Library / Tipiṭaka / திபிடக • Tipiṭaka / வினயாலங்கார-டீகா • Vinayālaṅkāra-ṭīkā

33. கம்மாகம்மவினிச்ச²யகதா²

33. Kammākammavinicchayakathā

249. ஏவங் க³ருகாபத்திவுட்டா²னவினிச்ச²யகத²ங் கதெ²த்வா இதா³னி கம்மாகம்மவினிச்ச²யகத²ங் கதே²துங் ‘‘கம்மாகம்மந்தி எத்த² பனா’’திஆதி³மாஹ. தத்த² ஸமக்³கே³ன ஸங்கே⁴ன கரீயதே தந்தி கம்மங், அபலோகனாதி³சதுப்³பி³த⁴வினயகம்மங். இதரஸ்மிம்பி ஏஸேவ நயோ. அ-காரோ வுத்³தி⁴அத்தோ², ந வுத்³தி⁴ப்பத்தங் கம்மங் அகம்மங். கம்மஞ்ச அகம்மஞ்ச கம்மாகம்மங் வஜ்ஜாவஜ்ஜங் விய, ப²லாப²லங் விய ச. தத்த² ச கம்மந்தி அபலோகனகம்மஞத்திகம்மத்³வயங். அகம்மந்தி ஞத்திது³தியகம்மஞத்திசதஉத்த²கம்மத்³வயங். அத² வா கம்மந்தி சதூஸுபி ஏதேஸு லஹுககம்மங். அகம்மந்தி க³ருககம்மங். கம்மாகம்மந்தி எத்த² பன வினிச்ச²யோ ஏவங் வேதி³தப்³போ³தி யோஜனா. தத்த² பனாதி பக்க²ந்தரத்தே² நிபாதோ , க³ருகாபத்திவுட்டா²னவினிச்ச²யகதா²பக்க²தோ அஞ்ஞோ கம்மாகம்மவினிச்ச²யகதா²பக்கோ² வேதி³தப்³போ³தி வா மயா வுச்சதேதி வா அத்தோ².

249. Evaṃ garukāpattivuṭṭhānavinicchayakathaṃ kathetvā idāni kammākammavinicchayakathaṃ kathetuṃ ‘‘kammākammanti ettha panā’’tiādimāha. Tattha samaggena saṅghena karīyate tanti kammaṃ, apalokanādicatubbidhavinayakammaṃ. Itarasmimpi eseva nayo. A-kāro vuddhiattho, na vuddhippattaṃ kammaṃ akammaṃ. Kammañca akammañca kammākammaṃ vajjāvajjaṃ viya, phalāphalaṃ viya ca. Tattha ca kammanti apalokanakammañattikammadvayaṃ. Akammanti ñattidutiyakammañatticatautthakammadvayaṃ. Atha vā kammanti catūsupi etesu lahukakammaṃ. Akammanti garukakammaṃ. Kammākammanti ettha pana vinicchayo evaṃ veditabboti yojanā. Tattha panāti pakkhantaratthe nipāto , garukāpattivuṭṭhānavinicchayakathāpakkhato añño kammākammavinicchayakathāpakkho veditabboti vā mayā vuccateti vā attho.

சத்தாரி கம்மானீதி எத்த² சத்தாரீதி பரிச்சே²த³னித³ஸ்ஸனங். தேன வினயகம்மானி நாம சத்தாரி ஏவ ஹொந்தி, ந இதோ ஊனாதி⁴கானீதி த³ஸ்ஸேதி. கம்மானீதி பரிச்சி²ன்னகம்மனித³ஸ்ஸனங். அபலோகனகம்மந்திஆதீ³னி பரிச்சி²ன்னகம்மானங் உத்³தே³ஸகத²னங். தத்த² அபலோகீயதே ஆயாசீயதே அபலோகனங், அபபுப்³ப³லோகதா⁴து ஆயாசனத்தே², யுபச்சயோ பா⁴வத்த²வாசகோ. அபலோகனவஸேன கத்தப்³ப³ங் கம்மங் அபலோகனகம்மங், ஸீமட்ட²கஸங்க⁴ங் அபலோகெத்வா ஸங்கா⁴னுமதியா கத்தப்³ப³ங் கம்மங். ஞாபனா ஞத்தி, ஸங்க⁴ஸ்ஸ ஜானாபனாதி அத்தோ². ஞத்தியா கத்தப்³ப³ங் கம்மங் ஞத்திகம்மங், அனுஸ்ஸாவனங் அகத்வா ஸுத்³த⁴ஞத்தியாயேவ கத்தப்³ப³கம்மங். த்³வின்னங் பூரணீ து³தியா, ஞத்தி து³தியா ஏதஸ்ஸ கம்மஸ்ஸாதி ஞத்திது³தியங், ஞத்திது³தியஞ்ச தங் கம்மஞ்சாதி ஞத்திது³தியகம்மங், ஏகாய ஞத்தியா ஏகாய அனுஸ்ஸாவனாய கத்தப்³ப³கம்மங். சதுன்னங் பூரணீ சதுத்தீ², ஞத்தி சதுத்தீ² ஏதஸ்ஸ கம்மஸ்ஸாதி ஞத்திசதுத்த²ங், ஞத்திசதுத்த²ஞ்ச தங் கம்மஞ்சாதி ஞத்திசதுத்த²கம்மங், ஏகாய ஞத்தியா தீஹி அனுஸ்ஸாவனாஹி கத்தப்³ப³கம்மங். தேன வக்க²தி ‘‘அபலோகனகம்மங் நாம ஸீமட்ட²கஸங்க⁴ங் ஸோதெ⁴த்வா’’திஆதி³.

Cattārikammānīti ettha cattārīti paricchedanidassanaṃ. Tena vinayakammāni nāma cattāri eva honti, na ito ūnādhikānīti dasseti. Kammānīti paricchinnakammanidassanaṃ. Apalokanakammantiādīni paricchinnakammānaṃ uddesakathanaṃ. Tattha apalokīyate āyācīyate apalokanaṃ, apapubbalokadhātu āyācanatthe, yupaccayo bhāvatthavācako. Apalokanavasena kattabbaṃ kammaṃ apalokanakammaṃ, sīmaṭṭhakasaṅghaṃ apaloketvā saṅghānumatiyā kattabbaṃ kammaṃ. Ñāpanā ñatti, saṅghassa jānāpanāti attho. Ñattiyā kattabbaṃ kammaṃ ñattikammaṃ, anussāvanaṃ akatvā suddhañattiyāyeva kattabbakammaṃ. Dvinnaṃ pūraṇī dutiyā, ñatti dutiyā etassa kammassāti ñattidutiyaṃ, ñattidutiyañca taṃ kammañcāti ñattidutiyakammaṃ, ekāya ñattiyā ekāya anussāvanāya kattabbakammaṃ. Catunnaṃ pūraṇī catutthī, ñatti catutthī etassa kammassāti ñatticatutthaṃ, ñatticatutthañca taṃ kammañcāti ñatticatutthakammaṃ, ekāya ñattiyā tīhi anussāvanāhi kattabbakammaṃ. Tena vakkhati ‘‘apalokanakammaṃ nāma sīmaṭṭhakasaṅghaṃ sodhetvā’’tiādi.

ஏவங் சத்தாரி கம்மானி உத்³தி³ஸித்வா பரிவாரே (பரி॰ 482 ஆத³யோ) கம்மவக்³கே³ ஆக³தனயேனேவ தேஸங் சதுன்னங் கம்மானங் விபத்திகாரணானி புச்சி²த்வா விஸ்ஸஜ்ஜேதுங் ‘‘இமானி சத்தாரி கம்மானி கதிஹாகாரேஹி விபஜ்ஜந்தி? பஞ்சஹாகாரேஹி விபஜ்ஜந்தீ’’திஆதி³மாஹ. தத்த² வத்து²தோதி வினயகம்மஸ்ஸ காரணபூ⁴தவத்து²தோ. ஞத்திதோ அனுஸ்ஸாவனதோதி த்³வேபி கம்மவாசாயமேவ. ஸீமதோதி கம்மகரணட்டா²னபூ⁴தப³த்³த⁴ஸீமதோ. பரிஸதோதி கம்மப்பத்தச²ந்தா³ரஹபூ⁴தகாரகஸங்க⁴தோ. தானியேவ ஹி பஞ்ச ஸப்³பே³ஸங் வினயகம்மானங் விபத்திகாரணானி ஹொந்தி.

Evaṃ cattāri kammāni uddisitvā parivāre (pari. 482 ādayo) kammavagge āgatanayeneva tesaṃ catunnaṃ kammānaṃ vipattikāraṇāni pucchitvā vissajjetuṃ ‘‘imāni cattāri kammāni katihākārehi vipajjanti? Pañcahākārehi vipajjantī’’tiādimāha. Tattha vatthutoti vinayakammassa kāraṇabhūtavatthuto. Ñattito anussāvanatoti dvepi kammavācāyameva. Sīmatoti kammakaraṇaṭṭhānabhūtabaddhasīmato. Parisatoti kammappattachandārahabhūtakārakasaṅghato. Tāniyeva hi pañca sabbesaṃ vinayakammānaṃ vipattikāraṇāni honti.

ததோ தங் கம்மவிபத்திகாரணபூ⁴தங் வத்து²ங் பாளினயேன வித்தா²ரேதுங் ‘‘ஸம்முகா²கரணீயங் கம்மங் அஸம்முகா² கரோதி, வத்து²விபன்னங் அத⁴ம்மகம்ம’’ந்த்யாதி³மாஹ. தத்த² ஸம்முகா²கரணீயங் படிபுச்சா²கரணீயங் படிஞ்ஞாயகரணீயந்தி இமேஸங் திண்ணங் அததா²கரணேன, ஸதிவினயோ அமூள்ஹவினயோ தஸ்ஸபாபியஸிகா தஜ்ஜனீயகம்மங் நியஸகம்மங் பப்³பா³ஜனீயகம்மங் படிஸாரணீயகம்மங் உக்கே²பனீயகம்மங் பரிவாஸோ மூலாயபடிகஸ்ஸனா மானத்தங் அப்³பா⁴னங் உபஸம்பத³ந்தி இமேஸங் தேரஸகம்மானங் அஞ்ஞகம்மாரஹஸ்ஸ அஞ்ஞகம்மகரணேன, உபோஸதோ² பவாரணாதி இமேஸங் த்³வின்னங் அதி³வஸே கரணேன, பண்ட³கோ தெ²ய்யஸங்வாஸகோ தித்தி²யபக்கந்தகோ திரச்சா²னக³தோ மாதுகா⁴தகோ பிதுகா⁴தகோ அரஹந்தகா⁴தகோ லோஹிதுப்பாத³கோ ஸங்க⁴பே⁴த³கோ பி⁴க்கு²னிதூ³ஸகோ உப⁴தொப்³யஞ்ஜனகோ ஊனவீஸதிவஸ்ஸோ அந்திமவத்து²அஜ்ஜா²பன்னபுப்³போ³தி இமேஸங் தேரஸன்னங் புக்³க³லானங் உபஸம்பதா³கம்மகரணேன இதி இமானி ஏகதிங்ஸ கம்மானி வத்து²விபன்னங் அத⁴ம்மகம்மங் ஹோதி. ஞத்திதோ பஞ்ச, அனுஸ்ஸாவனதோ பஞ்சாதி இமானி த³ஸ காரணானி அந்தோகம்மவாசாயமேவ லப⁴ந்தி, ஸீமதோ ஏகாத³ஸ காரணானி ஸீமாஸம்முதிவஸேன லப⁴ந்தி, பரிஸதோ த்³வாத³ஸ காரணானி சதுவக்³க³பஞ்சவக்³க³த³ஸவக்³க³வீஸதிவக்³க³ஸங்கா²தேஸு சதூஸு ஸங்கே⁴ஸு ஏகேகஸ்மிங் கம்மபத்தச²ந்தா³ரஹஸம்முகீ²பூ⁴தஸங்கா²தானங் திண்ணங் திண்ணங் ஸங்கா⁴னங் வஸேன லப⁴ந்தீதி.

Tato taṃ kammavipattikāraṇabhūtaṃ vatthuṃ pāḷinayena vitthāretuṃ ‘‘sammukhākaraṇīyaṃ kammaṃ asammukhā karoti, vatthuvipannaṃ adhammakamma’’ntyādimāha. Tattha sammukhākaraṇīyaṃ paṭipucchākaraṇīyaṃ paṭiññāyakaraṇīyanti imesaṃ tiṇṇaṃ atathākaraṇena, sativinayo amūḷhavinayo tassapāpiyasikā tajjanīyakammaṃ niyasakammaṃ pabbājanīyakammaṃ paṭisāraṇīyakammaṃ ukkhepanīyakammaṃ parivāso mūlāyapaṭikassanā mānattaṃ abbhānaṃ upasampadanti imesaṃ terasakammānaṃ aññakammārahassa aññakammakaraṇena, uposatho pavāraṇāti imesaṃ dvinnaṃ adivase karaṇena, paṇḍako theyyasaṃvāsako titthiyapakkantako tiracchānagato mātughātako pitughātako arahantaghātako lohituppādako saṅghabhedako bhikkhunidūsako ubhatobyañjanako ūnavīsativasso antimavatthuajjhāpannapubboti imesaṃ terasannaṃ puggalānaṃ upasampadākammakaraṇena iti imāni ekatiṃsa kammāni vatthuvipannaṃ adhammakammaṃ hoti. Ñattito pañca, anussāvanato pañcāti imāni dasa kāraṇāni antokammavācāyameva labhanti, sīmato ekādasa kāraṇāni sīmāsammutivasena labhanti, parisato dvādasa kāraṇāni catuvaggapañcavaggadasavaggavīsativaggasaṅkhātesu catūsu saṅghesu ekekasmiṃ kammapattachandārahasammukhībhūtasaṅkhātānaṃ tiṇṇaṃ tiṇṇaṃ saṅghānaṃ vasena labhantīti.

ஏவங் கம்மவிபத்திகாரணானி த³ஸ்ஸெத்வா புன சதுவக்³க³ஸங்கா⁴தீ³ஸு ஸன்னிஸின்னானங் பி⁴க்கூ²னங் விஸேஸனாமங் த³ஸ்ஸேதுங் ‘‘சதுவக்³க³கரணே கம்மே’’திஆதி³மாஹ. தங் ஸுவிஞ்ஞெய்யமேவ.

Evaṃ kammavipattikāraṇāni dassetvā puna catuvaggasaṅghādīsu sannisinnānaṃ bhikkhūnaṃ visesanāmaṃ dassetuṃ ‘‘catuvaggakaraṇe kamme’’tiādimāha. Taṃ suviññeyyameva.

250. ததோ பரங் சதுன்னங் கம்மானங் டா²னங் ஸங்கே²பதோ த³ஸ்ஸேதுங் ‘‘அபலோகனகம்மங் கதி டா²னானி க³ச்ச²தீ’’திஆதி³மாஹ. தம்பி ஸுவிஞ்ஞெய்யமேவ.

250. Tato paraṃ catunnaṃ kammānaṃ ṭhānaṃ saṅkhepato dassetuṃ ‘‘apalokanakammaṃ kati ṭhānāni gacchatī’’tiādimāha. Tampi suviññeyyameva.

251. ததோ தானியேவ கம்மானி தேஸு டா²னேஸு பவத்தானி வித்தா²ரதோ பகாஸேதுகாமோ ‘‘அயங் தாவ பாளினயோ. அயங் பனெத்த² ஆதி³தோ பட்டா²ய வினிச்ச²யகதா²’’திஆதி³மாஹ. தத்த² தஸ்ஸங் வினிச்ச²யகதா²யங் சதூஸு கம்மேஸு கதமங் அபலோகனகம்மங் நாமாதி புச்சா²யங் தங் த³ஸ்ஸேதுமாஹ ‘‘அபலோகனகம்மங் நாமா’’திஆதி³. தத்த² ஸீமட்ட²கஸங்க⁴ங் ஸோதெ⁴த்வாதி அவிப்பவாஸஸங்கா²தமஹாஸீமட்ட²கங் ஸங்க⁴ங் ஸோதெ⁴த்வா. ந ஹி க²ண்ட³ஸீமாய ஸன்னிபதிதே ஸங்கே⁴ ஸோதே⁴தப்³ப³கிச்சங் அத்தி², அவிப்பவாஸஸீமாஸங்கா²தாய மஹாஸீமாய பன வித்தா²ரத்தா ப³ஹூனங் பி⁴க்கூ²னங் வஸனட்டா²னத்தா ஸமக்³க³பா⁴வத்த²ங் ஸோதே⁴தப்³ப³ங் ஹோதி. ச²ந்தா³ரஹானங் ச²ந்த³ங் ஆஹரித்வாதி திஸ்ஸங் ஸீமாயங் சதுவக்³கா³தி³க³ணங் பூரெத்வா ஹத்த²பாஸங் அவிஜஹித்வா டி²தேஹி பி⁴க்கூ²ஹி அஞ்ஞேஸங் ஹத்த²பாஸங் அனாக³தானங் பகதத்தபி⁴க்கூ²னங் ச²ந்த³ங் ஆஹரித்வா. வுத்தஞ்ஹி ‘‘சதுவக்³க³கரணே கம்மே சத்தாரோ பி⁴க்கூ² பகதத்தா கம்மப்பத்தா, அவஸேஸா பகதத்தா ச²ந்தா³ரஹா’’தி (பரி॰ 497). ஸமக்³க³ஸ்ஸ ஸங்க⁴ஸ்ஸ அனுமதியாதி ச²ந்த³ஸ்ஸ ஆஹரிதத்தா ஹத்த²பாஸங் ஆக³தாபி அனாக³தாபி ஸப்³பே³ பி⁴க்கூ² ஸமக்³கா³யேவ ஹொந்தி, தஸ்மா ஸமக்³க³ஸ்ஸ ஸங்க⁴ஸ்ஸ அனுமதியா. திக்க²த்துங் ஸாவெத்வாதி ‘‘ஸுணாது மே, ப⁴ந்தே, ஸங்கோ⁴’’திஆதி³னா கம்மவாசங் அப⁴ணித்வா ‘‘ருச்சதி ஸங்க⁴ஸ்ஸ. து³தியம்பி…பே॰… ததியம்பி ருச்சதி ஸங்க⁴ஸ்ஸா’’தி திக்க²த்துங் ஸாவெத்வா கத்தப்³ப³கம்மங் அபலோகனகம்மங் நாமாதி யோஜனா. வுத்தனயேனேவாதி அபலோகனகம்மே வுத்தனயேனேவ. இமினா ‘‘ஸீமட்ட²கஸங்க⁴ங் ஸோதெ⁴த்வா, ச²ந்தா³ரஹானங் ச²ந்த³ங் ஆஹரித்வா’’தி இத³ங் த்³வயங் அதிதி³ஸதி. இதரேஸுபி ஏஸேவ நயோ.

251. Tato tāniyeva kammāni tesu ṭhānesu pavattāni vitthārato pakāsetukāmo ‘‘ayaṃ tāva pāḷinayo. Ayaṃ panettha ādito paṭṭhāya vinicchayakathā’’tiādimāha. Tattha tassaṃ vinicchayakathāyaṃ catūsu kammesu katamaṃ apalokanakammaṃ nāmāti pucchāyaṃ taṃ dassetumāha ‘‘apalokanakammaṃ nāmā’’tiādi. Tattha sīmaṭṭhakasaṅghaṃ sodhetvāti avippavāsasaṅkhātamahāsīmaṭṭhakaṃ saṅghaṃ sodhetvā. Na hi khaṇḍasīmāya sannipatite saṅghe sodhetabbakiccaṃ atthi, avippavāsasīmāsaṅkhātāya mahāsīmāya pana vitthārattā bahūnaṃ bhikkhūnaṃ vasanaṭṭhānattā samaggabhāvatthaṃ sodhetabbaṃ hoti. Chandārahānaṃ chandaṃ āharitvāti tissaṃ sīmāyaṃ catuvaggādigaṇaṃ pūretvā hatthapāsaṃ avijahitvā ṭhitehi bhikkhūhi aññesaṃ hatthapāsaṃ anāgatānaṃ pakatattabhikkhūnaṃ chandaṃ āharitvā. Vuttañhi ‘‘catuvaggakaraṇe kamme cattāro bhikkhū pakatattā kammappattā, avasesā pakatattā chandārahā’’ti (pari. 497). Samaggassa saṅghassa anumatiyāti chandassa āharitattā hatthapāsaṃ āgatāpi anāgatāpi sabbe bhikkhū samaggāyeva honti, tasmā samaggassa saṅghassa anumatiyā. Tikkhattuṃ sāvetvāti ‘‘suṇātu me, bhante, saṅgho’’tiādinā kammavācaṃ abhaṇitvā ‘‘ruccati saṅghassa. Dutiyampi…pe… tatiyampi ruccati saṅghassā’’ti tikkhattuṃ sāvetvā kattabbakammaṃ apalokanakammaṃ nāmāti yojanā. Vuttanayenevāti apalokanakamme vuttanayeneva. Iminā ‘‘sīmaṭṭhakasaṅghaṃ sodhetvā, chandārahānaṃ chandaṃ āharitvā’’ti idaṃ dvayaṃ atidisati. Itaresupi eseva nayo.

தத்த² தேஸு சதூஸு கம்மேஸு கிங் அஞ்ஞகம்மங் இதரகம்மவஸேன காதப்³ப³ந்தி சோத³னங் ஸந்தா⁴யாஹ ‘‘தத்ர’’இச்சாதி³. ஏவங் ஹோது, ஏவங் ஸந்தே அவிஸேஸேன ஸப்³ப³ம்பி கம்மங் அஞ்ஞவஸேன கத்தப்³ப³ந்தி ஆஹ ‘‘ஞத்திது³தியகம்மங் பனா’’திஆதி³. தத்த² பன-ஸத்³தோ³ விஸேஸத்த²ஜோதகோ, ஞத்திது³தியகம்மே பன விஸேஸோ அத்தீ²தி அத்தோ². இதோ பரானி ஸுவிஞ்ஞெய்யானேவ. படிக்கி²த்தமேவ அட்ட²கதா²யந்தி அஜ்ஜா²ஹாரஸம்ப³ந்தோ⁴. யதி³ ஏவங் அக்க²ரபரிஹீனாதீ³ஸு ஸந்தேஸு கம்மகோபோ ஸியாதி சோத³னங் மனஸி கத்வா ஆஹ ‘‘ஸசே பனா’’திஆதி³. தத்த² அக்க²ரபரிஹீனந்தி ‘‘ஸுணாது மே’’திஆதீ³ஸு ஸு-கார ணா-கார து-காராதீ³னங் ப⁴ஸ்ஸனங். பத³பரிஹீனந்தி ஸுணாதூதிஆதீ³னங் விப⁴த்யந்தபதா³னங் ப⁴ஸ்ஸனங். து³ருத்தபத³ங் பன உபரி வக்க²தி.

Tattha tesu catūsu kammesu kiṃ aññakammaṃ itarakammavasena kātabbanti codanaṃ sandhāyāha ‘‘tatra’’iccādi. Evaṃ hotu, evaṃ sante avisesena sabbampi kammaṃ aññavasena kattabbanti āha ‘‘ñattidutiyakammaṃ panā’’tiādi. Tattha pana-saddo visesatthajotako, ñattidutiyakamme pana viseso atthīti attho. Ito parāni suviññeyyāneva. Paṭikkhittameva aṭṭhakathāyanti ajjhāhārasambandho. Yadi evaṃ akkharaparihīnādīsu santesu kammakopo siyāti codanaṃ manasi katvā āha ‘‘sace panā’’tiādi. Tattha akkharaparihīnanti ‘‘suṇātu me’’tiādīsu su-kāra ṇā-kāra tu-kārādīnaṃ bhassanaṃ. Padaparihīnanti suṇātūtiādīnaṃ vibhatyantapadānaṃ bhassanaṃ. Duruttapadaṃ pana upari vakkhati.

