| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
7. гаммагат̇ааван̣н̣анаа
7. Kammakathāvaṇṇanā
гаммагат̇ааван̣н̣анаа
Kammakathāvaṇṇanā
234. ид̣̇аани д̇ассаа хзд̇усамбад̇д̇ияаа бажжаяабхууд̇ам̣ гаммам̣ д̣̇ассзнд̇зна гат̇ид̇ааяа гаммагат̇ааяа абуб̣б̣ад̇т̇аануван̣н̣анаа. д̇ад̇т̇а ахоси гаммам̣ ахоси гаммавибаагод̇иаад̣̇ийсу ад̇ийд̇абхавзсу гад̇асса гаммасса ад̇ийд̇абхавзсуязва вибаггавибаагам̣ г̇ахзд̇ваа ‘‘ахоси гаммам̣ ахоси гаммавибааго’’д̇и вуд̇д̇ам̣. д̇ассзва ад̇ийд̇асса гаммасса д̣̇идтад̇хаммавзд̣̇анийяасса убабаж̇ж̇авзд̣̇анийяасса жа бажжаяавзгаллзна ад̇ийд̇абхавзсуязва авибаггавибааган̃жа ад̇ийд̇зязва бариниб̣б̣уд̇асса жа д̣̇идтад̇хаммавзд̣̇анийяаубабаж̇ж̇авзд̣̇анийяаабарабарияааяавзд̣̇анийяасса гаммасса авибаггавибааган̃жа г̇ахзд̇ваа ахоси гаммам̣ наахоси гаммавибаагод̇и вуд̇д̇ам̣. ад̇ийд̇ассзва гаммасса авибаггавибаагасса бажжуббаннабхавз бажжаяасамбад̇д̇ияаа вибажжамаанам̣ вибаагам̣ г̇ахзд̇ваа ахоси гаммам̣ ад̇т̇и гаммавибаагод̇и вуд̇д̇ам̣. ад̇ийд̇ассзва гаммасса ад̇игганд̇авибаагагааласса жа бажжуббаннабхавз бариниб̣б̣ааяанд̇асса жа авибажжамаанам̣ вибаагам̣ г̇ахзд̇ваа ахоси гаммам̣ над̇т̇и гаммавибаагод̇и вуд̇д̇ам̣. ад̇ийд̇ассзва гаммасса вибаагаарахасса авибаггавибаагасса анааг̇ад̇з бхавз бажжаяасамбад̇д̇ияаа вибажжид̇аб̣б̣ам̣ вибаагам̣ г̇ахзд̇ваа ахоси гаммам̣ бхависсад̇и гаммавибаагод̇и вуд̇д̇ам̣. ад̇ийд̇ассзва гаммасса ад̇игганд̇авибаагагааласса жа анааг̇ад̇абхавз бариниб̣б̣ааяид̇аб̣б̣асса жа авибажжид̇аб̣б̣ам̣ вибаагам̣ г̇ахзд̇ваа ахоси гаммам̣ на бхависсад̇и гаммавибаагод̇и вуд̇д̇ам̣. звам̣ ад̇ийд̇агаммам̣ ад̇ийд̇абажжуббаннаанааг̇ад̇авибаагаавибаагавасзна чад̇хаа д̣̇ассид̇ам̣.
234. Idāni tassā hetusampattiyā paccayabhūtaṃ kammaṃ dassentena kathitāya kammakathāya apubbatthānuvaṇṇanā. Tattha ahosi kammaṃ ahosi kammavipākotiādīsu atītabhavesu katassa kammassa atītabhavesuyeva vipakkavipākaṃ gahetvā ‘‘ahosi kammaṃ ahosi kammavipāko’’ti vuttaṃ. Tasseva atītassa kammassa diṭṭhadhammavedanīyassa upapajjavedanīyassa ca paccayavekallena atītabhavesuyeva avipakkavipākañca atīteyeva parinibbutassa ca diṭṭhadhammavedanīyaupapajjavedanīyaaparapariyāyavedanīyassa kammassa avipakkavipākañca gahetvā ahosi kammaṃ nāhosi kammavipākoti vuttaṃ. Atītasseva kammassa avipakkavipākassa paccuppannabhave paccayasampattiyā vipaccamānaṃ vipākaṃ gahetvā ahosi kammaṃ atthi kammavipākoti vuttaṃ. Atītasseva kammassa atikkantavipākakālassa ca paccuppannabhave parinibbāyantassa ca avipaccamānaṃ vipākaṃ gahetvā ahosi kammaṃ natthi kammavipākoti vuttaṃ. Atītasseva kammassa vipākārahassa avipakkavipākassa anāgate bhave paccayasampattiyā vipaccitabbaṃ vipākaṃ gahetvā ahosi kammaṃ bhavissati kammavipākoti vuttaṃ. Atītasseva kammassa atikkantavipākakālassa ca anāgatabhave parinibbāyitabbassa ca avipaccitabbaṃ vipākaṃ gahetvā ahosi kammaṃ na bhavissati kammavipākoti vuttaṃ. Evaṃ atītakammaṃ atītapaccuppannānāgatavipākāvipākavasena chadhā dassitaṃ.
