| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༢. ཀམྨཀཐཱཝཎྞནཱ
2. Kammakathāvaṇṇanā
༦༣༣-༦༣༥. ཨིདཱནི ཀམྨཀཐཱ ནཱམ ཧོཏི། ཏཏྠ ‘‘ནཱཧཾ, བྷིཀྑཝེ, སཉྩེཏནིཀཱནཾ ཀམྨཱན’’ནྟི (ཨ॰ ནི॰ ༡༠.༢༡༧) སུཏྟཔདཾ ནིསྶཱཡ ‘‘སབྦཾ ཀམྨཾ སཝིཔཱཀ’’ནྟི ཡེསཾ ལདྡྷི, སེཡྻཐཱཔི མཧཱསཾགྷིཀཱནཾ; ཏེསཾ ‘‘ཙེཏནཱཧཾ, བྷིཀྑཝེ, ཀམྨཾ ཝདཱམཱི’’ཏི (ཨ॰ ནི॰ ༦.༦༣) སཏྠཱརཱ ཨཝིསེསེན ཙེཏནཱ ‘‘ཀམྨ’’ནྟི ཝུཏྟཱ; སཱ ཙ ཀུསལཱཀུསལཱཝ སཝིཔཱཀཱ, ཨབྱཱཀཏཱ ཨཝིཔཱཀཱཏི ཨིམཾ ཝིབྷཱགཾ དསྶེཏུཾ སབྦཾ ཀམྨནྟི པུཙྪཱ སཀཝཱདིསྶ, པཊིཉྙཱ ཨིཏརསྶ། པུན སབྦཱ ཙེཏནཱཏི པཉྷེསུ ཨབྱཱཀཏཾ སནྡྷཱཡ པཊིཀྑེཔོ, ཀུསལཱཀུསལེ སནྡྷཱཡ པཊིཉྙཱ ཝེདིཏབྦཱ ། ཝིཔཱཀཱབྱཱཀཏཱཏིཨཱདི སཝིཔཱཀཱཝིཔཱཀཙེཏནཾ སརཱུཔེན དསྶེཏུཾ ཝུཏྟཾ། སེསམེཏྠ ཨུཏྟཱནཏྠམེཝ། ‘‘ནཱཧཾ, བྷིཀྑཝེ’’ཏི སུཏྟཾ སཏི པཙྩཡེ དིཊྛདྷམྨཱདཱིསུ ཝིཔཱཀཔཊིསཾཝེདནཾ སནྡྷཱཡ ཝུཏྟཾ, ཏསྨཱ ཨསཱདྷཀནྟི།
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
ཀམྨཀཐཱཝཎྞནཱ།
Kammakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༡༧) ༢. ཀམྨཀཐཱ • (117) 2. Kammakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༢. ཀམྨཀཐཱཝཎྞནཱ • 2. Kammakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༢. ཀམྨཀཐཱཝཎྞནཱ • 2. Kammakathāvaṇṇanā