இதா³னி புனப்புனவசனே பயோஜனங் த³ஸ்ஸெந்தோ ‘‘இத³ங் அகுப்பகம்மே த³ள்ஹிகம்மங் ஹோதி, குப்பகம்மே கம்மங் ஹுத்வா திட்ட²தீ’’தி ஆஹ. தத்த² இத³ந்தி இத³ங் புனப்புனங் வுத்தகம்மங். அகுப்பகம்மேதி அகுப்பே டா²னாரஹே புரேகதகம்மே. த³ள்ஹிகம்மங் ஹோதீதி தி²ரதரகம்மங் ஹோதி ஏகாய ரஜ்ஜுயா ப³ந்தி⁴தப்³ப³பா⁴ரே து³தியததியாதி³ரஜ்ஜூஹி ப³ந்த⁴னங் விய. குப்பகம்மேதி அக்க²ரபரிஹீனாதி³வஸேன குப்பே அட்டா²னாரஹே புரேகதகம்மே. கம்மங் ஹுத்வா திட்ட²தீதி புனப்புனங் வுத்தே ஸதி தேஸங் அக்க²ரபரிஹீனாதீ³னங் ஸோதி⁴தத்தா பரிஸுத்³த⁴கம்மங் ஹுத்வா திட்ட²தி. அகுப்பகம்மே குப்பகம்மேதி வா பா⁴வேனபா⁴வலக்க²ணத்தே² பு⁴ம்மவசனங். புரேதரங் கதகம்மஸ்மிங் அகுப்பகம்மே ஸதி பச்சா² இத³ங் புனப்புனங் வுத்தகம்மங் த³ள்ஹிகம்மங் ஹோதி, புரேகதகம்மஸ்மிங் குப்பகம்மே ஸதி இத³ங் புனப்புனங் வுத்தகம்மங் அகுப்பங் டா²னாரஹங் பரிஸுத்³த⁴கம்மங் ஹுத்வா திட்ட²தீதி. இமங் பாட²ங் நிஸ்ஸாய ஆசரியவரா ஏகபுக்³க³லம்பி அனேகக்க²த்துங் உபஸம்பத³கம்மங் கரொந்தி. கஸ்மா பன தே பி⁴க்கூ² லஜ்ஜீபேஸலப³ஹுஸ்ஸுதஸிக்கா²காமபூ⁴தானங் அத்தனோ ஆசரியுபஜ்ஜா²யானங் ஸந்திகே ஸிக்க²ங் க³ண்ஹந்தீதி? ந தே அத்தனோ ஆசரியுபஜ்ஜா²யானங் ஸந்திகா லத்³த⁴ஸிக்க²ங் பச்சக்கா²ய அஞ்ஞங் க³ண்ஹந்தி, அத² கோ² தாய ஏவ ஸத்³தி⁴ங் தி³கு³ணதிகு³ணங் கரொந்தி. ஏவங் ஸந்தேபி புரிமஸிக்கா²ய அஸத்³த³ஹந்தாயேவ கரெய்யுங், நோ ஸத்³த³ஹந்தாதி? நோ அஸத்³த³ஹந்தா , ஸத்³த³ஹந்தாபி தே பி⁴க்கூ² புனப்புனகரணே யுத்திதோபி ஆக³மதோபி ஆதீ³னவங் அபஸ்ஸந்தா ஆனிஸங்ஸமேவ பஸ்ஸந்தா கரொந்தீதி.

Idāni punappunavacane payojanaṃ dassento ‘‘idaṃ akuppakamme daḷhikammaṃ hoti, kuppakamme kammaṃ hutvā tiṭṭhatī’’ti āha. Tattha idanti idaṃ punappunaṃ vuttakammaṃ. Akuppakammeti akuppe ṭhānārahe purekatakamme. Daḷhikammaṃ hotīti thiratarakammaṃ hoti ekāya rajjuyā bandhitabbabhāre dutiyatatiyādirajjūhi bandhanaṃ viya. Kuppakammeti akkharaparihīnādivasena kuppe aṭṭhānārahe purekatakamme. Kammaṃ hutvā tiṭṭhatīti punappunaṃ vutte sati tesaṃ akkharaparihīnādīnaṃ sodhitattā parisuddhakammaṃ hutvā tiṭṭhati. Akuppakamme kuppakammeti vā bhāvenabhāvalakkhaṇatthe bhummavacanaṃ. Puretaraṃ katakammasmiṃ akuppakamme sati pacchā idaṃ punappunaṃ vuttakammaṃ daḷhikammaṃ hoti, purekatakammasmiṃ kuppakamme sati idaṃ punappunaṃ vuttakammaṃ akuppaṃ ṭhānārahaṃ parisuddhakammaṃ hutvā tiṭṭhatīti. Imaṃ pāṭhaṃ nissāya ācariyavarā ekapuggalampi anekakkhattuṃ upasampadakammaṃ karonti. Kasmā pana te bhikkhū lajjīpesalabahussutasikkhākāmabhūtānaṃ attano ācariyupajjhāyānaṃ santike sikkhaṃ gaṇhantīti? Na te attano ācariyupajjhāyānaṃ santikā laddhasikkhaṃ paccakkhāya aññaṃ gaṇhanti, atha kho tāya eva saddhiṃ diguṇatiguṇaṃ karonti. Evaṃ santepi purimasikkhāya asaddahantāyeva kareyyuṃ, no saddahantāti? No asaddahantā , saddahantāpi te bhikkhū punappunakaraṇe yuttitopi āgamatopi ādīnavaṃ apassantā ānisaṃsameva passantā karontīti.

கத²ங் யுத்திதோ ஆனிஸங்ஸங் பஸ்ஸந்தி? யதா² ஹி லோகே அபி⁴ஸித்தம்பி ராஜானங் புனப்புனாபி⁴ஸிஞ்சனே ஆதீ³னவங் ந பஸ்ஸந்தி, அத² கோ² அபி⁴ஸேகானுபா⁴வேன ராஜித்³தி⁴ப்பத்ததாதீ³ஹி காரணேஹி ஆனிஸங்ஸமேவ பஸ்ஸந்தி, யதா² ச ஸாஸனே சேதியங் வா படிமங் வா நிட்டி²தஸப்³ப³கிச்சங் ‘‘அனேகஜாதிஸங்ஸார’’ந்திஆதீ³ஹி ப⁴க³வதோ வசனேஹி அபி⁴ஸேகமங்க³லங் கரொந்தாபி புனப்புனகரணே ஆதீ³னவங் அபஸ்ஸந்தா அதிரேகதரங் மஹித்³தி⁴கதாமஹானுபா⁴வதாதி³ஆனிஸங்ஸமேவ பஸ்ஸந்தா புனப்புனங் கரொந்தியேவ, ஏவமேவ கதஉபஸம்பத³கம்மங் பி⁴க்கு²ங் புனதே³வ கம்மவாசாப⁴ணனே ஆதீ³னவங் அபஸ்ஸந்தா புப்³பே³ கதகம்மஸ்மிங் வத்து²ஆதீ³ஸு பஞ்சஸு அங்கே³ஸு ஏகஸ்மிம்பி அங்கே³ அபரிபுண்ணே ஸதி கம்மகோபஸம்ப⁴வதோ இதா³னி கதகம்மேன பரிபுண்ணஅங்கே³ ஸதி கம்மஸம்பத்திஸம்ப⁴வஞ்ச புப்³பே³வ கம்மஸம்பத்திஸம்ப⁴வேபி த³ள்ஹிகம்மதி²ரதரஸம்ப⁴வஞ்ச ஆனிஸங்ஸங் பஸ்ஸந்தா கரொந்தி. கத²ங் ஆக³மதோ ஆனிஸங்ஸங் பஸ்ஸந்தி? யதா²வுத்தபரிவாரட்ட²கதா²பாட²வினயஸங்க³ஹபாடே²ஸு து³ருத்தபத³ஸ்ஸ ஸோத⁴னத்த²ங் புனப்புனங் வத்தப்³ப³பா⁴வஸ்ஸ உபலக்க²ணனயேன வசனதோ. ஸேஸஞத்திதோ³ஸஅனுஸ்ஸாவனதோ³ஸானஞ்ச வத்து²விபத்திஸீமவிபத்திபரிஸவிபத்திதோ³ஸானஞ்ச ஸோத⁴னங் த³ஸ்ஸிதங் ஹோதி. தேனேவ ச காரணேன அயம்பி பச்சி²மபாடோ² ஆசரியேன வுத்தோ. தஸ்ஸத்தோ² ஹெட்டா² வுத்தோவ. இதி புப்³பே³ கதகம்மஸ்ஸ கோபஸம்ப⁴வேபி இதா³னி கதகம்மேன ஸம்பஜ்ஜனஸங்கா²தங் ஆனிஸங்ஸங் ஆக³மதோ பஸ்ஸந்தீதி த³ட்ட²ப்³ப³ங்.

Kathaṃ yuttito ānisaṃsaṃ passanti? Yathā hi loke abhisittampi rājānaṃ punappunābhisiñcane ādīnavaṃ na passanti, atha kho abhisekānubhāvena rājiddhippattatādīhi kāraṇehi ānisaṃsameva passanti, yathā ca sāsane cetiyaṃ vā paṭimaṃ vā niṭṭhitasabbakiccaṃ ‘‘anekajātisaṃsāra’’ntiādīhi bhagavato vacanehi abhisekamaṅgalaṃ karontāpi punappunakaraṇe ādīnavaṃ apassantā atirekataraṃ mahiddhikatāmahānubhāvatādiānisaṃsameva passantā punappunaṃ karontiyeva, evameva kataupasampadakammaṃ bhikkhuṃ punadeva kammavācābhaṇane ādīnavaṃ apassantā pubbe katakammasmiṃ vatthuādīsu pañcasu aṅgesu ekasmimpi aṅge aparipuṇṇe sati kammakopasambhavato idāni katakammena paripuṇṇaaṅge sati kammasampattisambhavañca pubbeva kammasampattisambhavepi daḷhikammathiratarasambhavañca ānisaṃsaṃ passantā karonti. Kathaṃ āgamato ānisaṃsaṃ passanti? Yathāvuttaparivāraṭṭhakathāpāṭhavinayasaṅgahapāṭhesu duruttapadassa sodhanatthaṃ punappunaṃ vattabbabhāvassa upalakkhaṇanayena vacanato. Sesañattidosaanussāvanadosānañca vatthuvipattisīmavipattiparisavipattidosānañca sodhanaṃ dassitaṃ hoti. Teneva ca kāraṇena ayampi pacchimapāṭho ācariyena vutto. Tassattho heṭṭhā vuttova. Iti pubbe katakammassa kopasambhavepi idāni katakammena sampajjanasaṅkhātaṃ ānisaṃsaṃ āgamato passantīti daṭṭhabbaṃ.

கேசி பன ஆசரியா இமங் ‘‘புனப்புனங் வத்துங் வட்டதீதி பாட²ங் தஸ்மிங்யேவ பட²மகம்மகரணகாலே து³ருத்தஸோத⁴னத்த²ங் வத்தப்³ப³தங் ஸந்தா⁴ய வுத்தங், ந சிரகாலே’’தி வத³ந்தி, ததே³தங் வசனங் நேவ அட்ட²கதா²யங் ஆக³தங், ந டீகாதீ³ஸு வினிச்சி²தங், தேஸங் மதிமத்தமேவ, தஸ்மா ந க³ஹேதப்³ப³ங். அபிச தஸ்மிங் க²ணே புனப்புனங் வசனதோபி அபரபா⁴கே³ வசனங் மஹப்ப²லங் ஹோதி மஹானிஸங்ஸங். தஸ்மிஞ்ஹி காலே புனப்புனங் ப⁴ணனே ஞத்திதோ³ஸஅனுஸ்ஸாவனதோ³ஸானி பச்சி²மப⁴ணனே ஸுட்டு² ப⁴ணந்தோ ஸோதே⁴துங் ஸக்குணெய்ய, ந வத்து²விபத்திஸீமவிபத்திபரிஸவிபத்திதோ³ஸானி. தஸ்மிஞ்ஹி க²ணே தமேவ வத்து², ஸா ஏவ ஸீமா, ஸா ஏவ பரிஸா, தஸ்மா தானி புனப்புனவசனேன ஸோதே⁴துமஸக்குணெய்யானி ஹொந்தி. அபரபா⁴கே³ கரொந்தோ பன புப்³பே³ அபரிபுண்ணவீஸதிவஸ்ஸபா⁴வேன வத்து²விபத்திபூ⁴தேபி இதா³னி பரிபுண்ணவீஸதிவஸ்ஸத்தா வத்து²ஸம்பத்தி ஹோதி, புப்³பே³ ஸீமஸங்கராதி³பா⁴வேன ஸீமவிபத்திஸம்ப⁴வேபி இதா³னி தத³பா⁴வத்தா²ய ஸுட்டு² ஸோதி⁴தத்தா ஸீமஸம்பத்தி ஹோதி, புப்³பே³ வக்³க³கம்மாதி³வஸேன பரிஸவிபத்திஸம்ப⁴வேபி இதா³னி தத³பா⁴வத்தா²ய ஸுட்டு² ஸோதி⁴தத்தா பரிஸஸம்பத்தி ஹோதி, ஏவங் பஞ்ச விபத்தியோ ஸோதெ⁴த்வா பஞ்ச ஸம்பத்தியோ ஸம்பாதெ³த்வா காதுங் ஸக்குணெய்யதோ பட²மகாலே புனப்புனங் ப⁴ணனதோபி அபரபா⁴கே³ ப⁴ணனங் மஹப்ப²லங் ஹோதி மஹானிஸங்ஸந்தி வேதி³தப்³ப³ங்.

Keci pana ācariyā imaṃ ‘‘punappunaṃ vattuṃ vaṭṭatīti pāṭhaṃ tasmiṃyeva paṭhamakammakaraṇakāle duruttasodhanatthaṃ vattabbataṃ sandhāya vuttaṃ, na cirakāle’’ti vadanti, tadetaṃ vacanaṃ neva aṭṭhakathāyaṃ āgataṃ, na ṭīkādīsu vinicchitaṃ, tesaṃ matimattameva, tasmā na gahetabbaṃ. Apica tasmiṃ khaṇe punappunaṃ vacanatopi aparabhāge vacanaṃ mahapphalaṃ hoti mahānisaṃsaṃ. Tasmiñhi kāle punappunaṃ bhaṇane ñattidosaanussāvanadosāni pacchimabhaṇane suṭṭhu bhaṇanto sodhetuṃ sakkuṇeyya, na vatthuvipattisīmavipattiparisavipattidosāni. Tasmiñhi khaṇe tameva vatthu, sā eva sīmā, sā eva parisā, tasmā tāni punappunavacanena sodhetumasakkuṇeyyāni honti. Aparabhāge karonto pana pubbe aparipuṇṇavīsativassabhāvena vatthuvipattibhūtepi idāni paripuṇṇavīsativassattā vatthusampatti hoti, pubbe sīmasaṅkarādibhāvena sīmavipattisambhavepi idāni tadabhāvatthāya suṭṭhu sodhitattā sīmasampatti hoti, pubbe vaggakammādivasena parisavipattisambhavepi idāni tadabhāvatthāya suṭṭhu sodhitattā parisasampatti hoti, evaṃ pañca vipattiyo sodhetvā pañca sampattiyo sampādetvā kātuṃ sakkuṇeyyato paṭhamakāle punappunaṃ bhaṇanatopi aparabhāge bhaṇanaṃ mahapphalaṃ hoti mahānisaṃsanti veditabbaṃ.

யதி³ ஏவங் உபஸம்பத³ஸிக்கா²ய த³ஹரோ ப⁴வெய்யாதி? ந ப⁴வெய்ய. கஸ்மா? போராணஸிக்க²ங் அப்பச்சக்கி²த்வா தாய ஏவ பதிட்டி²தத்தாதி. ஏவங் ஸந்தேபி புரேகதகம்மஸ்ஸ ஸம்பஜ்ஜனபா⁴வேன திட்ட²ந்தே ஸதி தாய டி²தத்தா அத³ஹரோ ஸியா. புரிமகம்மஸ்ஸ அஸம்பஜ்ஜனபா⁴வேன இதா³னி கதகம்மேயேவ உபஸம்பத³பா⁴வேன திட்ட²ந்தே ஸதி கஸ்மா த³ஹரோ ந ப⁴வெய்யாதி? ஏவங் ஸந்தே த³ஹரோ ப⁴வெய்ய. ஏவங் த³ஹரோ ஸமானோ புரிமஸிக்கா²ய வஸ்ஸங் க³ணெத்வா யதா²வுட்³ட⁴ங் வந்த³னாதீ³னி ஸம்படிச்ச²ந்தோ மஹாஸாவஜ்ஜோ ப⁴வெய்யாதி? ஏவங் புரிமஸிக்கா²ய அட்டி²தபா⁴வங் பச்சி²மஸிக்கா²ய ஏவ லத்³து⁴பஸம்பத³பா⁴வங் தத²தோ ஜானந்தோ ஏவங் கரொந்தோ ஸாவஜ்ஜோ ஹோதி, ஏவங் பன அஜானந்தோ ‘‘புரிமஸிக்கா²யமேவ டி²தோ’’தி மஞ்ஞித்வா ஏவங் கரொந்தோ அனவஜ்ஜோதி வேதி³தப்³போ³. கத²ங் விஞ்ஞாயதீதி சே? ‘‘அனாபத்தி ஊனவீஸதிவஸ்ஸங் பரிபுண்ணஸஞ்ஞீதி எத்த² கிஞ்சாபி உபஸம்பாதெ³ந்தஸ்ஸ அனாபத்தி, புக்³க³லோ பன அனுபஸம்பன்னோவ ஹோதி. ஸசே பன ஸோ த³ஸவஸ்ஸச்சயேன அஞ்ஞங் உபஸம்பாதே³தி, தங் சே முஞ்சித்வா க³ணோ பூரதி, ஸூபஸம்பன்னோ. ஸோபி ச யாவ ந ஜானாதி, தாவஸ்ஸ நேவ ஸக்³க³ந்தராயோ, ந மொக்க²ந்தராயோ. ஞத்வா பன புன உபஸம்பஜ்ஜிதப்³ப³’’ந்தி ஸமந்தபாஸாதி³காயங் (பாசி॰ அட்ட²॰ 406) ஆக³தத்தா விஞ்ஞாயதி. ஏவங் வத்து²விபன்னத்தா கம்மகோபதோ அனுபஸம்பன்னஸ்ஸ புக்³க³லஸ்ஸ உபஜ்ஜா²யோ ப⁴விதுங் யுத்தகாலே புன உபஸம்பஜ்ஜனேன உபஸம்பன்னபூ⁴தபா⁴வஸ்ஸ அட்ட²கதா²யங் ஆக³தத்தா இமினா நயேன ஸீமவிபன்னபஅஸவிபன்னஞத்திவிபன்னஅனுஸ்ஸாவனவிபன்னபூ⁴தத்தா கம்மகோபதோ புப்³பே³ அனுபஸம்பன்னபூ⁴தங் புக்³க³லம்பி அபரபா⁴கே³ வுட்³டி⁴ப்பத்திகாலேபி பஞ்ச விபத்திதோ³ஸானி ஸோதெ⁴த்வா புன உபஸம்பத³கம்மவாசாகரணேன உபஸம்பாதே³துங் வட்டதி. ஸோபி புக்³க³லோ புப்³ப³கம்மகாலே அனுபஸம்பன்னோ ஹுத்வாபி அபரகம்மகாலே உபஸம்பன்னோ ஹோதீதி த³ட்ட²ப்³போ³.

Yadi evaṃ upasampadasikkhāya daharo bhaveyyāti? Na bhaveyya. Kasmā? Porāṇasikkhaṃ appaccakkhitvā tāya eva patiṭṭhitattāti. Evaṃ santepi purekatakammassa sampajjanabhāvena tiṭṭhante sati tāya ṭhitattā adaharo siyā. Purimakammassa asampajjanabhāvena idāni katakammeyeva upasampadabhāvena tiṭṭhante sati kasmā daharo na bhaveyyāti? Evaṃ sante daharo bhaveyya. Evaṃ daharo samāno purimasikkhāya vassaṃ gaṇetvā yathāvuḍḍhaṃ vandanādīni sampaṭicchanto mahāsāvajjo bhaveyyāti? Evaṃ purimasikkhāya aṭṭhitabhāvaṃ pacchimasikkhāya eva laddhupasampadabhāvaṃ tathato jānanto evaṃ karonto sāvajjo hoti, evaṃ pana ajānanto ‘‘purimasikkhāyameva ṭhito’’ti maññitvā evaṃ karonto anavajjoti veditabbo. Kathaṃ viññāyatīti ce? ‘‘Anāpatti ūnavīsativassaṃ paripuṇṇasaññīti ettha kiñcāpi upasampādentassa anāpatti, puggalo pana anupasampannova hoti. Sace pana so dasavassaccayena aññaṃ upasampādeti, taṃ ce muñcitvā gaṇo pūrati, sūpasampanno. Sopi ca yāva na jānāti, tāvassa neva saggantarāyo, na mokkhantarāyo. Ñatvā pana puna upasampajjitabba’’nti samantapāsādikāyaṃ (pāci. aṭṭha. 406) āgatattā viññāyati. Evaṃ vatthuvipannattā kammakopato anupasampannassa puggalassa upajjhāyo bhavituṃ yuttakāle puna upasampajjanena upasampannabhūtabhāvassa aṭṭhakathāyaṃ āgatattā iminā nayena sīmavipannapaasavipannañattivipannaanussāvanavipannabhūtattā kammakopato pubbe anupasampannabhūtaṃ puggalampi aparabhāge vuḍḍhippattikālepi pañca vipattidosāni sodhetvā puna upasampadakammavācākaraṇena upasampādetuṃ vaṭṭati. Sopi puggalo pubbakammakāle anupasampanno hutvāpi aparakammakāle upasampanno hotīti daṭṭhabbo.

ஏகச்சே பன பி⁴க்கூ² போராணஸிக்க²ங் பச்சக்கா²ய நவஸிக்க²மேவ க³ண்ஹிங்ஸு, தே பன பி⁴க்கூ² நவஸிக்கா²வஸேன த³ஹராவ ப⁴வந்தி, ஏவங் கரணஞ்ச அதிவிய கு³ணவிஸிட்ட²ங் அத்தனோ நவகதரங் பி⁴க்கு²ங் தி³ஸ்வா தஸ்மிங் புக்³க³லே பயிருபாஸிதுகாமோ தங் புக்³க³லங் அத்தனா வுட்³ட⁴தரங் காதுகாமோ அத்தானங் த³ஹரங் காதுகாமோ ஹுத்வா த⁴ம்மகா³ரவேன கரொந்தோ யுத்தோ ப⁴வெய்ய. அத² பன ஸிக்கா²ஸம்பன்னங் கத்துகாமோ ஏவங் கரெய்ய, ஸிக்கா² நாம பஞ்சங்க³ஸமன்னாக³தே ஸதி ஸம்பஜ்ஜதி, ஸீலவிஸுத்³தி⁴யேவ காரணங் ஹோதி, தஸ்மா யதி³ புரிமஸிக்கா² அட்டி²தா ப⁴வெய்ய, பச்சக்கா²னகிச்சங் நத்தி², ஸயமேவ பதிதா ஹோதி. புரிமஸிக்கா²ய டி²தாய ஸதி விப்³ப⁴மிதுகாமோயேவ பச்சக்கா²னங் கரெய்ய, ந பி⁴க்கு²ப⁴விதுகாமோ, ஸோ பன சதுபாரிஸுத்³தி⁴ஸீலமேவ பரிஸுத்³த⁴ங் கரெய்ய, தஸ்மா போராணஸிக்கா²ய பச்சக்கா²னங் அயுத்தங் விய தி³ஸ்ஸதி. ததோ போராணஸிக்க²ங் பச்சக்கா²ய நவஸிக்கா²க³ஹணதோ புனப்புனங் கரணங்யேவ யுத்ததரங் தி³ஸ்ஸதி. கஸ்மா? போராணஸிக்க²ங் பச்சக்கா²ய நவஸிக்கா²க³ஹணே புரிமகம்மங் அஸம்பஜ்ஜித்வா பச்சி²மகம்மஸம்பஜ்ஜனே ஸதி கிஞ்சாபி புரிமஸிக்கா² நத்தி², யா பச்சக்கா²தப்³பா³, ததா²பி நவஸிக்கா²ய ஸம்பஜ்ஜிதத்தா தோ³ஸோ நத்தி², த³ஹரபா⁴வங் பத்தோபி யுத்தரூபோயேவ.

