Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi

    ༨. ཨཊྛམཝགྒོ

    8. Aṭṭhamavaggo

    (༨༣) ༡༡. ཀམྨཧེཏུཀཐཱ

    (83) 11. Kammahetukathā

    ༥༤༦. ཀམྨཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ། ཀམྨཧེཏུ སོཏཱཔནྣོ སོཏཱཔཏྟིཕལཱ པརིཧཱཡཏཱིཏི? ན ཧེཝཾ ཝཏྟབྦེ…པེ॰… ཀམྨཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ། ཀམྨཧེཏུ སཀདཱགཱམཱི…པེ॰… ཨནཱགཱམཱི ཨནཱགཱམིཕལཱ པརིཧཱཡཏཱིཏི? ན ཧེཝཾ ཝཏྟབྦེ…པེ॰…།

    546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….

    ཀམྨཧེཏུ སོཏཱཔནྣོ སོཏཱཔཏྟིཕལཱ ན པརིཧཱཡཏཱིཏི? ཨཱམནྟཱ། ཀམྨཧེཏུ ཨརཧཱ ཨརཧཏྟཱ ན པརིཧཱཡཏཱིཏི? ན ཧེཝཾ ཝཏྟབྦེ …པེ॰… ཀམྨཧེཏུ སཀདཱགཱམཱི…པེ॰… ཨནཱགཱམཱི ཨནཱགཱམིཕལཱ ན པརིཧཱཡཏཱིཏི? ཨཱམནྟཱ། ཀམྨཧེཏུ ཨརཧཱ ཨརཧཏྟཱ ན པརིཧཱཡཏཱིཏི? ན ཧེཝཾ ཝཏྟབྦེ…པེ॰…།

    Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….

    ཀམྨཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ། པཱཎཱཏིཔཱཏཀམྨསྶ ཧེཏཱུཏི? ན ཧེཝཾ ཝཏྟབྦེ…པེ॰… ཨདིནྣཱདཱནཀམྨསྶ ཧེཏུ…པེ॰… ཀཱམེསུམིཙྪཱཙཱརཀམྨསྶ ཧེཏུ… མུསཱཝཱདཀམྨསྶ ཧེཏུ… པིསུཎཝཱཙཱཀམྨསྶ ཧེཏུ… ཕརུསཝཱཙཱཀམྨསྶ ཧེཏུ… སམྥཔྤལཱཔཀམྨསྶ ཧེཏུ… མཱཏུགྷཱཏཀམྨསྶ 1 ཧེཏུ… པིཏུགྷཱཏཀམྨསྶ ཧེཏུ… ཨརཧནྟགྷཱཏཀམྨསྶ ཧེཏུ… རུཧིརུཔྤཱདཀམྨསྶ ཧེཏུ…པེ॰… སངྒྷབྷེདཀམྨསྶ ཧེཏཱུཏི? ན ཧེཝཾ ཝཏྟབྦེ…པེ॰…།

    Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….

    ཀཏམསྶ ཀམྨསྶ ཧེཏཱུཏི? ཧནྡ ཧི ཨརཧནྟཱནཾ ཨབྦྷཱཙིཀྑཏཱིཏི། ཨརཧནྟཱནཾ ཨབྦྷཱཙིཀྑནཀམྨསྶ ཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ། ཡེ ཀེཙི ཨརཧནྟཱནཾ ཨབྦྷཱཙིཀྑནྟི, སབྦེ ཏེ ཨརཧཏྟཾ སཙྪིཀརོནྟཱིཏི? ན ཧེཝཾ ཝཏྟབྦེ…པེ॰…།

    Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….

    ཀམྨཧེཏུཀཐཱ ནིཊྛིཏཱ།

    Kammahetukathā niṭṭhitā.

    ཨཊྛམཝགྒོ།

    Aṭṭhamavaggo.

    ཏསྶུདྡཱནཾ –

    Tassuddānaṃ –

    ཚ གཏིཡོ, ཨནྟརཱབྷཝོ, པཉྩེཝ ཀཱམགུཎཱ ཀཱམདྷཱཏུ, པཉྩེཝ ཨཱཡཏནཱ ཀཱམཱ, རཱུཔིནོ དྷམྨཱ རཱུཔདྷཱཏུ, ཨརཱུཔིནོ དྷམྨཱ ཨརཱུཔདྷཱཏུ, སལཱ༹ཡཏནིཀོ ཨཏྟབྷཱཝོ རཱུཔདྷཱཏུཡཱ, ཨཏྠི རཱུཔཾ ཨརཱུཔེསུ, རཱུཔཾ ཀམྨཾ, རཱུཔཾ ཛཱིཝིཏཾ, ཀམྨཧེཏུཀཱ པརིཧཱཡཏཱིཏི།

    Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.




    Next: ༩. ནཝམཝགྒོ • 9. Navamavaggo




    Footnotes:
    1. མཱཏུགྷཱཏཀཀམྨསྶ (སྱཱ॰), མཱཏུགྷཱཏིཀམྨསྶ (ཀ॰) ཏཐཱ པིཏུགྷཱཏཨརཧནྟགྷཱཏཀམྨསྶཱཏིཔདེསུ
    2. mātughātakakammassa (syā.), mātughātikammassa (ka.) tathā pitughātaarahantaghātakammassātipadesu



    Related texts:



    ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༡. ཀམྨཧེཏུཀཐཱཝཎྞནཱ • 11. Kammahetukathāvaṇṇanā

    ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༡. ཀམྨཧེཏུཀཐཱཝཎྞནཱ • 11. Kammahetukathāvaṇṇanā

    ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༡. ཀམྨཧེཏུཀཐཱཝཎྞནཱ • 11. Kammahetukathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact