| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. гамманаанаагаран̣абан̃хо
4. Kammanānākaraṇapañho
4. рааж̇аа ааха ‘‘бханд̇з нааг̇асзна, гзна гааран̣зна мануссаа на саб̣б̣з самагаа, ан̃н̃з аббааяугаа, ан̃н̃з д̣̇ийгхааяугаа, ан̃н̃з б̣ахвааб̣аад̇хаа ан̃н̃з аббааб̣аад̇хаа, ан̃н̃з д̣̇уб̣б̣ан̣н̣аа, ан̃н̃з ван̣н̣аванд̇о, ан̃н̃з аббзсагкаа, ан̃н̃з махзсагкаа, ан̃н̃з аббабхог̇аа, ан̃н̃з махаабхог̇аа, ан̃н̃з нийжагулийнаа, ан̃н̃з махаагулийнаа, ан̃н̃з д̣̇уббан̃н̃аа, ан̃н̃з бан̃н̃аванд̇о’’д̇и?
4. Rājā āha ‘‘bhante nāgasena, kena kāraṇena manussā na sabbe samakā, aññe appāyukā, aññe dīghāyukā, aññe bahvābādhā aññe appābādhā, aññe dubbaṇṇā, aññe vaṇṇavanto, aññe appesakkhā, aññe mahesakkhā, aññe appabhogā, aññe mahābhogā, aññe nīcakulīnā, aññe mahākulīnā, aññe duppaññā, aññe paññavanto’’ti?
т̇зро ааха ‘‘гисса бана, махаарааж̇а, ругкаа на саб̣б̣з самагаа, ан̃н̃з амб̣илаа, ан̃н̃з лаван̣аа, ан̃н̃з д̇ид̇д̇агаа, ан̃н̃з гадугаа, ан̃н̃з гасааваа, ан̃н̃з мад̇хураа’’д̇и? ‘‘ман̃н̃аами, бханд̇з, б̣ийж̇аанам̣ наанаагаран̣знаа’’д̇и. ‘‘звамзва ко, махаарааж̇а, гаммаанам̣ наанаагаран̣зна мануссаа на саб̣б̣з самагаа, ан̃н̃з аббааяугаа, ан̃н̃з д̣̇ийгхааяугаа, ан̃н̃з б̣ахвааб̣аад̇хаа, ан̃н̃з аббааб̣аад̇хаа, ан̃н̃з д̣̇уб̣б̣ан̣н̣аа, ан̃н̃з ван̣н̣аванд̇о, ан̃н̃з аббзсагкаа, ан̃н̃з махзсагкаа, ан̃н̃з аббабхог̇аа, ан̃н̃з махаабхог̇аа, ан̃н̃з нийжагулийнаа, ан̃н̃з махаагулийнаа, ан̃н̃з д̣̇уббан̃н̃аа, ан̃н̃з бан̃н̃аванд̇о. бхаасид̇амбзд̇ам̣ махаарааж̇а бхаг̇авад̇аа – ‘гаммассагаа, маан̣ава, сад̇д̇аа гаммад̣̇ааяаад̣̇аа гаммаяоний гаммаб̣анд̇хуу гаммаббадисаран̣аа, гаммам̣ сад̇д̇з вибхаж̇ад̇и яад̣̇ид̣̇ам̣ хийнаббан̣ийд̇ад̇ааяаа’’’д̇и.
Thero āha ‘‘kissa pana, mahārāja, rukkhā na sabbe samakā, aññe ambilā, aññe lavaṇā, aññe tittakā, aññe kaṭukā, aññe kasāvā, aññe madhurā’’ti? ‘‘Maññāmi, bhante, bījānaṃ nānākaraṇenā’’ti. ‘‘Evameva kho, mahārāja, kammānaṃ nānākaraṇena manussā na sabbe samakā, aññe appāyukā, aññe dīghāyukā, aññe bahvābādhā, aññe appābādhā, aññe dubbaṇṇā, aññe vaṇṇavanto, aññe appesakkhā, aññe mahesakkhā, aññe appabhogā, aññe mahābhogā, aññe nīcakulīnā, aññe mahākulīnā, aññe duppaññā, aññe paññavanto. Bhāsitampetaṃ mahārāja bhagavatā – ‘kammassakā, māṇava, sattā kammadāyādā kammayonī kammabandhū kammappaṭisaraṇā, kammaṃ satte vibhajati yadidaṃ hīnappaṇītatāyā’’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
гамманаанаагаран̣абан̃хо жад̇уд̇т̇о.
Kammanānākaraṇapañho catuttho.