Ekacce pana bhikkhū porāṇasikkhaṃ paccakkhāya navasikkhameva gaṇhiṃsu, te pana bhikkhū navasikkhāvasena daharāva bhavanti, evaṃ karaṇañca ativiya guṇavisiṭṭhaṃ attano navakataraṃ bhikkhuṃ disvā tasmiṃ puggale payirupāsitukāmo taṃ puggalaṃ attanā vuḍḍhataraṃ kātukāmo attānaṃ daharaṃ kātukāmo hutvā dhammagāravena karonto yutto bhaveyya. Atha pana sikkhāsampannaṃ kattukāmo evaṃ kareyya, sikkhā nāma pañcaṅgasamannāgate sati sampajjati, sīlavisuddhiyeva kāraṇaṃ hoti, tasmā yadi purimasikkhā aṭṭhitā bhaveyya, paccakkhānakiccaṃ natthi, sayameva patitā hoti. Purimasikkhāya ṭhitāya sati vibbhamitukāmoyeva paccakkhānaṃ kareyya, na bhikkhubhavitukāmo, so pana catupārisuddhisīlameva parisuddhaṃ kareyya, tasmā porāṇasikkhāya paccakkhānaṃ ayuttaṃ viya dissati. Tato porāṇasikkhaṃ paccakkhāya navasikkhāgahaṇato punappunaṃ karaṇaṃyeva yuttataraṃ dissati. Kasmā? Porāṇasikkhaṃ paccakkhāya navasikkhāgahaṇe purimakammaṃ asampajjitvā pacchimakammasampajjane sati kiñcāpi purimasikkhā natthi, yā paccakkhātabbā, tathāpi navasikkhāya sampajjitattā doso natthi, daharabhāvaṃ pattopi yuttarūpoyeva.

யதி³ புரிமகம்மம்பி பச்சி²மகம்மம்பி ஸம்பஜ்ஜதியேவ, ஏவங் ஸதி புரிமஸிக்கா²ய பச்சக்கா²னங் நிரத்த²கங். பச்சி²மஸிக்கா²ய டி²தோபி த³ஹரபா⁴வங் பத்தத்தா அயுத்தரூபோ. யதி³ பன புரிமகம்மமேவ ஸம்பஜ்ஜதி, ந பச்சி²மகம்மங், ஏவங் ஸதி புப்³பே³ டி²தபோராணஸிக்கா²பி பச்சக்கா²னேன பதிதா. பச்சி²மஸிக்கா²பி பச்சி²மகம்மஸ்ஸ பஞ்சன்னங் விபத்தீனங் அஞ்ஞதரேன யோக³தோ ந ஸம்பஜ்ஜதி, தஸ்மா புரிமஸிக்கா²ய ச பதிதத்தா பச்சி²மஸிக்கா²ய ச அலத்³த⁴த்தா உப⁴தோ ப⁴ட்ட²த்தா அயுத்தோவ ஹோதி. போராணஸிக்க²ங் அப்பச்சக்கா²ய நவஸிக்கா²க³ஹணே பன ஸதி புரிமகம்மங் ஸம்பன்னங் ஹுத்வா பச்சி²மகம்மங் அஸம்பன்னங் ஹொந்தம்பி புரிமஸிக்கா²ய பதிட்டி²தோயேவ, புரிமங் அஸம்பன்னங் ஹுத்வா பச்சி²மங் ஸம்பன்னம்பி பச்சி²மஸிக்கா²ய டி²தோ ஏவ. புரிமபச்சி²மகம்மத்³வயம்பி பஞ்சஹங்கே³ஹி ஸம்பன்னம்பி த³ள்ஹிகம்மதி²ரதரபூ⁴தாய புரிமஸிக்கா²ய டி²தோயேவ ஸோ பி⁴க்கு² ஹோதி, தஸ்மா புரிமஸிக்க²ங் பச்சக்கா²ய நவஸிக்கா²க³ஹணதோ புரிமஸிக்க²ங் அப்பச்சக்கா²ய புனப்புனங் நவஸிக்கா²க³ஹணங் யுத்ததரங் ஹோதீதி த³ட்ட²ப்³ப³ங்.

Yadi purimakammampi pacchimakammampi sampajjatiyeva, evaṃ sati purimasikkhāya paccakkhānaṃ niratthakaṃ. Pacchimasikkhāya ṭhitopi daharabhāvaṃ pattattā ayuttarūpo. Yadi pana purimakammameva sampajjati, na pacchimakammaṃ, evaṃ sati pubbe ṭhitaporāṇasikkhāpi paccakkhānena patitā. Pacchimasikkhāpi pacchimakammassa pañcannaṃ vipattīnaṃ aññatarena yogato na sampajjati, tasmā purimasikkhāya ca patitattā pacchimasikkhāya ca aladdhattā ubhato bhaṭṭhattā ayuttova hoti. Porāṇasikkhaṃ appaccakkhāya navasikkhāgahaṇe pana sati purimakammaṃ sampannaṃ hutvā pacchimakammaṃ asampannaṃ hontampi purimasikkhāya patiṭṭhitoyeva, purimaṃ asampannaṃ hutvā pacchimaṃ sampannampi pacchimasikkhāya ṭhito eva. Purimapacchimakammadvayampi pañcahaṅgehi sampannampi daḷhikammathiratarabhūtāya purimasikkhāya ṭhitoyeva so bhikkhu hoti, tasmā purimasikkhaṃ paccakkhāya navasikkhāgahaṇato purimasikkhaṃ appaccakkhāya punappunaṃ navasikkhāgahaṇaṃ yuttataraṃ hotīti daṭṭhabbaṃ.

இமங் பன புனப்புனங் கரொந்தானங் ஆசரியானங் வாத³ங் அமனஸிகரொந்தா அஞ்ஞே ஆசரியா அனேகப்பகாரங் அனிச்சி²தகத²ங் கதெ²ந்தி. கத²ங்? ஏகச்சே தே²ரா ஏவங் வத³ந்தி ‘‘கிங் இமே பி⁴க்கூ² ஏவங் கரொந்தா பாராஜிகப்பத்தங் பி⁴க்கு²ங் புன ஸிக்கா²ய பதிட்டா²பெஸ்ஸாமாதி மஞ்ஞந்தீ’’தி. தே தே²ரா புனப்புனங் கம்மவாசங் ப⁴ணந்தே பி⁴க்கூ² தி³ஸ்வா ‘‘இமே பி⁴க்கூ² இமினா காரணேன ஏவங் கரொந்தீ’’தி சிந்தெத்வா ஏவமாஹங்ஸு. ஏகச்சே பன தே²ரா ‘‘கஸ்மா இமே பி⁴க்கூ² புனப்புனங் கரொந்தி, யதா² நாம அஸனி ஏகவாரமேவ பதந்தீ ஸத்தே ஜீவிதக்க²யங் பாபேதி, ஏவமேவ ப⁴க³வதோ ஆணாபூ⁴தா கம்மவாசா ஏகவாரங் ப⁴ணமானா கம்மங் ஸிஜ்ஜா²பேதி, ந அனேகவார’’ந்தி, தேபி ‘‘கம்மஸிஜ்ஜ²னத்தா²ய புனப்புனங் ப⁴ணந்தீ’’தி சிந்தெத்வா ஏவமாஹங்ஸு. ப³ஹவோ பன பி⁴க்கூ² புனப்புனங் கரொந்தே தி³ஸ்வா ஏவங் வத³ந்தி ‘‘இமே பி⁴க்கூ² ஆசரியுபஜ்ஜா²யேஹி தி³ன்னஸிக்க²ங் அஸத்³த³ஹந்தா ஏவங் கரொந்தி, ஆசரியுபஜ்ஜா²யகு³ணாபராத⁴கா ஏதே ஸமணா’’தி. தே ‘‘புப்³ப³ஸிக்க²ங் அஸத்³த³ஹித்வா புனப்புனங் கரொந்தீ’’தி மஞ்ஞந்தா ஏவமாஹங்ஸு.

Imaṃ pana punappunaṃ karontānaṃ ācariyānaṃ vādaṃ amanasikarontā aññe ācariyā anekappakāraṃ anicchitakathaṃ kathenti. Kathaṃ? Ekacce therā evaṃ vadanti ‘‘kiṃ ime bhikkhū evaṃ karontā pārājikappattaṃ bhikkhuṃ puna sikkhāya patiṭṭhāpessāmāti maññantī’’ti. Te therā punappunaṃ kammavācaṃ bhaṇante bhikkhū disvā ‘‘ime bhikkhū iminā kāraṇena evaṃ karontī’’ti cintetvā evamāhaṃsu. Ekacce pana therā ‘‘kasmā ime bhikkhū punappunaṃ karonti, yathā nāma asani ekavārameva patantī satte jīvitakkhayaṃ pāpeti, evameva bhagavato āṇābhūtā kammavācā ekavāraṃ bhaṇamānā kammaṃ sijjhāpeti, na anekavāra’’nti, tepi ‘‘kammasijjhanatthāya punappunaṃ bhaṇantī’’ti cintetvā evamāhaṃsu. Bahavo pana bhikkhū punappunaṃ karonte disvā evaṃ vadanti ‘‘ime bhikkhū ācariyupajjhāyehi dinnasikkhaṃ asaddahantā evaṃ karonti, ācariyupajjhāyaguṇāparādhakā ete samaṇā’’ti. Te ‘‘pubbasikkhaṃ asaddahitvā punappunaṃ karontī’’ti maññantā evamāhaṃsu.

அபரே பன தே²ரா ‘‘பட²மங் உபஸம்பத³கம்மவாசாப⁴ணனகாலேயேவ புனப்புனங் வத்தப்³ப³ங், ந அபரபா⁴கே³’’தி, தத்த² காரணங் ஹெட்டா² வுத்தமேவ. அஞ்ஞே ஏவமாஹங்ஸு ‘‘ஞத்திது³தியகம்மவாசாயமேவ புனப்புனங் வத்தப்³ப³ந்தி அட்ட²கதா²யங் வுத்தங், ந ஞத்திசதுத்த²கம்மே, அத² ச பனிமே பி⁴க்கூ² ஞத்திசதுத்த²கம்மபூ⁴தாய உபஸம்பத³கம்மவாசாய புனப்புனங் கரொந்தி, ஏதங் அட்ட²கதா²ய ந ஸமேதீ’’தி, தங் நீதத்த²மேவ க³ஹெத்வா வதி³ங்ஸு. நெய்யத்த²தோ பன இமினா நயேன சதூஸுபி கம்மேஸு புனப்புனங் காதப்³ப³ந்தி த³ஸ்ஸேதி. கம்மஸங்கரமேவ ஹி ஞத்திது³தியகம்மே விஸேஸதோ வத³தி, புனப்புனங் வத்தப்³ப³பா⁴வோ பன ஸப்³பே³ஸூதி த³ட்ட²ப்³போ³. தேனேவ ஹி ஞத்திசதுத்த²கம்மவாசாய உபஸம்பன்னட்டா²னேயேவ புப்³பே³ அனுபஸம்பன்னஸ்ஸ புக்³க³லஸ்ஸ பச்சா² உபஸம்பஜ்ஜிதப்³ப³பா⁴வோ அட்ட²கதா²யங் வுத்தோதி.

Apare pana therā ‘‘paṭhamaṃ upasampadakammavācābhaṇanakāleyeva punappunaṃ vattabbaṃ, na aparabhāge’’ti, tattha kāraṇaṃ heṭṭhā vuttameva. Aññe evamāhaṃsu ‘‘ñattidutiyakammavācāyameva punappunaṃ vattabbanti aṭṭhakathāyaṃ vuttaṃ, na ñatticatutthakamme, atha ca panime bhikkhū ñatticatutthakammabhūtāya upasampadakammavācāya punappunaṃ karonti, etaṃ aṭṭhakathāya na sametī’’ti, taṃ nītatthameva gahetvā vadiṃsu. Neyyatthato pana iminā nayena catūsupi kammesu punappunaṃ kātabbanti dasseti. Kammasaṅkarameva hi ñattidutiyakamme visesato vadati, punappunaṃ vattabbabhāvo pana sabbesūti daṭṭhabbo. Teneva hi ñatticatutthakammavācāya upasampannaṭṭhāneyeva pubbe anupasampannassa puggalassa pacchā upasampajjitabbabhāvo aṭṭhakathāyaṃ vuttoti.

படிபுச்சா²கரணீயாதீ³ஸுபீதி எத்த² ஆதி³ஸத்³தே³ன படிங்ஞ்ஞாய கரணீயாத³யோ ஸங்க³ண்ஹாதி. தத்த² படிபுச்சா²ய கரணீயங் அப்படிபுச்சா² கரோதீதி புச்சி²த்வா சோதெ³த்வா ஸாரெத்வா காதப்³ப³ங் அபுச்சி²த்வா அசோதெ³த்வா அஸாரெத்வா கரோதி. படிஞ்ஞாய கரணீயங் அப்படிஞ்ஞாய கரோதீதி படிஞ்ஞங் ஆரோபெத்வா யதா²தி³ன்னாய படிஞ்ஞாய காதப்³ப³ங் அபடிஞ்ஞாய படிஞ்ஞங் அகரொந்தஸ்ஸ விலபந்தஸ்ஸ ப³லக்காரேன கரோதி. ஸதிவினயாரஹஸ்ஸாதி த³ப்³ப³மல்லபுத்தத்தே²ரஸதி³ஸஸ்ஸ கீ²ணாஸவஸ்ஸ. அமூள்ஹவினயாரஹஸ்ஸாதி க³க்³க³பி⁴க்கு²ஸதி³ஸஸ்ஸ உம்மத்தகஸ்ஸ. தஸ்ஸபாபியஸிககம்மாரஹஸ்ஸாதி உபவாளபி⁴க்கு²ஸதி³ஸஸ்ஸ உஸ்ஸன்னபாபஸ்ஸ. தஜ்ஜனீயகம்மாரஹஸ்ஸாதி பண்ட³கலோஹிதகபி⁴க்கு²ஸதி³ஸஸ்ஸ ப⁴ண்ட³னகாரகஸ்ஸ. நியஸகம்மாரஹஸ்ஸாதி ஸெய்யஸகபி⁴க்கு²ஸதி³ஸஸ்ஸ அபி⁴ண்ஹாபத்திகஸ்ஸ. பப்³பா³ஜனீயகம்மாரஹஸ்ஸாதி அஸ்ஸஜிபுனப்³ப³ஸுகபி⁴க்கு²ஸதி³ஸஸ்ஸ குலதூ³ஸகஸ்ஸ. படிஸாரணீயகம்மாரஹஸ்ஸாதி ஸுத⁴ம்மபி⁴க்கு²ஸஅஸஸ்ஸ உபாஸகே ஜாதிஆதீ³ஹி தூ³ஸெந்தஸ்ஸ. உக்கே²பனீயகம்மாரஹஸ்ஸாதி ச²ன்னபி⁴க்கு²ஸதி³ஸஸ்ஸ ஆபத்திங் அபஸ்ஸந்தஸ்ஸ ஆபத்திங் அதே³ஸெந்தஸ்ஸ அரிட்ட²பி⁴க்கு²ஸதி³ஸஸ்ஸ மிச்சா²தி³ட்டி²ங் அவிஸ்ஸஜ்ஜெந்தஸ்ஸ. பரிவாஸாரஹஸ்ஸாதி படிச்ச²ன்னஸங்கா⁴தி³ஸேஸாபத்திகஸ்ஸ. மூலாயபடிகஸ்ஸனாரஹஸ்ஸாதி அந்தராபத்திங் ஆபன்னஸ்ஸ. மானத்தாரஹந்தி அப்படிச்ச²ன்னஸங்கா⁴தி³ஸேஸாபத்திகங். அப்³பா⁴னாரஹந்தி சிண்ணமானத்தங் பி⁴க்கு²ங். உபஸம்பாதே³தீதி உபஸம்பத³கம்மங் கரோதி.

Paṭipucchākaraṇīyādīsupīti ettha ādisaddena paṭiṃññāya karaṇīyādayo saṅgaṇhāti. Tattha paṭipucchāya karaṇīyaṃ appaṭipucchā karotīti pucchitvā codetvā sāretvā kātabbaṃ apucchitvā acodetvā asāretvā karoti. Paṭiññāya karaṇīyaṃ appaṭiññāya karotīti paṭiññaṃ āropetvā yathādinnāya paṭiññāya kātabbaṃ apaṭiññāya paṭiññaṃ akarontassa vilapantassa balakkārena karoti. Sativinayārahassāti dabbamallaputtattherasadisassa khīṇāsavassa. Amūḷhavinayārahassāti gaggabhikkhusadisassa ummattakassa. Tassapāpiyasikakammārahassāti upavāḷabhikkhusadisassa ussannapāpassa. Tajjanīyakammārahassāti paṇḍakalohitakabhikkhusadisassa bhaṇḍanakārakassa. Niyasakammārahassāti seyyasakabhikkhusadisassa abhiṇhāpattikassa. Pabbājanīyakammārahassāti assajipunabbasukabhikkhusadisassa kuladūsakassa. Paṭisāraṇīyakammārahassāti sudhammabhikkhusaasassa upāsake jātiādīhi dūsentassa. Ukkhepanīyakammārahassāti channabhikkhusadisassa āpattiṃ apassantassa āpattiṃ adesentassa ariṭṭhabhikkhusadisassa micchādiṭṭhiṃ avissajjentassa. Parivāsārahassāti paṭicchannasaṅghādisesāpattikassa. Mūlāyapaṭikassanārahassāti antarāpattiṃ āpannassa. Mānattārahanti appaṭicchannasaṅghādisesāpattikaṃ. Abbhānārahanti ciṇṇamānattaṃ bhikkhuṃ. Upasampādetīti upasampadakammaṃ karoti.

அனுபோஸதே² உபோஸத²ங் கரோதீதி அனுபோஸத²தி³வஸே உபோஸத²ங் கரோதி. உபோஸத²தி³வஸோ நாம ட²பெத்வா கத்திகமாஸங் அவஸேஸேஸு ஏகாத³ஸஸு மாஸேஸு பி⁴ன்னஸ்ஸ ஸங்க⁴ஸ்ஸ ஸாமக்³கி³தி³வஸோ ச யதா²வுத்தா சாதுத்³த³ஸபன்னரஸா ச, ஏதங் திப்பகாரம்பி உபோஸத²தி³வஸங் ட²பெத்வா அஞ்ஞஸ்மிங் தி³வஸே உபோஸத²ங் கரொந்தோ அனுபோஸதே² உபோஸத²ங் கரோதி நாம. யத்ர ஹி பத்தசீவராதி³அத்தா²ய அப்பமத்தகேன காரணேன விவத³ந்தா உபோஸத²ங் வா பவாரணங் வா ட²பெந்தி, தத்த² தஸ்மிங் அதி⁴கரணே வினிச்சி²தே ‘‘ஸமக்³கா³ ஜாதம்ஹா’’தி அந்தரா ஸாமக்³கீ³உபோஸத²ங் காதுங் ந லப⁴ந்தி, கரொந்தேஹி அனுபோஸதே² உபோஸதோ² கதோ நாம ஹோதி.

Anuposatheuposathaṃ karotīti anuposathadivase uposathaṃ karoti. Uposathadivaso nāma ṭhapetvā kattikamāsaṃ avasesesu ekādasasu māsesu bhinnassa saṅghassa sāmaggidivaso ca yathāvuttā cātuddasapannarasā ca, etaṃ tippakārampi uposathadivasaṃ ṭhapetvā aññasmiṃ divase uposathaṃ karonto anuposathe uposathaṃ karoti nāma. Yatra hi pattacīvarādiatthāya appamattakena kāraṇena vivadantā uposathaṃ vā pavāraṇaṃ vā ṭhapenti, tattha tasmiṃ adhikaraṇe vinicchite ‘‘samaggā jātamhā’’ti antarā sāmaggīuposathaṃ kātuṃ na labhanti, karontehi anuposathe uposatho kato nāma hoti.

அப்பவாரணாய பவாரேதீதி அப்பவாரணதி³வஸே பவாரேதி. பவாரணதி³வஸோ நாம ஏகஸ்மிங் கத்திகமாஸே பி⁴ன்னஸ்ஸ ஸங்க⁴ஸ்ஸ ஸாமக்³கி³தி³வஸோ ச பச்சுக்கட்³டி⁴த்வா ட²பிததி³வஸோ ச த்³வே ச புண்ணமாஸியோ, ஏதங் சதுப்³பி³த⁴ங் பவாரணதி³வஸங் ட²பெத்வா அஞ்ஞஸ்மிங் தி³வஸே பவாரெந்தோ அப்பவாரணாய பவாரேதி நாம. இதா⁴பி அப்பமத்தகஸ்ஸ விவாத³ஸ்ஸ வூபஸமே ஸாமக்³கீ³பவாரணங் காதுங் ந லப⁴ந்தி. கரொந்தேஹி அப்பவாரணாய பவாரணா கதா ஹோதீதி அயங் அட்ட²கதா²பாடோ² (பரி॰ அட்ட²॰ 483).

Appavāraṇāya pavāretīti appavāraṇadivase pavāreti. Pavāraṇadivaso nāma ekasmiṃ kattikamāse bhinnassa saṅghassa sāmaggidivaso ca paccukkaḍḍhitvā ṭhapitadivaso ca dve ca puṇṇamāsiyo, etaṃ catubbidhaṃ pavāraṇadivasaṃ ṭhapetvā aññasmiṃ divase pavārento appavāraṇāya pavāreti nāma. Idhāpi appamattakassa vivādassa vūpasame sāmaggīpavāraṇaṃ kātuṃ na labhanti. Karontehi appavāraṇāya pavāraṇā katā hotīti ayaṃ aṭṭhakathāpāṭho (pari. aṭṭha. 483).

