| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
гаммагат̇ааван̣н̣анаа
Kammakathāvaṇṇanā
жзд̇аяид̇ваа гаммам̣ гарод̇ийд̇и зд̇т̇а яасмаа буримажзд̇анааяа жзд̇аяид̇ваа саннидтаанагаммам̣ гарод̇и, д̇асмаа жзд̇анаабуб̣б̣агам̣ гаммам̣ д̇ам̣жзд̇анаасабхаавамзваад̇и жзд̇анам̣ ахам̣ гаммам̣ вад̣̇аамийд̇и ад̇т̇о. ат̇а ваа самаанагаалад̇д̇зби гааран̣агирияаа буб̣б̣агаалаа вияа вад̇д̇ум̣ яуд̇д̇аа, палагирияаа жа абарагаалаа вияа. яасмаа жа жзд̇анааяа жзд̇аяид̇ваа гааяаваажаахи жобанагирияам̣ манасаа жа абхиж̇жхаад̣̇игирияам̣ гарод̇и, д̇асмаа д̇ассаа гирияааяа гааригам̣ жзд̇анам̣ ахам̣ гаммам̣ вад̣̇аамийд̇и ад̇т̇о. гааяз ваад̇и гааяавин̃н̃ад̇д̇исан̇каад̇з гааяз ваа. сад̇ийд̇и д̇харамаанз, анирод̇хид̇з ваа. гааяасамудтаабигаа жзд̇анаа гааяасан̃жзд̇анаа. зд̇т̇а жа сукад̣̇угкуббаад̣̇агзна гаммзна бхавид̇аб̣б̣ам̣, жзд̇анаа жа сукад̣̇угкуббаад̣̇игаа вуд̇д̇аад̇и д̇ассаа гаммабхааво сид̣̇д̇хо ход̇и. сан̃жзд̇анияанд̇и сан̃жзд̇анасабхаававанд̇ам̣. самид̣̇д̇хид̇т̇зрзна ‘‘сан̃жзд̇анияам̣, аавусо…бз… манасаа сукам̣ со взд̣̇аяад̇ий’’д̇и (ма. ни. 3.300; гат̇аа. 539) авибхаж̇ид̇ваа б̣яаагад̇о. сукавзд̣̇анийяанд̇иаад̣̇инаа бана вибхаж̇ид̇ваа б̣яаагаад̇аб̣б̣о со бан̃хо, д̇асмаа саммаа б̣яаагад̇о наама на ход̇и. ид̇арад̣̇ваязби зсзва наяо. яат̇аа бана суд̇д̇аани тид̇аани, д̇ат̇аа жобанагирияааниссаяабхууд̇аа гааяаваажаа абхиж̇жхаад̣̇игирияааниссаяо жа манод̣̇ваараани, яааяа бана жзд̇анааяа д̇зхи гааяаад̣̇ийхи гаран̣абхууд̇зхи жобанаабхиж̇жхаад̣̇игирияам̣ гаронд̇и ваасиаад̣̇ийхи вияа чзд̣̇анаад̣̇им̣, саа жзд̇анаа гамманд̇и д̣̇ваараббавад̇д̇ияамби гаммад̣̇ваараабхзд̣̇анан̃жа гаммад̣̇ваарававад̇т̇аанан̃жа д̣̇иссад̇и, зван̃жа сад̇и ‘‘гааязна жз гад̇ам̣ гамма’’нд̇иаад̣̇иг̇аат̇ааяо (д̇ха. са. адта. 1 гааяагаммад̣̇ваара) ад̇ивияа яуж̇ж̇анд̇и.
