| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨੧. ਏਕવੀਸਤਿਮવਗ੍ਗੋ
21. Ekavīsatimavaggo
(੨੦੭) ੮. ਕਮ੍ਮਕਥਾ
(207) 8. Kammakathā
੮੮੯. ਸਬ੍ਬੇ ਕਮ੍ਮਾ ਨਿਯਤਾਤਿ? ਆਮਨ੍ਤਾ। ਮਿਚ੍ਛਤ੍ਤਨਿਯਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮ੍ਮਤ੍ਤਨਿਯਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਅਨਿਯਤੋ ਰਾਸੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਅਤ੍ਥਿ ਅਨਿਯਤੋ ਰਾਸੀਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਅਨਿਯਤੋ ਰਾਸਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਕਮ੍ਮਾ ਨਿਯਤਾ’’ਤਿ।
889. Sabbe kammā niyatāti? Āmantā. Micchattaniyatāti? Na hevaṃ vattabbe…pe… sammattaniyatāti? Na hevaṃ vattabbe…pe… natthi aniyato rāsīti? Na hevaṃ vattabbe…pe… nanu atthi aniyato rāsīti? Āmantā. Hañci atthi aniyato rāsi, no ca vata re vattabbe – ‘‘sabbe kammā niyatā’’ti.
ਸਬ੍ਬੇ ਕਮ੍ਮਾ ਨਿਯਤਾਤਿ? ਆਮਨ੍ਤਾ। ਨਨੁ ਤਯੋ ਰਾਸੀ વੁਤ੍ਤਾ ਭਗવਤਾ – ਮਿਚ੍ਛਤ੍ਤਨਿਯਤੋ ਰਾਸਿ, ਸਮ੍ਮਤ੍ਤਨਿਯਤੋ ਰਾਸਿ, ਅਨਿਯਤੋ ਰਾਸੀਤਿ? ਆਮਨ੍ਤਾ। ਹਞ੍ਚਿ ਤਯੋ ਰਾਸੀ વੁਤ੍ਤਾ ਭਗવਤਾ – ਮਿਚ੍ਛਤ੍ਤਨਿਯਤੋ ਰਾਸਿ, ਸਮ੍ਮਤ੍ਤਨਿਯਤੋ ਰਾਸਿ, ਅਨਿਯਤੋ ਰਾਸਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਕਮ੍ਮਾ ਨਿਯਤਾ’’ਤਿ।
Sabbe kammā niyatāti? Āmantā. Nanu tayo rāsī vuttā bhagavatā – micchattaniyato rāsi, sammattaniyato rāsi, aniyato rāsīti? Āmantā. Hañci tayo rāsī vuttā bhagavatā – micchattaniyato rāsi, sammattaniyato rāsi, aniyato rāsi, no ca vata re vattabbe – ‘‘sabbe kammā niyatā’’ti.
੮੯੦. ਦਿਟ੍ਠਧਮ੍ਮવੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮવੇਦਨੀਯਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ। ਮਿਚ੍ਛਤ੍ਤਨਿਯਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮ੍ਮਤ੍ਤਨਿਯਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…। ਉਪਪਜ੍ਜવੇਦਨੀਯਂ ਕਮ੍ਮਂ…ਪੇ॰… ਅਪਰਾਪਰਿਯવੇਦਨੀਯਂ ਕਮ੍ਮਂ ਅਪਰਾਪਰਿਯવੇਦਨੀਯਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ। ਮਿਚ੍ਛਤ੍ਤਨਿਯਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮ੍ਮਤ੍ਤਨਿਯਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
890. Diṭṭhadhammavedanīyaṃ kammaṃ diṭṭhadhammavedanīyaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe…. Upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe….