‘‘உம்மத்தகஸ்ஸ பி⁴க்கு²னோ உம்மத்தகஸம்முதி உம்மத்தகேன யாசித்வா கதே அஸம்முகா²பி தா³துங் வட்டதி, தத்த² நிஸின்னேபி ந குப்பதி நியமாபா⁴வதோ. அஸம்முகா² கதே பன தோ³ஸாபா⁴வங் த³ஸ்ஸேதுங் ‘அஸம்முகா² கதங் ஸுகதங் ஹோதீ’தி வுத்தங். தூ³தேன உபஸம்பதா³ பன ஸம்முகா² காதுங் ந ஸக்கா கம்மவாசானானத்தஸம்ப⁴வதோ. பத்தனிக்குஜ்ஜனாத³யோ ஹத்த²பாஸதோ அபனீதமத்தேபி காதுங் வட்டந்தி. ஸங்க⁴ஸம்முக²தாதிஆதீ³ஸு யாவதிகா பி⁴க்கூ² கம்மப்பத்தா, தே ஆக³தா ஹொந்தி, ச²ந்தா³ரஹானங் ச²ந்தோ³ ஆஹதோ ஹோதி, ஸம்முகீ²பூ⁴தா ந படிக்கோஸந்தி, அயங் ஸங்க⁴ஸம்முக²தா. யேன த⁴ம்மேன யேன வினயேன யேன ஸத்து²ஸாஸனேன ஸங்கோ⁴ கம்மங் கரோதி, அயங் த⁴ம்மஸம்முக²தா வினயஸம்முக²தா. தத்த² த⁴ம்மோதி பூ⁴தங் வத்து². வினயோதி சோத³னா சேவ ஸாரணா ச. ஸத்து²ஸாஸனங் நாம ஞத்திஸம்பதா³ சேவ அனுஸ்ஸாவனஸம்பதா³ ச. யஸ்ஸ ஸங்கோ⁴ கம்மங் கரோதி, தஸ்ஸ ஸம்முகா²பா⁴வோ புக்³க³லஸம்முக²தா. கத்திகமாஸஸ்ஸ பவாரணமாஸத்தா ‘ட²பெத்வா கத்திகமாஸ’ந்தி வுத்தங். பச்சுக்கட்³டி⁴த்வா ட²பிததி³வஸோ சாதி காளபக்கே² சாதுத்³த³ஸிங் பன்னரஸிங் வா ஸந்தா⁴ய வுத்தங். த்³வே புண்ணமாஸியோதி பட²மபச்சி²மவஸ்ஸூபக³தானங் வஸேன வுத்த’’ந்தி ஸாரத்த²தீ³பனியங் (ஸாரத்த²॰ டீ॰ பரிவார 3.483) ஆக³தங்.

‘‘Ummattakassa bhikkhuno ummattakasammuti ummattakena yācitvā kate asammukhāpi dātuṃ vaṭṭati, tattha nisinnepi na kuppati niyamābhāvato. Asammukhā kate pana dosābhāvaṃ dassetuṃ ‘asammukhā kataṃ sukataṃ hotī’ti vuttaṃ. Dūtena upasampadā pana sammukhā kātuṃ na sakkā kammavācānānattasambhavato. Pattanikkujjanādayo hatthapāsato apanītamattepi kātuṃ vaṭṭanti. Saṅghasammukhatātiādīsu yāvatikā bhikkhū kammappattā, te āgatā honti, chandārahānaṃ chando āhato hoti, sammukhībhūtā na paṭikkosanti, ayaṃ saṅghasammukhatā. Yena dhammena yena vinayena yena satthusāsanena saṅgho kammaṃ karoti, ayaṃ dhammasammukhatā vinayasammukhatā. Tattha dhammoti bhūtaṃ vatthu. Vinayoti codanā ceva sāraṇā ca. Satthusāsanaṃ nāma ñattisampadā ceva anussāvanasampadā ca. Yassa saṅgho kammaṃ karoti, tassa sammukhābhāvo puggalasammukhatā. Kattikamāsassa pavāraṇamāsattā ‘ṭhapetvā kattikamāsa’nti vuttaṃ. Paccukkaḍḍhitvā ṭhapitadivaso cāti kāḷapakkhe cātuddasiṃ pannarasiṃ vā sandhāya vuttaṃ. Dve puṇṇamāsiyoti paṭhamapacchimavassūpagatānaṃ vasena vutta’’nti sāratthadīpaniyaṃ (sārattha. ṭī. parivāra 3.483) āgataṃ.

‘‘ட²பிதஉபோஸத²பவாரணானங் கத்திகமாஸே ஸாமக்³கி³யா கதாய ஸாமக்³கீ³பவாரணங் முஞ்சித்வா உபோஸத²ங் காதுங் ந வட்டதீதி ஆஹ ‘ட²பெத்வா கத்திகமாஸ’ந்தி. ஸசே பன தேஸங் நானாஸீமாஸு மஹாபவாரணாய விஸுங் பவாரிதானங் கத்திகமாஸப்³ப⁴ந்தரே ஸாமக்³கீ³ ஹோதி, ஸாமக்³கீ³உபோஸதோ² ஏவ தேஹி காதப்³போ³, ந பவாரணா ஏகஸ்மிங் வஸ்ஸே கதபவாரணானங் புன பவாரணாய அவிஹிதத்தா. ஸாமக்³கீ³தி³வஸோ ஹோதீதி அனுபோஸத²தி³வஸே ஸாமக்³கீ³கரணங் ஸந்தா⁴ய வுத்தங். ஸசே பன சாதுத்³த³ஸியங் பன்னரஸியங் வா ஸங்கோ⁴ ஸாமக்³கி³ங் கரோதி, ததா³ ஸாமக்³கீ³உபோஸத²தி³வஸோ ந ஹோதி, சாதுத்³த³ஸீபன்னரஸீஉபோஸதோ²வ ஹோதி. உபரி பவாரணாயபி ஏஸேவ நயோ. பச்சுக்கட்³டி⁴த்வா ட²பிததி³வஸோ சாதி ப⁴ண்ட³னகாரகேஹி உபத்³து³தா வா கேனசிதே³வ கரணீயேன பவாரணஸங்க³ஹங் வா கத்வா ட²பிதோ காளபக்க²சாதுத்³த³ஸீதி³வஸோ ச. த்³வே ச புண்ணமாஸியோதி புப்³ப³கத்திகபுண்ணமா பச்சி²மகத்திகபுண்ணமா சாதி த்³வே புண்ணமாஸியோ. ஏதங் சதுப்³பி³த⁴ந்தி புண்ணமாஸித்³வயேன ஸத்³தி⁴ங் ஸாமக்³கீ³பவாரணங் சாதுத்³த³ஸீபவாரணஞ்ச ஸம்பிண்டெ³த்வா, இத³ஞ்ச பகதிசாரித்தவஸேன வுத்தங். ததா²ரூபபச்சயே பன ஸதி உபி⁴ன்னங் புண்ணமாஸீனங் புரிமா த்³வே சாதுத்³த³ஸியோ, காளபக்க²சாதுத்³த³ஸியா அனந்தரா பன்னரஸீபீதி இமேபி தயோ தி³வஸா பவாரணாதி³வஸா ஏவாதி இமங் ஸத்தவித⁴ம்பி பவாரணாதி³வஸங் ட²பெத்வா அஞ்ஞஸ்மிங் தி³வஸே பவாரேதுங் ந வட்டதீ’’தி விமதிவினோத³னியங் (வி॰ வி॰ டீ॰ பரிவார 2.483) ஆக³தங்.

‘‘Ṭhapitauposathapavāraṇānaṃ kattikamāse sāmaggiyā katāya sāmaggīpavāraṇaṃ muñcitvā uposathaṃ kātuṃ na vaṭṭatīti āha ‘ṭhapetvā kattikamāsa’nti. Sace pana tesaṃ nānāsīmāsu mahāpavāraṇāya visuṃ pavāritānaṃ kattikamāsabbhantare sāmaggī hoti, sāmaggīuposatho eva tehi kātabbo, na pavāraṇā ekasmiṃ vasse katapavāraṇānaṃ puna pavāraṇāya avihitattā. Sāmaggīdivaso hotīti anuposathadivase sāmaggīkaraṇaṃ sandhāya vuttaṃ. Sace pana cātuddasiyaṃ pannarasiyaṃ vā saṅgho sāmaggiṃ karoti, tadā sāmaggīuposathadivaso na hoti, cātuddasīpannarasīuposathova hoti. Upari pavāraṇāyapi eseva nayo. Paccukkaḍḍhitvā ṭhapitadivaso cāti bhaṇḍanakārakehi upaddutā vā kenacideva karaṇīyena pavāraṇasaṅgahaṃ vā katvā ṭhapito kāḷapakkhacātuddasīdivaso ca. Dve ca puṇṇamāsiyoti pubbakattikapuṇṇamā pacchimakattikapuṇṇamā cāti dve puṇṇamāsiyo. Etaṃcatubbidhanti puṇṇamāsidvayena saddhiṃ sāmaggīpavāraṇaṃ cātuddasīpavāraṇañca sampiṇḍetvā, idañca pakaticārittavasena vuttaṃ. Tathārūpapaccaye pana sati ubhinnaṃ puṇṇamāsīnaṃ purimā dve cātuddasiyo, kāḷapakkhacātuddasiyā anantarā pannarasīpīti imepi tayo divasā pavāraṇādivasā evāti imaṃ sattavidhampi pavāraṇādivasaṃ ṭhapetvā aññasmiṃ divase pavāretuṃ na vaṭṭatī’’ti vimativinodaniyaṃ (vi. vi. ṭī. parivāra 2.483) āgataṃ.

ஏவங் வத்து²விபத்திவினிச்ச²யங் த³ஸ்ஸெத்வா இதா³னி ஞத்திவிபத்திவினிச்ச²யங் அனுஸ்ஸாவனவிபத்திவினிச்ச²யஞ்ச த³ஸ்ஸெந்தோ ‘‘ஞத்திதோ விபத்தியங் பனா’’திஆதி³மாஹ. தத்த² பஞ்சமஞத்திவிபத்தியங் ‘‘பச்சா² வா ஞத்திங் ட²பேதீ’’தி ஏதஸ்ஸ ஸங்வண்ணனாயங் அனுஸ்ஸாவனகம்மங் கத்வாதி பட²மங் அனுஸ்ஸாவனங் ஸாவெத்வா ‘‘ஏஸா ஞத்தீ’’தி அனுஸ்ஸாவனானந்தரமேவ ஸகலங் ஞத்திங் வத்வா, பரியோஸானே ‘‘ஏஸா ஞத்தீ’’தி வத்வாதி அதி⁴ப்பாயோ.

Evaṃ vatthuvipattivinicchayaṃ dassetvā idāni ñattivipattivinicchayaṃ anussāvanavipattivinicchayañca dassento ‘‘ñattito vipattiyaṃ panā’’tiādimāha. Tattha pañcamañattivipattiyaṃ ‘‘pacchā vā ñattiṃ ṭhapetī’’ti etassa saṃvaṇṇanāyaṃ anussāvanakammaṃ katvāti paṭhamaṃ anussāvanaṃ sāvetvā ‘‘esā ñattī’’ti anussāvanānantarameva sakalaṃ ñattiṃ vatvā, pariyosāne ‘‘esā ñattī’’ti vatvāti adhippāyo.

252. சதுத்த²அனுஸ்ஸாவனவிபத்திஸங்வண்ணனாயங் ‘‘ய்வாயந்தி ப்³யஞ்ஜனப்பபே⁴தோ³ அதி⁴ப்பேதோ. த³ஸதா⁴ ப்³யஞ்ஜனபு³த்³தி⁴யா பபே⁴தோ³தி எத்த² த³ஸதா⁴ த³ஸவிதே⁴ன ப்³யஞ்ஜனானங் பபே⁴தோ³தி யோஜேதப்³ப³ங். கேனாயங் பபே⁴தோ³தி ஆஹ ‘ப்³யஞ்ஜனபு³த்³தி⁴யா’தி. யதா²தி⁴ப்பேதத்த²ப்³யஞ்ஜனதோ ப்³யஞ்ஜனஸங்கா²தானங் அக்க²ரானங் ஜனிகா பு³த்³தி⁴ ப்³யஞ்ஜனபு³த்³தி⁴, தாய ப்³யஞ்ஜனபு³த்³தி⁴யா, அக்க²ரஸமுட்டா²பகசித்தபே⁴தே³னேவாதி அத்தோ². யங் வா ஸங்யோக³பரங் கத்வா வுச்சதி, இத³ம்பி க³ருகந்தி யோஜனா’’தி விமதிவினோத³னியங் வுத்தங்.

252. Catutthaanussāvanavipattisaṃvaṇṇanāyaṃ ‘‘yvāyanti byañjanappabhedo adhippeto. Dasadhā byañjanabuddhiyā pabhedoti ettha dasadhā dasavidhena byañjanānaṃ pabhedoti yojetabbaṃ. Kenāyaṃ pabhedoti āha ‘byañjanabuddhiyā’ti. Yathādhippetatthabyañjanato byañjanasaṅkhātānaṃ akkharānaṃ janikā buddhi byañjanabuddhi, tāya byañjanabuddhiyā, akkharasamuṭṭhāpakacittabhedenevāti attho. Yaṃ vā saṃyogaparaṃ katvā vuccati, idampi garukanti yojanā’’ti vimativinodaniyaṃ vuttaṃ.

ஸாரத்த²தீ³பனியங் (ஸாரத்த²॰ டீ॰ பரிவார 3.485) பன ‘‘டா²னகரணானி ஸிதி²லானி கத்வா உச்சாரேதப்³ப³மக்க²ரங் ஸிதி²லங், தானியேவ த⁴னிதானி அஸிதி²லானி கத்வா உச்சாரேதப்³ப³மக்க²ரங் த⁴னிதங். த்³விமத்தகாலங் தீ³க⁴ங், ஏகமத்தகாலங் ரஸ்ஸங். த³ஸதா⁴ ப்³யஞ்ஜனபு³த்³தி⁴யா பபே⁴தோ³தி ஏவங் ஸிதி²லாதி³வஸேன ப்³யஞ்ஜனபு³த்³தி⁴யா அக்க²ருப்பாத³கசித்தஸ்ஸ த³ஸப்பகாரேன பபே⁴தோ³. ஸப்³பா³னி ஹி அக்க²ரானி சித்தஸமுட்டா²னானி யதா²தி⁴ப்பேதத்த²ப்³யஞ்ஜனதோ ப்³யஞ்ஜனானி ச. ஸங்யோகோ³ பரோ ஏதஸ்மாதி ஸங்யோக³பரோ. ந ஸங்யோக³பரோ அஸங்யோக³பரோ ‘ஆயஸ்மதோ பு³த்³த⁴ரக்கி²ததே²ரஸ்ஸ யஸ்ஸ ந க²மதீ’தி எத்த² த-கார ந-காரஸஹிதாரோ அஸங்யோக³பரோ. கரணானீதி கண்டா²தீ³னி’’ இதி எத்தகங் வுத்தங்.

Sāratthadīpaniyaṃ (sārattha. ṭī. parivāra 3.485) pana ‘‘ṭhānakaraṇāni sithilāni katvā uccāretabbamakkharaṃ sithilaṃ, tāniyeva dhanitāni asithilāni katvā uccāretabbamakkharaṃ dhanitaṃ. Dvimattakālaṃ dīghaṃ, ekamattakālaṃ rassaṃ. Dasadhā byañjanabuddhiyā pabhedoti evaṃ sithilādivasena byañjanabuddhiyā akkharuppādakacittassa dasappakārena pabhedo. Sabbāni hi akkharāni cittasamuṭṭhānāni yathādhippetatthabyañjanato byañjanāni ca. Saṃyogo paro etasmāti saṃyogaparo. Na saṃyogaparo asaṃyogaparo ‘āyasmato buddharakkhitatherassa yassa na khamatī’ti ettha ta-kāra na-kārasahitāro asaṃyogaparo. Karaṇānīti kaṇṭhādīni’’ iti ettakaṃ vuttaṃ.

புன விமதிவினோத³னியங் (வி॰ வி॰ டீ॰ பரிவார 2.485) ‘‘தத்த² ஆயஸ்மதோதிஆதீ³ஸு ஸரானந்தரிதானி ஸ-கார ம-காராதி³ப்³யஞ்ஜனானி ‘ஸங்யோகோ³’தி வுச்சந்தி. யோ ஸங்யோகோ³ பரோ யஸ்ஸ அ-காராதி³னோ, ஸோ ஸங்யோக³பரோ நாம. ரஸ்ஸந்தி அ-காராதி³ப்³யஞ்ஜனரஹிதங் பத³ங். அஸங்யோக³பரந்தி ‘யஸ்ஸ ந க²மதீ’திஆதீ³ஸு ஸ-கார ந-காராதி³ப்³யஞ்ஜனஸஹிதங் பத³ங் ஸந்தா⁴ய வுத்தங். த-காரஸ்ஸ த²-காரங் அகத்வா ‘ஸுணாது மே’திஆதி³ங் அவத்வா வக்³க³ந்தரே ஸிதி²லமேவ கத்வா ‘ஸுணாடு மே’திஆதி³ங் வத³ந்தோபி து³ருத்தங் கரோதியேவ ட²பெத்வா அனுரூபங் ஆதே³ஸங். யஞ்ஹி ‘ஸச்சிகத்த²பரமத்தே²னா’தி வத்தப்³பே³ ‘ஸச்சிகட்ட²பரமட்டே²னா’தி ச ‘அத்த²கதா²’தி ச வத்தப்³பே³ ‘அட்ட²கதா²’தி ச தத்த² தத்த² வுச்சதி, தாதி³ஸங் பாளிஅட்ட²கதா²தீ³ஸு தி³ட்ட²பயோக³ங் தத³னுரூபஞ்ச வத்துங் வட்டதி, ததோ அஞ்ஞங் ந வட்டதி. தேனாஹ ‘அனுக்கமாக³தங் பவேணிங் அவினாஸெந்தேனா’திஆதி³. ‘தீ³கே⁴ வத்தப்³பே³ ரஸ்ஸ’ந்திஆதீ³ஸு ‘பி⁴க்கூ²ன’ந்தி வத்தப்³பே³ ‘பி⁴க்கு²ன’ந்தி வா ‘ப³ஹூஸூ’தி வத்தப்³பே³ ‘ப³ஹுஸூ’தி வா ‘நக்க²மதீ’தி வத்தப்³பே³ ‘ந க²மதீ’தி வா ‘உபஸம்பதா³பெக்கோ²’தி வத்தப்³பே³ ‘உபஸம்பதா³பேகோ²’தி வா ஏவங் அனுரூபட்டா²னேஸு ஏவ தீ³க⁴ரஸ்ஸாதி³ரஸ்ஸதீ³கா⁴தி³வஸேன பரிவத்தேதுங் வட்டதி, ந பன ‘நாகோ³’தி வத்தப்³பே³ ‘நகோ³’தி வா ‘ஸங்கோ⁴’தி வத்தப்³பே³ ‘ஸகோ⁴’தி வா ‘திஸ்ஸோ’தி வத்தப்³பே³ ‘திஸோ’தி வா ‘யாசதீ’தி வத்தப்³பே³ ‘யாசந்தீ’தி வா ஏவங் அனநுரூபட்டா²னேஸு வத்துங் . ஸம்ப³ந்த⁴ங் பன வவத்தா²னஞ்ச ஸப்³ப³தா²பி வட்டதீதி க³ஹேதப்³ப³’’ந்தி ஆக³தங். ஸேஸானி அட்ட²கதா²யங் வுத்தனயேனேவ ஸுட்டு² ஸல்லக்கே²தப்³பா³னி.

Puna vimativinodaniyaṃ (vi. vi. ṭī. parivāra 2.485) ‘‘tattha āyasmatotiādīsu sarānantaritāni sa-kāra ma-kārādibyañjanāni ‘saṃyogo’ti vuccanti. Yo saṃyogo paro yassa a-kārādino, so saṃyogaparo nāma. Rassanti a-kārādibyañjanarahitaṃ padaṃ. Asaṃyogaparanti ‘yassa na khamatī’tiādīsu sa-kāra na-kārādibyañjanasahitaṃ padaṃ sandhāya vuttaṃ. Ta-kārassa tha-kāraṃ akatvā ‘suṇātu me’tiādiṃ avatvā vaggantare sithilameva katvā ‘suṇāṭu me’tiādiṃ vadantopi duruttaṃ karotiyeva ṭhapetvā anurūpaṃ ādesaṃ. Yañhi ‘saccikatthaparamatthenā’ti vattabbe ‘saccikaṭṭhaparamaṭṭhenā’ti ca ‘atthakathā’ti ca vattabbe ‘aṭṭhakathā’ti ca tattha tattha vuccati, tādisaṃ pāḷiaṭṭhakathādīsu diṭṭhapayogaṃ tadanurūpañca vattuṃ vaṭṭati, tato aññaṃ na vaṭṭati. Tenāha ‘anukkamāgataṃ paveṇiṃ avināsentenā’tiādi. ‘Dīghe vattabbe rassa’ntiādīsu ‘bhikkhūna’nti vattabbe ‘bhikkhuna’nti vā ‘bahūsū’ti vattabbe ‘bahusū’ti vā ‘nakkhamatī’ti vattabbe ‘na khamatī’ti vā ‘upasampadāpekkho’ti vattabbe ‘upasampadāpekho’ti vā evaṃ anurūpaṭṭhānesu eva dīgharassādirassadīghādivasena parivattetuṃ vaṭṭati, na pana ‘nāgo’ti vattabbe ‘nago’ti vā ‘saṅgho’ti vattabbe ‘sagho’ti vā ‘tisso’ti vattabbe ‘tiso’ti vā ‘yācatī’ti vattabbe ‘yācantī’ti vā evaṃ ananurūpaṭṭhānesu vattuṃ . Sambandhaṃ pana vavatthānañca sabbathāpi vaṭṭatīti gahetabba’’nti āgataṃ. Sesāni aṭṭhakathāyaṃ vuttanayeneva suṭṭhu sallakkhetabbāni.

253. ஸீமவிபத்திவினிச்ச²யோ பன ஹெட்டா² ஸீமகதா²யங் ஸப்³பே³ன கதி²தோ, தஸ்மா தத்த² வுத்தனயேனேவ க³ஹேதப்³போ³.

253. Sīmavipattivinicchayo pana heṭṭhā sīmakathāyaṃ sabbena kathito, tasmā tattha vuttanayeneva gahetabbo.

பரிஸவிபத்திகதா²ய சதுவக்³க³கரணேதி சதுவக்³கே³ன ஸங்கே⁴ன கத்தப்³பே³. அனிஸ்ஸாரிதாதி உபோஸத²ட்ட²பனாதி³னா வா லத்³தி⁴னானாஸங்வாஸகபா⁴வேன வா ந ப³ஹிகதா. அட்ட²கதா²யஞ்ஹி ‘‘அபகதத்தஸ்ஸாதி உக்கி²த்தகஸ்ஸ வா யஸ்ஸ வா உபோஸத²பவாரணா ட²பிதா ஹொந்தீ’’தி (பரி॰ அட்ட²॰ 425) வுத்தத்தா ட²பிதஉபோஸத²பவாரணோ பி⁴க்கு² அபகதத்தோ ஏவாதி க³ஹேதப்³ப³ங். பரிஸுத்³த⁴ஸீலாதி பாராஜிகங் அனாபன்னா அதி⁴ப்பேதா. பரிவாஸாதி³கம்மேஸு பன க³ருகட்டா²பி அபகதத்தா ஏவாதி க³ஹேதப்³ப³ங். அவஸேஸா…பே॰… ச²ந்தா³ரஹாவ ஹொந்தீதி ஹத்த²பாஸங் விஜஹித்வா டி²தே ஸந்தா⁴ய வுத்தங், அவிஜஹித்வா டி²தா பன ச²ந்தா³ரஹா ந ஹொந்தி, தேபி சதுவக்³கா³தி³தோ அதி⁴கா ஹத்த²பாஸங் விஜஹித்வாவ ச²ந்தா³ரஹா ஹொந்தி, தஸ்மா ஸங்க⁴தோ ஹத்த²பாஸங் விஜஹித்வா டி²தேனேவ ச²ந்தோ³ வா பாரிஸுத்³தி⁴ வா தா³தப்³பா³.