Cetayitvākammaṃ karotīti ettha yasmā purimacetanāya cetayitvā sanniṭṭhānakammaṃ karoti, tasmā cetanāpubbakaṃ kammaṃ taṃcetanāsabhāvamevāti cetanaṃ ahaṃ kammaṃ vadāmīti attho. Atha vā samānakālattepi kāraṇakiriyā pubbakālā viya vattuṃ yuttā, phalakiriyā ca aparakālā viya. Yasmā ca cetanāya cetayitvā kāyavācāhi copanakiriyaṃ manasā ca abhijjhādikiriyaṃ karoti, tasmā tassā kiriyāya kārikaṃ cetanaṃ ahaṃ kammaṃ vadāmīti attho. Kāye vāti kāyaviññattisaṅkhāte kāye vā. Satīti dharamāne, anirodhite vā. Kāyasamuṭṭhāpikā cetanā kāyasañcetanā. Ettha ca sukhadukkhuppādakena kammena bhavitabbaṃ, cetanā ca sukhadukkhuppādikā vuttāti tassā kammabhāvo siddho hoti. Sañcetaniyanti sañcetanasabhāvavantaṃ. Samiddhittherena ‘‘sañcetaniyaṃ, āvuso…pe… manasā sukhaṃ so vedayatī’’ti (ma. ni. 3.300; kathā. 539) avibhajitvā byākato. Sukhavedanīyantiādinā pana vibhajitvā byākātabbo so pañho, tasmā sammā byākato nāma na hoti. Itaradvayepi eseva nayo. Yathā pana suttāni ṭhitāni, tathā copanakiriyānissayabhūtā kāyavācā abhijjhādikiriyānissayo ca manodvārāni, yāya pana cetanāya tehi kāyādīhi karaṇabhūtehi copanābhijjhādikiriyaṃ karonti vāsiādīhi viya chedanādiṃ, sā cetanā kammanti dvārappavattiyampi kammadvārābhedanañca kammadvāravavatthānañca dissati, evañca sati ‘‘kāyena ce kataṃ kamma’’ntiādigāthāyo (dha. sa. aṭṭha. 1 kāyakammadvāra) ativiya yujjanti.
логуд̇д̇арамаг̇г̇о ид̇ха логияагаммагат̇ааяам̣ анад̇хиббзд̇оби бхаж̇аабияамаано д̇ийн̣и гаммаани бхаж̇ад̇и. манзна д̣̇уссийляанд̇и гааяигаваажасигавийд̇иггамаваж̇ж̇ам̣ саб̣б̣ам̣ агусалам̣ сан̇г̇ан̣хаад̇и, мижчаад̣̇идтисан̇габбавааяаамасад̇исамаад̇хим̣ ваа. д̇амби жзд̇ам̣ ‘‘манасаа сам̣варо саад̇хуу’’д̇и (сам̣. ни. 1.116; д̇ха. ба. 361) вуд̇д̇асса сам̣варасса бадибагкавасзна вуд̇д̇ам̣, на сийлавибад̇д̇ивасзна. на хи саа маанасигаа ад̇т̇ийд̇и маг̇г̇ассзва бхаж̇аабанам̣ махаависаяад̇д̇аа. б̣ож̇жхан̇г̇аа хи маногаммамзва бхаж̇зяяум̣, на жа на саггаа маг̇г̇абхаж̇аабанзнзва д̇зсам̣ бхаж̇аабанам̣ вин̃н̃аад̇унд̇и.
Lokuttaramaggo idha lokiyakammakathāyaṃ anadhippetopi bhajāpiyamāno tīṇi kammāni bhajati. Manena dussīlyanti kāyikavācasikavītikkamavajjaṃ sabbaṃ akusalaṃ saṅgaṇhāti, micchādiṭṭhisaṅkappavāyāmasatisamādhiṃ vā. Tampi cetaṃ ‘‘manasā saṃvaro sādhū’’ti (saṃ. ni. 1.116; dha. pa. 361) vuttassa saṃvarassa paṭipakkhavasena vuttaṃ, na sīlavipattivasena. Na hi sā mānasikā atthīti maggasseva bhajāpanaṃ mahāvisayattā. Bojjhaṅgā hi manokammameva bhajeyyuṃ, na ca na sakkā maggabhajāpaneneva tesaṃ bhajāpanaṃ viññātunti.
гаммабат̇ам̣ аббад̇д̇аанамби д̇ам̣д̇ам̣д̣̇ваарз сам̣санд̣̇анам̣ аварод̇ханам̣ д̣̇вааранд̇арз гамманд̇аруббад̇д̇ияамби гаммад̣̇ваараабхзд̣̇анан̃жа д̣̇ваарасам̣санд̣̇анам̣ наама. ‘‘д̇ивид̇хаа, бхигкавз, гааяасан̃жзд̇анаа агусалам̣ гааяагамма’’нд̇иаад̣̇инаа (гат̇аа. 539) гаммабат̇аббад̇д̇аава саннидтаабагажзд̇анаа гамманд̇и вуд̇д̇аад̇и буримажзд̇анаа саб̣б̣аа гааяагаммам̣ на ход̇ийд̇и вуд̇д̇ам̣. аан̣аабзд̇ваа…бз… алабханд̇ассаад̇и аан̣ад̇д̇зхи амаарид̇абхаавам̣ санд̇хааяа вуд̇д̇ам̣, важийд̣̇ужжарид̇ам̣ наама ход̇и агаммабат̇абхаавад̇од̇и ад̇хиббааяо. ‘‘имз сад̇д̇аа хан̃н̃анд̇уу’’д̇и бавад̇д̇аб̣яаабаад̣̇авасзна жзд̇анаабагкигаа ваа бхаванд̇и гааяагаммавохааралаабхаа. аб̣б̣охааригаа ваа маногаммавохааравирахаа. сасамбхаарабат̇авийаад̣̇ийсу аабаад̣̇аяо зд̇т̇а нид̣̇ассанам̣.
