| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১১. কম্মহেতুকথাৰণ্ণনা
11. Kammahetukathāvaṇṇanā
৫৪৬. ইদানি কম্মহেতুকথা নাম হোতি। তত্থ যেন অরহতা পুরিমভৰে অরহা অব্ভাচিক্খিতপুব্বো, সো তস্স কম্মস্স হেতু অরহত্তা পরিহাযতীতি যেসং লদ্ধি, সেয্যথাপি পুব্বসেলিযানঞ্চেৰ সম্মিতিযানঞ্চ; তে সন্ধায কম্মহেতূতি পুচ্ছা সকৰাদিস্স, পটিঞ্ঞা ইতরস্স। সেসং পরিহানিকথাযং ৰুত্তনযমেৰ ।
546. Idāni kammahetukathā nāma hoti. Tattha yena arahatā purimabhave arahā abbhācikkhitapubbo, so tassa kammassa hetu arahattā parihāyatīti yesaṃ laddhi, seyyathāpi pubbaseliyānañceva sammitiyānañca; te sandhāya kammahetūti pucchā sakavādissa, paṭiññā itarassa. Sesaṃ parihānikathāyaṃ vuttanayameva .
হন্দ হি অরহন্তানং অব্ভাচিক্খতীতি ইদং যস্স কম্মস্স হেতু পরিহাযতি, তং সম্পটিচ্ছাপেতুং ৰদতি। অথ নং সকৰাদী তং পক্খং পটিজানাপেত্ৰা ‘‘যদি এৰং যেহি অরহন্তো ন অব্ভাচিক্খিতপুব্বা, তে সব্বে অরহত্তং পাপুণেয্যু’’ন্তি চোদেতুং যে কেচীতিআদিমাহ। ইতরো তস্স কম্মস্স অরহত্তং সম্পাপুণনে নিযামং অপস্সন্তো পটিক্খিপতি।
Handa hi arahantānaṃ abbhācikkhatīti idaṃ yassa kammassa hetu parihāyati, taṃ sampaṭicchāpetuṃ vadati. Atha naṃ sakavādī taṃ pakkhaṃ paṭijānāpetvā ‘‘yadi evaṃ yehi arahanto na abbhācikkhitapubbā, te sabbe arahattaṃ pāpuṇeyyu’’nti codetuṃ ye kecītiādimāha. Itaro tassa kammassa arahattaṃ sampāpuṇane niyāmaṃ apassanto paṭikkhipati.
কম্মহেতুকথাৰণ্ণনা।
Kammahetukathāvaṇṇanā.
অট্ঠমো ৰগ্গো।
Aṭṭhamo vaggo.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৮৩) ১১. কম্মহেতুকথা • (83) 11. Kammahetukathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১১. কম্মহেতুকথাৰণ্ণনা • 11. Kammahetukathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১১. কম্মহেতুকথাৰণ্ণনা • 11. Kammahetukathāvaṇṇanā