Parisavipattikathāya catuvaggakaraṇeti catuvaggena saṅghena kattabbe. Anissāritāti uposathaṭṭhapanādinā vā laddhinānāsaṃvāsakabhāvena vā na bahikatā. Aṭṭhakathāyañhi ‘‘apakatattassāti ukkhittakassa vā yassa vā uposathapavāraṇā ṭhapitā hontī’’ti (pari. aṭṭha. 425) vuttattā ṭhapitauposathapavāraṇo bhikkhu apakatatto evāti gahetabbaṃ. Parisuddhasīlāti pārājikaṃ anāpannā adhippetā. Parivāsādikammesu pana garukaṭṭhāpi apakatattā evāti gahetabbaṃ. Avasesā…pe… chandārahāva hontīti hatthapāsaṃ vijahitvā ṭhite sandhāya vuttaṃ, avijahitvā ṭhitā pana chandārahā na honti, tepi catuvaggādito adhikā hatthapāsaṃ vijahitvāva chandārahā honti, tasmā saṅghato hatthapāsaṃ vijahitvā ṭhiteneva chando vā pārisuddhi vā dātabbā.

ஸாரத்த²தீ³பனியங் (ஸாரத்த²॰ டீ॰ பரிவார 3.488) பன ‘‘அனுக்கி²த்தா பாராஜிகங் அனாபன்னா ச பகதத்தாதி ஆஹ ‘பகதத்தா அனுக்கி²த்தா’திஆதி³. தத்த² அனிஸ்ஸாரிதாதி புரிமபத³ஸ்ஸேவ வேவசனங். பரிஸுத்³த⁴ஸீலாதி பாராஜிகங் அனாபன்னா. ந தேஸங் ச²ந்தோ³ வா பாரிஸுத்³தி⁴ வா ஏதீதி தீஸு த்³வீஸு வா நிஸின்னேஸு ஏகஸ்ஸ வா த்³வின்னங் வா ச²ந்த³பாரிஸுத்³தி⁴ ஆஹடாபி அனாஹடாவ ஹோதீதி அதி⁴ப்பாயோ’’தி ஆக³தோ. ஏவங் பாளியஞ்ச அட்ட²கதா²ய ச சதுன்னம்பி கம்மானங் ஸம்பத்தி ச விபத்தி ச ஆக³தா, டீகாசரியேஹி ச வினிச்சி²தா, தஸ்மா அட்ட²கதா²யங் வுத்தனயேனேவ சத்தாரி கம்மானி கத்தப்³பா³னி, ந அவுத்தனயேன. வுத்தஞ்ஹி ஸமந்தபாஸாதி³காயங் (பாரா॰ அட்ட²॰ 1. க³ந்தா²ரம்ப⁴கதா²; 2.431) –

Sāratthadīpaniyaṃ (sārattha. ṭī. parivāra 3.488) pana ‘‘anukkhittā pārājikaṃ anāpannā ca pakatattāti āha ‘pakatattā anukkhittā’tiādi. Tattha anissāritāti purimapadasseva vevacanaṃ. Parisuddhasīlāti pārājikaṃ anāpannā. Na tesaṃ chando vā pārisuddhi vā etīti tīsu dvīsu vā nisinnesu ekassa vā dvinnaṃ vā chandapārisuddhi āhaṭāpi anāhaṭāva hotīti adhippāyo’’ti āgato. Evaṃ pāḷiyañca aṭṭhakathāya ca catunnampi kammānaṃ sampatti ca vipatti ca āgatā, ṭīkācariyehi ca vinicchitā, tasmā aṭṭhakathāyaṃ vuttanayeneva cattāri kammāni kattabbāni, na avuttanayena. Vuttañhi samantapāsādikāyaṃ (pārā. aṭṭha. 1. ganthārambhakathā; 2.431) –

‘‘பு³த்³தே⁴ன த⁴ம்மோ வினயோ ச வுத்தோ;

‘‘Buddhena dhammo vinayo ca vutto;

யோ தஸ்ஸ புத்தேஹி ததே²வ ஞாதோ;

Yo tassa puttehi tatheva ñāto;

ஸோ யேஹி தேஸங் மதிமச்சஜந்தா;

So yehi tesaṃ matimaccajantā;

யஸ்மா புரே அட்ட²கதா² அகங்ஸு.

Yasmā pure aṭṭhakathā akaṃsu.

‘‘தஸ்மா ஹி யங் அட்ட²கதா²ஸு வுத்தங்;

‘‘Tasmā hi yaṃ aṭṭhakathāsu vuttaṃ;

தங் வஜ்ஜயித்வான பமாத³லேக²ங்;

Taṃ vajjayitvāna pamādalekhaṃ;

ஸப்³ப³ம்பி ஸிக்கா²ஸு ஸகா³ரவானங்;

Sabbampi sikkhāsu sagāravānaṃ;

யஸ்மா பமாணங் இத⁴ பண்டி³தான’’ந்தி.

Yasmā pamāṇaṃ idha paṇḍitāna’’nti.

இமஸ்மிஞ்ஹி கம்மவக்³கே³ அபலோகனாதீ³னங் சதுன்னங் கம்மானங் கரணட்டா²னங் ஏகாத³ஸவிபத்திஸீமவிமுத்தங் ப³த்³த⁴ஸீமபூ⁴தங்யேவ வுத்தங், ‘‘ஏகாத³ஸஹி ஆகாரேஹி ஸீமதோ கம்மானி விபஜ்ஜந்தீ’’தி (பரி॰ 486) வசனதோ ந அப³த்³த⁴உபசாரஸீமபூ⁴தங். ந ஹி தத்த² ஏகாத³ஸவிபத்தி அத்தி². அட்ட²கதா²யம்பி (பரி॰ அட்ட²॰ 482) ‘‘அபலோகனகம்மங் நாம ஸீமட்ட²கஸங்க⁴ங் ஸோதெ⁴த்வா ச²ந்தா³ரஹானங் ச²ந்த³ங் ஆஹரித்வா ஸமக்³க³ஸ்ஸ ஸங்க⁴ஸ்ஸ அனுமதியா திக்க²த்துங் ஸாவெத்வா கத்தப்³ப³ங் கம்ம’’ந்தி அபலோகனகம்மஸ்ஸாபி ப³த்³த⁴ஸீமாயமேவ கத்தப்³ப³பா⁴வோ வுத்தோ, ந உபசாரஸீமாயங். ந ஹி தத்த² ஸீமட்ட²கஸங்க⁴ஸோத⁴னஞ்ச ச²ந்தா³ரஹானஞ்ச அத்தி², அந்தோஸீமங் பவிட்ட²பவிட்டா²னங் ஸங்க⁴லாபோ⁴ தா³தப்³போ³யேவ ஹோதி, தஸ்மா ‘‘ஞத்திகம்மபூ⁴தங் உபோஸத²பவாரணாகம்மங் அப³த்³த⁴ஸீமவிஹாரேபி கத்தப்³ப³’’ந்தி க³ண்ஹந்தானங் ஆசரியானங் வாதோ³பி ‘‘ஞத்திது³தியகம்மபூ⁴தங் கதி²னதா³னகம்மங் உபசாரஸீமாயமேவ கத்தப்³ப³’’ந்தி க³ண்ஹந்தானங் ஆசரியானங் வாதோ³பி பாளிவிரோதோ⁴ அட்ட²கதா²விரோதோ⁴ ச ஹோதீதி வேதி³தப்³போ³. யமெத்த² வத்தப்³ப³ங், தங் உபோஸத²பவாரணகதா²வண்ணனாயஞ்ச கதி²னகதா²வண்ணனாயஞ்ச வுத்தங், அத்தி²கேஹி தத்த² ஸுட்டு² ஓலோகெத்வா ஸங்ஸயோ வினோதே³தப்³போ³.

Imasmiñhi kammavagge apalokanādīnaṃ catunnaṃ kammānaṃ karaṇaṭṭhānaṃ ekādasavipattisīmavimuttaṃ baddhasīmabhūtaṃyeva vuttaṃ, ‘‘ekādasahi ākārehi sīmato kammāni vipajjantī’’ti (pari. 486) vacanato na abaddhaupacārasīmabhūtaṃ. Na hi tattha ekādasavipatti atthi. Aṭṭhakathāyampi (pari. aṭṭha. 482) ‘‘apalokanakammaṃ nāma sīmaṭṭhakasaṅghaṃ sodhetvā chandārahānaṃ chandaṃ āharitvā samaggassa saṅghassa anumatiyā tikkhattuṃ sāvetvā kattabbaṃ kamma’’nti apalokanakammassāpi baddhasīmāyameva kattabbabhāvo vutto, na upacārasīmāyaṃ. Na hi tattha sīmaṭṭhakasaṅghasodhanañca chandārahānañca atthi, antosīmaṃ paviṭṭhapaviṭṭhānaṃ saṅghalābho dātabboyeva hoti, tasmā ‘‘ñattikammabhūtaṃ uposathapavāraṇākammaṃ abaddhasīmavihārepi kattabba’’nti gaṇhantānaṃ ācariyānaṃ vādopi ‘‘ñattidutiyakammabhūtaṃ kathinadānakammaṃ upacārasīmāyameva kattabba’’nti gaṇhantānaṃ ācariyānaṃ vādopi pāḷivirodho aṭṭhakathāvirodho ca hotīti veditabbo. Yamettha vattabbaṃ, taṃ uposathapavāraṇakathāvaṇṇanāyañca kathinakathāvaṇṇanāyañca vuttaṃ, atthikehi tattha suṭṭhu oloketvā saṃsayo vinodetabbo.

இதா³னி ஸப்³பே³ பி⁴க்கூ² லேக²காரேஹி பரிசயவஸேன ஸப்³ப³க³ந்தா²னங் ஆதி³ம்ஹி லிகி²தங் மஹானமக்காரபாட²ங் ஸரணக³மனஸ்ஸ, கம்மவாசாய ச ஆரம்ப⁴காலே மஹதா உஸ்ஸாஹேன ப⁴ணந்தி, ஸோ பன பாடோ² நேவ ஸரணக³மனபரியாபன்னோ, ந கம்மவாசாபரியாபன்னோ, நாபி கம்மவாசாய புப்³ப³கரணபரியாபன்னோ, தஸ்மிங் அப⁴ணிதேபி ந ஸரணக³மனஸ்ஸ வா கம்மவாசாய வா ஹானி அத்தி², ந ப⁴ணிதே வட்³டி⁴, தஸ்மா பகரணாசரியா ஸரணக³மனாரம்பே⁴பி கம்மவாசாரம்பே⁴பி தஸ்ஸ மஹானமக்காரபாட²ஸ்ஸ வண்ணனங் ந வத³ந்தி, வத³ந்தோ பன ‘‘ப⁴க³வதோ அரஹதோ ஸம்மாஸம்பு³த்³த⁴ஸ்ஸ’’ இதி பதா³னங் அத்தோ² விஸுத்³தி⁴மக்³க³ஸமந்தபாஸாதி³காஸாரத்த²தீ³பனீஆதி³ப்பகரணேஸு ‘‘ப⁴க³வா அரஹங் ஸம்மாஸம்பு³த்³தோ⁴’’ இதிபதா³னங் அத்தோ² விய வித்தா²ரேன வத்தப்³போ³ ஸியா, ஏவங் ஸந்தேபி ப⁴க³வதோ யதா²பூ⁴தகு³ணதீ³பனவஸேன பவத்தத்தா ஸப்³பே³பி ஆசரியா ஸப்³பே³ஸு க³ந்தா²ரம்பே⁴ஸு திக்க²த்துங் மங்க³லத்த²ங் ப⁴ணந்தி. ப⁴ணந்தேஹி ச பன ந-கார மோ-காராதீ³னங் டா²னகரணாதி³ஸம்பத³ங் அஹாபெந்தேன ஸிதி²லத⁴னிததீ³க⁴ரஸ்ஸாதி³விஸேஸங் மனஸி கரொந்தேன ஸமணஸாருப்பேன பரிமண்ட³லேன பத³ப்³யஞ்ஜனேன ப⁴ணிதப்³போ³ ஹோதி, ந அதிஆயதகேன கீ³தஸத்³த³ஸதி³ஸேன ஸத்³தே³ன. வுத்தஞ்ஹேதங் ப⁴க³வதா ‘‘ந, பி⁴க்க²வே, ஆயதகேன கீ³தஸ்ஸரேன த⁴ம்மோ கா³யிதப்³போ³, யோ கா³யெய்ய, ஆபத்தி து³க்கடஸ்ஸா’’தி (சூளவ॰ 249).

Idāni sabbe bhikkhū lekhakārehi paricayavasena sabbaganthānaṃ ādimhi likhitaṃ mahānamakkārapāṭhaṃ saraṇagamanassa, kammavācāya ca ārambhakāle mahatā ussāhena bhaṇanti, so pana pāṭho neva saraṇagamanapariyāpanno, na kammavācāpariyāpanno, nāpi kammavācāya pubbakaraṇapariyāpanno, tasmiṃ abhaṇitepi na saraṇagamanassa vā kammavācāya vā hāni atthi, na bhaṇite vaḍḍhi, tasmā pakaraṇācariyā saraṇagamanārambhepi kammavācārambhepi tassa mahānamakkārapāṭhassa vaṇṇanaṃ na vadanti, vadanto pana ‘‘bhagavato arahato sammāsambuddhassa’’ iti padānaṃ attho visuddhimaggasamantapāsādikāsāratthadīpanīādippakaraṇesu ‘‘bhagavā arahaṃ sammāsambuddho’’ itipadānaṃ attho viya vitthārena vattabbo siyā, evaṃ santepi bhagavato yathābhūtaguṇadīpanavasena pavattattā sabbepi ācariyā sabbesu ganthārambhesu tikkhattuṃ maṅgalatthaṃ bhaṇanti. Bhaṇantehi ca pana na-kāra mo-kārādīnaṃ ṭhānakaraṇādisampadaṃ ahāpentena sithiladhanitadīgharassādivisesaṃ manasi karontena samaṇasāruppena parimaṇḍalena padabyañjanena bhaṇitabbo hoti, na atiāyatakena gītasaddasadisena saddena. Vuttañhetaṃ bhagavatā ‘‘na, bhikkhave, āyatakena gītassarena dhammo gāyitabbo, yo gāyeyya, āpatti dukkaṭassā’’ti (cūḷava. 249).

‘‘ஏகமத்தோ ப⁴வே ரஸ்ஸோ, த்³விமத்தோ தீ³க⁴முச்சதே;

‘‘Ekamatto bhave rasso, dvimatto dīghamuccate;

திமத்தோ து ப்லுதோ ஞெய்யோ, ப்³யஞ்ஜனஞ்சட்³ட⁴மத்திக’’ந்தி. –

Timatto tu pluto ñeyyo, byañjanañcaḍḍhamattika’’nti. –

ஸத்³த³ப்பகரணாசரியேஹி வுத்தங் ஸத்³த³லக்க²ணங் நிஸ்ஸாய ந-காராதீ³ஸு ரஸ்ஸபூ⁴தே அஸரே ஏகமத்தங், ந-ப்³யஞ்ஜனே அட்³ட⁴மத்தங் ஸம்பிண்டெ³த்வா தி³யட்³ட⁴மத்தகாலங் பமாணங் கத்வா உச்சாரீயதே. மோ-காராதீ³ஸு தீ³க⁴பூ⁴தே ஓ-காராதி³ஸரே த்³விமத்தங், ம-காராதி³ப்³யஞ்ஜனே அட்³ட⁴மத்தங் ஸம்பிண்டெ³த்வா அட்³ட⁴தெய்யமத்தாகாலங் பமாணங் கத்வா உச்சாரீயதே, ந ததோ உத்³த⁴ந்தி. நனு ‘‘ப்லுதோ திமத்தோ ஞெய்யோ’’தி வுத்தந்தி? ஸச்சங், ஸா பன தூ³ரதோ அவ்ஹாயனாதீ³ஸுயேவ லப்³ப⁴தி, நாஞ்ஞத்த². வுத்தஞ்ஹி காரிகாயங் –

Saddappakaraṇācariyehi vuttaṃ saddalakkhaṇaṃ nissāya na-kārādīsu rassabhūte asare ekamattaṃ, na-byañjane aḍḍhamattaṃ sampiṇḍetvā diyaḍḍhamattakālaṃ pamāṇaṃ katvā uccārīyate. Mo-kārādīsu dīghabhūte o-kārādisare dvimattaṃ, ma-kārādibyañjane aḍḍhamattaṃ sampiṇḍetvā aḍḍhateyyamattākālaṃ pamāṇaṃ katvā uccārīyate, na tato uddhanti. Nanu ‘‘pluto timatto ñeyyo’’ti vuttanti? Saccaṃ, sā pana dūrato avhāyanādīsuyeva labbhati, nāññattha. Vuttañhi kārikāyaṃ –

‘‘தூ³ரதோ அவ்ஹானே கீ³தே, ததே²வ ரோத³னேபி ச;

‘‘Dūrato avhāne gīte, tatheva rodanepi ca;

ப்லுதா திமத்திகா வுத்தா, ஸப்³பே³தே நெத்த² க³ய்ஹரே’’தி. –

Plutā timattikā vuttā, sabbete nettha gayhare’’ti. –

கித்தகேன பன காலேன ஏகமத்தா விஞ்ஞெய்யாதி? அக்கி²னிமிஸஉம்மிஸமத்தகாலேனாதி ஆசரியா. ஏகே பன ஆசரியா ‘‘அங்கு³லிபோ²டனகாலப்பமாணேனா’’தி வத³ந்தி. வுத்தஞ்ஹி ஆசரியத⁴ம்மஸேனாபதித்தே²ரேன –

Kittakena pana kālena ekamattā viññeyyāti? Akkhinimisaummisamattakālenāti ācariyā. Eke pana ācariyā ‘‘aṅguliphoṭanakālappamāṇenā’’ti vadanti. Vuttañhi ācariyadhammasenāpatittherena –

‘‘பமாணங் ஏகமத்தஸ்ஸ, நிமிஸும்மிஸதொப்³ரவுங்;

‘‘Pamāṇaṃ ekamattassa, nimisummisatobravuṃ;

அங்கு³லிபோ²டகாலஸ்ஸ, பமாணேனாபி அப்³ரவு’’ந்தி.

Aṅguliphoṭakālassa, pamāṇenāpi abravu’’nti.

ஏவங் ஸத்³த³ஸத்தா²சரியேஹி வசனதோ ஸுத்³த⁴ரஸ்ஸஸரட்டா²னே ஏகமத்தாபமாணங், ஸப்³யஞ்ஜனரஸ்ஸஸரட்டா²னே தி³யட்³ட⁴மத்தாபமாணங், ஸுத்³த⁴தீ³க⁴ஸரட்டா²னே த்³விமத்தாபமாணங், ஸப்³யஞ்ஜனதீ³க⁴ஸரட்டா²னே அட்³ட⁴தெய்யமத்தாபமாணங் காலங் ஸல்லக்கெ²த்வா உச்சாரீயதே.

Evaṃ saddasatthācariyehi vacanato suddharassasaraṭṭhāne ekamattāpamāṇaṃ, sabyañjanarassasaraṭṭhāne diyaḍḍhamattāpamāṇaṃ, suddhadīghasaraṭṭhāne dvimattāpamāṇaṃ, sabyañjanadīghasaraṭṭhāne aḍḍhateyyamattāpamāṇaṃ kālaṃ sallakkhetvā uccārīyate.

இதா³னி பன பி⁴க்கூ² மஹானமக்காரப⁴ணனே ப³லவஉஸ்ஸாஹங் கத்வா ப⁴ணந்தா ரஸ்ஸட்டா²னேஸு த்³விதிமத்தாகாலங் தீ³க⁴ட்டா²னேஸு சதுபஞ்சமத்தாகாலங் ஸரங் பட²பெத்வா ப⁴ணந்தி, தத³யுத்தங் விய தி³ஸ்ஸதி. அபரே பட²மவாரே ப⁴ணித்வா ‘‘ஸம்மாஸம்பு³த்³த⁴ஸ்ஸா’’தி பரியோஸானபத³ங் பத்வாபி தத்த² அட்ட²பெத்வா புன ‘‘நமோ தஸ்ஸா’’தி ப⁴ணித்வா ஸ-காரே ட²பெத்வா தோ²கங் விஸ்ஸமித்வா து³தியவாரே ‘‘ப⁴க³வதோ’’தி இத³ங் ஆதி³ங் கத்வா யாவ பரியோஸானங் ப⁴ணித்வா ட²பெந்தி. ததியவாரே பன ஆதி³தோ பட்டா²ய பரியோஸானே ட²பெந்தி. ஏவங் ப⁴ணந்தஞ்ச ப³ஹூ பஸங்ஸந்தி, ஏவங் பன காதப்³ப³ந்தி நேவ பாளியங், ந அட்ட²கதா²யங் விஜ்ஜதி. யதா² ஞத்திசதுத்த²கம்மே கரியமானே தீணி அனுஸ்ஸாவனானி ஸத்³த³தோ ச அத்த²தோ ச அபி⁴ன்னானி அஞ்ஞமஞ்ஞங் ஸங்கரவிரஹிதானி கத்வா ப⁴ணிதப்³பா³னி, ஏவங் மஹானமக்காரபாடே² திக்க²த்துங் ப⁴ஞ்ஞமானே தயோ வாரா ஸத்³த³தோ ச அத்த²தோ ச அபி⁴ன்னே கத்வா ஸங்கரவிரஹிதே கத்வா ஆதி³தோ ஆரபி⁴த்வா பரியோஸானே ட²பேதப்³பா³ ஹொந்தீதி.

Idāni pana bhikkhū mahānamakkārabhaṇane balavaussāhaṃ katvā bhaṇantā rassaṭṭhānesu dvitimattākālaṃ dīghaṭṭhānesu catupañcamattākālaṃ saraṃ paṭhapetvā bhaṇanti, tadayuttaṃ viya dissati. Apare paṭhamavāre bhaṇitvā ‘‘sammāsambuddhassā’’ti pariyosānapadaṃ patvāpi tattha aṭṭhapetvā puna ‘‘namo tassā’’ti bhaṇitvā sa-kāre ṭhapetvā thokaṃ vissamitvā dutiyavāre ‘‘bhagavato’’ti idaṃ ādiṃ katvā yāva pariyosānaṃ bhaṇitvā ṭhapenti. Tatiyavāre pana ādito paṭṭhāya pariyosāne ṭhapenti. Evaṃ bhaṇantañca bahū pasaṃsanti, evaṃ pana kātabbanti neva pāḷiyaṃ, na aṭṭhakathāyaṃ vijjati. Yathā ñatticatutthakamme kariyamāne tīṇi anussāvanāni saddato ca atthato ca abhinnāni aññamaññaṃ saṅkaravirahitāni katvā bhaṇitabbāni, evaṃ mahānamakkārapāṭhe tikkhattuṃ bhaññamāne tayo vārā saddato ca atthato ca abhinne katvā saṅkaravirahite katvā ādito ārabhitvā pariyosāne ṭhapetabbā hontīti.