Kammapathaṃ appattānampi taṃtaṃdvāre saṃsandanaṃ avarodhanaṃ dvārantare kammantaruppattiyampi kammadvārābhedanañca dvārasaṃsandanaṃ nāma. ‘‘Tividhā, bhikkhave, kāyasañcetanā akusalaṃ kāyakamma’’ntiādinā (kathā. 539) kammapathappattāva sanniṭṭhāpakacetanā kammanti vuttāti purimacetanā sabbā kāyakammaṃ na hotīti vuttaṃ. Āṇāpetvā…pe… alabhantassāti āṇattehi amāritabhāvaṃ sandhāya vuttaṃ, vacīduccaritaṃ nāma hoti akammapathabhāvatoti adhippāyo. ‘‘Ime sattā haññantū’’ti pavattabyāpādavasena cetanāpakkhikā vā bhavanti kāyakammavohāralābhā. Abbohārikā vā manokammavohāravirahā. Sasambhārapathavīādīsu āpādayo ettha nidassanaṃ.
гулумб̣ассаад̇и г̇аб̣бхасса, гулассзва ваа. д̇иссоби сан̇г̇ийд̇ияо аарул̣хад̇ааяа анануж̇аананад̇о ‘‘д̇ава суд̇д̇ассаа’’д̇и вуд̇д̇ам̣. д̣̇асавид̇хаа ид̣̇д̇хи бадисамбхид̣̇аамаг̇г̇з ид̣̇д̇хигат̇ааяа г̇ахзд̇аб̣б̣аа. бхааванаамаяанд̇и ад̇хидтаанид̣̇д̇хим̣ санд̇хааяа вад̣̇ад̇и. гхадабхзд̣̇о вияа баруубагхаад̇о, уд̣̇агавинаасо вияа ид̣̇д̇хивинаасо жа ход̇ийд̇и убамаа сам̣санд̣̇ад̇и. д̇ава бан̃ход̇и бхааванаамаяааяа баруубагхаад̇о ход̇ийд̇и вуд̇д̇о н̃аабзд̇ум̣ ижчид̇о ад̇т̇о. аат̇аб̣б̣ан̣ид̣̇д̇хи виж̇ж̇аамаяид̣̇д̇хи ход̇и. сад̇д̇амз бад̣̇зд̇и ман̣д̣алаад̣̇ид̇о сад̇д̇амз бад̣̇з.
Kulumbassāti gabbhassa, kulasseva vā. Tissopi saṅgītiyo āruḷhatāya ananujānanato ‘‘tava suttassā’’ti vuttaṃ. Dasavidhā iddhi paṭisambhidāmagge iddhikathāya gahetabbā. Bhāvanāmayanti adhiṭṭhāniddhiṃ sandhāya vadati. Ghaṭabhedo viya parūpaghāto, udakavināso viya iddhivināso ca hotīti upamā saṃsandati. Tava pañhoti bhāvanāmayāya parūpaghāto hotīti vutto ñāpetuṃ icchito attho. Āthabbaṇiddhi vijjāmayiddhi hoti. Sattame padeti maṇḍalādito sattame pade.
важананд̇арзна г̇амзд̇аб̣б̣ад̇т̇ам̣ нзяяад̇т̇ам̣, саяамзва г̇амид̇аб̣б̣ад̇т̇ам̣ нийд̇ад̇т̇ам̣. гирияад̇о самудтаад̇и, уд̣̇ааху агирияад̇од̇и д̇знаад̇хиббзд̇ам̣ самбаж̇аанамусааваад̣̇ам̣ санд̇хааяа бужчад̇и, на убосат̇агканд̇хагз вуд̇д̇ам̣. д̇ад̇т̇а авуд̇д̇амзва хи со анарияавохаарам̣ вуд̇д̇анд̇и г̇ахзд̇ваа вохарад̇ийд̇и. ваажааг̇иранд̇и ваажаасан̇каад̇ам̣ г̇ирам̣, ваажаанужжааран̣ам̣ ваа.
