammahetukathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๑. กมฺมเหตุกถาวณฺณนา • 11. Kammahetukathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๑. กมฺมเหตุกถาวณฺณนา • 11. Kammahetukathāvaṇṇanā