தத்ராயமேகேஏவங் வத³ந்தி – யதா² நாம ஜவேன க³ச்ச²ந்தஸ்ஸ டா²தப்³ப³ட்டா²னங் பத்வாபி ஸஹஸா டா²துங் ந ஸக்கோதி, ஏகபாத³மத்தங் க³ந்த்வா திட்ட²தி, ஏவங் ஆதி³தோ ப⁴ணந்தஸ்ஸ ப³லவஉஸ்ஸாஹத்தா பரியோஸானே பத்தேபி ட²பேதுங் ந ஸக்கோதி, ‘‘நமோ தஸ்ஸா’’தி த்³விபத³மத்தங் ப⁴ணித்வா ஸக்கோதீதி. ஏவங் ஸந்தே து³தியததியவாரேஸு கஸ்மா ஸக்கோதீதி? ததா³ பன து³தியவாரே தோ²கங் விஸ்ஸமிதத்தா லத்³த⁴ஸ்ஸாஸோ ஹுத்வா ஸக்கோதீதி. ஏவங் தே ஆயஸ்மந்தோ ஸயமேவ அத்தானங் விகா⁴தங் பாபெந்தி. ந ஹி ‘‘மஹானமக்காரங் ப⁴ணந்தேன பட²மவாரே ப³லவஉஸ்ஸாஹேன ப⁴ணிதப்³போ³’’தி ப⁴க³வதா பஞ்ஞத்தோ, த⁴ம்மஸங்கா³ஹகத்தே²ரேஹி வா ட²பிதோ அத்தி². ஏவங் ஸந்தே யதா² பாதிமொக்கு²த்³தே³ஸகேன பாதிமொக்க²ங் உத்³தி³ஸந்தேன யத்தகா பி⁴க்கூ² பாதிமொக்க²ங் ஸுணந்தி, தேஸங் ஸவனப்பமாணேன யாவ பரியோஸானா உத்³தி³ஸிதுங் அத்தனோ ஸரப்பமாணங் க³ஹெத்வா பாதிமொக்கோ² உத்³தி³ஸிதப்³போ³, ஏவங் கம்மவாசங் ப⁴ணந்தேனபி ஸீமமண்ட³லே நிஸின்னபி⁴க்கூ²னங் ஸவனப்பமாணேன யாவ பரியோஸானா அத்தனோ ஸரப்பமாணங் க³ஹெத்வா ப⁴ணிதப்³பா³தி.

Tatrāyamekeevaṃ vadanti – yathā nāma javena gacchantassa ṭhātabbaṭṭhānaṃ patvāpi sahasā ṭhātuṃ na sakkoti, ekapādamattaṃ gantvā tiṭṭhati, evaṃ ādito bhaṇantassa balavaussāhattā pariyosāne pattepi ṭhapetuṃ na sakkoti, ‘‘namo tassā’’ti dvipadamattaṃ bhaṇitvā sakkotīti. Evaṃ sante dutiyatatiyavāresu kasmā sakkotīti? Tadā pana dutiyavāre thokaṃ vissamitattā laddhassāso hutvā sakkotīti. Evaṃ te āyasmanto sayameva attānaṃ vighātaṃ pāpenti. Na hi ‘‘mahānamakkāraṃ bhaṇantena paṭhamavāre balavaussāhena bhaṇitabbo’’ti bhagavatā paññatto, dhammasaṅgāhakattherehi vā ṭhapito atthi. Evaṃ sante yathā pātimokkhuddesakena pātimokkhaṃ uddisantena yattakā bhikkhū pātimokkhaṃ suṇanti, tesaṃ savanappamāṇena yāva pariyosānā uddisituṃ attano sarappamāṇaṃ gahetvā pātimokkho uddisitabbo, evaṃ kammavācaṃ bhaṇantenapi sīmamaṇḍale nisinnabhikkhūnaṃ savanappamāṇena yāva pariyosānā attano sarappamāṇaṃ gahetvā bhaṇitabbāti.

அபரே பன ஆசரியா மோ-காராதீ³ஸு ஓ-காரந்தபதே³ஸு அஞ்ஞேஸங் பதா³னங் அதிரேகேன ஸரேன த்³வத்திக்க²த்துங் அனுகரணஸத்³த³ங் அனுப³ந்தா⁴பயமானா ப⁴ணந்தி, தேஸங் ஆசரியானங் தாதி³ஸங் ப⁴ணனங் ஸுத்வா பரிசயப்பத்தா அஞ்ஞே பி⁴க்கூ² வா க³ஹட்டா² வா அஞ்ஞேஸங் ஆசரியானங் கம்மவாசங் ந க³ருங் கரொந்தி, தாய கம்மவாசாய உபஸம்பதா³ அலபி⁴தப்³பா³ விய மஞ்ஞந்தி, தாதி³ஸங் பன ப⁴ணனங் தேஸங் ஆசரியானங் ஸிஸ்ஸானுஸிஸ்ஸா ஏவ ததா² ப⁴ணந்தி, ந அஞ்ஞே ஆசரியா. தே பன போராணாசரியானங் ஸரஸம்பன்னானங் அனுகரணஸத்³த³ரஹிதம்பி ஸஹிதங் விய கா²யமானங் ஸுணந்தானங் அதிமனோரத²ங் ஸத்³த³ங் ஸுத்வா தி³ட்டா²னுக³திங் ஆபஜ்ஜந்தா ஏவங் கரொந்தி மஞ்ஞே. ந ஹி வினயே வா ஸத்³த³ஸத்தே²ஸு வா ததா² ப⁴ணிதப்³ப³ந்தி அத்தி², தஸ்மா விசாரேதப்³ப³மேதந்தி.

Apare pana ācariyā mo-kārādīsu o-kārantapadesu aññesaṃ padānaṃ atirekena sarena dvattikkhattuṃ anukaraṇasaddaṃ anubandhāpayamānā bhaṇanti, tesaṃ ācariyānaṃ tādisaṃ bhaṇanaṃ sutvā paricayappattā aññe bhikkhū vā gahaṭṭhā vā aññesaṃ ācariyānaṃ kammavācaṃ na garuṃ karonti, tāya kammavācāya upasampadā alabhitabbā viya maññanti, tādisaṃ pana bhaṇanaṃ tesaṃ ācariyānaṃ sissānusissā eva tathā bhaṇanti, na aññe ācariyā. Te pana porāṇācariyānaṃ sarasampannānaṃ anukaraṇasaddarahitampi sahitaṃ viya khāyamānaṃ suṇantānaṃ atimanorathaṃ saddaṃ sutvā diṭṭhānugatiṃ āpajjantā evaṃ karonti maññe. Na hi vinaye vā saddasatthesu vā tathā bhaṇitabbanti atthi, tasmā vicāretabbametanti.

ப³ஹூ பன பி⁴க்கூ² ‘‘ஸிதி²லங் த⁴னிதஞ்ச தீ³க⁴ரஸ்ஸ’’ந்திஆதி³னா வினயே கதி²தவினிச்ச²யஞ்ச ‘‘எத்த² பஞ்சஸு வக்³கே³ஸூ’’திஆதி³னா ஸத்³த³ஸத்தே²ஸு கதவினிச்ச²யஞ்ச அஜானந்தா பிடகத்தயகோவிதா³னங் வினயத⁴ரப³ஹுஸ்ஸுதத்தே²ரானங் ஸந்திகா அலத்³தோ⁴பதே³ஸா ஹுத்வா தத்த² தத்த² உபஸம்பத³ங் கரொந்தானங் பி⁴க்கூ²னங் வசனமேவ க³ஹெத்வா ஹெய்யோபாதெ³ய்யங் அஜானந்தா புப்³பே³ பரதே³ஸதோ ஆக³தானங் புஞ்ஞவந்தானங் ஸரஸம்பன்னானங் மஹாதே²ரானங் அனோஸரேன ப⁴ணமானானங் ஸரங் ஸுத்வா தேஸங் தே²ரவரானங் மதிங் அபுச்சி²த்வாவ யதா²தி³ட்ட²ங் யதா²ஸுதங் லிகி²த்வா ட²பெந்தா அனுக்கமேன பண்டி³தேஹி ஹஸிதப்³ப³ங் அயுத்தங் கத²ங் தீ³பெந்தா ‘‘இமஸ்மிங் டா²னே ப்³யக்³கி⁴யா ஸத்³த³ஸதி³ஸங் ஸத்³த³ங் கரொந்தி, இமஸ்மிங் டா²னே ஸகுணியா ஸத்³த³ஸதி³ஸங் ஸத்³த³ங் கரொந்தி, இமஸ்மிங் டா²னே தம்பு³லகஸடபாதங் கரொந்தி, இமஸ்மிங் டா²னே த³க்கி²ணதோ நமந்தா ப⁴ணந்தி, இமஸ்மிங் டா²னே வாமதோ நமந்தா ப⁴ணந்தி, இமஸ்மிங் டா²னே விலாஸங் குருமானா ப⁴ணந்தீ’’திஆதீ³னி வத்வா ததே³வ ஸத்³த³ஹந்தா ருக்க²மூலஉமங்க³லேணாதீ³ஸு நிஸீதி³த்வா தமேவ வசனங் அனுஸிக்க²ந்தா தத³னுரூபங் கம்மவாசங் ப⁴ணந்தா ‘‘அஹங் கம்மவாசாகுஸலோ’’தி வத்வா பா³லஜனே ஸஞ்ஞாபெத்வா தேஸங் தேஸங் உபஸம்பதா³பெக்கா²னங் கம்மவாசங் ப⁴ணந்தி, இமே பி⁴க்கூ² ப⁴க³வதோ ஆணங் அதிக்காமெந்தி, ஸாஸனங் ஓஸக்காபெந்தீதி த³ட்ட²ப்³பா³.

Bahū pana bhikkhū ‘‘sithilaṃ dhanitañca dīgharassa’’ntiādinā vinaye kathitavinicchayañca ‘‘ettha pañcasu vaggesū’’tiādinā saddasatthesu katavinicchayañca ajānantā piṭakattayakovidānaṃ vinayadharabahussutattherānaṃ santikā aladdhopadesā hutvā tattha tattha upasampadaṃ karontānaṃ bhikkhūnaṃ vacanameva gahetvā heyyopādeyyaṃ ajānantā pubbe paradesato āgatānaṃ puññavantānaṃ sarasampannānaṃ mahātherānaṃ anosarena bhaṇamānānaṃ saraṃ sutvā tesaṃ theravarānaṃ matiṃ apucchitvāva yathādiṭṭhaṃ yathāsutaṃ likhitvā ṭhapentā anukkamena paṇḍitehi hasitabbaṃ ayuttaṃ kathaṃ dīpentā ‘‘imasmiṃ ṭhāne byagghiyā saddasadisaṃ saddaṃ karonti, imasmiṃ ṭhāne sakuṇiyā saddasadisaṃ saddaṃ karonti, imasmiṃ ṭhāne tambulakasaṭapātaṃ karonti, imasmiṃ ṭhāne dakkhiṇato namantā bhaṇanti, imasmiṃ ṭhāne vāmato namantā bhaṇanti, imasmiṃ ṭhāne vilāsaṃ kurumānā bhaṇantī’’tiādīni vatvā tadeva saddahantā rukkhamūlaumaṅgaleṇādīsu nisīditvā tameva vacanaṃ anusikkhantā tadanurūpaṃ kammavācaṃ bhaṇantā ‘‘ahaṃ kammavācākusalo’’ti vatvā bālajane saññāpetvā tesaṃ tesaṃ upasampadāpekkhānaṃ kammavācaṃ bhaṇanti, ime bhikkhū bhagavato āṇaṃ atikkāmenti, sāsanaṃ osakkāpentīti daṭṭhabbā.

அதா²பரேபி பி⁴க்கூ² கா³மகாவாஸாதீ³ஸு வஸந்தா பண்டி³தானங் ஸந்திகே அபயிருபாஸமானா வத்து²ஸம்பத்திம்பி வத்து²விபத்திம்பி ஞத்திஅனுஸ்ஸாவனஸீமபரிஸஸம்பத்திம்பி விபத்திம்பி தத²தோ அஜானந்தா ப³ஹவோ ஸிஸ்ஸே ட²பெத்வா பப்³ப³ஜ்ஜஞ்ச உபஸம்பத³ஞ்ச கரொந்தா பரிஸங் வட்³டா⁴பெந்தி, தேபி ப⁴க³வதோ ஸாஸனங் ஓஸக்காபெந்தி, தஸ்மா ப⁴க³வதோ ஆணங் கரொந்தேஹி லஜ்ஜீபேஸலேஹி ப³ஹுஸ்ஸுதேஹி ஸிக்கா²காமேஹி ஸப்புரிஸபி⁴க்கூ²ஹி ஏவரூபானங் பி⁴க்கூ²னங் ஸஹாயகேஹி உபத்த²ம்ப⁴கேஹி ஏகஸம்போ⁴க³ஸங்வாஸகரேஹி ந ப⁴விதப்³ப³ங். இதா³னி பி⁴க்கூ² –

Athāparepi bhikkhū gāmakāvāsādīsu vasantā paṇḍitānaṃ santike apayirupāsamānā vatthusampattimpi vatthuvipattimpi ñattianussāvanasīmaparisasampattimpi vipattimpi tathato ajānantā bahavo sisse ṭhapetvā pabbajjañca upasampadañca karontā parisaṃ vaḍḍhāpenti, tepi bhagavato sāsanaṃ osakkāpenti, tasmā bhagavato āṇaṃ karontehi lajjīpesalehi bahussutehi sikkhākāmehi sappurisabhikkhūhi evarūpānaṃ bhikkhūnaṃ sahāyakehi upatthambhakehi ekasambhogasaṃvāsakarehi na bhavitabbaṃ. Idāni bhikkhū –

‘‘ச-காரந்தங் ஸ-காரந்தங், த-காரந்தஸமங் வதே³;

‘‘Ca-kārantaṃ sa-kārantaṃ, ta-kārantasamaṃ vade;

ஞ-காரந்தங் ல-காரந்தங், ந-காரந்தஸமங் வதே³’’தி. –

Ña-kārantaṃ la-kārantaṃ, na-kārantasamaṃ vade’’ti. –

இமங் ஸிலோகங் உபனிஸ்ஸாய ஸரணக³மனேபி ‘‘பு³த்³த⁴ங் ஸரணங் க³ச்சா²மீ’’தி பாட²ங் ‘‘பு³த்³த⁴ங் ஸரணங் க³ச்சா²மீ’’தி பட²ந்தி. கம்மவாசாயம்பி ‘‘பட²மங் உபஜ்ஜ²ங் கா³ஹாபேதப்³போ³’’திஆதி³பாட²ங் ‘‘பட²மங் உபஜ்ஜ²ங் கா³ஹாபேதப்³போ³’’திஆதி³னா பட²ந்தி. எத்த² யுத்திதோபி ஆக³மதோபி காரணங் சிந்தேதப்³ப³ங்.

Imaṃ silokaṃ upanissāya saraṇagamanepi ‘‘buddhaṃ saraṇaṃ gacchāmī’’ti pāṭhaṃ ‘‘buddhaṃ saraṇaṃ gacchāmī’’ti paṭhanti. Kammavācāyampi ‘‘paṭhamaṃ upajjhaṃ gāhāpetabbo’’tiādipāṭhaṃ ‘‘paṭhamaṃ upajjhaṃ gāhāpetabbo’’tiādinā paṭhanti. Ettha yuttitopi āgamatopi kāraṇaṃ cintetabbaṃ.

தத்ராயங் யுத்திசிந்தா – ‘‘ச-காரந்தங் ஸ-காரந்தங், த-காரந்தஸமங் வதே³’’தி எத்த² ச-காரோ தாலுஜோ, த-காரோ த³ந்தஜோ, ஏவமேதே அக்க²ரா டா²னதோபி அஸமானா. ச-காரோ ஜிவ்ஹாமஜ்ஜ²கரணோ, த-காரோ ஜிவ்ஹக்³க³கரணோ, ஏவங் கரணதோபி அஸமானா. ச-காரோ து³தியவக்³க³பரியாபன்னோ, த-காரோ சதுத்த²வக்³க³பரியாபன்னோ, ஏவங் வக்³க³தோபி அஸமானா. ஸங்யோக³க்க²ரவஸேன ந புப்³ப³க்க²ரா ஸுதிங் லப⁴ந்தா ஸரவிஸேஸங் பாபுணந்தி, தேனேவ ச-காரேன ஸத்³த³ஸத்த²காராசரியா ‘‘ஸங்யோகே³ பரே ரஸ்ஸத்த’’ந்தி ச ‘‘ஸங்யோக³புப்³பா³ ஏ-காரோ-காரா ரஸ்ஸாஇவ வத்தப்³பா³’’தி ச வத³ந்தி. ஏவங் ஸந்தே கத²ங் அஸமானட்டா²னிகேன அஸமானகரணேன அஸமானவக்³கே³ன ஸங்யோக³க்க²ரேன லத்³த⁴ஸுதிகா அக்க²ரா ததோ அஞ்ஞேன அஸமானட்டா²னிகேன அஸமானகரணேன அஸமானவக்³கே³ன ஸங்யோக³க்க²ரேன லத்³த⁴ஸமானஸுதிகா ப⁴வெய்யுங். ந கேவலஞ்ச ஏதே அக்க²ரா அஸமானட்டா²னிகா அஸமானகரணா அஸமானவக்³கா³வ ஹொந்தி, அத² கோ² அனாஸன்னட்டா²னிகா அனாஸன்னகரணா அனாஸன்னவக்³கா³ ச ஹொந்தி. யதா² ச வீணங் வாதெ³ந்தானங் தூ³ரே தந்திஸ்ஸரேன ததோ தூ³ரே தந்திஸ்ஸரோ அஸமானோ ஹோதி, ஏவங் தூ³ரட்டா²னிகேன அக்க²ரேன தூ³ரகரணேன ததோ தூ³ரட்டா²னிகோ தூ³ரகரணோ ஸமானஸுதிகோ கத²ங் ப⁴வெய்ய, வக்³க³க்க²ரானஞ்ச அஞ்ஞமஞ்ஞங் அஸங்கரவஸேன அஸமானஸுதிவஸேன பவத்தனதோ ‘‘வக்³க³ந்தங் வா வக்³கே³’’தி ஸுத்தே நிக்³க³ஹிதஸ்ஸ வக்³க³ந்தகரணே ஸதி அஞ்ஞவக்³க³ஸ்மிங் பரே அஞ்ஞவக்³க³ந்தங் ந பாபுணாதி, ‘‘வக்³கே³ கோ⁴ஸாகோ⁴ஸானங் ததியபட²மா’’தி ஸுத்தேன ச அஸதி³ஸத்³வேபா⁴வகரணே அஞ்ஞவக்³கே³ அஞ்ஞவக்³க³த்³வேபா⁴வோ ந ஹோதி.

Tatrāyaṃ yutticintā – ‘‘ca-kārantaṃ sa-kārantaṃ, ta-kārantasamaṃ vade’’ti ettha ca-kāro tālujo, ta-kāro dantajo, evamete akkharā ṭhānatopi asamānā. Ca-kāro jivhāmajjhakaraṇo, ta-kāro jivhaggakaraṇo, evaṃ karaṇatopi asamānā. Ca-kāro dutiyavaggapariyāpanno, ta-kāro catutthavaggapariyāpanno, evaṃ vaggatopi asamānā. Saṃyogakkharavasena na pubbakkharā sutiṃ labhantā saravisesaṃ pāpuṇanti, teneva ca-kārena saddasatthakārācariyā ‘‘saṃyoge pare rassatta’’nti ca ‘‘saṃyogapubbā e-kāro-kārā rassāiva vattabbā’’ti ca vadanti. Evaṃ sante kathaṃ asamānaṭṭhānikena asamānakaraṇena asamānavaggena saṃyogakkharena laddhasutikā akkharā tato aññena asamānaṭṭhānikena asamānakaraṇena asamānavaggena saṃyogakkharena laddhasamānasutikā bhaveyyuṃ. Na kevalañca ete akkharā asamānaṭṭhānikā asamānakaraṇā asamānavaggāva honti, atha kho anāsannaṭṭhānikā anāsannakaraṇā anāsannavaggā ca honti. Yathā ca vīṇaṃ vādentānaṃ dūre tantissarena tato dūre tantissaro asamāno hoti, evaṃ dūraṭṭhānikena akkharena dūrakaraṇena tato dūraṭṭhāniko dūrakaraṇo samānasutiko kathaṃ bhaveyya, vaggakkharānañca aññamaññaṃ asaṅkaravasena asamānasutivasena pavattanato ‘‘vaggantaṃ vā vagge’’ti sutte niggahitassa vaggantakaraṇe sati aññavaggasmiṃ pare aññavaggantaṃ na pāpuṇāti, ‘‘vagge ghosāghosānaṃ tatiyapaṭhamā’’ti suttena ca asadisadvebhāvakaraṇe aññavagge aññavaggadvebhāvo na hoti.

யதி³ ச ச-காரந்தக்க²ரோ த-காரந்தக்க²ரேன ஸமானஸுதிகோ ஸியா, ஏவங் ஸதி கிங் ச-காரந்தக்க²ரலேக²னேன ஸப்³ப³த்த² த-காரந்தமேவ லிகெ²ய்ய, ததா² பன அலிகி²த்வா பயோகா³னுரூபங் பட²மக்க²ரஸ்ஸ ஸதி³ஸத்³வேபா⁴வட்டா²னே ‘‘கச்சோ கச்சாயனோ’’தி, அஸதி³ஸத்³வேபா⁴வட்டா²னே ‘‘வச்சோ² வச்சா²யனோ’’தி ததியக்க²ரஸ்ஸ ஸதி³ஸத்³வேபா⁴வட்டா²னே ‘‘மஜ்ஜங் ஸம்மஜ்ஜ’’ந்தி, அஸதி³ஸத்³வேபா⁴வட்டா²னே ‘‘உபஜ்ஜா² உபஜ்ஜா²யோ’’தி ஸமானட்டா²னஸமானகரணஸமானவக்³க³க்க²ரானமேவ த்³வேபா⁴வோ லிகீ²யதி, நோ இதரேஸங், தஸ்மா பயோகா³னுரூபங் ச-காரந்த ஜ-காரந்தட்டா²னேஸு ஸகவக்³க³ஸுதிவஸேனேவ வத்தப்³ப³ங், ந அஞ்ஞவக்³க³ஸுதிவஸேன. ஸ-காரந்தே பன ஸ-காரஸ்ஸ த-காரேன ஸமானட்டா²னிகத்தா ஸமானகரணத்தா ச வக்³க³அவக்³க³வஸேன பி⁴ன்னேபி அவக்³க³க்க²ரானங் வக்³க³க்க²ரேஹி ஸாதா⁴ரணத்தா ச அவக்³க³க்க²ரானங் வக்³க³க்க²ரானங் விய விஸுங் ஸுதியா அபா⁴வதோ ச ஸ-காரந்தஸ்ஸ த-காரந்தப⁴ணனங் யுத்தங் ஸியா. ஸ-காரோபி ஹி த³ந்தஜோ, த-காரோபி, ஸ-காரோபி ஜிவ்ஹக்³க³கரணோ, த-காரோபி , தஸ்மா ஸமானட்டா²னிகானங் ஸமானகரணானங் அக்க²ரானங் ஸமானஸுதிபா⁴வோ யுத்தோ. ஞ-காரந்த ல-காரந்தானங் ந-காரந்தப⁴ணனேபி இமினா நயேன ஞ-காரந்த ந-காரந்தானங் அஸமானஸுதிபா⁴வோ ல-காரந்த ந-காரந்தானங் ஸமானஸுதிபா⁴வோ த³ட்ட²ப்³போ³தி. அயமெத்த² யுத்திசிந்தா.

