| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
гаммагат̇ааван̣н̣анаа
Kammakathāvaṇṇanā
самаанагаалааби гааран̣апалагирияаа буб̣б̣аабарагаалаа вияа вад̇д̇ум̣ яуд̇д̇ааязва. сзяяат̇ааби бадижжасамуббаад̣̇з ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и д̣̇ассзд̇ум̣ ‘‘ат̇а ваа’’д̇иаад̣̇имааха. жобанагирияанд̇и вин̃н̃ад̇д̇ид̣̇ваяам̣ ааха. д̇ассаа хи жид̇д̇асамудтаанагааяасад̣̇д̣̇аваажаахи гааяаважийвин̃н̃ад̇д̇ийхи зва ваа буримабуримаахи бавад̇д̇зд̇аб̣б̣ад̇д̇аа ‘‘гааяаваажаахи жобанагирияам̣ гарод̇ий’’д̇и вуд̇д̇ам̣ д̇аб̣б̣игаараанам̣ бхууд̇аанам̣ д̇ат̇аабавад̇д̇анад̇о. ат̇а ваа гааяаваажаахийд̇и гааяаважийвин̃н̃ад̇д̇ийхи . жобанагирияанд̇и руубагааяасса т̇амбханажаланагирияам̣ убаад̣̇иннагагхадданагирияан̃жа. зсаа хи гирияаа ‘‘руубагааяам̣ т̇амбхзд̇ум̣ жаалзд̇ум̣ бажжаяо бхавид̇ум̣ самад̇т̇о’’д̇и, ‘‘убаад̣̇иннагагхадданасса бажжаяабхууд̇о’’д̇и жа вуд̇д̇ад̇д̇аа гааяаважийвин̃н̃ад̇д̇ийхи нибпаж̇ж̇ад̇ийд̇и. зван̃жа гад̇ваа ‘‘жобанагирияааниссаяабхууд̇аа гааяаваажаа’’д̇и, ‘‘гааяаад̣̇ийхи гаран̣абхууд̇зхи жобанаабхиж̇жхаад̣̇игирияам̣ гаронд̇и ваасиаад̣̇ийхи вияа чзд̣̇анаад̣̇и’’нд̇и жа ид̣̇амби важанам̣ самад̇т̇ид̇ам̣ бхавад̇и. на гзвалам̣ д̇харамаанад̇аава саб̣бхааво, ат̇а ко маг̇г̇зна асамужчиннад̇аабийд̇и д̣̇ассзнд̇о ‘‘анирод̇хид̇зваа’’д̇и ааха. асамужчиннад̇аа жа гааяаад̣̇ийнам̣ д̇ад̣̇убаниссаяагилзсаасамужчзд̣̇знзваад̇и д̣̇адтаб̣б̣ам̣. ‘‘гааяаад̣̇ийхи гаран̣абхууд̇зхи жобанаабхиж̇жхаад̣̇игирияам̣ гаронд̇ий’’д̇и зд̇зна жобанаабхиж̇жхаад̣̇игирияааниб̣б̣ад̇д̇ид̣̇ваарзна жзд̇анааниб̣б̣ад̇д̇иязва вуд̇д̇аад̇и иминаа ад̇хиббааязна ‘‘зван̃жа…бз… яуж̇ж̇анд̇ий’’д̇и ааха. зван̃жа гад̇ваа гааяз сад̇и ваажааяа сад̇ийд̇иаад̣̇иважанам̣ ануломид̇ам̣ ход̇и. яааяа жзд̇анааяаад̇и гаран̣анид̣̇д̣̇зсо бана гааяаад̣̇ийнам̣ жобанаабхиж̇жхаад̣̇игирияааяа жа жзд̇анаахзд̇угад̇д̇ад̣̇ассанад̇т̇ам̣ вуд̇д̇од̇и.
