| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
៨. អដ្ឋមវគ្គោ
8. Aṭṭhamavaggo
(៨៣) ១១. កម្មហេតុកថា
(83) 11. Kammahetukathā
៥៤៦. កម្មហេតុ អរហា អរហត្តា បរិហាយតីតិ? អាមន្តា។ កម្មហេតុ សោតាបន្នោ សោតាបត្តិផលា បរិហាយតីតិ? ន ហេវំ វត្តព្ពេ…បេ.… កម្មហេតុ អរហា អរហត្តា បរិហាយតីតិ? អាមន្តា។ កម្មហេតុ សកទាគាមី…បេ.… អនាគាមី អនាគាមិផលា បរិហាយតីតិ? ន ហេវំ វត្តព្ពេ…បេ.…។
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
កម្មហេតុ សោតាបន្នោ សោតាបត្តិផលា ន បរិហាយតីតិ? អាមន្តា។ កម្មហេតុ អរហា អរហត្តា ន បរិហាយតីតិ? ន ហេវំ វត្តព្ពេ …បេ.… កម្មហេតុ សកទាគាមី…បេ.… អនាគាមី អនាគាមិផលា ន បរិហាយតីតិ? អាមន្តា។ កម្មហេតុ អរហា អរហត្តា ន បរិហាយតីតិ? ន ហេវំ វត្តព្ពេ…បេ.…។
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
កម្មហេតុ អរហា អរហត្តា បរិហាយតីតិ? អាមន្តា។ បាណាតិបាតកម្មស្ស ហេតូតិ? ន ហេវំ វត្តព្ពេ…បេ.… អទិន្នាទានកម្មស្ស ហេតុ…បេ.… កាមេសុមិច្ឆាចារកម្មស្ស ហេតុ… មុសាវាទកម្មស្ស ហេតុ… បិសុណវាចាកម្មស្ស ហេតុ… ផរុសវាចាកម្មស្ស ហេតុ… សម្ផប្បលាបកម្មស្ស ហេតុ… មាតុឃាតកម្មស្ស 1 ហេតុ… បិតុឃាតកម្មស្ស ហេតុ… អរហន្តឃាតកម្មស្ស ហេតុ… រុហិរុប្បាទកម្មស្ស ហេតុ…បេ.… សង្ឃភេទកម្មស្ស ហេតូតិ? ន ហេវំ វត្តព្ពេ…បេ.…។
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
កតមស្ស កម្មស្ស ហេតូតិ? ហន្ទ ហិ អរហន្តានំ អព្ភាចិក្ខតីតិ។ អរហន្តានំ អព្ភាចិក្ខនកម្មស្ស ហេតុ អរហា អរហត្តា បរិហាយតីតិ? អាមន្តា។ យេ កេចិ អរហន្តានំ អព្ភាចិក្ខន្តិ, សព្ពេ តេ អរហត្តំ សច្ឆិករោន្តីតិ? ន ហេវំ វត្តព្ពេ…បេ.…។
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
កម្មហេតុកថា និដ្ឋិតា។
Kammahetukathā niṭṭhitā.
អដ្ឋមវគ្គោ។
Aṭṭhamavaggo.
តស្សុទ្ទានំ –
Tassuddānaṃ –
ឆ គតិយោ, អន្តរាភវោ, បញ្ចេវ កាមគុណា កាមធាតុ, បញ្ចេវ អាយតនា កាមា, រូបិនោ ធម្មា រូបធាតុ, អរូបិនោ ធម្មា អរូបធាតុ, សឡាយតនិកោ អត្តភាវោ រូបធាតុយា, អត្ថិ រូបំ អរូបេសុ, រូបំ កម្មំ, រូបំ ជីវិតំ, កម្មហេតុកា បរិហាយតីតិ។
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១១. កម្មហេតុកថាវណ្ណនា • 11. Kammahetukathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១១. កម្មហេតុកថាវណ្ណនា • 11. Kammahetukathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១១. កម្មហេតុកថាវណ្ណនា • 11. Kammahetukathāvaṇṇanā
