| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਕਮ੍ਮਨਾਨਾਕਰਣਪਞ੍ਹੋ
4. Kammanānākaraṇapañho
੪. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਕੇਨ ਕਾਰਣੇਨ ਮਨੁਸ੍ਸਾ ਨ ਸਬ੍ਬੇ ਸਮਕਾ, ਅਞ੍ਞੇ ਅਪ੍ਪਾਯੁਕਾ, ਅਞ੍ਞੇ ਦੀਘਾਯੁਕਾ, ਅਞ੍ਞੇ ਬਹ੍વਾਬਾਧਾ ਅਞ੍ਞੇ ਅਪ੍ਪਾਬਾਧਾ, ਅਞ੍ਞੇ ਦੁਬ੍ਬਣ੍ਣਾ, ਅਞ੍ਞੇ વਣ੍ਣવਨ੍ਤੋ, ਅਞ੍ਞੇ ਅਪ੍ਪੇਸਕ੍ਖਾ, ਅਞ੍ਞੇ ਮਹੇਸਕ੍ਖਾ, ਅਞ੍ਞੇ ਅਪ੍ਪਭੋਗਾ, ਅਞ੍ਞੇ ਮਹਾਭੋਗਾ, ਅਞ੍ਞੇ ਨੀਚਕੁਲੀਨਾ, ਅਞ੍ਞੇ ਮਹਾਕੁਲੀਨਾ, ਅਞ੍ਞੇ ਦੁਪ੍ਪਞ੍ਞਾ, ਅਞ੍ਞੇ ਪਞ੍ਞવਨ੍ਤੋ’’ਤਿ?
4. Rājā āha ‘‘bhante nāgasena, kena kāraṇena manussā na sabbe samakā, aññe appāyukā, aññe dīghāyukā, aññe bahvābādhā aññe appābādhā, aññe dubbaṇṇā, aññe vaṇṇavanto, aññe appesakkhā, aññe mahesakkhā, aññe appabhogā, aññe mahābhogā, aññe nīcakulīnā, aññe mahākulīnā, aññe duppaññā, aññe paññavanto’’ti?
ਥੇਰੋ ਆਹ ‘‘ਕਿਸ੍ਸ ਪਨ, ਮਹਾਰਾਜ, ਰੁਕ੍ਖਾ ਨ ਸਬ੍ਬੇ ਸਮਕਾ, ਅਞ੍ਞੇ ਅਮ੍ਬਿਲਾ, ਅਞ੍ਞੇ ਲવਣਾ, ਅਞ੍ਞੇ ਤਿਤ੍ਤਕਾ, ਅਞ੍ਞੇ ਕਟੁਕਾ, ਅਞ੍ਞੇ ਕਸਾવਾ, ਅਞ੍ਞੇ ਮਧੁਰਾ’’ਤਿ? ‘‘ਮਞ੍ਞਾਮਿ, ਭਨ੍ਤੇ, ਬੀਜਾਨਂ ਨਾਨਾਕਰਣੇਨਾ’’ਤਿ। ‘‘ਏવਮੇવ ਖੋ, ਮਹਾਰਾਜ, ਕਮ੍ਮਾਨਂ ਨਾਨਾਕਰਣੇਨ ਮਨੁਸ੍ਸਾ ਨ ਸਬ੍ਬੇ ਸਮਕਾ, ਅਞ੍ਞੇ ਅਪ੍ਪਾਯੁਕਾ, ਅਞ੍ਞੇ ਦੀਘਾਯੁਕਾ, ਅਞ੍ਞੇ ਬਹ੍વਾਬਾਧਾ, ਅਞ੍ਞੇ ਅਪ੍ਪਾਬਾਧਾ, ਅਞ੍ਞੇ ਦੁਬ੍ਬਣ੍ਣਾ, ਅਞ੍ਞੇ વਣ੍ਣવਨ੍ਤੋ, ਅਞ੍ਞੇ ਅਪ੍ਪੇਸਕ੍ਖਾ, ਅਞ੍ਞੇ ਮਹੇਸਕ੍ਖਾ, ਅਞ੍ਞੇ ਅਪ੍ਪਭੋਗਾ, ਅਞ੍ਞੇ ਮਹਾਭੋਗਾ, ਅਞ੍ਞੇ ਨੀਚਕੁਲੀਨਾ, ਅਞ੍ਞੇ ਮਹਾਕੁਲੀਨਾ, ਅਞ੍ਞੇ ਦੁਪ੍ਪਞ੍ਞਾ, ਅਞ੍ਞੇ ਪਞ੍ਞવਨ੍ਤੋ। ਭਾਸਿਤਮ੍ਪੇਤਂ ਮਹਾਰਾਜ ਭਗવਤਾ – ‘ਕਮ੍ਮਸ੍ਸਕਾ, ਮਾਣવ, ਸਤ੍ਤਾ ਕਮ੍ਮਦਾਯਾਦਾ ਕਮ੍ਮਯੋਨੀ ਕਮ੍ਮਬਨ੍ਧੂ ਕਮ੍ਮਪ੍ਪਟਿਸਰਣਾ, ਕਮ੍ਮਂ ਸਤ੍ਤੇ વਿਭਜਤਿ ਯਦਿਦਂ ਹੀਨਪ੍ਪਣੀਤਤਾਯਾ’’’ਤਿ।
Thero āha ‘‘kissa pana, mahārāja, rukkhā na sabbe samakā, aññe ambilā, aññe lavaṇā, aññe tittakā, aññe kaṭukā, aññe kasāvā, aññe madhurā’’ti? ‘‘Maññāmi, bhante, bījānaṃ nānākaraṇenā’’ti. ‘‘Evameva kho, mahārāja, kammānaṃ nānākaraṇena manussā na sabbe samakā, aññe appāyukā, aññe dīghāyukā, aññe bahvābādhā, aññe appābādhā, aññe dubbaṇṇā, aññe vaṇṇavanto, aññe appesakkhā, aññe mahesakkhā, aññe appabhogā, aññe mahābhogā, aññe nīcakulīnā, aññe mahākulīnā, aññe duppaññā, aññe paññavanto. Bhāsitampetaṃ mahārāja bhagavatā – ‘kammassakā, māṇava, sattā kammadāyādā kammayonī kammabandhū kammappaṭisaraṇā, kammaṃ satte vibhajati yadidaṃ hīnappaṇītatāyā’’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਕਮ੍ਮਨਾਨਾਕਰਣਪਞ੍ਹੋ ਚਤੁਤ੍ਥੋ।
Kammanānākaraṇapañho catuttho.