Samānakālāpi kāraṇaphalakiriyā pubbāparakālā viya vattuṃ yuttāyeva. Seyyathāpi paṭiccasamuppāde ‘‘cakkhuñca paṭicca rūpe ca uppajjati cakkhuviññāṇa’’nti dassetuṃ ‘‘atha vā’’tiādimāha. Copanakiriyanti viññattidvayaṃ āha. Tassā hi cittasamuṭṭhānakāyasaddavācāhi kāyavacīviññattīhi eva vā purimapurimāhi pavattetabbattā ‘‘kāyavācāhi copanakiriyaṃ karotī’’ti vuttaṃ tabbikārānaṃ bhūtānaṃ tathāpavattanato. Atha vā kāyavācāhīti kāyavacīviññattīhi . Copanakiriyanti rūpakāyassa thambhanacalanakiriyaṃ upādinnakaghaṭṭanakiriyañca. Esā hi kiriyā ‘‘rūpakāyaṃ thambhetuṃ cāletuṃ paccayo bhavituṃ samattho’’ti, ‘‘upādinnakaghaṭṭanassa paccayabhūto’’ti ca vuttattā kāyavacīviññattīhi nipphajjatīti. Evañca katvā ‘‘copanakiriyānissayabhūtā kāyavācā’’ti, ‘‘kāyādīhi karaṇabhūtehi copanābhijjhādikiriyaṃ karonti vāsiādīhi viya chedanādi’’nti ca idampi vacanaṃ samatthitaṃ bhavati. Na kevalaṃ dharamānatāva sabbhāvo, atha kho maggena asamucchinnatāpīti dassento ‘‘anirodhitevā’’ti āha. Asamucchinnatā ca kāyādīnaṃ tadupanissayakilesāsamucchedenevāti daṭṭhabbaṃ. ‘‘Kāyādīhi karaṇabhūtehi copanābhijjhādikiriyaṃ karontī’’ti etena copanābhijjhādikiriyānibbattidvārena cetanānibbattiyeva vuttāti iminā adhippāyena ‘‘evañca…pe… yujjantī’’ti āha. Evañca katvā kāye sati vācāya satītiādivacanaṃ anulomitaṃ hoti. Yāya cetanāyāti karaṇaniddeso pana kāyādīnaṃ copanābhijjhādikiriyāya ca cetanāhetukattadassanatthaṃ vuttoti.
сабхаавад̇о убагаарагад̇о маг̇г̇з сад̇и саб̣бхаавад̇о жа б̣ож̇жхан̇г̇аа маг̇г̇з анд̇ог̇ад̇хаад̇и ааха ‘‘на жа на саггаа’’д̇иаад̣̇и.
Sabhāvato upakārakato magge sati sabbhāvato ca bojjhaṅgā magge antogadhāti āha ‘‘na ca na sakkā’’tiādi.
гаммабат̇ам̣ аббад̇д̇аанамби д̇ам̣д̇ам̣д̣̇ваарз сам̣санд̣̇ананд̇и яат̇аа гаммабат̇ам̣ бад̇д̇аанам̣, звам̣ гаммабат̇ам̣ аббад̇д̇аанамби сад̇иби д̣̇вааранд̇аруббад̇д̇ияам̣ яат̇аасагам̣ д̣̇ваарзхзва наамаг̇г̇ахан̣анд̇и вад̣̇анд̇и, звам̣ сад̇и адтагат̇ааяа вирод̇хо. д̣̇уд̇ияад̇т̇асса жа абхааво сияаа, д̇асмаа д̇ам̣д̇ам̣д̣̇ваарз сам̣санд̣̇ананд̇и яасмим̣ яасмим̣ д̣̇ваарз гаммабат̇ам̣ аббад̇д̇аа агусалажзд̇анаад̣̇аяо бавад̇д̇аа, д̇аасам̣ д̇зна д̇знзва д̣̇ваарзна наамаг̇г̇ахан̣ам̣. д̇ам̣ бана д̇ам̣д̇ам̣д̣̇ваарабагкигабхаавагаран̣ад̇о д̇ад̇т̇а аварод̇хананд̇и вуд̇д̇ам̣. яат̇аа хи гаммабат̇ам̣ бад̇д̇аа гааяагаммаад̣̇исан̇каад̇аа жзд̇анаа д̣̇вааранд̇арз уббаннааби гааяагаммаад̣̇инаамамзва лабханд̇и, на звам̣ гаммабат̇ам̣ аббад̇д̇аа. д̇аа бана яад̇т̇а яад̇т̇а д̣̇ваарз уббаж̇ж̇анд̇и, д̇зна д̇знзва д̣̇ваарзна гааяад̣̇ужжарид̇ам̣ важийд̣̇ужжарид̇анд̇иаад̣̇инаамам̣ лабханд̇и. звам̣ наамаг̇г̇ахан̣амзва хи д̇зсам̣ д̇ам̣д̇ам̣д̣̇ваарабагкигагаран̣ам̣ вуд̇д̇ам̣. д̇знзва хи адтагат̇ааяам̣ ‘‘гин̃жааби важийд̣̇ваарз жобанаббад̇д̇ам̣ гаммабат̇ам̣, аббад̇д̇ад̇ааяа бана гааяагаммам̣ на ход̇и, гзвалам̣ важийд̣̇ужжарид̇ам̣ наама ход̇ий’’д̇и вуд̇д̇ам̣.
