| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਕਮ੍ਮਕਥਾવਣ੍ਣਨਾ
2. Kammakathāvaṇṇanā
੬੩੩-੬੩੫. ਇਦਾਨਿ ਕਮ੍ਮਕਥਾ ਨਾਮ ਹੋਤਿ। ਤਤ੍ਥ ‘‘ਨਾਹਂ, ਭਿਕ੍ਖવੇ, ਸਞ੍ਚੇਤਨਿਕਾਨਂ ਕਮ੍ਮਾਨ’’ਨ੍ਤਿ (ਅ॰ ਨਿ॰ ੧੦.੨੧੭) ਸੁਤ੍ਤਪਦਂ ਨਿਸ੍ਸਾਯ ‘‘ਸਬ੍ਬਂ ਕਮ੍ਮਂ ਸવਿਪਾਕ’’ਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਮਹਾਸਂਘਿਕਾਨਂ; ਤੇਸਂ ‘‘ਚੇਤਨਾਹਂ, ਭਿਕ੍ਖવੇ, ਕਮ੍ਮਂ વਦਾਮੀ’’ਤਿ (ਅ॰ ਨਿ॰ ੬.੬੩) ਸਤ੍ਥਾਰਾ ਅવਿਸੇਸੇਨ ਚੇਤਨਾ ‘‘ਕਮ੍ਮ’’ਨ੍ਤਿ વੁਤ੍ਤਾ; ਸਾ ਚ ਕੁਸਲਾਕੁਸਲਾવ ਸવਿਪਾਕਾ, ਅਬ੍ਯਾਕਤਾ ਅવਿਪਾਕਾਤਿ ਇਮਂ વਿਭਾਗਂ ਦਸ੍ਸੇਤੁਂ ਸਬ੍ਬਂ ਕਮ੍ਮਨ੍ਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਪੁਨ ਸਬ੍ਬਾ ਚੇਤਨਾਤਿ ਪਞ੍ਹੇਸੁ ਅਬ੍ਯਾਕਤਂ ਸਨ੍ਧਾਯ ਪਟਿਕ੍ਖੇਪੋ, ਕੁਸਲਾਕੁਸਲੇ ਸਨ੍ਧਾਯ ਪਟਿਞ੍ਞਾ વੇਦਿਤਬ੍ਬਾ । વਿਪਾਕਾਬ੍ਯਾਕਤਾਤਿਆਦਿ ਸવਿਪਾਕਾવਿਪਾਕਚੇਤਨਂ ਸਰੂਪੇਨ ਦਸ੍ਸੇਤੁਂ વੁਤ੍ਤਂ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ। ‘‘ਨਾਹਂ, ਭਿਕ੍ਖવੇ’’ਤਿ ਸੁਤ੍ਤਂ ਸਤਿ ਪਚ੍ਚਯੇ ਦਿਟ੍ਠਧਮ੍ਮਾਦੀਸੁ વਿਪਾਕਪਟਿਸਂવੇਦਨਂ ਸਨ੍ਧਾਯ વੁਤ੍ਤਂ, ਤਸ੍ਮਾ ਅਸਾਧਕਨ੍ਤਿ।
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
ਕਮ੍ਮਕਥਾવਣ੍ਣਨਾ।
Kammakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੧੭) ੨. ਕਮ੍ਮਕਥਾ • (117) 2. Kammakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਕਮ੍ਮਕਥਾવਣ੍ਣਨਾ • 2. Kammakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਕਮ੍ਮਕਥਾવਣ੍ਣਨਾ • 2. Kammakathāvaṇṇanā
