| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਕਮ੍ਮਜਾਦਿਪਞ੍ਹੋ
6. Kammajādipañho
੬. ‘‘ਭਨ੍ਤੇ ਨਾਗਸੇਨ, ਕਤਮੇ ਏਤ੍ਥ ਕਮ੍ਮਜਾ, ਕਤਮੇ ਹੇਤੁਜਾ, ਕਤਮੇ ਉਤੁਜਾ, ਕਤਮੇ ਨ ਕਮ੍ਮਜਾ, ਨ ਹੇਤੁਜਾ, ਨ ਉਤੁਜਾ’’ਤਿ? ‘‘ਯੇ ਕੇਚਿ, ਮਹਾਰਾਜ, ਸਤ੍ਤਾ ਸਚੇਤਨਾ, ਸਬ੍ਬੇ ਤੇ ਕਮ੍ਮਜਾ; ਅਗ੍ਗਿ ਚ ਸਬ੍ਬਾਨਿ ਚ ਬੀਜਜਾਤਾਨਿ ਹੇਤੁਜਾਨਿ; ਪਥવੀ ਚ ਪਬ੍ਬਤਾ ਚ ਉਦਕਞ੍ਚ વਾਤੋ ਚ, ਸਬ੍ਬੇ ਤੇ ਉਤੁਜਾ; ਆਕਾਸੋ ਚ ਨਿਬ੍ਬਾਨਞ੍ਚ ਇਮੇ ਦ੍વੇ ਅਕਮ੍ਮਜਾ ਅਹੇਤੁਜਾ ਅਨੁਤੁਜਾ। ਨਿਬ੍ਬਾਨਂ ਪਨ, ਮਹਾਰਾਜ, ਨ વਤ੍ਤਬ੍ਬਂ ਕਮ੍ਮਜਨ੍ਤਿ વਾ ਹੇਤੁਜਨ੍ਤਿ વਾ ਉਤੁਜਨ੍ਤਿ વਾ ਉਪ੍ਪਨ੍ਨਨ੍ਤਿ વਾ ਅਨੁਪ੍ਪਨ੍ਨਨ੍ਤਿ વਾ ਉਪ੍ਪਾਦਨੀਯਨ੍ਤਿ વਾ ਅਤੀਤਨ੍ਤਿ વਾ ਅਨਾਗਤਨ੍ਤਿ વਾ ਪਚ੍ਚੁਪ੍ਪਨ੍ਨਨ੍ਤਿ વਾ ਚਕ੍ਖੁવਿਞ੍ਞੇਯ੍ਯਨ੍ਤਿ વਾ ਸੋਤવਿਞ੍ਞੇਯ੍ਯਨ੍ਤਿ વਾ ਘਾਨવਿਞ੍ਞੇਯ੍ਯਨ੍ਤਿ વਾ ਜਿવ੍ਹਾવਿਞ੍ਞੇਯ੍ਯਨ੍ਤਿ વਾ ਕਾਯવਿਞ੍ਞੇਯ੍ਯਨ੍ਤਿ વਾ, ਅਪਿ ਚ, ਮਹਾਰਾਜ, ਮਨੋવਿਞ੍ਞੇਯ੍ਯਂ ਨਿਬ੍ਬਾਨਂ, ਯਂ ਸੋ ਸਮ੍ਮਾਪਟਿਪਨ੍ਨੋ ਅਰਿਯਸਾવਕੋ વਿਸੁਦ੍ਧੇਨ ਞਾਣੇਨ ਪਸ੍ਸਤੀ’’ਤਿ। ‘‘ਰਮਣੀਯੋ, ਭਨ੍ਤੇ ਨਾਗਸੇਨ, ਪਞ੍ਹੋ ਸੁવਿਨਿਚ੍ਛਿਤੋ ਨਿਸ੍ਸਂਸਯੋ ਏਕਨ੍ਤਗਤੋ, વਿਮਤਿ ਉਪ੍ਪਚ੍ਛਿਨ੍ਨਾ, ਤ੍વਂ ਗਣਿવਰਪવਰਮਾਸਜ੍ਜਾ’’ਤਿ।
6. ‘‘Bhante nāgasena, katame ettha kammajā, katame hetujā, katame utujā, katame na kammajā, na hetujā, na utujā’’ti? ‘‘Ye keci, mahārāja, sattā sacetanā, sabbe te kammajā; aggi ca sabbāni ca bījajātāni hetujāni; pathavī ca pabbatā ca udakañca vāto ca, sabbe te utujā; ākāso ca nibbānañca ime dve akammajā ahetujā anutujā. Nibbānaṃ pana, mahārāja, na vattabbaṃ kammajanti vā hetujanti vā utujanti vā uppannanti vā anuppannanti vā uppādanīyanti vā atītanti vā anāgatanti vā paccuppannanti vā cakkhuviññeyyanti vā sotaviññeyyanti vā ghānaviññeyyanti vā jivhāviññeyyanti vā kāyaviññeyyanti vā, api ca, mahārāja, manoviññeyyaṃ nibbānaṃ, yaṃ so sammāpaṭipanno ariyasāvako visuddhena ñāṇena passatī’’ti. ‘‘Ramaṇīyo, bhante nāgasena, pañho suvinicchito nissaṃsayo ekantagato, vimati uppacchinnā, tvaṃ gaṇivarapavaramāsajjā’’ti.
ਕਮ੍ਮਜਾਦਿਪਞ੍ਹੋ ਛਟ੍ਠੋ।
Kammajādipañho chaṭṭho.