Kammapathaṃ appattānampi taṃtaṃdvāre saṃsandananti yathā kammapathaṃ pattānaṃ, evaṃ kammapathaṃ appattānampi satipi dvārantaruppattiyaṃ yathāsakaṃ dvāreheva nāmaggahaṇanti vadanti, evaṃ sati aṭṭhakathāya virodho. Dutiyatthassa ca abhāvo siyā, tasmā taṃtaṃdvāre saṃsandananti yasmiṃ yasmiṃ dvāre kammapathaṃ appattā akusalacetanādayo pavattā, tāsaṃ tena teneva dvārena nāmaggahaṇaṃ. Taṃ pana taṃtaṃdvārapakkhikabhāvakaraṇato tattha avarodhananti vuttaṃ. Yathā hi kammapathaṃ pattā kāyakammādisaṅkhātā cetanā dvārantare uppannāpi kāyakammādināmameva labhanti, na evaṃ kammapathaṃ appattā. Tā pana yattha yattha dvāre uppajjanti, tena teneva dvārena kāyaduccaritaṃ vacīduccaritantiādināmaṃ labhanti. Evaṃ nāmaggahaṇameva hi tesaṃ taṃtaṃdvārapakkhikakaraṇaṃ vuttaṃ. Teneva hi aṭṭhakathāyaṃ ‘‘kiñcāpi vacīdvāre copanappattaṃ kammapathaṃ, appattatāya pana kāyakammaṃ na hoti, kevalaṃ vacīduccaritaṃ nāma hotī’’ti vuttaṃ.
сад̇иби баан̣аад̇ибаад̇аад̣̇ижзд̇анааяа важийд̣̇ваараад̣̇ийсу бавад̇д̇ияам̣ яат̇аавуд̇д̇аязбхуяяад̇аб̣б̣ахулавуд̇д̇ияаа гааяагаммаад̣̇ибхаавававад̇т̇аабанам̣ гааяаад̣̇игасса д̇ам̣д̇ам̣д̣̇ваарабхаавававад̇т̇аабанан̃жа гаммад̣̇ваараабхзд̣̇анам̣. д̇ан̃хи гаммад̣̇ваараанам̣ асам̣гин̣н̣абхаавзна бад̇идтаабанам̣. яам̣ санд̇хааяа ‘‘аан̣ад̇д̇исамудтид̇зсуу’’д̇и адтагат̇ааяам̣ вагкад̇и. гзжи бана ‘‘згзгасмим̣ д̣̇ваарз анзгзсам̣ гаммаанам̣ бавад̇д̇ид̣̇ассанамби д̣̇ваарасам̣санд̣̇ана’’нд̇и вад̣̇анд̇и. яат̇аа бавад̇д̇о б̣яаабаад̣̇о гаммабат̇о ход̇и, д̇ам̣ д̣̇ассзд̇ум̣ ‘‘имз сад̇д̇аа хан̃н̃анд̇уу’’д̇и бавад̇д̇и б̣яаабаад̣̇асса д̣̇ассид̇аа. гааяад̣̇вааригажзд̇анааяа сахагаарийгааран̣абхаавад̇о гааяагаммавохааралаабхаа, абхиж̇жхаад̣̇ийнам̣ барасанд̇агасса ад̇д̇ано барин̣ааманавасзна ‘‘имз сад̇д̇аа хан̃н̃анд̇уу’’д̇иаад̣̇инаа жа аббавад̇д̇ад̇д̇аа маногаммавохааравирахаа, ажзд̇анаасабхаавад̇о ваа баан̣аад̇ибаад̇аад̣̇ивасзна аб̣б̣охааригаа, баан̣аад̇ибаад̇аад̣̇ибхаавзна на вад̇д̇аб̣б̣аад̇и ад̇т̇о. зд̇т̇аад̇и аб̣б̣охааригабхаавз.
Satipi pāṇātipātādicetanāya vacīdvārādīsu pavattiyaṃ yathāvuttayebhuyyatabbahulavuttiyā kāyakammādibhāvavavatthāpanaṃ kāyādikassa taṃtaṃdvārabhāvavavatthāpanañca kammadvārābhedanaṃ. Tañhi kammadvārānaṃ asaṃkiṇṇabhāvena patiṭṭhāpanaṃ. Yaṃ sandhāya ‘‘āṇattisamuṭṭhitesū’’ti aṭṭhakathāyaṃ vakkhati. Keci pana ‘‘ekekasmiṃ dvāre anekesaṃ kammānaṃ pavattidassanampi dvārasaṃsandana’’nti vadanti. Yathā pavatto byāpādo kammapatho hoti, taṃ dassetuṃ ‘‘ime sattā haññantū’’ti pavatti byāpādassa dassitā. Kāyadvārikacetanāya sahakārīkāraṇabhāvato kāyakammavohāralābhā, abhijjhādīnaṃ parasantakassa attano pariṇāmanavasena ‘‘ime sattā haññantū’’tiādinā ca appavattattā manokammavohāravirahā, acetanāsabhāvato vā pāṇātipātādivasena abbohārikā, pāṇātipātādibhāvena na vattabbāti attho. Etthāti abbohārikabhāve.