бажжуббаннабхавз гад̇асса д̣̇идтад̇хаммавзд̣̇анийяасса гаммасса ид̇хзва вибажжамаанам̣ вибаагам̣ г̇ахзд̇ваа ад̇т̇и гаммам̣ ад̇т̇и гаммавибаагод̇и вуд̇д̇ам̣. д̇ассзва бажжуббаннасса гаммасса бажжаяавзгаллзна ид̇ха авибажжамаанан̃жа д̣̇идтзва д̇хаммз бариниб̣б̣ааяанд̇асса ид̇ха авибажжамаанан̃жа вибаагам̣ г̇ахзд̇ваа ад̇т̇и гаммам̣ над̇т̇и гаммавибаагод̇и вуд̇д̇ам̣. бажжуббаннассзва гаммасса убабаж̇ж̇авзд̣̇анийяасса жа абарабарияааяавзд̣̇анийяасса жа анааг̇ад̇абхавз вибажжид̇аб̣б̣ам̣ вибаагам̣ г̇ахзд̇ваа ад̇т̇и гаммам̣ бхависсад̇и гаммавибаагод̇и вуд̇д̇ам̣. бажжуббаннассзва гаммасса убабаж̇ж̇авзд̣̇анийяасса бажжаяавзгаллзна анааг̇ад̇абхавз авибажжид̇аб̣б̣ан̃жа анааг̇ад̇абхавз бариниб̣б̣ааяид̇аб̣б̣асса абарабарияааяавзд̣̇анийяасса авибажжид̇аб̣б̣ан̃жа вибаагам̣ г̇ахзд̇ваа ад̇т̇и гаммам̣ на бхависсад̇и гаммавибаагод̇и вуд̇д̇ам̣. звам̣ бажжуббаннагаммам̣ бажжуббаннаанааг̇ад̇авибаагаавибаагавасзна жад̇уд̇хаа д̣̇ассид̇ам̣.
Paccuppannabhave katassa diṭṭhadhammavedanīyassa kammassa idheva vipaccamānaṃ vipākaṃ gahetvā atthi kammaṃ atthi kammavipākoti vuttaṃ. Tasseva paccuppannassa kammassa paccayavekallena idha avipaccamānañca diṭṭheva dhamme parinibbāyantassa idha avipaccamānañca vipākaṃ gahetvā atthi kammaṃ natthi kammavipākoti vuttaṃ. Paccuppannasseva kammassa upapajjavedanīyassa ca aparapariyāyavedanīyassa ca anāgatabhave vipaccitabbaṃ vipākaṃ gahetvā atthi kammaṃ bhavissati kammavipākoti vuttaṃ. Paccuppannasseva kammassa upapajjavedanīyassa paccayavekallena anāgatabhave avipaccitabbañca anāgatabhave parinibbāyitabbassa aparapariyāyavedanīyassa avipaccitabbañca vipākaṃ gahetvā atthi kammaṃ na bhavissati kammavipākoti vuttaṃ. Evaṃ paccuppannakammaṃ paccuppannānāgatavipākāvipākavasena catudhā dassitaṃ.
анааг̇ад̇абхавз гаад̇аб̣б̣асса гаммасса анааг̇ад̇абхавз вибажжид̇аб̣б̣ам̣ вибаагам̣ г̇ахзд̇ваа бхависсад̇и гаммам̣ бхависсад̇и гаммавибаагод̇и вуд̇д̇ам̣. д̇ассзва анааг̇ад̇асса гаммасса бажжаяавзгаллзна авибажжид̇аб̣б̣ан̃жа анааг̇ад̇абхавз бариниб̣б̣ааяид̇аб̣б̣асса авибажжид̇аб̣б̣ан̃жа вибаагам̣ г̇ахзд̇ваа бхависсад̇и гаммам̣ на бхависсад̇и гаммавибаагод̇и вуд̇д̇ам̣. звам̣ анааг̇ад̇агаммам̣ анааг̇ад̇авибаагаавибаагавасзна д̣̇вид̇хаа д̣̇ассид̇ам̣. д̇ам̣ саб̣б̣ам̣ згад̇о гад̇ваа д̣̇ваад̣̇асавид̇хзна гаммам̣ д̣̇ассид̇ам̣ ход̇и.
