| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. কম্মকথাৰণ্ণনা
2. Kammakathāvaṇṇanā
৬৩৩-৬৩৫. ইদানি কম্মকথা নাম হোতি। তত্থ ‘‘নাহং, ভিক্খৰে, সঞ্চেতনিকানং কম্মান’’ন্তি (অ॰ নি॰ ১০.২১৭) সুত্তপদং নিস্সায ‘‘সব্বং কম্মং সৰিপাক’’ন্তি যেসং লদ্ধি, সেয্যথাপি মহাসংঘিকানং; তেসং ‘‘চেতনাহং, ভিক্খৰে, কম্মং ৰদামী’’তি (অ॰ নি॰ ৬.৬৩) সত্থারা অৰিসেসেন চেতনা ‘‘কম্ম’’ন্তি ৰুত্তা; সা চ কুসলাকুসলাৰ সৰিপাকা, অব্যাকতা অৰিপাকাতি ইমং ৰিভাগং দস্সেতুং সব্বং কম্মন্তি পুচ্ছা সকৰাদিস্স, পটিঞ্ঞা ইতরস্স। পুন সব্বা চেতনাতি পঞ্হেসু অব্যাকতং সন্ধায পটিক্খেপো, কুসলাকুসলে সন্ধায পটিঞ্ঞা ৰেদিতব্বা । ৰিপাকাব্যাকতাতিআদি সৰিপাকাৰিপাকচেতনং সরূপেন দস্সেতুং ৰুত্তং। সেসমেত্থ উত্তানত্থমেৰ। ‘‘নাহং, ভিক্খৰে’’তি সুত্তং সতি পচ্চযে দিট্ঠধম্মাদীসু ৰিপাকপটিসংৰেদনং সন্ধায ৰুত্তং, তস্মা অসাধকন্তি।
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
কম্মকথাৰণ্ণনা।
Kammakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১১৭) ২. কম্মকথা • (117) 2. Kammakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. কম্মকথাৰণ্ণনা • 2. Kammakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. কম্মকথাৰণ্ণনা • 2. Kammakathāvaṇṇanā