д̣̇асавид̇хаа ид̣̇д̇хи…бз… д̇аб̣б̣аа вид̇т̇аарзнаад̇и ад̇хиббааяо.
Dasavidhā iddhi…pe… tabbā vitthārenāti adhippāyo.
д̇знаад̇хиббзд̇анд̇и ‘‘агусалам̣ важийгаммам̣ манод̣̇ваарз самудтаад̇ий’’д̇и вад̣̇анд̇зна ад̇хиббзд̇ам̣. ‘‘на убосат̇агканд̇хагз вуд̇д̇а’’нд̇и гасмаа вуд̇д̇ам̣, нану д̇зна убосат̇агканд̇хагад̇о суд̇д̇ам̣ аахаданд̇и? гин̃жааби аахадам̣, д̇ад̇т̇а авуд̇д̇оязва бана со д̇зна вуд̇д̇од̇и г̇ахид̇од̇и д̣̇ассзнд̇о ‘‘д̇ад̇т̇а авуд̇д̇амзваа’’д̇иаад̣̇имааха.
Tenādhippetanti ‘‘akusalaṃ vacīkammaṃ manodvāre samuṭṭhātī’’ti vadantena adhippetaṃ. ‘‘Na uposathakkhandhake vutta’’nti kasmā vuttaṃ, nanu tena uposathakkhandhakato suttaṃ āhaṭanti? Kiñcāpi āhaṭaṃ, tattha avuttoyeva pana so tena vuttoti gahitoti dassento ‘‘tattha avuttamevā’’tiādimāha.
‘‘суг̇ад̇ид̣̇уг̇г̇ад̇ийсу убабаж̇ж̇анам̣ сугад̇ад̣̇уггадагаммад̇о на ход̇и, канд̇хасиваад̣̇ийхи бана ход̇ийд̇и г̇ахзд̇ваа ‘над̇т̇и д̣̇инна’нд̇иаад̣̇инаа бараамасанд̇асса васзна ‘мижчаад̣̇идти…бз… барибхан̣д̣аад̣̇ийни гарод̇ий’д̇и вуд̇д̇а’’нд̇и вад̣̇анд̇и. абхиж̇жхаад̣̇ибад̇хаанад̇д̇аад̇и зд̇зна виж̇ж̇амаанзсуби б̣яаабаад̣̇аад̣̇ийсу яад̣̇аа гааяаважийд̣̇ваарзсу жзд̇анаа б̣алавад̇ий ход̇и, на д̇ат̇аа ид̇арз, д̇ад̣̇аа бад̇хаанабхаавад̇о жзд̇анаа гааяагаммам̣ важийгамманд̇и жа вохаарам̣ лабхад̇и. со ко банассаа бад̇хаанабхааво баан̣аад̇ибаад̇аад̣̇исид̣̇д̇хияаа вин̃н̃ааяад̇и. яад̣̇аа бана д̇зсуязва д̣̇ваарзсу абхиж̇жхаад̣̇аяо б̣алаванд̇о хонд̇и, на д̇ат̇аа жзд̇анаа, д̇ад̣̇аа д̇ад̇т̇а виж̇ж̇амаанааби жзд̇анаа абад̇хаанабхаавад̇о гааяагаммам̣ важийгамманд̇и жа вохаарам̣ на лабхад̇и. абхиж̇жхаад̣̇аяо бана бад̇хаанабхаавад̇о сад̇иби гааяан̇г̇аваажан̇г̇ажобанз сагзна вавад̇т̇аанзна маногамманд̇взва вужжанд̇ийд̇и д̣̇ассзд̇и. яз бана ‘‘д̇ийсуби д̣̇ваарзсу гаммабат̇абхаавзна аббад̇д̇ияаа д̣̇ваарад̇д̇аязби гаммабат̇аббад̇д̇аманогаммзна саха бавад̇д̇ияаа жа жзд̇анаа зд̇т̇а гамманд̇и на вужжад̇ий’’д̇и вад̣̇анд̇и, д̇зхи абхиж̇жхаад̣̇ийнам̣ бад̇хаанасабхаавам̣язва санд̇хааяа вуд̇д̇ам̣ сияаа. ат̇а ваа жзд̇анааяа ниббарияааяагаммабхаавад̇о барияааяагаммз анаварод̇хзд̇аб̣б̣ад̇д̇аа ‘‘аб̣б̣охааригаа’’д̇и вуд̇д̇ам̣. ад̇д̇ано сабхаавзнзва бана саа зд̇т̇ааби гамманд̇и вужжад̇и. яат̇ааха ‘‘жзд̇анаахам̣, бхигкавз, гаммам̣ вад̣̇аамий’’д̇иаад̣̇и (гат̇аа. 539). адтагат̇ааяан̃жа ‘‘д̇асмим̣ д̣̇ваарз сид̣̇д̇хаа жзд̇анаа’’д̇иаад̣̇инаа жзд̇анааязва бад̇хаанам̣ гад̇ваа вуд̇д̇ам̣. д̇знзвааха ‘‘сабхаавзнзва саа