Anāgatabhave kātabbassa kammassa anāgatabhave vipaccitabbaṃ vipākaṃ gahetvā bhavissati kammaṃ bhavissati kammavipākoti vuttaṃ. Tasseva anāgatassa kammassa paccayavekallena avipaccitabbañca anāgatabhave parinibbāyitabbassa avipaccitabbañca vipākaṃ gahetvā bhavissati kammaṃ na bhavissati kammavipākoti vuttaṃ. Evaṃ anāgatakammaṃ anāgatavipākāvipākavasena dvidhā dassitaṃ. Taṃ sabbaṃ ekato katvā dvādasavidhena kammaṃ dassitaṃ hoti.
имасмим̣ таанз тад̇ваа д̇ийн̣и гаммажад̇уггаани аахарид̇ваа вужжанд̇и – д̇зсу хи вуд̇д̇зсу аяамад̇т̇о баагадад̇аро бхависсад̇ийд̇и. жад̇уб̣б̣ид̇хан̃хи гаммам̣ д̣̇идтад̇хаммавзд̣̇анийяам̣ убабаж̇ж̇авзд̣̇анийяам̣ абарабарияааяавзд̣̇анийяам̣ ахосигамманд̇и. д̇зсу згаж̇аванавийт̇ияам̣ сад̇д̇асу жид̇д̇зсу гусалаа ваа агусалаа ваа батамаж̇аванажзд̇анаа д̣̇идтад̇хаммавзд̣̇анийяагаммам̣ наама. д̇ам̣ имасмим̣язва ад̇д̇абхаавз вибаагам̣ д̣̇зд̇и. д̇ат̇аа асаггонд̇ам̣ бана ‘‘ахоси гаммам̣ наахоси гаммавибааго, на бхависсад̇и гаммавибааго, над̇т̇и гаммавибааго’’д̇и имасса д̇игасса васзна ахосигаммам̣ наама ход̇и. ад̇т̇асаад̇хигаа бана сад̇д̇амаж̇аванажзд̇анаа убабаж̇ж̇авзд̣̇анийяагаммам̣ наама. д̇ам̣ ананд̇арз ад̇д̇абхаавз вибаагам̣ д̣̇зд̇и. д̇ат̇аа асаггонд̇ам̣ вуд̇д̇анаязнзва ахосигаммам̣ наама ход̇и. убхиннам̣ анд̇арз бана бан̃жаж̇аванажзд̇анаа абарабарияааяавзд̣̇анийяагаммам̣ наама. д̇ам̣ анааг̇ад̇з яад̣̇аа огаасам̣ лабхад̇и, д̇ад̣̇аа вибаагам̣ д̣̇зд̇и. сад̇и сам̣саараббавад̇д̇ияаа ахосигаммам̣ наама на ход̇и.
Imasmiṃ ṭhāne ṭhatvā tīṇi kammacatukkāni āharitvā vuccanti – tesu hi vuttesu ayamattho pākaṭataro bhavissatīti. Catubbidhañhi kammaṃ diṭṭhadhammavedanīyaṃ upapajjavedanīyaṃ aparapariyāyavedanīyaṃ ahosikammanti. Tesu ekajavanavīthiyaṃ sattasu cittesu kusalā vā akusalā vā paṭhamajavanacetanā diṭṭhadhammavedanīyakammaṃ nāma. Taṃ imasmiṃyeva attabhāve vipākaṃ deti. Tathā asakkontaṃ pana ‘‘ahosi kammaṃ nāhosi kammavipāko, na bhavissati kammavipāko, natthi kammavipāko’’ti imassa tikassa vasena ahosikammaṃ nāma hoti. Atthasādhikā pana sattamajavanacetanā upapajjavedanīyakammaṃ nāma. Taṃ anantare attabhāve vipākaṃ deti. Tathā asakkontaṃ vuttanayeneva ahosikammaṃ nāma hoti. Ubhinnaṃ antare pana pañcajavanacetanā aparapariyāyavedanīyakammaṃ nāma. Taṃ anāgate yadā okāsaṃ labhati, tadā vipākaṃ deti. Sati saṃsārappavattiyā ahosikammaṃ nāma na hoti.
