| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൮. അട്ഠമവഗ്ഗോ
8. Aṭṭhamavaggo
(൮൩) ൧൧. കമ്മഹേതുകഥാ
(83) 11. Kammahetukathā
൫൪൬. കമ്മഹേതു അരഹാ അരഹത്താ പരിഹായതീതി? ആമന്താ. കമ്മഹേതു സോതാപന്നോ സോതാപത്തിഫലാ പരിഹായതീതി? ന ഹേവം വത്തബ്ബേ…പേ॰… കമ്മഹേതു അരഹാ അരഹത്താ പരിഹായതീതി? ആമന്താ. കമ്മഹേതു സകദാഗാമീ…പേ॰… അനാഗാമീ അനാഗാമിഫലാ പരിഹായതീതി? ന ഹേവം വത്തബ്ബേ…പേ॰….
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
കമ്മഹേതു സോതാപന്നോ സോതാപത്തിഫലാ ന പരിഹായതീതി? ആമന്താ. കമ്മഹേതു അരഹാ അരഹത്താ ന പരിഹായതീതി? ന ഹേവം വത്തബ്ബേ …പേ॰… കമ്മഹേതു സകദാഗാമീ…പേ॰… അനാഗാമീ അനാഗാമിഫലാ ന പരിഹായതീതി? ആമന്താ. കമ്മഹേതു അരഹാ അരഹത്താ ന പരിഹായതീതി? ന ഹേവം വത്തബ്ബേ…പേ॰….
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
കമ്മഹേതു അരഹാ അരഹത്താ പരിഹായതീതി? ആമന്താ. പാണാതിപാതകമ്മസ്സ ഹേതൂതി? ന ഹേവം വത്തബ്ബേ…പേ॰… അദിന്നാദാനകമ്മസ്സ ഹേതു…പേ॰… കാമേസുമിച്ഛാചാരകമ്മസ്സ ഹേതു… മുസാവാദകമ്മസ്സ ഹേതു… പിസുണവാചാകമ്മസ്സ ഹേതു… ഫരുസവാചാകമ്മസ്സ ഹേതു… സമ്ഫപ്പലാപകമ്മസ്സ ഹേതു… മാതുഘാതകമ്മസ്സ 1 ഹേതു… പിതുഘാതകമ്മസ്സ ഹേതു… അരഹന്തഘാതകമ്മസ്സ ഹേതു… രുഹിരുപ്പാദകമ്മസ്സ ഹേതു…പേ॰… സങ്ഘഭേദകമ്മസ്സ ഹേതൂതി? ന ഹേവം വത്തബ്ബേ…പേ॰….
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
കതമസ്സ കമ്മസ്സ ഹേതൂതി? ഹന്ദ ഹി അരഹന്താനം അബ്ഭാചിക്ഖതീതി. അരഹന്താനം അബ്ഭാചിക്ഖനകമ്മസ്സ ഹേതു അരഹാ അരഹത്താ പരിഹായതീതി? ആമന്താ. യേ കേചി അരഹന്താനം അബ്ഭാചിക്ഖന്തി, സബ്ബേ തേ അരഹത്തം സച്ഛികരോന്തീതി? ന ഹേവം വത്തബ്ബേ…പേ॰….
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
കമ്മഹേതുകഥാ നിട്ഠിതാ.
Kammahetukathā niṭṭhitā.
അട്ഠമവഗ്ഗോ.
Aṭṭhamavaggo.
തസ്സുദ്ദാനം –
Tassuddānaṃ –
ഛ ഗതിയോ, അന്തരാഭവോ, പഞ്ചേവ കാമഗുണാ കാമധാതു, പഞ്ചേവ ആയതനാ കാമാ, രൂപിനോ ധമ്മാ രൂപധാതു, അരൂപിനോ ധമ്മാ അരൂപധാതു, സളായതനികോ അത്തഭാവോ രൂപധാതുയാ, അത്ഥി രൂപം അരൂപേസു, രൂപം കമ്മം, രൂപം ജീവിതം, കമ്മഹേതുകാ പരിഹായതീതി.
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൧. കമ്മഹേതുകഥാവണ്ണനാ • 11. Kammahetukathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൧. കമ്മഹേതുകഥാവണ്ണനാ • 11. Kammahetukathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧൧. കമ്മഹേതുകഥാവണ്ണനാ • 11. Kammahetukathāvaṇṇanā