Yadi ca ca-kārantakkharo ta-kārantakkharena samānasutiko siyā, evaṃ sati kiṃ ca-kārantakkharalekhanena sabbattha ta-kārantameva likheyya, tathā pana alikhitvā payogānurūpaṃ paṭhamakkharassa sadisadvebhāvaṭṭhāne ‘‘kacco kaccāyano’’ti, asadisadvebhāvaṭṭhāne ‘‘vaccho vacchāyano’’ti tatiyakkharassa sadisadvebhāvaṭṭhāne ‘‘majjaṃ sammajja’’nti, asadisadvebhāvaṭṭhāne ‘‘upajjhā upajjhāyo’’ti samānaṭṭhānasamānakaraṇasamānavaggakkharānameva dvebhāvo likhīyati, no itaresaṃ, tasmā payogānurūpaṃ ca-kāranta ja-kārantaṭṭhānesu sakavaggasutivaseneva vattabbaṃ, na aññavaggasutivasena. Sa-kārante pana sa-kārassa ta-kārena samānaṭṭhānikattā samānakaraṇattā ca vaggaavaggavasena bhinnepi avaggakkharānaṃ vaggakkharehi sādhāraṇattā ca avaggakkharānaṃ vaggakkharānaṃ viya visuṃ sutiyā abhāvato ca sa-kārantassa ta-kārantabhaṇanaṃ yuttaṃ siyā. Sa-kāropi hi dantajo, ta-kāropi, sa-kāropi jivhaggakaraṇo, ta-kāropi , tasmā samānaṭṭhānikānaṃ samānakaraṇānaṃ akkharānaṃ samānasutibhāvo yutto. Ña-kāranta la-kārantānaṃ na-kārantabhaṇanepi iminā nayena ña-kāranta na-kārantānaṃ asamānasutibhāvo la-kāranta na-kārantānaṃ samānasutibhāvo daṭṭhabboti. Ayamettha yutticintā.

ஆக³மசிந்தா பன ஏவங் காதப்³பா³ –

Āgamacintā pana evaṃ kātabbā –

‘‘ச-காரந்தங் ஸ-காரந்தங், த-காரந்தஸமங் வதே³;

‘‘Ca-kārantaṃ sa-kārantaṃ, ta-kārantasamaṃ vade;

ஞ-காரந்தங் ல-காரந்தங், ந-காரந்தஸமங் வதே³’’தி. –

Ña-kārantaṃ la-kārantaṃ, na-kārantasamaṃ vade’’ti. –

அயங் ஸிலோகோ குதோ பப⁴வோ, கத்த² ஆக³தோ, கேன காரிதோதி? தத்த² குதோ பப⁴வோதி ப⁴க³வந்தஸ்மா வா த⁴ம்மஸங்கா³ஹகத்தே²ரேஹி வா அட்ட²கதா²சரியேஹி வா பப⁴வோ. கத்த² ஆக³தோதி வினயே வா ஸுத்தந்தே வா அபி⁴த⁴ம்மே வா பாளியங் வா அட்ட²கதா²ய வா டீகாதீ³ஸு வா ஆக³தோ. கேன காரிதோதி நெத்தினிருத்திபேடகோபதே³ஸகச்சாயனப்பகரணகாரகேன ஆயஸ்மதா மஹாகச்சாயனத்தே²ரேன வா முக²மத்ததீ³பனிகாரகேன வஜிரபு³த்³தா⁴சரியேன வா பத³ரூபஸித்³தி⁴காரகேன பு³த்³த⁴பியாசரியேன வா ஸத்³த³னீதிப்பகரணகாரகேன அக்³க³வங்ஸாசரியேன வா தத³ஞ்ஞஸத்த²காரகேஹி மஹாதே²ரேஹி வா காரிதோதி ஏவங் ஆக³மசிந்தாயங் ஸதி அயங் ஸிலோகோ ப⁴க³வந்தஸ்மா பப⁴வோ த⁴ம்மஸங்கா³ஹகத்தே²ரேஹி வா அட்ட²கதா²சரியேஹி வாதி ந பஞ்ஞாயதி. ‘‘வினயே வா ஸுத்தந்தே வா அபி⁴த⁴ம்மே வா பாளியங் வா அட்ட²கதா²ய வா டீகாஸு வா ஆக³தோ’’தி ஹி ந ஸக்கா வத்துங். கச்சாயனாசரியாதீ³ஹி ஸத்³த³ஸத்த²காரகேஹி ஆசரியேஹி கதோதிபி ந தி³ஸ்ஸதி. ஏவங் ஸந்தே அப்பாடிஹீரகதங் இத³ங் வசனங் ஆபஜ்ஜதி.

Ayaṃ siloko kuto pabhavo, kattha āgato, kena kāritoti? Tattha kuto pabhavoti bhagavantasmā vā dhammasaṅgāhakattherehi vā aṭṭhakathācariyehi vā pabhavo. Kattha āgatoti vinaye vā suttante vā abhidhamme vā pāḷiyaṃ vā aṭṭhakathāya vā ṭīkādīsu vā āgato. Kena kāritoti nettiniruttipeṭakopadesakaccāyanappakaraṇakārakena āyasmatā mahākaccāyanattherena vā mukhamattadīpanikārakena vajirabuddhācariyena vā padarūpasiddhikārakena buddhapiyācariyena vā saddanītippakaraṇakārakena aggavaṃsācariyena vā tadaññasatthakārakehi mahātherehi vā kāritoti evaṃ āgamacintāyaṃ sati ayaṃ siloko bhagavantasmā pabhavo dhammasaṅgāhakattherehi vā aṭṭhakathācariyehi vāti na paññāyati. ‘‘Vinaye vā suttante vā abhidhamme vā pāḷiyaṃ vā aṭṭhakathāya vā ṭīkāsu vā āgato’’ti hi na sakkā vattuṃ. Kaccāyanācariyādīhi saddasatthakārakehi ācariyehi katotipi na dissati. Evaṃ sante appāṭihīrakataṃ idaṃ vacanaṃ āpajjati.

ஏவங் பன மயங் சிந்தயிம்ஹா – ராமஞ்ஞதே³ஸே கிர ஸகபா⁴ஸாயங் ச-காரந்த ஞ-காரந்தா ந ஸந்தி , தேனேவ ராமஞ்ஞதே³ஸியா பி⁴க்கூ² ‘‘ஸச்ச’’இதி இமங் பாட²ங் வத³ந்தா ‘‘ஸத்ச’’இதி வத³ந்தி, ‘‘பஞ்சங்க³’’இதி பாட²ங் வத³ந்தா ‘‘பன்சங்க³’’இதி வத³ந்தி, தஸ்மா அத்தனோ விஸயே அவிஜ்ஜமானங் ச-காரந்த ஞ-காரந்தங் யதா²பாட²ங் வத்துமஸக்கொந்தேஹி தேஹி பி⁴க்கூ²ஹி ஸகபா⁴ஸானுரூபதோ அயங் ஸிலோகோ காரிதோ ப⁴விஸ்ஸதீதி. ஏவங் ஸந்தேபி மரம்மபா⁴ஸாய ச-காரந்த ஞ-காரந்தபதா³னங் ஸுதிவிஸேஸவஸேன விஸுங் பஞ்ஞாயனதோ மரம்மதே³ஸியா பி⁴க்கூ² தங் ஸிலோகங் அனுவத்தித்வா ‘‘பு³த்³த⁴ங் ஸரணங் க³ச்சா²மீ’’தி வா ‘‘பட²மங் உபத்ஜ²ங் கா³ஹாபேதப்³போ³’’தி வா ‘‘ஹேதுபத்சயோ ஆரம்மணபத்சயோ’’தி வா வத்துங் ந அரஹந்தி. ராமஞ்ஞதே³ஸியாபி ஸகபா⁴ஸாய விஸுங் அவிஜ்ஜமானம்பி ச-காரந்த ஞ-காரந்தபத³ங் ஸகபா⁴ஸாகத²னகாலேயேவ பா⁴ஸானுரூபங் த-காரந்த ந-காரந்தபா⁴வேன கதே²தப்³ப³ங், மாக³த⁴பா⁴ஸாகத²னகாலே பன மாக³த⁴பா⁴ஸாய ச-காரந்த ஞ-காரந்தபதா³னங் விஸுங் பயோக³த³ஸ்ஸனதோ மாக³த⁴பா⁴ஸானுரூபங் ச-காரந்த ஞ-காரந்தபதா³னங் விஸுங் ஸுதிவஸேன யதா²பாட²மேவ கதே²தப்³பா³னீதி நோ மதி. அயமெத்த² ஆக³மசிந்தா.

Evaṃ pana mayaṃ cintayimhā – rāmaññadese kira sakabhāsāyaṃ ca-kāranta ña-kārantā na santi , teneva rāmaññadesiyā bhikkhū ‘‘sacca’’iti imaṃ pāṭhaṃ vadantā ‘‘satca’’iti vadanti, ‘‘pañcaṅga’’iti pāṭhaṃ vadantā ‘‘pancaṅga’’iti vadanti, tasmā attano visaye avijjamānaṃ ca-kāranta ña-kārantaṃ yathāpāṭhaṃ vattumasakkontehi tehi bhikkhūhi sakabhāsānurūpato ayaṃ siloko kārito bhavissatīti. Evaṃ santepi marammabhāsāya ca-kāranta ña-kārantapadānaṃ sutivisesavasena visuṃ paññāyanato marammadesiyā bhikkhū taṃ silokaṃ anuvattitvā ‘‘buddhaṃ saraṇaṃ gacchāmī’’ti vā ‘‘paṭhamaṃ upatjhaṃ gāhāpetabbo’’ti vā ‘‘hetupatcayo ārammaṇapatcayo’’ti vā vattuṃ na arahanti. Rāmaññadesiyāpi sakabhāsāya visuṃ avijjamānampi ca-kāranta ña-kārantapadaṃ sakabhāsākathanakāleyeva bhāsānurūpaṃ ta-kāranta na-kārantabhāvena kathetabbaṃ, māgadhabhāsākathanakāle pana māgadhabhāsāya ca-kāranta ña-kārantapadānaṃ visuṃ payogadassanato māgadhabhāsānurūpaṃ ca-kāranta ña-kārantapadānaṃ visuṃ sutivasena yathāpāṭhameva kathetabbānīti no mati. Ayamettha āgamacintā.

ஜினஸாஸனமாரப்³ப⁴, கதா²யங் கதி²தா மயா;

Jinasāsanamārabbha, kathāyaṃ kathitā mayā;

யுத்தாயுத்தங் சிந்தயந்து, பண்டி³தா ஜினஸாவகா.

Yuttāyuttaṃ cintayantu, paṇḍitā jinasāvakā.

யுத்தாயுத்தங் சிந்தயித்வா, யுத்தஞ்சே தா⁴ரயந்து தங்;

Yuttāyuttaṃ cintayitvā, yuttañce dhārayantu taṃ;

அயுத்தஞ்சே பஜஹந்து, மானதோ³ஸவிவஜ்ஜிதாதி.

Ayuttañce pajahantu, mānadosavivajjitāti.

254. ஏவங் சதுன்னங் கம்மானங் ஸம்பத்திவிபத்திங் த³ஸ்ஸெத்வா இதா³னி தேஸங் கம்மானங் டா²னப்பபே⁴த³ங் த³ஸ்ஸெந்தோ ‘‘அபலோகனகம்மங் கதமானி பஞ்ச டா²னானி க³ச்ச²தீ’’திஆதி³மாஹ. தத்த² வினிச்ச²யோ அட்ட²கதா²யங் வுத்தனயேனேவ வேதி³தப்³போ³. அனுத்தானபத³த்த²மேவ த³ஸ்ஸயிஸ்ஸாம. ‘‘ஏதரஹி ஸசேபி ஸாமணேரோ’’திஆதீ³ஸு பு³த்³தா⁴தீ³னங் அவண்ணபா⁴ஸனம்பி அகப்பியாதி³ங் கப்பியாதி³பா⁴வேன தீ³பனம்பி தி³ட்டி²விபத்தியங்யேவ பவிஸதி, தேனேவ வக்க²தி ‘‘தங் லத்³தி⁴ங் விஸ்ஸஜ்ஜாபேதப்³போ³’’தி. பி⁴க்கூ²னம்பி ஏஸேவ நயோ. மிச்சா²தி³ட்டி²கோதி பு³த்³த⁴வசனாதி⁴ப்பாயங் விபரீததோ க³ண்ஹந்தோ, ஸோ ஏவ ‘‘அந்தக்³கா³ஹிகாய தி³ட்டி²யா ஸமன்னாக³தோ’’தி வுத்தோ. கேசி பன ‘‘ஸஸ்ஸதுச்சே²தா³னங் அஞ்ஞதரதி³ட்டி²யா ஸமன்னாக³தோ’’தி வத³ந்தி, தங் ந யுத்தங். ஸஸ்ஸதுச்சே²த³கா³ஹஸ்ஸ ஸாமணேரானங் லிங்க³னாஸனாய காரணத்தேன ஹெட்டா² அட்ட²கதா²யமேவ வுத்தத்தா இத⁴ ச த³ண்ட³கம்மனாஸனாய ஏவ அதி⁴ப்பேதத்தா. காயஸம்போ⁴க³ஸாமக்³கீ³தி ஸஹஸெய்யபடிக்³க³ஹணாதி³. ஸோரதோதி ஸுபே⁴ ரதோ, ஸுட்டு² ஓரதோதி வா ஸோரதோ. நிவாதவுத்தீதி நீசவுத்தி.

254. Evaṃ catunnaṃ kammānaṃ sampattivipattiṃ dassetvā idāni tesaṃ kammānaṃ ṭhānappabhedaṃ dassento ‘‘apalokanakammaṃ katamāni pañca ṭhānāni gacchatī’’tiādimāha. Tattha vinicchayo aṭṭhakathāyaṃ vuttanayeneva veditabbo. Anuttānapadatthameva dassayissāma. ‘‘Etarahi sacepi sāmaṇero’’tiādīsu buddhādīnaṃ avaṇṇabhāsanampi akappiyādiṃ kappiyādibhāvena dīpanampi diṭṭhivipattiyaṃyeva pavisati, teneva vakkhati ‘‘taṃ laddhiṃ vissajjāpetabbo’’ti. Bhikkhūnampi eseva nayo. Micchādiṭṭhikoti buddhavacanādhippāyaṃ viparītato gaṇhanto, so eva ‘‘antaggāhikāya diṭṭhiyā samannāgato’’ti vutto. Keci pana ‘‘sassatucchedānaṃ aññataradiṭṭhiyā samannāgato’’ti vadanti, taṃ na yuttaṃ. Sassatucchedagāhassa sāmaṇerānaṃ liṅganāsanāya kāraṇattena heṭṭhā aṭṭhakathāyameva vuttattā idha ca daṇḍakammanāsanāya eva adhippetattā. Kāyasambhogasāmaggīti sahaseyyapaṭiggahaṇādi. Soratoti subhe rato, suṭṭhu oratoti vā sorato. Nivātavuttīti nīcavutti.

தஸ்ஸாபி தா³தப்³போ³தி விஜ்ஜமானங் முக²ராதி³பா⁴வங் நிஸ்ஸாய அப்படிபுச்சி²த்வாபி படிஞ்ஞங் அக்³க³ஹெத்வாபி ஆபத்திங் அனாரோபெத்வாபி தே³ஸிதாயபி ஆபத்தியா கு²ங்ஸனாதி³தோ அனோரமந்தஸ்ஸ தா³தப்³போ³வ. ஓரமந்தஸ்ஸ பன க²மாபெந்தஸ்ஸ ந தா³தப்³போ³. ப்³ரஹ்மத³ண்ட³ஸ்ஸ தா³னந்தி க²ரத³ண்ட³ஸ்ஸ உக்கட்ட²த³ண்ட³ஸ்ஸ தா³னங். தஜ்ஜனீயாதி³கம்மே ஹி கதே ஓவாதா³னுஸாஸனிப்பதா³னபடிக்கே²போ நத்தி², தி³ன்னப்³ரஹ்மத³ண்டே³ பன தஸ்மிங் ஸத்³தி⁴ங் தஜ்ஜனீயகம்மாதி³கதேஹி படிக்கி²த்தம்பி காதுங் ந வட்டதி ‘‘நேவ வத்தப்³போ³’’திஆதி³னா ஆலாபஸல்லாபமத்தஸ்ஸபி ந-காரேன படிக்கி²தத்தா. தஞ்ஹி தி³ஸ்வா பி⁴க்கூ² கீ³வங் பரிவத்தெத்வா ஓலோகனமத்தம்பி ந கரொந்தி, ஏவங் விவஜ்ஜேதப்³ப³ங் நிம்மத³னகரணத்த²மேவ தஸ்ஸ த³ண்ட³ஸ்ஸ அனுஞ்ஞாதத்தா. தேனேவ ச²ன்னத்தே²ரோபி உக்கே²பனீயாதி³கம்மகதோபி அபா⁴யித்வா ப்³ரஹ்மத³ண்டே³ தி³ன்னே ‘‘ஸங்கே⁴னாஹங் ஸப்³ப³தா² விவஜ்ஜிதோ’’தி முச்சி²தோ பபதி. யோ பன ப்³ரஹ்மத³ண்ட³கதேன ஸத்³தி⁴ங் ஞத்வா ஸங்ஸட்டோ² அவிவஜ்ஜெத்வா விஹரதி, தஸ்ஸ து³க்கடமேவாதி க³ஹேதப்³ப³ங். அஞ்ஞதா² ப்³ரஹ்மத³ண்ட³விதா⁴னஸ்ஸ நிரத்த²கதாபஸங்க³தோ. தேனாதி ப்³ரஹ்மத³ண்ட³கதேன. யதா² தஜ்ஜனீயாதி³கம்மகதேஹி, ஏவமேவ ததோ அதி⁴கம்பி ஸங்க⁴ங் ஆராதெ⁴ந்தேன ஸம்மா வத்திதப்³ப³ங், தஞ்ச ‘‘ஸோரதோ நிவாதவுத்தீ’’திஆதி³னா ஸரூபதோ த³ஸ்ஸிதமேவ. தேனாஹ ‘‘ஸம்மா வத்தித்வா க²மாபெந்தஸ்ஸ ப்³ரஹ்மத³ண்டோ³ படிப்பஸ்ஸம்பே⁴தப்³போ³’’தி. படிஸங்கா²தி படிஸங்கா²ய, ஞாணேன உபபரிக்கி²த்வா.

Tassāpi dātabboti vijjamānaṃ mukharādibhāvaṃ nissāya appaṭipucchitvāpi paṭiññaṃ aggahetvāpi āpattiṃ anāropetvāpi desitāyapi āpattiyā khuṃsanādito anoramantassa dātabbova. Oramantassa pana khamāpentassa na dātabbo. Brahmadaṇḍassa dānanti kharadaṇḍassa ukkaṭṭhadaṇḍassa dānaṃ. Tajjanīyādikamme hi kate ovādānusāsanippadānapaṭikkhepo natthi, dinnabrahmadaṇḍe pana tasmiṃ saddhiṃ tajjanīyakammādikatehi paṭikkhittampi kātuṃ na vaṭṭati ‘‘neva vattabbo’’tiādinā ālāpasallāpamattassapi na-kārena paṭikkhitattā. Tañhi disvā bhikkhū gīvaṃ parivattetvā olokanamattampi na karonti, evaṃ vivajjetabbaṃ nimmadanakaraṇatthameva tassa daṇḍassa anuññātattā. Teneva channattheropi ukkhepanīyādikammakatopi abhāyitvā brahmadaṇḍe dinne ‘‘saṅghenāhaṃ sabbathā vivajjito’’ti mucchito papati. Yo pana brahmadaṇḍakatena saddhiṃ ñatvā saṃsaṭṭho avivajjetvā viharati, tassa dukkaṭamevāti gahetabbaṃ. Aññathā brahmadaṇḍavidhānassa niratthakatāpasaṅgato. Tenāti brahmadaṇḍakatena. Yathā tajjanīyādikammakatehi, evameva tato adhikampi saṅghaṃ ārādhentena sammā vattitabbaṃ, tañca ‘‘sorato nivātavuttī’’tiādinā sarūpato dassitameva. Tenāha ‘‘sammā vattitvā khamāpentassa brahmadaṇḍo paṭippassambhetabbo’’ti. Paṭisaṅkhāti paṭisaṅkhāya, ñāṇena upaparikkhitvā.

யங் தங் ப⁴க³வதா அவந்தி³யகம்மங் அனுஞ்ஞாதந்தி ஸம்ப³ந்தோ⁴. ‘‘தஸ்ஸ பி⁴க்கு²னோ த³ண்ட³கம்மங் காது’’ந்தி ஸாமஞ்ஞதோ அனுஞ்ஞாதப்பகாரங் த³ஸ்ஸெத்வா புன விஸேஸதோ அனுஞ்ஞாதப்பகாரங் த³ஸ்ஸேதுங் ‘‘அத² கோ²’’திஆதி³ பாளிஉத்³த⁴டாதி வேதி³தப்³ப³ங். இமஸ்ஸ அபலோகனகம்மஸ்ஸ டா²னங் ஹோதீதி அபலோகனகம்மஸாமஞ்ஞஸ்ஸ பவத்திட்டா²னங் ஹோதி. விஸேஸப்³யதிரேகேன அவிஜ்ஜமானம்பி தத³ஞ்ஞத்த² அப்பவத்திங் த³ஸ்ஸேதுங் விஸேஸனிஸ்ஸிதங் விய வோஹரீயதி. ‘‘கம்மஞ்ஞேவ லக்க²ண’’ந்தி இமினா ஓஸாரணாதி³வஸேன க³ஹிதாவஸேஸானங் ஸப்³பே³ஸங் அபலோகனகம்மஸாமஞ்ஞலக்க²ணவஸேன க³ஹிதத்தா ‘‘கம்மஞ்ஞேவ லக்க²ணமஸ்ஸாதி கம்மலக்க²ண’’ந்தி நிப்³ப³சனங் த³ஸ்ஸேதி, இத³ஞ்ச வுத்தாவஸேஸானங் கம்மானங் நிட்டா²னட்டா²னங் ஸங்கா²ரக்க²ந்த⁴த⁴ம்மாயதனாதீ³னி விய வுத்தாவஸேஸக²ந்தா⁴யதனானந்தி த³ட்ட²ப்³ப³ங். தேனேவ வக்க²தி ‘‘அயங் பனெத்த² பாளிமுத்தகோபி கம்மலக்க²ணவினிச்ச²யோ’’திஆதி³. யதா² செத்த², ஏவங் உபரி ஞத்திகம்மாதீ³ஸுபி கம்மலக்க²ணங் வுத்தந்தி வேதி³தப்³ப³ங். ஸாரத்த²தீ³பனியங் (ஸாரத்த²॰ டீ॰ பரிவார 3.495-496) பன ‘‘கம்மமேவ லக்க²ணந்தி கம்மலக்க²ணங். ஓஸாரணனிஸ்ஸாரணப⁴ண்டு³கம்மாத³யோ விய கம்மஞ்ச ஹுத்வா அஞ்ஞஞ்ச நாமங் ந லப⁴தி, கம்மமேவ ஹுத்வா உபலக்கீ²யதீதி கம்மலக்க²ணந்தி வுச்சதீ’’தி வுத்தங். வஜிரபு³த்³தி⁴டீகாயங் (வஜிர॰ டீ॰ பரிவார 495-496) பன ‘‘இமஸ்ஸ அபலோகனகம்மஸ்ஸ டா²னங் ஹோதீதி ஏவம்பி அபலோகனகம்மங் பவத்ததீதி அத்தோ². கம்மஞ்ஞேவ லக்க²ணந்தி கம்மலக்க²ணங். ஓஸாரணனிஸ்ஸாரணப⁴ண்டு³கம்மாத³யோ விய கம்மஞ்ச ஹுத்வா அஞ்ஞஞ்ச நாமங் ந லப⁴தி, கம்மமேவ ஹுத்வா உபலக்கீ²யதீதி கம்மலக்க²ணங் உபனிஸ்ஸயோ விய. ஹேதுபச்சயாதி³லக்க²ணவிமுத்தோ ஹி ஸப்³போ³ பச்சயவிஸேஸோ தத்த² ஸங்க³ய்ஹதீ’’தி வுத்தங். தஸ்ஸ கரணந்தி அவந்தி³யகம்மஸ்ஸ கரணவிதா⁴னங். ந வந்தி³தப்³போ³தி, இமினா வந்த³ந்தியா து³க்கடந்தி த³ஸ்ஸேதீதி த³ட்ட²ப்³ப³ங். ஸங்கே⁴ன கதங் கதிகங் ஞத்வா மத்³த³னங் விய ஹி ஸங்க⁴ஸம்முதிங் அனாத³ரேன அதிக்கமந்தஸ்ஸ ஆபத்தி ஏவ ஹோதி.