੮੯੧. ਨ વਤ੍ਤਬ੍ਬਂ – ਦਿਟ੍ਠਧਮ੍ਮવੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮવੇਦਨੀਯਟ੍ਠੇਨ ਨਿਯਤਂ, ਉਪਪਜ੍ਜવੇਦਨੀਯਂ ਕਮ੍ਮਂ…ਪੇ॰… ਅਪਰਾਪਰਿਯવੇਦਨੀਯਂ ਕਮ੍ਮਂ ਅਪਰਾਪਰਿਯવੇਦਨੀਯਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ। ਦਿਟ੍ਠਧਮ੍ਮવੇਦਨੀਯਂ ਕਮ੍ਮਂ ਉਪਪਜ੍ਜવੇਦਨੀਯਂ ਹੋਤਿ, ਅਪਰਾਪਰਿਯવੇਦਨੀਯਂ ਹੋਤਿ…ਪੇ॰… ਉਪਪਜ੍ਜવੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਅਪਰਾਪਰਿਯવੇਦਨੀਯਂ ਹੋਤਿ…ਪੇ॰… ਅਪਰਾਪਰਿਯવੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਉਪਪਜ੍ਜવੇਦਨੀਯਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ । ਤੇਨ ਹਿ ਦਿਟ੍ਠਧਮ੍ਮવੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮવੇਦਨੀਯਟ੍ਠੇਨ ਨਿਯਤਂ, ਉਪਪਜ੍ਜવੇਦਨੀਯਂ ਕਮ੍ਮਂ…ਪੇ॰… ਅਪਰਾਪਰਿਯવੇਦਨੀਯਂ ਕਮ੍ਮਂ ਅਪਰਾਪਰਿਯવੇਦਨੀਯਟ੍ਠੇਨ ਨਿਯਤਨ੍ਤਿ।
891. Na vattabbaṃ – diṭṭhadhammavedanīyaṃ kammaṃ diṭṭhadhammavedanīyaṭṭhena niyataṃ, upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti? Āmantā. Diṭṭhadhammavedanīyaṃ kammaṃ upapajjavedanīyaṃ hoti, aparāpariyavedanīyaṃ hoti…pe… upapajjavedanīyaṃ kammaṃ diṭṭhadhammavedanīyaṃ hoti, aparāpariyavedanīyaṃ hoti…pe… aparāpariyavedanīyaṃ kammaṃ diṭṭhadhammavedanīyaṃ hoti, upapajjavedanīyaṃ hotīti? Na hevaṃ vattabbe . Tena hi diṭṭhadhammavedanīyaṃ kammaṃ diṭṭhadhammavedanīyaṭṭhena niyataṃ, upapajjavedanīyaṃ kammaṃ…pe… aparāpariyavedanīyaṃ kammaṃ aparāpariyavedanīyaṭṭhena niyatanti.
ਕਮ੍ਮਕਥਾ ਨਿਟ੍ਠਿਤਾ।
Kammakathā niṭṭhitā.
ਏਕવੀਸਤਿਮવਗ੍ਗੋ।
Ekavīsatimavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਸਾਸਨਂ ਨવਂ ਕਤਂ ਅਤ੍ਥਿ ਕੋਚਿ ਤਥਾਗਤਸ੍ਸ ਸਾਸਨਂ ਨવਂ ਕਰੋਤਿ ਲਬ੍ਭਾ ਤਥਾਗਤਸ੍ਸ ਸਾਸਨਂ ਪੁਨ ਨવਂ ਕਾਤੁਂ, ਪੁਥੁਜ੍ਜਨੋ ਤੇਧਾਤੁਕੇਹਿ ਧਮ੍ਮੇਹਿ ਅવਿવਿਤ੍ਤੋ, ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤਿ, ਅਤ੍ਥਿ ਅਧਿਪ੍ਪਾਯਿਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾ, ਅਤ੍ਥਿ ਬੁਦ੍ਧਾਨਂ ਬੁਦ੍ਧੇਹਿ ਹੀਨਾਤਿਰੇਕਤਾ, ਸਬ੍ਬਾ ਦਿਸਾ ਬੁਦ੍ਧਾ ਤਿਟ੍ਠਨ੍ਤਿ, ਸਬ੍ਬੇ ਧਮ੍ਮਾ ਨਿਯਤਾ, ਸਬ੍ਬੇ ਕਮ੍ਮਾ ਨਿਯਤਾਤਿ।
Sāsanaṃ navaṃ kataṃ atthi koci tathāgatassa sāsanaṃ navaṃ karoti labbhā tathāgatassa sāsanaṃ puna navaṃ kātuṃ, puthujjano tedhātukehi dhammehi avivitto, atthi kiñci saṃyojanaṃ appahāya arahattappatti, atthi adhippāyiddhi buddhānaṃ vā sāvakānaṃ vā, atthi buddhānaṃ buddhehi hīnātirekatā, sabbā disā buddhā tiṭṭhanti, sabbe dhammā niyatā, sabbe kammā niyatāti.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਕਮ੍ਮਕਥਾવਣ੍ਣਨਾ • 8. Kammakathāvaṇṇanā