абарамби жад̇уб̣б̣ид̇хам̣ гаммам̣ яаг̇г̇аругам̣ яаб̣б̣ахулам̣ яад̣̇аасаннам̣ гадад̇д̇аа ваа бана гамманд̇и. д̇ад̇т̇а гусалам̣ ваа ход̇у агусалам̣ ваа, г̇аругааг̇аругзсу яам̣ г̇аругам̣ маад̇угхаад̇аад̣̇игаммам̣ ваа махаг̇г̇ад̇агаммам̣ ваа, д̇ад̣̇зва батамам̣ вибажжад̇и. д̇ат̇аа б̣ахулааб̣ахулзсуби яам̣ б̣ахулам̣ ход̇и сусийляам̣ ваа д̣̇уссийляам̣ ваа, д̇ад̣̇зва батамам̣ вибажжад̇и. яад̣̇аасаннам̣ наама маран̣агаалз ануссарид̇агаммам̣ ваа гад̇агаммам̣ ваа. яан̃хи аасаннамаран̣з ануссарид̇ум̣ саггод̇и гаад̇ум̣ ваа, д̇знзва убабаж̇ж̇ад̇и. зд̇зхи бана д̇ийхи муд̇д̇ам̣ бунаббунам̣ лад̣̇д̇хаасзванам̣ гадад̇д̇аа ваа бана гаммам̣ наама ход̇и. д̇зсам̣ абхаавз д̇ам̣ бадисанд̇хим̣ аагад̣дхад̇и.
Aparampi catubbidhaṃ kammaṃ yaggarukaṃ yabbahulaṃ yadāsannaṃ kaṭattā vā pana kammanti. Tattha kusalaṃ vā hotu akusalaṃ vā, garukāgarukesu yaṃ garukaṃ mātughātādikammaṃ vā mahaggatakammaṃ vā, tadeva paṭhamaṃ vipaccati. Tathā bahulābahulesupi yaṃ bahulaṃ hoti susīlyaṃ vā dussīlyaṃ vā, tadeva paṭhamaṃ vipaccati. Yadāsannaṃ nāma maraṇakāle anussaritakammaṃ vā katakammaṃ vā. Yañhi āsannamaraṇe anussarituṃ sakkoti kātuṃ vā, teneva upapajjati. Etehi pana tīhi muttaṃ punappunaṃ laddhāsevanaṃ kaṭattā vā pana kammaṃ nāma hoti. Tesaṃ abhāve taṃ paṭisandhiṃ ākaḍḍhati.
абарам̣ ваа жад̇уб̣б̣ид̇хам̣ гаммам̣ ж̇анагам̣ убад̇т̇амбхагам̣ убабийл̣агам̣ убагхаад̇аганд̇и. д̇ад̇т̇а ж̇анагам̣ наама гусаламби ход̇и агусаламби. д̇ам̣ бадисанд̇хияам̣ бавад̇д̇зби руубааруубавибаагам̣ ж̇анзд̇и. убад̇т̇амбхагам̣ бана ж̇анзд̇ум̣ на саггод̇и, ан̃н̃зна гаммзна д̣̇иннааяа бадисанд̇хияаа ж̇анид̇з вибаагз уббаж̇ж̇анагасукад̣̇угкам̣ убад̇т̇амбхзд̇и, ад̣̇д̇хаанам̣ бавад̇д̇зд̇и. убабийл̣агам̣ ан̃н̃зна гаммзна д̣̇иннааяа бадисанд̇хияаа ж̇анид̇з вибаагз уббаж̇ж̇анагасукад̣̇угкам̣ бийл̣зд̇и б̣аад̇хад̇и, ад̣̇д̇хаанам̣ бавад̇д̇ид̇ум̣ на д̣̇зд̇и. убагхаад̇агам̣ бана гусаламби агусаламби самаанам̣ ан̃н̃ам̣ д̣̇уб̣б̣алагаммам̣ гхаад̇зд̇ваа д̇асса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и. звам̣ бана гаммзна гад̇з огаасз д̇ам̣ вибаагам̣ уббаннам̣ наама вужжад̇и.