маногамма’’нд̇иаад̣̇и. ат̇а ваа гаммабат̇аббад̇д̇аабхиж̇жхаад̣̇ийхи гааяаважийд̣̇ваарз сахаж̇аад̇аа жзд̇анаа гааяаважийгаммавасзна аб̣б̣охааригаа жзд̇анаасан̇каад̇аманогаммад̇д̇аад̇и. яад̣̇и абхиж̇жхаад̣̇аяо бад̇хаанаа, на жзд̇анаа, звам̣ сад̇и абхиж̇жхаад̣̇аяо жзд̇т̇а гаммам̣, на жзд̇анаа, абхиж̇жхаад̣̇ибагкигаа ваа саа сияаад̇и ануяог̇ам̣ манаси гад̇ваа ааха ‘‘д̇ивид̇хаа, бхигкавз’’д̇иаад̣̇и. ‘‘жзд̇анааби…бз… манод̣̇ваарз зва самудтаханд̇ий’’д̇и ид̣̇ам̣ манод̣̇ваарз жзд̇анааяа абхиж̇жхаад̣̇ийхи маногаммабхаавз ниб̣б̣исзсабхаавад̣̇ассананд̇и гад̇ваа ‘‘жзд̇анаа…бз… ад̇хиббааяо’’д̇и ааха. жзд̇анаа жзд̇анаагаммам̣, абхиж̇жхаад̣̇аяо жзд̇анаасамбаяуд̇д̇агамманд̇и зд̇д̇агамзва хи зд̇т̇а висзсод̇и. зд̇т̇а жа жзд̇анааяа гааяаважийгаммабхааво сияаад̇и аасан̇гааяа абхаавад̇о манод̣̇ваарз агусалагааяаважийгаммаанам̣ ануббад̇д̇ид̇о жа аб̣б̣охааригаад̇и на вуд̇д̇анд̇и д̣̇адтаб̣б̣ам̣.
‘‘Sugatiduggatīsu upapajjanaṃ sukatadukkaṭakammato na hoti, khandhasivādīhi pana hotīti gahetvā ‘natthi dinna’ntiādinā parāmasantassa vasena ‘micchādiṭṭhi…pe… paribhaṇḍādīni karotī’ti vutta’’nti vadanti. Abhijjhādipadhānattāti etena vijjamānesupi byāpādādīsu yadā kāyavacīdvāresu cetanā balavatī hoti, na tathā itare, tadā padhānabhāvato cetanā kāyakammaṃ vacīkammanti ca vohāraṃ labhati. So kho panassā padhānabhāvo pāṇātipātādisiddhiyā viññāyati. Yadā pana tesuyeva dvāresu abhijjhādayo balavanto honti, na tathā cetanā, tadā tattha vijjamānāpi cetanā apadhānabhāvato kāyakammaṃ vacīkammanti ca vohāraṃ na labhati. Abhijjhādayo pana padhānabhāvato satipi kāyaṅgavācaṅgacopane sakena vavatthānena manokammantveva vuccantīti dasseti. Ye pana ‘‘tīsupi dvāresu kammapathabhāvena appattiyā dvārattayepi kammapathappattamanokammena saha pavattiyā ca cetanā ettha kammanti na vuccatī’’ti vadanti, tehi abhijjhādīnaṃ padhānasabhāvaṃyeva sandhāya vuttaṃ siyā. Atha vā cetanāya nippariyāyakammabhāvato pariyāyakamme anavarodhetabbattā ‘‘abbohārikā’’ti vuttaṃ. Attano sabhāveneva pana sā etthāpi kammanti vuccati. Yathāha ‘‘cetanāhaṃ, bhikkhave, kammaṃ vadāmī’’tiādi (kathā. 539). Aṭṭhakathāyañca ‘‘tasmiṃ dvāre siddhā cetanā’’tiādinā cetanāyeva padhānaṃ katvā vuttaṃ. Tenevāha ‘‘sabhāveneva sā manokamma’’ntiādi. Atha vā kammapathappattaabhijjhādīhi kāyavacīdvāre sahajātā cetanā kāyavacīkammavasena abbohārikā cetanāsaṅkhātamanokammattāti. Yadi abhijjhādayo padhānā, na cetanā, evaṃ sati abhijjhādayo cettha kammaṃ, na cetanā, abhijjhādipakkhikā vā sā siyāti anuyogaṃ manasi katvā āha ‘‘tividhā, bhikkhave’’tiādi. ‘‘Cetanāpi…pe… manodvāre eva samuṭṭhahantī’’ti idaṃ manodvāre cetanāya abhijjhādīhi manokammabhāve nibbisesabhāvadassananti katvā ‘‘cetanā…pe… adhippāyo’’ti āha. Cetanā cetanākammaṃ, abhijjhādayo cetanāsampayuttakammanti ettakameva hi ettha visesoti. Ettha ca cetanāya kāyavacīkammabhāvo siyāti āsaṅkāya abhāvato manodvāre akusalakāyavacīkammānaṃ anuppattito ca abbohārikāti na vuttanti daṭṭhabbaṃ.
вирад̇ивисидтаад̇и вирад̇ид̇о жзд̇анааяа бад̇хаанабхаавамааха. д̇ад̇т̇а ‘‘д̇ивид̇хаа, бхигкавз, гааяасан̃жзд̇анаа’’д̇иаад̣̇инаа (гат̇аа. 539) ааг̇амамхи ‘‘баан̣аад̇ибаад̇аад̣̇ибадибагкабхууд̇аа’’д̇и яуд̇д̇им̣ д̣̇ассзд̇и. яасмаа жа бадтаанз жзд̇анаава ‘‘гаммабажжаяо’’д̇и вуд̇д̇аа, на вирад̇и, абхиж̇жхаад̣̇аяо ваа, д̇асмаа ниббарияааязна гаммам̣ ‘‘жзд̇анаа’’д̇и анабхиж̇жхаад̣̇аяо ‘‘жзд̇анаабагкигаа ваа’’д̇и вуд̇д̇аад̇и взд̣̇ид̇аб̣б̣ам̣. асан̇гарад̇о гаммад̣̇ваараани вавад̇т̇абзнд̇о ‘‘рагкад̇ий’’д̇и, вибарияааязна ‘‘бхинд̣̇ад̇ий’’д̇и вуд̇д̇од̇и рагкан̣абхинд̣̇анаани анаасзд̇ваа наасзд̇ваа жа гат̇ананд̇и вуд̇д̇аанийд̇и.
Virativisiṭṭhāti viratito cetanāya padhānabhāvamāha. Tattha ‘‘tividhā, bhikkhave, kāyasañcetanā’’tiādinā (kathā. 539) āgamamhi ‘‘pāṇātipātādipaṭipakkhabhūtā’’ti yuttiṃ dasseti. Yasmā ca paṭṭhāne cetanāva ‘‘kammapaccayo’’ti vuttā, na virati, abhijjhādayo vā, tasmā nippariyāyena kammaṃ ‘‘cetanā’’ti anabhijjhādayo ‘‘cetanāpakkhikā vā’’ti vuttāti veditabbaṃ. Asaṅkarato kammadvārāni vavatthapento ‘‘rakkhatī’’ti, vipariyāyena ‘‘bhindatī’’ti vuttoti rakkhaṇabhindanāni anāsetvā nāsetvā ca kathananti vuttānīti.
гаммагат̇ааван̣н̣анаа нидтид̇аа.
Kammakathāvaṇṇanā niṭṭhitā.
д̇ад̇ияо вигаббо батамажад̇уд̇т̇авин̃н̃аан̣ад̣̇ваарзсуязва лаб̣бхад̇и, на ид̇арад̇т̇а ‘‘сод̇ам̣ гхаана’’нд̇иаад̣̇инаа авуд̇д̇ад̇д̇аа, ид̇арат̇ааби ваа авибхад̇д̇игз нид̣̇д̣̇зсз лаб̣бхад̇и. яад̇о сам̣варавасзна баад̇имогкасийлам̣ бавад̇д̇ад̇и, д̇ам̣ д̣̇уссийляанд̇и ааха ‘‘д̣̇уссийляам̣ баан̣аад̇ибаад̇аад̣̇ижзд̇анаа’’д̇и. ид̇араа сам̣варавинимуд̇д̇аа абхиж̇жхаад̣̇оманассаяуд̇д̇аа д̇аббад̇хаанаа ваа агусалад̇хаммаа сад̇ибадибагкаа агусалаа д̇хаммаа . аарамман̣з жид̇д̇авоссаг̇г̇авасзна бавад̇д̇о агусалажид̇д̇уббаад̣̇о бамаад̣̇о. вийрияабанод̣̇анабхаавад̇о т̇инамид̣̇д̇хам̣ ‘‘госаж̇ж̇а’’нд̇и вуд̇д̇ам̣, т̇инамид̣̇д̇хаббад̇хаано ваа жид̇д̇уббаад̣̇о.