Vacanantarena gametabbatthaṃ neyyatthaṃ, sayameva gamitabbatthaṃ nītatthaṃ. Kiriyato samuṭṭhāti, udāhu akiriyatoti tenādhippetaṃ sampajānamusāvādaṃ sandhāya pucchati, na uposathakkhandhake vuttaṃ. Tattha avuttameva hi so anariyavohāraṃ vuttanti gahetvā voharatīti. Vācāgiranti vācāsaṅkhātaṃ giraṃ, vācānuccāraṇaṃ vā.
канд̣̇асиваад̣̇аяо сздтаад̇и канд̣̇аад̇и гумаараа. сиваад̇и махзссараа, мижчаад̣̇идтияаа нид̣̇ассанад̇т̇амид̣̇ам̣ вуд̇д̇анд̇и д̣̇адтаб̣б̣ам̣. над̇т̇игад̣̇идтаад̣̇аяо зва хи гаммабат̇аббад̇д̇аа гамманд̇и. жзд̇анаа банзд̇т̇а аб̣б̣охааригаад̇и гааяад̣̇ваарз важийд̣̇ваарз жа самудтид̇ааби гааяагаммам̣ важийгамманд̇и жа вохаарам̣ на лабхад̇и абхиж̇жхаад̣̇иббад̇хаанад̇д̇аа. ‘‘д̇ивид̇хаа, бхигкавз, маносан̃жзд̇анаа агусалам̣ маногамма’’нд̇и бана важанад̇о сабхаавзнзва саа маногаммам̣, на абхиж̇жхаад̣̇ибагкигад̇д̇аад̇и ‘‘абхиж̇жхаад̣̇ибагкигааваа’’д̇и на вуд̇д̇ам̣. имасмим̣ бана таанз гааяан̇г̇аваажан̇г̇аани ажобзд̇ваа жинд̇анагаалз жзд̇анааби жзд̇анаасамбаяуд̇д̇ад̇хаммааби манод̣̇ваарз зва самудтаханд̇и, д̇асмаа жзд̇анааяа аб̣б̣охааригабхааво гат̇ан̃жи над̇т̇ийд̇и ад̇хиббааяо.
Khandasivādayo seṭṭhāti khandāti kumārā. Sivāti mahessarā, micchādiṭṭhiyā nidassanatthamidaṃ vuttanti daṭṭhabbaṃ. Natthikadiṭṭhādayo eva hi kammapathappattā kammanti. Cetanā panettha abbohārikāti kāyadvāre vacīdvāre ca samuṭṭhitāpi kāyakammaṃ vacīkammanti ca vohāraṃ na labhati abhijjhādippadhānattā. ‘‘Tividhā, bhikkhave, manosañcetanā akusalaṃ manokamma’’nti pana vacanato sabhāveneva sā manokammaṃ, na abhijjhādipakkhikattāti ‘‘abhijjhādipakkhikāvā’’ti na vuttaṃ. Imasmiṃ pana ṭhāne kāyaṅgavācaṅgāni acopetvā cintanakāle cetanāpi cetanāsampayuttadhammāpi manodvāre eva samuṭṭhahanti, tasmā cetanāya abbohārikabhāvo kathañci natthīti adhippāyo.
‘‘д̇ивид̇хаа , бхигкавз, гааяасан̃жзд̇анаа гусалам̣ гааяагамма’’нд̇иаад̣̇иважанад̇о (гат̇аа. 539) баан̣аад̇ибаад̇аад̣̇ибадибагкабхууд̇аа д̇аб̣б̣ирад̇ивисидтаа жзд̇анаава баан̣аад̇ибаад̇авирад̇иаад̣̇игаа хонд̇ийд̇и ‘‘жзд̇анаабагкигаа ваа’’д̇и вуд̇д̇ам̣, на ‘‘вирад̇ибагкигаа’’д̇и. рагкад̇ийд̇и авинаасзд̇ваа гат̇зд̇и. бхинд̣̇ад̇ийд̇и винаасзд̇ваа гат̇зд̇и.
‘‘Tividhā , bhikkhave, kāyasañcetanā kusalaṃ kāyakamma’’ntiādivacanato (kathā. 539) pāṇātipātādipaṭipakkhabhūtā tabbirativisiṭṭhā cetanāva pāṇātipātaviratiādikā hontīti ‘‘cetanāpakkhikā vā’’ti vuttaṃ, na ‘‘viratipakkhikā’’ti. Rakkhatīti avināsetvā katheti. Bhindatīti vināsetvā katheti.
