| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೨. ಕಮ್ಮಕಥಾವಣ್ಣನಾ
2. Kammakathāvaṇṇanā
೬೩೩-೬೩೫. ಇದಾನಿ ಕಮ್ಮಕಥಾ ನಾಮ ಹೋತಿ। ತತ್ಥ ‘‘ನಾಹಂ, ಭಿಕ್ಖವೇ, ಸಞ್ಚೇತನಿಕಾನಂ ಕಮ್ಮಾನ’’ನ್ತಿ (ಅ॰ ನಿ॰ ೧೦.೨೧೭) ಸುತ್ತಪದಂ ನಿಸ್ಸಾಯ ‘‘ಸಬ್ಬಂ ಕಮ್ಮಂ ಸವಿಪಾಕ’’ನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಂಘಿಕಾನಂ; ತೇಸಂ ‘‘ಚೇತನಾಹಂ, ಭಿಕ್ಖವೇ, ಕಮ್ಮಂ ವದಾಮೀ’’ತಿ (ಅ॰ ನಿ॰ ೬.೬೩) ಸತ್ಥಾರಾ ಅವಿಸೇಸೇನ ಚೇತನಾ ‘‘ಕಮ್ಮ’’ನ್ತಿ ವುತ್ತಾ; ಸಾ ಚ ಕುಸಲಾಕುಸಲಾವ ಸವಿಪಾಕಾ, ಅಬ್ಯಾಕತಾ ಅವಿಪಾಕಾತಿ ಇಮಂ ವಿಭಾಗಂ ದಸ್ಸೇತುಂ ಸಬ್ಬಂ ಕಮ್ಮನ್ತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಪುನ ಸಬ್ಬಾ ಚೇತನಾತಿ ಪಞ್ಹೇಸು ಅಬ್ಯಾಕತಂ ಸನ್ಧಾಯ ಪಟಿಕ್ಖೇಪೋ, ಕುಸಲಾಕುಸಲೇ ಸನ್ಧಾಯ ಪಟಿಞ್ಞಾ ವೇದಿತಬ್ಬಾ । ವಿಪಾಕಾಬ್ಯಾಕತಾತಿಆದಿ ಸವಿಪಾಕಾವಿಪಾಕಚೇತನಂ ಸರೂಪೇನ ದಸ್ಸೇತುಂ ವುತ್ತಂ। ಸೇಸಮೇತ್ಥ ಉತ್ತಾನತ್ಥಮೇವ। ‘‘ನಾಹಂ, ಭಿಕ್ಖವೇ’’ತಿ ಸುತ್ತಂ ಸತಿ ಪಚ್ಚಯೇ ದಿಟ್ಠಧಮ್ಮಾದೀಸು ವಿಪಾಕಪಟಿಸಂವೇದನಂ ಸನ್ಧಾಯ ವುತ್ತಂ, ತಸ್ಮಾ ಅಸಾಧಕನ್ತಿ।
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
ಕಮ್ಮಕಥಾವಣ್ಣನಾ।
Kammakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೧೭) ೨. ಕಮ್ಮಕಥಾ • (117) 2. Kammakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೨. ಕಮ್ಮಕಥಾವಣ್ಣನಾ • 2. Kammakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೨. ಕಮ್ಮಕಥಾವಣ್ಣನಾ • 2. Kammakathāvaṇṇanā