Tatiyo vikappo paṭhamacatutthaviññāṇadvāresuyeva labbhati, na itarattha ‘‘sotaṃ ghāna’’ntiādinā avuttattā, itarathāpi vā avibhattike niddese labbhati. Yato saṃvaravasena pātimokkhasīlaṃ pavattati, taṃ dussīlyanti āha ‘‘dussīlyaṃ pāṇātipātādicetanā’’ti. Itarā saṃvaravinimuttā abhijjhādomanassayuttā tappadhānā vā akusaladhammā satipaṭipakkhā akusalā dhammā. Ārammaṇe cittavossaggavasena pavatto akusalacittuppādo pamādo. Vīriyapanodanabhāvato thinamiddhaṃ ‘‘kosajja’’nti vuttaṃ, thinamiddhappadhāno vā cittuppādo.
асуд̣̇д̇хад̇аад̇и агзвалад̇аа ан̃н̃зна саммиссад̇аа. д̣̇вааран̃хи д̣̇вааранд̇аригагаммасса д̣̇ваарам̣ хонд̇ам̣ д̇зна миссид̇ам̣ вияа ход̇и. д̇знзвааха ‘‘мусааваад̣̇аад̣̇иноби гааяад̣̇ваарз бавад̇д̇исаб̣бхааваа’’д̇и. гзжи бана ‘‘авин̃н̃зяяамаананд̇араанам̣ д̣̇вааранд̇аражид̇д̇аанам̣ анд̇аранд̇араа аббавад̇д̇ид̇о суд̣̇д̇ханд̇и вуд̇д̇а’’нд̇и вад̣̇анд̇и, д̇ам̣ анзгассаби ж̇аванаваарасса гааяагаммаад̣̇ибхаавзна баб̣анд̇ханавасзна бавад̇д̇и ад̇т̇ийд̇и гад̇ваа вуд̇д̇ам̣. авируд̣̇д̇хам̣ ход̇ийд̇и агусалагааяагаммаад̣̇ибхаавзна авад̇хаарзд̇ваа асам̣варам̣ вад̇ваа буна д̇ассзва ваажааасам̣варад̣̇ваараад̣̇ийсу уббад̇д̇иважанам̣ гааяад̣̇вааруубалагкид̇о асам̣варо д̣̇вааранд̇арз бавад̇д̇оби гааяад̣̇ваариго зваад̇и звам̣ сам̣ван̣н̣анааяа сад̇и на вируж̇жхад̇ийд̇и ад̇т̇о. ид̣̇аани д̇ам̣ авируж̇жханаагаарам̣ ‘‘асам̣варо хий’’д̇иаад̣̇инаа вибхаавзд̇и. сад̣̇ваарзд̇и ад̇д̇ано д̣̇ваарз. асам̣варо д̣̇вааранд̇арз уббаж̇ж̇амааноби сад̣̇вааравасзна уббаннод̇и вужжад̇ийд̇и зд̇зна ваажааасам̣варад̣̇ваарз уббанноби гааяиго асам̣варо жобанагааяаасам̣варад̣̇вааравасзна уббаннод̇взва вуд̇д̇од̇и д̣̇адтаб̣б̣ам̣. зса наяо ид̇арад̇т̇ааби. гаммам̣ ан̃н̃ад̣̇ваарзд̇и гаммасса д̣̇вааранд̇аражаран̣ам̣ баагаданд̇и гад̇ваа вуд̇д̇ам̣.