гаммагат̇ааван̣н̣анаа нидтид̇аа.
Kammakathāvaṇṇanā niṭṭhitā.
жагкувин̃н̃аан̣ад̣̇вааранд̇и жагкувин̃н̃аан̣асса д̣̇ваарам̣. жагку жа д̇ам̣ вин̃н̃аан̣ад̣̇вааран̃жаад̇и ваа жагкувин̃н̃аан̣ад̣̇ваарам̣. жагку вин̃н̃аан̣ад̣̇вааранд̇и ваа асамаасанид̣̇д̣̇зсо. д̇ам̣ бана жагкумзва. зса наяо сзсзсуби. ‘‘жагкунаа сам̣варо саад̇хуу’’д̇иаад̣̇игааяа (д̇ха. ба. 360) г̇аат̇ааяа басаад̣̇агааяажобанагааяасам̣варз згаж̇жхам̣ гад̇ваа гааязна сам̣варо вуд̇д̇о, д̇ам̣ ид̇ха бхинд̣̇ид̇ваа адта сам̣вараа, д̇аббадибагкабхаавзна асам̣вараа адта гат̇ид̇аа. сийласам̣вараад̣̇аяоби бан̃жзва сам̣вараа саб̣б̣ад̣̇ваарзсу уббаж̇ж̇амаанааби, д̇аббадибагкабхаавзна д̣̇уссийляаад̣̇ийни асам̣вараад̇и вуд̇д̇аани. д̇ад̇т̇а д̣̇уссийляам̣ баан̣аад̇ибаад̇аад̣̇ижзд̇анаа. мудтассажжам̣ сад̇ибадибагкаа агусалаа д̇хаммаа. бамаад̣̇анд̇и гзжи. сийд̇аад̣̇ийсу бадигхо агканд̇и. т̇инамид̣̇д̇хам̣ госаж̇ж̇ам̣.
Cakkhuviññāṇadvāranti cakkhuviññāṇassa dvāraṃ. Cakkhu ca taṃ viññāṇadvārañcāti vā cakkhuviññāṇadvāraṃ. Cakkhu viññāṇadvāranti vā asamāsaniddeso. Taṃ pana cakkhumeva. Esa nayo sesesupi. ‘‘Cakkhunā saṃvaro sādhū’’tiādikāya (dha. pa. 360) gāthāya pasādakāyacopanakāyasaṃvare ekajjhaṃ katvā kāyena saṃvaro vutto, taṃ idha bhinditvā aṭṭha saṃvarā, tappaṭipakkhabhāvena asaṃvarā aṭṭha kathitā. Sīlasaṃvarādayopi pañceva saṃvarā sabbadvāresu uppajjamānāpi, tappaṭipakkhabhāvena dussīlyādīni asaṃvarāti vuttāni. Tattha dussīlyaṃ pāṇātipātādicetanā. Muṭṭhassaccaṃ satipaṭipakkhā akusalā dhammā. Pamādanti keci. Sītādīsu paṭigho akkhanti. Thinamiddhaṃ kosajjaṃ.
винаа важийд̣̇ваарзна суд̣̇д̇хам̣ гааяад̣̇ваарасан̇каад̇анд̇и ид̣̇ам̣ важийд̣̇ваарасаллагкид̇асса мусааваад̣̇аад̣̇иноби гааяад̣̇ваарз бавад̇д̇исаб̣бхааваа асуд̣̇д̇хад̇аа ад̇т̇ийд̇и д̇ам̣нивааран̣ад̇т̇ам̣ вуд̇д̇ам̣. на хи д̇ам̣ гааяагаммам̣ ход̇и. суд̣̇д̇хаважийд̣̇вааробалагкид̇ам̣ бана важийгаммамзва ход̇ийд̇и. зд̇т̇а асам̣варод̇и зд̇зна суд̣̇д̇хагааяад̣̇ваарзна убалагкид̇о асам̣варо д̣̇вааранд̇арз уббаж̇ж̇амааноби вуд̇д̇о. д̣̇вааранд̇араанубалагкид̇ам̣ саб̣б̣ам̣ д̇ам̣д̣̇вааригаагусалан̃жзд̇и взд̣̇ид̇аб̣б̣ам̣. зван̃жа гад̇ваа гаммабат̇асам̣санд̣̇анз ‘‘жобанагааяаасам̣варад̣̇вааравасзна уббаж̇ж̇амаано асам̣варо агусалам̣ гааяагаммамзва ход̇ий’’д̇иаад̣̇и ‘‘агусалам̣ гааяагаммам̣ жобанагааяаасам̣варад̣̇вааравасзна важийасам̣варавасзна жа уббаж̇ж̇ад̇ий’’д̇иаад̣̇инаа саха авируд̣̇д̇хам̣ ход̇и. асам̣варо хи д̣̇вааранд̇арз уббаж̇ж̇амааноби сад̣̇ваарз зваад̇и вужжад̇и, сад̣̇вааравасзна уббаннод̇и жа, гаммам̣ ан̃н̃ад̣̇ваарз ан̃н̃ад̣̇вааравасзна жаад̇и звам̣ авируд̣̇д̇хам̣.