Yaṃ taṃ bhagavatā avandiyakammaṃ anuññātanti sambandho. ‘‘Tassa bhikkhuno daṇḍakammaṃ kātu’’nti sāmaññato anuññātappakāraṃ dassetvā puna visesato anuññātappakāraṃ dassetuṃ ‘‘atha kho’’tiādi pāḷiuddhaṭāti veditabbaṃ. Imassa apalokanakammassa ṭhānaṃ hotīti apalokanakammasāmaññassa pavattiṭṭhānaṃ hoti. Visesabyatirekena avijjamānampi tadaññattha appavattiṃ dassetuṃ visesanissitaṃ viya voharīyati. ‘‘Kammaññeva lakkhaṇa’’nti iminā osāraṇādivasena gahitāvasesānaṃ sabbesaṃ apalokanakammasāmaññalakkhaṇavasena gahitattā ‘‘kammaññeva lakkhaṇamassāti kammalakkhaṇa’’nti nibbacanaṃ dasseti, idañca vuttāvasesānaṃ kammānaṃ niṭṭhānaṭṭhānaṃ saṅkhārakkhandhadhammāyatanādīni viya vuttāvasesakhandhāyatanānanti daṭṭhabbaṃ. Teneva vakkhati ‘‘ayaṃ panettha pāḷimuttakopi kammalakkhaṇavinicchayo’’tiādi. Yathā cettha, evaṃ upari ñattikammādīsupi kammalakkhaṇaṃ vuttanti veditabbaṃ. Sāratthadīpaniyaṃ (sārattha. ṭī. parivāra 3.495-496) pana ‘‘kammameva lakkhaṇanti kammalakkhaṇaṃ. Osāraṇanissāraṇabhaṇḍukammādayo viya kammañca hutvā aññañca nāmaṃ na labhati, kammameva hutvā upalakkhīyatīti kammalakkhaṇanti vuccatī’’ti vuttaṃ. Vajirabuddhiṭīkāyaṃ (vajira. ṭī. parivāra 495-496) pana ‘‘imassa apalokanakammassa ṭhānaṃ hotīti evampi apalokanakammaṃ pavattatīti attho. Kammaññeva lakkhaṇanti kammalakkhaṇaṃ. Osāraṇanissāraṇabhaṇḍukammādayo viya kammañca hutvā aññañca nāmaṃ na labhati, kammameva hutvā upalakkhīyatīti kammalakkhaṇaṃ upanissayo viya. Hetupaccayādilakkhaṇavimutto hi sabbo paccayaviseso tattha saṅgayhatī’’ti vuttaṃ. Tassa karaṇanti avandiyakammassa karaṇavidhānaṃ. Na vanditabboti, iminā vandantiyā dukkaṭanti dassetīti daṭṭhabbaṃ. Saṅghena kataṃ katikaṃ ñatvā maddanaṃ viya hi saṅghasammutiṃ anādarena atikkamantassa āpatti eva hoti.

255. பி⁴க்கு²ஸங்க⁴ஸ்ஸபி பனேதங் லப்³ப⁴தியேவாதி அவந்தி³யகம்மஸ்ஸ உபலக்க²ணமத்தேன க³ஹிதத்தா பி⁴க்கு²ஸங்க⁴ஸ்ஸபி கம்மலக்க²ணங் லப்³ப⁴தி ஏவ. ஸலாகதா³னட்டா²னங் ஸலாகக்³க³ங் நாம, யாகு³ப⁴த்தானங் பா⁴ஜனட்டா²னானி யாக³க்³க³ப⁴த்தக்³கா³னி நாம. ஏதேஸுபி ஹி டா²னேஸு ஸப்³போ³ ஸங்கோ⁴ உபோஸதே² விய ஸன்னிபதிதோ, கம்மஞ்ச வக்³க³கம்மங் ந ஹோதி, ‘‘மயமேதங் ந ஜானிம்ஹா’’தி பச்சா² கீ²யந்தாபி ந ஹொந்தி, க²ண்ட³ஸீமாய பன கதே கீ²யந்தி. ஸங்கி⁴கபச்சயஞ்ஹி அச்சி²ன்னசீவராதீ³னங் தா³துங் அபலோகெந்தேஹி உபசாரஸீமட்டா²னங் ஸப்³பே³ஸங் அனுமதிங் க³ஹெத்வாவ காதப்³ப³ங். யோ பன விஸபா⁴க³புக்³க³லோ த⁴ம்மிகங் அபலோகனங் படிபா³ஹதி, தங் உபாயேன ப³ஹிஉபசாரஸீமக³தங் வா கத்வா க²ண்ட³ஸீமங் வா பவிஸித்வா காதுங் வட்டதி. யங் ஸந்தா⁴ய ‘‘அபலோகனகம்மங் கரோதீ’’தி ஸாமஞ்ஞதோ த³ஸ்ஸேதி, தங் அபலோகனகம்மங் ஸரூபதோ த³ஸ்ஸேதுங் ஆஹ ‘‘அச்சி²ன்னசீவரங்’’இச்சாதி³. யதி³ அபலோகெத்வாவ சீவரங் தா³தப்³ப³ங், கிங் பன அப்பமத்தகவிஸ்ஸஜ்ஜகஸம்முதியாதி ஆஹ ‘‘அப்பமத்தகவிஸ்ஸஜ்ஜகேன பனா’’திஆதி³. நாளி வா உபட்³ட⁴னாளி வாதி தி³வஸே தி³வஸே அபலோகெத்வா தா³தப்³ப³ஸ்ஸ பமாணத³ஸ்ஸனங். தேன யாபனமத்தமேவ அபலோகேதப்³ப³ங், ந அதி⁴கந்தி த³ஸ்ஸேதி. ஏகதி³வஸங்யேவ வாதிஆதி³ த³ஸவீஸதிதி³வஸானங் ஏகஸ்மிங் தி³வஸேயேவ தா³தப்³ப³பரிச்சே²த³த³ஸ்ஸனங். தேன ‘‘யாவஜீவ’’ந்தி வா ‘‘யாவரோகா³ வுட்ட²ஹதீ’’தி வா ஏவங் அபலோகேதுங் ந வட்டதீதி த³ஸ்ஸேதி. இணபலிபோ³த⁴ந்தி இணவத்து²ங் தா³துங் வட்டதீதி ஸம்ப³ந்தோ⁴. தஞ்ச இணாயிகேஹி பலிபு³த்³த⁴ஸ்ஸ லஜ்ஜீபேஸலஸ்ஸ ஸாஸனுபகாரகஸ்ஸ பமாணயுத்தமேவ கப்பியப⁴ண்ட³ங் நியமெத்வா பி⁴க்கூ²ஹி அபலோகெத்வா தா³தப்³ப³ங், ந பன ஸஹஸ்ஸங் வா ஸதஸஹஸ்ஸங் வா மஹாஇணங். தாதி³ஸஞ்ஹி பி⁴க்கா²சரியவத்தேன ஸப்³பே³ஹி பி⁴க்கூ²ஹி தாதி³ஸஸ்ஸ பி⁴க்கு²னோ பரியேஸித்வா தா³தப்³ப³ங்.

255.Bhikkhusaṅghassapi panetaṃ labbhatiyevāti avandiyakammassa upalakkhaṇamattena gahitattā bhikkhusaṅghassapi kammalakkhaṇaṃ labbhati eva. Salākadānaṭṭhānaṃ salākaggaṃ nāma, yāgubhattānaṃ bhājanaṭṭhānāni yāgaggabhattaggāni nāma. Etesupi hi ṭhānesu sabbo saṅgho uposathe viya sannipatito, kammañca vaggakammaṃ na hoti, ‘‘mayametaṃ na jānimhā’’ti pacchā khīyantāpi na honti, khaṇḍasīmāya pana kate khīyanti. Saṅghikapaccayañhi acchinnacīvarādīnaṃ dātuṃ apalokentehi upacārasīmaṭṭhānaṃ sabbesaṃ anumatiṃ gahetvāva kātabbaṃ. Yo pana visabhāgapuggalo dhammikaṃ apalokanaṃ paṭibāhati, taṃ upāyena bahiupacārasīmagataṃ vā katvā khaṇḍasīmaṃ vā pavisitvā kātuṃ vaṭṭati. Yaṃ sandhāya ‘‘apalokanakammaṃ karotī’’ti sāmaññato dasseti, taṃ apalokanakammaṃ sarūpato dassetuṃ āha ‘‘acchinnacīvaraṃ’’iccādi. Yadi apaloketvāva cīvaraṃ dātabbaṃ, kiṃ pana appamattakavissajjakasammutiyāti āha ‘‘appamattakavissajjakena panā’’tiādi. Nāḷi vā upaḍḍhanāḷi vāti divase divase apaloketvā dātabbassa pamāṇadassanaṃ. Tena yāpanamattameva apaloketabbaṃ, na adhikanti dasseti. Ekadivasaṃyeva vātiādi dasavīsatidivasānaṃ ekasmiṃ divaseyeva dātabbaparicchedadassanaṃ. Tena ‘‘yāvajīva’’nti vā ‘‘yāvarogā vuṭṭhahatī’’ti vā evaṃ apaloketuṃ na vaṭṭatīti dasseti. Iṇapalibodhanti iṇavatthuṃ dātuṃ vaṭṭatīti sambandho. Tañca iṇāyikehi palibuddhassa lajjīpesalassa sāsanupakārakassa pamāṇayuttameva kappiyabhaṇḍaṃ niyametvā bhikkhūhi apaloketvā dātabbaṃ, na pana sahassaṃ vā satasahassaṃ vā mahāiṇaṃ. Tādisañhi bhikkhācariyavattena sabbehi bhikkhūhi tādisassa bhikkhuno pariyesitvā dātabbaṃ.

‘‘ச²த்தங் வா வேதி³கங் வாதி எத்த² வேதி³காதி சேதியஸ்ஸ உபரி சதுரஸ்ஸசயோ வுச்சதி. ச²த்தந்தி ததோ உத்³த⁴ங் வலயானி த³ஸ்ஸெத்வா கதோ அக்³க³சயோ வுச்சதீ’’தி ஸாரத்த²தீ³பனியங் (ஸாரத்த²॰ டீ॰ பரிவார 3.495-496) வுத்தங். சேதியஸ்ஸ உபனிக்கே²பதோதி சேதியஸ்ஸ படிஜக்³க³னத்தா²ய வட்³டி⁴யா பயோஜெத்வா கப்பியகாரகேஹி ட²பிதவத்து²தோ. ஸங்கி⁴கேனபீதி ந கேவலஞ்ச தத்ருப்பாத³தோ பச்சயதா³யகேஹி சதுபச்சயத்தா²ய ஸங்க⁴ஸ்ஸ தி³ன்னவத்து²னாபீதி அத்தோ². ஸங்க⁴ப⁴த்தங் காதுங் ந வட்டதீதி மஹாதா³னங் த³த³ந்தேஹிபி கரியமானங் ஸங்க⁴ப⁴த்தங் விய காரேதுங் ந வட்டதீதி அதி⁴ப்பாயோ. ‘‘யதா²ஸுக²ங் பரிபு⁴ஞ்ஜிதுங் ருச்சதீ’’தி வுத்தத்தா அத்தனோ அத்தனோ பரிபோ⁴க³பஹோனகங் அப்பங் வா ப³ஹுங் வா க³ஹேதப்³ப³ங், அதி⁴கங் பன க³ஹேதுங் ந லப⁴தி.

‘‘Chattaṃ vā vedikaṃ vāti ettha vedikāti cetiyassa upari caturassacayo vuccati. Chattanti tato uddhaṃ valayāni dassetvā kato aggacayo vuccatī’’ti sāratthadīpaniyaṃ (sārattha. ṭī. parivāra 3.495-496) vuttaṃ. Cetiyassa upanikkhepatoti cetiyassa paṭijagganatthāya vaḍḍhiyā payojetvā kappiyakārakehi ṭhapitavatthuto. Saṅghikenapīti na kevalañca tatruppādato paccayadāyakehi catupaccayatthāya saṅghassa dinnavatthunāpīti attho. Saṅghabhattaṃ kātuṃ na vaṭṭatīti mahādānaṃ dadantehipi kariyamānaṃ saṅghabhattaṃ viya kāretuṃ na vaṭṭatīti adhippāyo. ‘‘Yathāsukhaṃ paribhuñjituṃ ruccatī’’ti vuttattā attano attano paribhogapahonakaṃ appaṃ vā bahuṃ vā gahetabbaṃ, adhikaṃ pana gahetuṃ na labhati.

உபோஸத²தி³வஸேதி நித³ஸ்ஸனமத்தங், யஸ்மிங் கிஸ்மிஞ்சி தி³வஸேபி கதங் ஸுகதமேவ ஹோதி. கரொந்தேன ‘‘யங் இமஸ்மிங் விஹாரே அந்தோஸீமாய ஸங்க⁴ஸந்தகங்…பே॰… யதா²ஸுக²ங் பரிபு⁴ஞ்ஜிதுங் மய்ஹங் ருச்சதீ’’தி ஏவங் கதிகா காதப்³பா³. ததா² த்³வீஹி தீஹிபி ‘‘ஆயஸ்மந்தானங் ருச்சதீ’’தி வசனமேவ ஹெத்த² விஸேஸோ. தேஸம்பீதி ருக்கா²னங். ஸா ஏவ கதிகாதி விஸுங் கதிகா ந காதப்³பா³தி அத்தோ².

Uposathadivaseti nidassanamattaṃ, yasmiṃ kismiñci divasepi kataṃ sukatameva hoti. Karontena ‘‘yaṃ imasmiṃ vihāre antosīmāya saṅghasantakaṃ…pe… yathāsukhaṃ paribhuñjituṃ mayhaṃ ruccatī’’ti evaṃ katikā kātabbā. Tathā dvīhi tīhipi ‘‘āyasmantānaṃ ruccatī’’ti vacanameva hettha viseso. Tesampīti rukkhānaṃ. Sā eva katikāti visuṃ katikā na kātabbāti attho.

தேஸந்தி ருக்கா²னங், ஸங்கோ⁴ ஸாமீதி ஸம்ப³ந்தோ⁴. புரிமவிஹாரேதி புரிமே யதா²ஸுக²ங் பரிபோ⁴க³த்தா²ய கதகதிகே விஹாரே. பரிவேணானி கத்வா ஜக்³க³ந்தீதி யத்த² அரக்கி²யமானே ப²லாப²லானி ருக்கா² ச வினஸ்ஸந்தி, தாதி³ஸங் டா²னங் ஸந்தா⁴ய வுத்தங், தத்த² ஸங்க⁴ஸ்ஸ கதிகா ந பவத்ததீதி அதி⁴ப்பாயோ. யேஹி பன ருக்க²பீ³ஜானி ரோபெத்வா ஆதி³தோ பட்டா²ய படிஜக்³கி³தா, தேபி த³ஸமபா⁴க³ங் த³த்வா ரோபகேஹேவ பரிபு⁴ஞ்ஜிதப்³பா³னி. தேஹீதி ஜக்³கி³தேஹி.

Tesanti rukkhānaṃ, saṅgho sāmīti sambandho. Purimavihāreti purime yathāsukhaṃ paribhogatthāya katakatike vihāre. Pariveṇāni katvā jaggantīti yattha arakkhiyamāne phalāphalāni rukkhā ca vinassanti, tādisaṃ ṭhānaṃ sandhāya vuttaṃ, tattha saṅghassa katikā na pavattatīti adhippāyo. Yehi pana rukkhabījāni ropetvā ādito paṭṭhāya paṭijaggitā, tepi dasamabhāgaṃ datvā ropakeheva paribhuñjitabbāni. Tehīti jaggitehi.

தத்தா²தி தஸ்மிங் விஹாரே. மூலேதிஆதி³காலே, புப்³பே³தி அத்தோ². தீ³கா⁴ கதிகாதி அபரிச்சி²ன்னகாலா யதா²ஸுக²ங் பரிபோ⁴க³த்தா²ய கதிகா. நிக்குக்குச்சேனாதி ‘‘அபா⁴ஜிதமித³’’ந்தி குக்குச்சங் அகத்வாதி அத்தோ². கீ²யனமத்தமேவ தந்தி தேன கீ²யனேன ப³ஹுங் கா²த³ந்தானங் தோ³ஸோ நத்தி² அத்தனோ பரிபோ⁴க³ப்பமாணஸ்ஸேவ க³ஹிதத்தா, கீ²யந்தேபி அத்தனோ பஹோனகங் க³ஹெத்வா கா²தி³தப்³ப³ந்தி அதி⁴ப்பாயோ.

Tatthāti tasmiṃ vihāre. Mūletiādikāle, pubbeti attho. Dīghā katikāti aparicchinnakālā yathāsukhaṃ paribhogatthāya katikā. Nikkukkuccenāti ‘‘abhājitamida’’nti kukkuccaṃ akatvāti attho. Khīyanamattameva tanti tena khīyanena bahuṃ khādantānaṃ doso natthi attano paribhogappamāṇasseva gahitattā, khīyantepi attano pahonakaṃ gahetvā khāditabbanti adhippāyo.

க³ண்ஹதா²தி ந வத்தப்³பா³தி ததா² வுத்தே தேனேவ பி⁴க்கு²னா தி³ன்னங் விய மஞ்ஞெய்யுங். தங் நிஸ்ஸாய மிச்சா²ஜீவஸம்ப⁴வோ ஹோதீதி வுத்தங். தேனாஹ ‘‘அனுவிசரித்வா’’திஆதி³. உபட்³ட⁴பா⁴கோ³தி ஏகஸ்ஸ பி⁴க்கு²னோ படிவீஸதோ உபட்³ட⁴பா⁴கோ³, தெ³ந்தேன ச ‘‘எத்தகங் தா³துங் ஸங்கோ⁴ அனுஞ்ஞாஸீ’’தி ஏவங் அத்தானங் பரிமோசெத்வா யதா² தே ஸங்கே⁴ ஏவ பஸீத³ந்தி, ஏவங் வத்வா தா³தப்³ப³ங். அபச்சாஸீஸந்தேனாதி கி³லானக³மிகிஸ்ஸராதீ³னங் அனுஞ்ஞாதபுக்³க³லானம்பி அத்தனோ ஸந்தகங் தெ³ந்தேன அபச்சாஸீஸந்தேனேவ தா³தப்³ப³ங். அனநுஞ்ஞாதபுக்³க³லானங் பன அபச்சாஸீஸந்தேனபி தா³துங் ந வட்டதீதி. ஸங்கி⁴கமேவ யதா²கதிகாய தா³பேதப்³ப³ங். அத்தனோ ஸந்தகம்பி பச்சயதா³யகாத³யோ ஸயமேவ விஸ்ஸாஸேன க³ண்ஹந்தி, ந வாரேதப்³பா³, ‘‘லத்³த⁴கப்பிய’’ந்தி துண்ஹீ ப⁴விதப்³ப³ங். புப்³பே³ வுத்தமேவாதி ‘‘குத்³தோ⁴ ஹி ஸோ ருக்கே²பி சி²ந்தெ³ய்யா’’திஆதி³னா துண்ஹீபா⁴வே காரணங் புப்³பே³ வுத்தமேவ, தேஹி கதஅனத்தா²பா⁴வேபி காருஞ்ஞேன துண்ஹீ ப⁴விதுங் வட்டதி, ‘‘க³ண்ஹதா²’’திஆதி³ பன வத்துங் ந வட்டதி.

Gaṇhathāti na vattabbāti tathā vutte teneva bhikkhunā dinnaṃ viya maññeyyuṃ. Taṃ nissāya micchājīvasambhavo hotīti vuttaṃ. Tenāha ‘‘anuvicaritvā’’tiādi. Upaḍḍhabhāgoti ekassa bhikkhuno paṭivīsato upaḍḍhabhāgo, dentena ca ‘‘ettakaṃ dātuṃ saṅgho anuññāsī’’ti evaṃ attānaṃ parimocetvā yathā te saṅghe eva pasīdanti, evaṃ vatvā dātabbaṃ. Apaccāsīsantenāti gilānagamikissarādīnaṃ anuññātapuggalānampi attano santakaṃ dentena apaccāsīsanteneva dātabbaṃ. Ananuññātapuggalānaṃ pana apaccāsīsantenapi dātuṃ na vaṭṭatīti. Saṅghikameva yathākatikāya dāpetabbaṃ. Attano santakampi paccayadāyakādayo sayameva vissāsena gaṇhanti, na vāretabbā, ‘‘laddhakappiya’’nti tuṇhī bhavitabbaṃ. Pubbe vuttamevāti ‘‘kuddho hi so rukkhepi chindeyyā’’tiādinā tuṇhībhāve kāraṇaṃ pubbe vuttameva, tehi kataanatthābhāvepi kāruññena tuṇhī bhavituṃ vaṭṭati, ‘‘gaṇhathā’’tiādi pana vattuṃ na vaṭṭati.

க³ருப⁴ண்ட³த்தா…பே॰… ந தா³தப்³ப³ந்தி ஜீவருக்கா²னங் ஆராமட்டா²னியத்தா தா³ரூனஞ்ச கே³ஹஸம்பா⁴ரானுபக³தத்தா ‘‘ஸப்³ப³ங் த்வமேவ க³ண்ஹாதி தா³துங் ந வட்டதீ’’தி வுத்தங். அகதாவாஸங் வா கத்வாதி புப்³பே³ அவிஜ்ஜமானங் ஸேனாஸனங் கத்வா. ஜக்³கி³தகாலேதி ப²லவாரே ஸம்பத்தே. ஜக்³க³னகாலேதி ஜக்³கி³துங் ஆரத்³த⁴காலே.

Garubhaṇḍattā…pe… na dātabbanti jīvarukkhānaṃ ārāmaṭṭhāniyattā dārūnañca gehasambhārānupagatattā ‘‘sabbaṃ tvameva gaṇhāti dātuṃ na vaṭṭatī’’ti vuttaṃ. Akatāvāsaṃ vā katvāti pubbe avijjamānaṃ senāsanaṃ katvā. Jaggitakāleti phalavāre sampatte. Jagganakāleti jaggituṃ āraddhakāle.

256. ஞத்திகம்மட்டா²னபே⁴தே³தி ஞத்திகம்மஸ்ஸ டா²னபே⁴தே³.

256.Ñattikammaṭṭhānabhedeti ñattikammassa ṭhānabhede.

இதி வினயஸங்க³ஹஸங்வண்ணனாபூ⁴தே வினயாலங்காரே

Iti vinayasaṅgahasaṃvaṇṇanābhūte vinayālaṅkāre

கம்மாகம்மவினிச்ச²யகதா²லங்காரோ நாம

Kammākammavinicchayakathālaṅkāro nāma

தெத்திங்ஸதிமோ பரிச்சே²தோ³.

Tettiṃsatimo paricchedo.

Next: 34. பகிண்ணகவினிச்ச²யகதா² • 34. Pakiṇṇakavinicchayakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact