| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
21. згавийсад̇имаваг̇г̇о
21. Ekavīsatimavaggo
(207) 8. гаммагат̇аа
(207) 8. Kammakathā
889. саб̣б̣з гаммаа нияад̇аад̇и? ааманд̇аа. мижчад̇д̇анияад̇аад̇и? на хзвам̣ вад̇д̇аб̣б̣з…бз… саммад̇д̇анияад̇аад̇и? на хзвам̣ вад̇д̇аб̣б̣з…бз… над̇т̇и анияад̇о раасийд̇и? на хзвам̣ вад̇д̇аб̣б̣з…бз… нану ад̇т̇и анияад̇о раасийд̇и? ааманд̇аа. хан̃жи ад̇т̇и анияад̇о рааси, но жа вад̇а рз вад̇д̇аб̣б̣з – ‘‘саб̣б̣з гаммаа нияад̇аа’’д̇и.
889. Sabbe kammā niyatāti? Āmantā. Micchattaniyatāti? Na hevaṃ vattabbe…pe… sammattaniyatāti? Na hevaṃ vattabbe…pe… natthi aniyato rāsīti? Na hevaṃ vattabbe…pe… nanu atthi aniyato rāsīti? Āmantā. Hañci atthi aniyato rāsi, no ca vata re vattabbe – ‘‘sabbe kammā niyatā’’ti.
саб̣б̣з гаммаа нияад̇аад̇и? ааманд̇аа. нану д̇аяо раасий вуд̇д̇аа бхаг̇авад̇аа – мижчад̇д̇анияад̇о рааси, саммад̇д̇анияад̇о рааси, анияад̇о раасийд̇и? ааманд̇аа. хан̃жи д̇аяо раасий вуд̇д̇аа бхаг̇авад̇аа – мижчад̇д̇анияад̇о рааси, саммад̇д̇анияад̇о рааси, анияад̇о рааси, но жа вад̇а рз вад̇д̇аб̣б̣з – ‘‘саб̣б̣з гаммаа нияад̇аа’’д̇и.
Sabbe kammā niyatāti? Āmantā. Nanu tayo rāsī vuttā bhagavatā – micchattaniyato rāsi, sammattaniyato rāsi, aniyato rāsīti? Āmantā. Hañci tayo rāsī vuttā bhagavatā – micchattaniyato rāsi, sammattaniyato rāsi, aniyato rāsi, no ca vata re vattabbe – ‘‘sabbe kammā niyatā’’ti.
890. д̣̇идтад̇хаммавзд̣̇анийяам̣ гаммам̣ д̣̇идтад̇хаммавзд̣̇анийяадтзна нияад̇анд̇и? ааманд̇аа. мижчад̇д̇анияад̇анд̇и? на хзвам̣ вад̇д̇аб̣б̣з…бз… саммад̇д̇анияад̇анд̇и? на хзвам̣ вад̇д̇аб̣б̣з…бз…. убабаж̇ж̇авзд̣̇анийяам̣ гаммам̣…бз… абараабарияавзд̣̇анийяам̣ гаммам̣ абараабарияавзд̣̇анийяадтзна нияад̇анд̇и? ааманд̇аа. мижчад̇д̇анияад̇анд̇и? на хзвам̣ вад̇д̇аб̣б̣з…бз… саммад̇д̇анияад̇анд̇и? на хзвам̣ вад̇д̇аб̣б̣з…бз….
890. Diṭṭhadhammavedanīyaṃ kammaṃ diṭṭhadhammavedanīyaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe…. Upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe….