Aparaṃ vā catubbidhaṃ kammaṃ janakaṃ upatthambhakaṃ upapīḷakaṃ upaghātakanti. Tattha janakaṃ nāma kusalampi hoti akusalampi. Taṃ paṭisandhiyaṃ pavattepi rūpārūpavipākaṃ janeti. Upatthambhakaṃ pana janetuṃ na sakkoti, aññena kammena dinnāya paṭisandhiyā janite vipāke uppajjanakasukhadukkhaṃ upatthambheti, addhānaṃ pavatteti. Upapīḷakaṃ aññena kammena dinnāya paṭisandhiyā janite vipāke uppajjanakasukhadukkhaṃ pīḷeti bādhati, addhānaṃ pavattituṃ na deti. Upaghātakaṃ pana kusalampi akusalampi samānaṃ aññaṃ dubbalakammaṃ ghātetvā tassa vipākaṃ paṭibāhitvā attano vipākassa okāsaṃ karoti. Evaṃ pana kammena kate okāse taṃ vipākaṃ uppannaṃ nāma vuccati.
ид̇и имзсам̣ д̣̇ваад̣̇асаннам̣ гаммаанам̣ гамманд̇аран̃жа вибааганд̇аран̃жа б̣уд̣̇д̇хаанам̣ гаммавибааган̃аан̣ассзва яаат̇аавасарасад̇о баагадам̣ ход̇и асаад̇хааран̣ам̣ саавагзхи. вибассагзна бана гамманд̇арам̣ вибааганд̇аран̃жа згад̣̇зсад̇о ж̇аанид̇аб̣б̣ам̣. д̇асмаа аяам̣ мукамад̇д̇ад̣̇ассанзна гаммависзсо багаасид̇од̇и.
Iti imesaṃ dvādasannaṃ kammānaṃ kammantarañca vipākantarañca buddhānaṃ kammavipākañāṇasseva yāthāvasarasato pākaṭaṃ hoti asādhāraṇaṃ sāvakehi. Vipassakena pana kammantaraṃ vipākantarañca ekadesato jānitabbaṃ. Tasmā ayaṃ mukhamattadassanena kammaviseso pakāsitoti.
235. звам̣ суд̣̇д̇хигагаммавасзна батамаваарам̣ вад̇ваа д̇ад̣̇зва гаммам̣ д̣̇вид̇хаа вибхаж̇ид̇ваа гусалаагусалаад̣̇ияуг̇алавасзна д̣̇асахи барияааязхи абарз д̣̇аса ваараа вуд̇д̇аа. д̇ад̇т̇а аарог̇яадтзна гусалам̣, анаарог̇яадтзна агусалам̣, ид̣̇ам̣ д̣̇угам̣ ж̇аад̇ивасзна вуд̇д̇ам̣. агусаламзва рааг̇аад̣̇ид̣̇осасам̣яог̇зна сааваж̇ж̇ам̣, гусалам̣ д̇ад̣̇абхаавзна анаваж̇ж̇ам̣. агусалам̣ абарисуд̣̇д̇хад̇д̇аа, ган̣хаабхиж̇аад̇ихзд̇уд̇д̇аа ваа ган̣хам̣, гусалам̣ барисуд̣̇д̇хад̇д̇аа, суггаабхиж̇аад̇ихзд̇уд̇д̇аа ваа суггам̣. гусалам̣ сукавуд̣̇д̇химад̇д̇аа сукуд̣̇раяам̣, агусалам̣ д̣̇угкавуд̣̇д̇химад̇д̇аа д̣̇угкуд̣̇раяам̣. гусалам̣ сукапалавад̇д̇аа сукавибаагам̣, агусалам̣ д̣̇угкапалавад̇д̇аа д̣̇угкавибааганд̇и звамзд̇зсам̣ наанаагааро взд̣̇ид̇аб̣б̣од̇и.
235. Evaṃ suddhikakammavasena paṭhamavāraṃ vatvā tadeva kammaṃ dvidhā vibhajitvā kusalākusalādiyugalavasena dasahi pariyāyehi apare dasa vārā vuttā. Tattha ārogyaṭṭhena kusalaṃ, anārogyaṭṭhena akusalaṃ, idaṃ dukaṃ jātivasena vuttaṃ. Akusalameva rāgādidosasaṃyogena sāvajjaṃ, kusalaṃ tadabhāvena anavajjaṃ. Akusalaṃ aparisuddhattā, kaṇhābhijātihetuttā vā kaṇhaṃ, kusalaṃ parisuddhattā, sukkābhijātihetuttā vā sukkaṃ. Kusalaṃ sukhavuddhimattā sukhudrayaṃ, akusalaṃ dukkhavuddhimattā dukkhudrayaṃ. Kusalaṃ sukhaphalavattā sukhavipākaṃ, akusalaṃ dukkhaphalavattā dukkhavipākanti evametesaṃ nānākāro veditabboti.
гаммагат̇ааван̣н̣анаа нидтид̇аа.
Kammakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 7. гаммагат̇аа • 7. Kammakathā
