| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๑. เอกวีสติมวโคฺค
21. Ekavīsatimavaggo
(๒๐๗) ๘. กมฺมกถา
(207) 8. Kammakathā
๘๘๙. สเพฺพ กมฺมา นิยตาติ? อามนฺตาฯ มิจฺฉตฺตนิยตาติ? น เหวํ วตฺตเพฺพ…เป.… สมฺมตฺตนิยตาติ? น เหวํ วตฺตเพฺพ…เป.… นตฺถิ อนิยโต ราสีติ? น เหวํ วตฺตเพฺพ…เป.… นนุ อตฺถิ อนิยโต ราสีติ? อามนฺตาฯ หญฺจิ อตฺถิ อนิยโต ราสิ, โน จ วต เร วตฺตเพฺพ – ‘‘สเพฺพ กมฺมา นิยตา’’ติฯ
889. Sabbe kammā niyatāti? Āmantā. Micchattaniyatāti? Na hevaṃ vattabbe…pe… sammattaniyatāti? Na hevaṃ vattabbe…pe… natthi aniyato rāsīti? Na hevaṃ vattabbe…pe… nanu atthi aniyato rāsīti? Āmantā. Hañci atthi aniyato rāsi, no ca vata re vattabbe – ‘‘sabbe kammā niyatā’’ti.
สเพฺพ กมฺมา นิยตาติ? อามนฺตาฯ นนุ ตโย ราสี วุตฺตา ภควตา – มิจฺฉตฺตนิยโต ราสิ, สมฺมตฺตนิยโต ราสิ, อนิยโต ราสีติ? อามนฺตาฯ หญฺจิ ตโย ราสี วุตฺตา ภควตา – มิจฺฉตฺตนิยโต ราสิ, สมฺมตฺตนิยโต ราสิ, อนิยโต ราสิ, โน จ วต เร วตฺตเพฺพ – ‘‘สเพฺพ กมฺมา นิยตา’’ติฯ
Sabbe kammā niyatāti? Āmantā. Nanu tayo rāsī vuttā bhagavatā – micchattaniyato rāsi, sammattaniyato rāsi, aniyato rāsīti? Āmantā. Hañci tayo rāsī vuttā bhagavatā – micchattaniyato rāsi, sammattaniyato rāsi, aniyato rāsi, no ca vata re vattabbe – ‘‘sabbe kammā niyatā’’ti.
๘๙๐. ทิฎฺฐธมฺมเวทนียํ กมฺมํ ทิฎฺฐธมฺมเวทนียเฎฺฐน นิยตนฺติ? อามนฺตาฯ มิจฺฉตฺตนิยตนฺติ? น เหวํ วตฺตเพฺพ…เป.… สมฺมตฺตนิยตนฺติ? น เหวํ วตฺตเพฺพ…เป.…ฯ อุปปชฺชเวทนียํ กมฺมํ…เป.… อปราปริยเวทนียํ กมฺมํ อปราปริยเวทนียเฎฺฐน นิยตนฺติ? อามนฺตาฯ มิจฺฉตฺตนิยตนฺติ? น เหวํ วตฺตเพฺพ…เป.… สมฺมตฺตนิยตนฺติ? น เหวํ วตฺตเพฺพ…เป.…ฯ
890. Diṭṭhadhammavedanīyaṃ kammaṃ diṭṭhadhammavedanīyaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe…. Upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe….
๘๙๑. น วตฺตพฺพํ – ทิฎฺฐธมฺมเวทนียํ กมฺมํ ทิฎฺฐธมฺมเวทนียเฎฺฐน นิยตํ, อุปปชฺชเวทนียํ กมฺมํ…เป.… อปราปริยเวทนียํ กมฺมํ อปราปริยเวทนียเฎฺฐน นิยตนฺติ? อามนฺตาฯ ทิฎฺฐธมฺมเวทนียํ กมฺมํ อุปปชฺชเวทนียํ โหติ, อปราปริยเวทนียํ โหติ…เป.… อุปปชฺชเวทนียํ กมฺมํ ทิฎฺฐธมฺมเวทนียํ โหติ, อปราปริยเวทนียํ โหติ…เป.… อปราปริยเวทนียํ กมฺมํ ทิฎฺฐธมฺมเวทนียํ โหติ, อุปปชฺชเวทนียํ โหตีติ? น เหวํ วตฺตเพฺพ ฯ เตน หิ ทิฎฺฐธมฺมเวทนียํ กมฺมํ ทิฎฺฐธมฺมเวทนียเฎฺฐน นิยตํ, อุปปชฺชเวทนียํ กมฺมํ…เป.… อปราปริยเวทนียํ กมฺมํ อปราปริยเวทนียเฎฺฐน นิยตนฺติฯ
891. Na vattabbaṃ – diṭṭhadhammavedanīyaṃ kammaṃ diṭṭhadhammavedanīyaṭṭhena niyataṃ, upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti? Āmantā. Diṭṭhadhammavedanīyaṃ kammaṃ upapajjavedanīyaṃ hoti, aparāpariyavedanīyaṃ hoti…pe… upapajjavedanīyaṃ kammaṃ diṭṭhadhammavedanīyaṃ hoti, aparāpariyavedanīyaṃ hoti…pe… aparāpariyavedanīyaṃ kammaṃ diṭṭhadhammavedanīyaṃ hoti, upapajjavedanīyaṃ hotīti? Na hevaṃ vattabbe . Tena hi diṭṭhadhammavedanīyaṃ kammaṃ diṭṭhadhammavedanīyaṭṭhena niyataṃ, upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti.
กมฺมกถา นิฎฺฐิตาฯ
Kammakathā niṭṭhitā.
เอกวีสติมวโคฺคฯ
Ekavīsatimavaggo.
ตสฺสุทฺทานํ –
Tassuddānaṃ –
สาสนํ นวํ กตํ อตฺถิ โกจิ ตถาคตสฺส สาสนํ นวํ กโรติ ลพฺภา ตถาคตสฺส สาสนํ ปุน นวํ กาตุํ, ปุถุชฺชโน เตธาตุเกหิ ธเมฺมหิ อวิวิโตฺต, อตฺถิ กิญฺจิ สํโยชนํ อปฺปหาย อรหตฺตปฺปตฺติ, อตฺถิ อธิปฺปายิทฺธิ พุทฺธานํ วา สาวกานํ วา, อตฺถิ พุทฺธานํ พุเทฺธหิ หีนาติเรกตา, สพฺพา ทิสา พุทฺธา ติฎฺฐนฺติ, สเพฺพ ธมฺมา นิยตา, สเพฺพ กมฺมา นิยตาติฯ
Sāsanaṃ navaṃ kataṃ atthi koci tathāgatassa sāsanaṃ navaṃ karoti labbhā tathāgatassa sāsanaṃ puna navaṃ kātuṃ, puthujjano tedhātukehi dhammehi avivitto, atthi kiñci saṃyojanaṃ appahāya arahattappatti, atthi adhippāyiddhi buddhānaṃ vā sāvakānaṃ vā, atthi buddhānaṃ buddhehi hīnātirekatā, sabbā disā buddhā tiṭṭhanti, sabbe dhammā niyatā, sabbe kammā niyatāti.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. กมฺมกถาวณฺณนา • 8. Kammakathāvaṇṇanā