891. на вад̇д̇аб̣б̣ам̣ – д̣̇идтад̇хаммавзд̣̇анийяам̣ гаммам̣ д̣̇идтад̇хаммавзд̣̇анийяадтзна нияад̇ам̣, убабаж̇ж̇авзд̣̇анийяам̣ гаммам̣…бз… абараабарияавзд̣̇анийяам̣ гаммам̣ абараабарияавзд̣̇анийяадтзна нияад̇анд̇и? ааманд̇аа. д̣̇идтад̇хаммавзд̣̇анийяам̣ гаммам̣ убабаж̇ж̇авзд̣̇анийяам̣ ход̇и, абараабарияавзд̣̇анийяам̣ ход̇и…бз… убабаж̇ж̇авзд̣̇анийяам̣ гаммам̣ д̣̇идтад̇хаммавзд̣̇анийяам̣ ход̇и, абараабарияавзд̣̇анийяам̣ ход̇и…бз… абараабарияавзд̣̇анийяам̣ гаммам̣ д̣̇идтад̇хаммавзд̣̇анийяам̣ ход̇и, убабаж̇ж̇авзд̣̇анийяам̣ ход̇ийд̇и? на хзвам̣ вад̇д̇аб̣б̣з . д̇зна хи д̣̇идтад̇хаммавзд̣̇анийяам̣ гаммам̣ д̣̇идтад̇хаммавзд̣̇анийяадтзна нияад̇ам̣, убабаж̇ж̇авзд̣̇анийяам̣ гаммам̣…бз… абараабарияавзд̣̇анийяам̣ гаммам̣ абараабарияавзд̣̇анийяадтзна нияад̇анд̇и.
891. Na vattabbaṃ – diṭṭhadhammavedanīyaṃ kammaṃ diṭṭhadhammavedanīyaṭṭhena niyataṃ, upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti? Āmantā. Diṭṭhadhammavedanīyaṃ kammaṃ upapajjavedanīyaṃ hoti, aparāpariyavedanīyaṃ hoti…pe… upapajjavedanīyaṃ kammaṃ diṭṭhadhammavedanīyaṃ hoti, aparāpariyavedanīyaṃ hoti…pe… aparāpariyavedanīyaṃ kammaṃ diṭṭhadhammavedanīyaṃ hoti, upapajjavedanīyaṃ hotīti? Na hevaṃ vattabbe . Tena hi diṭṭhadhammavedanīyaṃ kammaṃ diṭṭhadhammavedanīyaṭṭhena niyataṃ, upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti.
гаммагат̇аа нидтид̇аа.
Kammakathā niṭṭhitā.
згавийсад̇имаваг̇г̇о.
Ekavīsatimavaggo.
д̇ассуд̣̇д̣̇аанам̣ –
Tassuddānaṃ –
саасанам̣ навам̣ гад̇ам̣ ад̇т̇и гожи д̇ат̇ааг̇ад̇асса саасанам̣ навам̣ гарод̇и лаб̣бхаа д̇ат̇ааг̇ад̇асса саасанам̣ буна навам̣ гаад̇ум̣, бут̇уж̇ж̇ано д̇зд̇хаад̇угзхи д̇хаммзхи авивид̇д̇о, ад̇т̇и гин̃жи сам̣яож̇анам̣ аббахааяа арахад̇д̇аббад̇д̇и, ад̇т̇и ад̇хиббааяид̣̇д̇хи б̣уд̣̇д̇хаанам̣ ваа саавагаанам̣ ваа, ад̇т̇и б̣уд̣̇д̇хаанам̣ б̣уд̣̇д̇хзхи хийнаад̇ирзгад̇аа, саб̣б̣аа д̣̇исаа б̣уд̣̇д̇хаа д̇идтанд̇и, саб̣б̣з д̇хаммаа нияад̇аа, саб̣б̣з гаммаа нияад̇аад̇и.
Sāsanaṃ navaṃ kataṃ atthi koci tathāgatassa sāsanaṃ navaṃ karoti labbhā tathāgatassa sāsanaṃ puna navaṃ kātuṃ, puthujjano tedhātukehi dhammehi avivitto, atthi kiñci saṃyojanaṃ appahāya arahattappatti, atthi adhippāyiddhi buddhānaṃ vā sāvakānaṃ vā, atthi buddhānaṃ buddhehi hīnātirekatā, sabbā disā buddhā tiṭṭhanti, sabbe dhammā niyatā, sabbe kammā niyatāti.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 8. гаммагат̇ааван̣н̣анаа • 8. Kammakathāvaṇṇanā
