| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
2. කම්‌මකථාවණ්‌ණනා
2. Kammakathāvaṇṇanā
633-635. ඉදානි කම්‌මකථා නාම හොති. තත්‌ථ ‘‘නාහං, භික්‌ඛවෙ, සඤ්‌චෙතනිකානං කම්‌මාන’’න්‌ති (අ. නි. 10.217) සුත්‌තපදං නිස්‌සාය ‘‘සබ්‌බං කම්‌මං සවිපාක’’න්‌ති යෙසං ලද්‌ධි, සෙය්‍යථාපි මහාසංඝිකානං; තෙසං ‘‘චෙතනාහං, භික්‌ඛවෙ, කම්‌මං වදාමී’’ති (අ. නි. 6.63) සත්‌ථාරා අවිසෙසෙන චෙතනා ‘‘කම්‌ම’’න්‌ති වුත්‌තා; සා ච කුසලාකුසලාව සවිපාකා, අබ්‍යාකතා අවිපාකාති ඉමං විභාගං දස්‌සෙතුං සබ්‌බං කම්‌මන්‌ති පුච්‌ඡා සකවාදිස්‌ස, පටිඤ්‌ඤා ඉතරස්‌ස. පුන සබ්‌බා චෙතනාති පඤ්‌හෙසු අබ්‍යාකතං සන්‌ධාය පටික්‌ඛෙපො, කුසලාකුසලෙ සන්‌ධාය පටිඤ්‌ඤා වෙදිතබ්‌බා . විපාකාබ්‍යාකතාතිආදි සවිපාකාවිපාකචෙතනං සරූපෙන දස්‌සෙතුං වුත්‌තං. සෙසමෙත්‌ථ උත්‌තානත්‌ථමෙව. ‘‘නාහං, භික්‌ඛවෙ’’ති සුත්‌තං සති පච්‌චයෙ දිට්‌ඨධම්‌මාදීසු විපාකපටිසංවෙදනං සන්‌ධාය වුත්‌තං, තස්‌මා අසාධකන්‌ති.
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
කම්‌මකථාවණ්‌ණනා.
Kammakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (117) 2. කම්‌මකථා • (117) 2. Kammakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 2. කම්‌මකථාවණ්‌ණනා • 2. Kammakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 2. කම්‌මකථාවණ්‌ණනා • 2. Kammakathāvaṇṇanā