Vinā vacīdvārena suddhaṃ kāyadvārasaṅkhātanti idaṃ vacīdvārasallakkhitassa musāvādādinopi kāyadvāre pavattisabbhāvā asuddhatā atthīti taṃnivāraṇatthaṃ vuttaṃ. Na hi taṃ kāyakammaṃ hoti. Suddhavacīdvāropalakkhitaṃ pana vacīkammameva hotīti. Ettha asaṃvaroti etena suddhakāyadvārena upalakkhito asaṃvaro dvārantare uppajjamānopi vutto. Dvārantarānupalakkhitaṃ sabbaṃ taṃdvārikākusalañceti veditabbaṃ. Evañca katvā kammapathasaṃsandane ‘‘copanakāyaasaṃvaradvāravasena uppajjamāno asaṃvaro akusalaṃ kāyakammameva hotī’’tiādi ‘‘akusalaṃ kāyakammaṃ copanakāyaasaṃvaradvāravasena vacīasaṃvaravasena ca uppajjatī’’tiādinā saha aviruddhaṃ hoti. Asaṃvaro hi dvārantare uppajjamānopi sadvāre evāti vuccati, sadvāravasena uppannoti ca, kammaṃ aññadvāre aññadvāravasena cāti evaṃ aviruddhaṃ.
ат̇а ваа зд̇т̇аад̇и суд̣̇д̇хам̣ асуд̣̇д̇ханд̇и зд̇ам̣ авижаарзд̇ваа зд̇асмим̣ жобанзд̇и вуд̇д̇ам̣ ход̇и. звам̣ сад̇и д̣̇вааранд̇аробалагкид̇ам̣ гаммабат̇абхааваббад̇д̇ад̇ааяа важийманогаммам̣ жобанагааяаасам̣варад̣̇ваарз уббаннам̣, сзсам̣ саб̣б̣ам̣ д̇ам̣д̣̇вааруббаннаагусалам̣ вияа ‘‘жобанагааяаасам̣варо’’д̇и вужжад̇и. гаммабат̇абхааваббад̇д̇ияаа д̣̇вааранд̇аруббаннам̣ гааяагамман̃жа д̇ат̇аа на вужжад̇ийд̇и гаммабат̇асам̣санд̣̇анавирод̇хо сияаа, д̇ад̣̇авирод̇хам̣ д̇ад̇т̇зва вагкаама. сийласам̣вараад̣̇аяо бан̃жа нигкзбаган̣д̣з аави бхависсанд̇и. д̇ад̇т̇а н̃аан̣асам̣варз бажжаяасанниссид̇асийласса, вийрияасам̣варз жа ааж̇ийвабаарисуд̣̇д̇хияаа анд̇ог̇ад̇хад̇аа д̣̇адтаб̣б̣аа.
Atha vā etthāti suddhaṃ asuddhanti etaṃ avicāretvā etasmiṃ copaneti vuttaṃ hoti. Evaṃ sati dvārantaropalakkhitaṃ kammapathabhāvappattatāya vacīmanokammaṃ copanakāyaasaṃvaradvāre uppannaṃ, sesaṃ sabbaṃ taṃdvāruppannākusalaṃ viya ‘‘copanakāyaasaṃvaro’’ti vuccati. Kammapathabhāvappattiyā dvārantaruppannaṃ kāyakammañca tathā na vuccatīti kammapathasaṃsandanavirodho siyā, tadavirodhaṃ tattheva vakkhāma. Sīlasaṃvarādayo pañca nikkhepakaṇḍe āvi bhavissanti. Tattha ñāṇasaṃvare paccayasannissitasīlassa, vīriyasaṃvare ca ājīvapārisuddhiyā antogadhatā daṭṭhabbā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / гаммагат̇ааван̣н̣анаа • Kammakathāvaṇṇanā