Asuddhatāti akevalatā aññena sammissatā. Dvārañhi dvārantarikakammassa dvāraṃ hontaṃ tena missitaṃ viya hoti. Tenevāha ‘‘musāvādādinopi kāyadvāre pavattisabbhāvā’’ti. Keci pana ‘‘aviññeyyamānantarānaṃ dvārantaracittānaṃ antarantarā appavattito suddhanti vutta’’nti vadanti, taṃ anekassapi javanavārassa kāyakammādibhāvena pabandhanavasena pavatti atthīti katvā vuttaṃ. Aviruddhaṃ hotīti akusalakāyakammādibhāvena avadhāretvā asaṃvaraṃ vatvā puna tasseva vācāasaṃvaradvārādīsu uppattivacanaṃ kāyadvārūpalakkhito asaṃvaro dvārantare pavattopi kāyadvāriko evāti evaṃ saṃvaṇṇanāya sati na virujjhatīti attho. Idāni taṃ avirujjhanākāraṃ ‘‘asaṃvaro hī’’tiādinā vibhāveti. Sadvāreti attano dvāre. Asaṃvaro dvārantare uppajjamānopi sadvāravasena uppannoti vuccatīti etena vācāasaṃvaradvāre uppannopi kāyiko asaṃvaro copanakāyaasaṃvaradvāravasena uppannotveva vuttoti daṭṭhabbaṃ. Esa nayo itaratthāpi. Kammaṃ aññadvāreti kammassa dvārantaracaraṇaṃ pākaṭanti katvā vuttaṃ.
звам̣ сад̇ийд̇и жобанасан̇каад̇з гааяаасам̣варад̣̇ваарз асам̣варод̇и зд̇д̇агз зва г̇ахид̇з. гаммабат̇абхааваббад̇д̇ассзва гаммабхааво адтагат̇ааяам̣ вуд̇д̇од̇и ааха ‘‘гаммабат̇абхааваббад̇д̇ад̇ааяа важийманогамма’’нд̇и. сзсанд̇и д̣̇вааранд̇араанубалагкид̇ам̣. д̇ат̇аа на вужжад̇ийд̇и гааяагамманд̇и на вужжад̇ийд̇и ад̇т̇о. д̇ад̇т̇зва вагкаамаад̇и гаммабат̇асам̣санд̣̇анз вагкаама. ‘‘со хи гааяад̣̇ваарз жобанаббад̇д̇о агусалам̣ гааяагаммам̣ ход̇ий’’д̇иаад̣̇инаа (д̇ха. са. адта. гаммабат̇асам̣санд̣̇анагат̇аа) ‘‘жобанагааяаасам̣варад̣̇вааравасзна уббанно агусалам̣ гааяагаммамзва ход̇ий’’д̇иаад̣̇инаа жа важийгаммаад̣̇ийнан̃жа гаммабат̇аббад̇д̇аанам̣ асам̣варабхууд̇аанам̣ гааяагаммаад̣̇ибхаавз аабаннз ‘‘жад̇уб̣б̣ид̇хам̣ важийд̣̇ужжарид̇ам̣ агусалам̣ важийгаммамзва ход̇ий’’д̇иаад̣̇инаа абаваад̣̇зна нивад̇д̇и д̣̇адтаб̣б̣аад̇и звам̣ вагкамаанад̇ам̣ санд̇хааяааха. анд̇ог̇ад̇хад̇аа д̣̇адтаб̣б̣аа бажжаяасанниссид̇аааж̇ийвабаарисуд̣̇д̇хисийлаанам̣ н̃аан̣авийриязхи саад̇хзд̇аб̣б̣ад̇д̇аад̇и ад̇хиббааяо.
Evaṃsatīti copanasaṅkhāte kāyaasaṃvaradvāre asaṃvaroti ettake eva gahite. Kammapathabhāvappattasseva kammabhāvo aṭṭhakathāyaṃ vuttoti āha ‘‘kammapathabhāvappattatāya vacīmanokamma’’nti. Sesanti dvārantarānupalakkhitaṃ. Tathā na vuccatīti kāyakammanti na vuccatīti attho. Tattheva vakkhāmāti kammapathasaṃsandane vakkhāma. ‘‘So hi kāyadvāre copanappatto akusalaṃ kāyakammaṃ hotī’’tiādinā (dha. sa. aṭṭha. kammapathasaṃsandanakathā) ‘‘copanakāyaasaṃvaradvāravasena uppanno akusalaṃ kāyakammameva hotī’’tiādinā ca vacīkammādīnañca kammapathappattānaṃ asaṃvarabhūtānaṃ kāyakammādibhāve āpanne ‘‘catubbidhaṃ vacīduccaritaṃ akusalaṃ vacīkammameva hotī’’tiādinā apavādena nivatti daṭṭhabbāti evaṃ vakkhamānataṃ sandhāyāha. Antogadhatā daṭṭhabbā paccayasannissitaājīvapārisuddhisīlānaṃ ñāṇavīriyehi sādhetabbattāti adhippāyo.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / гаммагат̇ааван̣н̣анаа • Kammakathāvaṇṇanā
